òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
AQSh Xalqaro moliyaviy taraqqiyot korporatsiyasi (DFC) Toshkentda vakolatxonasini ochishni rejalashtirmoqda. Bu haqda Shavkat Mirziyoyev va DFC rahbari Ben Blekning Vashingtondagi uchrashuvida so‘z bordi. gazeta.uz »
Toshkentda chiqindidan qarzdorlarga elektr uchun to‘lov qilishni cheklash haqida xabarlar berila boshlandi. HET vakiliga ko‘ra, 20 mingga yaqin qarzdorga SMS ogohlantirishlar yuborildi. 5 kun ichida qarzdorlik bartaraf etilmasa, “svet”ga to‘lov qilish cheklanadi. Dekabrdan boshqa hududlarda ham shu amaliyot boshlanadi. gazeta.uz »
Toshkent shahrida fuqaro yo‘qolib ketish xavfi ostidagi noyob lemur savdosi bilan shug‘ullanayotgani aniqlandi. Jonzot hayvonot bog‘iga topshirildi, fuqaroning harakatlari jinoiy sudda ko‘rib chiqiladi. gazeta.uz »
Toshkentda “Oltin kuz” II Xalqaro kamer va simfonik musiqa festivali ochildi. Tadbirda O‘zbekiston, Qozog‘iston, Qirg‘iziston, Tojikiston, Rossiya, Germaniya va boshqa mamlakatlardan ijrochilar va ijodiy jamoalar ishtirok etmoqda. gazeta.uz »
Toshkentning Abdulla Qodiriy ko‘chasidagi sayilgoh atrofi obodonlashtirilmoqda. Ammo yuzdan ortiq daraxt tanasi salkam 1 metrgacha ko‘mib tashlangani xavotirlarni uyg‘otdi. Hokimlik bahorgacha har bir daraxt atrofi tuproqdan ochilishi, jarayon xavf tug‘dirmasligini aytmoqda. Gazeta vaziyatni o‘rgandi. gazeta.uz »
Toshkent shahrida markazlashgan issiqlik ta’minoti ijtimoiy obyektlarda 3-noyabrdan, turar joy obyektlarida esa 5-noyabrdan ishga tushiriladi. Bu haqda Toshkent hokimi gidrometeorologiya xizmati ma’lumotlarini inobatga olgan holda qaror qabul qildi. gazeta.uz »
31-oktabr kuni Toshkentda kuchli changli shamol kuzatilmoqda. Shahar hokimiyati aholi va mehmonlarni daraxtlar ostida avtomobillarni qoldirmaslik, ko‘chada ehtiyotkorlik bilan yurish va shaxsiy mulkni asrashga chaqirdi. gazeta.uz »
Oktabr oxiridagi issiqlikdan so‘ng O‘zbekistonga sovuq antitsiklon kirib kelishi kutilyapti. Amaldagi qoidaga ko‘ra, mamlakatda isitish mavsumi sutkalik harorat ketma-ket besh kun +8 darajadan past bo‘lganda boshlanadi. gazeta.uz »
Saudiyaning Riyadh Cables Group kompaniyasi bilan Toshkentda yuqori voltli kabel mahsulotlari ishlab chiqarish bo‘yicha qo‘shma loyihani amalga oshirish to‘g‘risida bitim imzolandi. Loyiha qiymati 122 mln dollar bo‘lib, yiliga 24 ming tonna mahsulot ishlab chiqariladi hamda 340 ta yangi ish o‘rni yaratiladi. gazeta.uz »
12-noyabrdan poytaxtda issiqlik ta’minoti va issiq suv uchun Toshkent shahar hokimining qarori bilan tasdiqlangan yangi tariflar kuchga kiradi. Aholi uchun narx 15 foizga, yuridik shaxslar uchun 40 foizga, budjet tashkilotlari uchun esa 19 foizga oshiriladi. gazeta.uz »
