ó÷óí - Ïîñëåäíèå íîâîñòè [ Ôîòî â íîâîñòÿõ ] | |
UzAuto Motors shartnomalardagi bir tomonlama shartlarni bekor qildi. Xususan, bir rusumdagi avtomobil uchun bir yilda qayta shartnoma tuzilganda yetkazib berish muddati qo‘shimcha 120 kungacha uzaytirilishi sharti olib tashlandi. Shuningdek, pulni qaytarish 10 kungacha qisqartirildi. gazeta.uz »
Tramp Moskvaga o‘t ochishni to‘xtatish uchun belgilagan dastlabki 50 kunlik muddatni 10 kungacha qisqartirganiga oydinlik kiritdi. Bu vaqt tugagach, Vashington “bojlar va boshqa choralar”ni joriy qiladi. gazeta.uz »
Garvard universiteti OTMni antisemitizmda ayblagan Tramp ma’muriyati bilan mojaroni hal qilish uchun 500 mln dollargacha to‘lashga rozi bo‘ldi. Avvalroq hukumat universitet grantlarini muzlatib qo‘ygan va uni xorijiy talabalarni o‘qitish huquqidan mahrum qilgandi. gazeta.uz »
O‘zbekistonda xavfli pirotexnika turlarining muomalasini cheklash va portativ lazer nurlantirgichlarining noqonuniy aylanmasi uchun javobgarlik kiritish ko‘zda tutilgan qonun deputatlar tomonidan qabul qilinib, ma’qullash uchun Senatga yuborildi. gazeta.uz »
Xitoy hukumati uch yoshgacha bo‘lgan har bir bola uchun yiliga 3,6 ming yuan (503 dollar) to‘lamoqchi. Bu harakat oilalarni qo‘llab-quvvatlash va tug‘ilishni rag‘batlantirishga qaratilgan. To‘lovlarni 20 milliondan ortiq oila olishi kutilmoqda. Mamlakatda aholi ketma-ket uchinchi yil kamayib bormoqda. gazeta.uz »
Isroil anklav aholisiga yordam yetkazish uchun G‘azoning uchta tumanidagi janglarda kunlik tanaffuslar e’lon qildi. Qaror xalqaro bosim va gumanitar tashkilotlarning sohadagi ocharchilik haqidagi ogohlantirishlari fonida qabul qilindi. gazeta.uz »
Zo‘ravonlikdan jabr ko‘rgan 15 yoshli qiz davolanish uchun Angren bolalar shifoxonasidan Toshkent shahridagi ixtisoslashtirilgan tibbiy muassasasiga o‘tkazildi. Jinoyat ishining tergovi Bosh prokuratura tomonidan alohida nazoratga olingan. gazeta.uz »
Toshkentda turar joylarda ichimlik suvi uchun “aqlli” hisoblagichlarni o‘rnatish boshlandi. Diehl Metering kompaniyasi tomonidan ishlab chiqilgan hisoblagichlar Fransiyaning Suez kompaniyasi bilan hamkorlikdagi loyiha doirasida o‘rnatilmoqda. gazeta.uz »
“Sen dunyoga keraksan” xayriya jamoasi “Mehrning bir kuni” aksiyasi doirasida 4 yoshdan 16 yoshgacha bo‘lgan oraliqdagi 45 bolaga quvonch ulashdi. Gazeta fotomuxbiri Murod Yusuf Toshkentdagi muz saroyi, dinozavrlar uyi, masjid va sayilgohga sayohat qilgan bolalarning kuni qanday o‘tganini kadrlarga muhrladi. gazeta.uz »
AQSh mamlakatga tashrif buyurish uchun noimmigratsion vizaga muhtoj barcha chet elliklar uchun $250 miqdoridagi yangi yig‘imni (visa integrity fee) joriy qiladi. Yig‘im kuchga kiradigan sana va uni to‘lash mexanizmi hozircha ma’lum emas. gazeta.uz »
Shimoliy Makedoniyaning Kouzon kompaniyasi O‘zbekistonda kruiz kemalarida ishlash uchun nomzodlar tanlovini ochdi. Oylik maosh ish sohasiga qarab 950 yevrodan 2100 yevrogacha. Ish soatlari ham sohaga qarab grafik asosida belgilanadi. gazeta.uz »
Qozog‘istonda tibbiyot xodimlariga nisbatan jismoniy zo‘ravonlik va shafqatsizlik uchun jazo kuchaytirilmoqda. Tashabbusni mamlakat prezidenti Qosim-Jomart Toqayev qo‘llab-quvvatladi. gazeta.uz »
