çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
Senatorlar kreativ iqtisodiyotga oid qonunlarga tuzatishlarni ma’qulladi. Hujjat Kreativ industriya parkining yangi rezidentlari va chet el kontragentlari uchun soliq imtiyozlarini ko‘zda tutadi. Madaniyat va san’at xalqaro tadbirlari uchun davlat xaridi to‘g‘ridan-to‘g‘ri shartnomalar asosida amalga oshiriladi. gazeta.uz »
Senat o‘zboshimchalik bilan egallagan yer uchastkalariga huquqlarni tan olish bo‘yicha hujjatlarni ko‘rib chiqish muddatini 3 baravarga qisqartiruvchi qonunni ma’qulladi. Soliq qarzi 30 BHMdan kam bo‘lgan arizalar rad etilmaydi. gazeta.uz »
Senatorlar narkotik, psixotrop moddalar, ularning analoglari va kuchli ta’sir qiluvchi moddalar noqonuniy muomalasi uchun javobgarlikni kuchaytiruvchi qonunni ma’qulladi. Narkolaboratoriyalar, ta’lim tashkilotlari yaqinidagi savdo va jamoat joylarida narkotiklar iste’moli uchun alohida jazolar joriy etiladi. gazeta.uz »
Yevroosiyo taraqqiyot banki Toshkentda vakolatxonasini ochdi va 2031-yilga qadar O‘zbekistonga 1,5 mlrd dollargacha investitsiya kiritmoqchi. Ochilish marosimida bank dastlabki kelishuvlarni imzoladi, jumladan, Uzum fintex-kompaniyasiga 70 mln dollar miqdorida kredit ajratilishi bo‘yicha bitim tuzildi. gazeta.uz »
VM qarori bilan Toshkent davlat iqtisodiyot universitetida Davlat auditi oliy maktabi tashkil etiladi. Abituriyentlardan chet tili bo‘yicha B2 va matematikadan B sertifikati talab qilinadi. O‘quv dasturlari QS va THE reytinglarida top 300 ga kirgan xorijiy universitetlar tajribasi asosida ishlab chiqiladi. gazeta.uz »
Vazirlar Mahkamasi qarori bilan O‘zbekistonda ishlab chiqarilmaydigan va zargarlik sanoatida foydalaniladigan ayrim uskuna, ehtiyot qism hamda sarflov vositalarini import qilish 2028-yil 1-iyulgacha bojxona bojidan ozod etildi. gazeta.uz »
Marketpleyslar orqali O‘zbekistonga tovar sotadigan xorijiy kompaniyalar QQS to‘lovchisi deb e’tirof etiladi. Senat tomonidan ma’qullangan tegishli qonun savdo platformalari operatorlari uchun ham yangi talablarni joriy qiladi. gazeta.uz »
O‘zbekiston prezidenti Shavkat Mirziyoyev Bokuda bo‘lib o‘tgan Butunjahon urbanizatsiya forumida xalqaro “Aqlli va xavfsiz shaharlar alyansi”ni tashkil etish, BMT-Xabitatning “Yashil shahar” mukofotini ta’sis etish va forumning 15-sessiyasini 2030-yilda Yangi Toshkentda o‘tkazishni taklif qildi. gazeta.uz »
Ish haftasi davomida O‘zbekiston bo‘ylab ob-havoning beqaror bo‘lishi kutilmoqda. Vaqti-vaqti bilan yomg‘ir yog‘ib, ayrim kunlarda kuchli jala quyishi va momaqaldiroq bo‘lishi mumkin. Kunduzi havo harorati +25…+28 darajadan +30…+32 darajagacha o‘zgarib turadi. gazeta.uz »
Soliq kodeksiga kiritilayotgan o‘zgartirishga ko‘ra, elektron savdo platformalari orqali O‘zbekistonga tovarlarni realizatsiya qiluvchi chet el yuridik shaxslarini QQS to‘lovchisi sifatida e’tirof etish belgilanmoqda. Senatda tegishli qonun ma’qullandi. gazeta.uz »
1-iyundan O‘zbekistonda aholi va biznes uchun elektr hamda gaz tariflari o‘zgaradi. Rasmiylar iste’molning o‘sishi fonida energiya tizimini modernizatsiya qilish va ishonchliligini oshirish zarurligini ta’kidlamoqda. gazeta.uz »
O‘zbekistonda chiqindilar, shinalar, rezina, bitum va boshqa yoqilg‘i hisoblanmaydigan materiallarni, xususan, issiqxonalarda yoqqanlik uchun jarimalar joriy etilmoqda. O‘zgartirishlar 5-avgustdan kuchga kiradi. gazeta.uz »
