Yicha - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston amputant futbolchilari Osiyo chempionati g‘olibi bo‘ldi. Ular finalda Indoneziya terma jamoasini 6:0 hisobida mag‘lub qildi. Jamoa musobaqa davomida mag‘lubiyatga uchramadi, 5 ta o‘yinda 33 ta gol urib, atigi 1 ta gol o‘tkazib yubordi. gazeta.uz »
Prezident qarori bilan 2025-yilda xalqaro moliya institutlari va xorijiy hukumat moliya tashkilotlari ishtirokidagi loyihalarni amalga oshirish bo‘yicha maqsadli ko‘rsatkichlar belgilandi. Ularga erishishni ta’minlash uchun favqulodda shtab tuziladi. gazeta.uz »
Harbiy sud Komil Allamjonovga uyushtirilgan suiqasdga oid jinoyat ishi doirasida 10 nafar ayblanuvchiga hukm o‘qidi. Unga ko‘ra, Shuhrat Rasulovga 23 yil, Javlon Yunusovga 18 yil 6 oy, Shoxrux Axmedovga 23 yil, Ismoil Jahongirovga 23 yil va Doniyor Tashxodjayevga 7 yilga qamaldi. gazeta.uz »
Ekologiya vazirligi 1-noyabrga qadar plastik chiqindilarni kamaytirish bo‘yicha qonun loyihasini ishlab chiqadi. Hujjat bilan plastikni qabul qilish punktlarini tashkil etish, utilizatsiya qilish uskunalarini o‘rnatish hamda “taralarni qaytarish” tizimini joriy etish ko‘zda tutilgan. gazeta.uz »
O‘zbekiston kichik AES qurish bo‘yicha xalqaro konsorsium tuzadi. Bunday stansiyalarni boshqa hududlarda ham qurish masalasi ko‘rib chiqiladi. “Prezident islohotlari katta miqdordagi elektrni talab qiladi, atom energetikasi esa iqtisodiy taraqqiyotni ta’minlaydi, deb hisoblaymiz”, - dedi “O‘zatom” rahbari. gazeta.uz »
Toshkent viloyatidagi ekoreyd natijalari e’lon qilingach, tarmoqlarda havo ifloslanishi o‘lchovining to‘g‘riligi bo‘yicha bahslar paydo bo‘ldi. Ekovazirlik normadan oshish kuzatilmaganini aytdi. gazeta.uz »
Dunyoning Xitoy, Hindiston kabi eng ifloslantiruvchi davlatlari BMTning 2035-yilgacha bo‘lgan yangi iqlim maqsadlarini belgilash muddatiga amal qilmadi, deb yozmoqda Reuters. Global isishni to‘xtatish harakatlari Donald Trampning saylanishidan keyin bosim ostida qolgani aytiladi. gazeta.uz »
Davlat banklari onlayn xizmatlarni rivojlantirish va aholi uchun jozibador moliyaviy mahsulotlarni yaratishda xususiy banklardan ortda qolmoqda, dedi prezident. U onlayn kredit olish tartibini soddalashtirish va masofaviy xizmatlar hajmini 30 foizga oshirish bo‘yicha topshiriq berdi. gazeta.uz »
Xizmatlar sektori uchun 1 foizlik ijtimoiy soliq stavkasi bo‘yicha imtiyoz muddati yana 3 yilga uzaytiriladi. Endilikda imtiyoz faqat servis korxonalarining kamida 3 mln so‘m oylik oladigan va 30 yoshgacha bo‘lgan ishchilariga qo‘llanadi. gazeta.uz »
BMTning Oziq-ovqat va qishloq xo‘jaligi tashkiloti (FAO) O‘zbekistonning pestitsidlarni tahlil qilish bo‘yicha laboratoriya salohiyatini mustahkamlash tashabbusini ilgari surmoqda. Shu maqsadda o‘tkazilgan seminarda sohada kadrlarni tayyorlash va infratuzilmani takomillashtirish muhokama qilindi. gazeta.uz »
O‘zbekiston Malayziyaning uchta yetakchi kompaniyasi bilan muhim minerallar sohasida qo‘shma loyihalar tashkil etish bo‘yicha kelishuvlarga erishdi. Bundan tashqari, Malayziya o‘zbekistonlik mutaxassislarni yarim o‘tkazgichlar ishlab chiqarish sohasida o‘qitishni yo‘lga qo‘ymoqda. gazeta.uz »
Qozog‘iston rasmiylari 25-dekabr kuni Aqtau yaqinida qulagan Azerbaijan Airlines layneri halokati bo‘yicha dastlabki hisobotni e’lon qildi. Komissiya samolyot korpusida ko‘plab shikastlanishlarni aniqladi, mutaxassislarning fikriga ko‘ra, bu “tashqi obyektlar” tufayli yuzaga kelgan. gazeta.uz »
