ó÷óí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda mamlakatga olib kirilayotgan tovarlar va valyuta to‘g‘risidagi bojxona deklaratsiyasini oldindan va onlayn to‘ldirish imkonini beruvchi Yo‘lovchi deklaratsiyasi ilovasi ishga tushdi. Unda mobil telefonning IMEI kodini skanerlash funksiyasi mavjud bo‘lib, 15 xonali kodlarni qo‘lda kiritmasa ham bo‘ladi. gazeta.uz »
Mahsulot tanlovi, narx belgilash va sotish jarayonlariga aralashgan mansabdor shaxslar javobgarlikka tortiladi. Bu fermerlar va tadbirkorlar huquqlarini himoya qilishga qaratilgan qonun loyihasida nazarda tutilgan. gazeta.uz »
O‘zbekistonda 1-oktabrdan moped va skuter haydovchilaridan avtoraqam va haydovchilik guvohnomasini talab qilish boshlandi. Gazeta shu sabab ishga chiqolmayotgan yoki transportini almashtirgan kurerlar bilan suhbatlashdi, avtomaktablar va yetkazib beruvchi kompaniyalardagi vaziyatni o‘rganishga harakat qildi. gazeta.uz »
Bryusseldagi Global Gateway forumida Qirg‘izistondagi O‘zbekiston va Qozog‘iston ishtirokidagi Kambarota GES-1 loyihasi bo‘yicha 900 mln yevrolik memorandumlar imzolandi. Bu mablag‘larni YeIB ajratishni rejalashtirgan. gazeta.uz »
O‘zbekistonda muddati o‘tgan oziq-ovqat mahsulotlarini sotganlik uchun jarimalar 3 barobarga - 12,36 mln so‘mgacha oshirildi. Shuningdek, Raqobat qo‘mitasi iste’molchilar shikoyatlarini qabul qilish uchun “Iste’molchi murojaati” axborot tizimini ishga tushiradigan bo‘ldi. gazeta.uz »
O‘zbekistonlik yoshlarga til o‘rganish uchun “2+6” dasturi asosida yarim yil uchun oyiga BHMning 2 baravarigacha bo‘lgan miqdorda subsidiyalar ajratiladi. Bunda talabgor til bilishning kamida minimal ko‘rsatkichli sertifikatiga ega bo‘lishi va dastlabki 2 oylik o‘qish xarajatini o‘z hisobidan to‘lashi lozim. gazeta.uz »
Hukumat qarori bilan Yoshlar ishlari agentligi huzurida “Yashil tashabbuslar”ni qo‘llab-quvvatlash jamg‘armasi tashkil etildi. Jamg‘arma har yili 10 mlrd so‘mgacha mablag‘ bilan yoshlarning ekologiya, yashil energiya va tabiatni muhofaza qilishga oid loyihalarini moliyalashtirishni ko‘zda tutadi. gazeta.uz »
Vladimir Putin 2024-yil dekabr oyida halokatga uchragan Azerbaijan Airlines (AZAL) samolyotiga Rossiyaning havo hujumidan mudofaa raketalari zarar yetkazganini tan oldi. U Rossiya “barcha [tegishli] mansabdor shaxslarning xatti-harakatlariga huquqiy baho berishi”ni va’da qildi. gazeta.uz »
O‘zbekistonda oltin quymalari narxi ilk bor 5 gramm uchun 8 mln so‘mdan (kechagidan 122 ming so‘m qimmatroq) oshdi. Yil boshidan buyon mahalliy bozorda oltin narxi 42 foizga o‘sdi. Jahon bozorida oltin narxi troya unsiyasi uchun $4000 dan oshdi. gazeta.uz »
Yagona interaktiv davlat xizmatlari portalida O‘zbekistonda bo‘lib turish uchun vizalar muddatini uzaytirish funksiyasi paydo bo‘ldi. Ariza beruvchi kerakli ma’lumotlarni to‘ldirib, viza muddatini uzaytirish uchun asos hujjat va pasport nusxasini ilova qilishi kerak. Arizalar 15 ish kuni ichida ko‘rib chiqiladi. gazeta.uz »
