çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda kiberjinoyatlarning 98 foizi bank kartalari bilan bog‘liq bo‘lib, fuqarolar 4 yilda 1,9 trln so‘m zarar ko‘rgan. 2024-yilda umumiy jinoyatlarning 44,4 foizi kiberjinoyatlar hissasiga to‘g‘ri keldi. gazeta.uz »
O‘zbekistonda 1-yanvardan fuqarolar davlat ijtimoiy sug‘urtasi bilan majburiy va ixtiyoriy asosda qamrab olinadi. 1-yanvardan homiladorlik va tug‘ish nafaqasi, 2026-yil 1-iyuldan vaqtinchalik mehnatga layoqatsizlik nafaqasi avtomatik shaklda tayinlanadi. gazeta.uz »
Tashkent Pharma Park klasteri hududida bolalar tagliklari va gigiyena vositalarini ishlab chiqarish yo‘lga qo‘yilishi mumkin. 20 mln dollarlik loyihani Procter & Gamble korporatsiyasi tarkibidagi Prima turk kompaniyasi amalga oshirishi rejalashtirilmoqda. gazeta.uz »
O‘zbekistonda 2030-yilgacha prokuratura organlari faoliyati avtomatlashtiriladi. Yangi Raqamli prokuror axborot tizimlari kompleksi qonunlar ijrosini masofadan nazorat qilish imkonini beradi, “E-tergov” tizimi tergov jarayonlarini to‘liq elektron shaklga o‘tkazishni ta’minlaydi. gazeta.uz »
Prezident huzuridagi Strategik islohotlar agentligi Strategik rivojlanish va islohotlar agentligiga aylantirildi. 1-noyabrdan boshlab mamlakatda “maqsad - harakat - natija” tamoyiliga asoslangan strategik rejalashtirish tizimi joriy etiladi. Muvofiqlashtiruvchi kengash yangi vakolatlarga ega bo‘ladi. gazeta.uz »
Oktabrda O‘zbekistonda inflyatsiya 0,6% ni, yillik hisobda esa 7,8% ni tashkil etdi, deb xabar berdi Milliy statistika qo‘mitasi. Bu so‘nggi 9 yildagi eng past ko‘rsatkichdir. Oy davomida tuxum, go‘sht, sut va benzin narxlari oshdi, shakar va guruch arzonlashdi. gazeta.uz »
Prezident qaroriga ko‘ra, 2025-yildan boshlab adabiyot, madaniyat, san’at, ilm-fan va raqamli texnologiyalar kabi sohalarda yuqori natijalarga erishgan ijodkorlar va olimlar “Kelajak merosi” xalqaro mukofoti bilan taqdirlanadi. G‘oliblar 10 ming dollar, diplom va statuetkaga ega bo‘ladi. gazeta.uz »
Davlat moliyalashtiradigan kam uchraydigan kasalliklar soni 5 dan 10 taga, bepul davolanish yoshi esa 18 dan 21 gacha oshiriladi. Prezident tegishli dasturni tasdiqladi. 2026−2030-yillarda uni amalga oshirishga qariyb 1 trln so‘m yo‘naltiriladi. gazeta.uz »
Prokuraturada jinoyat haqida xabar olingan paytdan boshlab sud qarori ijrosigacha bo‘lgan ish jarayonlarini raqamlashtirish rejalashtirilmoqda. Prezident Shavkat Mirziyoyev tergov ishlariga sun’iy intellekt texnologiyalarini joriy etish bo‘yicha ko‘rsatma berdi. gazeta.uz »
O‘zbekistonda sintetik narkotiklar ishlab chiqarish va tarqatish ortmoqda - ular yashirin laboratoriyalarda tayyorlanib, internet orqali sotilmoqda. Prezident bunday jinoyatlar uchun jazoni kuchaytirish zarurligini ta’kidlab, 2027-yilgacha mo‘ljallangan narkojinoyatlarga qarshi kurashish milliy dasturini ma’qulladi. gazeta.uz »
