Yicha - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston futbolchilari 17 yoshgacha bo‘lgan futbolchilar o‘rtasidagi jahon chempionati guruh bosqichining uchinchi o‘yinida Panama ustidan yirik 6:1 hisobida g‘alaba qozondi. Jamoa J guruhida ikkinchi o‘rinni egalladi va 1/16 finalga yo‘l oldi. gazeta.uz »
Raqamli vazirlik va Nvidia O‘zbekistonda ikkita SI klasterini yaratishni muhokama qildi. Mamlakat 2026-yilda Nvidia infratuzilmasini korxona, bank va davlat tashkilotlarida joriy etish imkoniyatini o‘rganmoqda. gazeta.uz »
AQSh senatorlari 40 kunlik shatdaundan so‘ng hukumat ishini qayta tiklash imkonini beruvchi kelishuvga erishdi. Demokratlar sog‘liqni saqlash subsidiyalarini uzaytirish bo‘yicha keyinroq ovoz berishni o‘z ichiga olgan kelishuvga rozi bo‘ldi. gazeta.uz »
Markaziy bank iste’molchilar uchun axborotlarni oshkor etish va davlat tili bo‘yicha qonunchilik talablariga rioya etilishi yuzasidan tijorat banklarining veb-saytlarini monitoringdan o‘tkazdi. Unda regulyator qator kamchiliklar va qonunbuzilish holatlarini aniqlab, 18 ta bankka 102 mln so‘mdan jarima qo‘lladi. gazeta.uz »
O‘zbekiston JSTga a’zo bo‘lish doirasida Ekvador bilan ikki tomonlama muzokaralarni yakunladi. Azizbek Urunovning so‘zlariga ko‘ra, tashkilotga a’zo bo‘lish doirasida yana ikkita davlat bilan muzokaralar o‘tkazish kerak. gazeta.uz »
Toshkent davlat sharqshunoslik universiteti talabasi Sabohat G‘ofurova Seul shahridagi Yonse universiteti tashkil etgan, chet elliklar o‘rtasida koreys tili va adabiyoti bo‘yicha o‘tkazilgan 31-xalqaro ijodiy tanlovda xorijiy ishtirokchilar orasida birinchi o‘rinni egalladi. gazeta.uz »
O‘zbekiston va YI viza rejimini soddalashtirish bo‘yicha muzokaralar o‘tkazishi mumkin, ammo bu ertangi kun masalasi emas, dedi YIning O‘zbekistondagi elchisi Gazeta’ga. Unga ko‘ra, bu ikki tomonlama munosabatlar mustahkamlanishi va o‘zbekistonliklarning YI davlatlari viza qoidalariga rioya qilishiga bog‘liq. gazeta.uz »
Samarqandda YUNESKO Bosh konferensiyasining 43-sessiyasi doirasida sun’iy idrok etikasi bo‘yicha tadqiqotlar uchun Beruniy nomidagi YUNESKO-O‘zbekiston xalqaro mukofotining ilk sovrindorlariga mukofotlar topshirildi. gazeta.uz »
Shavkat Mirziyoyevning AQSh savdo vaziri Xovard Latnik bilan uchrashuvida hududlararo hamkorlik mexanizmlarni yaratish va qishloq xo‘jaligi sohasidagi hamkorlik haqida gaplashildi. Tomonlar, shuningdek, savdo bo‘yicha Muvofiqlashtiruvchi kengash ta’sis etishdan manfaatdor ekanini ta’kidladi. gazeta.uz »
O‘zbekiston shaxmatchi qizlari Ozarbayjon terma jamoasini saralash bahsida 2,5:1,5 hisobi bilan mag‘lub etdi va ilk bor Ispaniyada bo‘lib o‘tadigan jamoaviy jahon chempionatiga yo‘llanmani qo‘lga kiritdi. gazeta.uz »
