òîøêåíòäà - Ïîñëåäíèå íîâîñòè [ Ôîòî â íîâîñòÿõ ] | |
Mirobod tumanida uy sharoitida narkotik o‘simliklar yetishtirgan fuqarolar qo‘lga olindi. Xususiy uylarning biridan bo‘yi 60 dan 170 sm gacha bo‘lgan 12 tup o‘simlik topildi. Olingan barcha ashyoviy dalillar ekspertiza uchun yuborildi. gazeta.uz »
O‘zbekistonda 1-may sanasida o‘n birinchi marotaba favvoralar kuni nishonlandi. “Gazeta.uz” muxbiri Yevgeniy Sorochin poytaxtdagi Mustaqillik maydoni hamda “Turkiston” san’at saroyi oldidagi favvoralarni suratlarga muhrladi. gazeta.uz »
Payshanba kuni ertalab Yakkasaroy kichik sanoat zonasi hududidagi sintepon sexida yong‘in sodir bo‘ldi. Voqea joyidan 2 kishining jasadi topildi, yana 5 kishi shifoxonaga yotqizildi. FVV holat ishlab chiqarishda texnologik jarayon buzilishi sababli yuzaga kelganini taxmin qilmoqda. gazeta.uz »
O‘zbekistonda o‘rtacha nominal ish haqi birinchi chorak yakuniga ko‘ra qariyb 5,8 mln so‘mni tashkil etdi, bu o‘tgan yilning shu davriga nisbatan 18% ko‘p. O‘sish sur’ati sekinlashdi. Toshkent shahrida ko‘rsatkich 9,9 mln so‘mgacha (+22,7%) oshdi. gazeta.uz »
Yunusobod tumanida Hyundai Elantra urib yuborgan 39 yoshli Kavasaki mototsikli haydovchisi voqea joyida halok bo‘ldi. Tarmoqlarda tarqalgan videolarda avtomobil haydovchisi belgilanmagan yo‘ldan qayrilgani aytiladi. Holat bo‘yicha jinoiy ish ochildi. gazeta.uz »
Toshkentda Gretsiya elchixonasi o‘z faoliyatini boshladi. O‘zbekiston tashqi ishlar vaziri Baxtiyor Saidov elchi Paraskevi Tzevelekning ishonch yorliqlari nusxalarini qabul qilib, diplomatik missiyaning ochilishini olqishladi. gazeta.uz »
Mirzo Ulug‘bek tumanida Tracker haydovchisi chorrahani tartibga solayotgan inspektorni urib yubordi. Xodim qo‘l sinishi va oyoq lat yeyishi tashxisi bilan shifoxonaga yotqizilgan. Yana bir holatda inspektorni mashina kapotida 1,5 kilometrga sudrab ketgan Malibu 2 haydovchisi qamoqqa olindi. gazeta.uz »
Mirzo Ulug‘bek tumanida 22 yoshli yigit 18 yoshli qiz tanishini kaltakladi. Qiz jarohat olib, shifoxonaga murojaat qildi. Holat yuzasidan jinoyat ishi qo‘zg‘atildi. gazeta.uz »
Markaziy Osiyo davlatlari maxsus xizmatlari rahbarlari Toshkentdagi birinchi uchrashuvida xavfsizlikka oid zamonaviy tahdid va xatarlarni baholashning yagona yondashuvlarini ishlab chiqish, ularni bartaraf etish bo‘yicha hamkorlikni muhokama qildi. gazeta.uz »
24-apreldan my. gov. uz portalida yangi avtomashinani ro‘yxatdan o‘tkazish uchun onlayn ariza berish imkoniyati paydo bo‘ldi. Xizmat hozircha YHXXning Toshkent shahridagi faqat bitta bo‘limida mavjud. gazeta.uz »
Toshkentda xususiy bog‘cha administratori 7 yoshli bolaga nisbatan qo‘pollik qilib, uni kamera yo‘q xonaga olib chiqib qasddan urgani aniqlandi. U bilan tuzilgan mehnat shartnomasi bekor qilindi, sud unga jarima qo‘lladi. gazeta.uz »
Toshkent shahridagi Chorsu bozorida 46 dona cho‘l toshbaqasi noqonuniy sotilayotgani aniqlandi. Jonivorlar Toshkent hayvonot bog‘iga topshirildi. gazeta.uz »
