ó÷óí - Ïîñëåäíèå íîâîñòè [ Ôîòî â íîâîñòÿõ ] | |
Senat haydovchilarning mehnat va dam olish rejimini buzgani uchun BHMning 7 baravari miqdorida jarima joriy etilishi ko‘zda tutilgan qonunni ma’qulladi. Bir qator qonunlarga transport xizmati ko‘rsatishni takomillashtirishga, tashishlar sifatini oshirishga qaratilgan o‘zgartirishlar kiritilmoqda. gazeta.uz »
O‘zbekiston hukumati ismli avtoraqamlarni joriy etishni ma’qulladi. 2026-yildan boshlab raqam belgilarida oltitagacha harf yoki raqamdan foydalanish mumkin bo‘ladi, biroq ular amaldagi raqamlarni takrorlamasligi va qonunchilikka zid bo‘lmasligi kerak. gazeta.uz »
Qashqadaryoda o‘zini DXX xodimi deya tanishtirgan shaxs fuqaroni xavfsizlik organlariga ishga kiritib qo‘yish uchun 30 ming dollar va 510 mln so‘m olgani aniqlandi. Samarqandda xuddi shunday va’da bilan 7 ming dollar so‘ragan shaxs qo‘lga olindi. Ularga nisbatan jinoyat ishlari qo‘zg‘atildi. gazeta.uz »
Madaniy meros agentligi Samarqandda Imom Moturidiy maqbarasi rekonstruksiyasi sabab buzilgan uylar uchun kompensatsiya to‘lanishini ma’lum qildi. Agentlik loyiha YUNESKO konvensiyasi asosida amalga oshirilayotganini ta’kidladi. gazeta.uz »
Samarqandda Registon maydoni oldidagi piyodalar o‘tish joyi o‘rniga yerosti o‘tish joyi qurilishi mumkin. Viloyat hokimi vazifasini bajaruvchi piyodalar soni ko‘pligini ta’kidlab, shunday topshiriq bergan. gazeta.uz »
Quruvchining “har bir uy uchun $200 minggacha xarajat” haqidagi bayonotiga javoban Qurilish vazirligi raqamlashtirish tufayli korrupsiya xavfi minimallashtirilganini ta’kidladi. Tashkilotga ko‘ra, ariza beruvchi va davlat xizmatchisi o‘rtasidagi har qanday o‘zaro munosabatlar barcha bosqichlarda istisno qilinadi. gazeta.uz »
Toshkent viloyatida yangi xalqaro aeroport qurilishi uchun O‘rta Chirchiq va Quyi Chirchiq tumanlaridan jami 1309 gektar maydon ajratiladi. Uning asosiy qismi sug‘oriladigan yerlardan iborat bo‘ladi. gazeta.uz »
Samarqand viloyati hokimi v.b. Adiz Boboyev tumanlar rahbarlari va ularning o‘rinbosarlariga dam olish kunlari ishlamaslik va xodimlarni ishga chaqirmaslikni tayinladi. “Bozor kuni hammani ishga chaqirib, ishlaganga o‘xshatib ochko olishingiz menga kerak emas. Dam olish kuni hamma uyida damini olsin”, - dedi u. gazeta.uz »
O‘zbekiston 2026-yildan Moldova bilan avtomobil orqali ikki tomonlama va tranzit yuk tashuvlarida ruxsatnomasiz tizimga o‘tadi. Ikki mamlakat vakillari avtomobil transportida xalqaro yuk tashuvlari masalalari bo‘yicha amaldagi kelishuvlarga o‘zgartirish kiritish bo‘yicha bayonnoma imzoladi. gazeta.uz »
Toshkentda barcha instansiyadan o‘tib, ruxsatnoma olish uchun quruvchi har bir uy uchun 200 ming dollargacha to‘lashi mumkin, dedi tadbirkor Usmonjon Abdusamatov sohadagi korrupsiya haqida gapirar ekan. gazeta.uz »
