çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
2026-yil 1-avgustdan 2028-yilgacha O‘zbekistonda yo‘qolib ketish xavfi yuqori bo‘lgan yovvoyi hayvonlarni ovlash taqiqlanadi. Ovchilar uchun esa muqobil sifatida o‘q otish poligonlarida mashg‘ulotlar yo‘lga qo‘yiladi. gazeta.uz »
OTM bitiruvchilarini ish bilan ta’minlagan tadbirkorlar uchun yosh mutaxassisga to‘lanadigan daromad va ijtimoiy soliqlar stavkasi bir yil muddatga 1 foizgacha pasaytiriladi. Shuningdek, “Yoshlar mini-franshizasi” dasturi hamda “Kafolatlangan birinchi qadam” to‘plamini ishga tushirish rejalashtirilmoqda. gazeta.uz »
O‘zbekistonda xalqaro kasb sertifikatini olgan yoshlarga imtihon xarajatlari qoplab beriladi. Shuningdek, xususiy texnikumlarga davlat granti ajratiladi, xalqaro kasb tanlovlari g‘oliblari 100 mln so‘mgacha mukofotlanadi va “kasb vaucheri” tizimi joriy etiladi. gazeta.uz »
Iyun oyida so‘m dollarga nisbatan 0,5 foizga zaiflashib, bir dollar uchun 12 060,84 so‘mni tashkil etdi. Bunda yil boshidan buyon milliy valyuta bor-yo‘g‘i 0,3 foizga arzonlashgan. Iqtisodchi Mirkomil Xolboyev ta’kidlashicha, jahonda dollar mustahkamlanishi fonida so‘m eng kam qadrsizlangan valyutalar qatorida bo‘ldi. gazeta.uz »
Uzbekistan Airports AQShdan bepul 12 ta LEIDOS gaz analizatorini qabul qilib oldi. Yangi avlod texnik vositalari mamlakatning barcha xalqaro aeroportlarida qo‘llanadi hamda yuklar, pochta va bagajlarni ko‘zdan kechirishda portlovchi moddalar izlarini aniqlish imkonini beradi. gazeta.uz »
O‘zbekistonda elektromobillar bir yil ichida 65,2 mingtadan 109,2 mingtaga ko‘paydi. Toshkent shahri yetakchilikni saqlab qolmoqda, bu yerda 80 mingga yaqin elektromobil ro‘yxatga olingan (umumiy sonning 73 foizi). gazeta.uz »
O‘zbekistonda 16 yoshga to‘lmagan bolalarning tarmoqlardan foydalanishini cheklash reja qilinyapti. Maktab ta’limi vaziri E’zozxon Karimovaning Gazeta`ga aytishicha, ushbu masala bo‘yicha qonun loyihasini ishlab chiqib, jamoatchilik muhokamasiga qo‘yish ko‘zda tutilmoqda. “Bu tartib bizda ham bo‘lishi kerak”, - deydi u. gazeta.uz »
O‘zbekistonda yashirin iqtisodiyotga qarshi kurash uchun “Yashirin iqtisodiyot xaritasi” platformasi bosqichma-bosqich ishga tushiriladi. U 22 ta tarmoq, 85 ta soha va barcha hududlar kesimida xavflarni aniqlab, budjet yo‘qotishlarini hisoblab boradi. gazeta.uz »
Blogerlar va aholi TLScontact orqali Fransiya vizasini olish uchun navbatga yozilish qiyinligidan shikoyat qildi. Ularga ko‘ra, bo‘sh slotlar oylab mavjud emas, vositachilar esa navbatga yozib qo‘yishni 500 dollargacha bo‘lgan summa evaziga taklif qilmoqda. gazeta.uz »
425 ta tashkilot jamoat ahamiyatiga ega kompaniyalar reyestriga kiritildi. Ular uchun moliyaviy hisobot, audit va axborotni oshkor etish bo‘yicha alohida talablar joriy etilmoqda. Reyestrda Korzinka, Uzum, Click, Payme, Artel, Akfa, SEG kabilar bor, biroq bozordagi ayrim yirik ishtirokchilar unga kiritilmagan. gazeta.uz »