BAAning AMEA Power kompaniyasi O‘zbekistonda yangi energetika loyihalarini amalga oshirishga kirishdi. Toshkentda quvvati 150 MVt bo‘lgan energiya saqlash tizimi qurilishi boshlandi, Qoraqalpog‘istonda 1000 MVt quvvatli shamol elektr stansiyasi, Buxoroda esa yana bir energiya saqlash moslamasi qurish rejalashtirilgan. gazeta.uz »
O‘zbekistonlik deputatlar safarbarlik tayyorgarligi va safarbarlik to‘g‘risidagi qonunni birinchi o‘qishda qabul qildi. Unda safarbarlikka tayyorgarlik tadbirlarini o‘tkazish tartibi, umumiy yoki qisman safarbarlik e’lon qilish asoslari, tartibi va muddati bo‘yicha normalar belgilanmoqda. gazeta.uz »
Sanepidqo‘mita raisining birinchi o‘rinbosari Nurmat Atabekov hantavirus koronavirus kabi tez tarqalmasligini va JSST uni pandemiya keltirib chiqarishga qodir deb hisoblamasligini aytdi. “O‘zbekistonda birorta ham hantavirus holati qayd etilgani yo‘q, epidemiologik vaziyat barqaror”, - dedi u. gazeta.uz »
Yanvar-mart oylarida O‘zbekistonda 9,6 mlrd kubometr tabiiy gaz qazib olindi. Bu o‘tgan yilning shu davriga nisbatan 15% ga kam. Energetika vaziri Gazeta`ga bergan intervyusida bu pasayish kutilgan holat ekani, hozirda asosiy vazifa - qazib olishni barqarorlashtirish va hajmlarni ushlab turish ekanini aytdi. gazeta.uz »
Yanvar-mart oylarida O‘zbekistonda 9,6 mlrd kubometr tabiiy gaz qazib olindi. Bu o‘tgan yilning shu davriga nisbatan 15% ga kam. Energetika vaziri Gazeta`ga bergan intervyusida bu pasayish kutilgan holat ekani, hozirda asosiy vazifa - qazib olishni barqarorlashtirish va hajmlarni ushlab turish ekanini aytdi. gazeta.uz »
9-avgustdan tijorat banklari uchun ichki nazorat qoidalariga kiritilgan o‘zgartirishlar kuchga kiradi. Ular operatsiyalarni tekshirish uchun yangi chegaraviy miqdorlarni, o‘tkazmalarda jo‘natuvchilar va oluvchilar haqidagi kengaytirilgan ma’lumotlarni, shubhali operatsiyalarning yangi mezonlarini nazarda tutadi. gazeta.uz »
O‘zbekistonda bolalar jinsiy ekspluatatsiyasi mamlakatning xalqaro majburiyatlariga qaramay, hanuz alohida jinoyat tarkibi sifatida belgilanmagan. Irina Matviyenko ushbu huquqiy bo‘shliq bolalarga qarshi bunday jinoyatlarni “ko‘rinmas” qilayotgani va aybdorlar jazodan qutulib qolishiga yo‘l ochayotgani haqida yozadi. gazeta.uz »
O‘zbekistonda Ma’muriy javobgarlik to‘g‘risidagi kodeksning yangi tahriri ishlab chiqiladi. Unda ahamiyatini yo‘qotgan huquqbuzarliklarni bekor qilish, yangi javobgarlik choralarini joriy etish, ma’muriy ishlar ustidan sud nazoratini kuchaytirish hamda inson huquqlari himoyasini takomillashtirish rejalashtirilgan. gazeta.uz »
O‘zbekistonda banklardan 500 dollarigacha bo‘lgan naqd chet el valyutasini pasport, ID-karta yoki ularning o‘rnini bosuvchi boshqa hujjatlarsiz olish mumkin bo‘ladi. O‘zgarish 3 oydan keyin kuchga kiradi. gazeta.uz »
Aprelda O‘zbekistonda oylik inflyatsiya 0,6% darajasida o‘zgarishsiz saqlanib, yillik inflyatsiya 7% gacha sekinlashdi. Oy davomida oziq-ovqat mahsulotlaridan bulg‘or qalampiri - 10,3%, kartoshka - 6,5%, olma - 4,5%, tuxum - 3,6%, go‘sht o‘rtacha 3,5% ga qimmatlashdi. Benzin narxlari 1,4% ga oshdi. gazeta.uz »
O‘zbekistonda 49 nafar haydovchining jarima ballari 12 tadan oshib, ishlar sudga yuborildi. Yana 132 nafar haydovchining ballari esa 8 tadan ko‘p bo‘lib turibdi. gazeta.uz »
