çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston bosh vaziri Abdulla Aripov mamlakatda 2026-yilda sun’iy yo‘ldosh interneti sinov tariqasida ishga tushishini bildirdi. Hukumat rahbarining ma’lum qilishicha, uning operatorlari uchun soliq imtiyozlari paketi shakllantirilgan. gazeta.uz »
Markaziy bank turli banklar mijozlarining hisobvaraqlari o‘rtasida to‘g‘ridan-to‘g‘ri o‘tkazmalarni ta’minlovchi Account-to-Account (A-A) servisi ishga tushirilganini ma’lum qildi. Odatiy P2P o‘tkazmalaridan farqli o‘laroq, operatsiyalar kartaga bog‘lanmagan holda amalga oshiriladi. gazeta.uz »
1-apreldan O‘zbekistonda uy-joy va avtomobil xarid qilishda to‘lov eskrou hisobvaraqlar orqali o‘tkaziladi. Rasmiylarga ko‘ra, bu bitimlar xavfsizligini oshiradi, frod xavfini kamaytiradi. Bunda narxlar erkin belgilanadi. gazeta.uz »
O‘zbekistonda islom bankini joriy etish to‘g‘risidagi qonun qabul qilindi. U islomiy bank faoliyatini litsenziyalashni nazarda tutadi, islomiy operatsiyalar ro‘yxatini kiritadi va ularni soliqqa tortish xususiyatlarini aniqlashtiradi. gazeta.uz »
Prezident shaxsga doir ma’lumotlar to‘g‘risidagi qonun talablariga muvofiq, uni mamlakat tashqarisida qayta ishlashga ruxsat beruvchi tuzatishlarni imzoladi. Bu Apple Pay, Google Pay va PayPal tizimlari uchun yo‘l ochishi mumkin. gazeta.uz »
O‘zbekistonda san’atkorlarning barcha xizmatlarini (to‘ylardan tortib konsertlargacha) Soliq ilovasida majburiy ro‘yxatdan o‘tkazish rejalashtirilmoqda. Soliqlar “bir xizmat - bir to‘lov” tamoyili asosida, hatto bepul xizmat ko‘rsatilganda ham undiriladi. Huquqbuzarlik haqida xabar berganlar mukofotlanadi. gazeta.uz »
O‘zbekistonda nikohni bekor qilishda yarashish muddatini 1 yilgacha uzaytirish taklif qilinmoqda. Voyaga yetmagan farzandlari yo‘q oilalar ajrimini sudsiz, FHDYOda qayd etishi uchun ular kamida 1 yil nikohda bo‘lgan bo‘lishi talabi qo‘shilmoqda. Alimentning eng kam miqdorini oshirish ham reja qilingan. gazeta.uz »
Toshkentda Angliya huquqi qo‘llaniladigan xalqaro moliya markazi tashkil etiladi, u 2030-yilgacha $25 mlrd investitsiya jalb qilishi mumkin. IT-kompaniyalar uchun raqamli markazni ishga tushirish ham ko‘zda tutilgan. gazeta.uz »
O‘zbekistonda 2026-yilda kamida bitta tijorat bankida “islom darchasi”ni ishga tushirish, 2030-yilgacha esa ikkita to‘laqonli islom bankini tashkil etish rejalashtirilgan. Markaziy bank rahbariga ko‘ra, 10 dan ortiq banklar allaqachon ushbu yo‘nalishda ishlashga tayyorgarlik ko‘rishni boshlagan. gazeta.uz »
Shavkat Mirziyoyev Toshkent xalqaro moliya markazi, Enterprise Uzbekistan raqamli habini ochish va islom banki xizmatlarini joriy etish loyihalari bilan tanishdi. 2030-yilgacha moliya markazi 25 milliardgacha mablag‘ jalb qilishi, IT hab esa 300 mingtagacha ish o‘rni va 5 mlrd dollarlik eksportni ta’minlashi mumkin. gazeta.uz »
O‘zbekiston Markaziy banki naqd chet el valyutasini pasport ko‘rsatmasdan sotib olish limitini 100 dollardan 500 dollargacha oshirishni taklif qildi. Shuningdek, hisobraqam ochmasdan amalga oshiriladigan operatsiyalarda mijozlarni majburiy identifikatsiya qilish chegarasini pasaytirish ham rejalashtirilmoqda. gazeta.uz »
O‘zbekistonda yangi botanika bog‘lari va dendroparklar kamida 50 mingta daraxtdan iborat yaxlit yashil komplekslar sifatida barpo etiladi. Bunda ular hududida qurilish va attraksionlar taqiqlanadi, obyektlarning o‘zi esa umummilliy ahamiyatga ega maqomga ega bo‘lib, xususiylashtirilmaydi. gazeta.uz »