2027-yildan O‘zbekistonda saratonga qarshi kurashish milliy dasturi joriy etiladi. Eng ko‘p uchraydigan saraton turlari bo‘yicha skrininglar kengaytiriladi, erta aniqlash ko‘rsatkichlari oshiriladi. gazeta.uz »
Prezident yirik loyihalarga import va mahalliy qurilish materiallari yetkazib berish uchun QQS bo‘yicha teng shartlarni joriy etish bo‘yicha qaror loyihasini tayyorlashni topshirdi. Sotuvda qiyinchilikka duch kelayotgan 457 ta korxonani moliyaviy sog‘lomlashtirish uchun 50 mln dollar yo‘naltiriladi. gazeta.uz »
Fransiyaning Voltalia kompaniyasi Toshkent viloyatida quyosh elektr stansiyasi qurilishini boshladi. Quvvati 500 kVt bo‘lgan ushbu stansiya agrovoltaika loyihasi doirasida barpo etilmoqda. gazeta.uz »
BP xalqaro neft-gaz kompaniyasi SOCAR bilan birgalikda Ustyurt platosi shimoli-sharqida 3000 kv km maydonda seysmik tasvirga olish ishlarini o‘tkazdi. Keyingi bosqich - ma’lumotlarni o‘rganish va katta sarmoya talab qiladigan burg‘ilash ishlari. BP O‘zbekistonda “ko‘p neft va gaz” topishga umid qilmoqda. gazeta.uz »
Mahallalarga 300 mlrd so‘mdan ziyod qo‘shimcha doimiy daromad manbalari yaratiladi. Ularning budjetlariga sanitariya va noqonuniy qurilish bo‘yicha jarimalarning va soliqlarning bir qismi yo‘naltiriladi. gazeta.uz »
O‘zbekistonda korrupsiyaga oid jinoyat qilganlar reyestri yuritiladi. Reyestrga kiritilganlar davlat xizmati, davlat xaridlari, davlat-xususiy sheriklik loyihalari va qator rahbarlik lavozimlarida faoliyat yuritish huquqidan mahrum bo‘ladi. gazeta.uz »
O‘zbekistonda istalgan bank yoki to‘lov servisi orqali to‘lovlarni qabul qilish imkonini beruvchi UzQR tizimi ish boshladi. 1-iyuldan bunday QR kod majburiy bo‘ladi. Tizim orqali to‘lovlarni amalga oshirishda komissiyalar mavjud: sotuvchi uchun 0,65 foiz va ayrim hollarda xaridor uchun 1 foizgacha. gazeta.uz »
Prezident xususiy kasbiy ta’limni rivojlantirish to‘g‘risidagi taqdimot bilan tanishdi. Xususan, bunday yuridik shaxslar uchun asbob-uskuna va jihozlarni bojxona bojidan ozod qilish va xorijiy o‘qituvchilar, mutaxassis va ustalar uchun ijtimoiy soliq stavkasini 1 foiz etib belgilash taklif qilindi. gazeta.uz »
Amerikaning Amazon Leo kompaniyasi va Uz-Sat korxonasi O‘zbekistonda yuqori tezlikdagi sun’iy yo‘ldosh interneti xizmatlarini taqdim etish bo‘yicha kelishuv imzoladi. Servis shaharlarda va infratuzilma cheklangan yoki mavjud bo‘lmagan chekka tumanlarda ham tarmoqqa ulanish imkonini ta’minlashi kerak. gazeta.uz »
Xorijiy investorlar kengashi yig‘ilishida prezident maxsus iqtisodiy zonalar to‘g‘risidagi qonunning qabul qilinishini tezlashtirishni topshirdi. IFC direktori Liza Kestner O‘zbekiston yangi avlod MIZlarini yarata olishini ta’kidlab, Toshkent yaqinida va Sirdaryoda ikkita istiqbolli maydon taklif etdi. gazeta.uz »
