ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Jahon banki O‘zbekistonga kichik gidroenergetika sohasini rivojlantirish va elektr ta’minoti ishonchliligini oshirishga qaratilgan yangi loyiha uchun 150 mln dollarli imtiyozli kredit ajratdi. Qayd etilishicha, elektr energiyasi ishlab chiqarishning o‘sishiga qaramay, ehtiyojlarning qariyb 10 foizi qondirilmayapti. gazeta.uz »
O‘zbekiston deputatlari elektr energiyasi va gazdan nooqilona foydalanganlik uchun javobgarlikni kuchaytiruvchi qonun loyihasini birinchi o‘qishda qabul qildi. Shuningdek, jazoni YATTlarga ham tatbiq etish taklif qilinmoqda, bayonnomalarni esa IIV va FVV xodimlari ham rasmiylashtirishlari mumkin bo‘ladi. gazeta.uz »
Hisob palatasi turli davlat tibbiyot markazlarida bir xil xizmat narxida olti barobar farq borligini aniqladi, dedi Qonunchilik palatasi deputati. Sog‘liqni saqlash vazirligi tariflar bir xil holatga keltirilishini ma’lum qildi. gazeta.uz »
Xitoy Eksport import banki O‘zbekistonda telekommunikatsiya sohasidagi loyihalarni moliyalashtirish uchun 500 million dollar miqdorida qarz berdi. gazeta.uz »
24-iyun kuni Iordaniyaning Aqaba shahridan Toshkentga charter reys tashkil etilmoqda. Isroildagi elchixona chegaradan o‘tishda amaldagi xorijga chiqish pasporti va boshqa zarur hujjatlar bo‘lishi lozimligini eslatdi. gazeta.uz »
Raqobat qo‘mitasi fuqarolarni xorijda ish va o‘qishga joylashini aytib, aldov orqali ko‘p miqdorda pul olgan 15 dan ortiq firmani aniqladi. Yil boshidan buyon 20 ga yaqin murojaat kelib tushgan, xizmatlar ko‘rsatilmagan, pullar qaytarilmagan. gazeta.uz »
Deputatlar birinchi marta sodir etilgan kichik YHQ buzganlik uchun ma’muriy ogohlantirish (jarima o‘rniga) joriy etish to‘g‘risidagi qonun loyihasini birinchi o‘qishda ma’qulladi. Shuningdek, kamera qayd etoladigan 13 ta qoidabuzarlik ro‘yxatini belgilash taklif qilinmoqda. Unga yo‘l chizig‘ini bosish qo‘shilmagan. gazeta.uz »
O‘zbekistonda avtotransport vositalarini nogironligi bo‘lgan shaxslar ehtiyojlariga moslashtirish xarajatlarining 50 foizi, biroq BHMning 30 baravarigacha bo‘lgan qismi qoplab beriladi. gazeta.uz »
AQSh Davlat departamenti talabalar vizasi uchun intervyularni ijtimoiy tarmoqlardagi faoliyatni qat’iy tekshirishlar bilan qayta boshlaydi. Bunda arizachilarning akkauntlari “AQShga nisbatan dushmanlik nuqtai nazaridan” tekshiriladi. gazeta.uz »
O‘zbekistonning Isroildagi elchixonasi mamlakatdan chiqib ketmoqchi bo‘lgan O‘zbekiston fuqarolari uchun nazorat-o‘tkazish punktlari va transport yo‘nalishlari bo‘yicha ma’lumot berdi. Shuningdek, elchixona Isroil rasmiylari va front orti tuzilmalarining ko‘rsatmalariga qat’iy amal qilishni so‘radi. gazeta.uz »
Daniya poytaxti Kopengagen Economist reytingida dunyoning yashash uchun eng qulay shahri deb topildi. Ilk beshlikda Vena (oldingi 3 yilda peshqadam edi), Syurix, Melburn va Jeneva bor. Oxirgi o‘rinni Suriyaning Damashq shahri egalladi. gazeta.uz »
Qozog‘iston mamlakatdagi ikkinchi AESni qurish uchun Xitoy Milliy Yadro Korporatsiyasini tanladi. Qozog‘iston birinchi atom elektr stansiyasini qurish bo‘yicha konsorsiumga rahbarlik qilish uchun “Rosatom”ni tanlagan edi. gazeta.uz »
