òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
Poytaxt hokimligi huzurida Tashkent Events direksiyasi tashkil etilmoqda. U festivallar, konsertlar, open-air, ko‘cha shoulari, ko‘rgazma, kinonamoyishlar va boshqa madaniy tadbirlarni tashkil etish uchun javobgar bo‘ladi. gazeta.uz »
Yakkasaroyda Better best MCHJ xavfsizlik qoidalarini buzib qurilish qilgani sababli 1800 mm li kanalizatsiya tarmog‘i yorildi. Oqibatda tuproq o‘pirilib tushdi, jabrlanganlar yo‘q. Hozirda tiklash ishlari ketmoqda, hujjatlar huquqiy baho berish uchun vakolatli organlarga topshirildi. gazeta.uz »
Toshkentda kadastr bosh inspektori yengil konstruksiyali qurilmalarni buzmaslik va jarima qo‘llamaslik evaziga 2 ming dollar pora olayotganida ushlandi. Andijonda esa davlat zaxirasidagi 40 sotix yer uchun 160 ming dollar talab qilib, uning 80 ming dollarini olgan fuqaro qo‘lga tushdi. gazeta.uz »
Toshkentning Mirzo Ulug‘bek tumanida itlarga nisbatan shafqatsiz munosabatda bo‘lingani bilan bog‘liq ish bo‘yicha veterinar 7 sutkaga qamaldi. Uning o‘g‘li va omborxona xodimiga BHMning 10 barobari miqdorida jarima solindi. gazeta.uz »
Futbol bo‘yicha O‘zbekiston terma jamoasi Toshkentda tantanali kutib olindi. “Bu biz uchun tajriba bo‘ldi, qaysi darajaga chiqishimiz kerakligini tushundik”, - deydi Eldor Shomurodov. Bosh vazir Abdulla Aripov futbolda korrupsiyadan butkul xalos bo‘lingani sababli jamoa Jahon chempionatida qatnashganini aytdi. gazeta.uz »
Toshkentdagi Osiyo ko‘chasida tartibga solinmagan piyodalar o‘tish joyiga RRFB yorug‘lik mayoqlari tizimi sinov tariqasida o‘rnatildi. Tizim haydovchilarni piyodalar haqida oldindan ogohlantirib, tezlikni ertaroq pasaytirishga undaydi. gazeta.uz »
Nizomiy nomidagi milliy pedagogika universitetining yana ikkita binosi - Chilonzor va Yakkasaroy tumanlaridagi korpuslari sotuvga chiqarildi. Lotlarning umumiy boshlang‘ich qiymati 467 mlrd so‘mdan oshadi. gazeta.uz »
Toshkentda o‘tkazilgan Xalqaro giyohvandlikka qarshi kurash kuniga bag‘ishlangan yillik aksiya doirasida huquqni muhofaza qilish operatsiyalari davomida musodara qilingan 2,96 tonna giyohvandlik vositalari va psixotrop moddalar yoqib yuborildi. Foto. gazeta.uz »
Yunusobod tumanida FVB qutqaruvchilari hovlidagi hojatxonaga tushib ketgan 5 yoshli qizni qutqarib qoldi. Bolaga birinchi tibbiy yordam ko‘rsatilgan, hozirda uning ahvoli yaxshi. gazeta.uz »
Toshkentda 15-sentabrgacha alohida yong‘in xavfsizligi rejimi joriy etildi. Bunda umumiy ovqatlanish shoxobchalarida taom tayyorlash uchun suyultirilgan gazdan foydalanish, yonilg‘i quyish shoxobchalarida esa yirik tonnajli transport vositalarida 11:00 dan 17:00 gacha yonilg‘ini tashish, to‘kish va quyish taqiqlanadi. gazeta.uz »
Toshkentdagi Nizomiy nomidagi Milliy pedagogika universitetining o‘quv binolari 886,6 mlrd so‘m boshlang‘ich narx bilan auksionga qo‘yildi. Xaridor obyekt negizida xususiy ta’lim muassasasi tashkil etishi kerak bo‘ladi, obyektning o‘zi esa universitet Yangi Toshkentga ko‘chirilganidan keyin topshiriladi. gazeta.uz »
Toshkentda avtobuslar uchun “A” toifasidagi maxsus yo‘laklar deliniatorlar - jismoniy ajratuvchi elementlar bilan ajratilmoqda. Furqat ko‘chasining Magic City’dan Islom Karimov ko‘chasigacha bo‘lgan qismda bu ishlar boshlangan. gazeta.uz »