Qobuljon Ahmedov Prezident administratsiyasi huzuridagi OAV uchun kontent tayyorlash markazi (PA matbuot xizmatining sobiq media markazi) direktori bo‘ldi. Xusan Solihov va Jahongir Abdurahmonov uning o‘rinbosarlari etib tayinlandi. gazeta.uz »
Toshkentdagi Shota Rustaveli ko‘chasida transport vositalari harakati 10-sentabrgacha qisman yo‘lga qo‘yiladi. Poytaxt hokimligi ko‘chani qayta qurish va ta’mirlash doirasida yo‘l ishlarining asosiy bosqichlaridan biri yakunlanayotganini bildirdi. gazeta.uz »
O‘zbekiston yapon sayyohlari va ishbilarmonlari uchun jozibador bo‘lib bormoqda, dedi Yaponiya elchisi Takeshi Xatori. Uning aytishicha, mamlakat Ipak yo‘li merosi va mehmondo‘stlik tufayli qadrlanadi, yapon kompaniyalari esa xususiylashtirish va JSTga a’zo bo‘lish rejalari tufayli yangi bozorga qiziqish bildirmoqda. gazeta.uz »
Qishloq xo‘jaligi vazirligi qo‘lda terilgan 1 kg paxta uchun 2000 so‘m tavsiyaviy narx belgiladi. Mashina yordamida terilgan 1 kg paxta uchun esa 1373 so‘m. Vazirlik klaster, fermer xo‘jaligi rahbarlari va terimchilar o‘rtasida kelishuv asosida terim narxi mustaqil belgilash amaliyoti ham qo‘llanilishini bildirdi. gazeta.uz »
Toshkentda aviatsiya parki barpo etilishi haqida rasman ma’lum qilinishi munosabati bilan Aviatsiya muzeyi tashkil etish g‘oyasi muallifi Abror Satimov O‘zbekiston poytaxtiga nima uchun oddiy park emas, balki to‘laqonli aviatsiya muzeyi zarurligi haqida o‘z fikr-mulohazalari bilan o‘rtoqlashdi. gazeta.uz »
“Markaziy Osiyo - Yaponiya” sammiti shu yil oxirigacha o‘tishi mumkin, ammo sanalar aniq emas. Yaponiya TIV matbuot kotibi mintaqadagi barqarorlik va birdamlikning ahamiyati, MO orqali yangi transport yo‘laklarini rivojlantirish rejalari haqida gapirib, Ukrainadagi urushning global oqibatlaridan ogohlantirdi. gazeta.uz »
Sirdaryo viloyati hokimi Erkinjon Turdimov ustozlar bilan uchrashuvda majburiy mehnat va majburiy obunaga yo‘l qo‘ygan maktab direktorlari ishdan olinishini aytdi. Shuningdek, o‘qituvchilardan ham majburiy mehnatga “chiq” desa, chiqib ketavermaslik so‘raldi. gazeta.uz »
Tailand Konstitutsiyaviy sudi bosh vazir Pxetxongtxan Chinavatni kasb etikasini buzgani uchun lavozimidan chetlatdi. Bunga uning Kambodja sobiq bosh vaziri bilan qilgan, internetda tarqalib ketgan suhbati sabab bo‘ldi. gazeta.uz »
Iqtisodiyot va moliya vazirligi fuqarolarni “Tashabbusli budjet” platformasida ovoz berish uchun pul mukofotlari haqidagi va’dalarga ishonmaslikka chaqirdi. Vazirlikka bu yo‘l bilan aldangan yuzlab fuqarolardan murojaatlar kelib tushgan. gazeta.uz »
90 kundan ortiq chetda bo‘lib qaytganlarni OIVga majburiy testdan o‘tkazish tartibi amalda emas, ammo O‘zbekistonda bunday holatlar uchrayotgani Gazeta`ga ma’lum bo‘ldi. Biz testga chaqiruv olganlarning ayrimlari bilan gaplashdik, rasmiylardan izoh so‘radik. Jarayon rasmiyatchilikka aylangandek taassurot uyg‘otdi. gazeta.uz »