Shayxontohur tumanida 67 yoshli mast erkak avtoturargoh qorovuli va boshqa fuqarolarga oshxona pichog‘i bilan tahdid qildi. Tarmoqlarda tarqalgan videolarda u liftdagi yolg‘iz bolani qo‘rqitib, uni kaltaklagani ko‘rinadi. gazeta.uz »
Yunusobod tumanidagi bank xizmatlari markazida pul o‘marmoqchi bo‘lgan shaxs qo‘lga olindi. U bank xodimini o‘yinchoq to‘pponcha bilan qo‘rqitib pul talab qilgan. Erkak markaz oynasini sindirib qochayotganida ushlandi. gazeta.uz »
Payshanba kuni tunda Mirzo Ulug‘bek tumanida Tesla elektromobili yonib ketgandi. Poytaxt IIBBga ko‘ra, uni fuqaro o‘zaro kelishmovchilik ortidan yoqib yuborgan. Gumonlanuvchi qo‘lga olingan, hozirda tergov davom etmoqda. gazeta.uz »
Davlat xavfsizligi xizmati Sirdaryo, Toshkent, Xorazm, Andijon va Farg‘ona viloyatlarida yer maydonlarini sotish va hujjatlarda turini o‘zgartirish bilan bog‘liq korrupsiyaviy holatlarni aniqlandi. Xususan, Toshkentda bog‘dorchilik uchun ajratgan 6 gektar yerni 455 ming dollarga sotmoqchi bo‘lgan shaxslar ushlandi. gazeta.uz »
Mirzo Ulug‘bek tumanida elektromobil yonib ketdi. Yong‘in 3 daqiqada o‘chirildi. Hodisada hech kim jarohatlanmadi. gazeta.uz »
2-may kuni Toshkent shahrida uchinchi Inklyuziv biznes-forum o‘tkazilishi reja qilingan. Tadbir nogironligi bo‘lgan shaxslar uchun munosib ish o‘rinlari yaratishga qaratilgan biznes, davlat va jamiyat o‘rtasidagi ko‘prik sifatida ko‘rilmoqda. gazeta.uz »
Prezidentga Yangi Toshkentdagi Chirchiq daryosi bo‘yida 20 gektar maydonda okeanarium qurish loyihasi taqdim etildi. Qurilish vaziri o‘rinbosarining so‘zlariga ko‘ra, u Markaziy Osiyodagi eng yirik shunday obyekt bo‘ladi. gazeta.uz »
Toshkent shahri Yangihayot tumanida tashqi ta’sir ko‘rsatish orqali 5,7 mlrd so‘mlik tabiiy gazdan noqonuniy foydalangan metall eritish sexi aniqlandi. Barcha hujjatlar huquq-tartibot organlariga yuborildi. gazeta.uz »
Bojxona va boshqa huquq-tartibot idoralari Toshkent shahrida yerosti laboratoriyasi tashkil etish uchun mo‘ljallangan 45 kg kuchli ta’sir ko‘rsatuvchi pregabalin preparatining olib kirilishini to‘xtatib qoldi. gazeta.uz »
Bektemir tumanida yuk mashinasi yo‘lning belgilanmagan qismidan o‘tayotgan 56 yoshli fuqaroni urib yubordi. Oqibatda piyoda voqea joyida vafot etdi. gazeta.uz »
Yashnobod tumanidagi podstansiyada transformator yonib ketdi. FVBning ma’lum qilishicha, yong‘in 14 daqiqada o‘chirilgan. Jarohatlanganlar yo‘q. gazeta.uz »
O‘zbekistonga Parlamentlararo ittifoqning 150-assambleyasida ishtirok etish uchun kelgan Zambiya Milliy assambleyasi kotibi Roy Ngulube vafot etdi. Zambiya parlamenti uning vafotiga “qisqa muddatli kasallik” sabab bo‘lganini bildirdi. gazeta.uz »
Sergeli tumanida mehmon bo‘lib kelgan shaxs ikki mezbonni pichoqlab, uyga o‘t qo‘ydi. Jarohatlanganlarning hayoti shifoxonada saqlab qolingan. Holat yuzasidan jinoiy ish ochilgan. gazeta.uz »
Toshkentda Stiven King hikoyasi asosida suratga olingan “So‘nggi teginish” qisqa metrajli filmining premerasi bo‘lib o‘tdi. Besh yil avval o‘zbekistonlik rejissyor Gulnora Ivanova yozuvchi 2023-yilda tugatgan The Dollar Baby dasturi doirasida uni 1 dollarga ekranizatsiya qilish huquqini qo‘lga kiritgan edi. gazeta.uz »
