Yicha - Ïîñëåäíèå íîâîñòè [ Ôîòî â íîâîñòÿõ ] | |
Deputatlar yo‘l qoidasi buzilgani foto va video orqali qayd etilgan hollarda ma’muriy jazo huquqbuzarlik sodir etilgan kundan boshlab 1 oydan kechiktirmay qo‘llanilishi belgilangan qonunni birinchi o‘qishda ma’qulladi. gazeta.uz »
Raqamli texnologiyalar vazirining birinchi o‘rinbosari Oleg Pekos sun’iy intellektning o‘zbek tilidagi modelini shakllantirish va uni tayyorlash infratuzilmasini rivojlantirish haqida gapirdi. Unga ko‘ra, O‘zbekiston yil oxirigacha sun’iy intellekt sohasidagi milliy axloq kodeksini tasdiqlashi mumkin. gazeta.uz »
Odam savdosi bilan shug‘ullanib kelgan ayol Interpol ko‘magida Turkiyadan O‘zbekistonga ekstraditsiya qilindi. U qizlarni Turkiyaga olib ketib, ularni fohishalikka majburlashda ayblanmoqda. gazeta.uz »
O‘zbekiston Migratsiya agentligi Moskvada migrantlarning ushlanishi va ularga nisbatan qo‘pol munosabat qilinganidan “afsus va taassufda” ekanini bildirdi. Idora Rossiya huquq-tartibot organlaridan ma’lumot kutmoqda. gazeta.uz »
O‘zbekiston va Slovakiya tovar ayirboshlashni oshirish, avtomobil qismlarini mahalliylashtirish, turizm va farmatsevtika sohalarida yirik qo‘shma loyihalarni yo‘lga qo‘yishga kelishib oldi. Tomonlar IT startaplari uchun qo‘shma venchur fondini ochish va tashkillashtirilgan migratsiyani yo‘lga qo‘yish ustida ish olib boradi. gazeta.uz »
Gretsiyada o‘tkazilgan VIII Butunjahon sport o‘yinlarida qo‘l jangi bo‘yicha O‘zbekiston terma jamoasi 17 ta medal (13 ta oltin, 3 ta kumush va 1 ta bronza) bilan umumjamoa hisobida birinchi o‘rinni egalladi. gazeta.uz »
Work and Travel dasturi asosida Germaniyaning Frankfurt-Mayn shahriga borgan 14 nafar Qoraqalpoq davlat universiteti talabasi qiyin moliyaviy ahvolda qoldi. Ular yotoq va ish joyiga yetib borolmagan. gazeta.uz »
Kam ta’minlangan oilalarga gaz va elektr energiyasi uchun yil bo‘yi kompensatsiya olish bo‘yicha arizalar qabuli boshlandi. Ularni “Inson” ijtimoiy xizmatlar markazi, mahalladagi ijtimoiy xodim va 1140 telefon raqami orqali qoldirish mumkin. gazeta.uz »
O‘zbekiston futbolchilari Abu-Dabida bo‘lib o‘tgan Jahon chempionati saralashida BAA bilan 0:0 hisobidagi durangdan so‘ng 2026-yilgi Jahon chempionatida ishtirok etish huquqini qo‘lga kiritdi. Bu mamlakat tarixidagi ilk JCH yo‘llanmasidir (foto). gazeta.uz »
Futbol bo‘yicha O‘zbekiston milliy terma jamoasi 5-iyun oqshomida JCh-2026 saralashi doirasida BAAga qarshi o‘ynaydi. Jamoa JChga tarixiy yo‘llanmani qo‘lga kiritish uchun mag‘lubiyatga uchramasa bo‘lgani. gazeta.uz »
Kreditlar bo‘yicha talablar kuchaytirilganiga qaramay, O‘zbekiston aholisining qarz yuki yuqori darajada saqlanib qolmoqda, deb xabar qildi Markaziy bank. Avtokreditlash sohasida vaziyat yaxshilangan bo‘lsa-da, mikroqarzlar bo‘yicha xatarlar ko‘paygan. gazeta.uz »
Bangkokda o‘tgan Thailand Open xalqaro turnirida o‘zbekistonlik bokschilarning 5 nafari oltin, 4 nafari kumush, 7 nafari esa bronza medalini qo‘lga kiritdi. Umumjamoa hisobida terma jamoa birinchi o‘rinni egalladi. gazeta.uz »
O‘zbekiston terma jamoasi Turkiyada o‘tkazilgan qo‘l jangi bo‘yicha jahon chempionatida 15 ta (8 ta oltin, 3 ta kumush va 3 ta bronza) medalni qo‘lga kiritib, 32 ta ishtirokchi davlat orasida umumjamoa hisobida birinchi o‘rinni egalladi. gazeta.uz »