Yaponiya hukumati O‘zbekistonda afg‘onistonlik muhojirlar va boshqa zaif aholi qatlamlarini qo‘llab-quvvatlash uchun 3,3 mln dollar miqdorida grant ajratadi. Loyiha doirasida mahalliy yoshlar uchun biznes-inkubator tashkil etish, shuningdek, afg‘onistonlik fuqarolarni o‘qitish markazini yangilash rejalashtirilgan. gazeta.uz »
Uch shakl - aylana, to‘rt burchak va uch burchak - bir kun avval prezident qurilishini boshlab bergan Milliy muzeyning me’moriy falsafasi bo‘ladi. Qiymati 200 mln dollardan ortiq bo‘lgan majmua 10 mingga yaqin eksponat, kutubxona, laboratoriya, bolalar maydoni va boshqalarni o‘z ichiga oladi. Tafsilotlar. gazeta.uz »
Xorijiy davlatlarning og‘ir yukli va yirik o‘lchamli transport vositalari O‘zbekistonda harakatlanishi uchun to‘lovlar miqdori o‘zgardi: endi bu 100 km gacha BHMning 54 foizi (hozirda 222 ming so‘m) bo‘ldi, keyingi har bir km uchun - 0,24 foiz. gazeta.uz »
O‘zbekiston paxta eksportidan global moda sanoati uchun ishlab chiqaruvchi maqomiga o‘tmoqda: mamlakatdagi 66 ta korxona LC Waikiki’dan to Inditex’gacha bo‘lgan 80 dan ortiq xalqaro brendlar bilan to‘g‘ridan-to‘g‘ri hamkorlik qilmoqda, deya ma’lum qildi Investitsiyalar, sanoat va savdo vazirligi. gazeta.uz »
Yaponiya JDC dasturi doirasida O‘zbekistondagi davlat xizmatchilarini o‘qitish uchun 2,8 mln dollar miqdorida stipendiya ajratdi. Bu orqali o‘zbekistonlik 19 nafar xodim Yaponiya universitetlarida magistratura va doktoranturada tahsil olishi kutilmoqda. gazeta.uz »
O‘zbekiston nima uchun Markaziy Osiyoda OIIB mablag‘larini faol o‘zlashtirayotgan eng yirik hamkor davlatga aylandi? Bank moliyalashtirish uchun loyihalarni qanday tanlab oladi va qanday ESG standartlarini qo‘llaydi? Gazeta OIIB investitsiya bloki rahbari Konstantin Limitovskiy bilan shu haqda suhbatlashdi. gazeta.uz »
Toshkentdagi Ohangaron shohko‘chasida “zamonaviy” va “qulay” yo‘lo‘tkazgichlar qurish rejalashtirilmoqda. Renderlarda hech qanday qulaylik ko‘rinmagan: zinalar baland, pandus va lift yo‘q. Hozirda u yerlarda svetofor bor. gazeta.uz »
Tojikiston hukumati folbin va sehrgarlar xizmatidan foydalangan fuqarolarga 475 dollargacha jarima joriy qildi. Bir necha kun oldin parlamentga kiritilgan taklifda jazo 80 dollar atrofida bo‘lishi kutilayotgandi. gazeta.uz »
O‘zbekistonda homiylik xayriya mablag‘larini yig‘ish tartibini buzganlik uchun BHMning 7 baravarigacha miqdorda jarima belgilandi. Xayriyalarni naqd pul shaklida yig‘ish faqat xayriya qutisi yordamida amalga oshiriladi. gazeta.uz »
Xalq deputatlari Toshkent shahri kengashi issiq suv va issiqlik ta’minoti xizmatlari tariflari oshirilishini tasdiqladi. Aholi uchun narxni 15 foizga, yuridik shaxslar uchun 40 foizga, budjet tashkilotlari uchun 18,8 foizga oshirish rejalashtirilgan. gazeta.uz »
