ó÷óí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda endilikda turagentlik faoliyatini amalga oshirish uchun litsenziya olish tartibi bekor qilinib, uning o‘rniga turagentlik faoliyatini boshlaganlik yoki tugatganlik haqida xabarnoma yuborish tartibi joriy etiladi. gazeta.uz »
Uchtepa tumanida fuqaro Germaniya vizasini olib berish uchun besh kishidan 12 ming dollar so‘ragani aniqlandi. U pulning 6 ming dollarini olgan vaqtida qo‘lga tushdi. Samarqandda esa fuqarolarni Germaniya va Angliyaga yuborish uchun 12,7 ming dollar olgan shaxs ushlandi. gazeta.uz »
Yevropa Ittifoqi O‘zbekistonda fuqarolik jamiyatini rivojlantirish bo‘yicha loyihalarni 2,9 mln yevro mablag‘ bilan qo‘llab-quvvatladi. Yangi tashabbuslar gender tengligi, huquqiy ta’lim va mediasavodxonlik kabi sohalarni qamrab oladi. gazeta.uz »
Tarixdagi eng dahshatli texnogen falokatlardan biri hisoblangan Chernobil fojiasiga 39 yil to‘ldi. “Gazeta.uz” sana munosabati bilan bu mavzudagi eng ta’sirli monologlarni o‘zida jamlagan belaruslik yozuvchi Svetlana Aleksiyevichning “Chernobil tavallosi” kitobidan parchalar havola etadi. gazeta.uz »
Dubayda 15 nafar o‘zbekistonlik jinoiy to‘qnashuvda ishtirok etishda gumonlanib qo‘lga olindi. BAA O‘zbekiston fuqarolari tomonidan “qonunbuzarlik holatlari ko‘payayotgani” vizasiz tartibga ta’sir ko‘rsatishi mumkinligini bildirdi. gazeta.uz »
24-apreldan my. gov. uz portalida yangi avtomashinani ro‘yxatdan o‘tkazish uchun onlayn ariza berish imkoniyati paydo bo‘ldi. Xizmat hozircha YHXXning Toshkent shahridagi faqat bitta bo‘limida mavjud. gazeta.uz »
Olmaliq shahrida 8 yoshli bolasining qo‘l va oyoq barmoqlariga paxta tiqib yoqqan ona 2 yilga qamaldi. U bu ishni farzandi ruxsatsiz shirinlik yegani uchun qilgan. Boladagi jarohatlarni maktabdagi o‘qituvchilari payqab qolgan. gazeta.uz »
2025-yil 1-sentabrgacha “Haj va Umra yagona portali” va uning mobil ilovasi yaratiladi. U orqali fuqarolar elektron navbatga turishi, ziyorat uchun ro‘yxatdan o‘tishi, zarur ma’lumotlarni olishi mumkin bo‘ladi. gazeta.uz »
O‘zbekiston Xitoy bilan hamkorlikda haroratni mo‘tadillashtiruvchi “aqlli” plyonka ishlab chiqarishni yo‘lga qo‘yadi. Fanlar akademiyasiga ko‘ra, nano-zarrachalarga ega bunday plyonkali issiqxonalarda energiya va suv sarfi kamayib, o‘simliklar 2 baravargacha tez o‘sadi. gazeta.uz »
O‘zbekistonda 1-iyundan boshlab xorijiy davlatlar fuqarolari va fuqaroligi bo‘lmagan shaxslar uchun besh yil muddatga yashash guvohnomasini olish tartibi soddalashtiriladi. Hujjat ko‘chmas mulk sotib olmasdan 200 ming dollar to‘lov evaziga berilishi mumkin. gazeta.uz »
Davlat xavfsizligi xizmati Sirdaryo, Toshkent, Xorazm, Andijon va Farg‘ona viloyatlarida yer maydonlarini sotish va hujjatlarda turini o‘zgartirish bilan bog‘liq korrupsiyaviy holatlarni aniqlandi. Xususan, Toshkentda bog‘dorchilik uchun ajratgan 6 gektar yerni 455 ming dollarga sotmoqchi bo‘lgan shaxslar ushlandi. gazeta.uz »
O‘zbekistonda 1-sentabrdan boshlab har bir qurilish obyekti uchun QR-kodli pasport joriy etiladi. U orqali quruvchi, loyiha va qurilish sanalari haqida ma’lumot olish mumkin bo‘ladi. Tajriba tariqasida Qashqadaryodagi qurilish obyektlarida davlat budjeti hisobidan videokameralar o‘rnatiladi. gazeta.uz »