19-iyun kuni kechqurun Toshkentda do‘l va kuchli shamol bilan kuzatilgan kuchli jala yog‘di. Yomg‘ir qariyb yarim soat davom etdi, bir nechta samolyot Samarqanddagi zaxira aerodromiga yo‘naltirildi, shaharda esa tirbandliklar yuzaga keldi. gazeta.uz »
Payshanba tongida Toshkentda O‘zbekistonning futbol bo‘yicha JCHdagi debyuti katta ekranlarda namoyish etildi. Soat 07:00 bo‘lishiga va yomg‘irga qaramay, muxlislar bog‘ va maydonlarga oqib keldi. Gazeta shaharning to‘rt nuqtasida bo‘lib, tarixiy vaziyat va ishqibozlarning hayajonli lahzalarini suratlarga muhrladi. gazeta.uz »
Uchtepa tumanida Lacetti va BYD avtomobillari to‘qnashuvi oqibatida uch kishi halok bo‘ldi. BYD rulida haydovchilik guvohnomasi bo‘lmagan 16 yoshli o‘smir bo‘lgan. 24 yoshli Lacetti haydovchisi chorrahada keskin chapga burilib, u bilan to‘qnashgan. gazeta.uz »
Toshkentda ikki maktab o‘quvchisi va ikki yosh yigitdan iborat guruh fuqaroni giyohvand moddalar tarqatuvchisi sifatida ko‘rsatib, uni internetda sharmanda qilish va o‘ldirish bilan tahdid qilgan. Gumonlanuvchilar jabrlanuvchidan talab qilingan pulning bir qismini olayotganda ushlangan. gazeta.uz »
Shayxontohur tumanida IIO bo‘linma boshlig‘i tadbirkordan ikkita jinoyat ishini hal qilib berish evaziga 7,5 ming dollar pora talab qilganlikda gumonlanmoqda. U so‘ralgan pulning bir qismini olayotgan vaqtida ushlandi. gazeta.uz »
Toshkentda 9-sinfni bitirgan ikki o‘smir davlat raqami yechib qo‘yilgan BYD avtomobilini ruxsatsiz haydab chiqib, yo‘lovchisiz Yutong avtobusining orqa qismiga kelib urildi. Hodisada hech kim jabrlanmadi. gazeta.uz »
Toshkent shahri hokimligi futbol bo‘yicha O‘zbekiston milliy terma jamoasining Jahon chempionatidagi uchrashuvlari namoyish etiladigan katta ekranlar qayerlarda o‘rnatilishini ma’lum qildi. Katta ekranlar poytaxtning har bir tumanida bittadan va “Bunyodkor” stadionida tashkil etiladi. gazeta.uz »
Toshkentda Chirchiq daryosini toraytirish hisobiga qirg‘oqbo‘yi hududini rivojlantiruvchi yangilangan Daryo bo‘yi business city loyihasi taqdim etildi. U ilk bor 2020-yilda e’lon qilingan bo‘lib, o‘shanda daryoning 16 km qismini egallashi reja qilingandi. Endi bu masofani 24 km ga uzaytirish ko‘zda tutilmoqda. gazeta.uz »
Toshkent shahridagi “Qo‘yliq” bozori yaqinida to‘xtab turgan Lacetti avtomashinasida jami 34,6 kg giyohvandlik vositalari - 12,96 kg opiy va 21,65 kg gashish aniqlandi. Avtomobilda bo‘lgan ikki nafar shaxs ushlanib, ularga nisbatan jinoyat ishi qo‘zg‘atildi. gazeta.uz »
Tarmoqlarda tunda Yakkasaroy tumanida Cobalt xavfli va qarama-qarshi yo‘nalishda harakatlanib, mashinalarga shikast yetkazgani aks etgan videolar tarqaldi. U mashina g‘ildiragiga o‘q uzish orqali to‘xtatildi. gazeta.uz »
Uchtepa tumanida yo‘l harakatidagi kelishmovchilik sababli ayol haydovchini jamoat joyida haqorat qilgan 41 yoshli erkakka nisbatan 15 sutka ma’muriy qamoq jazosi tayinlandi. Sudda aybiga iqror bo‘lgan haydovchi kechirim so‘radi, jabrlanuvchi ayolga esa himoya orderi berildi. gazeta.uz »
May oyida Toshkentda uy-joy ijarasi o‘rtacha 550 dollar bo‘ldi. Yil davomida ushbu ko‘rsatkich 10 foizga oshdi. E’lonlar soni bir oy ichida qariyb 21 foizga qisqardi. Poytaxtda bir xonali xonadonlar ijarasi yil davomida 14,3 foizga qimmatladi, to‘rt va undan ortiq xonali kvartiralar esa 20 foizga arzonladi. gazeta.uz »
Yunusobod tumani soliq inspeksiyasining ikki nafar inspektori tadbirkordan 5 ming dollar olganlikda gumonlanib ushlandi. Ular “Chilonzor buyum bozori kompleksi”dan 3 ta savdo do‘konini ijaraga olishda yordam berishni va’da qilgan. gazeta.uz »