Qozog‘iston o‘zining birinchi atom elektr stansiyasini qurish uchun hamkor tanlashni yakunladi. Baholash natijalariga ko‘ra, xalqaro konsorsiumga rahbarlik qiladigan Rossiyaning “Rosatom” kompaniyasi g‘olib deb topildi. gazeta.uz »
O‘zbekistondagi eng qimmat avtomobil raqami auksionda 1,56 mlrd so‘mga ($122,2 ming) sotildi. gazeta.uz »
Sarvar Karimov “Kinotavsiya”da iyun oyidagi premeralar haqida hikoya qiladi. Bu sonda multfilmlar tarixida eng ko‘p kassa yig‘imlarini qayd etgan “Nechja”, “Balerina” jangari kartinasi, Bred Pittning yangi roli, Nikolas Keydjning “Syorfer” trilleri va bir qancha xorrorlar haqida gap boradi. gazeta.uz »
Yevropa tiklanish va taraqqiyot banki O‘zbekiston bo‘ylab 110 ta sug‘orish nasos stansiyasini modernizatsiya qilish uchun 250 mln dollargacha suveren kredit ajratadi. Loyiha doirasida 10 ta hudud qamrab olinishi, uning natijasida yiliga 251 ming megavatt soat elektr energiyasi tejalishi kutilmoqda. gazeta.uz »
Ilon Mask Donald Tramp haqidagi postlari uchun uzr so‘radi. “Ular haddan oshib ketdi”, - dedi u. Milliarder va AQSh prezidenti o‘tgan hafta ijtimoiy tarmoqlarda janjallashib qolgandi. gazeta.uz »
Yevropa tiklanish va taraqqiyot banki xususiy sektorni qo‘llab-quvvatlash uchun O‘zbekistonga 1,1 mlrd yevro ajratadi. Hamkorlik boshlanganidan beri YTTBning mamlakatdagi loyihalarining umumiy portfeli 5,5 mlrd yevrodan oshdi. gazeta.uz »
Urganch tumanida fuqarolarning tug‘ilgan sanasini o‘zgartirib, ularni boshqa shaxs sifatida rasmiylashtirgan pasport va ID kartalar tayyorlab bergan shaxslar jazoga tortildi. Jinoiy guruh a’zolariga 2 yildan 10 yil 6 oygacha bo‘lgan ozodlikdan mahrum qilish jazosi tayinlandi. gazeta.uz »
“Sharoit Plyus” qariyb 10 yildan buyon nogironligi bor shaxslar uchun loyihalar tashkil etib keladi. Xususan, “Ish Plyus” loyihasi doirasida bir yilda nogironligi bor 300 kishi ish bilan ta’minlandi. gazeta.uz »
Kam ta’minlangan oilalarga gaz va elektr energiyasi uchun yil bo‘yi kompensatsiya olish bo‘yicha arizalar qabuli boshlandi. Ularni “Inson” ijtimoiy xizmatlar markazi, mahalladagi ijtimoiy xodim va 1140 telefon raqami orqali qoldirish mumkin. gazeta.uz »
Qurbon hayiti arafasida Ukrainadagi jangovar hududlardan bolalar Toshkentga olib kelindi. Ular uchun 12 kunlik maxsus dastur ishlab chiqilgan bo‘lib, unda bolalarning ruhiy holatini tiklash, jangovar harakatlardan chalg‘itish va tinch muhitda hordiq chiqarish maqsad qilingan. gazeta.uz »
Birinchi chorakda O‘zbekiston hukumati subsidiya sifatida 8 trillion so‘m ajratdi, bu bir yil oldingidan 28% kam. Ushbu mablag‘larning asosiy qismi avvalgidek energosferadagi kompensatsiyalarga yo‘naltiriladi. gazeta.uz »
Toshkent shahri hokimi mulkdorlar kompensatsiyasi, piyodalar va velosiped yo‘laklari qurish, shuningdek, Yangi O‘zbekiston ko‘chasi bo‘ylab obodonlashtirish ishlariga 80 mlrd so‘mdan ortiq mablag‘ ajratish to‘g‘risidagi qarorni tasdiqladi. gazeta.uz »
Donald Tramp AQShga Garvard universitetida ta’lim olish uchun, shu jumladan, almashinuv dasturlari bo‘yicha kiradigan xorijlik talabalarga viza berishni to‘xtatishni buyurdi. Universitet buni Oq uyning “yana bir noqonuniy qadami” deb atadi. gazeta.uz »
TIV matbuot kotibi O‘zbekiston fuqarolarining BAAga kirishda qiyinchilikka uchrayotgani yuzasidan muzokaralar olib borilayotganini ma’lum qildi. “Muzokaralar fuqarolarimizning mamlakatga muammosiz kirishini ta’minlashga qaratilgan bo‘lib, masalani hal qilish uchun sa’y-harakatlar amalga oshirilmoqda”, - deydi u. gazeta.uz »