Parlamentlararo ittifoq assambleyasining 150-sessiyasi o‘tkazilishi munosabati bilan 4−9-aprel kunlari Toshkentning markaziy ko‘chalari bo‘ylab yuk mashinalarining harakati to‘liq cheklanadi. gazeta.uz »
15-apreldan Toshkentda tajriba doirasida o‘zini band qilgan taksistlar qulayligi oshirilgan va 4 dan 8 gacha yo‘lovchili mashinadan foydalana oladi. Transvazirlik modellar ro‘yxatini ishlab chiqadi. gazeta.uz »
Toshkent shahar hokimligining Yuridik boshqarmasi yuriskonsultlaridan biri chet el fuqarosining mulki davlat ehtiyojlari uchun buzilganida berilishi kerak bo‘lgan kompensatsiyani tezlashtirib olib berish evaziga 70 ming dollar pora talab qilgani aytilmoqda. Yuriskonsult qo‘lga olingan. gazeta.uz »
Toshkentda jamoat avtobuslarida chiptasiz yurgan yo‘lovchilar jarimaga tortilmoqda. Amaliyot 14-martdan boshlangan bo‘lib, 1-aprelgacha jami 56 kishi 37 ming so‘mdan jarima to‘lagan. Transport nazorati inspeksiyasi xodimlar bunday reydlarni har kuni o‘tkazadi. gazeta.uz »
30-mart kuni Toshkentdagi 124 ta masjidda Ramazon hayiti namozi o‘qiladi. Tartibni saqlash uchun shu kuni soat 00:00 dan 07:30 gacha ularga olib boruvchi yo‘llar yopiladi. Ro‘yxat. gazeta.uz »
O‘zbekistondagi hind jamoasi har yili vatandoshlarni iftorlik dasturxoniga yig‘adi. “Gazeta.uz” muxbiri Dilyaver Ablyakimov Toshkentdagi shunday tadbirga borib, Hindiston va O‘zbekistonda Ramazon oyida iftorliklar bir-biridan qanday farq qilishini o‘rgandi, shuningdek, jamoa faoliyati bilan tanishdi (foto). gazeta.uz »
“Sen dunyoga keraksan” hamda Shafiiuz ko‘ngillilar jamoalari Ramazon oyida “Yo‘lda iftorlik” loyihasini o‘tkazmoqda. Shu kungacha ular Toshkent metrosi va tirband joylarda 50 mingdan ortiq ro‘zadorga suv va xurmo tutdi. gazeta.uz »
28-martdan Toshkent jamoat transporti yo‘nalishlariga o‘zgartirish kiritiladi. 190 va 137-sonli avtobuslar harakat xaritasi yangilandi. Shuningdek, “O‘zbekiston mehmonxonasi - Yangi Toshkent” yo‘nalishidagi yangi 197-avtobus tashkil etildi. gazeta.uz »
Shayxontohur tumanidagi 4 ta maktabining futbol maydonlarini auksion orqali ijara asosida 8500 dollar evaziga rasmiylashtirib berishini va’da qilgan bog‘cha rahbari qo‘lga olindi. gazeta.uz »
Toshkentning barcha tumanlarida 7-apreldan 16-maygacha rejali profilaktika-ta’mirlash ishlari o‘tkazilishi sababli ichimlik suvi navbatma-navbat vaqtincha o‘chiriladi. Hududlarga maxsus texnikalarda suv yetkazib beriladi. Ro‘yxat. gazeta.uz »
Uchtepa tumanida 44 yoshli enaga ayol qarindoshining 100 mln so‘mdan ortiq pulini o‘g‘irlab, 3 yoshli qizini kaltaklab kelgani aniqlandi. Sud hukmi bilan unga 5 yil 1 oy ozodlikdan mahrum qilish jazosi tayinlandi. gazeta.uz »
Toshkent shahrida Daun sindromi bor bolalarning an’anaviy “Dunyo quyosh nigohida” festivali o‘tkazildi. Unda 350 dan ortiq oila qatnashdi. “Daun sindromi bo‘lgan insonlarga achinish kerakmas, ular muhabbat va teng imkoniyatlarga loyiq”, - deydi tashkilotchi Shahnoza Ikramova. Tafsilotlar “Gazeta.uz” reportajida. gazeta.uz »