Fuqarolar hayotiga xavf tug‘diradigan yoqilg‘i quyish shoxobchalarini xavfsiz hududlarga ko‘chirish taklif etilmoqda. Soha xodimlarining bilim darajasini tekshirish va malakasini oshirish ham ko‘zda tutilgan. gazeta.uz »
Belgrad universiteti O‘zbekistonda o‘z filialini ochishni rejalashtirmoqda, deya ma’lum qildi oliy ta’lim, fan va innovatsiyalar vaziri Qo‘ng‘irotboy Sharipov. Bundan tashqari, Novi-Sad universiteti bilan ham qishloq xo‘jaligi sohasida qo‘shimcha ta’lim dasturlarini yo‘lga qo‘yish masalasi muhokama qilinmoqda. gazeta.uz »
O‘zbekistonda yanvar-sentabr oylarida 5895 ta yo‘l-transport hodisasi qayd etilgan. Ularda 1303 kishi vafot etgan, 4592 kishi jarohat olgan. YTHlarning 2689 tasi piyodalar ishtirokida sodir etilgan. gazeta.uz »
2026−2027-yillarda Tiklanish va taraqqiyot jamg‘armasidan sun’iy intellekt texnologiyalariga asoslangan startap va ustuvor loyihalarni moliyalashtirish uchun qo‘shimcha $100 mln ajratiladi. Mablag‘lar davlat tizimida AI yechimlarini joriy etish va venchur jamg‘armalarni qo‘llab-quvvatlashga yo‘naltiriladi. gazeta.uz »
2026-yildan boshlab O‘zbekistonda gips xomashyosini qayta ishlovchi korxonalar uchun uni qazib chiqarish bo‘yicha soliq stavkasi ikki barobarga kamaytiradi. Shuningdek, sement zavodlariga mahsulotning bir qismini birja orqali sotish talablari yengillashtiriladi. gazeta.uz »
O‘zbekistonda jarima ballari tizimi joriy etilgandan so‘ng 114 mingdan ortiq haydovchiga ballar qo‘llanilgan. Bu haydovchilarning deyarli barchasi 1 balldan 5 ballgacha olgan. YHXX ma’lum qilishicha, shu davrda YTHlarning soni 6,3 foizga, haydovchilar aybi bilan sodir etilganlari esa 31,2 foizga kamaygan. gazeta.uz »
O‘zbekistonda 42 ta chiqindi poligoni yopilib, 90 gektarga yaqin yer tabiatga qaytarildi. 2024-yilda 27 ta chiqindi poligoni rekultivatsiya qilinib, tuproq bilan qoplandi, 2025-yil oxiriga qadar yana 18 ta maydonda ish olib borilishi rejalashtirilgan. gazeta.uz »
O‘zbekistonda 2025-yilning noyabri mamlakatning katta qismida ko‘p yillik iqlimiy me’yordan pastroq, ya’ni sovuq hamda quruqroq bo‘lishi kutilmoqda. Faqat shimoliy hududlarda me’yor atrofida yog‘ingarchiliklar bo‘lishi mumkin. gazeta.uz »
O‘zbekistonda tadbirkorlarga asossiz jarimalar qo‘llangani uchun javobgarlik belgilanishi ko‘zda tutilmoqda. Bunga bunday amaliyot ko‘p uchrashi va bu uchun jazo yo‘qligi sabab qilib keltirilmoqda. Xususan, 2024-yilda tadbirkorlarga 5280 marta, 2025-yilning 6 oyida esa 3755 marta asossiz jarima qo‘llanilgan. gazeta.uz »
Banklarga mijozlarga kredit risklari haqida cheklistlar taqdim etish hamda majburiy opsiyalar va avtoto‘ldiriladigan maydonchalar amaliyotiga barham berish majburiy bo‘ldi. Ijtimoiy nafaqa qarzlarini hisobdan chiqarish, so‘ralganidan ortiqcha kredit taklif qilish, to‘lovlarni oldinroq undirish ham taqiqlandi. gazeta.uz »