Londondagi muzokaralar yakunlari bo‘yicha Buyuk Britaniya O‘zbekiston JSTga a’zo bo‘lish doirasida kelishuvga erishgan 24-davlat bo‘ldi. Protokol iyun oyida imzolanishi kutilmoqda. gazeta.uz »
Prezident “MA-Italiya” sammitida terrorizm va noqonuniy migratsiya bilan kurashda maxsus xizmatlar hamkorligini yo‘lga qo‘yishni taklif qildi. Boshqa tashabbuslar: dekarbonizatsiya bo‘yicha ko‘p tomonlama platforma ishga tushirish, Italiya kompaniyalarini vodorod loyihalari va YeIga yashil energiya eksportiga jalb qilish. gazeta.uz »
Buxoroning gastronomik manzarasi uning tarixiy obidalari kabi boy va rang-barang. “Gazeta.uz” shaharda sayyohlar tatib ko‘rishi mumkin bo‘lgan mashhur taomlar va ular tayyorlanadigan maskanlar ro‘yxatini taqdim etadi. gazeta.uz »
Prezident Shavkat Mirziyoyev O‘zbekistonga tashrif buyurgan YUNISEF ijrochi direktori Ketrin Rasselni qabul qildi. Tomonlar bolalarga g‘amxo‘rlik va qo‘llab-quvvatlashning yangi mexanizmlarini joriy etish, ijtimoiy xizmatlar sifati va ulardan foydalanish imkoniyatini oshirish bo‘yicha hamkorlik qilishga kelishib oldi. gazeta.uz »
2031-yilgacha bolalar saratoniga qarshi kurashish strategiyasi doirasida Bolalar saratoni bo‘yicha xalqaro akademik hab tashkil etiladi. U Yevropaning yetakchi universitetlari klinikalari ko‘magida Bolalar onkologiyasi, gematologiyasi va immunologiyasi ilmiy-amaliy tibbiyot markazi huzurida ochiladi. gazeta.uz »
Chang bo‘roni tufayli Toshkent yana havo sifati bo‘yicha jahon antireytingida yetakchi bo‘ldi. O‘zgidromet RM2,5 va RM10 zarrachalarining oshganini qayd etdi. Shamol ikki soatcha kuchini saqlab turdi. gazeta.uz »
Prezident yil oxirigacha qolgan 9 davlat bilan JSTga kirish bo‘yicha ikki tomonlama muzokaralarni yakunlash, Ishchi guruhning yana ikkita yig‘ilishini o‘tkazish va uning yakuniy hisoboti loyihasini tugatish bo‘yicha topshiriq berdi. gazeta.uz »
PISA tadqiqoti asoschisi Andreas Shlyayxer O‘zbekistondagi tadqiqotlarda barcha prezident maktablari qo‘shimcha guruh sifatida ishtirok etayotganini va ular umumiy natijaga ortiqcha ta’sir o‘tkazmasligini ma’lum qildi. gazeta.uz »
Ta’lim vazirligi 25-may kuni bo‘lib o‘tadigan “So‘nggi qo‘ng‘iroq” tadbirlarida o‘quvchilarning valsga tushishi taqiqlanmaganini ma’lum qildi. “Lekin ayrim ota-onalarning haqli e’tirozlarini inobatga olgan holda tadbirlar ssenariylariga tegishli taqiqlovchi talablar kiritilishi mumkin”, - deydi vazirlik. gazeta.uz »
O‘zbekistonda voyaga yetmaganlar banklarda hisobraqamlari va bank kartalarini ochishi bo‘yicha talablar ishlab chiqiladi. Banklar ota-onalarni ularning voyaga yetmagan farzandlari bilan bog‘liq shubhali (frod) operatsiyalar haqida xabardor qilish amaliyotini yo‘lga qo‘yadi. gazeta.uz »
Ichki ishlar vazirining axborot texnologiyalari bo‘yicha o‘rinbosari lavozimi tugatildi. O‘rniga IIV rahbari o‘rinbosari - Raqamli texnologiyalar va huquqiy statistika departamenti boshlig‘i lavozimi kiritildi. Unga polkovnik Zufar Kurbanov tayinlandi. gazeta.uz »
TIV rahbari o‘rinbosari Bobur Usmonov Rossiya elchisi bilan uchrashuvda muhojirlar huquqlari buzilishi ko‘payib borayotgani yuzasidan O‘zbekiston tomonining xavotirini bildirdi. U O‘zbekiston fuqarolarining huquqlari buzilishini yashab turgan mamlakat qonunchiligi asosida ta’minlanishi lozimligini ta’kidladi. gazeta.uz »
Iordaniyada bo‘lib o‘tgan boks bo‘yicha o‘smirlar o‘rtasidagi Osiyo chempionatida O‘zbekiston U-17 terma jamoasi 8 ta oltin, 7 kumush va 4 ta bronza medallarini qo‘lga kiritdi. gazeta.uz »
