çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda aholi uchun elektr energiyasi va gaz tariflarini navbatdagi marta oshirish masalasi ko‘rib chiqilmoqda. Tariflarni har yili 1-maydan boshlab inflyatsiyani hisobga olgan holda, biroq 10 foizdan oshirmasdan ko‘tarish rejalashtirilgan edi (mart oyida yillik inflyatsiya ko‘rsatkichi 7,1 foizgacha sekinlashgan). gazeta.uz »
Jizzax viloyatida atom elektr stansiyasi loyihasining birinchi bosqichi - har biri 55 MVt bo‘lgan ikkita kichik reaktor qurilishi 1 mlrd dollarga baholanmoqda. O‘zbekiston Savdo-sanoat palatasida ushbu loyiha mahalliy korxonalar mahsulotlariga va qo‘shimcha tarmoqlar xizmatlariga katta talab yaratishi kutilmoqda. gazeta.uz »
O‘zbekistonda mobil raqamni boshqa shaxs nomiga my.gov.uz orqali o‘tkazish mumkin bo‘ldi. 22-apreldan kuchga kiradigan o‘zgarishlarga ko‘ra, endi bank va to‘lov xizmatlari ilovalaridan foydalanishda telefon raqami karta egasiga rasmiylashtirilgan bo‘lishi kerak. Cheklovlar faqat yangi harakatlarda qo‘llanadi. gazeta.uz »
O‘zbekistonda portativ lazerli qurilmalardan noqonuniy foydalanish uchun jarimalar joriy etildi. Qoidabuzarliklar uchun 20,6 mln so‘mgacha jarima va musodara belgilandi. Qonun jamoat xavfsizligi va parvozlar xavfsizligini ta’minlashga qaratilgan. gazeta.uz »
O‘zbekistonda neft-gaz sohasidagi xorijiy kompaniyalar va qo‘shma korxonalar tomonidan litsenziya shartlari hamda loyiha hujjatlari qanday bajarilayotgani o‘rganilmoqda. “O‘zbekneftgaz” bosh geologiga ko‘ra, geologik-qidiruv ishlari bo‘yicha majburiyatlar va qazib olish ko‘rsatkichlari o‘rganiladi. gazeta.uz »
O‘zbekistonda sovuq qurolni olib yurish bilan bog‘liq huquqbuzarlikni bir yil davomida takroran sodir etganlik uchun 10 BHM (4,12 mln so‘m)gacha jarima yoki 15 sutkagacha ma’muriy qamoq jazosi qo‘llanadi. gazeta.uz »
O‘zbekistonda soliq va yig‘imlardan bo‘yin tovlaganlik uchun javobgarlik choralari kuchaytirildi. Xususan, ushbu jinoyatni juda ko‘p miqdorda sodir etgan shaxs yetti yilgacha ozodlikdan mahrum qilinishi mumkin. gazeta.uz »
O‘zbekistonda volontyorlar va ko‘ngilli qutqaruvchilar “Favqulodda vaziyatlar volontyori” jamoatchilik guruhlariga jalb etiladi. Ularga berilgan tavsiyanoma asosida FVV akademiyasiga o‘qishga kirishda o‘zlari to‘plagan ballarning 5 foizi miqdorida qo‘shimcha ball berish ko‘zda tutilmoqda. gazeta.uz »
Hans Kristian Andersen nomidagi xalqaro mukofotning 2026-yilgi g‘oliblari bolalar yozuvchisi Maykl Rozen (Buyuk Britaniya) va illyustrator Say Gao (Xitoy) bo‘ldi. Yozuvchi Dinara Mo‘minova ushbu voqeaning ahamiyati, sovrindorlar kitoblarini o‘zbek tiliga tarjima qilish nima uchun zarurligi xususida so‘z yuritadi. gazeta.uz »
18-maygacha O‘zbekistonda chorvachilikda sanitariya-gigiyena tadbirlari kuchaytiriladi. Qishloq xo‘jaligi vazirligi dunyoda oqsil (yashur)ning yangi tiplari tarqalayotgani sababli fermerlarni veterinariya talablariga rioya qilishga chaqirdi. gazeta.uz »