Ravshan Gulyamov O‘zbekiston prezidentining hududiy rivojlanish bo‘yicha maslahatchisi lavozimiga, Obid Xakimov esa prezidentning iqtisodiy siyosat bo‘yicha maslahatchisi lavozimiga tayinlandi. Aziz Magrupov prezidentning hududiy rivojlanish bo‘yicha maslahatchisi o‘rinbosari bo‘ldi. gazeta.uz »
Andijondagi “Bobur Arena"da 29-oktabr kuni O‘zbekiston Kubogi finali bo‘ladi. Unda musobaqaning 13 karra g‘olibi hisoblangan “Paxtakor” o‘z tarixida birinchi marta Kubok finaliga yetib kelgan “Buxoro” bilan kuch sinashadi. gazeta.uz »
Markaziy bank milliy valyuta kursining shakllanishiga aralashmaydi va uni mustahkamlash yoki qadrsizlantirishni maqsad qilmaydi. MB raisi Timur Ishmetovning ta’kidlashicha, so‘m kursi talab va taklif asosida shakllanadi, regulyatorning asosiy vazifasi esa uning uzoq muddatli barqarorligini ta’minlashdir. gazeta.uz »
OAV Fransiyadagi Luvr muzeyini talon-toroj qilishda gumonlanganlardan 2 nafari qo‘lga olinganini yozdi, rasmiylar ushlash holatini tasdiqladi, ammo qo‘lga olinganlar sonini aytmadi. Gumonlanuvchilardan biri aeroportda ushlangan. gazeta.uz »
O‘zbekiston va YI JSTga a’zo bo‘lish bo‘yicha muzokaralarni yakunladi, deb xabar qildi bosh muzokarachi Azizbek Urunov. Muzokaralar kelgusida a’zolik bayonnomasida mustahkamlab qo‘yiladigan tariflar va xizmatlar bo‘yicha imtiyozlar va majburiyatlarni o‘z ichiga oldi. Mamlakat Panama bilan ham kelishuvga erishdi. gazeta.uz »
Qirg‘iziston TIV Yevropa Ittifoqini sanksiyalar bo‘yicha mustaqil tekshiruv o‘tkazishga chaqirdi. Mamlakat, shuningdek, bir kun avval YI cheklovlari ostiga tushgan qirg‘iz banklari tomonidan sanksiyalarni chetlab o‘tish faktlarini tasdiqlashni so‘ramoqda. gazeta.uz »
Markaziy bank raisi Timur Ishmetov bank bozoridagi raqobat masalasi - juda katta masala ekanini va bu regulyator e’tibor markazida bo‘lib turganini ta’kidladi. “Banklar soni bo‘yicha qandaydir target yo‘q. gazeta.uz »
Xorazm nuqul qadimiy qal’alaru qumtepalar degani emas - uning o‘ziga xos oshxonasi ham bor. U ko‘katlar, ziravorlar va baliqli taomlar ko‘pligi bilan ajralib turadi - Amudaryoning yaqinligi mintaqa didiga ta’sir ko‘rsatgan. gazeta.uz »
Prezident 2030-yilgacha sun’iy intellekt bo‘yicha dunyoda eng yaxshi 50 davlat qatoriga kirish rejasini e’lon qildi. “Shu bois ilg‘or xorijiy tajribadan kelib chiqib, “Sun’iy intellekt alyansi”ni tashkil qilamiz”, - dedi u. gazeta.uz »
O‘zbekistonda tuman va shahar hokimlarning sun’iy intellekt va raqamlashtirish bo‘yicha maslahatchisi lavozimi joriy etiladi. Barcha vazirlik va hokimliklarda ushbu yo‘nalishda alohida bo‘linma ochiladi. gazeta.uz »