“Agrobank”da korrupsiya alomatlari kuzatilayotgani haqida bir yil avval e’lon qilingan material uchun Uzdiplomat.uz nashri va jurnalist Nodir Norto‘rayevga chora ko‘rildi. Ular bankning ishchanlik obro‘siga putur yetkazuvchi ma’lumotlar tarqatishda aybdor deb topildi. Nashrga raddiya chiqarish majburiyati yuklandi. gazeta.uz »
Sirdaryo viloyatida xususiy klinikalarning soliq hisobotlarida qonunbuzarliklar aniqlandi. Yuqori toifali shifokorlarning o‘rtacha oylik maoshi rasman 2,2 million so‘mni tashkil etgan bo‘lsa, amalda - 8 dan 35 milliongacha. gazeta.uz »
Hukumat O‘zbekistonda moped va skuterlarni boshqarish uchun haydovchilik guvohnomasiga ega bo‘lish majburiyatini 2025-yil 1-martdan 1-oktabrga ko‘chirdi. gazeta.uz »
Jizzax viloyatida RITM-200N reaktorlariga ega kichik atom elektr stansiyasi loyihasi doirasida qurilish-montaj bazasining (QMB) birinchi bosqichi qurilishi boshlandi. Ushbu baza energobloklar qurilishining butun davri uchun infratuzilmaning asosiy elementiga aylanadi. gazeta.uz »
Davaktiv Toshkentning Mirobod tumanidagi “Beshqo‘rg‘on” bozori (“Risoviy” nomi bilan mashhur) filialining bino va inshootlarini kimoshdi savdosiga qo‘ydi. Uning o‘rnida ekobozor, do‘konlar, kinoteatrlar, bolalar maydonchalari, fitnes va biznes markazidan iborat 6 qavatli savdo majmuasini qurish reja qilinmoqda. gazeta.uz »
Saudiya Arabistonidagi forumda O‘zbekiston Maktabgacha va maktab ta’limi vazirligi va Islom taraqqiyot banki o‘rtasida 40 mln dollarlik grant shartnomasi imzolandi. Loyiha 6 ta asosiy yo‘nalishni, jumladan, inklyuziv maktablar qurish va o‘quv dasturlarini takomillashtirishni o‘z ichiga oladi. gazeta.uz »
Raqobat qo‘mitasi Turkiya fuqarosiga sog‘lig‘i uchun muhim bo‘lgan glyutensiz ovqat taqdim etilmagani uchun Uzbekistan Airways’ga chora ko‘rdi. Shuningdek, kompaniya samolyotidagi sanitariya-gigiyena talablari yuzasidan qo‘shimcha nazorat choralarini kuchaytirish belgilandi. gazeta.uz »
O‘zbekiston prezidentining tashqi siyosat masalalari bo‘yicha maxsus vakili Abdulaziz Kamilov “Italiya oldidagi xizmatlari uchun” ordenining “Ofitser” darajasi bilan mukofotlandi. Orden Italiya fuqarolari va chet elliklarga adabiyot, xayriya, ijtimoiy va gumanitar faoliyat hamda boshqa xizmatlar uchun beriladi. gazeta.uz »
Markaziy bank naqd pulsiz hisob-kitoblarda universal to‘lov QR-kodini yaratmoqchi. MB vakilining aytishicha, hozirda savdo nuqtalarida tadbirkorlar tomonidan ko‘pincha QR-kodli bir nechta taxtachalar o‘rnatilgan bo‘ladi, bu esa xaridorlarga noqulayliklar tug‘diradi. QR-kodni ishlab chiqish uchun 1 yil kerak bo‘ladi. gazeta.uz »
Prezident qonunga xilof ravishda to‘siqlar o‘rnatgan va ko‘chalarni to‘sib qo‘ygan fuqarolar va mansabdor shaxslarga jarimani nazarda tutuvchi qonunni imzoladi. gazeta.uz »
Limon yetishtiriladigan hududlarda ixcham issiqxonalar quriladi va imtiyozli shartlarda aholiga beriladi. Xorijdan limondan murabbo, jem va limonad ishlab chiqaradigan uskunalar olib kelinib, tadbirkorlarga lizingga taqdim etiladi. gazeta.uz »
Donald Tramp bozorlardagi “g‘amgin” vaziyat fonida o‘nlab mamlakatlar uchun “javob” bojlarini joriy etishni 90 kunga to‘xtatib qo‘ydi. Xitoy uchun bojlar 104 foizdan 125 foizga oshirildi. gazeta.uz »