Prezident ijtimoiy himoya tizimini takomillashtirishga qaratilgan takliflar bilan tanishdi. Unga ko‘ra, 2026-yil 1-sentabrdan 18 yoshdan katta chuqur aqliy zaif shaxslarning parvarishlovchilari uchun oylik nafaqa to‘lash, rivojlanishida nuqsonli bolalar uchun “Erta aralashuv” xizmati yo‘lga qo‘yiladi. gazeta.uz »
2026-yil birinchi choragida litsenziyasiz faoliyat yuritgan 25 ta dorixona aniqlanib, javobgarlikka tortildi. Eng ko‘p holat Samarqandda qayd etildi. Qonunga ko‘ra, bunday holatlar uchun yuridik shaxslarga BHMning 300 baravarigacha (123,6 mln so‘m) jarima qo‘llanadi. gazeta.uz »
9-may - Xotira va qadrlash kuni munosabati bilan Ikkinchi jahon urushi qatnashchilari va nogironlarining har biriga 30 mln so‘mdan bir martalik mukofot puli beriladi. gazeta.uz »
XVJ O‘zbekistonga aksiz soliqlarini oshirish va ayrim soliq imtiyozlaridan voz kechishni tavsiya qildi. Jamg‘armaga ko‘ra, bu choralar budjetga YAIMning bir necha foizigacha qo‘shimcha daromad keltirishi hamda aholining ta’lim, tibbiyot va infratuzilmaga bo‘lgan ehtiyojlarini qoplashi mumkin. gazeta.uz »
O‘zbekistonda tadbirkorlar jarimaning 50 foizini 1 oy ichida ixtiyoriy ravishda to‘lasa, qolgan qismidan ozod etiladi. 1-oktabrdan ko‘zda tutilayotgan tartib bilan, shuningdek, jarimalarni 6 oy davomida bo‘lib to‘lash mumkin bo‘ladi. gazeta.uz »
2026-yilning 3 oyida O‘zbekistonda 1102 ta YTHda 346 kishi vafot etdi. Tahlillarga ko‘ra, YTHlarning 32,9 foizi belgilangan tezlikka rioya etmaslik, 22,4 foizi svetofor talablariga amal qilmaslik, 13,6 foizi haydovchilar tomonidan piyodaga yo‘l bermaslik oqibatida sodir bo‘lgan. gazeta.uz »
2025-yil yakunlariga ko‘ra, O‘zbekistonda ijara stavkalari dollar hisobida 8,3% ga oshdi. Toshkentda yer uchastkalari narxi 9,4% ga arzonlab, bir sotix uchun 319 mln so‘mni tashkil etdi. Markaziy bank buni shahar chekkasidagi yer uchastkalari ulushi ortgani va markaziy tumanlarda taklif qisqargani bilan izohladi. gazeta.uz »
O‘zbekistonda davlat granti asosida ta’lim olayotgan 1 nafar talabani o‘qitish xarajatlari miqdorini shakllantirish tartibi o‘zgaradi. Unda professor-o‘qituvchiga to‘g‘ri keladigan o‘rtacha talabalar soni nisbati, ta’lim sohasi murakkabligi va oliy ta’lim tashkilotining maqomi inobatga olinadi. gazeta.uz »
O‘zbekistonda hozir 49 ta jazoni ijro etish muassasasida jami 47 432 nafar mahkum jazo o‘tamoqda. IIV vakili Otabek Satimbayevga ko‘ra, bu statistik ma’lumotlar sir hisoblanmaydi. “Yopiq turdagi koloniyalarimizda 26 mingga yaqin, manzil-koloniyalarda esa 11 mingdan ortiq mahkum bor”, - deydi u. gazeta.uz »
O‘zbekistonda yanvar-mart oylarida 670 ta uyushgan jinoyatlar aniqlandi. Xususan, 80 ta uyushgan guruh fosh etilib, 211 nafar shaxs qo‘lga olindi. IIV vakiliga ko‘ra, 18 mingdan ortiq kiberjinoyat sodir etilgan bo‘lsa, giyohvandlik vositalarining noqonuniy muomalasi bilan bog‘liq 4 mingta jinoyat ishi qo‘zg‘atildi. gazeta.uz »