2026-yilning birinchi choragida O‘zbekistonda elektron xizmatlar ko‘rsatuvchi 89 ta xorijiy kompaniya 65,7 mlrd so‘m soliq to‘ladi. Bu o‘tgan yilning mos davriga nisbatan 81 foizga ko‘p. Bir yil ichida elektron xizmat ko‘rsatuvchi xorijiy kompaniyalar soni 21 taga, xizmatlar hajmi qariyb 80 foizga oshgan. gazeta.uz »
Gulruh Botiraliyeva 28 yoshida onkologik kasalliklarni chuqur tashxislash bo‘yicha tadqiqotlar o‘tkazuvchi ilk xususiy laboratoriyaga asos solgan. Toshkent shahri va hududlardagi filiallariga ega bu tibbiyot muassasasi saratonni erta bosqichda aniqlab, uni davolashga yordamlashmoqda. Gazeta uning hikoyasini keltiradi. gazeta.uz »
Din ishlari bo‘yicha qo‘mita, Davlat xavfsizlik xizmati va Ichki ishlar vazirligi diniy materiallar, taqiqlangan profillar hamda ekstremistik tashkilotlarni tekshirish imkonini beruvchi “Xavfsiz bot” Telegram platformasini ishga tushirdi. gazeta.uz »
Prezident farmoniga muvofiq, O‘zbekistonda To‘lovga qobiliyatsizlik ishlari agentligi tashkil etiladi. Sud boshqaruvchilari faoliyati uchun KPI tizimi joriy etilib, sohadagi jarayonlar raqamlashtiriladi. gazeta.uz »
O‘zbekistonda obunachilari soni 3 milliondan ortiq bo‘lgan blogerlar 2025-yil davomida 2,7 mlrd so‘m daromad topib, budjetga 110,4 mln so‘m soliq to‘lagan. Umuman, o‘tgan yilda blogerlik bozori hajmi 760,2 mlrd so‘m (62 mln dollar) etib baholangan. gazeta.uz »
6-may holatiga ko‘ra, respublikada jami 60 nafar urush qatnashchisi va ularga tenglashtirilgan faxriy istiqomat qiladi. Ularning eng ko‘pi Toshkent shahri hissasiga to‘g‘ri keladi. gazeta.uz »
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi. gazeta.uz »
Farmatsevtika tarmog‘ini rivojlantirish agentligi Tibbiyot va farmatsevtika tarmog‘ini rivojlantirish agentligi etib qayta nomlandi. Uning qoshida ustav fondi 10 milliard so‘m bo‘lgan Health Invest kompaniyasi tashkil etiladi. gazeta.uz »
Prezident suv va alkogolsiz ichimliklarni markirovkalash tizimida agregatsiya mexanizmini kechiktirishni qo‘llab-quvvatladi: yirik ishlab chiqaruvchilarning yarmi yangi talablarga tayyor emas. Jarimalar qayta ko‘rib chiqiladi, umumiy ovqatlanish va savdo uchun tushumga bog‘liq bo‘lmagan, qat’iy summalar belgilanadi. gazeta.uz »
O‘zbekistonda kafe va restoranlar tushumining qancha qismi naqd pulsiz shaklda bo‘lishidan qat’i nazar, to‘langan QQSning 40 foizini qaytarib olishi mumkin bo‘ladi. Hozirda maksimal qaytarish miqdoridan faqat naqd pulsiz to‘lovlar ulushi 60 foiz va undan yuqori bo‘lsagina foydalanish mumkin. gazeta.uz »
Jismoniy shaxslarning o‘z bank kartalari o‘rtasidagi pul o‘tkazmalarini komissiyasiz amalga oshirish taklif etilmoqda. Qolaversa, pullik SMS xabarnomalar xarajatlari qayta ko‘rib chiqilishi mumkin. Prezident raqamlashtirish biznes va aholi uchun qo‘shimcha yuk emas, balki qulaylik bo‘lishi shartligini ta’kidladi. gazeta.uz »
Prezidentga taqdim etilgan taqdimotda tadbirkorlik subyektining nomi va faoliyat turi to‘g‘risida binoga joylashtirilgan axborotni reklama sifatida baholamaslik va buning uchun tegishli pasportlarni rasmiylashtirishni bekor qilish taklif etildi. gazeta.uz »
O‘zbekistonda ekologik huquqbuzarliklar uchun yuridik shaxslarga nisbatan jarimalar karrasiga oshirildi. Xususan, moliyaviy sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Abituriyentlar, ishga kiruvchilar va boshqalar 086-shakldagi tibbiy ma’lumotnomani my.gov.uz orqali onlayn yuklab olishi mumkin. Biroq u portalda chiqishi uchun avval tegishli tibbiyot muassasasida shifokorlar ko‘rigidan o‘tgan bo‘lish shart. Xizmat bepul ko‘rsatiladi. gazeta.uz »