O‘zbekiston aholisi orasida sezilayotgan inflyatsiya darajasi mart oyida 14,3 foizgacha pasaydi. Markaziy bank so‘roviga ko‘ra, go‘sht va sut mahsulotlari narxlari eng ko‘p oshgan mahsulotlar ro‘yxatida yana birinchi o‘rinni egalladi - respondentlarning 64 foizi bu mahsulotlar narxining oshganini ta’kidladi. gazeta.uz »
Markaziy bank mikroqarzlar bo‘yicha talablarni kuchaytirmoqda. Banklar portfelidagi ulush 25 foizdan oshmasligi kerak. Mikroqarz oluvchi olingan summadan tashqari bir yil davomida uning 50 foizidan ortiq to‘lov qilolmaydi. gazeta.uz »
YIDXPda yangi xizmat ishga tushmoqda: endi nomoddiy madaniy meros namunalarini milliy va mahalliy ro‘yxatlarga kiritish yoki ulardan chiqarish bilan bog‘liq davlat xizmatlaridan foydalanish mumkin. Bu uchun ilmiy kengash va ekspertlar guruhi faoliyat yuritadi. Xizmatdan foydalanish bepul. gazeta.uz »
Ukraina va Yevropa davlatlari AQShning urushni tugatish bo‘yicha tinchlik rejasiga qarshi takliflarini ilgari surdi. Yevropa-Ukraina rejasi Kiyevga ancha aniqroq xavfsizlik kafolatlarini taqdim etadi va Rossiya bilan hududiy muhokamalarni yakuniy sulhga qoldiradi. gazeta.uz »
Qonunchilik palatasi deputati Dilmurod Ismoilov avtomobillarni noqonuniy ijaraga berish va u keltirib chiqarayotgan og‘ir oqibatlar yuzasidan transport va ichki ishlar vazirlariga so‘rov yubordi. 2024-yili Namanganda ijaraga olingan mashinada YTHga uchrab, 3 nafar bola vafot etgandi. gazeta.uz »
Hokkey bo‘yicha O‘zbekiston terma jamoasi jahon chempionatining IV divizionida g‘alaba qozonib, turnirning III divizioniga yo‘l oldi, bu mamlakat uchun tarixiy natija. Jamoa Kuvayt, Eron, Indoneziya va Malayziya ustidan yirik hisobda g‘alaba qozonib, 13 ochko jamg‘ardi. gazeta.uz »
Prezidentga energetika sohasida amalga oshirilayotgan loyihalar haqida ma’lumot berildi. 2026-yil oxirigacha tadbirkorlar tomonidan 3 mingga yaqin kichik GES qurilish reja qilingan. Shavkat Mirziyoyev kichik AES qurilishi bilan bog‘liq tadbirlarni jadallashtirish bo‘yicha topshiriq berdi, dedi “O‘zatom” rahbari. gazeta.uz »
Prezident korrupsiyaga qarshi kurashish tizimini kuchaytirish maqsadida beshta sohada huquqiy eksperiment o‘tkazishni nazarda tutuvchi farmonni imzoladi. Unga ko‘ra, ayrim vazirlik va kompaniyalarda ichki nazoratni Antikorrupsiya agentligi xodimlari olib boradi. gazeta.uz »
Saudiya Arabistonida yengil atletika bo‘yicha 18 yoshgacha bo‘lgan sportchilar o‘rtasidagi Osiyo chempionati yakunlandi. O‘zbekistonlik sportchilar tarixda ilk bor OCHda ikkinchi o‘rinni egalladi. Jamoa umumiy hisobda jami 12 ta - 3 ta oltin, 5 ta kumush va 4 ta bronza medalini qo‘lga kiritdi. gazeta.uz »
Ukraina va AQSh tomonlarning Ukraina foydali qazilmalarini birgalikda qazib olish bo‘yicha kelishuv tuzish niyatini mustahkamlovchi memorandumni imzoladi. Avvalgi kelishuv Zelenskiy va Trampning Oq uydagi janjalidan keyin ortga surilgandi. gazeta.uz »
Xitoyda qilichbozlik bo‘yicha o‘smirlar va yoshlar o‘rtasida o‘tkazilgan jahon chempionatida tarixda ilk bor o‘zbekistonlik sabliyachilar jamoaviy bahslarda bronza medallarini qo‘lga kiritdi. gazeta.uz »
O‘zbekiston U-17 yoshlar terma jamoasi futbolchilari Osiyo kubogi guruh bosqichida Saudiya Arabistoni ustidan yirik hisobda g‘alaba qozondi. Gollarga Jamshidbek Rustamov (dubl) va Asilbek Aliyev mualliflik qildi (video, foto). gazeta.uz »
