ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Prezident farmoni bilan yil oxirigacha Ai-80 benzinidan foydalanish va sotishni cheklash uchun “barcha kuchlarni safarbar qilish” belgilandi. Shu bilan birga, aholi “sifatli, ekologik toza va arzon yoqilg‘i” bilan ta’minlanishi kerak. gazeta.uz »
Suriya mudofaa vaziri Murhaf Abu Kasraning aytishicha, agar bundan Suriya foyda ko‘rsa, mamlakatda Rossiya harbiy bazalari saqlab qolinishi mumkin. Rossiya Suriyaning yangi hukumatiga “o‘zi juda xohlagan narsa” - Bashar Asadni ham berishi mumkin, deb yozadi WP. gazeta.uz »
Ko‘plab salonlar avtomobil xaridi uchun pul to‘liq to‘langanda chegirma bermoqda, lekin banklar avtokredit uchun bu chegirmalarni qabul qilmaydi. Davlat rahbari mahalliy avtomobillar uchun bu cheklovni olib tashlash muhimligini ta’kidladi. gazeta.uz »
Jizzax viloyati G‘allaorol tumanida fuqaro rudadan rangli metallarni ajratish uchun tabiiy gaz tarmog‘iga hisoblagichdan tashqari rezina shlang orqali ulanib, 1,35 mlrd so‘mlik zarar yetkazdi. Avvalroq birgina 2024-yilda 600 mlrd so‘mlik energiya resurslari talon-toroji haqida xabar berilgandi. gazeta.uz »
AQSh Davlat departamenti endilikda Amerika kemalari Panama kanali orqali bepul o‘tishi mumkinligini ma’lum qilgandi. Panama hukumati buni rad etdi. Tramp avvalroq kanaldan o‘tish tariflari yuqoriligini aytgan va kanalni AQSh nazoratiga qaytarish bilan tahdid qilgandi. gazeta.uz »
Malayziyaning Meraque kompaniyasi Toshkent viloyatining Yangiyo‘l tumanida dron va qishloq xo‘jaligining aqlli texnologiyalarini ishlab chiqarishni yo‘lga qo‘yadi. Kompaniya loyihaga 4,5 mln dollar sarmoya kiritishni rejalashtirmoqda. gazeta.uz »
O‘zbekistondagi chegara punktlaridan navbatsiz o‘tish uchun pulli Fast Track xizmati paydo bo‘ladi. Xizmat doirasida pasport va bojxona nazorati uchun alohida yo‘lak, VIP zal va boshqa sharoitlar yaratiladi. gazeta.uz »
O‘zbekistonda 1-martdan 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati yo‘lga qo‘yiladi. Kunduzgi parvarish xizmatiga oid faoliyatni amalga oshiruvchi tadbirkorlar qo‘llab-quvvatlanadi, xizmatda foydalanuvchi ota-onalarga soliq imtiyozlari beriladi. gazeta.uz »
Do‘stlik tumanida erkak 23 yoshli ayolni Rossiyaga fohishalik uchun sotib yubormoqchi bo‘lganida ushlandi. Sud hukmi bilan unga 3 yil 6 oy muddatga ozodlikni cheklash jazosi tayinlandi. gazeta.uz »
Hukumat 1-maydan elektromobillar uchun utilizatsiya yig‘imini oshirishni tasdiqladi. U mashina ishlab chiqarilgan yilga qarab 45 mln dan 78,5 mln so‘mgacha bo‘ladi. Maqsad - akkumulyator batereyalarini utilizatsiya qilish uchun infratuzilma tashkil etishni moliyalashtirish. Mahalliy ishlab chiqaruvchilarga imtiyoz qo‘llanadi. gazeta.uz »
Xalqaro kuryerlik jo‘natmalarining 1 kilosi uchun BHMning 2 foizi miqdorida bojxona yig‘imi joriy etiladi. U barcha xorijiy marketpleyslardan tovarlarni yetkazib berishda va jismoniy shaxslar o‘rtasida jo‘natmalarni yuborishda amal qiladi. gazeta.uz »
O‘zbekiston davlat chegarasidan avtotransportda o‘tuvchilar endi avvaldan elektron navbat olib qo‘yishi mumkin. Navbatni Bojxona qo‘mitasining rasmiy veb sayti yoki navbatlarni boshqarish tizimi joriy etilgan kutish zonalarida olishi mumkin. gazeta.uz »
1-apreldan boshlab go‘sht, sut va tuxum sotishdagi tushumi daromadining 90 foizini tashkil etuvchi chorvachilik va parrandachilik xo‘jaliklari uchun QQSning 50 foizi qaytariladi. “Mikrokreditbank”ka 1 mln ish o‘rni yaratishga mo‘ljallangan “Parranda boqish - daromad topish” loyihasi uchun 50 mln dollar ajratiladi. gazeta.uz »
