Yicha - Ïîñëåäíèå íîâîñòè [ Ôîòî â íîâîñòÿõ ] | |
2025-yilning 1-yarmida O‘zbekiston iqtisodiyoti o‘sishi 2024-yilning mos davriga nisbatan 0,6 foiz bandga tezlashib, 7,2 foizga yetdi. Ayni shu davrda Qirg‘izistonda bu ko‘rsatkich 3,6 foiz bandga (11,7 foizga yetdi), Qozog‘istonda 3 foiz bandga (6,2 foiz), Tojikistonda esa 1,9 foiz bandga (8,1 foiz) tezlashdi. gazeta.uz »
Moskvadagi sud 140 dan ortiq kishi qurbon bo‘lgan “Krokus Siti Holl” konsert zalidagi terakt bo‘yicha ishni ko‘rib chiqishni boshladi. Unda 19 kishi ayblanmoqda. gazeta.uz »
O‘zbekiston hukumati AQSh Qishloq xo‘jaligi vazirligi va AQSh paxta assotsiatsiyasi bilan Amerika paxtasini yetkazib berish bo‘yicha muzokaralar olib bormoqda. Jarayon GSM-102 dasturi - Amerika eksport kredit kafolatlari sxemasi orqali amalga oshirilmoqda. gazeta.uz »
O‘zbekiston Senati Vazirlar Mahkamasiga qurilishlarni tartibga solish bo‘yicha ko‘rilayotgan choralar yuzasidan parlament so‘rovi yubordi. Unda ko‘p qavatli uylarga tutash hududlarda o‘zboshimchalik bilan qurilish qilinayotgani va umumiy foydalanish joylarini to‘sib olish kabi holatlar muammo sifatida qayd etilgan. gazeta.uz »
Ukrainada 33 davlat fuqarolari harbiy asirlikda saqlanmoqda, ularning eng ko‘pi O‘zbekistondan, deb yozdi “Xochu jit” loyihasi. Shuningdek, 2025-yilda Rossiya kamida 902 nafar o‘zbekistonlikni urushga yollagani aytildi. gazeta.uz »
Ayollar bandligi va ijtimoiy faolligini ta’minlashga qaratilgan ijtimoiy loyihalarni moliyalashtirish uchun grantlar pasporti tasdiqlandi. Qarorga ko‘ra, BHMning 60 baravarigacha miqdordagi ijtimoiy yordam “Eng yaxshi ijtimoiy loyihalar” tanlovida g‘olib deb topilgan loyihalarni moliyalashtirishga yo‘naltiriladi. gazeta.uz »
Samarqandda 10 yil davomida hujjatsiz qurilgan 12 qavatli noodatiy binoni buzish boshlandi. Qurilish vazirligi bino seysmik chidamlilik talablariga javob bermasligini ta’kidladi. Tadbirkor yig‘lab prezidentga murojaat qildi. gazeta.uz »
O‘zbekiston va China Energy International Group o‘rtasida qayta tiklanadigan energiya manbalarini rivojlantirish, jumladan, Buxoro viloyatida 500 MVt quvvatga ega shamol elektr stansiyasi va Toshkent shahrida 100 MVt quvvatga ega akkumulyator tizimini qurish bo‘yicha uchta shartnoma imzolandi. gazeta.uz »
Sog‘liqni saqlash vaziri Asilbek Xudayarov tizimda korrupsiyaga qarshi kurashish bo‘yicha soha xodimlari va fuqarolarga murojaat yo‘lladi. U korrupsiya, manfaatlar to‘qnashuvi, byurokratiya va boshqa salbiy holatlar uchrab turganini ta’kidladi va bu bo‘yicha murojaat uchun qisqa raqam va Telegram bot qoldirdi. gazeta.uz »
IHMA direktorining birinchi o‘rinbosari Shahnoza Mirziyoyeva bolalarga nisbatan zo‘ravonlik bo‘yicha Jinoyat va Jinoyat-protsessual kodekslariga o‘zgartishlar kiritish tashabbusi bilan chiqilayotganini ma’lum qildi. gazeta.uz »