Hafta boshidagi issiq va quruq havo chorshanbadan sezilarli salqin, yomg‘irli va bulutli ob-havo bilan o‘rin almashadi. Dushanba, seshanba kunlaridagi +29…+32 darajali haroratlar chorshanba, juma kunlari +15…+20 darajaga o‘zgaradi. Hafta o‘rtasida cho‘l hududlarida kuchli shamollar esadi. gazeta.uz »
Deputatlar jinsiy erkinlikka qarshi jinoyatlar va odam o‘limiga sabab bo‘ladigan ayrim ishlarni tergov qilish vakolatini prokuraturaga o‘tkazish haqidagi qonunni qabul qildi. Shuningdek, voyaga yetmaganlarni nomusiga tegishda ayblangan mahbuslarni manzil-koloniyalarga o‘tkazmaslik ko‘zda tutilmoqda. gazeta.uz »
Deputatlar ekstremistik jinoyatlar ro‘yxatini kengaytirishni nazarda tutuvchi qonun loyihasini birinchi o‘qishda qabul qildi. Shuningdek, “norasmiy tashkilotlar”ni ekstremistik deb topish mexanizmini joriy etish va sohadagi javobgarlikni qisman liberallashtirish rejalashtirilmoqda. gazeta.uz »
O‘zbekistonda onlayn kameralar orqali 3 oyda chiqindilarni noqonuniy tashlash bo‘yicha 2107 ta holat aniqlandi. Ularning 322 tasida jarima qo‘llandi, qolganlari bo‘yicha choralar ko‘rilmoqda. Respublika bo‘ylab qariyb 700 ta kamera o‘rnatilgan. gazeta.uz »
1-apreldan YAIDXP orqali yo‘l harakati qoidabuzarliklari uchun javobgarlikni amaldagi haydovchiga masofadan biriktirish xizmati ishga tushirildi. Avtomobil egasi portal orqali ariza berishi kerak, shunda kameralar qayd etgan jarimalar rulda bo‘lgan shaxsga rasmiylashtiriladi. Xizmat pulli. gazeta.uz »
O‘zbekistonda elektron tijoratni rivojlantirish maqsadida import tovarlar uchun bojxona to‘lovlarini sotuv amalga oshirilgan vaqtda to‘lash tizimi joriy etiladi. Bunday tovarlar bond omborlarida saqlanadi. gazeta.uz »
O‘zbekistonda Noolimpiya sport turlari konfederatsiyasi tuziladi. Poytaxtdagi 7 ta oliy sport mahorati maktabi tugatilib, Olimpiya terma jamoalari markazi tashkil qilinadi. Gersen nomidagi Rossiya pedagogika universitetining Toshkent filiali inklyuziv sport bo‘yicha tayanch oliygohga aylanadi. gazeta.uz »
2025 éèëäà ¡çáåêèñòîíäà àñîñèé êàïèòàëãà èíâåñòèöèÿëàð 591,1 òðèëëèîí ñ¢ìãà åòäè. ru.sputniknews-uz.com »
O‘zbekistonda “100 ta mahsulot akseleratori” dasturi ishga tushirildi. U eksport salohiyatiga ega 100 ta mahsulotni tanlab, ularni xalqaro bozorlarga olib chiqishga qaratilgan. Ishtirokchilarga sertifikatlash, logistika va marketing bo‘yicha ko‘mak beriladi. gazeta.uz »
Odam savdosi, jinsiy ekspluatatsiya va zo‘ravonlikda ayblanayotgan Endryu Teyt, shuningdek, uning ukasi Tristan Teytning O‘zbekistonda tantanali kutib olinishi jamoatchilik tanqidiga sabab bo‘ldi. Gazeta Endryu Teyt shaxsi hamda aka-ukalarga e’lon qilingan ayblovlar bo‘yicha obzor tayyorladi. gazeta.uz »