Qozog‘istondagi birinchi AES uchun texnologiya yetkazib beruvchilar short-listiga to‘rt mamlakat, jumladan, Rossiyaning “Rosatom” va Xitoyning CNNC kompaniyalari kiritildi. Avvalroq prezident Qosim-Jomart Toqayev hukumatga AES qurilishini jadallashtirish va yadro klasterini yaratishni boshlashni buyurgandi. gazeta.uz »
Qonunchilik palatasi deputatlari Suv kodeksini tasdiqlash to‘g‘risidagi qonun loyihasini ikkinchi va uchinchi o‘qishda qabul qilib, Senatga yubordi. gazeta.uz »
Tomorqa va dehqon xo‘jaliklarini rivojlantirish bo‘yicha alohida kengash tuzilib, uning huzurida UzAgroStar xoldingi va meva-sabzavot yetishtiruvchi kompaniyalar tashkil etiladi. Foydalanilmagan yerlar uchun soliq stavkasi oshiriladi. gazeta.uz »
Toshkent-Andijon pulli avtomobil yo‘lini davlat-xususiy sheriklik asosida loyihalashtirish, qurish, moliyalashtirish, boshqarish va texnik xizmat ko‘rsatish yuzasidan tender e’lon qilindi. Loyihaning birinchi bosqichi umumiy uzunligi 171 kilometrni tashkil etadi (Toshkentdan Angrengacha va Qamchiq dovoni). gazeta.uz »
O‘zbekistonda doimiy ro‘yxatdan o‘tkazish soddalashtiriladi, ma’lum yoshdagilar uchun pasport tizimi qoidalarini buzganlik uchun javobgarlik bekor qilinadi, xorijlik va fuqaroligi yo‘q kishilarning ro‘yxatdan o‘tishi uchun Ye-xabar berish tizimi ishga tushiriladi. Senat shular ko‘zda tutilgan qonunni ma’qulladi. gazeta.uz »
Hukumat hayvonot dunyosini muhofaza qilish va undan oqilona foydalanish bo‘yicha biotexnik tadbirlarni o‘tkazish tartibini tasdiqladi. Tegishli nizom biotexnik tadbirlar o‘tkazish usullari va maqsadi, hududlari va talablari, shuningdek, natijalarini monitoring qilishni nazarda tutadi. gazeta.uz »
Yozda Uchtepa tumanida 6 yoshli bola usti ochiq qoldirilgan issiq suv qudug‘iga tushib ketib halok bo‘lgandi. Quvurda ta’mirlash ishlarini olib borgan 32 yoshli ta’mirlash montajchisi uni ochiq qoldirib, atrofiga to‘siq o‘rnatmagani aniqlandi. gazeta.uz »
Donald Tramp agar Rossiya urushni to‘xtatish bo‘yicha muzokaralardan bosh tortgan taqdirda, sanksiyalar bilan tahdid qildi, shuningdek, Putinni “aqlli” deb atadi. U Putin bilan “juda tez muddatda” gaplashishni rejalashtirayotganini ma’lum qildi. gazeta.uz »
O‘zbekiston prezidenti Turkiyaning Bolu provinsiyasidagi kurort mehmonxonasida yong‘in chiqqani va kamida 66 kishi halok bo‘lgani yuzasidan mamlakat yetakchisiga ta’ziya yo‘lladi. gazeta.uz »
Giyohvandlik vositalari va psixotrop moddalarning noqonuniy muomalasiga qarshi kurashish bo‘yicha “Xavfsiz va sog‘lom poytaxt” tezkor-profilaktik tadbirlari o‘tkazilmoqda. O‘tgan yili Toshkentda 238,8 kg bunday moddalar musodara qilingan. Jinoyatga qarshi kurashish uchun nimalar rejalashtirilmoqda? gazeta.uz »
Isroil hukumati G‘azo sektorida o‘t ochishni to‘xtatish va garovga olinganlarni ozod qilish to‘g‘risidagi bitimni ma’qulladi. Bunda 24 nafar vazir yoqlab, 8 nafari esa qarshi ovoz berdi. Ertadan garovga olinganlarni ozod qilish boshlanishi kutilyapti. gazeta.uz »
Kotrina Kulbite O‘zbekistonning futbol bo‘yicha ayollar terma jamoasi bosh murabbiyi bo‘ldi. Litvalik mutaxassis UEFA murabbiylarni o‘qitish bo‘yicha instruktori hisoblanadi. O‘FA murabbiy bilan ayollar Osiyo kubogida munosib ishtirok etish kabi masalalarni muhokama qildi. gazeta.uz »
