Yicha - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda 2026/2027 o‘quv yilidan boshlab yuqori sinflar uchun sun’iy intellekt bo‘yicha darslar kiritiladi. Viloyatlarda axborot texnologiyalariga ixtisoslashgan Al Xorazmiy, muhandislik bo‘yicha Mirzo Ulug‘bek, tabiiy fanlar yo‘nalishida Ibn Sino maktablari filiallari tashkil etiladi. gazeta.uz »
Senat 4-sentabr kungi yalpi majlisda Jahon savdo tashkilotiga a’zo bo‘lish jarayonlarini jadallashtirishga qaratilgan qonunni ma’qulladi. Qonun qora va rangli metallar lomi va chiqindilarini tayyorlash hamda qayta ishlash, shuningdek, tabiiy gaz savdosini litsenziyalash tartibiga aloqador. gazeta.uz »
Senatorlar talabalar o‘rtasida jinoyatchilikning oldini olish yuzasidan oliy ta’lim, fan va innovatsiyalar vaziri Kongratbay Sharipovga parlament so‘rovini yubordi. Dastlabki 6 oyda 102 ta OTMning 307 nafar talabasi jinoyat sodir etgan. gazeta.uz »
Portugaliya va Janubiy Koreya sobiq bosh murabbiyi Paulu Bentu futbol bo‘yicha O‘zbekiston milliy terma jamoasini boshqarish taklifini rad etdi, deb xabar bermoqda xorijiy OAV. Mutaxassis O‘zbekistonga kelib, assotsiatsiya rahbariyati bilan uchrashdi, biroq taklif qilingan shartlar unga mos kelmadi, yozdi O Jogo. gazeta.uz »
O‘zbekistonda rasmiy va norasmiy dilerlar va mahalliy ishlab chiqaruvchilardagi avtomobil narxlari tafovutlarini o‘rganish rejalashtirilmoqda. Tahlil natijalariga ko‘ra, narxlarni tartibga solish va maqbullashtirish choralari ishlab chiqilishi ko‘zda tutilgan. Bu JST bilan ishlash komissiyasi qarorida aks etgan. gazeta.uz »
Dzyudo bo‘yicha O‘zbekiston terma jamoasi Sofiyada o‘smirlar o‘rtasidagi jahon chempionatini medallar hisobida birinchi o‘rinda yakunladi. Jamoa hisobida 5 oltin, 1 kumush va 2 bronza medali bor. G‘oliblar orasida Boltaboyeva, Baxodirov va Burxonov bor, ular musobaqa favoritlari ustidan g‘alabalarga erishdi. gazeta.uz »
OIIB 516,1 kilometrlik avtomobil yo‘llari tarmog‘i rekonstruksiyasi uchun O‘zbekistonga 173,4 mln dollar qarz ajratadi. Xususan, Xorazmda umumiy uzunligi 188 km, Qoraqalpog‘istonda 328 km yo‘llarni ta’mirlash va tiklash rejalashtirilgan. gazeta.uz »
O‘zbekistonda sun’iy intellekt sohasini faol rivojlantirayotgan 30 nafar shaxs ro‘yxati e’lon qilindi. Bundan maqsad ularning yutuqlarini e’tirof etish va keng jamoatchilikka tanitish. gazeta.uz »
Prezident QQS ma’murchiligini takomillashtirish va uni qaytarishni nazarda tutuvchi hujjatlar loyihalarini ishlab chiqishni buyurdi. Gap bu soliqni to‘lovchilarni soddalashtirilgan ro‘yxatga olish, marketpleys orqali eksport uchun QQS qaytarish, mehmonxona va tibbiyot biznesini qo‘llab-quvvatlash haqida bormoqda. gazeta.uz »
Jizzax viloyatida voyaga yetmagan bolalarni kaltaklagan shaxsga nisbatan jinoyat ishi qo‘zg‘atildi. Jabrlanganlarga psixologik va ijtimoiy yordam ko‘rsatilmoqda. gazeta.uz »