22-apreldan boshlab O‘zbekistondagi bank ilovalari va to‘lov servislarida operatsiyalarni amalga oshirishda majburiy identifikatsiya, telefon raqamni JSHSHIR orqali tekshirish va boshqa talablar qo‘llaniladi. gazeta.uz »
2025-yil va 2026-yil boshidan buyon Raqobat qo‘mitasi yangi uylar sifati va ularning o‘z muddatida topshirilmasligi bilan bog‘liq 2057 ta murojaatni ko‘rib chiqqan. Shikoyatlarning 74,3 foizi qanoatlantirilgan, qo‘mita fuqarolarga qariyb 24,4 mlrd so‘mni qaytarishga yordam bergan. gazeta.uz »
O‘zbekiston Jizzax viloyatidagi AES loyihasi uchun Belarus mutaxassislarini “neytral” maslahatchilar sifatida jalb qilishi mumkin. Bu masala Minskda bosh vazir o‘rinbosari Achilbay Ramatov ishtirokida muhokama qilindi. gazeta.uz »
O‘zbekistonda kompaniyalar xodimlar uchun sport zallari va maydonchalarini qurish xarajatlarini foyda solig‘i bazasidan chegira oladi, jalb qilinadigan murabbiylar uchun esa 1 foiz soliq stavkasi joriy etiladi. gazeta.uz »
Senat ekologiya, atrof-muhitni muhofaza qilish sohasidagi huquqbuzarliklarni sodir etganlik uchun yuridik shaxslarga nisbatan moliyaviy sanksiyalar belgilashni ma’qulladi. Xususan, sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Prezident futbol o‘yinlarini kechki payt va dam olish kunlariga ko‘chirish orqali tomoshabinlar tashrifini oshirish bo‘yicha topshiriq berdi. Sportni daromad keltiradigan tarmoqqa aylantirish maqsadida stadionlar atrofida xizmatlarni rivojlantirish va muxlislar uchun maxsus turpaketlar yo‘lga qo‘yish reja qilinmoqda. gazeta.uz »
O‘zbekistonda pulli yo‘llar tariflari masofa, hudud va transport turiga qarab belgilanadi, deya ma’lum qildi Avtomobil yo‘llari qo‘mitasi raisi Jamshid Tursunov. Uning so‘zlariga ko‘ra, bunday yo‘llar operatorlari yuqori talab yoki noqulay ob-havo sharoitida tariflarni o‘z xohishiga ko‘ra oshira olmaydi. gazeta.uz »
O‘zbekiston va Pokiston onkologik va yurak-qon tomir kasalliklarini davolash uchun yuqori texnologiyali dori vositalarini ishlab chiqarishni muhokama qildi. The Searle Company Limited O‘zbekistonda korxona tashkil etishni ko‘rib chiqmoqda. gazeta.uz »
O‘zbekistonda soliq tushumlarini oshirish maqsadida raqamli tahlil, sun’iy intellekt va “aqlli” nazorat tizimlarini joriy etish rejalashtirilmoqda. Bu yil hukumat P2P tranzaksiyalari monitoringi, markirovka va yashirin iqtisodiyotni qisqartirish hisobiga qo‘shimcha 30 trillion so‘m tushum olishni ko‘zlamoqda. gazeta.uz »
Martda O‘zbekistonda inflyatsiya 0,6 foizni tashkil etdi, narxlarning yillik o‘sishi 7,1 foizgacha sekinlashdi. Oziq-ovqat narxlari boshqa tovarlar narxlariga nisbatan tezroq o‘sishda davom etmoqda: kartoshka 9,8 foizga, tuxum 2,1 foizga, go‘sht 1,8 foizga, shakar 1,7 foizga, o‘simlik yog‘i esa 0,9 foizga qimmatlashdi. gazeta.uz »