Andijon viloyati Xo‘jaobod tumanida korxona ohak ishlab chiqarishda 5,3 mlrd so‘mlik tabiiy gazdan noqonuniy foydalangani ma’lum bo‘ldi. Gaz hisoblash uskunasi nosozligi sababli muqaddam tarmoqdan uzilgan va tamg‘a o‘rnatilgan, ammo sex rahbari uni o‘zboshimchalik bilan buzgan va ishlatishda davom etgan. gazeta.uz »
O‘zbekistonlik grossmeyster Nodirbek Yoqubboyev hindistonlik shaxmatchi Rameshbabu Vayshalidan Veyk-an-Zeye shahrida bo‘lib o‘tgan Tata Steel Chess turnirida o‘yin oldidan qo‘l berib ko‘rishishdan bosh tortgani uchun shaxsan uzr so‘radi. gazeta.uz »
Nemolchi. uz loyihasi faoli Nigina Xudaybergenova Jinoyat kodeksiga 2023-yili kiritilgan maishiy zo‘ravonlik to‘g‘risidagi modda qanday qo‘llanilayotganiga aniqlik kiritish maqsadida sudlarning 400 dan ortiq qarorlarini o‘rganib chiqdi. gazeta.uz »
Angren shahrida 31 yoshli telefon ustasi tuzatish uchun qoldirilgan telefondan 9 mln so‘m yechib oldi. Erkak pulni shaxsiy ehtiyojlari uchun sarflab yuborgan. Gumonlanuvchi protsessual tartibda ushlandi va jinoyat ishi qo‘zg‘atildi. gazeta.uz »
Donald Trampning nutqlarini qayd etib ulgurilmayotgani uchun Oq uy qo‘shimcha stenografistlarni yollashni reja qilmoqda. Tramp, xususan, lavozimining birinchi haftasida omma oldida salkam 8 soat gapirdi va 81,2 mingta so‘z ishlatdi. gazeta.uz »
AQSh prezidenti Donald Tramp Guantanamo harbiy-dengiz bazasini mamlakatda noqonuniy bo‘lib turgan “alohida muhim xorijlik jinoyatchilar”ni saqlashga tayyorlashni buyurdi. Uning so‘zlariga ko‘ra, markaz 30 ming nafargacha migrantni qabul qila oladi. gazeta.uz »
1-iyundan boshlab O‘zbekistonda mamlakatdan chiqib ketayotgan yuk transportlari uchun elektron navbat tizimi yo‘lga qo‘yilishi kerak. Bu chegarani kesib o‘tish vaqtini tezlashtirishi va yuk tashish hajmini oshirishi zarur. gazeta.uz »
O‘zbekistonda elektrlashtirilgan uylar uchun imtiyozli tariflarni ishlab chiqish rejalashtirilmoqda, dedi energetika vaziri Jo‘rabek Mirzamahmudov. Avvalroq u 1-yanvardan gazsiz uylar uchun elektr energiyasiga chegirma joriy etilishini aytgandi, ammo bu amalga oshmadi. gazeta.uz »
O‘zbekistonda 2025-yil 1-apreldan cheklangan savdo ustamalari faqat retsept bilan beriladigan dori vositalari toifasiga nisbatan tatbiq etiladi. Bu distribyutorlar uchun cheklangan ustama bazaviy narxning 15 foizini, dorixonalar uchun xarid narxining 20 foizini tashkil etardi. gazeta.uz »
Raqobat qo‘mitasi Andijon viloyatidagi 3 ta don korxonasiga manipulyatsiya harakatlari uchun moliyaviy jarima qo‘lladi. Ularga qonunbuzilishi holatlarini bartaraf etish bo‘yicha ko‘rsatma berilgan. gazeta.uz »
Sanatoriyalarda dam olish - sobiq sovet mamlakatlarida xordiq chiqarishning eng keng tarqalgan shakli cifatida hali ham o‘z ahamiyatini yo‘qotmagan. O‘zbekiston sanatoriyalarining o‘ziga xosligi nimada va ularga qanday qilib yangi hayot baxsh etish mumkin - ATLAS hududiy rivojlantirish byurosining maqolasi shu haqda. gazeta.uz »
2024-yilda Toshkentda ofis binolari ko‘paydi, biroq ularning katta qismi bo‘sh turibdi. Ko‘chmas mulk egalari qanday qilib tezroq ijarachi topishi va kelajakda taklif qanday o‘zgarishi mumkin? CMWP Uzbekistan konsalting kompaniyasining yillik hisoboti sharhi - shu haqda. gazeta.uz »