O‘zbekistonga AQShning Global hamkorlik bo‘yicha maxsus vakili Paolo Zampolli tashrif buyurdi. Ushbu tashrif davomida maxsus vakil O‘zbekistonning Mustaqillik kuni tantanalarida qatnashadi, American Corner Tashkent markazi ochilishida ishtirok etadi va Olimpiya o‘yinlari g‘oliblari bilan uchrashadi. gazeta.uz »
Ichki ishlar vazirining 20-avgustdagi buyrug‘i bilan Probatsiya nazoratidagi shaxslarning xulq-atvorini nazorat qilish tartibi to‘g‘risidagi yo‘riqnoma tasdiqlandi. Yo‘riqnomada probatsiya nazoratidagi shaxslarga nisbatan rag‘batlantirish, intizomiy jazo va huquqiy ta’sir choralarini qo‘llash tartibi nazarda tutilgan. gazeta.uz »
Turkiya birinchi xonimi Emine Erdog‘an AQSh birinchi xonimiga maktub yo‘llab, uni G‘azo inqiroziga ham e’tibor berishga chaqirdi: “G‘azoda 18 mingdan ortiq bola halok bo‘ldi, ammo hali 1 mln bolaning hayotini qutqarish imkoni bor”. gazeta.uz »
AQSh rasmiylari viza olish uchun arizalarni ko‘rib chiqishda muhojirlarning ijtimoiy tarmoqlarini tekshirishni rejalashtirmoqda. Bunda “Amerikaga qarshi” qarashlar mavjud yoki yo‘qligiga e’tibor beriladi. gazeta.uz »
AQSh Davlat departamenti AQSh vizasiga ega bo‘lgan 55 milliondan ortiq kishini migratsiya qonunchiligini buzganlik bo‘yicha tekshiruvdan o‘tkazmoqda. Kamchilik aniqlansa, viza bekor qilinadi. Shuningdek, AQSh yuk mashinalari haydovchilariga ishchi vizalar berishni zudlik bilan to‘xtatmoqda. gazeta.uz »
Alkogolsiz ichimliklar va sharbatlar ishlab chiqaruvchilar uyushmasi (UzBev) ijrochi direktori Alfiya Musina O‘zbekiston prezidentini tinchlik bo‘yicha Nobel mukofotiga nomzod sifatida ko‘rsatishni taklif etdi. gazeta.uz »
MB banklarga axborot xavfsizligi va kiberxavfsizlik bo‘yicha minimal talablarni tasdiqladi. Banklar risklarni boshqarish tizimini joriy etishlari va jiddiy hodisalar haqida darhol regulyatorga xabar berishlari shart. gazeta.uz »
2026-yildan tadbirkorlarning yer, mol-mulk, ijtimoiy va daromad soliqlari hisobotlarini shakllantirish bo‘yicha majburiyati bekor qilinadi. Ushbu hisobotlarni soliqchilarning o‘zi bepul to‘ldirib beradi. gazeta.uz »
Prezident amaldagi tartibga ko‘ra, yillik aylanmasi 10 mlrd so‘mdan oshgan korxonalar foyda solig‘i bo‘yicha avans to‘lagani uchun aylanma mablag‘ masalasida qiyinchilikka uchrayotganini ta’kidladi. Davlat rahbari endi bu tartib faqat 20 mlrd so‘mdan yuqori aylanmali korxonalar uchun amal qilishi e’lon qilindi. gazeta.uz »
HAMAS G‘azodagi vaziyatni o‘nglash bo‘yicha Misr va Qatarning taklifiga rozi bo‘ldi. U o‘t ochishni butunlay to‘xtatish va garovga olingan 50 nafar isroillikning taxminan yarmini ozod qilishni, evaziga qamoqdagi 200 nafar falastinlik mahbus ozod qilinishini o‘z ichiga oladi. Isroil guruhning javobini o‘rganmoqda. gazeta.uz »
