áèëàí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda retsept bilan beriladigan dori vositalarini elektron retsept asosida tayinlash tartibi to‘g‘risidagi nizom tasdiqlandi. Tartibga ko‘ra, retsept shifokor tomonidan tasdiqlangach, u “Elektron retsept” moduliga uzatiladi va SSV axborot tizimidagi dorixonalarda elektron shaklda ko‘rinadi. gazeta.uz »
O‘zbekiston Karib dengizining sharqiy qismidagi Sent-Lyusiya orol davlati bilan diplomatik munosabatlar o‘rnatdi. Ikki davlatning BMTdagi doimiy vakillari Nyu Yorkda qo‘shma kommyunike imzoladi. gazeta.uz »
CAFA Nations Cup-2025 finalida O‘zbekiston terma jamoasi Eronni 1:0 hisobida mag‘lub etdi. Garchi hisob minimal bo‘lsa-da, Gazeta sharhlovchisi Dmitriy Povarov o‘yinda katta sport hodisalariga xos xususiyatlarni ko‘rdi: keskinlik, xatolar va g‘alabaga bo‘lgan ishtiyoq. gazeta.uz »
Shavkat Mirziyoyev O‘zbekistonda bo‘lib turgan FIFA prezidenti Janni Infantinoni qabul qildi. Tomonlar mamlakatda futbolni tashkil etish va boshqarish tizimini o‘zgartirish masalasini muhokama qildi. gazeta.uz »
Futbol bo‘yicha 2026-yilgi jahon chempionatiga yo‘llanma olgan O‘zbekiston milliy terma jamoasi musobaqaga tayyorgarlik doirasida Urugvay bilan o‘rtoqlik uchrashuvi o‘tkazadi. Uchrashuv 13-oktabr kuni Malayziya poytaxti Kuala Lumpurda bo‘lib o‘tadi. gazeta.uz »
Angrenda yo‘l-transport hodisasi oqibatida haydovchi avtobus oynasidan tashqariga otilib ketdi. Haydovchi tan jarohati olgan va shifoxonaga yetkazilgan. YTH vaqtida avtobusda yo‘lovchilar bo‘lmagan. Haydovchi xavfsizlik kamarini taqmagan bo‘lgan. gazeta.uz »
Gazeta va Yandex Music “Mahallalar musiqasi” loyihasini davom ettiradi. Bu safar Navoiy nomidagi Katta teatr direktori Alibek Kabduraxmanov bilan Toshkentni aylandik. U bilan direktorlikka tayinlanishi va teatr rejalari haqida suhbatlashdik, 1990-yillarni esladik, orzudagi Toshkent haqida xayol surdik. gazeta.uz »
O‘zbekistonda uy-joy xarid qilishda keshbek joriy etish masalasi ko‘rib chiqilmoqda. Savdo-sanoat palatasi raisi Davron Vahobovning ta’kidlashicha, uy-joy qo‘shilgan qiymat solig‘ini (QQS) hisobga olgan holda sotib olinishi kerak. gazeta.uz »
Prezident maktablarda o‘tayotgan Bilimlar kuni munosabati bilan o‘qituvchi, o‘quvchi va ularning ota-onalarini tabrikladi. “Oldingizga aniq maqsad qo‘yib, bor kuch-g‘ayratingiz bilan harakat qilsangiz, marralarga albatta yetasiz”, - dedi u yoshlarga. gazeta.uz »
O‘zbekiston prezidenti va Xitoy raisi muzokaralarda turli sohalardagi munosabatlarni chuqurlashtirish masalalarini muhokama qildi. Xitoy tajribasi asosida kambag‘allikni qisqartirish tadbirlarini davom ettirish, mutaxassislar tayyorlash, sun’iy intellekt markazini ochish va boshqa masalalar ko‘rib chiqildi. gazeta.uz »
Shavkat Mirziyoyev Xitoydagi SHHT sammiti majlisida nutq so‘zladi. Prezident yadro xavfsizligi bo‘yicha deklaratsiya, Afg‘oniston bilan muloqot guruhi, yagona transport makoni va energetika konsorsiumi tuzish kabilarni taklif qildi. gazeta.uz »
Futbol bo‘yicha O‘zbekiston milliy terma jamoasi Markaziy Osiyo Futbol assotsiatsiyasi (CAFA) Millatlar kubogidagi ishtirokini O‘monga qarshi o‘yinda durang natija bilan boshladi (1:1). gazeta.uz »