O‘zbekiston sayg‘oqlar sonini tiklash ishlarini Qozog‘iston bilan hamkorlikda amalga oshirishni rejalashtirmoqda. Qo‘shni mamlakatda so‘nggi yillarda ushbu jonzotlar populyatsiyasi o‘sib borayotgani va ekinlarga tahdid solayotgani sababli ular sonini nazorat qilish choralari ko‘rila boshlagan. gazeta.uz »
Angren bolalar shifoxonasida zo‘rlash qurboni bo‘lgan 15 yoshli qiz davolanmoqda, deb xabar berdi bloger Saodat Abduzakirova. Uning so‘zlariga ko‘ra, jinoyat ishi yakuniy bosqichda, ayblanuvchilar orasida 4 nafar yigit bor. gazeta.uz »
Markaziy bank asosiy stavkasini ko‘rib chiqish bo‘yicha navbatdagi yig‘ilishini keyinga qoldirdi. Regulyator yig‘ilish sanasi alohida ma’lum qilinishini ta’kidlagan. Qarorga yilning 1-yarmi bo‘yicha global makroiqtisodiy ko‘rsatkichlar, savdo hamkorlari bo‘yicha ma’lumotlar iyul oxirida e’lon qilinishini sabab bo‘lgan. gazeta.uz »
O‘zbekistonda BSKlar foydasiga kvartira to‘lovlari va jismoniy shaxslarning BHMning 5 baravarigacha bo‘lgan qarzlari uchun soddalashtirilgan undiruvni kengaytirish rejalashtirilmoqda. Mablag‘lar banklardagi hisobvaraqlardan masofadan turib, mol-mulkni xatlamasdan yoki qarzdorning uyiga bormasdan yechib olinadi. gazeta.uz »
O‘zbekiston energetika tizimida 18-iyul kuni kunlik elektr iste’moli miqdori 272,6 mln kVt/soatni tashkil etib, rekord o‘rnatdi. Shuningdek, birinchi marta elektr energiyasi iste’molida yozgi ko‘rsatkichlar qishki maksimal ko‘rsatkichlardan oshdi. gazeta.uz »
Ekologiya vazirligi Murod Nazarovning “daraxtlar banki” taklifini mavjud moratoriyga alternativ bo‘la olmasligini ta’kidladi. Shuningdek, vazirlik tadbirkorning daraxt kesishda qo‘llayotgan yondashuvlari bo‘yicha huquqni muhofaza qiluvchi organlar tomonidan to‘liq taftish o‘tkazilishi kerakligini ma’lum qildi. gazeta.uz »
Prezident soliq masalasidagi nizolarni tadbirkorlar uchun osonroq va arzonroq hal etish maqsadida yangi tartib joriy etdi. Unga ko‘ra, Savdo-sanoat palatasi huzurida Soliqqa oid nizolar bo‘yicha ekspert kengashi tashkil etilib, soliq organlari qaroridan norozi tadbirkorlar murojaatini sudgacha ko‘rib chiqadi. gazeta.uz »
Prezident o‘ziga to‘rt nafar vakil tayinladi: Azizbek Urunov - JST bo‘yicha, Aziz Magrupov - tashqi investitsiyalar bo‘yicha, Alisher Sultanov - energetik xavfsizlik bo‘yicha, Odil Abduraxmonov - sport bo‘yicha. gazeta.uz »
Xitoy O‘zbekistonda xorijiy kapital ishtirokida faoliyat yuritayotgan korxonalar soni bo‘yicha yetakchilik qilishda davom etmoqda, deb xabar bermoqda Milliy statqo‘m. 1-iyul holatiga ko‘ra, mamlakatda xorijiy kapital ishtirokidagi 16,6 mingdan ortiq korxona ro‘yxatga olingan - o‘tgan yilga nisbatan 20% ko‘p. gazeta.uz »