O‘zbekiston Turkmanistondagi kemasozlik zavodidan kemalar sotib olish imkoniyatini ko‘rib chiqmoqda. Transport vaziri Ilhom Mahkamovning aytishicha, o‘z paromlarning bo‘lishi Kaspiy dengizi orqali yuk tashishni tezlashtiradi va 30−40 kun davom etishi mumkin bo‘lgan tirbandlikni kamaytirish imkonini beradi. gazeta.uz »
O‘zbekistonda davlat OTMlari va akademik litseylarda o‘quv yilining boshlanish sanalari aniq bo‘ldi. Litsey o‘quvchilari va oliygohlarning 1-kurs talabalari uchun darslar 3-sentabrdan boshlanadi. Yuqori kurslar darslarni 8-sentabrdan davom ettiradi. gazeta.uz »
Turkmanistonda Shavkat Mirziyoyev, Gurbanguli Berdimuhamedov va Ilhom Aliyevning uchrashuvi bo‘lib o‘tdi. Unda Zangezur yo‘lagini rivojlantirish, yuk tashish tariflarini o‘zaro asosda pasaytirish muhokama qilindi. gazeta.uz »
Bu yil O‘zbekiston Mustaqilligi bayrami munosabati bilan qo‘shimcha dam olish kunlari belgilanmagan, deb xabar qildi Bandlik vazirligi. Besh kunlik ish haftasidagi xodimlar uch kun dam oladi - 30-avgustdan 1-sentabrgacha, olti kunlikdagilar ikki kun: 31-avgust va 1-sentabr. gazeta.uz »
Prezident kompaniyalarga loyihalarni joylashtirish va to‘g‘ridan-to‘g‘ri investorlardan mablag‘ jalb qilish imkonini beruvchi investitsiya platformasi ishga tushirilishini ma’lum qildi. Korxonalar yiliga qo‘shimcha $1 mlrd olishi mumkin. gazeta.uz »
Prezident soliq tekshiruvlari bo‘yicha 20 mingdan ziyod tadbirkorlarda 16 trln so‘mlik xato va kamchiliklar aniqlanganini bildirdi. Davlat rahbari bu bo‘yicha o‘ziga xos “amnistiya” e’lon qilinishini va 1-noyabrgacha tadbirkorlarga xato va kamchiliklarni ixtiyoriy to‘g‘rilash imkoni berilishini aytdi. gazeta.uz »
O‘zbekistonda aylanma soliqdan QQSga o‘tadigan korxonalar bir yil davomida foyda solig‘i to‘lashdan ozod qilinadi. Hisobotda xatolik aniqlansa, jarima qo‘llanmaydi. Shuningdek, bunday korxona buxgalterlari maoshining 5 mln so‘mgacha bo‘lgan qismi olti oygacha to‘lanayotgan soliqdan chegirib tashlanadi. gazeta.uz »
O‘zbekistonda sanitariya, veterinariya, karantin nazoratida bo‘lgan 32 toifadagi mahsulotlar uchun muvofiqlik sertifikati bekor qilinadi. Majburiy sertifikatlanadigan tovarlar ro‘yxati 459 taga qisqartirildi. Ro‘yxat yana 288 taga kamaytiriladi. gazeta.uz »
Prezident 2026-yildan tadbirkorlar uchun muqobil skoring modeli ishga tushirilib, kredit berish shartlari osonlashtirilishini aytdi. Shuningdek, davlat rahbari endi skoring tizimi soliq va kommunal to‘lov intizomi, rasmiy aylanma, eksport operatsiyalari kabilarni ham inobatga olishini ta’kidladi. gazeta.uz »
1-noyabrdan tadbirkorlarga barcha mobil to‘lov ilovalari orqali hisob-kitob qilish imkonini beruvchi universal QR kod beriladi. Shuningdek, 1-yanvardan yillik aylanmasi 1 mlrd so‘mgacha bo‘lgan barcha tadbirkorlar aylanmadan bir xil - 1 foizlik stavkada soliq to‘lashga o‘tkaziladi. gazeta.uz »