O‘zbekistonda masjidlar orqali favqulodda vaziyatlar haqida ogohlantirish tizimi joriy etildi. 272 ta masjidda uskunalar o‘rnatildi. Tizim 6,5 mln aholini qamrab oladi va aloqa yoki elektr uzilganda ham ishlaydi. gazeta.uz »
O‘zbekistonda fuqarolarga rasmiy platforma orqali xorijiy kompaniyalar aksiyalariga sarmoya kiritishga ruxsat berish rejalashtirilmoqda. ILMA ma’lumotlariga ko‘ra, “shubhali platformalar” orqali xorijga qariyb 180 million dollar olib chiqilgan. gazeta.uz »
Prezident kartoshka ekishda jiddiy kamchiliklarni qayd etdi: maydonlarning 55 foiziga kartoshka ekilmagan, 400 mlrd so‘mning atigi choragi o‘zlashtirilgan. Ekin maydonlari kengaytirilib, fermerlar Misr va Niderlandiyadan urug‘lik kartoshka bilan ta’minlanishi rejalashtirilmoqda. gazeta.uz »
Prezident O‘zbekiston, jumladan, Samarqandda turizmni rivojlantirish bo‘yicha vazifalar belgiladi. Xususan, aviakompaniyalarga olib kelingan har bir xorijiy sayyoh uchun 100 dollardan, turoperatorlarga esa 3 oy davomida jalb qilingan 1000 xorijiy turist uchun 5000 dollargacha subsidiya beriladi. gazeta.uz »
Prezident qarori bilan O‘zbekistonda Ramazon hayiti 20-mart kuni nishonlanadi. Joylarda Ramazon hayiti Navro‘z bayramiga uyg‘un holda madaniy-ma’rifiy hamda xayriya tadbirlar tashkil etiladi. gazeta.uz »
1-apreldan O‘zbekistonda uy-joy va avtomobil xarid qilishda hisob-kitoblar tartibi o‘zgaradi. Prezident farmoniga ko‘ra, bunday bitimlar naqdsiz shaklga o‘tkaziladi. Mablag‘lar eskrou hisobvaraqlarida saqlanib, bitim notarial tartibda rasmiylashtirilgandan keyingina sotuvchiga o‘tkaziladi. gazeta.uz »
O‘zbekistonda oziq-ovqat mahsulotlari xavfsizligi ustidan nazoratni yagona qo‘mita orqali amalga oshirish taklif etilmoqda. Yangi tizim fitosanitar, veterinariya va sanitariya nazoratini birlashtirishi mumkin. gazeta.uz »
O‘zbekistondagi metan zapravkalar ish faoliyatini 14-martdan boshlab bosqichma-bosqich qayta tiklaydi. 13-mart kuni esa metan zapravkalar faqat ijtimoiy soha obyektlariga xizmat ko‘rsatuvchi va jamoat transporti uchun faoliyat yuritadi. gazeta.uz »
O‘zbekistonda fevral oyida avtotransport savdosining umumiy hajmi 84,2 ming donani tashkil etib, 2025-yilning shu davriga nisbatan 6,4 foizga oshdi. Elektromobillar savdosi esa 6,9 ming donani tashkil etib, o‘tgan yilning fevral oyiga nisbatan 1,5 barobarga ko‘paydi. gazeta.uz »
O‘zbekistonda fosfogips chiqindilarini qayta ishlash va sulfat kislotasi ishlab chiqarish loyihasini yo‘lga qo‘yish ko‘zda tutilmoqda. “O‘zkimyosanoat” ma’lumotlariga ko‘ra, “Ammofos-Maksam” korxonasi atrofida 78 mln tonnaga yaqin ushbu turdagi chiqindilar to‘planib qolgan. gazeta.uz »
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan. gazeta.uz »
O‘zbekistonda majburiy ekspertiza faqat qiymati 15 mln dollardan yuqori bo‘lgan loyihalar uchun o‘tkaziladi. Ilgari korporativ buyurtmachilar uchun $5 mln, budjet buyurtmachilari uchun esa taxminan 1,6 mln dollarni tashkil etardi. gazeta.uz »
O‘zbekistonda voyaga yetgan, 2017-yilda fuqarolikdan chiqib, Isroil fuqaroligini olgan 62 yoshli Rustam Gulomov Yexud shahrida qurilish maydonida sodir bo‘lgan raketa hujumi oqibatida halok bo‘ldi. 11-mart holatiga ko‘ra, elchixonaga O‘zbekiston fuqarolari jarohat olgani haqida xabar kelib tushmagan. gazeta.uz »