Gazeta xotin-qizlar haqidagi stereotiplarni parchalab, o‘z faoliyati bilan tarixda o‘chmas iz qoldirgan ayollar haqidagi hikoyalarni davom ettiradi. Bu galgi qahramon - o‘zbek kitobxonlariga “Chernobil tavallosi” asari bilan tanish bo‘lgan yozuvchi Svetlana Aleksiyevich. gazeta.uz »
O‘zbekiston prezidenti 30-avgust - 3-sentabr kunlari rasmiy tashrif bilan Xitoyda bo‘ladi, u yerda SHHT sammitida hamda Ikkinchi jahon urushidagi g‘alabaning 80 yilligiga bag‘ishlangan tadbirlarda ishtirok etadi. gazeta.uz »
Yaponiya tashqi ishlar vaziri Takesi Ivaya so‘nggi uch yil ichida Markaziy Osiyoga, jumladan, O‘zbekistonga birinchi bor tashrif buyurdi. Tokio Toshkent bilan investitsiyalar, raqamlashtirish, dekarbonizatsiya va kadrlar tayyorlash sohalarida hamkorlikni rivojlantirish niyatini tasdiqladi. gazeta.uz »
Rossiyaning Kamchatka o‘lkasida muhojirlarga qalbaki hujjatlar tayyorlab berish bilan shug‘ullangan O‘zbekiston fuqarosi 1 yil 2 oyga ozodlikdan mahrum etildi. U sherigi bilan pasportlarga Rossiya davlat chegarasidan o‘tganlik haqida soxta muhr va sana qo‘ygan, shuningdek, migratsiya kartalarini soxtalashtirgan. gazeta.uz »
2026-yildan boshlab profilaktika inspektorlari bodi kamera bilan ishlaydi. IIV vakiliga ko‘ra, bundan maqsad “uchastkavoy”larning fuqarolar bilan munosabatlaridagi holatlar: jarohat yetkazish, tuhmat qilish va hokazolarga barham berish. gazeta.uz »
Turk OAVda Aksaray viloyatida 13 yoshli yigit opasining sevgilisini pichoqlagani, ular o‘zbekistonlik ekani haqida yozdi. Istanbuldagi Bosh konsulxonaning aniqlik kiritishicha, voqea ishtirokchilarining hech biri O‘zbekiston fuqarosi emas. Vatandoshlardan mahalliy qonunlarga rioya etish so‘raldi. gazeta.uz »
Shavkat Mirziyoyev Iordaniyaning oliy nishoni - “An-Nahda” (“Renessans”) ordeni bilan mukofotlandi. Buni prezidentga mamlakat podshohi Abdulla II ibn al-Husayn topshirdi. gazeta.uz »
Jinoyat ishlari bo‘yicha Shahrisabz tumani sudida Rossiya tomonidan Ukrainaga qarshi urushda o‘z xohishi bilan qatnashgan O‘zbekiston fuqarosi ozodligi 4 yilga cheklandi. U 2024-yil 26-avgust kunidan janglarga kirishib, 2 marta og‘ir jarohatlangan. gazeta.uz »
O‘zbekistonga ikki tomonlama munosabatlar tarixidagi ilk davlat tashrifi bilan kelgan Iordaniya podshohi Abdulla II ni Samarqand aeroportida prezident Shavkat Mirziyoyev kutib oldi. Foto. gazeta.uz »
Shavkat Mirziyoyev O‘zbekiston mustaqilligining 34 yilligi munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash to‘g‘risida farmon imzoladi. gazeta.uz »
O‘zbekistonning Kiyevdagi elchixonasi Ukraina xalqini Mustaqillik kuni bilan tabrikladi. “Ushbu muhim kun Ukrainaning ozodlik, suverenitet va birdamlikka intilishini anglatadi”, - deyiladi tabrikda. gazeta.uz »
Iordaniya podshohi Abdulla II 25-avgust kuni davlat tashrifi bilan O‘zbekistonga keladi. Bu podshohlik rahbarining mamlakatga ilk tashrifidir. Tashrifning asosiy tadbirlari Samarqand shahrida o‘tkaziladi. gazeta.uz »
Turkmanistonga amaliy tashrif bilan borgan Shavkat Mirziyoyev Turkmaniston Xalq maslahati raisi Gurbanguli Berdimuhamedov bilan uchrashdi. Ular o‘rtasida yuzma-yuz va rasmiy delegatsiyalar ishtirokidagi muzokaralari bo‘lib o‘tdi. gazeta.uz »
¡çáåêèñòîí åòàê÷èñè "Îçàðáàéæîí – Òóðêìàíèñòîí - ¡çáåêèñòîí" ôîðìàòèäàãè ó÷ òîìîíëàìà ó÷ðàøóâäà èøòèðîê ýòàäè. ru.sputniknews-uz.com »
