ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Deputatlar majburiyatlar reyestrini joriy etish to‘g‘risidagi qonun loyihasini birinchi o‘qishda qabul qildi. Unda sud va boshqa hujjatlar bo‘yicha majburiyatlarini bajara olmaydigan qarzdorlar ma’lumotlari bo‘ladi. gazeta.uz »
Toshkent sudi bar reklamasida yetti qizning keti va oyog‘iga urgan yigitni 5 sutkaga qamadi. U bar reklama uchun pul to‘lamaganini aytib, qilgan ishi qanday oqibatlarga olib kelishini tushunganini bildirdi va holat boshqa takrorlanmasligiga ishontirdi. Bar ma’muriyatiga nisbatan jazo belgilanmadi. gazeta.uz »
Toshkent hokimi Shavkat Umurzoqov issiqlik ta’minotiga subsidiya uchun 100 mlrd so‘m ajratish bo‘yicha qaror imzoladi va hujjatni cheklashni talab qiluvchi ma’lumotlar bo‘lmasa-da, uni yashirib qo‘ydi, yozdi Daryo. gazeta.uz »
Namanganda fuqaro va uning onasini Haj mavsumida Saudiya Arabistoniga yuborish evaziga 10 ming dollar olgan shaxs qo‘lga olindi. Huquq-tartibot idoralari Haj va Umra ziyoratlari bilan bog‘liq yana 4 ta holatni aniqladi. gazeta.uz »
Nyu Yorkning markaziy ko‘chalarida tig‘iz vaqtlarda yo‘l haqi to‘lash joriy etildi. Hali AQShning hech bir shahrida bunday qoida kiritilmagandi. Manhettenga kirish narxi - kuniga 9 dollar. Shahar hukumati shu tariqa tirbandlikka qarshi kurashmoqchi va jamoat transportini rivojlantirish uchun mablag‘ yig‘moqchi. gazeta.uz »
Ayiq bilan mashg‘ulot o‘tkazgan bokschi Shahram G‘iyosov 1 mln 125 ming so‘m miqdorida jarimaga tortildi. Sportchi holat boshqa qaytarilmasligini aytib uzr suradi. Ekologiya vazirligi jonivor Farg‘ona hayvonot bog‘iga topshirilganini bildirdi. gazeta.uz »
UzAuto Motors 7-yanvar kuni soat 10:00 da Chevrolet Cobalt avtomobili uchun yana kontraktatsiyani ochadi. gazeta.uz »
Ijtimoiy tarmoqlarda elektr energiyasi iste’moli 200 kVt/soatdan oshsa, har bir kilovatt uchun 900 so‘m emas, 540 so‘m to‘lanishi bo‘yicha yolg‘on ma’lumotlar tarqalmoqda, deya xabar qildi Energetika vazirligi. gazeta.uz »
2025-yil 1-yanvardan boshlab bino yoki avtomobilni ijaraga beradigan jismoniy shaxslar uchun eng kam ijara stavkalari oshirildi. Xalq deputatlari kengashlari ijara stavkalariga oshiruvchi koeffitsiyentlarni qo‘llashlari mumkin bo‘ladi. gazeta.uz »
O‘zbekiston hukumati kechikib bo‘lsa-da, belgilangan limitdan ortiq iste’mol qilingan elektr energiyasi va gaz uchun qo‘shimcha to‘lovlar miqdorini pasaytirdi. Limitning o‘zi esa oshirildi. gazeta.uz »
O‘zbekistonda elektr energiyasidan xo‘jasizlarcha foydalanganlik uchun javobgarlik choralarini qayta ko‘rib chiqish rejalashtirilmoqda. Tadbirkorlar uchun jarimadan qarzdorligi hisobiga tarmoqdan uzish o‘rniga bo‘lib-bo‘lib to‘lash mexanizmini joriy etish taklif etilmoqda. gazeta.uz »
Shavkat Mirziyoyev yangi yil tabrigida 2024-yil “barqarorlik, do‘stlik va hamjihatlik natijasida” qutli va barakali bo‘lganini ta’kidladi. “Asosiy maqsadimiz inson va tabiat muvozanatiga asoslangan tizim yaratishdir”, - dedi u. gazeta.uz »
O‘zbekistonda 59 turdagi oziq-ovqat va boshqa tovarlar, jumladan, go‘sht, sut mahsulotlari, sabzavot va mevalarga import bojining nol stavkasi qo‘llanishi 2026-yil 1-yanvargacha uzaytirildi. Qaror ichki bozorda narxlar barqarorligini ta’minlashga qaratilgan. gazeta.uz »