Toshkentda o‘tgan yili taqdim etilgan mustahkam shisha, tablo, kamera va 112 tugmasi bilan jihozlangan yangi avtobus bekatlari iyuldan o‘rnatila boshlaydi. Ular reklamadan daromad oladigan tadbirkorlarga ijaraga beriladi. gazeta.uz »
Navro‘z bayrami munosabati bilan poytaxtdagi Amir Temur xiyoboni atrofida an’anaviy otlar paradi bo‘lib o‘tdi. Unda 100 boshga yaqin zotdor ot qatnashdi. “Gazeta.uz” fotomuxbiri Murod Yusuf jarayondan reportaj tayyorladi. gazeta.uz »
Toshkentda Markaziy Osiyo tarixida ilk bor 1889-yilda tashkil etilgan va 180 dan ortiq davlatni birlashtirgan Parlamentlararo ittifoqning 150-assambleyasi bo‘lib o‘tadi. Yig‘ilish mavzusi - “Ijtimoiy rivojlanish va adolat uchun parlament harakati”. Forumni O‘zbekiston prezidenti ochib beradi. gazeta.uz »
Sergelidagi ko‘p qavatli uylardan birining devoriga havoni tozalash xususiyatiga ega ekomural chizildi. Bu - Airlite bo‘yoqlari bilan chizilgan O‘zbekistondagi birinchi devoriy tasvir. Ushbu bo‘yoq 2019-yili BMT tomonidan havo ifloslanishiga qarshi kurashda yordam beruvchi vositalardan biri sifatida e’tirof etilgan. gazeta.uz »
Toshkentning Yashnobod tumanida noma’lum shaxs maktab o‘quvchisining qo‘lidan ushlab, og‘zini yopmoqchi bo‘ldi. IIBB ma’lumotlariga ko‘ra, u ruhiy-asab kasalliklari dispanserida ro‘yxatda turuvchi 18 yoshli yigit bo‘lgan. gazeta.uz »
YeI, Expertise France, YeIB va SES provayderi vakillari Toshkentda Markaziy Osiyo uchun sun’iy yo‘ldosh interneti bo‘yicha kelishuvni imzoladi. Yevropa komissari Yozef Sikelaning ta’kidlashicha, O‘zbekistonda mintaqaviy sun’iy yo‘ldosh shlyuzi o‘rnatilishi mumkin, bu esa mamlakatga “haqiqiy raqamli avtonomiya”ni beradi. gazeta.uz »
Toshkent shahri Mirobod tumanida kechasi rul boshqaruvi yo‘qotilishi oqibatida Lacetti avtomobili Qorasuv kanaliga tushib ketdi. Hech kim jarohatlanmadi. gazeta.uz »
Toshkent shahri Olmazor tumanidagi ko‘p qavatli uyda yashovchi 14 yoshli bola 9-qavatdan yerga yiqilib tushdi. U mutaxassislar yordamiga qaramay, shifoxonada vafot etdi. Tekshiruv ishlari boshlandi. gazeta.uz »
Poytaxtda fuqarolarning kartalaridagi mablag‘lari va shaxsiy ma’lumotlarini qo‘lga kiritish bilan shug‘ullangan jinoiy guruh faoliyatiga chek qo‘yildi. Tadbir davomida 20 ga yaqin shaxs qo‘lga olinib, ulardan 15 ming kishining shaxsiy ma’lumotlari va ko‘plab plastik kartalar ashyoviy dalil sifatida olingan. gazeta.uz »
Toshkentda 72-sonli avtobus haydovchisi salon chiroqlarini o‘chirgan holda odamlardan yo‘l haqi uchun naqd pul talab qildi. “Toshshahartransxizmat”ga ko‘ra, haydovchi bilan tuzilgan mehnat shartnomasi bekor qilindi. gazeta.uz »
Raqobat qo‘mitasi Toshkentda tashqi reklama qonunchiligini buzgan kompaniyalarga nisbatan jarimalar qo‘lladi. Ular orasida Carvon AYQSH tarmog‘i, KFC restorani va Stroy Center savdo markazi bor. gazeta.uz »
Toshkentda hindlarning Ranglar festivali nomi bilan mashhur va bahor kelishi ramzi bo‘lgan Holi bayrami nishonlandi. Yorqin ranglar va hissiyotlar - fotoreportajimizda. gazeta.uz »