Isroil va HAMAS o‘t ochishni to‘xtatish to‘g‘risidagi bitimni imzoladi. Bu Yaqin Sharqni ostin-ustun qilgan 15 oylik urushning ehtimoliy yakuniga yo‘l ochishi mumkin. Tomonlar mahbuslarni tez orada ozod qilishi kutilmoqda. gazeta.uz »
2024-yilda davlat va xususiy sektor bo‘yicha O‘zbekistonda eng ko‘p soliq to‘lagan top-10 korxona e’lon qilindi. Davlat korxonalari orasida “NKMK”, “OKMK” va “Navoiyuran” yetakchilikni saqlab qoldi, xususiy sektorda UZBAT, Tashkent Tobacco va GID License Plate yetakchi bo‘ldi. gazeta.uz »
Isroil va HAMAS o‘rtasida G‘azo sektorida sulh tuzish va isroillik garovga olinganlarni ozod qilish bo‘yicha muzokaralar “yakuniy bosqichda”, dedi kelishuvga vositachilik qilayotgan Qatar TIV. gazeta.uz »
Deputatlar O‘zbekistonda bukmekerlik faoliyatini qonuniylashtirish to‘g‘risidagi qonunni qabul qildi. Deputat Ilhom Abdullayev qimor o‘yinlarini reklama qilish bo‘yicha cheklovlar belgilanmaguncha bukmekerlar faoliyatiga ruxsat bermaslik kerakligini ta’kidladi. gazeta.uz »
Oliy sud Komil Allamjonov atrofidagi 7 nafar fuqaroning (qo‘riqchilar, haydovchi va boshqalar) shikoyatlarini ko‘rib chiqishni boshladi. Advokatning aytishicha, ular asossiz ravishda 15 sutkaga qamoqqa olingan. gazeta.uz »
O‘zbekiston SSR Ministrlar Soveti raisining sobiq o‘rinbosari va O‘zbekiston Kompartiyasi Markaziy Komitetining mafkura bo‘yicha kotibi Ra’no Abdullayeva 89 yoshida vafot etdi. 1987-yilda u “paxta ishi” bo‘yicha hibsga olingan. gazeta.uz »
Janubiy Koreya prezidenti Yun Sok Yol o‘z xavfsizligidan xavotirlanib, impichment ishi bo‘yicha seshanba kuni o‘tadigan birinchi rasmiy sud majlisida qatnashmaydi. Uning advokati prezidentning sudga borishi uchun shaxsiy himoya va xavfsizlik masalasi hal qilinishi kerakligini aytdi. gazeta.uz »
Sud Donald Trampga pornoaktrisaga qilgan to‘lovlarini yashirish uchun hujjatlarni qalbakilashtirgani bo‘yicha hukm chiqardi va unga hech qanday shartlarsiz ozodlikni tayinladi. Ya’ni u qamoq yoki jarima kabi jazolarni olmaydi. gazeta.uz »
Rossiyalik jurnalist Inessa Papernaya, uning hamrohi va o‘zbekistonlik fuqaroning Toshkent mehmonxonasidagi o‘limida gumonlanib 4 kishi qamoqqa olindi. Ular orasida mehmonxona egasi, santexnik va eski, nosoz isitish qozonini sotgan sotuvchilar bor. Qozon xavfsizlik qoidalarini buzgan holda o‘rnatilgan. gazeta.uz »
Hukumat qarori bilan attraksionlar xavfsizligi bo‘yicha texnik reglament va ularning davlat reyestrini yuritish to‘g‘risidagi nizom tasdiqlandi. Xavfsizlik talablariga rioya etilishi yuzasidan davlat nazorati asosan to‘rtta idora tomonidan amalga oshiriladi. gazeta.uz »
Prezident farmoni bilan 2025-yil 1-iyuldan yuridik shaxslarga nisbatan yadroviy xavfsizlik talablarini buzganlik uchun jarimalar qo‘llanilishi joriy etiladi. Shuningdek, O‘zbekiston to‘rtta xalqaro shartnomaga qo‘shilishi rejalashtirilmoqda. gazeta.uz »
AQShning saylangan prezidenti Donald Trampning pornoaktrisaga qilgan to‘lovlarini yashirish uchun hujjatlarni qalbakilashtirgani bo‘yicha sud hukmi 10-yanvar kuni - uning inauguratsiyasidan 10 kun oldin e’lon qilinadi. gazeta.uz »
Tahliliy va tadqiqot tuzilmalar faoliyatini tashkil qilish bo‘yicha muvofiqlashtiruvchi kengashning vazifalari belgilandi. Ijtimoiy, siyosiy va iqtisodiy rivojlanish bo‘yicha tahliliy hujjatlarni hamda ichki va tashqi siyosatga oid takliflarni muntazam ravishda prezidentga kiritib borish shular jumlasidan. gazeta.uz »