Avtomobilni boshqarish uchun ishonchnomaga uni chet davlatga olib chiqishga ruxsat beradigan bandni kiritish taklif etilmoqda. Bu qaror so‘nggi paytlarda O‘zbekistondan avtotransport vositalarining olib chiqilishi va ularning chet elda sotilishi holatlari ko‘paygani bilan izohlanmoqda. gazeta.uz »
Poytaxt hokimi ko‘cha va yo‘llarda temir panjara o‘rnatish uchun 6,9 mlrd so‘m mablag‘ ajratish to‘g‘risida qaror imzoladi. Panjaralar “harakat xavfsizligini ta’minlash va piyodalar bilan bog‘liq YTHlarni oldini olish” maqsadida o‘rnatilishi qayd etilgan. May oyida buning uchun 1,46 mlrd ajratish ko‘zda tutilgandi. gazeta.uz »
Qozog‘iston va O‘zbekiston chegarasida yonilg‘i-moylash materiallarini kontrabanda yo‘li bilan olib o‘tish uchun qazilgan 450 metr uzunlikdagi yer osti tunneli aniqlandi. O‘zbekiston huquqni muhofaza qiluvchi organlari ham o‘z hududida tegishli choralarni ko‘rgan. Jinoiy sxemaning barcha ishtirokchilari aniqlangan. gazeta.uz »
Ko‘pchilik kasallik belgilari paydo bo‘lmagunicha shifokorga murojaat qilmaydi, vaholanki, ko‘p kasalliklar odatda yashirin kechadi. Gazeta umumiy amaliyot shifokori Javohir Xolmuhamedov bilan muntazam tibbiy ko‘riklar zarurati, ularga qanday tayyorgarlik ko‘rish va qayerda o‘tkazish haqida suhbatlashdi. gazeta.uz »
Toshkent shahrining har bir tumanida qalamcha va urug‘lardan gullaydigan buta ko‘chatlarini ko‘paytirish uchun maxsus ko‘chatxonalar tashkil etiladi. Taqsimot reja dasturiga ko‘ra, Toshkent shahrida jami 574 450 dona buta ko‘chatlari yetishtiriladi. gazeta.uz »
Rossiyaning Belgorod va Bryansk viloyatlaridan 99 nafar bola Toshkent viloyatidagi “Anor” bolalar sog‘lomlashtirish oromgohida dam olish uchun keldi. Bunday aksiya Rossiya bilan birinchi marta o‘tkazilmoqda. gazeta.uz »
Qoraqalpoq davlat universiteti o‘qituvchisi 18 nafar talabani yakuniy imtihondan o‘tkazib berishini aytib, 18,3 mln so‘m olayotgan vaqtida qo‘lga olindi. Holat yuzasidan firibgarlik va pora berish moddalari bo‘yicha jinoyat ishi qo‘zg‘atildi. gazeta.uz »
Vazirlar Mahkamasi jazoni ijro etish muassasalaridan ozod qilingan shaxslarga nafaqa tayinlash va to‘lash tartibini tasdiqladi. Unga ko‘ra, nafaqa tayinlash uchun murojaat qilish, murojaatlarni ko‘rib chiqish va nafaqa tayinlash “E-probatsiya” axborot tizimi orqali amalga oshiriladi. gazeta.uz »
O‘zbekistonda iyul oxirigacha Yagona interaktiv davlat xizmatlari portali orqali avtomototransport vositalarini jarima maydonchasidan olib chiqish uchun elektron ruxsatnoma olish xizmatini yo‘lga qo‘yish rejalashtirilmoqda. gazeta.uz »
Toshkent shahrida Patrul-post xizmati inspektori fuqaroga haydovchilik guvohnomasi olib berishni va’da qilib, uning evaziga 1500 dollar talab qilgan. U pullarni olayotganda qo‘lga olindi. gazeta.uz »
Istanbulning sobiq meri Ekrem Imamog‘lu shahar prokurori haqida aytgan gaplari uchun 1 yilu 8 oyga ozodlikdan mahrum etildi. Sudlanuvchi aybini tan olmadi, da’volar siyosiy sabablarga ko‘ra ekanini ta’kidladi. gazeta.uz »
O‘zbekiston va Vengriya quruq sovitish tizimlarini yirik uzelli yig‘ishni tashkil etish bo‘yicha qo‘shma korxona tashkil etish ishlarini boshlash to‘g‘risida protokol imzoladi. Shuningdek, hujjatda Vengriya tomonidan ta’lim dasturlari va stajirovkalarni ishlab chiqishni nazarda tutiladi. gazeta.uz »