Toshkent shahar hokimi qarori bilan poytaxtda issiq suv va issiqlik ta’minoti xizmatlari tariflari oshirilmoqda. Aholi uchun narx 15 foizga, yuridik shaxslar uchun 40 foizga, budjet tashkilotlari uchun 18,8 foizga oshadi. Tariflar oxirgi marta 2024-yil 15-noyabrda ko‘tarilgan. gazeta.uz »
Toshkentda transport va logistika xizmatlari ko‘rsatuvchi kompaniya hisobchisi firibgarlikda gumonlanib qo‘lga olindi. U 17 mlrd so‘mlik qo‘shilgan qiymat solig‘ining manfiy farq summasini qaytarish hamda uning to‘xtatilgan QQS guvohnomasini qayta faollashtirib berish evaziga 35 ming AQSh dollari talab qilgan. gazeta.uz »
Toshkent shahri va viloyatida issiqxona hamda sanoat obyektlarini ko‘mirdan boshqa energiya manbalariga o‘tkazish rejalashtirilmoqda. Shuningdek, tegishli qarori loyihasida korxona va issiqxonalarda chang va gaz tozalash uskunalarini o‘rnatish, mavjud qozonlarni zamonaviylariga almashtirish ko‘zda tutilgan. gazeta.uz »
Toshkentda hamshiralarni tayyorlash uchun Germaniya tibbiyot akademiyasi ochildi. U yerda bir yil davomida kasb va til o‘rgatiladi. Akademiya bitiruvchilari ikkala mamlakat tomonidan tan olinadigan diplomga ega bo‘lib, Germaniya klinikalarida hamshira sifatida ishlash imkoniyatiga ega bo‘ladi. gazeta.uz »
Toshkentda yigit to‘ydan oldin o‘zi kuyov bo‘layotgan oilaning uyini aldov yo‘li bilan sotib yubordi. U qizning uyini garovga qo‘yib turishini aytib, uni boshqa fuqaroga 240 000 dollarga sotib yuborgan. gazeta.uz »
Dream House Design kompaniyasi Olmazor tumanida shaharsozlik qoidalariga zid tarzda biznes markazi loyihasini ishlab chiqqani uchun litsenziyasidan mahrum bo‘ldi. Xususan, insolyatsiya, binolar orasidagi masofa va qo‘shnilarning roziligi bilan bog‘liq talablar buzilgan, ma’lum qildi Qurilish vazirligi. gazeta.uz »
Toshkentda “Tabassum” inklyuziv ustaxonasi kattaroq masshtabda ish boshladi. Ustaxona 20 kishiga mo‘ljallangan bo‘lib, autizm va Daun sindromi bor yoshlarning hunar o‘rganib, jamiyat hayotida faol ishtirok etishiga ko‘maklashadi. gazeta.uz »
Yashnobod tumanida piyodalar o‘tish joyidan o‘tayotgan ayolni mashinasida urib, uning o‘limiga sababchi bo‘lgan 56 yoshli shaxsni sud ozodlikdan mahrum qilish jazosiga shartli hukm qildi. Ayblanuvchi, shuningdek, 2 yil muddatga barcha turdagi transport vositalarini boshqarish huquqidan mahrum etildi. gazeta.uz »
“Erta aniqla - hayotni saqla” shiori ostidagi milliy aksiya doirasida Toshkentda ayollar uchun ko‘krak bezi saratoni bo‘yicha bepul skrining tashkil etildi. Akusher-ginekolog, mammolog-onkolog va boshqa mutaxassislar 300 dan ziyod ayolni qabul qildi. Bunday ko‘riklar nega kerak? - Gazeta reportajida. gazeta.uz »
Saudiya Arabistoni podshohligi investitsiyalar vaziri Xolid al Falih Saudiya investorlari Yangi Toshkentda Ar Riyod mavzesini qurishni rejalashtirayotganini ma’lum qildi. “Ar Riyod mavzesini barpo etsak, bu ikkita xalqni birlashtirishga ham ko‘prik bo‘ladi”, - dedi Shavkat Mirziyoyev ushbu taklifni ma’qullab. gazeta.uz »