O‘zbekistonda Tahliliy va tadqiqot tuzilmalar faoliyatini tashkil qilish bo‘yicha muvofiqlashtiruvchi kengash tashkil etilmoqda. Unga prezident maslahatchisi Sardor Umurzakov mas’ul bo‘ladi. Kengash davlat rahbariga mamlakat ichki va tashqi siyosati bo‘yicha takliflarni muntazam ravishda taqdim etib boradi. gazeta.uz »
Yangi yil dasturxoniga tortiladigan ne’matlar xilma-xilligidan oshqozonni qiynab qo‘yish hech gapmas. Foydali bo‘lar deya, bu materialda bayram kunida ovqatlanishda nimalarga e’tibor berish kerakligi haqida SSV bergan tavsiyalarni keltiryapmiz. Yoqimli ishtaha! gazeta.uz »
Prezident Tadbirkorlikni qo‘llab-quvvatlash bo‘yicha jamoatchilik kengashi va ekspert guruhlari tarkibini tasdiqladi. 46 nafar tadbirkorlar orasida Zafar Hoshimov, Jahongir Ortiqxo‘jayev, Murod Nazarov, Click, Amirsoy ta’sischilari va boshqalar bor. gazeta.uz »
Eriell kompaniyasi xodimlari ish haqlari kechikayotgani bo‘yicha O‘zbekiston prezidentiga murojaat yo‘lladi. Ular avgust, sentabr, oktabr va noyabr oylari uchun maosh olmaganini aytmoqda. gazeta.uz »
Rossiya prezidenti Vladimir Putin 2003-yildan beri taqiqda bo‘lgan “Tolibon” harakatini terrorchi tashkilotlar ro‘yxatidan chiqarishga ruxsat beruvchi qonunni imzoladi. gazeta.uz »
Komil Allamjonovga nisbatan qotillikka suiqasd ishi bo‘yicha ikki nafar Rossiya fuqarosi - Bislan Rasayev va Shamil Temirxanovga qidiruv e’lon qilindi. Ular qonunga xilof ravishda O‘zbekistonga kirish va chiqish, jinoyat haqida xabar bermaslik hamda o‘qotar qurolning qonunga xilof muomalasida ayblanmoqda. gazeta.uz »
Qoraqalpog‘istonda 2022-yil iyul oyida yuz bergan voqealarni o‘rganish bo‘yicha komissiya parlamentga hisobot taqdim etdi. Shuningdek, u davlat organlari uchun bir qator tavsiyalarni e’lon qildi, ular orasida tushuntirish berish va fuqarolarni muhim qarorlar muhokamasiga jalb qilish kabilar bor. gazeta.uz »
Hukumat qarori bilan quruvchilarni qurilayotgan obyekt manzili bo‘yicha ro‘yxatga olish tartibi tasdiqlandi. Bu qaror ijrosini nazorat qilish ichki ishlar vaziri zimmasiga yuklandi. gazeta.uz »
Qoraqalpog‘istonda 3 ta asosiy yo‘nalish - qishloq xo‘jaligi, sanoat va turizmni rivojlantirish bo‘yicha loyiha ofisi tashkil etilib, takliflar tayyorlanadi va hokimlarga yetkaziladi. Prezident ko‘p energiya talab qiluvchi yirik loyihalarni ushbu hududda joylashtirish kerakligini ta’kidladi. gazeta.uz »
Prezident mutasaddilarga xorijiy kompaniyalar va ekspertlarni jalb etgan holda geologiyani rivojlantirish va yangi konlarni o‘zlashtirish bo‘yicha 2025-yil uchun dastur ishlab chiqishni topshirdi. “O‘zbekneftgaz” transformatsiyani davom ettirib, tannarxni kamaytirish va kredit reytingini yaxshilash ustida ishlaydi. gazeta.uz »
Nilufar Normirzayeva Toshkent viloyati hokimining oila va xotin-qizlar masalalari bo‘yicha o‘rinbosari etib tayinlandi. U bungacha Yangiyo‘l tumani hokimiga o‘rinbosar bo‘lgan. gazeta.uz »
Hukumat O‘zbekistonda qimor o‘yinlari, lotereya va bukmekerlik faoliyatini tashkil etish uchun talab va shartlarni tasdiqladi. Tashkilotchilar uchun litsenziya muddati 5 yil etib belgilandi, ularning ustav kapitali kamida 56,25 mlrd so‘m bo‘lishi shart. Shuningdek, bir qator taqiq va cheklovlar ham belgilangan. gazeta.uz »
Prezident Shavkat Mirziyoyev O‘zbekiston Parij bitimi bo‘yicha olgan majburiyatini 2050-yilgacha yanada kengaytirishga tayyorligini ma’lum qildi. Mamlakatning hozirgi majburiyati 2030-yilgacha zararli gazlar emissiyasini 35 foizga kamaytirish hisoblanadi. gazeta.uz »