Davlat loyihalarida mahalliy mahsulotlardan foydalanish bo‘yicha majburiy ulush belgilanadi: kabel va transformatorlar uchun 70%, nasoslar - 50%, boshqa elektrotexnika - 30%. Mis mahsulotlari ishlab chiqaruvchilarga 100 mln dollar ajratiladi va OKMKdan mis sotib olishda imtiyoz muddati uzaytiriladi. gazeta.uz »
Samarqandda 7 kishi vafot etgan gaz portlashi ishi bo‘yicha gaz idorasi rahbar va xodimlari 7 yilga qamaldi. Jabrlanuvchilar gaz hidi chiqayotganini aytib, gaz idorasiga bir necha marotaba murojaat qilgan. gazeta.uz »
Raqobat qo‘mitasi “Reklama to‘g‘risida”gi qonunning 43-moddasiga kredit oqibatlari haqida ogohlantirish bo‘yicha o‘zgartirish kiritishni taklif qilmoqda. Unga ko‘ra, kredit va mikroqarzlar reklamasida reklama maydoni va vaqtining kamida 10 foizi ehtimoliy moliyaviy xatarlar to‘g‘risida ogohlantirishga ajratiladi. gazeta.uz »
O‘zbekistonda baxtsiz hodisa va kasbga oid kasalliklarga chalinish holatlari haqidagi ma’lumotlarni olishning yagona tizimi ishga tushiriladi. Bunday hodisalar hisobotini yuritish, sabablarini tahlil qilish va unga yechim topish bo‘yicha qaror loyihasi ishlab chiqariladi. gazeta.uz »
Janubiy Koreya yana O‘zbekiston fuqarolarini mavsumiy ishlar uchun E-8 vizasi bilan qabul qiladi. Migratsiya agentligi va Kyonsan-Namdo provinsiyasi ma’muriyati o‘rtasida qishloq xo‘jaligi bo‘yicha sakkiz oylik shartnomalar asosida Toshkent viloyatidan ishchilar yollash bo‘yicha kelishuv imzolandi. gazeta.uz »
Uzbekistan Airports, Urganch aeroporti va Incheon International Airport Corporation Urganch aeroportini modernizatsiya qilish va boshqarish bo‘yicha shartnoma imzoladi. Avval 223 mln dollarlik loyihani 2027-yil oxirigacha yakunlash rejalashtirilayotgani xabar qilingandi. gazeta.uz »
Endilikda “mahalla yettiligi” xodimlari bilan har bir yo‘nalish bo‘yicha alohida yig‘ilish o‘tkazish taqiqlanadi. “Yettilik” faoliyatini kompleks baholaydigan tizim ishga tushiriladi. Tuman hokimlari yil yakuniga ko‘ra yaxshi ishlagan 10 ta “yettilik”ni mukofotlash, ularga qo‘shimcha ustamalar berishni yo‘lga qo‘yadi. gazeta.uz »
1-oktabrdan Toshkent shahri va Yangiyo‘l tumanida ijtimoiy kartalar orqali amalga oshirilgan xaridlar uchun QQSni avtomatik qaytarish tizimi ishga tushirildi. Avval bu uchun QR-kodni skanerlash talab qilinardi. gazeta.uz »
Iqtisodiyot bo‘yicha 2025-yilgi Nobel mukofotini Joel Mokir (AQSh), Filipp Agon (Fransiya) va Piter Xauit (AQSh) “innovatsion iqtisodiy o‘sish bo‘yicha tushuntirishlari uchun” oldi. gazeta.uz »
Venesuelalik siyosatchi Mariya Korina Machado “Venesuela xalqining demokratik huquqlarini ilgari surishdagi tinimsiz mehnati va diktaturadan demokratiyaga adolatli va tinch yo‘l bilan o‘tishdagi kurashi uchun” 2025-yilda tinchlik bo‘yicha Nobel mukofoti sovrindori bo‘ldi. gazeta.uz »