O‘zbekiston Xavfsizlik kengashi kotibi o‘rinbosari Abdulaziz Kamilov Vashingtonda AQSh davlat kotibi o‘rinbosari Kristofer Landau bilan uchrashdi. AQSh O‘zbekistonga migratsiya va terrorizmga qarshi kurash masalalari bo‘yicha hamkorlik uchun minnatdorlik bildirdi. gazeta.uz »
World Boxing yangi boks tashkiloti tomonidan o‘tkazilgan kattalar o‘rtasidagi jahon kubogining birinchi bosqichida O‘zbekiston terma jamoasi beshta oltin, ikkita kumush va bitta bronza medali bilan g‘olib bo‘ldi. gazeta.uz »
Prezident qarori bilan kam ta’minlangan oilalarga elektr va gaz bo‘yicha kompensatsiya beriladi. U elektr bo‘yicha bazaviy me’yordan 150 kVt soatgacha, gaz bo‘yicha bazaviy me’yordan 150 kub metrgacha ortiq foydalanilgan qismi uchun ajratiladi. Tartib 1-maydan 2027-yil 1-aprelga qadar amal qiladi. gazeta.uz »
Samarqandda o‘tgan iqlim forumida Ekologiya vazirligi va Jahon banki “O‘zbekistonda barqaror landshaftlarni tiklash” loyihasiga start berdi. Uni moliyalashtirish uchun 153 mln dollar ajratiladi. Uning maqsadi degradatsiyaga uchragan hududlarda o‘rmonlar maydonini ko‘paytirish va yashash sharoitlarini yaxshilashdir. gazeta.uz »
“Ukraina atrofidagi vaziyatni tinch yo‘l bilan hal etish bo‘yicha muzokaralar jarayoni boshlanganini olqishlaymiz va to‘liq qo‘llab-quvvatlaymiz”, - dedi O‘zbekiston prezidenti “Markaziy Osiyo - Yevropa Ittifoqi” birinchi sammitida. gazeta.uz »
Biznes ombudsman idorasi Texnik jihatdan tartibga solish agentligidan elektromobillar importidagi cheklovlar bo‘yicha tushuntirish berishni so‘radi. Bunga bir yil avval tadbirkorlar va avtosalon rahbarlarining erkin bozorda to‘siqlar borligini aytgan murojaati sabab bo‘lgan. gazeta.uz »
Belgiya O‘zbekistonga telekommunikatsiya sohasidagi korrupsiya va pul yuvish ishi bo‘yicha 108 mln dollar qaytaradi. 2022-yilda O‘zbekiston Adliya vazirligi Belgiya bilan Gulnora Karimovaning deyarli 240 mln dollarlik aktivlarini qaytarish bo‘yicha ishlarni boshlashni rejalashtirayotgani haqida xabar bergandi. gazeta.uz »
Kurash bo‘yicha O‘zbekiston terma jamoasi Iordaniyada o‘tgan Osiyo chempionatida yunon-rum kurashida 6 medal (3 oltin, 2 kumush va 1 bronza) qo‘lga kiritdi. Ayollar terma jamoasi 1 ta bronza medali bilan to‘qqizinchi o‘rinni egalladi. gazeta.uz »
Andijon viloyati prokuraturasi Izboskan tumanidagi masjidda yuz bergan portlash yuzasidan mansab vakolatini suiiste’mol qilish va yong‘in xavfsizligi qoidalarini buzish moddalari bilan jinoyat ishi qo‘zg‘atdi. gazeta.uz »
AQSh Falastinni qo‘llab-quvvatlash aksiyalarida qatnashgan kamida 300 talabaning vizasini bekor qildi. Tramp ma’muriyatiga ko‘ra, ayrim namoyishlar antisemitizm bo‘lib, AQSh tashqi siyosatiga putur yetkazishi mumkin. gazeta.uz »
Armaniston parlamenti mamlakatning Yevropa Ittifoqiga kirishi jarayonini boshlash to‘g‘risidagi qonunni yakuniy o‘qishda ma’qulladi. Avvalroq bosh vazir Pashinyan YeIga qo‘shilish masalasi referendum orqali hal etilishini aytgan. gazeta.uz »
Shavkat Mirziyoyev umummilliy totuvlik va xorijdagi vatandoshlar bilan aloqalarni mustahkamlashga oid qaror imzoladi. Hujjat bilan chet eldagi o‘zbekistonliklarning muloqoti ko‘rinishida Uz Global Think forumi o‘tkaziladi, Millatlararo munosabatlar va xorijdagi vatandoshlar masalalari qo‘mitasi tashkil etiladi. gazeta.uz »