O‘zbekistonda Janubiy Koreyaning kompaniyalari bilan hamkorlikda kimyo-texnologiya innovatsiya markazini tashkil etiladi. Markaz gaz va ko‘mir kimyosi, chuqur kimyoviy tahlil, sorbentlar, katalizatorlar, nano va kompozit materiallar kabi yo‘nalishlarda ilmiy tadqiqotlar olib borishga ixtisoslashadi. gazeta.uz »
O‘zbekistonda jinsiy erkinlik, oila va yoshlarga qarshi jinoyat sodir etgan shaxslar “jinoyatlar xaritasi” va maxsus reyestr yordamida monitoring qilinadi. Ular korreksiya dasturlaridan o‘tishga majbur bo‘ladi hamda voyaga yetmaganlar bilan aloqa mavjud bo‘lgan sohalarda ishlashi taqiqlanadi. gazeta.uz »
Prezident farmoni bilan farmatsevtika sohasida ishlab chiqarishni kengaytirish va ilmiy tadqiqotlarni qo‘llab-quvvatlashga qaratilgan yangi imtiyozlar joriy etildi. Ular soliq yengilliklari, bojxona preferensiyalari va xarajatlarni qisman qoplashni o‘z ichiga oladi. gazeta.uz »
O‘zbekistonda ikki oy ichida 45 ta uyushgan jinoiy guruh aniqlandi, deya ma’dum qildi IIV. 116 ta tovlamachilik, 315 ta qurolni noqonuniy saqlash, 86 ta qimorxona tashkil etish, 40 ta odam savdosi va 790 ta fohishaxona saqlash holatlari fosh etildi. Qidiruvda bo‘lgan 533 nafar shaxs qo‘lga olindi. gazeta.uz »
Prezident farmzonalar bo‘sh turgani va loyihalar yo‘qligi uchun hokimlarni tanqid qildi. 1-apreldan dori vositalari ishlab chiqaruvchilar, joylashgan manzilidan qat’i nazar, yer solig‘idan ozod qilinadi. gazeta.uz »
Prezident uy-joy taklifini oshirish va qurilishni jadallashtirishga qaratilgan farmonni imzoladi. Unga ko‘ra, ruxsat berish tartib-taomillari “qurilishga tayyor yer” mexanizmi orqali qisqartiriladi. gazeta.uz »
O‘zbekistonda 2026-yil uchun hisoblangan minimal iste’mol xarajatlari qiymati bir oyda kishi boshiga 715 ming so‘mni tashkil etdi (+6,9 foiz). O‘tgan yili bu miqdor 669 ming so‘m edi. Mamlakatda bu ko‘rsatkich kambag‘allik chegarasini aniqlashda ishlatiladi. gazeta.uz »
2026-yil 1-iyuldan O‘zbekistonda ipoteka omonatlari bo‘yicha tajriba mexanizmini ishga tushirish rejalashtirilmoqda. Ipoteka uchun subsidiya olgan fuqarolar kreditning boshlang‘ich to‘lovini shakllantirish maqsadida jamg‘arma depozitini ochishlari mumkin bo‘ladi. gazeta.uz »
O‘zbekistonda endi haydovchilik guvohnomasi yo‘q yoki ushbu huquqidan mahrum etilgan inson mashina boshqarsa, yo‘llardagi kameralar tomonidan aniqlanib, unga nisbatan onlayn ravishda chora ko‘riladi. gazeta.uz »
O‘zbekistonda zo‘ravonlikdan jabrlanganlar murojaat qilishi uchun yagona platforma yaratiladi. Nemolchi. uz asoschisi Irina Matviyenkoga ko‘ra, bu jabrlanuvchilarning qayta ruhiy jarohat olishining oldini oladi. gazeta.uz »
O‘zbekistonda xotin-qizlar va bolalarga nisbatan tazyiq va zo‘ravonlik uchun jazo kuchaytirilmoqda. Qonunchilikda femitsid, familitsid, stalking, kiberzo‘ravonlik va onlayn gruming uchun javobgarlik belgilanyapti. gazeta.uz »
Yaqin Sharqdagi geosiyosiy vaziyat sabab tranzit va tashqi savdoda qiyinchiliklar yuzaga keldi. Shu munosabat bilan Investitsiyalar, sanoat va savdo vazirligi eksportchi korxonalarni qo‘llab-quvvatlash uchun favqulodda yordam mexanizmini ishga tushirdi. gazeta.uz »
O‘zbekistonda jami 8,3 millionta xonadonlarda yashovchi aholi to‘liq ro‘yxatga olindi. Mart oyida 10 foizgacha qamrov asosida qayta o‘rganish rejalashtirilgan. Dastlabki natijalar 2026-yil 1-iyuliga qadar, yakuniysi esa 2027-yil 1-iyuliga qadar e’lon qilinadi. gazeta.uz »