Toshkent shahrida va Surxondaryo viloyatida jinoyat ishi bo‘yicha ayblanuvchilarga jazoni o‘zgartirib berish evaziga ulardan pul talab qilgan advokatlar qo‘lga olindi. Toshkentda advokat fuqarodan 3700 dollar, surxondaryolik advokat esa 60 mln so‘m olgan vaqtida ashyoviy dalillar bilan ushlandi. gazeta.uz »
Mahalliy Enter Engineering kompaniyasi O‘zbekistondagi birinchi AES qurilishiga tayyorgarlik ko‘rish uchun subpudratchi sifatida tanlandi. Kompaniya qurilish ishlariga tanlov asosida jalb etilgan. Hozirda u AES joylashuv maydonida qurilish-montaj bazasini barpo etmoqda. Maosh to‘lash bilan muammo bo‘lmasligi aytildi. gazeta.uz »
Futbol bo‘yicha 2026-yilgi Jahon chempionati O‘zbekiston uchun dunyo jamoatchiligi ko‘z o‘ngida ijobiy va yorqin taassurot qoldirish uchun yaxshi imkoniyatlardan biri (agar eng zo‘ri bo‘lmasa). Imkoniyatni ko‘kka sovurmay, har bir ishni o‘z egasiga topshirish kerak. Xususan, terma jamoa libosi masalasini ham. gazeta.uz »
2025-yilda fizika bo‘yicha Nobel mukofoti AQSh olimlari Jon Klark, Mishel Devore va Jon Martinisga “elektr zanjirida makroskopik kvant-mexanik tunnellashni va energiyani kvantlashni kashf etgani uchun” berildi. gazeta.uz »
Toshkentda O‘zbekiston AKT sohasidagi eng muhim yillik tadbir - ICT Week 2025 bo‘lib o‘tdi. Raqamli texnologiyalar vaziri Sherzod Shermatov Gazeta bilan suhbatda haftalikning asosiy mavzusi inson kapitalini rivojlantirish ekanini qayd etdi. gazeta.uz »
Nyu York tovar birjasida (COMEX) oltin fyucherslari narxi 0,6 foizga ko‘tarilib, bir unsiya uchun 4000,1 dollarni tashkil qildi. Bu oltin narxi tarixda birinchi marta unsiya uchun 4000 dollardan oshganini anglatadi. gazeta.uz »
Prezident farmoniga muvofiq, O‘zbekistonda chet el fuqarolari uchun maxsus soliq rejimi joriy etiladi. 50 ming dollar miqdorida maxsus yig‘im to‘lagan va O‘zbekistonda bank hisobvarag‘ini ochgan chet el fuqarolarining O‘zbekistondan tashqaridagi manbalardan olingan daromadlari daromad solig‘idan ozod qilinadi. gazeta.uz »
OFK O‘zbekiston futbol assotsiatsiyasiga JCH-2026 saralashidan o‘rin olgan Qatarga qarshi o‘yinni o‘tkazishda qoidabuzarlik sodir etgani uchun 340 ming dollar jarima qo‘lladi. Bunda OFK bilan kelishmasdan yopilish marosimi tashkil etilgan va BYD avtomobillari ishtirokida “embush-marketing”ga yo‘l qo‘yilgan. gazeta.uz »
AQSh hukumati hamrohi bo‘lmagan o‘smir muhojirlar o‘z mamlakatlariga ixtiyoriy ravishda qaytsa, ularga 2500 dollar to‘lashni rejalashtirmoqda. gazeta.uz »
O‘zbekiston prezidenti mamlakatda sun’iy intellekt texnologiyalarini rivojlantirish hamda ularni iqtisodiyot va ijtimoiy sohalarga keng joriy etish yuzasidan taqdimot bilan tanishdi. Unda 2027-yilga qadar 1 mln nafar yosh sun’iy intellekt sohasidagi bilim va ko‘nikmalarga ega bo‘lishi ma’lum qilindi. gazeta.uz »