O‘zbekistonda bolalarni tashish qoidalarini buzganlik uchun ma’muriy javobgarlik joriy etilishi mumkin. Jarima 50 BHMgacha bo‘ladi, haydovchilar 3 yilgacha “prava"dan mahrum qilinadi. Hozir bunday holatlar odam tashish qoidalarini buzish moddasi bo‘yicha ko‘riladi, unda 2 BHM jarima ko‘zda tutilgan. gazeta.uz »
Islomiy banking to‘g‘risidagi qonun dual model - to‘liq islomiy banklar va an’anaviy banklardagi islomiy darchalarni joriy etadi, dedi MB raisi o‘rinbosari. Regulyator islomiy moliya bo‘yicha 7 tacha standart ishlab chiqadi va sukuk (obligatsiyalarning islomiy muqobili) uchun huquqiy baza yaratadi. gazeta.uz »
Mumtoz maqom ijrochisi, professor, O‘zbekistonda xizmat ko‘rsatgan artist Xadiya Yusupova 87 yoshida vafot etdi. U Yunus Rajabiy rahbarligida tashkil etilgan “Maqom” ansambli tarkibida faoliyat yuritgan. gazeta.uz »
Kredit stavkalarini pasaytirish sekin va bosqichma-bosqich kechadigan jarayon, deya ma’lum qildi MB rahbari Timur Ishmetov. Unga ko‘ra, kredit stavkalari inflyatsiya, inflyatsion kutilmalar, resurs qiymati va moliyaviy risklarga bog‘liq, depozitlarning yuqori stavkalari kreditlar narxiga bevosita ta’sir ko‘rsatadi. gazeta.uz »
Sanepidqo‘m rahbari birinchi o‘rinbosari Nurmat Atabekov turar joy hududlari uchun shovqin me’yori kunduzi 45 dB, kechasi esa 35 dB ekanini aytdi. Senator Oral Ataniyazova shovqinning zararli ta’siri qanday aniqlanishi va oddiy odam uni qanday o‘lchashi haqida so‘radi. U qonundagi kamchiliklarga ham to‘xtaldi. gazeta.uz »
O‘zbekistonda giyohvandlik vositalari va psixotrop moddalar bilan bog‘liq ayrim jinoyatlar uchun alohida javobgarliklar belgilandi. Xususan, narkolaboratoriya tashkil etish 5 yildan 10 yilgacha, ularning qonunga xilof muomalasiga homiylik qilish 5 yildan 8 yilgacha ozodlikdan mahrum qilish bilan jazolanadi. gazeta.uz »
O‘zbekistonda ayrim qo‘pol yo‘l harakati qoidabuzarliklari uchun avtomobilni vaqtincha olib qo‘yish, ayrim hollarda esa musodara qilish choralarini joriy etish taklif qilindi. Shuningdek, voyaga yetmaganlarga transportni boshqarishga ruxsat berganlik uchun jinoiy javobgarlik belgilanishi mumkin. gazeta.uz »
O‘zbekistonda voyaga yetmaganlarga avtomobil boshqarishga ruxsat berganlik uchun javobgarlikni kuchaytirish taklif etildi. Prezident huzurida o‘tkazilgan taqdimotda bunday holatlar og‘ir oqibatli yo‘l-transport hodisalariga sabab bo‘layotgani qayd etildi. gazeta.uz »
Aprel oyida O‘zbekiston banklari so‘mdagi omonatlarning deyarli barcha segmentlari bo‘yicha stavkalarni pasaytirdi. O‘rtacha stavka yillik 17,4% ni tashkil etdi. Bu 2022-yilning qishidan buyon eng past ko‘rsatkich. gazeta.uz »
O‘zbekistonda internet orqali narkotik moddalar aylanmasini cheklashga qaratilgan yangi qonunchilik choralari joriy etiladi. Loyiha doirasida narkojinoyatlarga qarshi kurashda 14 ta davlat organining vakolatlari belgilanadi, barcha jarayonlar elektron nazorat tizimiga o‘tkaziladi. gazeta.uz »