O‘zbekistonda 59 turdagi oziq-ovqat va boshqa tovarlar, jumladan, go‘sht, sut mahsulotlari, sabzavot va mevalarga import bojining nol stavkasi qo‘llanilishi 2026-yil 1-yanvargacha uzaytirildi. Qaror ichki bozorda narxlar barqarorligini ta’minlashga qaratilgan. gazeta.uz »
Buka Gym o‘z sport zalida bokschi Shahram G‘iyosov ayiq bilan jang qilgani aks etgan video uchun uzr so‘radi. Kompaniya video suratga olinganidan bexabar ekanini ma’lum qildi. Barcha mas’ul shaxslar bunday xatti-harakatlarga yo‘l qo‘ymaslik haqida ogohlantirilgan. Ekologiya vazirligi holatni o‘rganmoqda. gazeta.uz »
Madaniyat vazirligi xorijda konsert qo‘yayotgan o‘zbekistonliklarni hamkorlikka chaqiryapti. Vazir Ozodbek Nazarbekovning so‘zlariga ko‘ra, “biz O‘zbekistonning imidjini tiklashga harakat qilayotganimizda, kimdir borib uni sindirishiga yo‘l qo‘ymoqchi emasmiz”. Uning qo‘shimcha qilishicha, bu senzura yo taqiq emas. gazeta.uz »
Kurka go‘shti, sabzavotli baliq, ananasli tovuq, forel balig‘idan steyk va Yangi yil bayrami dasturxoni uchun boshqa issiq taomlar retseptlari - Zira.uz jamlanmasida. gazeta.uz »
Shavkat Mirziyoyev shanba kuni Yangi Toshkent qurilishining birinchi bosqichi bilan tanishdi. U 27 ming tup manzarali daraxt ko‘chatlari ekilgan ko‘chatxonani ko‘zdan kechirdi. Davlat rahbari vazirliklar vaqtinchalik ishlashi uchun mo‘ljallangan yengil konstruksiyali binolar bilan ham tanishdi. gazeta.uz »
420 mlrd so‘m hajmdagi tamaki mahsulotlarining yashirin aylanmasi muammosi asosan uning O‘zbekiston hududi orqali Qirg‘iziston va Tojikistonga tranziti bilan bog‘liq, dedi Bojxona qo‘mitasi raisi birinchi o‘rinbosari Otabek Ibragimov. gazeta.uz »
Prezident 2024-yilgi davlat budjetiga vazirliklar xarajatlarini 9,98 trln so‘mga oshirishni nazarda tutuvchi o‘zgartirishlar kiritishni tasdiqladi. Tashqi qarz bo‘yicha chegara 5 dan 7,3 mlrd dollargacha oshdi. gazeta.uz »
Qonunchilik palatasi chiqindi qarzlari uchun elektr to‘lovlarini cheklovchi qonunni qabul qildi. Deputatlar o‘zgartirishlarni faol muhokama qildi va yakunda cheklovlar joriy etilgunga qadar qarzni to‘lash uchun 5 kun vaqt berishga qaror qilindi. gazeta.uz »
Xitoyning Sheng Ke-International kompaniyasi Toshkent shahridagi 1,83 gektar maydondagi mulk va “Askiya” bozori hududi bo‘yicha savdolar g‘olibi bo‘ldi. Ikki qatnashchi ishtirokidagi auksion 15 daqiqa davom etdi va 225,59 mlrd so‘mlik bitta stavkadan so‘ng yakunlandi. gazeta.uz »
2023-yilda O‘zbekistondagi YTHlarda Shvetsiyadagiga nisbatan 10 (!) barobar ko‘p odam vafot etdi, avtomobillar soni esa deyarli teng. Nega tinch sharoitda har safar ko‘chaga chiqish qo‘rquv va stressga sabab bo‘lyapti? Nega mutasaddilar buni ko‘rmayapti? “Gazeta.uz”ning “Kontekst” podkastida shu savollar ko‘tarildi. gazeta.uz »
O‘zbekiston Qonunchilik palatasi ommaviy tartibsizliklar sodir etish maqsadida o‘quvdan o‘tganlik va ularni moliyalashtirganlik uchun jinoiy javobgarlik kiritilishini nazarda tutuvchi qonunni qabul qildi. gazeta.uz »
O‘zbekistonda gibrid avtomobillarni ro‘yxatdan o‘tkazish, shuningdek, mototsikl va tirkamalar uchun raqam belgilarini berish uchun to‘lovlar kamaytiriladi. Moped va skuterlarni ro‘yxatdan o‘tkazish narxi BHMning 1,5 baravarini, raqam berish ham 1,5 baravarni tashkil etadi. gazeta.uz »