O‘zbekiston milliy valyutasi fevralni dollarga nisbatan 88,59 so‘mga mustahkamlanish bilan yakunladi va yil boshidagi pasayishni qisman qopladi. Kursning o‘rtacha kunlik tebranishi 0,21% ni tashkil etdi - bu o‘tgan yilning may oyida valyuta koridori kengaytirila boshlaganidan beri eng past ko‘rsatkichdir. gazeta.uz »
O‘zbekistonda yanvar-fevral oylarida tezkor tadbirlar davomida 22 ta uyushgan narkoguruh faoliyatiga chek qo‘yildi. 8 ta narkolaboratoriya fosh etildi. 41 kg an’anaviy narkotik, 100 kilogrammdan ortiq sintetik narkotik, qariyb 200 ming dona psixotrop dori va 2 tonnaga yaqin prekursor musodara qilindi. gazeta.uz »
O‘zbekistonda qishki davr uchun gaz iste’molining bazaviy me’yori amal qilish muddati yakunlandi. Isitish mavsumi uchun belgilangan 500 kub metrlik limit o‘tgan yildagidek mart oyiga cho‘zilmadi. To‘ldirish: Qoraqalpog‘iston va Xorazmda bazaviy me’yor 15-martga qadar uzaytirildi. gazeta.uz »
O‘zbekistonda 4000 km magistral yo‘llar rekonstruksiya qilinib, “avtoban” darajasiga olib chiqiladi. Toshkent - Samarqand pulli trassasi qurilishi bo‘yicha xorijiy hamkor bilan sentabrgacha kelishuv imzolash, dekabrdan qurilishni boshlash rejalashtirilmoqda. gazeta.uz »
Amerikaning Gulf kompaniyasi O‘zbekistonda kamida 100 ta zapravka ochib, aviatsiya sohasiga qariyb 50 mln dollar yo‘naltirmoqchi. Kompaniya vitse-prezidentining aytishicha, ular yuqori sifatli yoqilg‘i bilan ta’minlanadi. gazeta.uz »
O‘zbekistonda elektromobil olish uchun kredit stavkalari 16 foizgacha tushiriladi (hozirda o‘rtacha 23 foiz), quvvatlash stansiyalari 4000 tagacha kengaytiriladi va elektromobildagi taksichilar uchun imtiyozlar beriladi. gazeta.uz »
O‘zbekistonda har oylik chegirmalarni pensiyaning 50 foizidan oshirmaslik va chegirma qo‘llangandan so‘ng daromadni kambag‘allik chegarasidan past tushirmaslik rejalashtirilmoqda. Shuningdek, pensiya yoshiga yetgan fuqarolarga jamg‘arma hisoblaridan mablag‘larni berish taklif etilmoqda. gazeta.uz »
O‘zbekistonda davlat xizmatchilari uchun 2 yillik “sovutish davri” joriy etilishi mumkin: ular ish ketganidan so‘ng avval nazorat qilgan tashkilotlarda ishlay olmaydilar. Shuningdek, “Korrupsiya xavflari xaritasi” tuziladi, “Toza biznes” dasturi amalga oshiriladi va antikorrupsiyaga oid boshqa tadbirlar ko‘riladi. gazeta.uz »
2026-yilda O‘zbekiston energiyadan oqilona foydalanish tizimiga o‘tadi. Jumladan, 917 mingta ko‘cha chiroqlarini modernizatsiya qilish hamda kichik va o‘rta korxonalarning energiya samaradorligini oshirish ko‘zda tutilgan. gazeta.uz »
Ramazon munosabati bilan ehtiyojmand oilalarga moddiy yordam, nogironligi bo‘lganlarga davolanish va operatsiya xarajatlari qoplanadi. “Vaqf” jamg‘armasiga 750 mlrd so‘m, Ijtimoiy himoya agentligi orqali 300 mlrd so‘m ajratiladi. gazeta.uz »
Yil boshidan quyosh va shamol stansiyalari 1 mlrd kVt/soat elektr ishlab chiqardi. GESlar bilan birgalikda bu ko‘rsatkich 1,57 mlrd kVt/soatni tashkil etdi. Natijada 400 mln kub gaz tejalib, atmosferaga 863 ming tonna zararli chiqindi chiqishining oldi olindi. gazeta.uz »
O‘zbekistonda sudyalarni tashkiliy ishlardan ozod etuvchi sud ma’murchiligi instituti joriy etiladi. Sudyalar oliy kengashi raisi Xolmo‘min Yodgorovning so‘zlariga ko‘ra, bunday amaliyot AQSh, Yevropa Ittifoqi, Singapur va Janubiy Koreyada muvaffaqiyatli qo‘llab kelinmoqda. gazeta.uz »