Toshkentning Yashnobod tumanida 7 yoshli bola mushuk bolasini to‘p bilan urib, zinadan tushirib yuborgan. IIV ma’lum qilishicha, holat yuzasidan bolaning otasiga nisbatan ma’muriy chora ko‘rilgan va profilaktik suhbat o‘tkazilgan. gazeta.uz »
Toshkentda fotorassom Bobur Alimxodjayevning Duality: X-Ray of Memory ko‘rgazmasi bo‘lib o‘tmoqda. Unda inson tabiatining tuzilishi tadqiq etilgan. Qo‘shaloq ekspozitsiya texnikasida yaratilgan fotopannolar haqiqiy rentgen suratlaridek taassurot uyg‘otadi. Gazeta ko‘rgazmada bo‘ldi. gazeta.uz »
6-iyun kuni kunduzi Toshkentda 45-sonli yo‘nalishda qatnovchi elektrobus Qo‘yliq bozori yaqinidagi bekatda orqaga harakatlanayotib, ayolni urib yubordi. Jabrlanuvchi voqea joyida halok bo‘ldi. Holat yuzasidan tergov olib borilmoqda. gazeta.uz »
Toshkentdagi Taras Shevchenko va Sayyid Baraka ko‘chalarining bir qismi 8-iyun soat 07:00 gacha transport vositalari harakati uchun yopildi. U yerda Beer Fest o‘tkazish rejalashtirilgan. gazeta.uz »
Toshkentning Uchtepa tumanida Migratsiya agentligining eng yirik o‘quv markazi - Intil ochildi. Unda tanlov asosida xorijga ishlashga ketishni istaganlar ish beruvchi standartlari bo‘yicha kasbiy tayyorgarlikdan o‘tadi. gazeta.uz »
Toshkentdagi Ikuo Xirayama xalqaro madaniyat karvonsaroyida inklyuziv ta’limga bag‘ishlangan bolalar ijodiy ishlari ko‘rgazmasi bo‘lib o‘tmoqda. Tashkilotchilar bolalar ijodi orqali ta’lim olish imkoniyatlariga e’tiborni qaratish va nogironlikka nisbatan jamiyat qarashlarini o‘zgartirishni maqsad qilgan. gazeta.uz »
Toshkentda kuchli shamol yana turli tumanlarda shox va daraxtlarning qulashiga sabab bo‘ldi. Labzak ko‘chasida katta daraxt yo‘lning qatnov qismiga qulab, svetoforni ag‘darib yubordi va harakatni to‘sib qo‘ydi. gazeta.uz »
Toshkentning Olmazor tumanidagi “Vistavochnaya” podstansiyasida transformator yondi. Yong‘in qisqa vaqt ichida o‘chirilgan bo‘lsa-da, avariya oqibatida 6,2 ming xonadon, 807 ta yuridik iste’molchi va 18 ta ijtimoiy obyektning elektr ta’minotida uzilishlar yuzaga keldi. FVBBga ko‘ra, hodisada hech kim jabrlanmagan. gazeta.uz »
27-may chorshanba tongida O‘zbekistondagi masjidlarda Qurbon hayiti namozi o‘qildi. Gazeta muxbirlari poytaxtdagi “Islomobod” hamda “Shayx Muhammad Sodiq Muhammad Yusuf” masjidlaridan fotoreportaj tayyorladi. gazeta.uz »
Toshkentda o‘quvchini kaltaklagan o‘qituvchiga nisbatan qo‘zg‘atilgan jinoyat ishi tugatildi. Bunga sabab qilib muallim dars jarayonini va o‘z kasbiy sha’nini qonuniy doirada himoya qilgani aytildi. gazeta.uz »
27-may kuni Qurbon hayiti munosabati bilan Toshkent shahridagi avtobus yo‘nalishlari va metropoliten odatdagidan ertaroq - soat 04:00 dan harakatni boshlaydi. Transport vazirligi fuqarolardan hayit namoziga borishda jamoat transportidan foydalanishni so‘radi. gazeta.uz »
Toshkent hokimligi va Xitoyning China Railway Construction Corporation kompaniyasi poytaxtda pulli avtomobil yo‘llarini qurish rejasini muhokama qildi. Gap uzunligi qariyb 100 km bo‘lgan halqa va yangi xalqaro aeroport yo‘nalishida shahar markazi orqali o‘tuvchi magistral pulli yo‘llari haqida bormoqda. gazeta.uz »
Poytaxtning Bektemir tumani soliq inspeksiyasi xodimlari tadbirkorni javobgarlikdan qutqarish evaziga pul olayotganda ushlandi. Ular do‘konda xaridorga chek berilmagani holatini yashirish uchun jami 5,5 mln so‘m pora olganlikda gumonlanmoqda. Hozirda tergov harakatlari olib borilmoqda. gazeta.uz »