Yandex Go o‘z taksi platformasini kar va eshitishi zaif haydovchilarning ehtiyojlarini qondirish uchun moslashtirdi. Endi xizmatga qo‘ng‘iroqlarsiz, onlayn tarzda ham ulanish mumkin, o‘qitish imo-ishora tilida ham yo‘lga qo‘yildi, mashinalarda esa haydovchi va yo‘lovchilar muloqoti uchun kartalar mavjud. gazeta.uz »
Sadir Japarov Qirg‘izistonda bolalar va ayollarga qarshi jinoyatlar uchun o‘lim jazosini qaytarishni taklif qildi. Bu 17 yoshli maktab o‘quvchisining zo‘rlanishi va o‘ldirilishi bilan bog‘liq shov-shuvli ishdan keyin ro‘y bo‘ldi. gazeta.uz »
2026-yildan vazni 44 tonnadan ortiq bo‘lgan yuk mashinalari va ochiq konlarda ishlovchi o‘ziag‘daruvchi yuk avtomobillari uchun alohida davlat raqam belgilari joriy etish rejalashtirilmoqda. Shuningdek, og‘ir yuk mashinalarining tungi vaqtda yo‘l chetida to‘xtab turishi uchun javobgarlik belgilanishi ham ko‘zda tutilgan. gazeta.uz »
Qozog‘istonning Halyk Bank banki Click’ning 49% ulushini sotib olish uchun mamlakat regulyatoridan ruxsat oldi. Halyk Bank va Click o‘rtasidagi bitimni yakunlash uchun O‘zbekiston Markaziy banki hamda Raqobat qo‘mitasining ruxsati zarur. gazeta.uz »
Xalq deputatlari Toshkent shahri kengashi mavsumiy gul ko‘chatlarini ekish ishlari bilan bog‘liq xarajatlar uchun 10 mlrd so‘m ajratdi. Bunda mablag‘ning 1,82 milliard so‘mi turli obodonlashtirish boshqarmalariga, 8,18 milliard so‘m esa tuman kesimida taqsimlandi. gazeta.uz »
Toshkentda Yosh arxitektorlar uyushmasi Shaharsoz mukofoti doirasida arxitektura va dizayn yo‘nalishi talabalari uchun tashkil etgan birinchi kviz bo‘lib o‘tdi. Viktorinada 70 nafar talaba ishtirok etib, arxitektura, shaharsozlik va qurilishga oid savollarga javob berdi. gazeta.uz »
O‘zbekiston joriy yilning kuzida Jizzax viloyatidagi kichik quvvatli atom elektr stansiyasi uchun kotlovan qazishni boshlashni rejalashtirmoqda. “O‘zatom” rahbari Azim Axmedxadjayevning so‘zlariga ko‘ra, birinchi beton quyish 2026-yilning mart oyiga mo‘ljallangan, tayyorgarlik ishlari allaqachon boshlangan. gazeta.uz »
OTB yillik hisobotiga ko‘ra, O‘zbekiston YIM o‘sish prognozlari 2025-yil uchun 6,6 foiz, 2026-yil uchun 6,7 foiz darajada o‘zgarishsiz qolmoqda. Bu 2025-yilning birinchi yarmidagi kutilganidan kuchliroq o‘sish va yilning ikkinchi yarmida iqtisodiy faollikning sekinlashuvi bilan izohlanadi. gazeta.uz »
OTB yillik hisobotiga ko‘ra, O‘zbekiston YAIM o‘sish prognozlari 2025-yil uchun 6,6 foiz, 2026-yil uchun 6,7 foiz darajada o‘zgarishsiz qolmoqda. Bu 2025-yilning birinchi yarmidagi kutilganidan kuchliroq o‘sish va yilning ikkinchi yarmida iqtisodiy faollikning sekinlashuvi bilan izohlanadi. gazeta.uz »