Sardor Umurzakov prezidentning strategik rivojlanish bo‘yicha maslahatchisi lavozimiga tayinlandi. Abdulaziz Kamilov esa prezidentning tashqi siyosat bo‘yicha maslahatchisi bo‘ldi. gazeta.uz »
Transport vaziri Ilhom Mahkamov 2025-yilda Taxtaqoracha dovonida pulli tunnel qurish loyihasini ishlab chiqishni yakunlab, xususiy tadbirkor bilan shartnoma imzolanishini ma’lum qildi. Tunnel 7 km bo‘ladi, uni qurish uchun 3 ta kompaniya da’vogarlik qilmoqda. gazeta.uz »
Ostona shahrida og‘ir atletika bo‘yicha o‘smirlar va yoshlar o‘rtasida o‘tkazilgan Osiyo chempionatida O‘zbekiston terma jamoasi 58 medalni qo‘lga kiritib, soni va to‘plangan ochkolar bo‘yicha birinchi o‘rinni egalladi. gazeta.uz »
Avtomobil yo‘llari qo‘mitasi rahbari Jamshid Tursunovning aytishicha, prezident topshirig‘i bilan 4000 km lik respublika yo‘llari inventarizatsiyadan o‘tkaziladi. “Dastur doirasida qayerda ikki pog‘onali chorrahalar, qayerda tunnellar, qayerda yerosti va yerusti o‘tish joylari qurilishi aniqlanadi”, - dedi u. gazeta.uz »
Prezident Shayxontohur tumanidagi Yangi Kamolon mahallasida aholi bilan suhbatlashdi. “Islohotlar shtabi” bilan tanishar ekan, u tuman misolida xizmatlar sohasini rivojlantirish bo‘yicha yangi choralar rejasi qabul qilinishini aytdi. gazeta.uz »
Qosim-Jomart Toqayev avvalroq Qozog‘iston tovarlari importiga bojlar joriy etilishini e’lon qilgan Donald Trampga javob maktubini yo‘lladi. Uning qayd etishicha, Qozog‘iston AQSh bilan savdoni rivojlantirish tarafdori va murosaga kelishga tayyor. gazeta.uz »
Toshkent ko‘chalari bino fasadlari, trotuarlar va yashil maydonlarni qoplab olgan holda, “binodan binogacha” yagona dizayn-kod bo‘yicha ta’mirlanadi, dedi hokim Shavkat Umurzoqov. Yangi standartlarda piyoda va velosipedchilar xavfsizligiga ustuvor ahamiyat beriladi, ta’kidladi “Yangi Toshkent” direksiyasi rahbari. gazeta.uz »
Prezident maktab va bog‘chalarda harakat xavfsizligiga oid ta’lim dasturlarini tubdan yangilashni topshirdi. “Yashil chiroq” musobaqalari tiklanadi, yo‘l qoidalari bo‘yicha sodda video va animatsiyalar yaratiladi. gazeta.uz »
Inson huquqlari bo‘yicha Yevropa sudi Rossiyani Ukrainadagi urush paytida xalqaro huquqni buzganlik, jumladan, 2014-yilda Donbass ustida Malaysia Airlines MH17 reysi halokatga uchragani uchun javobgar deb topdi. gazeta.uz »
O‘zbekistonda yo‘l infratuzilmasini yaxshilash orqali YTHlarni kamaytirish bo‘yicha “Xavfsiz yo‘l” dasturi boshlanadi. Dastur doirasida “Xavfsiz yo‘l va xavfsiz piyoda” jamg‘armasi qayta tashkil qilinib, hukumat bo‘ysunuviga o‘tkaziladi. gazeta.uz »