Toshkentda yuzlab mozaik pannolar - mashhur monumental kompozitsiyalardan tortib, keng jamoatchilikka noma’lum bo‘lgan asarlargacha bor. Gazeta arxitektura targ‘ibotchisi Fotima Abdurahmonova bilan birga poytaxtni aylanib, shaharning har bir tumanidan ko‘rishga arzigulik bitta ramziy mozaikani tanlab oldi. gazeta.uz »
Noyabr va dekabr oylarida O‘zbekistondagi birinchi AES qurilishi bo‘yicha jamoatchilik muhokamalari o‘tkaziladi. Ularda loyihaning atrof-muhitga ta’siri muhokama qilinadi. AES qurilishi direksiyasining ma’lum qilishicha, eshituvlar barcha xohlovchilar uchun ochiq, ular ovoz berish bilan yakunlanadi. gazeta.uz »
O‘zbekiston TIV G‘azo sektorida o‘t ochishni to‘xtatish va garovdagilarni ozod etish bo‘yicha kelishuvni olqishlab, AQSh prezidentining ko‘magini qayd etdi. Toshkent Misr, Qatar va Turkiyaning sa’y-harakatlarini ham ta’kidladi. gazeta.uz »
2025-yilda adabiyot bo‘yicha Nobel mukofoti venger yozuvchisi Laslo Krasnaxorkaiga “qiyomat dahshati sharoitida san’atning kuchini yana bir bor tasdiqlagan ishonchli ijodi uchun” berildi. gazeta.uz »
Toshkent va Vashingtonning qator mintaqaviy va global masalalar bo‘yicha qarashlari tobora yaqinlashib bormoqda, dedi O‘zbekiston prezidentining tashqi siyosat bo‘yicha maslahatchisi Abdulaziz Kamilov. gazeta.uz »
O‘zbekistonda haligacha favqulodda vaziyatlar muhofazasi bo‘yicha kompleks dastur yo‘q, shu sababli ularni oldindan baholab, tezkor va proaktiv ishlaydigan tizim yaratish rejalashtirilmoqda. Prezidentga taqdimotda shu haqda so‘z bordi: profilaktik ishlar mahallalarda bo‘ladi, sohada raqamli infratuzilma yaratiladi. gazeta.uz »
Kimyo bo‘yicha Nobel mukofoti 2025-yilda Susumu Kitagava (Yaponiya), Richard Robson (Avstraliya) va Omar Yagi (AQSh)ga “metallorganik karkas tuzilmalarini ishlab chiqqani uchun” berildi. gazeta.uz »
Sea Breeze Uzbekistan kurorti loyihasi bo‘yicha ekologik ekspertiza hali yakunlangani yo‘q. Kompaniyada ta’kidlashlaricha, ayni paytda majmua hududida tayyorgarlik ishlari - maydonni tozalash va chiqindilarni olib chiqish ishlari amalga oshirilmoqda. gazeta.uz »
2025-yilda fizika bo‘yicha Nobel mukofoti AQSh olimlari Jon Klark, Mishel Devore va Jon Martinisga “elektr zanjirida makroskopik kvant-mexanik tunnellashni va energiyani kvantlashni kashf etgani uchun” berildi. gazeta.uz »
2025-yilda fiziologiya va tibbiyot bo‘yicha Nobel mukofoti Meri Brunkou, Fred Ramsdell va Shimon Sakaguchiga berildi. Ular “periferik immunologik tolerantlik bo‘yicha kashfiyotlar uchun” taqdirlandi. gazeta.uz »
Markaziy bank nasiya savdo bozori ishtirokchilarining axloq qoidalari loyihasini e’lon qildi. Unga ko‘ra, bozor ishtirokchilari uchun “Ishonch belgisi” tizimi joriy etiladi. Mijozlar shartnoma tuzishdan oldin yillik foiz, umumiy to‘lov summasi va kechiktirish oqibatlari haqida to‘liq xabardor qilinishi shart bo‘ladi. gazeta.uz »