O‘zbekistonda xususiy tibbiy klinikalarga organ ko‘chirib o‘tkazish bo‘yicha operatsiyalarni o‘tkazishga ruxsat berilishi mumkin. Bu haqda 15-iyul kuni Savdo-sanoat palatasida tashkillashtirilgan sog‘liqni saqlash sohasi vakillari bilan ochiq muloqot chog‘ida aytib o‘tildi. SSV bu masalani diqqat bilan o‘rganmoqda. gazeta.uz »
Óêàçîì Ïðåçèäåíòà îïðåäåëåíû ìåõàíèçìû ïîîùðåíèÿ ó÷àñòèÿ íàñåëåíèÿ â îáåñïå÷åíèè ýêîíîìè÷åñêîãî è ñîöèàëüíîãî ðîñòà ñòðàíû, ïîääåðæêè ïåðñïåêòèâíûõ èíèöèàòèâ â ðàçëè÷íûõ ñôåðàõ è äàëüíåéøåãî ïîâûøåíèÿ èííîâàöèîííîé àêòèâíîñòè. norma.uz »
Samarali va xalqchil islohotlarni amalga oshirishda keng jamoatchilik ishtirokini qo‘llab-quvvatlash maqsadida 2025-yildan boshlab har yili “Kelajak uchun” istiqbolli tashabbuslar forumi o‘tkaziladi. gazeta.uz »
Hukumat Ilk rivojlanish markazlarini tashkil etish to‘g‘risidagi nizomni tasdiqladi. Markaz kambag‘al va alohida ta’lim ehtiyoji bor oilalarning 3−6 yoshdagi bolalariga ta’lim-tarbiya xizmatlarini ko‘rsatadi. gazeta.uz »
2025/2026 o‘quv yili uchun davlat OTMlariga o‘qishni ko‘chirish uchun onlayn ariza yuborish boshlandi. Arizalar “transfer.edu.uz” va “my.uzbmb.uz” elektron tizimlari orqali 5-avgustgacha qabul qilinadi. gazeta.uz »
O‘zbekiston parlamenti quyi palatasi dala chetlari, kanallar, sug‘orish va kollektor-drenaj tarmoqlari atrofidagi maydonlardan foydalanmaganlik uchun uch barobar soliqni ko‘zda tutuvchi qonunni qabul qildi. gazeta.uz »
O‘zbekiston deputatlari xavfli pirotexnika turlarining muomalasini cheklovchi qonun loyihasini birinchi o‘qishda qabul qildi. Hujjatda, shuningdek, portativ lazer nurlantirgichlarining noqonuniy aylanmasi uchun javobgarlik kiritish taklif etilmoqda. gazeta.uz »
Davlat bojxona qo‘mitasi 20-iyuldan shaxsiy ehtiyoj uchun tovarlarni bojsiz olib kirishda chet elda bo‘lishning minimal muddati joriy etilishini eslatdi. Xususan, endi piyoda yoki avtomobilda mamlakatga kelayotgan fuqarolar bojsiz tovar olib kirish uchun chetda kamida 2 kun, samolyotdagilar esa 3 kun bo‘lishi kerak. gazeta.uz »
Ãåîëîãèÿ ôàíëàðè óíèâåðñèòåòè Ïîêèñòîí óíèâåðñèòåòëàðè áèëàí ìóçîêàðàëàð ¢òêàçäè. ru.sputniknews-uz.com »
Fuqarolar va xorijliklarni ro‘yxatga olish to‘g‘risidagi yangi qonunda pasport nazorati qoidalarini buzganlik, jumladan, ro‘yxatdan o‘tmasdan va hujjatsiz yashash, pasportni yaroqsizlantirish yoki yo‘qotish, uni garovga qo‘yish uchun ayrim jarimalar miqdori o‘zgartirildi. gazeta.uz »
O‘zbekistonda ichimlik va oqova suv xizmatlari bo‘yicha qarzdorlik 794 mlrd so‘mni tashkil etdi, uning 73 foizi aholi hissasiga to‘g‘ri kelmoqda. Markazlashgan ichimlik suvi bilan ta’minlash darajasi 81,5% ga yetdi, hisoblagichlar qamrovi esa 82%. gazeta.uz »
O‘zbekistonda 1-avgustdan chiqindilarni olib chiqish xizmatidan qarzi borlarning elektr energiyasi uchun to‘loviga vaqtinchalik taqiq kuchga kiradi. Cheklovlar eski qarzlarga taalluqli emas. gazeta.uz »
Mustaqillikning 34 yilligiga bag‘ishlangan bayram tadbirlari “Vatan uchun, millat uchun, xalq uchun!” degan ezgu g‘oyasi ostida o‘tkaziladi. “Ona diyor - ranglar jilosida”, “Vatan uchun yashaylik!”, “Eng ulug‘, eng aziz” kabi an’anaviy ko‘rik-tanlovlari bo‘lib o‘tadi. gazeta.uz »
“Yuksalish” harakati o‘tkazgan so‘rovnomaga ko‘ra, O‘zbekistonda to‘y qiluvchi odamlarning 25 foizidan ko‘prog‘i tadbir uchun qarz oladi. Respondentlarning 41,1 foizi “elga to‘y berishim kerak” degan majburiyat sabab to‘yga katta harajat qilishini aytgan. gazeta.uz »