Samarqand nafaqat go‘zal me’morchiligi, balki an’anaviy palov va somsadan tortib ko‘cha taomlarigacha bo‘lgan xilma-xil yeguliklari bilan ham mashhur. Tahririyatimizda ishlaydigan samarqandlik hamkasblarimiz bu shaharda qayerga borib, nimalar tanovul qilish mumkinligini so‘zlab berdi. gazeta.uz »
Mehnat inspeksiyasi 15-avgustdan maktab va maktabgacha ta’lim muassasalarida majburiy mehnat bo‘yicha reyd o‘tkazadi. Haftalik doirasida majburiy mehnatga yo‘l qo‘ygan barcha mas’ul mansabdor shaxslarga nisbatan javobgarlik choralari qo‘llaniladi. gazeta.uz »
O‘zbekiston futbol assotsiatsiyasi jahon chempionatiga yo‘llanmani qo‘lga kiritgan milliy terma jamoa endilikda 7SABER liboslarida maydonga tushishini ma’lum qildi. Bungacha terma jamoa futbolchilari JAKO kompaniyasi liboslarida o‘ynayotgandi. gazeta.uz »
Xalqaro valyuta jamg‘armasi ma’lumotlariga ko‘ra, Qozog‘iston aholi jon boshiga yalpi ichki mahsulot hajmi bo‘yicha Rossiyani ortda qoldirdi. Ko‘rsatkich Qozog‘istonda 14,77 ming dollarni tashkil etgan bo‘lsa, Rossiyada 14,26 ming dollar bo‘lib turibdi. gazeta.uz »
Xalqaro sertifikatga ega bo‘lmagan xorijiy tillar o‘qituvchilari bilan tuzilgan mehnat shartnomalarini bekor qilish yuzasidan rasmiy ko‘rsatma berilmagan, deya ma’lum qildi vazirlik. Avvalroq Kasaba uyushmasi til sertifikatiga ega bo‘lmagan xorijiy tillar o‘qituvchilarini ishdan bo‘shatmaslikni so‘ragan edi. gazeta.uz »
Diniy qo‘mita Misr, Turkiya va Saudiya Arabistonidagi “rasmiy” diniy ta’lim muassasalarida o‘qish bo‘yicha e’lonlardan ogohlantirdi. Qo‘mitaga ko‘ra, ular O‘zbekistonda tan olinmagan va diplomlari sohada ishlash uchun asos bo‘lolmaydi. gazeta.uz »
2025/2026-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi. Natijalarini 3 xil usulda bilish mumkin. gazeta.uz »
Jahon chempionatiga ilk yo‘llanmasini qo‘lga kiritgan O‘zbekiston terma jamoasiga Germaniya termasi sobiq murabbiyi Yoaxim Lyovni taklif qilish rejalashtirilgandi, biroq mutaxassis bu taklifni rad etdi, deb yozdi Bild. gazeta.uz »
2025-yil may-iyun davrida O‘zbekiston 127,4 ming tonna yangi tarvuz eksport qildi. Bu ko‘rsatkich 2023-yil yakunida qayd etilgan oldingi rekorddan 22 foizga ko‘p. Umumiy yetkazib berish hajmining 98 foizdan ortig‘i uchta davlat - Rossiya, Qozog‘iston va Belarus hissasiga to‘g‘ri keldi. gazeta.uz »
Isroil poytaxtida minglab odamlar Netanyahuning G‘azoni to‘liq egallash bo‘yicha yangi rejasiga qarshi chiqib, garovga olinganlarni ozod qilishni talab qilmoqda. So‘rovlarga ko‘ra, isroilliklarning aksariyati G‘azoda garovga olingan qolgan 50 kishini ozod qilish uchun urushni zudlik bilan to‘xtatish tarafdori. gazeta.uz »