Prezident Shavkat Mirziyoyev “Ozarbayjon - Turkmaniston - O‘zbekiston” uch tomonlama sammitida ishtirok etish uchun 22-avgust kuni Turkmanboshiga tashrif buyuradi. gazeta.uz »
O‘zbekiston va Xitoyning Xinjiang Huijia Biotechnology kompaniyasi agrobiznes va biotexnologiya, jumladan, sog‘lom oziq-ovqat bozorida tabiiy shakar o‘rnini bosuvchi mahsulotlar ishlab chiqarish uchun ommabop xomashyo - steviya yetishtirish bo‘yicha qo‘shma loyihalarni ishlab chiqish masalalarini muhokama qildi. gazeta.uz »
ITIM e’lon qilgan lingvistik tahlilga ko‘ra, Yangi Toshkentda bo‘lib o‘tgan tadbirkorlar bilan ochiq muloqot vaqtidagi nutqida Shavkat Mirziyoyev 4241 ta so‘z ishlatdi. Eng ko‘p ishlatilgan so‘zlar “tadbirkor”, “biznes”, “korxona”, “soliq”, “investitsiya”, “loyiha”, “kredit”, “tizim”, “sharoit” va boshqalar bo‘ldi. gazeta.uz »
Prezident administratsiyasi rahbari Saida Mirziyoyeva Qirg‘iziston prezidenti Sadir Japarov bilan uchrashdi. Tomonlar mamlakatlar o‘rtasidagi hamkorlik, shuningdek, yoshlar siyosati sohasidagi o‘zaro aloqalarni muhokama qildi. gazeta.uz »
Qozog‘iston prezidenti Qosim-Jomart Toqayev O‘zbekiston Senati raisi Tanzila Narbayevaga “ikki tomonlama strategik sheriklikni chuqurlashtirish yo‘lidagi tinimsiz sa’y-harakatlari uchun” II darajali “Dostiq” (“Do‘stlik”) ordenini topshirdi. gazeta.uz »
Namangan viloyatida uy sharoitida diniy ta’lim berish yo‘li bilan noqonuniy daromad topayotgan shaxslar faoliyatiga chek qo‘yildi. Bunday holatlar Namangan shahri, Yangi Namangan, Uychi va To‘raqo‘rg‘on tumanlarida aniqlangan. gazeta.uz »
O‘zbekiston prezidenti tadbirkorlar kuni munosabati bilan soha vakillaridan bir guruhini mukofotladi. Xususan, Zafar Hoshimov “O‘zbekistonda xizmat ko‘rsatgan tadbirkor” unvoni, Jahongir Ortiqxo‘jayev esa “Fidokorona xizmatlari uchun” ordeni bilan taqdirlandi. gazeta.uz »
O‘zbekiston va Afg‘oniston elektr ta’minoti sohasida to‘rtta loyiha bo‘yicha shartnoma imzoladi. O‘zbekiston 18 oy ichida yakunlanishi rejalashtirilgan ushbu loyihalarga $243 mln sarmoya kiritadi. gazeta.uz »
Germaniya, Buyuk Britaniya, Fransiya, Italiya va Finlyandiya yetakchilari, Yevrokomissiya rahbari va NATO bosh kotibi 18-avgust kuni Vladimir Zelenskiy va Donald Trampning uchrashuvi uchun Vashingtonga boradigan bo‘ldi. gazeta.uz »
Shavkat Mirziyoyev Pokistondagi suv toshqinlari va ko‘chkilar munosabati bilan prezident Asif Ali Zardariy va bosh vazir Shahboz Sharifga ta’ziya yo‘lladi. Mamlakatda hozirgacha tabiiy ofatlar tufayli 307 kishi halok bo‘ldi. gazeta.uz »
Jizzaxning Forish tumani hokimi o‘rinbosari xizmat mashinasida 20 ming dollar pora olayotganida ushlangani aytilmoqda. U 204 gektarni tuman hokimligi zaxirasiga qaytarmaslik va erkin foydalanish uchun 30 ming dollar talab qilgan. gazeta.uz »
Vladimir Zelenskiy 18-avgust, dushanba kuni Oq uyda Donald Tramp bilan uchrashadi. Hammasi joyida bo‘lsa, keyin Putin bilan uchrashuv belgilaymiz, dedi Tramp. Avvalroq Tramp Rossiya bilan “bitimga ancha yaqin” ekanini, endi Ukraina bunga rozi bo‘lishi va hammasi “Zelenskiyga bog‘liq”ligini aytgandi. gazeta.uz »
Donald Tramp Belarus prezidenti Aleksandr Lukashenko bilan telefon orqali gaplashdi va unga 16 nafar mahbus ozod qilingani uchun minnatdorlik bildirdi. “Yana 1300 nafar mahbusni ozod qilish masalasini ham muhokama qilyapmiz”, degan Tramp Lukashenko bilan uchrashishni intiqlik bilan kutayotganini bildirdi. gazeta.uz »