2026-yildan Italiya O‘zbekiston fuqarolarini ishga joylashtirish uchun 1500 ta kvota ajratadi. Turizm, muhandislik va qishloq xo‘jaligi sohalarida malakali kadrlar ustuvor ko‘riladi. “Migratsiya - muhim yo‘nalish, O‘zbekiston boy tajribasi bilan MOdagi hamkorlar uchun namuna bo‘la oladi”, - dedi Italiya elchisi. gazeta.uz »
Humans brendiga egalik qiluvchi Singapurning Humans Mobile kompaniyasi O‘zbekistonga qarshi arbitraj ishini qo‘zg‘atdi. U davlat organlari, jumladan, Markaziy bank va “O‘zbektelekom”ni huquqlarini buzganlikda ayblamoqda. gazeta.uz »
AQSh davlat kotibi Marko Rubio Markaziy Amerikaning bir qancha nomi oshkor etilmagan amaldorlari va ularning oilalari uchun viza cheklovlarini e’lon qildi. Bu kubalik ishchilarni ekspluatatsiya qilish elementlarini o‘z ichiga olgan Kuba tibbiy missiyasi dasturlari bilan bog‘liq, deydi Rubio. gazeta.uz »
O‘zbekistonda 1-avgustdan bazaviy hisoblash miqdori 10 foizga - 412 ming so‘mgacha oshiriladi. Shundan kelib chiqib, yo‘l harakati qoidalarini buzganlik uchun jarimalar ham oshiriladi. Ro‘yxat. gazeta.uz »
O‘zbekistonda yo‘l harakati qoidalarini buzganlik uchun jarima ballarini my.gov.uz va Safe ROAD YHXX rasmiy mobil ilovasi orqali tekshirishi mumkin. Unda to‘plangan jarima ballari soni va Ma’muriy javobgarlik to‘g‘risidagi kodeksning ballar qo‘yishga asos bo‘lgan moddasi ko‘rsatiladi. gazeta.uz »
O‘zbekiston 2022-yili Bolalar va o‘smirlar adabiyoti xalqaro kengashi (IBBY)ga a’zo bo‘lgan. Ammo milliy bo‘lim faoliyati, xuddi mamlakat bolalar adabiyoti kabi, jonsiz. Yozuvchi Dinara Mo‘minova va tadqiqotchi Dilnavoz Najimova IBBY milliy bo‘limining nima uchun jahon bozoriga chiqmaganligini muhokama qiladi. gazeta.uz »
2-aprel - Bolalar va o‘smirlar adabiyoti xalqaro kengashi (IBBY) tomonidan ta’sis etilgan Bolalar kitoblari kuni. O‘zbekiston tashkilotga 2022-yilda a’zo bo‘lgan. Yozuvchi Dinara Mo‘minova va tadqiqotchi Dilnavoz Najimova IBBY milliy bo‘limining nima uchun jahon bozoriga chiqmaganligini muhokama qiladi. gazeta.uz »
Dunyo okeanisiz iqlim barqarorligi, savdo, oziq-ovqat xavfsizligi va energiya ishlab chiqarish, hatto okeandan uzoqdagi mamlakatlar uchun ham, imkonsiz bo‘lib qoladi. Dunyo okeanini muhofaza qilish to‘g‘risidagi shartnomani ratifikatsiya qilish ahamiyati - Fransiyaning O‘zbekistondagi elchisi Oreliya Bushez maqolasida. gazeta.uz »
Qozonda non, “Shedevr” somsa, Samarqand oshi, gaz pechida xvorostlar, lo‘la kabob va Qurbon hayiti uchun boshqa taomlar retseptlari - Zira.uz jamlanmasida. gazeta.uz »
“Yuksalish” harakati piyodalar uchun ko‘chalar xavfsizligi mavzusida so‘rovnoma o‘tkazdi. Qariyb 40% respondent hududidagi yo‘llar piyodalarga xavfsiz emasligini ta’kidladi, xuddi shunchasi xavfsizlikni “o‘rtacha” baholadi. gazeta.uz »
1-iyuldan boshlab O‘zbekistonda nogironligi bo‘lgan shaxslar pensiya va kompensatsiyalar olish uchun ariza topshirishlari shart emas - to‘lovlar avtomatik ravishda tayinlanadi. 1-oktabrdan boshlab pensiyalarni naqd shaklda biometrik identifikatsiyalash va ERI orqali berish boshlanadi. gazeta.uz »