O‘zbekistonda ish tashlashni e’lon qilish va o‘tkazish tartibi belgilandi. Ish tashlashni faqat jamoaviy mehnat nizosini hal etib bo‘lmagan holdagina amalga oshirish mumkin. Bunda qarorni xodimlarning yarmidan ko‘pi qo‘llab-quvvatlashi va u kamida bir oy oldin qabul qilinishi shart. gazeta.uz »
2027-yildan O‘zbekistonda saratonga qarshi kurashish bo‘yicha Milliy dastur amalga oshiriladi. Unda skrining qamrovini 60 foizga, bemorlarning besh yillik yashab qolish darajasini 45 foizga yetkazish, shuningdek, eskirgan kobaltli uskunalarni zamonaviy chiziqli tezlatgichlarga almashtirish ko‘zda tutilgan. gazeta.uz »
O‘zbekistonda amalda ikkita soliq tizimi yuzaga kelgan: umumiy stavkalarga asoslangan hamda imtiyozlar va maxsus rejimlar. Mutaxassis Behzodxon Alixonov bu istisnolar raqobatga qanday ta’sir ko‘rsatishi, islohotlarning keyingi bosqichi nima uchun biznesga teng sharoitlar yaratishi zarurligini tahlil qiladi. gazeta.uz »
O‘zbekistonda noqonuniy va ruxsatsiz qurilishlar uchun moliyaviy sanksiyalarni kuchaytirish taklif qilindi. 2025-yilda 1952 ta noqonuniy qurilish aniqlangan. Prezidentga bosh rejalar bilan ishlashning yangi tizimi, shaharsozlik hujjatlarining yagona elektron reyestrini yaratish bo‘yicha takliflar ham taqdim etildi. gazeta.uz »
Prezident shaharsozlik renovatsiyasi to‘g‘risidagi qonunni imzoladi. Hujjat eski uy-joy fondini yangilash, renovatsiya hududlarini belgilash, aholining roziligini olish, kompensatsiya to‘lash va ko‘chirishni tartibga soladi. gazeta.uz »
Deputatlar hududlarda dori vositalaridagi uzilishlar va davlat tibbiy sug‘urtasi tizimini to‘liq ishga tushirish muddatlari masalasini ko‘tardi. SSVga ko‘ra, sug‘urta modeliga o‘tish uzoq jarayon bo‘lib, islohotning maqsadi “mablag‘lar tibbiyot muassasasi emas, fuqarolar orqasidan yuradigan” tizim yaratishdir. gazeta.uz »
Deputatlar kambag‘allikni qisqartirish va xotin-qizlarga subsidiyalar uchun ajratilgan mablag‘lar to‘liq o‘zlashtirilmaganini tanqid qildi. Bandlik vazirligi buni jamg‘armalarning birlashtirilishi, to‘lovlarning raqamlashtirilishi hamda subsidiyalarning bir qismidan foizsiz kreditlarga o‘tilgani bilan izohladi. gazeta.uz »
O‘zbekistonda pedagogika yo‘nalishlarida kadrlar tayyorlash sifatini baholash maqsadida talabalarning bilimlarini tashqi diagnostikadan o‘tkaziladi. Diagnostika har o‘quv yilida bir marta pedagogika yo‘nalishlarida tahsil olayotgan 3-bosqich talabalari o‘rtasida test sinovlari shaklida bo‘ladi. gazeta.uz »
O‘zbekistonning bir nechta hududida Suriyadagi terroristik tashkilot media blogeriga pul o‘tkazib, terrorizmni moliyalashtirishda ayblangan 8 nafar fuqaroga nisbatan sud hukmi o‘qildi. Ularning 7 nafari 3 yildan 8 yilgacha muddatga ozodlikdan mahrum etildi. gazeta.uz »