Toshkentning Sergeli tumanida Nexia 3 katta tezlikda harakatlanib, beton to‘siqqa urildi va ag‘darilib ketdi. Hodisa oqibatida 26 yoshli yo‘lovchi voqea joyida vafot etgan. Haydovchiga tibbiy yordam ko‘rsatilgan, holat bo‘yicha jinoyat ishi qo‘zg‘atildi. gazeta.uz »
O‘zbekiston milliy terma jamoasini 2026-yilgi JCHga kuzatish marosimida Shavkat Mirziyoyev jamoa a’zolariga, shuningdek, muxlislarga minnatdorlik bildirdi. U “futbol mamlakatda har bir oilaning haqiqiy do‘stiga aylanib ulgurganini” ta’kidladi. gazeta.uz »
Futbol bo‘yicha O‘zbekiston terma jamoasini jahon chempionatiga kuzatish tadbiri munosabati bilan Toshkentdagi ayrim ko‘chalarda harakat vaqti-vaqti bilan cheklanadi. Cheklov 22-may soat 16:00 dan 21:00 gacha bo‘ladi. gazeta.uz »
Toshkentda o‘qituvchi o‘quvchini kaltaklab, unga tan jarohati yetkazdi. Janjal o‘quvchi dars jarayoniga xalaqit qilgani sabab kelib chiqqan. O‘qituvchiga nisbatan jinoyat ishi qo‘zg‘atildi. gazeta.uz »
Toshkentda sud pora olishda ayblangan sobiq profilaktika inspektoriga nisbatan hukm chiqardi. Aniqlanishicha, IIV xodimi intim xizmat ko‘rsatuvchi ayoldan “muammo tug‘dirmaslik”, javobgarlikka tortmaslik va reydlar haqida oldindan ogohlantirib turish evaziga oyiga 400 dollargacha pul talab qilgan. gazeta.uz »
Toshkentda JAC Motors Toshkent zavodi ishga tushirildi. U Xitoy avtomobilsozlik kompaniyasi va “Toshkent Invest” o‘rtasidagi qo‘shma korxona hisoblanadi. Ilk model M3 miniveni bo‘ldi. Bu yerda ichki yonuv dvigateliga ega avtomobillar, shuningdek, gibrid va elektromobillar ishlab chiqarish rejalashtirilgan. gazeta.uz »
18-may kuni Toshkent shahrida kuzatilgan kuchli shamol oqibatida ayrim hududlarda daraxtlar qulashi, avtomobilga zarar yetishi hamda elektr ta’minotida uzilishlar qayd etildi. Mas’ul idoralar aholidan ehtiyotkor bo‘lish, daraxtlar, yengil konstruksiyalar va reklama vositalari yaqinida to‘planmaslikni so‘radi. gazeta.uz »
Poytaxtda jamoat transportidan foydalanish darajasi 2022-yilga nisbatan 17 foizga oshib, 35 foizdan ortdi. Xususan, o‘tgan yilda avtobusda 412,4 mln yo‘lovchi tashildi, umumiy tushum 644,6 mlrd so‘mni tashkil etdi. gazeta.uz »
Toshkentda yo‘l harakati qoidalarini muntazam buzib, 912 marta qoidabuzarlik sodir qilgan Matiz haydovchisi aniqlandi. U buning oqibatida yuzaga kelgan 311 mln so‘mdan ortiq qarzdorlikni to‘lamay yurgan. MIB mashinani topib, jarima maydoniga joylashtirdi. gazeta.uz »
Toshkentda piyodalar yo‘laklarida, bekatlarda, yashil hududlarda qoldirilgan avtomobillar jarima maydonlariga olib ketila boshlanadi. YHTEM tartibli shaharni yaratish ishlarining keyingi bosqichida noto‘g‘ri joyda qoldirilgan avtomobillarga nisbatan qat’iy chora ko‘rish rejalashtirilayotganini ma’lum qildi. gazeta.uz »
Toshkentda Rossiya armiyasi safida Ukrainadagi urushda qatnashganlikda ayblangan 45 yoshli O‘zbekiston fuqarosi 5 yilga qamaldi. Sud hujjatlariga ko‘ra, u Rossiya Mudofaa vazirligi bilan shartnoma tuzib janglarda qatnashgan, O‘zbekistonga qaytgach esa singlisi va uning farzandlariga tahdid qilgan. gazeta.uz »
Toshkentda sud Instagram’da prezident va uning oila a’zolari haqida obro‘sizlantiruvchi yolg‘on axborot tarqatgan 60 yoshli erkakka nisbatan 20,6 mln so‘m jarima jazosi tayinladi. Sudda u izohlarni mast holatda yozib yuborganini aytgan. gazeta.uz »