Qashqadaryoning Shahrisabz tumani FVB bo‘lim boshlig‘i ikki fuqarodan go‘yoki ishga kiritib qo‘ygani uchun 6 ming dollar talab qilgani aniqlandi. U puldan 3,6 ming dollarini olayotgan vaqtida qo‘lga tushdi. gazeta.uz »
Shavkat Mirziyoyev Fransiyaning O‘zbekistonda missiyasini yakunlayotgan elchisi Oreliya Bushezga “Do‘stlik” ordenini topshirdi. Mukofot elchining ikki mamlakat o‘rtasidagi do‘stlik va strategik sheriklik munosabatlarini mustahkamlashga qo‘shgan hissasini e’tirof etadi. gazeta.uz »
Tramp Zelenskiy va Yevropa yetakchilariga Putin bilan muzokaralarda Ukraina hududi taqsimlanishi bo‘yicha gaplashilmasligini bildirdi. AQSh prezidenti uchrashuvdagi maqsadini o‘t ochishni to‘xtatish deb atadi. gazeta.uz »
O‘zbekistondagi qator chegara bojxona postlariga yengil avtotransport vositalarini skaner qiluvchi zamonaviy inspeksion ko‘rik majmuasi - Z portal qurilmasi o‘rnatilmoqda. Avvalroq bunday qurilma “G‘ishtko‘prik” postiga o‘rnatilgan bo‘lsa, shu kunlarda “Navoiy” postiga o‘rnatish ishlari yakunlanmoqda. gazeta.uz »
AQSh va Rossiya prezidentlarining uchrashuvi Alyaskaning Ankorij shahridagi harbiy bazada bo‘lib o‘tadi. Bu joy, Oq uy Rossiya rahbarining AQSh harbiy obyektida bo‘lishini istamagan bo‘lsa ham, xavfsizlik talablari tufayli tanlangan. gazeta.uz »
AQSh prezidenti Xitoydan keladigan tovarlarga import bojlarini joriy etishni yana 90 kunga kechiktirish to‘g‘risidagi farmonni imzoladi. May oyida Pekin va Vashington muzokaralar olib borish uchun 90 kun muddatga o‘zaro bojlarni 115 foiz punktga kamaytirishga kelishib olgandi (Xitoy - 10%, AQSh - 30%). gazeta.uz »
Toshkent viloyati hokimi Zoyir Mirzayev ijtimoiy tarmoqlar bilan ishlashdan qochayotgan rahbarlarni tanqid qilib, ularsiz hokimlarning “ertangi kuni yo‘q” ekanini aytdi. Uning so‘zlariga ko‘ra, hokimlar internetdagi tanqidlarni qabul qila olishi, ommadan qochmasligi kerak. gazeta.uz »
Yevropa Ittifoqi yetakchilari Donald Tramp va Vladimir Putin uchrashuvi oldidan bayonot berib, Ukraina o‘z kelajagi bo‘yicha muzokaralarda ishtirok etishi kerakligini ta’kidladi. Shuningdek, xalqaro chegaralarni kuch bilan o‘zgartirishga yo‘l qo‘yilmasligi bildirildi. gazeta.uz »
Ikki yil davomida Toshkent shahri elektr ta’minotini modernizatsiya qilish uchun 2,8 trln so‘m yo‘naltirildi, biroq tarmoq va uskunalarning aksariyati eskiligicha qolmoqda. Prezident topshirig‘iga ko‘ra, tarmoqni yangilashning birinchi bosqichi kuz-qish mavsumi boshlangunga qadar nihoyasiga yetkaziladi. gazeta.uz »
Vladimir Putin Shavkat Mirziyoyevga AQSh rahbarining maxsus vakili Stiven Uitkoff bilan muzokaralar yakunlari haqida ma’lumot berdi. Avvalroq ushbu muzokaralarda Rossiya va AQSh “yaqin kunlarda” Vladimir Putin va Donald Tramp o‘rtasida uchrashuv o‘tkazishga kelishib olgani xabar qilingandi. gazeta.uz »
Rossiya va AQSh “yaqin kunlarda” Vladimir Putin va Donald Tramp o‘rtasida uchrashuv o‘tkazishga kelishib oldi, deb xabar berdi Kreml. Oq uy ham unga tayyorgarlik ko‘rilayotganini tasdiqlagan. Rossiya prezidenti yordamchisi Ushakov uchrashuv taxminan keyingi haftada o‘tkazilishini bildirdi. gazeta.uz »