O‘zbekiston va Ozarbayjon birgalikda 2027-yilda bo‘lib o‘tadigan FIFAning 20 yoshgacha bo‘lgan futbolchilar o‘rtasidagi jahon chempionatiga mezbonlik qiladi. O‘zbekistonda o‘tkazilgan futzal bo‘yicha JCH xalqaro hamjamiyat tomonidan e’tirof etildi, deya ta’kidladi milliy futbol assotsiatsiyasi. gazeta.uz »
O‘zbekiston va Ozarbayjon birgalikda 2027-yilda bo‘lib o‘tadigan FIFAning 20 yoshgacha bo‘lgan futbolchilar o‘rtasidagi jahon chempionatiga mezbonlik qiladi. O‘zbekistonda o‘tkazilgan futzal bo‘yicha JCh xalqaro hamjamiyat tomonidan e’tirof etildi, deya ta’kidladi milliy futbol assotsiatsiyasi. gazeta.uz »
O‘zbekistonda 2-oktabrdan ipoteka kreditlari bo‘yicha subsidiyaga arizalar qabul qilish boshlanmoqda. Nomzodlar ijtimoiy shkala bo‘yicha kamida 30 ball to‘plashi, uy-joyi yoki muddati o‘tgan qarzi bo‘lmasligi kerak. gazeta.uz »
Shavkat Mirziyoyev O‘qituvchi va murabbiylar kuni munosabati bilan yo‘llagan tabrik so‘zida ularning kasbini “dunyodagi eng ulug‘ va oliyjanob ish” deb atadi. U mamlakatda o‘qituvchilik va murabbiylik kasblarini jamiyatdagi “eng muhim va obro‘li kasb”ga aylantirish borasidagi ishlar davom ettirilishiga ishontirdi. gazeta.uz »
Shavkat Mirziyoyev O‘qituvchi va murabbiylar kuni munosabati bilan yo‘llagan tabrik so‘zida ularning kasbini “dunyodagi eng ulug‘ va oliyjanob ish” deb atadi. U mamlakatda o‘qituvchilik va murabbiylik kasblarini jamiyatdagi “eng muhim va obro‘li kasb”ga aylantirish borasidagi ishlar davom ettirilishiga ishontirdi. gazeta.uz »
20 yoshgacha bo‘lgan yoshlar o‘rtasida tezkor shaxmat (rapid) va blits bo‘yicha jahon chempionatida O‘zbekiston oltita medalni qo‘lga kiritdi. Muhiddin Madaminov va Muhammadzohid Suyarov oltin medallarga ega bo‘lib, jahon chempioniga aylandi. gazeta.uz »
O‘zbekistonda yaqin orada AES qurilishi bo‘yicha jamoatchilik eshituvlari boshlanadi. “O‘zatom” rahbari Azim Axmedxadjayev ma’lum qilishicha, “amalga oshirmoqchi bo‘lgan ishlarni jamoatchilikka yetkazish uchun” muhokamalarga mahalliy va xorijiy mutaxassislar jalb etiladi. Aholi fikrini hisobga olish rejalashtirilgan. gazeta.uz »
Bo‘zsuv kanaliga kanalizatsiya suvlari oqizilayotgani ortidan “Toshkent shahri suv ta’minoti”ga nisbatan jinoyat ishi qo‘zg‘atildi. Laboratoriya tahlili tashlamalarda zarardi moddalar belgilangan miqdordan oshib ketganini ko‘rsatdi. gazeta.uz »
Migratsiya agentligi va Kyonsan-namdo provinsiyasi o‘rtasidagi E-7 malakali ishchi vizasi bo‘yicha hamkorlik kelishuvi imzolandi. Unga ko‘ra, o‘zbekistonlik yoshlar provinsiyaning yirik sanoat tarmoqlarida hududiy viza asosida yuqori malakaga ega mutaxassis sifatida o‘z bilim va tajribalarini oshiradi. gazeta.uz »