Surxondaryo viloyati hokimi o‘zining o‘rinbosarlari hamda shahar va tuman hokimlarini mukofotlash uchun 661 million so‘m ajratdi. Farmoyish jamoatchilik e’tirozlaridan so‘ng bekor qilindi. Mablag‘lar “Kambag‘allikdan farovonlik sari” dasturiga yo‘naltirilishi aytildi. gazeta.uz »
O‘zbekistonda 1-apreldan elektr energiyasi uchun tariflar o‘sadi. Xususan, maishiy iste’molchilar uchun belgilangan ijtimoiy norma doirasidagi 450 so‘mlik tarif 600 so‘m bo‘ladi. Tariflar bundan avval 2024-yil 1-mayida oshirilgandi. gazeta.uz »
Senat qoidabuzar haydovchilarga jarima ballarini hisoblash tizimini joriy etish ko‘zda tutilgan qonunni ma’qulladi. Unga ko‘ra, bir yil davomida jarima ballari 12 ballga yetgan haydovchi kamida 6 oyga haydovchilik huquqidan mahrum qilinadi. gazeta.uz »
O‘zbekistonda endi transport vositasini keskin boshqarish, ya’ni drift qilish va “shaxmat” shaklida harakatlanish uchun javobgarlik belgilanmoqda. Bundan tashqari, transport vositasini takroran mast holda boshqarganlik uchun jinoiy javobgarlik joriy etilmoqda. gazeta.uz »
Shavkat Mirziyoyev O‘zbekistonda bundan buyon qurilishga salohiyatli developerlarni jalb qilish maqsadida ko‘p qavatli uy qurish uchun yerlar auksionda faqat QQS to‘lovchi yuridik shaxslarga sotilishini ma’lum qildi. gazeta.uz »
Kinoarboblar ijodiy uyushmasi raisi Matyoqub Matchonov tanishini haqorat qilgani uchun javobgarlikka tortildi. Jabrlanuvchi taniqli aktyor bilan suhbatini diktofonga yozib olgan va uni IIBga bergan. gazeta.uz »
Tovarlarni o‘z vaqtida yetkazib bermagani uchun sotuvchilarga penya joriy etish to‘g‘risidagi qonun loyihasi deputatlar tomonidan birinchi o‘qishda qabul qilindi. “Milliy tiklanish” fraksiyasi a’zosi bu me’yor elektr, gaz va suv ta’minotidagi uzilishlarga ham tatbiq etiladimi, deya so‘radi. gazeta.uz »
Abduqodir Husanov “Manchester Siti” futbolchisi sifatida o‘zining ilk intervyusini berdi. “Bu nafaqat men uchun, balki O‘zbekiston uchun. Angliyada birinchi o‘zbek, bu hali boshlanishi, o‘zbeklar ko‘p kelishadi”, - deya ta’kidladi himoyachi klub rasmiy sahifasi uchun tanishtiruv suhbatida. gazeta.uz »
10-yanvarda Angliyaga mavsumiy ish o‘rinlari uchun tanlov o‘tkazildi. Ammo 3 millionga yaqin o‘zbekistonlik qiziqish bildirgan tanlov natijalari ko‘p o‘tmay bekor qilindi. Migratsiya agentligi bunga texnik muammolarni sabab qilib ko‘rsatdi. gazeta.uz »
BBC Travel global media portali O‘zbekistonni 2025-yilda sayohat qilish uchun eng yaxshi manzillar ro‘yxatiga kiritdi. “Mamlakat sayyohlarni jalb qilish maqsadida yangi poyezd yo‘nalishlari, ichki reyslar va madaniy obyektlarga investitsiya kiritmoqda”, - deyiladi hisobotda. gazeta.uz »
Prezident xalqaro moliya tashkilotlari mablag‘lari hisobidan investitsiyalarni o‘zlashtirishdagi byurokratiyani tanqid qildi. Ushbu muammoni hal qilish uchun O‘zbekistonda XMI bilan ishlash uchun bosh vazir boshchiligida favqulodda shtab tashkil etish belgilandi. gazeta.uz »
Qonunchilik palatasi jamoat transporti uchun ajratilgan yo‘laklarda harakatlanganlik uchun jazoni nazarda tutuvchi qonunni qabul qildi. Huquqbuzarliklar uchun 1,12 mln va 1,87 mln so‘m jarima solish taklif qilingandi, biroq deputatlar bu miqdorlarni kamaytirishga qaror qildi. gazeta.uz »
O‘zbekiston olimpiya terma jamoasi murabbiyi Temur Kapadze Qozog‘iston nashriga qisqa intervyu berib, Abduqodir Husanov transferi, Qozog‘iston va O‘zbekiston futboli haqida gapirdi. “Shunday nomdor klub va murabbiy Husanovni taklif qilgani uchun futbolchimizdan juda xursandmiz va faxrlanamiz”, - dedi u. gazeta.uz »