O‘zbekistonda dollarning rasmiy kursi 11 990,53 so‘mgacha pasaydi - bu keskin devalvatsiya ro‘y bergan 2023-yil avgustidan beri kuzatilmagan ko‘rsatkich. 1-yanvardan boshlab so‘m qariyb 930 so‘mga yoki 7,2 foizga mustahkamlandi. gazeta.uz »
O‘zbekistonda elektron xizmatlar ko‘rsatuvchi 73 ta xorijiy kompaniya tomonidan 2025-yilning 9 oyida 124,8 mlrd so‘m soliq to‘langan. Bu 2024-yilning mos davriga nisbatan 44 foizga ko‘p. Soliqlarning 93 foizi elektron xizmatlar ko‘rsatuvchi 10 ta xorijiy kompaniya hissasiga to‘g‘ri keladi. gazeta.uz »
Prezident qaroriga ko‘ra, 2030-yilgacha O‘zbekistonda kasbiy ta’lim tizimi tubdan yangilanadi - dual ta’lim ulushi to‘rt baravar oshiriladi, o‘quvchilarga stipendiya beriladi, 9-sinf bitiruvchilarining yarmi texnikumlarda tahsil oladi, har yili 5-may “Kasb va mehnat kuni” sifatida nishonlanadi. gazeta.uz »
Bir qancha xorijiy kompaniyalar tomonidan O‘zbekistonda shamol generatorlari uchun zarur butlovchi qismlarni ishlab chiqaruvchi zavod qurish rejalashtirilgan. Zomin tumanida shamol parraklarini, Qo‘ng‘irot tumanida shamol elektr stansiyasi minorasini ishlab chiqaruvchi zavodlarni qurish ishlari amalga oshirilmoqda. gazeta.uz »
O‘zbekistonda AQShning Kolorado konchilik maktabi bilan birgalikda ilmiy-tadqiqot va amaliy ishlanmalarni birlashtiruvchi zamonaviy Kompetensiyalar markazi tashkil etiladi. U qidiruv ishlariga raqamli yechimlar, sun’iy intellekt va aero-geofizik texnologiyalarni joriy etadi. gazeta.uz »
2,1 mingdan ziyod davlat xizmatchisi shtati qisqartiriladi, avtomobilga gaz ballon o‘rnatilganidan so‘ng “texpasport”ni yangilash talab etilmaydi, Yagona portaldagi shaxsga doir ma’lumotlar ularning qog‘oz shakliga tenglashtiriladi - 1-noyabrdan kuchga kiradigan shu va boshqa qonunchilik o‘zgarishlari Gazeta sharhida. gazeta.uz »
“Yuksalish” raisi Bobur Bekmurodov O‘zbekistonga shaxsiy ehtiyoj uchun olib kiriladigan tovarlar bo‘yicha bojsiz normalar haqida gapirib, analogi yo‘q tovarlarga limit qo‘yish unchalik mantiqiy emasligini ta’kidladi. gazeta.uz »
O‘zbekistonda transport boshqarish uchun “A” va “B” toifasini olishga avtomaktablarda nazariy bilimlar o‘qish majburiy bo‘lmaydi. Imtihon topshirish o‘zi yetarli bo‘ladi. gazeta.uz »
O‘zbekistonda 2030-yilgacha kamida 10 ta islomiy bank paydo bo‘lishi kutilmoqda, deya ma’lum qildi MB raisi o‘rinbosari Abrorxo‘ja Turdaliyev. Shuningdek, an’anaviy banklarda “islomiy darchalar” yo‘lga qo‘yiladi. gazeta.uz »
Dushanba kechki payt Qoraqalpog‘istonda, seshanbada esa Buxoro, Navoiy, Qashqadaryo, Samarqand, Sirdaryo, Toshkent, Jizzax viloyatlari va Farg‘ona vodiysida yog‘ingarchiliklar bo‘lishi kutilyapti. Hafta boshida cho‘llarda kuchli shamol va chang to‘zonlar bo‘lishi, hafta davomida harorat foni juda yuqori qolishi aniq bo‘lmoqda. gazeta.uz »