Sea Breeze Uzbekistan kurorti xususiy investitsiyalar hisobidan va budjet mablag‘larisiz quriladi, xabar berdi Investvazirlik. Rag‘bat sifatida yer ijarasi kamaytirilgan, biroq investor $240 mln to‘lashi kerak. gazeta.uz »
O‘zbekiston va Indoneziya aviatsiya hukumatlari aviaqatnovga qo‘yilgan cheklovlarni bekor qilish va parvozlar geografiyasini kengaytirishga kelishib oldi. Yuk tashish aviaqatnovlari uchun uchinchi, to‘rtinchi va beshinchi havo erkinliklarini berish ko‘zda tutilgan. gazeta.uz »
O‘zbekiston va Indoneziya aviatsiya hukumatlari aviaqatnovga qo‘yilgan cheklovlarni bekor qilish va parvozlar geografiyasini kengaytirishga kelishib oldi. Yuk tashish aviaqatnovlari uchun uchinchi, to‘rtinchi va beshinchi havo erkinliklarini berish ko‘zda tutilgan. gazeta.uz »
2025-yilning 1-yarmida O‘zbekiston iqtisodiyoti o‘sishi 2024-yilning mos davriga nisbatan 0,6 foiz bandga tezlashib, 7,2 foizga yetdi. Ayni shu davrda Qirg‘izistonda bu ko‘rsatkich 3,6 foiz bandga (11,7 foizga yetdi), Qozog‘istonda 3 foiz bandga (6,2 foiz), Tojikistonda esa 1,9 foiz bandga (8,1 foiz) tezlashdi. gazeta.uz »
Moskvadagi sud 140 dan ortiq kishi qurbon bo‘lgan “Krokus Siti Holl” konsert zalidagi terakt bo‘yicha ishni ko‘rib chiqishni boshladi. Unda 19 kishi ayblanmoqda. gazeta.uz »
O‘zbekiston hukumati AQSh Qishloq xo‘jaligi vazirligi va AQSh paxta assotsiatsiyasi bilan Amerika paxtasini yetkazib berish bo‘yicha muzokaralar olib bormoqda. Jarayon GSM-102 dasturi - Amerika eksport kredit kafolatlari sxemasi orqali amalga oshirilmoqda. gazeta.uz »
O‘zbekiston Senati Vazirlar Mahkamasiga qurilishlarni tartibga solish bo‘yicha ko‘rilayotgan choralar yuzasidan parlament so‘rovi yubordi. Unda ko‘p qavatli uylarga tutash hududlarda o‘zboshimchalik bilan qurilish qilinayotgani va umumiy foydalanish joylarini to‘sib olish kabi holatlar muammo sifatida qayd etilgan. gazeta.uz »
Ukrainada 33 davlat fuqarolari harbiy asirlikda saqlanmoqda, ularning eng ko‘pi O‘zbekistondan, deb yozdi “Xochu jit” loyihasi. Shuningdek, 2025-yilda Rossiya kamida 902 nafar o‘zbekistonlikni urushga yollagani aytildi. gazeta.uz »
Ayollar bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grantlar pasporti tasdiqlandi. Qarorga ko‘ra, BHMning 60 baravarigacha miqdordagi ijtimoiy yordam “Eng yaxshi ijtimoiy loyihalar” tanlovida g‘olib deb topilgan loyihalarni moliyalashtirishga yo‘naltiriladi. gazeta.uz »
Samarqandda 10 yil davomida hujjatsiz qurilgan 12 qavatli noodatiy binoni buzish boshlandi. Qurilish vazirligi bino seysmik chidamlilik talablariga javob bermasligini ta’kidladi. Tadbirkor yig‘lab prezidentga murojaat qildi. gazeta.uz »
O‘zbekiston va China Energy International Group o‘rtasida qayta tiklanadigan energiya manbalarini rivojlantirish, jumladan, Buxoro viloyatida 500 MVt quvvatga ega shamol elektr stansiyasi va Toshkent shahrida 100 MVt quvvatga ega akkumulyator tizimini qurish bo‘yicha uchta shartnoma imzolandi. gazeta.uz »