TKTI talabasi Muhriddin Ilashov Yangihayot tumanidagi ko‘p qavatli uyning 4-qavat balkonida osilib qolgan bolani qutqarib qoldi. Oliy ta’lim vaziri uning mardligi va fidoyiligini e’tirof etib, tashakkurnoma va esdalik sovg‘asi topshirdi. gazeta.uz »
Toshkentda kuz tez o‘tadi, lekin u odamlarga iliq kunlarni hadya etishga ham ulguradi. Bu faslda, ayniqsa, shahar bo‘ylab sayr qilish ayni muddao, oltinbarg daraxtlar shaharga o‘zgacha muhit bag‘ishlaydi. gazeta.uz »
Toshkentda giyohvandlik va spirtli ichimliklarga ruju qo‘ygan shaxslarni davolashga ixtisoslashgan xususiy klinikada bemorga nisbatan kuch ishlatilgani yuzasidan Toshkent shahar IIBB tomonidan tergovga qadar tekshiruv o‘tkazilmoqda. gazeta.uz »
Uzbekistan Airports, Urganch aeroporti va Incheon International Airport Corporation Urganch aeroportini modernizatsiya qilish va boshqarish bo‘yicha shartnoma imzoladi. Avval 223 mln dollarlik loyihani 2027-yil oxirigacha yakunlash rejalashtirilayotgani xabar qilingandi. gazeta.uz »
Toshkent shahri Bektemir tumanidagi maktabda 9-sinf o‘quvchisi kelishmovchilik oqibatida velosiped uchayotgan 3-sinf bolani tepdi. Jabrlanuvchining tishlari tushdi, shuningdek, boshqa a’zolari jarohatlandi, xususan, labi yirtildi. Hujumchining onasi ma’muriy javobgarlikka tortildi. gazeta.uz »
17-oktabrdan 12-dekabrgacha Samarqand, Farg‘ona va Toshkentda zo‘ravonlikka qarshi NeUyat festivali bo‘lib o‘tadi. Uning markaziy tadbiri - 11 nafar ayol rassom jarohat va zaiflik, sukunat va ichki taskinlik mavzularida o‘z asarlarini taqdim etadigan sayyor ko‘rgazma. Kirish bepul. gazeta.uz »
“Toshshahartransxizmat” 202 ta yangi elektrobusni ikki oy ichida ishga tushirishni rejalashtirmoqda. Yangilanish poytaxtning 33 ta yo‘nalishini qamrab oladi. Bu yo‘nalishlarda transportni kutish vaqti qisqarishi kutilmoqda. gazeta.uz »
Stalin davri ampir uslubi - XX asrning siyosiy vosita sifatida vujudga kelgan eng taniqli me’moriy shakllardan biri. Tadqiqotchi Rushena Seminogova Gazeta uchun yozgan sharhida uning mahalliy o‘ziga xosligi hamda Toshkent va O‘zbekistonning boshqa shaharlari vizual o‘ziga xosligiga ta’siri haqida hikoya qiladi. gazeta.uz »
Olmazor tumanidagi profilaktika inspektorining xizmat uyida narkolaboratoriya tashkil etilgani aniqlandi. Uning Toshkent viloyatidagi xonadonidan ham yerga ko‘milgan narkotik modda topildi. IIO xodimi Telegram orqali moddalarni qabul qilib olib, tayyorlab, tarqatish bilan shug‘ullangan. gazeta.uz »
Toshkent shahri Mirzo Ulug‘bek tumanida joylashgan 208-maktabda yong‘in yuz berdi - ta’mirlanayotgan bo‘sh binoning tom qismi yongan. Holat vaqtida maktabda o‘quvchi va xodimlar bo‘lmagan, hech kimga jarohat yetmagan, ma’lum qildi FVV. gazeta.uz »