2025-yilda O‘zbekiston banklari tadbirkorlar ehtiyojlarini moliyalashtirish uchun davlat kafolatisiz 6 mlrd dollar jalb qilishni rejalashtirmoqda, dedi prezident. Davlat rahbari kichik biznes uchun kreditlar ulushi 28 foizdan 40 foizga oshishini ta’kidladi. gazeta.uz »
Istiqbolli loyihalar milliy agentligi O‘zbekistonda mayning-pul, kriptodo‘kon, kriptodepozitariy va kriptobirjalar faoliyatini amalga oshirishga litsenziyalar berilganligi uchun bojlar miqdorini belgiladi. gazeta.uz »
Toshkent shahrida pulli avtoturargohlarni tashkil etish huquqini beruvchi takroriy auksion o‘tkazildi. 120 mlrd so‘m taklif qilgan avvalgi g‘olib Balcomuz kompaniyasi bilan shartnoma tuzilmagan. Yangi g‘olib Streetpark Systems bo‘ldi, u ikkita taklifdan so‘ng 62,9 mlrd so‘mlik taklif bilan g‘olib chiqdi. gazeta.uz »
UzAuto Motors 19-dekabr kuni soat 10:00 da Chevrolet Cobalt avtomobili uchun kontraktatsiyani ochadi. Kompaniya avval tuzilgan shartnomalar bo‘yicha to‘lov vaqtida amalga oshirilmagan hajmlarni qayta kontraktatsiyaga qo‘yadi. gazeta.uz »
Strategik islohotlar agentligida tungi iqtisodiyotni rivojlantirish masalalari muhokama qilindi. IMV vakili tungi vaqtda ishlashning yagona standartlarini ishlab chiqish, IIV uni nazorat qiluvchi alohida organ tuzish, SSP va RTV vakillari esa buning uchun ixtisoslashtirilgan hududlar ajratishni taklif qildi. gazeta.uz »
O‘zbekistonda 9 ta davlat bankiga 2025-yilda oilaviy tadbirkorlik dasturini amalga oshirish uchun 1 mlrd dollar miqdorida kredit jalb etish tavsiya etildi. Kichik biznesni qo‘llab-quvvatlash maqsadida banklar tomonidan 300 mln so‘m miqdorida shartsiz kreditlar ham ajratiladi. gazeta.uz »
Qonunchilik palatasi chiqindi xizmatlaridan qarz mavjud bo‘lganda elektr energiyasi uchun to‘lovni cheklashni nazarda tutuvchi qonun loyihasini ko‘rib chiqishga kirishdi. Deputat ikki yilda barcha kommunal xizmatlarni va qarzdorlikni birlashtiradigan yagona billing tizimi yaratilishini ma’lum qildi. gazeta.uz »
Qashqadaryo viloyatidan o‘tgan M-39 avtomobil yo‘lidagi Taxtaqoracha dovoni 10:30 dan avtomobillar harakati uchun vaqtincha yopildi. Bunga qalin qor yog‘ayotgani sabab bo‘lgan. gazeta.uz »
Seulda parlament atrofidagi ko‘chalarda odamlar prezident harbiy holat e’lon qilganidan beri eng katta mitingga yig‘ildi. U yerda tez orada Yun Sok Yol impichmenti uchun takroriy ovoz berish o‘tkaziladi. gazeta.uz »
O‘zbekistonlik bokschi Xavasbek Asadullayev finalda qozog‘istonlik raqibini mag‘lub etib, Osiyo chempioni unvonini qo‘lga kiritgandi. Biroq jang davomida u raqibini tishlab olgani sababli Osiyo boks konfederatsiyasi uni diskvalifikatsiya qildi. Oltin medal Ablayxon Jusupovga berildi. gazeta.uz »
Iqtisodiyot va moliya vazirligi 2025-yil uchun Davlat budjetida ko‘rsatilgan mablag‘ yangi o‘quv yilida o‘quvchilarni darsliklar va mashq daftarlari bilan ta’minlash bo‘yicha ehtiyojni to‘liq qoplash imkonini berishini ta’kidladi. gazeta.uz »
O‘zbekistonda ommaviy tartibsizliklarni tashkil etish maqsadida ta’lim olish va ularni moliyalashtirish uchun javobgarlik joriy etish rejalashtirilmoqda. Deputatlar qonun loyihasini birinchi o‘qishda savollarsiz ma’qulladi. Biroq parlamentning bir nafar a’zosi qarshi ovoz berdi. gazeta.uz »