Taekvondo bo‘yicha ikki karra Olimpiada chempioni Ulug‘bek Rashitov 2 yilga diskvalifikatsiya qilindi. O‘zbekistonlik sportchi antidoping qoidalariga ko‘ra, bir yil ichida uch marta qayerda ekanligi haqida ma’lumot bermagan, bu esa sportchida doping aniqlanmasada, qonunchilik tartibini buzish sifatida baholanadi. gazeta.uz »
Deputatlar “Noshirlik faoliyati to‘g‘risida”gi qonunga o‘zgartirishlarni birinchi o‘qishda savol-javobsiz qabul qildi. Mutaxassis “ma’naviy-ma’rifiy va badiiy-estetik talablar” haqidagi qism senzura quroliga aylanishi mumkinligidan xavotirda. gazeta.uz »
Istiqbolli loyihalar milliy agentligi tavakkalchilikka asoslangan onlayn o‘yinlar tashkilotchilarini litsenziyalash, qonunbuzarliklar uchun jarimalar, shuningdek, Stavkalar va o‘yinchilarning yagona davlat registri bo‘yicha bir nechta buyruqlarni chiqardi. gazeta.uz »
2024-yilda o‘zbekistonliklar Shengen vizasi uchun 58 mingdan ortiq ariza topshirdi - bu 2023-yilga nisbatan 26,2 foizga ko‘p. Viza berish darajasi 88 foiz bo‘ldi (51,6 mingta). O‘zbekistonliklarga eng ko‘p vizani Germaniya taqdim etdi. gazeta.uz »
Toshkentdagi Shota Rustaveli ko‘chasida ko‘p qavatli uylar fasadlaridan konditsioner tashqi bloklari olib tashlanmoqda. Hokimlik ma’lum qilishicha, binolarning tashqi ko‘rinishi yagona me’moriy uslubga keltirilmoqda. gazeta.uz »
Ilon Maskning Grok chat-boti Turkiyada, mahalliy hukumatning ishonishicha, mamlakat prezidenti Rajab Toyyib Erdog‘an, Turkiya Respublikasi asoschisi Mustafo Kamol Otaturk va diniy qadriyatlarga nisbatan haqoratomuz bayonotlar generatsiya qilgani uchun bloklandi. gazeta.uz »
O‘zbekistonda viloyatlararo qatnaydigan avtobus va mikroavtobuslar uchun yo‘lovchi boshiga subsidiya beriladi. Avtobuslar uchun utilizatsiya yig‘imidan imtiyoz yana 3 yilga uzaytirilib, mikroavtobuslarga ham qo‘llanadi. gazeta.uz »
O‘zbekistonda transport infratuzilmasini rejalashtirishda ustuvorlik birinchi navbatda piyodalarga berilishi qonun bilan belgilanib qo‘yilmoqda. Keyingi navbatda esa velosiped va individual harakatlanish vositalari, jamoat va maxsus hamda boshqa transport vositalari uchun ustuvorlik inobatga olingan. gazeta.uz »
Shavkat Mirziyoyev jinoyatchilikka qarshi kurashish bo‘yicha yig‘ilishda mas’ullarga erta nikoh uchun javobgarlikni kuchaytirishga qaratilgan qonun loyihasini tayyorlash topshirig‘ini berdi. gazeta.uz »
Toshkentda issiqlik ta’minoti tariflari yil oxirigacha ikki marta oshmasligi aniq, dedi “Issiqlikta’minoti” AJ boshqaruv raisi. U yangi narxlar xalq deputatlari Toshkent shahar kengashiga kiritilgani, ammo narxlar qanday belgilanishi hozircha noaniq ekanligini ta’kidladi. gazeta.uz »
O‘zbekiston fuqarolariga Kanada, Avstraliya va Argentina kabi davlatlar vizalarini rasmiylashtirish tartibi soddalashtirilishi mumkin - onlayn suhbat va hujjat topshirish jarayonlarini mamlakatdagi VFS Global kompaniyasi ofislari orqali amalga oshirish imkoniyatlari ko‘rib chiqilmoqda. gazeta.uz »
Prezident 7-iyul kuni Jizzax viloyatini rivojlantirish masalalariga bag‘ishlangan yig‘ilish o‘tkazdi. U Do‘stlik, Zafarobod, Paxtakor va Mirzacho‘l hududiy o‘sish sur’atlaridan ortda qolayotganini ta’kidladi. gazeta.uz »