“Toshkent Invest” va Dubayning DP World kompaniyalari poytaxtda zamonaviy multimodal logistika terminalini rivojlantirish va boshqarish uchun qo‘shma korxona tashkil etdi. 80 gektardan ortiq majmuaga temiryo‘l quruq porti, bojxona rasmiylashtiruvi zonalari, omborlar va kross-doking majmualari kiradi. gazeta.uz »
Toshkentdagi O‘zbekiston ovozi ko‘chasi keng ko‘lamli rekonstruksiyadan so‘ng sayr qilish va hordiq chiqarish uchun yanada yashil va qulay bo‘ldi. Bu yerda to‘liq to‘siqsiz muhit yaratildi, tartibsiz to‘xtash joylari esa o‘tmishda qoldi. gazeta.uz »
O‘zbekistonda oktabr boshida ko‘krak bezi saratoni haqida xabardorlik oyligiga bag‘ishlangan aksiya boshlandi. Tashabbus doirasida ayollar uchun bepul ko‘riklar, tibbiy forum va fotoko‘rgazma tashkil etiladi. gazeta.uz »
Toshkentda 33 yoshli erkak DXX guvohnomasini soxtalashtirib, o‘zini Prezident administratsiyasi vakili sifatida ko‘rsatib yurgani aniqlandi. Sud hukmi bilan u 3 yil 6 oy muddatga ozodlikdan mahrum etildi. gazeta.uz »
Toshkent kichik halqa avtomobil yo‘lining (KHAY) Maxtumquli ko‘chasi bilan kesishmasidagi ko‘prik osti qismida 5-oktabrdan 1-noyabrgacha harakatlanish qisman cheklanadi. Yo‘lning ushbu qismida yo‘l infratuzilmasini yangilash ishlari olib boriladi. gazeta.uz »
6-oktabrga o‘tar kechasi Toshkentda zilzila vaqtida Moskva - Toshkent yo‘nalishida parvoz qilgan “Aeroflot” samolyoti dispetcher ko‘rsatmasi bilan ikkinchi aylanishga ketdi. Uzbekistan Airports ma’lumotlariga ko‘ra, bu standart xavfsizlik chorasidir: yo‘lak holati tekshirilgandan so‘ng samolyot muvaffaqiyatli qo‘ndi. gazeta.uz »
Toshkentdagi kasb-hunar texnikumida nogironligi bo‘lgan 17 yoshli bola zo‘ravonlikka uchradi. Bolaning aytishicha, uning ko‘kragiga mushtlab, orqasiga esa kamar bilan urishgan. “Vahshiylarcha urgan, badanlariga qarab bo‘lmaydi”, - deydi ona. gazeta.uz »
Toshkentda Yosh arxitektorlar uyushmasi Shaharsoz mukofoti doirasida arxitektura va dizayn yo‘nalishi talabalari uchun tashkil etgan birinchi kviz bo‘lib o‘tdi. Viktorinada 70 nafar talaba ishtirok etib, arxitektura, shaharsozlik va qurilishga oid savollarga javob berdi. gazeta.uz »
O‘zbekiston shaharlari qiyofasini yaratishda me’morlarning roli uzoq yillar rasmiy tusda bo‘lgan. Bugun bu tendensiyada o‘zgarishlar ko‘zga tashlanmoqda. Yosh arxitektorlar uyushmasi rahbari Taxmina Turdialiyeva - shaharlarning asosiy muammolari, me’morlar atrof-muhitga qanday ta’sir ko‘rsatishi mumkinligi haqida. gazeta.uz »
2−5-oktabr kunlari Toshkentda bo‘lib o‘tadigan Markaziy Osiyoda fransuz filmlari festivalida mintaqada ilgari namoyish etilmagan beshta film ko‘rsatiladi. Namoyishlar Alisher Navoiy nomidagi kinosaroy va Kinoxona kinozalida bo‘lib o‘tadi. gazeta.uz »