Qishki ta’til munosabati bilan Toshkentdagi ikkita OTM binosida temiryo‘l hamda avtobus uchun chiptalarni sotib olish imkoniyati yaratildi. gazeta.uz »
O‘zbekiston Jahon savdo tashkilotiga a’zo bo‘lish jarayonini 2026-yilgacha yakunlash uchun tashkilotga a’zo davlatlar bilan muzokaralarni tezlashtiradi, deya ta’kidlandi ishchi guruhning 9-yig‘ilishida. gazeta.uz »
UzAuto Motors 11-dekabr kuni soat 10:00 da Chevrolet Cobalt avtomobili uchun kontraktatsiyani ochadi. Kompaniya avval tuzilgan shartnomalar bo‘yicha to‘lovi vaqtida amalga oshirilmagan hajmlarni qayta kontraktatsiyaga qo‘yadi. gazeta.uz »
“O‘zbekiston temir yo‘llari” talabalarga 23-dekabr-10-yanvar oralig‘idagi mahalliy qatnovlar chiptalari uchun 50 foizlik chegirma e’lon qildi. SV/VIP klassdagi vagonlar va “Afrosiyob” elektropoyezdlari bundan mustasno. Avvalroq UzAirways ham talabalarga chegirma taqdim etgandi. gazeta.uz »
Yaponiya poytaxti Tokioda 2025-yil apreldan ishchi onalarga yordam ko‘rsatish va tug‘ilish darajasini oshirish uchun 4 kunlik ish haftasi joriy qilinadi. 2023-yilda 727,2 mingta tug‘ilish qayd etilgan bo‘lib, bir ayolga to‘g‘ri keladigan bola soni 1,2 tagacha pasayib ketgan. gazeta.uz »
Uzbekistan Airways davlat muassasasida tahsil oluvchi talabalar uchun barcha mahalliy aviaqatnovlarning ekonom-klass aviachiptalari tariflariga 50 foizgacha chegirma e’lon qildi. gazeta.uz »
Prezident TIVga o‘qish istagida bo‘lgan fuqarolar uchun Buyuk Britaniya, Germaniya va boshqa davlatlar bilan viza tartibini soddalashtirishga erishish bo‘yicha topshiriq berdi. Yoshlar agentligi rahbari Work and Travel dasturi ishtirokchilariga yo‘lkira xarajatlari uchun ssuda ajratilishini ma’lum qildi. gazeta.uz »
Prezident TIVga o‘qish istagida bo‘lgan fuqarolar uchun Buyuk Britaniya, Germaniya va boshqa davlatlar bilan viza tartibini soddalashtirishga erishish bo‘yicha topshiriq berdi. Yoshlar agentligi rahbari Work and Travel dasturi ishtirokchilariga yo‘lkira xarajatlari uchun ssuda ajratilishini ma’lum qildi. gazeta.uz »
Janubiy Koreya parlamenti prezidentga impichment e’lon qilish uchun ovoz berishda yetarlicha ovozni to‘play olmadi: hukmron partiyaning 108 deputatidan 105 nafari majlislar zalidan chiqib ketib, ovoz berishdan bosh tortdi. gazeta.uz »
Janubiy Koreya prezidenti Yun Sok Yol xalqqa murojaat qilib, harbiy holat to‘g‘risidagi qarori uchun uzr so‘radi va ta’zim qildi. “Qaror dilxunlikdan qabul qilingandi”, - degan yetakchi lavozimida qolish masalasini o‘z partiyasi ixtiyoriga qoldirishini ta’kidladi. gazeta.uz »
Kriminologiya tadqiqot institutida elektron braslet qurilmasi va uning dasturiy ta’minoti tayyorlandi. Qurilmani ishlab chiqarish hamda tijoratlashtirish bo‘yicha choralar ko‘rilmoqda. gazeta.uz »
Koreya Respublikasi parlamenti mamlakatda harbiy holatni bekor qilish uchun ovoz berdi. 300 deputatdan 190 nafari prezident qaroriga qarshi ovoz berdi. Parlament binosi oldida odamlar yig‘ilgan. Harbiylar parlament binosini tark eta boshladi. gazeta.uz »
Tabiiy gazdan foydalanadigan idoraviy va munitsipal uy-joy fondidagi, yuridik shaxslar yotoqxonalaridagi, ko‘p kvartirali uylarni boshqarish organlaridagi lokal qozonxonalarga yetkazib beriladigan tabiiy gaz narxi pasaytirildi. gazeta.uz »