“Yoshlar uchun ming kitob” (“1000 kitob”) loyihasi doirasida 2024-yili o‘zbek tiliga o‘girilgan 50 ta kitobning dastlabki 27 tasini chop etish uchun tender e’lon qilindi. gazeta.uz »
Prezident vazirlar va hokimlar dunyoqarashini haligacha o‘zgartirmaganini aytib, ularga qat’iy e’tiroz bildirdi. “Pul tikaman degan tayyor investorlar rahbarlar byurokratiya qilgani uchun ketib qolyapti”, - dedi u. gazeta.uz »
O‘zbekiston vizani yengillashtirish va diniy turizmni rivojlantirish orqali sayyohlar oqimini oshirishni kutmoqda. Prezident Fors ko‘rfazi mamlakatlari uchun vizasiz rejimni uzaytirishni, Hindiston, Pokiston, Misr va Erondan kelgan sayyohlar uchun viza olish jarayonini soddalashtirishni taklif qildi. gazeta.uz »
AQSh Xitoy tovarlariga boj miqdorini yana 50 foizga oshirdi. Natijada umumiy stavka joriy etilgan tariflarni hisobga olgan holda 104 foizni tashkil etdi. Avvalroq Xitoy Amerika mahsulotlariga qo‘yilgan bojlarni bekor qilishdan bosh tortgan va “oxirigacha kurashishga” va’da bergandi. gazeta.uz »
O‘zbekiston Xavfsizlik kengashi kotibi o‘rinbosari Abdulaziz Kamilov Vashingtonda AQSh davlat kotibi o‘rinbosari Kristofer Landau bilan uchrashdi. AQSh O‘zbekistonga migratsiya va terrorizmga qarshi kurash masalalari bo‘yicha hamkorlik uchun minnatdorlik bildirdi. gazeta.uz »
Yevrokomissiya rahbari Ursula fon der Lyayen Markaziy Osiyo uchun transport yo‘laklari va muhim foydali qazilmalarni o‘z ichiga olgan to‘rtta sohani rivojlantirish uchun 12 mlrd yevrolik investitsiya paketini e’lon qildi. “Eng yaxshisi hali oldinda”, - dedi u. gazeta.uz »
Poytaxt metrosining “Buyuk ipak yo‘li” bekatida sanitariya xonalari ochildi va nogironligi bor shaxslar uchun elektron ko‘targichlar o‘rnatildi. Yil oxirigacha yana 16 ta bekatda shunday ko‘targichlar paydo bo‘lishi kerak. gazeta.uz »
O‘zbekiston va YeI yetakchilari “yashil” energetika, tog‘-kon tarmog‘i, transport va raqamlashtirish borasidagi loyihalarni muhokama qildi. “Markaziy Osiyo bilan yangi strategik sheriklikni boshlaymiz. gazeta.uz »
Donald Tramp “butun dunyo mamlakatlari uchun” 10 foizdan 49 foizgacha bojlar joriy etdi, xususan, O‘zbekiston uchun u 10% ni tashkil etadi. Ro‘yxatda odam yashamaydigan bir orol ham keltirilgan. Tramp, shuningdek, savdo balansi taqchilligi tahdidi tufayli favqulodda holat joriy qildi. gazeta.uz »
2026-yildan o‘zini o‘zi band qilgan shaxslar shug‘ullanishi mumkin bo‘lgan faoliyat turlari 104 tadan 72 tagacha qisqaradi. Soliq qo‘mitasiga ko‘ra, bundan maqsad soliq tushumlari emas, balki tadbirkorlarga teng shart-sharoit va raqobat muhitini yaratishdir. Ushbu ro‘yxat hozirda qo‘mitada muhokama qilinmoqda. gazeta.uz »
O‘monning Oman Air aviakompaniyasiga Maskat-Toshkent-Maskat yo‘nalishida muntazam aviaqatnovlarini amalga oshirish uchun ruxsatnoma berildi. gazeta.uz »
AQSh prezidenti Donald Tramp ma’muriyati Afrika, Osiyo va Sharqiy Yevropaning bir qancha davlatlari bilan deportatsiya qilingan migrantlarni qabul qilish bo‘yicha kelishuvga erishmoqchi. Nomzodlar orasida Liviya, Ruanda, Moldova, Mo‘g‘uliston va Kosovo bor. gazeta.uz »
Prezident Shavkat Mirziyoyev “Markaziy Osiyo - Yevropa Ittifoqi” birinchi sammiti tadbirlarida ishtirok etish uchun Samarqandga keldi. Shu kuni kechqurun u Yevropa Kengashi prezidenti Antoniu Koshta bilan norasmiy uchrashuv o‘tkazadi. gazeta.uz »