UzAuto Motors 16-yanvar kuni soat 10:00 dan boshlab Chevrolet Cobalt Midnight avtomobili uchun kontraktatsiyani ochadi. Kompaniya avvalgi shartnomalar bo‘yicha to‘lovi vaqtida amalga oshirilmagan avtomobillarga qayta shartnoma tuzadi. gazeta.uz »
“Yoshlar uchun 1000 kitob” loyihasi 2024-yili 50 ta ilmiy-ommabop kitobni o‘zbekchaga o‘girdi. 2025-yilda badiiy va bolalar adabiyotlari ham tarjima qilinishi rejalashtirilgan. Hozirda loyiha uchun kontent-menejer va tashkiliy-moliyaviy menejer izlanmoqda. Nomzodlarga, jumladan, yuqori maosh taklif qilinadi. gazeta.uz »
O‘zbekistonda tadbirkorlar uchun bepul kurslarga ega onlayn platforma - “Kichik biznes akademiyasi” ishga tushdi. Dastlabki uchta kursdan biznesni “kulrang” dan “oq rang”ga o‘tkazish, restoranni rivojlantirish va ijtimoiy tarmoqlarda do‘konni targ‘ib qilishni o‘rganish mumkin. gazeta.uz »
O‘zbekistonda 2030-yilgacha transport-logistika tizimini rivojlantirish konsepsiyasi qabul qilinadi. Transport vaziri “muammoli mamlakatlar” orqali o‘tish uchun muqobil yo‘laklar aniqlanishini aytdi. gazeta.uz »
Toshkent xalqaro aeroportida mushuklar uchun uylar o‘rnatildi. Ekologik materiallardan yig‘ilgan uyda isitish va sovitish tizimlari o‘rnatilgan. “Mamlakat haqidagi tasavvur aeroportdan boshlanadi va bunday uychalar butun mamlakatning munosabati ko‘rsatkichidir”, - deya qayd etdi Uzbekistan Airports. gazeta.uz »
Paxtachi tumanida 5 kishi tarkibida oltin moddasi bo‘lgan toshlarni kavlab olish uchun shaxtaga tushdi. Ulardan 2 nafari generatordan chiqqan is gazidan zaharlanib voqea joyida halok bo‘ldi. gazeta.uz »
“Gazeta.uz” poytaxt ko‘chalarida odamlardan O‘zbekistonda alohida Erkaklar kuni bo‘lishi kerakmi yoki yo‘q, bo‘lsa, uni qaysi sanada nishonlash va qanday sovg‘alar berish mumkinligi haqida fikrlarini so‘radi. gazeta.uz »
Pensiya jamg‘armasi bo‘lajak pensionerlarga tavsiyalar berdi. Jamg‘arma pensiyaga chiqish vaqti kelganda muammolarga uchramaslik, pensiya miqdori esa yuqoriroq bo‘lishi uchun fuqarolar qanday yo‘l tutishi kerakligini tushuntirdi. gazeta.uz »
Human House galereyasi egasi Lola Sayfining aytishicha, uning O‘zbekistonni xorijliklarga namoyon etuvchi biznesi QQS to‘lashga o‘tish majburiyati tufayli yopilishi mumkin. U Saida Mirziyoyevadan kreativ iqtisodiyot loyihalari uchun soliq rejimini qayta ko‘rib chiqishga ko‘maklashishni so‘radi. gazeta.uz »
O‘zbekistonda 1-iyuldan ko‘p qavatli uylar massivlaridagi tuproq va yashil qoplamali umumiy foydalanishdagi hududlarni o‘zboshimchalik bilan betonlashtirganlik, qurilma va konstruksiyalarni o‘rnatganlik uchun javobgarlik choralari kuchaytirilishi mumkin. Bu davlat dasturi loyihasida qayd etilgan. gazeta.uz »
O‘zbekistonda ma’muriy qamoq huquqbuzarlikka qarshi kurashning bahsli chorasi bo‘lib qolmoqda. Uning keng qo‘llanishi tizimning insonparvarligiga shubha uyg‘otadi. Ma’muriy qamoq qachon o‘rinli, uni qo‘llash bo‘yicha yondashuvni qanday o‘zgartirish kerak? Huquqshunoslar Husain Radjapov va Farhod Fozilov mulohazasi. gazeta.uz »
Deputatlar majburiyatlar reyestrini joriy etish to‘g‘risidagi qonun loyihasini birinchi o‘qishda qabul qildi. Unda sud va boshqa hujjatlar bo‘yicha majburiyatlarini bajara olmaydigan qarzdorlar ma’lumotlari bo‘ladi. gazeta.uz »