O‘zbekistonda alohida ehtiyojli bolalar uchun yana to‘rtta Imkon reabilitatsiya markazi quriladi, ulardan biri shu yil kuzda Samarqandda ochiladi. Tarmoqni kengaytirish rejalari Qibraydagi Imkon markazida tashkil etilgan matbuot turi davomida taqdim etildi. Unda Gazeta muxbiri muassasa faoliyati bilan tanishdi. gazeta.uz »
1-iyuldan mudofaa ishlari organlari fuqaro xodimlarining ish haqi 20 foizga, 2027-yildan yana 50 foizga oshiriladi. Toshkent va Samarqand shaharlarida xizmat qilayotgan harbiy xizmatchilarning turar joy ijarasi kompensatsiyasi ham ko‘paytiriladi. gazeta.uz »
O‘zbekiston prezidenti havo hujumidan mudofaa tizimlari, yuqori aniqlikdagi qurollar va harbiy aviatsiyadan samarali foydalanish to‘g‘risidagi farmonni imzoladi. Mavjud qo‘mondonlik negizida Harbiy-havo kuchlarining Jangovar qo‘mondonligi tashkil etiladi. gazeta.uz »
O‘zbekistonda havo sarhadlarini himoya qilishning yangi tizimi joriy etilishi rejalashtirilmoqda. Bu harbiy aviatsiya va havo hujumidan mudofaa kuchlarining jangovar imkoniyatlarini oshirish, shuningdek, zamonaviy tahdidlarga tezkor javob berish salohiyatini kuchaytirishga qaratilgan. gazeta.uz »
O‘zbekistonda 2026/2027 o‘quv yili uchun umumta’lim maktablarining 1-sinfiga qabul jarayonlari 20-iyundan boshlanadi. Mazkur sanadan ota-onalar qabul uchun my.maktab.uz platformasi orqali elektron ariza yuborishi mumkin bo‘ladi. gazeta.uz »
O‘zbekistonda mayda inflyatsiya 0,2% ni tashkil etdi. Oy davomida mol va qo‘y go‘shti, limon, benzin va propan qimmatladi, ayrim sabzavotlar narxi esa sezilarli darajada pasaydi. Yillik inflyatsiya 5,5% gacha sekinlashdi, bu o‘tgan yilning mayidagi tariflar oshishidan keyingi “yuqori baza” effekti bilan izohlandi. gazeta.uz »
O‘zbekistonda jismoniy va yuridik shaxslar tomonidan transport vositasini import qilishda bir kalendar yil davomida faqat bitta avtomobilga muvofiqlik sertifikati berishni nazarda tutuvchi norma bekor qilindi. gazeta.uz »
O‘zbekistonda jismoniy va yuridik shaxslar tomonidan transport vositasini import qilishda bir kalendar yil davomida faqat bitta avtomobilga muvofiqlik sertifikati berishni nazarda tutuvchi norma bekor qilindi. gazeta.uz »
Shavkat Mirziyoyev Sankt-Peterburg xalqaro iqtisodiy forumida investorlariga yuqori qo‘shimcha qiymatga ega ishlab chiqarish zanjirlarini shakllantirishda hamkorlikni taklif qildi. Prezidentga ko‘ra, hamkorlarga ichki bozor bilan bir qatorda qo‘shni mamlakatlar bozorlariga chiqish imkoniyati ham taqdim etiladi. gazeta.uz »
“AvtoVAZ” rahbari Maksim Sokolov kompaniya O‘zbekiston va Qozog‘istonda yig‘ish asosidagi ishlab chiqarishni yo‘lga qo‘yish bo‘yicha loyihalarni joriy yilda ishga tushirishga umid qilayotganini bildirdi. gazeta.uz »
1-sentabrdan boshlab konsert, kinematografiya, bolalar kontenti sohasidagi tashkilotlar, shuningdek, nodavlat teatrlar deyarli 10 yil muddatga qator soliqlardan ozod qilinadi. Nodavlat teatrlar va teatr-studiyalarni qo‘llab-quvvatlash uchun har yili 10 milliard so‘m ajratiladi. gazeta.uz »