Ehtiyojmand oilalardagi xotin-qizlar uchun tavsiyanoma olishga arizalar qabul qilish boshlandi. Arizalar 8-iyunga qadar elektron shaklda qabul qilinadi. gazeta.uz »
Mavjud yuk temiryo‘l stansiyalarini Toshkentdan tashqariga ko‘chirish, Yangiyo‘l tumani va Yangi Toshkent yaqinida yangi yirik stansiyalar qurish reja qilinmoqda. Poytaxtga kirmasdan tashish hajmini ikki baravar oshirish uchun aylanma yo‘nalish quriladi. gazeta.uz »
Qozog‘iston Majilisi deputatlari nikohga majburlash uchun jinoiy javobgarlik joriy etiladigan tuzatishlarni qabul qildi. Jazo jarima, axloq tuzatish ishlari, ozodlikni cheklash, shuningdek, 2 yildan 10 yilgacha ozodlikdan mahrum qilishni nazarda tutadi. gazeta.uz »
O‘zbekistonda sotuvchilar tomonidan jismoniy shaxs bo‘lgan iste’molchilarga tovarlarni kelishilgan muddatlarda yetkazib bermaganlik uchun tovarning 0,5 foizi miqdorida penya to‘lashi belgilanmoqda. Qonun senatorlar tomonidan ma’qullandi. gazeta.uz »
O‘zbekistonda IIO va Milliy gvardiya xodimining qonuniy talablarini bajarmaslik uchun jarima BHMning 5 baravaridan (amalda 1 baravari) 12 baravarigacha etib o‘zgartirilyapti. Shuningdek, ko‘mirni oz miqdorda talon-toroj qilganlik uchun javobgarlik belgilanmoqda. Qonun Senatda ma’qullandi. gazeta.uz »
Raqobatni rivojlantirish va iste’molchilar huquqlarini himoya qilish qo‘mitasi Ucell kompaniyasiga ommaviy oferta shartlarini qonun hujjatlariga muvofiq qayta ko‘rib chiqish majburiyatini yukladi. Natijada kompaniya hujjatga oldin bo‘lmagan ma’naviy zararni qoplash to‘g‘risidagi o‘zgartirishni kiritdi. gazeta.uz »
My.gov.uz'da sog‘lomlashtirish oromgohlariga yo‘llanma olish xizmati ishga tushirildi. Bu orqali ota-onalar o‘z farzandlari uchun qulay mavsum va oromgohni tanlab, uydan chiqmasdan turib ariza yo‘llashi va to‘lovni amalga oshirib, yo‘llanma olishi mumkin. gazeta.uz »
Toshkent xalqaro aeroportida 22 yoshli qizni Sankt-Peterburg shahriga fohishalikka yubormoqchi bo‘lgan ayol ushlandi. U qizni aldab, katta pul topishga ishontirgan. gazeta.uz »
Futbol bo‘yicha O‘zbekiston milliy terma jamoasining 28-may kuni boshlanadigan o‘quv-mashg‘ulot yig‘iniga jalb etilgan futbolchilar ro‘yxati e’lon qilindi. Jamoa 5-iyun kuni BAA, 10-iyun kuni esa Qatarga qarshi o‘ynaydi va ular orqali jahon chempionati yo‘llanmasini qo‘lga kiritishi mumkin. gazeta.uz »
O‘zbekiston Sloveniyaning “Koper” porti salohiyatidan Yevropa Ittifoqi bozoriga chiqish uchun logistika habi sifatida foydalanish imkoniyatlarini o‘rganadi. Bu ikki davlat rahbarlari uchrashuvida muhokama qilindi. gazeta.uz »
O‘zbekistonda atom elektr stansiyasi uchun quruq sovitish tizimlarini ishlab chiqarish 2026-yilda boshlanishi rejalashtirilmoqda, deya ma’lum qildi “O‘zatom” rahbari Azim Axmedxadjayev. Uning aytishicha, Vengriya kompaniyasi kelgusi oy mahalliylashtirish imkoniyatlarini baholash uchun delegatsiya yuboradi. gazeta.uz »
“O‘zatom” agentligi va Vengriyaning MVM EGI davlat korxonasi o‘rtasida O‘zbekistondagi AESlarda quruq sovitish tizimlarini yetkazib berish va joriy etish bo‘yicha shartnoma imzolandi. gazeta.uz »
Jahon banki irrigatsiya va drenaj infratuzilmasini modernizatsiya qilish uchun O‘zbekistonga 200 mln dollar miqdorida imtiyozli kredit ajratdi. Loyiha Qoraqalpog‘iston, Buxoro, Qashqadaryo, Namangan va Surxondaryoda amalga oshiriladi. gazeta.uz »