Sog‘liqni saqlash vaziri Asilbek Xudayarov tizimda korrupsiyaga qarshi kurashish bo‘yicha soha xodimlari va fuqarolarga murojaat yo‘lladi. U korrupsiya, manfaatlar to‘qnashuvi, byurokratiya va boshqa salbiy holatlar uchrab turganini ta’kidladi va bu bo‘yicha murojaat uchun qisqa raqam va Telegram bot qoldirdi. gazeta.uz »
IHMA direktorining birinchi o‘rinbosari Shahnoza Mirziyoyeva bolalarga nisbatan zo‘ravonlik bo‘yicha Jinoyat va Jinoyat-protsessual kodekslariga o‘zgartishlar kiritish tashabbusi bilan chiqilayotganini ma’lum qildi. gazeta.uz »
O‘zbekiston sayg‘oqlar sonini tiklash ishlarini Qozog‘iston bilan hamkorlikda amalga oshirishni rejalashtirmoqda. Qo‘shni mamlakatda so‘nggi yillarda ushbu jonzotlar populyatsiyasi o‘sib borayotgani va ekinlarga tahdid solayotgani sababli ular sonini nazorat qilish choralari ko‘rila boshlagan. gazeta.uz »
Angren bolalar shifoxonasida zo‘rlash qurboni bo‘lgan 15 yoshli qiz davolanmoqda, deb xabar berdi bloger Saodat Abduzakirova. Uning so‘zlariga ko‘ra, jinoyat ishi yakuniy bosqichda, ayblanuvchilar orasida 4 nafar yigit bor. gazeta.uz »
Markaziy bank asosiy stavkasini ko‘rib chiqish bo‘yicha navbatdagi yig‘ilishini keyinga qoldirdi. Regulyator yig‘ilish sanasi alohida ma’lum qilinishini ta’kidlagan. Qarorga yilning 1-yarmi bo‘yicha global makroiqtisodiy ko‘rsatkichlar, savdo hamkorlari bo‘yicha ma’lumotlar iyul oxirida e’lon qilinishini sabab bo‘lgan. gazeta.uz »
O‘zbekistonda BSKlar foydasiga kvartira to‘lovlari va jismoniy shaxslarning BHMning 5 baravarigacha bo‘lgan qarzlari uchun soddalashtirilgan undiruvni kengaytirish rejalashtirilmoqda. Mablag‘lar banklardagi hisobvaraqlardan masofadan turib, mol-mulkni xatlamasdan yoki qarzdorning uyiga bormasdan yechib olinadi. gazeta.uz »
O‘zbekiston energetika tizimida 18-iyul kuni kunlik elektr iste’moli miqdori 272,6 mln kVt/soatni tashkil etib, rekord o‘rnatdi. Shuningdek, birinchi marta elektr energiyasi iste’molida yozgi ko‘rsatkichlar qishki maksimal ko‘rsatkichlardan oshdi. gazeta.uz »
Ekologiya vazirligi Murod Nazarovning “daraxtlar banki” taklifini mavjud moratoriyga alternativ bo‘la olmasligini ta’kidladi. Shuningdek, vazirlik tadbirkorning daraxt kesishda qo‘llayotgan yondashuvlari bo‘yicha huquqni muhofaza qiluvchi organlar tomonidan to‘liq taftish o‘tkazilishi kerakligini ma’lum qildi. gazeta.uz »
Prezident soliq masalasidagi nizolarni tadbirkorlar uchun osonroq va arzonroq hal etish maqsadida yangi tartib joriy etdi. Unga ko‘ra, Savdo-sanoat palatasi huzurida Soliqqa oid nizolar bo‘yicha ekspert kengashi tashkil etilib, soliq organlari qaroridan norozi tadbirkorlar murojaatini sudgacha ko‘rib chiqadi. gazeta.uz »