Shavkat Mirziyoyev 1-noyabrgacha har bir tarmoq, hududiy korxonalar talabini o‘rganib xomashyo va butlovchi qismlar uchun tariflarni qayta ko‘rib chiqishni buyurdi. Shuningdek, 2028-yilgacha aralash mato va gazlama bojdan ozod etiladi. gazeta.uz »
Markaziy bank sharhiga ko‘ra, elektr va gaz uzilishlari hamda yoqilg‘i narxlarining oshishi biznesning to‘liq quvvatda ishlashi uchun asosiy to‘siq bo‘lib qolmoqda. Shuningdek, cheklovchi omillar qatorida aylanma mablag‘lar yetishmasligi, soliq tizimidagi murakkabliklar, ijara xarajatlarining yuqoriligi sanab o‘tilgan. gazeta.uz »
Tojikiston hukumati nafaqat folbin va sehrgarlarga, balki ularning mijozlariga ham ma’muriy jazo qo‘llashni taklif qilmoqda (81 dollargacha jarima). Mamlakatda 2025-yilning ilk 6 oyida sehrgarlik va folbinlik bilan shug‘ullanishning 495 ta holati aniqlangan. gazeta.uz »
Toshkentdagi Olimpiya shaharchasi nafaqat milliy terma jamoalarning musobaqalari va yig‘inlari uchun, balki mamlakatning barcha aholisi uchun ochiq bo‘ladi, deya ta’kidlandi prezidentning obyektga tashrifi chog‘ida. gazeta.uz »
Prezident qarori bilan 2025-yil 1-sentabrdan 2028-yil 1-yanvargacha polietilen granulalari importi uchun aksiz solig‘i hamda ayrim etilen va propilen polimerlari importi uchun bojxona bojining nol stavkasi qo‘llaniladi. gazeta.uz »
Prezident qarori bilan 2025-yil 1-sentabrdan 2028-yil 1-yanvargacha polietilen granulalari importi uchun aksiz solig‘i hamda ayrim etilen va propilen polimerlari importi uchun bojxona bojining nol stavkasi qo‘llaniladi. gazeta.uz »
O‘zbekiston va Qozog‘iston ikki mamlakatda AES qurilishi uchun potensial maydonlarning seysmik xavfsizligi jihatlarini ko‘rib chiqdi. Bu 18-avgust kuni “O‘zatom” agentligi direktori Azim Axmedxadjayev va Qozog‘iston ekologiya vaziri o‘rinbosari Jomart Aliyev boshchiligidagi uchrashuvda muhokama qilindi. gazeta.uz »
Ta’lim olish uchun yo‘naltiriladigan mablag‘larga jismoniy shaxslardan olinadigan daromad solig‘i bo‘yicha imtiyozni qo‘llash tartibi o‘zgardi. Shu paytga qadar ota-onalar shartnoma asosida o‘qiydigan farzandlari 26 yoshga to‘lmagan bo‘lsa, ushbu imtiyozdan foydalanishi mumkin edi. Qaror bilan ushbu cheklov bekor qilindi. gazeta.uz »
Dunyoning yetakchi nashrlari Tramp va Putin muzokaralarida asosiy tafsilotlar tushunarsiz qolganini yozmoqda. Shuningdek, Trampning pozitsiyasi hamon noaniq, u javoblardan ko‘ra ko‘proq savollarni qoldirdi, deb hisoblaydi OAV. gazeta.uz »
Dunyoning yetakchi nashrlari Tramp va Putin muzokaralarida asosiy tafsilotlar tushunarsiz qolganini yozmoqda. Shuningdek, Trampning pozitsiyasi hamon noaniq, u javoblardan ko‘ra ko‘proq savollarni qoldirdi, deb hisoblaydi OAV. gazeta.uz »