Raqamli texnologiyalar vaziri Yevropaning SES provayderi bilan O‘zbekistonda sun’iy yo‘ldosh internet habini yaratish bo‘yicha kelishuv imzolanganini ma’lum qildi. Uning ta’kidlashicha, tizim nafaqat mamlakatning chekka hududlari, balki qo‘shni davlatlar bilan ham yuqori tezlikdagi aloqani ta’minlaydi. gazeta.uz »
O‘zbekiston transport vaziri Bryusselda Ahlers Logistics ijrochi direktori bilan uchrashib, mahalliy kompaniyalar hamkorligida zamonaviy logistika markazlari tashkil etish masalasini muhokama qildi. Avvalroq bu kompaniya Toshkent yaqinida omborxona majmuasi yoki logistika terminali qurishga qiziqish bildirgandi. gazeta.uz »
O‘zbekistonda YUNISEF va Fondazione Reggio Children ko‘magida Erta ta’lim bo‘yicha mintaqaviy tadqiqot va innovatsiya markazi tashkil etildi. Markaz bola shaxsiga yo‘naltirilgan sifatli ta’limni rag‘batlantiradi va bola hayotining dastlabki yillarida tanqidiy fikrlash va ijodkorlik ko‘nikmalarni mustahkamlaydi. gazeta.uz »
O‘zbekistonda 22-oktabr holatiga ko‘ra quyosh va shamol elektr stansiyalari tomonidan 2025-yilda ishlab chiqarilgan elektr energiyasi 9 mlrd kVt·soatga yetdi. Bu butun 2024-yilda shunday stansiyalarda ishlab chiqarilgan quvvatdan deyarli 2 karra ko‘p. gazeta.uz »
O‘zbekistonda 2025-yilning yanvar-sentabrida asosiy kapitalga 443,6 trln so‘mlik investitsiyalar o‘zlashtirildi - o‘tgan yil shu davridan 15,2% ko‘p. O‘sish sur’ati birinchi yarimyillikdagidan uch karra yuqori bo‘lgan bo‘lsa-da, ko‘rsatkich deyarli 39% oshgan o‘tgan yildagidan sezilarli darajada past. gazeta.uz »
Sentabr oyida yengil avtomobillar savdosi 84,6 ming donani tashkil etib, avgust oyiga nisbatan 6,4%ga kamaydi. Shu bilan birga, 7,8 ming dona elektromobil sotildi, bu avgust oyiga nisbatan 21,6 foizga ko‘pdir va rekord darajadagi ko‘rsatkich hisoblanadi. gazeta.uz »
O‘zbekistonda “Haj va Umra yagona portali” ishga tushirildi. Navbatda turgan fuqarolar ma’lumotlari xatlovdan o‘tkazilib, ushbu yagona portal tizimiga kiritildi. Talabgor fuqaro ikki xil usulda - my. gazeta.uz »
To‘qqiz oyda O‘zbekistonda valyutaga talab 42,7 mlrd dollargacha (+23,5%) oshdi, taklif esa 34,4 mlrd dollarni tashkil etdi (MB aralashuvlarisiz). Eksport, tashqi qarzlar va pul o‘tkazmalari valyutaning asosiy manbalari bo‘ldi. gazeta.uz »
Namangan va Toshkent viloyatlarida ikki qizchaga qilingan jinsiy zo‘ravonlikdan so‘ng pedofillarga og‘ir jazo tayinlash masalasi yana kun markaziga chiqdi. Tarmoq foydalanuvchilari o‘lim jazosini qaytarish, kastratsiya qilish, umrbodga qamashni ilgari surmoqda. Gazeta bu borada ekspertlar fikriga qiziqdi. gazeta.uz »