Oq uyning kadrlar bo‘yicha direktori, 38 yoshli Serxio Gor Toshkentda tug‘ilgan, deb xabar berdi OCCRP. Uning o‘zi kelib chiqishi bo‘yicha ma’lumotlarni ochiqlamay kelgan. Asl ismi Serxio Goroxovskiy bo‘lgan amaldor bolaligining kamida besh yilini Maltada o‘tkazgan, so‘ngra oila AQShga ko‘chib ketgan. gazeta.uz »
Senator Kobul Tursunov UZIMEI tizimi bo‘yicha raqamli texnologiyalar vaziri Sherzod Shermatovga senator so‘rovi yubordi. Unda IMEI2 kodni ro‘yxatdan o‘tkazish va UZIMEI tizimida mavjud byurokratik talablarni yumshatish bo‘yicha qilinayotgan ishlar haqida 10 kun ichida ma’lumot taqdim etishi so‘ralgan. gazeta.uz »
FIFAning 2027-yilda bo‘lib o‘tadigan U-20 Jahon chempionati mezbonligi uchun O‘zbekiston va Ozarbayjon birgalikda ariza topshirdi. O‘zbekiston avvalroq Tojikiston va Qirg‘iziston bilan birgalikda OFKga futbol bo‘yicha 2031-yilgi Osiyo kubogini o‘tkazish bo‘yicha nomzodlik taklifini yuborgandi. gazeta.uz »
O‘zbekiston, Ozarbayjon va Qozog‘iston energetika kompaniyalari Yevropaga “yashil” energetika koridori loyihasini amalga oshirish uchun Green Corridor Union qo‘shma korxonasini tashkil etdi. gazeta.uz »
Markaziy bank 2-iyuldan avtokreditlar va mikroqarzlar bo‘yicha o‘rtacha stavkalarni e’lon qila boshladi - endi qarz oluvchilar turli banklarning shartlarini solishtirib, eng foydalisini tanlashi mumkin. gazeta.uz »
Chiqindi xizmatlari bo‘yicha eng ko‘p qarzdorlik Namangan, Toshkent, Andijon viloyatlarida kuzatilyapti. Chiqindilarni boshqarish agentligi rahbari “ayrimlar puli bo‘lsa ham to‘lov qilmasligidan” norozilik bildirdi. gazeta.uz »
Naji Benxasin Jahon bankining Markaziy Osiyo bo‘yicha yangi mintaqaviy direktori etib tayinlandi. U bankning Toshkentdagi vakolatxonasida ish olib boradi. Benxasin bundan avval JBning Pokistondagi vakolatxonasiga rahbarlik qilgan. gazeta.uz »
Odam savdosida ayblanib xalqaro qidiruvga berilgan o‘zbekistonlik O‘monda yashiringani aniqlandi. U Interpol kanallari yordamida Toshkentga ekstraditsiya qilindi. gazeta.uz »
2024-yilda 8833 kishi aliment to‘lamagani uchun javobgarlikka tortilgan, bu 2023-yilga nisbatan 35 foizga ko‘p. Aliment to‘lovlari jamg‘armasi 40,6 mlrd so‘mni to‘lab bergan, biroq qarzdorlardan bu mablag‘ning atigi 2 foizi undirilgan. gazeta.uz »
Farg‘onadagi AYOQSHda 2024-yil dekabrida sodir bo‘lgan portlash ishi bo‘yicha sud yakunlandi. Unga ko‘ra, 3 kishi turli muddatlarga qamaldi, bir kishining ozodligi cheklandi. 4 nafar qurbonning qonuniy vakillariga ma’naviy zarar, 12 nafar fuqaroviy da’vogarlarga esa moddiy zarar undirish belgilandi. gazeta.uz »
O‘zbekistonda o‘quvchilar hamda talabalarning ish bilan ta’minlanishi va kasbiy rivojlanishi uchun loyihalar rejalashtirilmoqda. Ta’til kunlari 3 mln nafar yosh maxsus tizim orqali ish bilan band qilinadi. gazeta.uz »