O‘zbekistonda joriy hafta boshi va oxirlarida yuqori namgarchilik kuzatiladi. Chorshanba va juma kunlari vodiy viloyatlaridan tashqari boshqa yerlarda asosan quruq va issiq havo kutilmoqda. Hafta boshida kunduzlari maksimal harorat +15…+17 darajadan ko‘tarilmaydi. gazeta.uz »
Faoliyat yuritmayotgan va tugatilgan kompaniyalar soni ortib borayotgani sabab hukumat to‘lovga qobiliyatsizlik institutini yangilamoqchi. Bunda To‘lovga qobiliyatsizlik ishlari bo‘yicha agentlik tuzish, soha bo‘yicha elektron platformani ishga tushirish, shuningdek, sanatsiya mexanizmlarini kengaytirish ko‘zda tutilgan. gazeta.uz »
Adliya vazirligi yangilangan yong‘in xavfsizligi talablarini ro‘yxatdan o‘tkazdi. 28 metrgacha bo‘lgan binolarni pardozlashda faqat yonuvchanlik darajasi past materiallardan foydalanish mumkin. Undan baland binolarda, ta’lim va tibbiyot muassasalarida esa balandligidan qat’iy nazar, ularni qo‘llash taqiqlanadi. gazeta.uz »
O‘zbekistonda endi avtomototransport vositasini ro‘yxatdan o‘tkazish haqidagi guvohnomani (“texpasport”) har 5 yilda almashtirish majburiy bo‘ladi. Avval guvohnoma muddati chegaralanmagan, faqat transport egasi yoki egasining uy manzili o‘zgarsa qayta rasmiylashtirilar edi. gazeta.uz »
Raqobat qo‘mitasi so‘roviga asosan Transport vazirligi temiryo‘l tashish qoidalarining yangi tahririni ishlab chiqmoqda. Unga ko‘ra, nafaqat “Afrosiyob”, balki oddiy va tezyurar poyezdlar kechikkani uchun ham yo‘lovchilarga chipta narxining 100 foizigacha miqdorda pul qaytarib berilishi belgilanmoqda. gazeta.uz »
O‘zbekistonda yaqin besh yilga mo‘ljallangan “Toza havo” umummilliy loyihasi ishga tushirilmoqda. Asosiy maqsadlar sanoat va energetika obyektlari, qurilish sohasi hamda transport chiqindilarini kamaytirish, shuningdek, tabiiy chang hosil bo‘lishini nazorat qilishdan iboart. gazeta.uz »
1-apreldan ayrim tovar va xizmatlar uchun naqd pul bilan to‘lash mumkin emas - jumladan, alkogol va tamaki, 25 mln so‘mdan oshiq xaridlar uchun va yonilg‘i shoxobchalarida. Bunda kassada “naqd” tugmasi o‘chadi. gazeta.uz »
Toshkentda yangi sanoat zonalarini tashkil qilishga muddatsiz moratoriy joriy qilinadi, uy-joy va avtomobil xaridlari naqdsiz shaklga o‘tkaziladi, jarima ballarini kamera va radarlar orqali hisoblash boshlanadi - 1-apreldan kuchga kiradigan shu va boshqa qonunchilik o‘zgarishlari Gazeta sharhida. gazeta.uz »
Raqobat qo‘mitasi gaz tanqisligi davrida birjada narx manipulyatsiyalarini aniqladi. Narxlarni sun’iy ravishda oshirish va o‘zaro kelishilgan harakatlar uchun 31 ta kompaniya jazolandi. 28,9 mlrd so‘mlik jarimalardan tashqari, budjetga 34,1 mlrd so‘m miqdoridagi asossiz daromadni undirish rejalashtirilmoqda. gazeta.uz »
O‘zbekistonda hafta davomida +30 darajagacha issiq va nam havo kuzatilishi kutilmoqda. Shimolda anomal issiqlik, boshqa hududlarda esa qisqa muddatli jala va chaqmoqlar bo‘lishi mumkin. Dim havo va harorat o‘zgarishining salomatlikka ta’sir qilish ehtimoli bor. gazeta.uz »