O‘zbekistonda yopiq sud majlislari ma’lumotlarini sud ruxsatisiz oshkor qilish endi jinoiy javobgarlikka sabab bo‘ladi. Yangi qonunga ko‘ra, bu uchun 18,75 mln so‘mgacha jarima yoki 3 yilgacha qamoq ko‘zda tutilgan. gazeta.uz »
Prezident kuz-qish mavsumiga tayyorgarlik bo‘yicha yig‘ilishda kamchiliklarni sanadi: 125 maktab va bog‘cha ta’mirlanmagan, qariyb mingta “dom” tayyor emas, ikkita viloyatda qozonxonalar bitkazilmagan. gazeta.uz »
Prezident hududlarda paxta hosili yig‘imi, uning sur’atlari va mavjud muammolarga doir yig‘ilish o‘tkazdi. Xabar berilishicha, ayrim viloyatlar rejadan orqada qolmoqda. Shu sababli qisqa vaqt ichida joylarda favqulodda shtablar tuzib, hosilni sifatli yig‘ib olish bo‘yicha topshiriq berildi. gazeta.uz »
Oliy Majlis deputatlari ko‘p qavatli uylar yonidagi tuproq va yashil qoplamali hududlarni o‘zboshimchalik bilan betonlaganlik, shuningdek, ularga konstruksiyalar o‘rnatganlik uchun javobgarlikni belgilovchi qonun loyihasini qabul qildi. gazeta.uz »
FIFA 2026-yilda o‘tkaziladigan Jahon chempionatining rasmiy maskotlarini taqdti etdi. Ular los Meypl, yaguar Zayu va oq boshli burgut Klach. Maskotlar turnir davomida nafaqat maydonda, balki raqamli va savdo platformalarida ham keng ko‘lamda ko‘rinish beradi. gazeta.uz »
Toshkentda uy-joy qimmatligi va ipoteka subsidiyalari yetishmovchiligi sababli shahar kengashi deputatlaridan biri uy-joy kooperativlarini joriy etishni taklif qildi. Shahar hokimligi poytaxt uchun ipoteka subsidiyalarini oshirish bo‘yicha boshqa mamlakatlar tajribasini va muqobil mexanizmlarni o‘rganmoqda. gazeta.uz »
O‘zbekiston prezidenti “Yoshlik I” konini o‘zlashtirish doirasida yaqinda 3-mis boyitish fabrikasi (MBF-3) ishga tushirilishini ma’lum qildi. Uning so‘zlariga ko‘ra, bu mis ishlab chiqarishni ko‘paytirish, mamlakat va yoshlar rivoji uchun yangi imkoniyatlar yaratadi. gazeta.uz »
25-sentabr kunidan davlat OTMlarining bakalavriat ta’lim yo‘nalishlari vakant o‘rinlariga 2025/2026 o‘quv yili uchun qo‘shimcha qabul boshlandi. Oliy ta’lim vazirligi qo‘shimcha qabul uchun OTMlarning umumiy qabul parametrlari doirasida qolgan vakant o‘rinlari ro‘yxatini e’lon qildi. gazeta.uz »
Janubiy Koreyada Osiyo-Tinch okeani mintaqasi mamlakatlari yozuvchi, noshir va rassomlari ishtirokida Bolalar va o‘smirlar adabiyoti xalqaro kengashining (IBBY) konferensiyasi bo‘lib o‘tdi. Yozuvchi Dinara Mo‘minova bolalar adabiyotining dolzarb tendensiyalarni to‘plab, ularga ergashishning ahamiyatini tushuntirdi. gazeta.uz »
Prezident qarori bilan 2026-yil oxirigacha davlat axborot tizimlari yagona raqamli platformasi - OASIS ishlab chiqiladi. Mobil operatorlar, banklar va to‘lov tashkilotlari YAIDXP orqali pulli davlat xizmatlarini ko‘rsatadi. gazeta.uz »