Sentabrda O‘zbekistonda uy-joy oldi-sotdisi yillik hisobda 13,7% ga, to‘qqiz oyda o‘tgan yilning mos davriga nisbatan 11,5% ga o‘sdi. Ikkilamchi uy-joy narxi o‘tgan yilning sentabriga nisbatan 4,6% ga oshdi. gazeta.uz »
O‘zbek tilidagi sport atamalarining izohli lug‘ati nashr etildi. Unda sport va sport tarixiga oid atamalar, sport anjomlari, tashkilotlar nomlari ham qamrab olingan. gazeta.uz »
O‘zbekistonda “Bir million o‘zbek dasturchisi” loyihasining mantiqiy davomi sifatida “Bir million sun’iy intellekt yetakchisi” loyihasi ham boshlandi. Bu yil 100 ming, kelasi yil 500 ming yoshlar o‘qitiladi. gazeta.uz »
O‘zbekistonda idoralararo ma’lumotlar bazalari elektron hukumat tizimining yagona data-markaziga birlashtiriladi. Ma’lumotlarni ko‘chirish 2025−2026-yillarda amalga oshirilishi reja qilinmoqda. gazeta.uz »
SI infratuzilmasiga 100 mln dollardan ortiq sarmoya kiritgan kompaniyalar uchun Qoraqalpog‘istonda elektr energiyasi narxi 5 sent etib belgilanadi (hozirda yuridik shaxslar uchun - 8,3 sent). 2026-yildan boshlab O‘zbekistonda olis hududlar uchun sun’iy yo‘ldosh internet operatorlari ishga tushadi, dedi prezident. gazeta.uz »
Prezident farmoni bilan favqulodda vaziyatlar xavfini bartaraf etish sohasiga sun’iy intellekt, robototexnika va zamonaviy raqamli texnologiyalar keng joriy etiladi. Shuningdek, aholi va hududlarni favqulodda vaziyatlardan muhofaza qilish konsepsiyasi doirasida davlat siyosatining vazifalari belgilandi. gazeta.uz »
Davlat loyihalarida mahalliy mahsulotlardan foydalanish bo‘yicha majburiy ulush belgilanadi: kabel va transformatorlar uchun 70%, nasoslar - 50%, boshqa elektrotexnika - 30%. Mis mahsulotlari ishlab chiqaruvchilarga 100 mln dollar ajratiladi va OKMKdan mis sotib olishda imtiyoz muddati uzaytiriladi. gazeta.uz »
Namanganda qizchaga nisbatan zo‘ravonlikdan so‘ng, quyi palata deputati Dilnoza Azizova bolalarga nisbatan har qanday jinsiy zo‘ravonlik uchun umrbod ozodlikdan mahrum qilish jazosi kiritishni taklif qildi. gazeta.uz »
Prezident Toshkentdagi East Can Solutions korxonasi bilan tanishdi. Bu yerda O‘zbekistonda ilk bor alyumin qadoq ishlab chiqarish yo‘lga qo‘yilgan, 2026-yilda esa ichimliklar quyishni boshlash rejalashtirilgan. gazeta.uz »
Jahon banki O‘zbekistonga islohotlarni qo‘llab-quvvatlash uchun 800 mln dollarli imtiyozli kreditlarni ma’qulladi. Kam ta’minlanganlarga gaz va elektr uchun kompensatsiya to‘lovini 270 ming so‘mdan 1 mln so‘mga oshirish, ayollarni ish joyida tazyiq va kamsitishlardan himoyalash, telekommunikatsiya shular jumlasidan. gazeta.uz »
XVJga ko‘ra, 2025-yilda O‘zbekistonda iqtisodiy o‘sish 6,8% darajasida bo‘lishi kutilmoqda, inflyatsiya esa Markaziy bank prognozi (8,7%)dan oshib, 9,1% ni tashkil etishi mumkin. 2026-yil uchun ham prognoz yaxshilangan: o‘sish ilgari taxmin qilingan 5,8% o‘rniga 6 foiz bo‘lishi kutilmoqda. gazeta.uz »