Forbes 2025-yil uchun dunyoning eng boy insonlari ro‘yxatini e’lon qildi, unda 3028 kishi keltirilgan. Ilon Mask 342 mlrd dollar bilan mutlaq yetakchi, Mark Sukerberg va Jeff Bezos undan keyingi o‘rinlarda. gazeta.uz »
Bo‘g‘irsoqlar, yong‘oqli rogaliklar, krem va pistali paxlava, “chig‘anoq” pechenesi va Hayit uchun boshqa pishiriqlar retseptlari - Zira.uz jamlanmasida. gazeta.uz »
Slovakiyaga kelgan markaziy osiyolik ishchilarning ko‘pi boshqa Yevropa davlatlariga o‘tib ketdi, bu noqonuniy migratsiyaga hissa qo‘shmoqda, dedi Slovakiya rasmiylari o‘zbekistonlik hamkasblariga. Tomonlar ishchi vizalar chiqishi muddatini qisqartirish va O‘zbekiston uchun alohida kvotalar masalasini muhokama qildi. gazeta.uz »
Piskentda texnik ko‘rikdan o‘tish uchun navbatlar saqlanib qolmoqda. Qayd etilishicha, navbat olish uchun ro‘yxatdan o‘tish 20 soniyada tugab qolmoqda. Haydovchilar pulga navbat olishga ham tayyor, UzTest ortiqcha to‘lovlar haqida xabar berishni so‘ramoqda. gazeta.uz »
Sharof Rashidov tumanida Gentra haydovchisi mashinasiga yoqilg‘i quyib, bak qopqog‘ini yopmagan zapravka xodimini kaltakladi. Jizzax viloyati IIBga ko‘ra, hozirda “zo‘ravonni javobgarlikka tortish choralari ko‘rilmoqda”. gazeta.uz »
O‘zbekistonda 1-apreldan boshlab gaz va elektr energiyasi tariflari oshiriladi. Ushbu xizmatlar uchun oldindan to‘lov amalga oshirilsa, eski tariflar aholi uchun ikki oy davomida (1-iyungacha), tadbirkorlik subyektlari uchun esa bir oy davomida amal qiladi. gazeta.uz »
AQSh prezidenti Donald Tramp barcha avtomobillar va butlovchi qismlar importiga 25 foizli boj joriy etishini ma’lum qildi. Ushbu qaror fonida butun dunyo bo‘ylab avtomobil ishlab chiqaruvchilarning aksiyalari keskin tushib ketdi. gazeta.uz »
2026-yil 1-yanvardan boshlab o‘zini o‘zi band qilgan shaxslar shug‘ullanishi mumkin bo‘lgan faoliyat turlari 104 tadan 72 taga qisqaradi. Sartaroshlik, repetitorlik, foto-videochilik, kopirayterlik va boshqalar ro‘yxatdan chiqarib tashlanadi. gazeta.uz »
O‘zbekistonda ommaviy tartibsizliklar sodir etish maqsadida o‘quvdan o‘tganlik hamda ushbu harakatlarni moliyalashtirganlik uchun jinoiy javobgarlik belgilandi. gazeta.uz »
O‘zbekistonda zamonaviy kinematografiyani rivojlantirish, qo‘shni Qozog‘iston singari, jahon maydonida raqobatlashadigan, xalqaro kino mukofotlariga da’vogarlik qila oladigan filmlar suratga olishga nima to‘sqinlik qilyapti? Kinoshunos Eldar Yuldashevning “Gazeta.uz” uchun yozgan maqolasi aynan shu haqda. gazeta.uz »
O‘zbekistonda odam o‘limiga yoki boshqa og‘ir oqibatlarga sabab bo‘lgan tarzda shaharsozlik to‘g‘risidagi qonunchilikni buzganlik uchun alohida jinoiy javobgarlik kiritilmoqda. gazeta.uz »
Toshkent xalqaro aeroportida mobil aloqasiz foydalanish mumkin bo‘lgan taksi buyurtma qilish terminallari, shuningdek, rasmiy taksi operatorlari uchun alohida yo‘laklar paydo bo‘ladi. Aeroportni kengaytirishni to‘liq yakunlash 2026-yilning o‘rtalariga mo‘ljallangan. gazeta.uz »
O‘zbekistonda 2025-yil 1-iyuldan birinchi faoliyati davomida savdo va tadbirkorlik sohalariga oid ma’muriy huquqbuzarlikni ilk bor sodir etgan kichik tadbirkorlik subyektlarini ma’muriy javobgarlikdan ozod etadigan “Birinchi imkoniyat” tamoyili joriy qilinadi. gazeta.uz »