“Termiztransportxizmat” avtobus yo‘lovchilaridan yo‘lkira uchun ming so‘mdan ortiqcha haq olib, 2025-yil 1-maydan 19-maygacha bo‘lgan davrda jami 364 mln so‘m ortiqcha daromad olgan. Korxonaga nisbatan ish qo‘zg‘atilib, ortiqcha olingan mablag‘ni qayta hisob-kitob qilish bo‘yicha ko‘rsatma berildi. gazeta.uz »
Deputatlar aholini shovqindan himoya qilish to‘g‘risidagi qonun loyihasini qayta ishlash uchun qaytardi. Bunga javobgarlik shovqin inson salomatligiga jiddiy zarar yetkazgan taqdirda qo‘llanishi mumkinligi haqidagi modda sabab bo‘ldi. gazeta.uz »
Davlat qabul komissiyasi O‘zbekiston OTMlarining 2025/2026 o‘quv yili uchun to‘lov-kontrakt miqdorlari tasdiqlandi. Unga ko‘ra, eng arzon kontrakt miqdori 7,4 mln so‘mni tashkil etmoqda, eng qimmati esa 14 mln 627 ming so‘m. gazeta.uz »
Prezident farmoniga ko‘ra, O‘zbekistonda yoshlar yetakchilari yoshlarning iqtidorini ro‘yobga chiqarish, tadbirkorlik ko‘nikmalarini kuchaytirish va bandligiga ko‘maklashish bilan shug‘ullanadi. Shuningdek, Yoshlar yagona elektron platformasi ishga tushiriladi. gazeta.uz »
O‘zbekiston OTMlarida 25-sentabrdan 3-oktabrga qadar (shu kuni ham) bakalavriat ta’lim yo‘nalishlari vakant o‘rinlariga qo‘shimcha qabul o‘tkaziladi. Unda 56,7 ball va undan yuqori natija ko‘rsatgan, biroq talabalikka tavsiya etilmagan abituriyentlar ishtirok etishi mumkin. gazeta.uz »
Xalq demokratik partiyasi 1-oktabrdan moped va skuterlarni boshqarish uchun haydovchilik guvohnomasi talab etilishiga qarshi chiqdi. Partiya ushbu talabni keyingi yilga qoldirgan holda, haydovchilik guvohnomasi va davlat raqamini olish uchun muddatlar va to‘lovlar miqdorini qayta ko‘rib chiqishni taklif qildi. gazeta.uz »
Qurilish vazirligi Toshkentda bitta uy uchun 200 ming dollargacha xarajat borligini aytgan tadbirkor Usmonjon Abdusamadovning ustidan IIVga ariza kiritdi. Vazirlikka ko‘ra, u “jamoatchilikda asossiz axborot tarqalishiga va islohotlarga nisbatan salbiy munosabat shakllanishiga” sababchi bo‘lgan. gazeta.uz »
2024-yili O‘zbekistonda korrupsiya uchun sudlangan har besh kishidan biri ozodlikdan mahrum qilindi. Bunday hukmlar biroz ko‘paygan bo‘lsa-da, sudlanganlarning 40 foizidan ko‘pi hali ham axloq tuzatish ishlari bilan jazolanmoqda. gazeta.uz »
Raqobat qo‘mitasi 1FIT`ning ijtimoiy tarmoqlardagi reklamalarini “bo‘rttiruvchi ma’no ifodalangan” deb topdi va unga nisbatan reklama qonunchiligi buzilishi yuzasidan jarima qo‘lladi. gazeta.uz »
Opera va balet katta teatri direktori Alibek Kabduraxmonov teatrni rivojlantirish strategiyasini taqdim etdi. Yangi postanovkalar, qoraqalpoq tilida opera, “Alisa mo‘’jizalar mamlakatida” animatsion spektakli hamda xalqaro loyihalar rejalashtirilmoqda. Teatr qoshida muzey va sovg‘a do‘koni ochiladi. gazeta.uz »
O‘zbekiston fuqarolari uchun Britaniyada mavsumiy ish kvotalari oshiriladi. Migratsiya agentligi direktori Behzod Musayev bu borada mamlakatning Mehnat ta’minotchilari uyushmasi direktori bilan kelishuvga erishdi. gazeta.uz »