Toshkentda uy-joy qimmatligi va ipoteka subsidiyalari yetishmovchiligi sababli shahar kengashi deputatlaridan biri uy-joy kooperativlarini joriy etishni taklif qildi. Shahar hokimligi poytaxt uchun ipoteka subsidiyalarini oshirish bo‘yicha boshqa mamlakatlar tajribasini va muqobil mexanizmlarni o‘rganmoqda. gazeta.uz »
Toshkentda ikkita avtobus va Onix mashinasi ishtirokida yo‘l-transport hodisasi yuz berdi. Avval 63-sonli avtobus oldinda harakatlanayotgan 151-sonli avtobusning orqa tomoniga to‘qnashib ketgan. Natijada 151-avtobus o‘zidan oldindagi Onix avtomobiliga borib urilgan. gazeta.uz »
Poytaxt hokimining birinchi o‘rinbosari Baxtiyor Haydarov deputatlarga Yangi Sergeli va Qatortol ko‘chalarini 24 soatli ko‘chaga aylantirish, Bo‘zsuv kanali bo‘ylab saylgoh tashkil etish loyihalarini taqdim etdi. gazeta.uz »
Toshkent shahri jamoat transportida o‘zgarish: endi 138, 13 T va 1-sonli avtobuslar harakat yo‘nalishi uzaytirildi. Xususan, 1A avtobusi Humoyun mavzesigacha emas, Mirzo Ulug‘bek iqtisodiy hududigacha boradi. gazeta.uz »
Dushanba kuni tushdan keyin Toshkentda havo ifloslanishi darajasi keskin oshdi. PM2,5 konsentratsiyasi belgilangan milliy standartdan 4−5 baravar ortib ketdi. Havo sifatining yomonlashishi boshqa hududlarda ham kuzatildi va yaqin kunlarda ham davom etishi mumkin. Aholiga sog‘lig‘ini ehtiyot qilish tavsiya etildi. gazeta.uz »
Yakkasaroy tumanida 62-sonli avtobus yo‘lni kesib o‘tayotgan erkakni urib yubordi. Yangihayot tumanida esa 57-sonli avtobus qayrilib olish chog‘ida 18 yoshli qizni bosib ketdi. Har ikkala holatda piyodalar shifoxonaga olib borilgan va tez tibbiy yordam ko‘rsatilgan. Hozirda surishtiruv ishlari olib borilmoqda. gazeta.uz »
Toshkentliklar orasida oilaviy hordiqning o‘zgacha bir shakli ommalashyapti: dam olish kunlari yo havo ochiq bo‘lgan oqshomlarda odamlar bola-chaqasi bilan Toshkent aeroportining ortidagi Qo‘shqo‘rg‘on mahallasiga kelyapti. gazeta.uz »
Toshkent shahri sudining apellyatsiya sudlov hay’ati voyaga yetmagan qizlarga jinsiy a’zosini ko‘rsatgan erkakning ishini qo‘shimcha tergovga qadar tekshiruvga qaytardi. Avvalroq birinchi instansiya sudi qaroriga ko‘ra gumonlanuvchi mayda bezorilik uchun bor-yo‘g‘i 5 sutkaga qamalgan edi. gazeta.uz »
Toshkentda mushukka shafqatsiz munosabatda bo‘lgan Xitoy fuqarosi javobgarlikka tortildi. U mushukka qayta-qayta qaynoq suv quygan va uni idishda ushlab, tashqariga chiqishga qo‘ymagan. Erkakka 5 sutka ma’muriy qamoq jazosi tayinlandi. gazeta.uz »
Yakkasaroy tumanida BYD haydovchisi hamda uning otasi yo‘liga chiqqan Gentra haydovchisini do‘pposladi va avtomobil oynalarini sindirdi. Hodisa sodir bo‘lganidan so‘ng mashinada bo‘lgan ayol homilasini yo‘qotdi. Holat bo‘yicha jinoiy ish ochilib, ikki shaxs ushlandi. gazeta.uz »