O‘zbekistonlik tadbirkorlar delegatsiyasi Pokistonning eng yirik dengiz porti Karachida bo‘ldi. Tashrif prezident Shavkat Mirziyoyevning beqaror geosiyosiy vaziyat sharoitida tashqi savdo yo‘nalishlarini diversifikatsiya qilish to‘g‘risidagi topshirig‘iga binoan amalga oshirildi. gazeta.uz »
Iqtisodchilar Yuliy Yusupov va Otabek Bakirov Xalqaro valyuta jamg‘armasining daromad solig‘ining progressiv shkalasiga o‘tish va “iqtisodiyotga soliq yukini oshirish”ni taklif qilgan tavsiyalarini tanqid qildi. gazeta.uz »
O‘zbekiston yadroviy javobgarlik sug‘urtasi tizimini yaratishga tayyorgarlik ko‘rmoqda. 2025−2026-yillarda MAGATE standartlari asosidagi 25 ta normativ hujjat qabul qilinadi, dedi “O‘zatom” bosh direktori Azim Axmedxadjayev. gazeta.uz »
Vetnamda kurash bo‘yicha 23 yoshgacha bo‘lgan sportchilar o‘rtasida o‘tkazilgan Osiyo chempionatida O‘zbekiston terma jamoasi 16 ta medalni qo‘lga kiritdi. Umumjamoa hisobida o‘zbekistonliklar yunon-rum kurashi bo‘yicha uchinchi, erkaklar o‘rtasida erkin kurashda to‘rtinchi, ayollar o‘rtasida beshinchi o‘rinni egalladi. gazeta.uz »
Prezident Shavkat Mirziyoyev Samarqand shahrida o‘tayotgan BMTning Davlat xizmati bo‘yicha forumi ishtirokchilariga tabrik yo‘lladi. Tabrikda u O‘zbekistonda davlat xizmatida raqamli transformatsiya bo‘yicha Global bilim markazini ochish va xalqaro Yosh yetakchilar maktabini tashkil etishni taklif etdi. gazeta.uz »
Isroil mudofaa armiyasi mamlakatda xavfsizlik bo‘yicha yangi cheklovlar joriy etdi. O‘zbekistonning Isroildagi elchixonasi mamlakatda bo‘lib turgan vatandoshlarni ushbu cheklovlar haqida ogohlantirdi va ehtiyotkorlikni oshirishga chaqirdi. gazeta.uz »
Qozog‘iston atom energiyasi agentligi va Rossiyaning “Rosatom” kompaniyasi Olmaota viloyatining Jambil tumanida mamlakatdagi birinchi AES qurilishi loyihasi bo‘yicha yo‘l xaritasini tasdiqladi. gazeta.uz »
“O‘zatom” va “Rosatom” O‘zbekistonda katta atom elektr stansiyasini qurish loyihasi shartlari to‘g‘risidagi bitimni imzoladi. Katta stansiya qurilishi haqida 2018-yilda kelishib olingan, biroq mamlkatda yaqin vaqtgacha bu muhokama qilinmagan. Kichik AES loyihasiga o‘zgartirishlar kiritilishi mumkin. gazeta.uz »
Odam savdosi jinoyati bo‘yicha O‘zbekistonda qidiruvga berilgan fuqaro Istanbul shahrida qo‘lga tushdi. U belgilangan tartibda mamlakatga ekstraditsiya qilindi. gazeta.uz »
Raqobat qo‘mitasi O‘zbekiston bo‘ylab 2800 ta avtobus bekatlarini tanlanma usulida tekshirib, ularning ko‘pchiligida yorug‘lik, belgilar, panduslar va boshqalar yo‘qligini aniqladi. Qo‘mita yo‘l qo‘yilgan kamchiliklarni bartaraf etish yuzasidan Transport vazirligi va hokimliklarga ko‘rsatmalar yubordi. gazeta.uz »