O‘zbekistonning oltita hududida har yili 3,6 mln tonna chiqindilarni qayta ishlaydigan chiqindi yoqish korxonalari quriladi. Navoiyda 260 mln dollarga xavfli chiqindilarni qayta ishlash bo‘yicha MDHdagi ilk platforma tashkil etiladi. 2030-yilga borib poligonlar soni ikki baravarga qisqaradi. gazeta.uz »
O‘zbekistonda 12 ta jarima ballarini to‘plagan ilk haydovchi ishi sudga oshirildi. U haydovchilik huquqidan ma’lum muddatga mahrum etilishi kutilmoqda. Mamlakatda hozirgacha 11 nafar haydovchiga nisbatan 8 balldan 10 ballgacha jarima ballari hisoblangan. gazeta.uz »
O‘zbekistonda 24 mln dollarlik GPU klasteri negizida SI infratuzilmasi yaratilib, yil oxirigacha uni yana 45 mln dollarga kuchaytirish rejalashtirilgan. Prezidentga $200 mln qiymatga ega tadqiqot va ishlanmalar markazi tashkil etish, hududlarda IT Park Uzbekistan tarmog‘ini kengaytirish loyihasi taqdim etildi. gazeta.uz »
O‘zbekistonda ekologik huquqbuzarliklar uchun moliyaviy javobgarlikni kuchaytirish reja qilinmoqda. Amaldagi jarimalar ko‘pincha yetkazilgan zararga nomutanosib, korxonalar qoidabuzarliklarni bartaraf etishdan ko‘ra jarima manfaatliroq sanagan. Sanksiyalarning yangi mexanizmi real zararni hisobga oladi. gazeta.uz »
Prezident iqtisodiyotning energetikaga yuqori darajada bog‘liqligi sharoitida gidroenergetikani rivojlantirishni jadallashtirish zarurligini ta’kidladi. Hukumat energiya tizimining barqarorligini oshirish maqsadida gidroenergetika sohasida 5,8 mlrd dollarlik 73 ta loyihani amalga oshirishni rejalashtirmoqda. gazeta.uz »
O‘zbekistonda yil yakuniga qadar 13 ta gidroelektr stansiyani ishga tushirish rejalashtirilmoqda. Ularning umumiy quvvati 114 megavattni tashkil etib, yiliga 537 million kilovatt soat elektr energiyasi ishlab chiqarish imkoni yaratiladi. Prezident mazkur loyiha taqdimoti bilan tanishdi. gazeta.uz »
O‘zbekiston MB valyuta operatsiyalari qoidalarini yangiladi. Jismoniy shaxslar mablag‘larni bir-biriga shaxsiy maqsadlarda (nosavdo) erkin o‘tkazishi mumkin. Investorlar uchun mablag‘larni chetga olib chiqish tartibi soddalashtirildi. gazeta.uz »
O‘zbekistonda so‘mdagi depozitlar bo‘yicha foiz stavkalar 2022-yildan beri eng past darajaga tushdi, omonatlarning umumiy hajmi esa o‘sishda davom etmoqda. Ayni paytda davlat ishtirokidagi banklar o‘sish sur’atlari bo‘yicha xususiy banklarni ortda qoldirib, aholi omonatlari bozoridagi o‘z ulushini oshirmoqda. gazeta.uz »
O‘zbekistonda 2026-yilgi Haj mavsumi 2-maydan boshlanadi. Ziyoratchilar respublikaning 9 ta hududiy aeroportidan to‘g‘ridan-to‘g‘ri Madina shahriga jo‘natiladi. Hozirda ularni tibbiy ko‘rikdan o‘tkazish va hujjatlarni rasmiylashtirish jarayonlari ketmoqda. gazeta.uz »
Alimentdan qarzdorlarga ayrim turdagi kredit va davlat xizmatlari cheklanadi, “10 ming qadam piyoda” tajribasi va 1hls.uz platformasi qayta tiklanadi, davlat organlarida qog‘ozdan foydalanish kamaytiriladi - 1-maydan kuchga kiradigan shu va boshqa qonunchilik o‘zgarishlari Gazeta sharhida. gazeta.uz »
O‘zbekistonda birinchi chorakda tirik tug‘ilganlar soni 191,1 ming nafarni tashkil etdi. Bu 2025-yilning mos davriga nisbatan 7 ming nafarga kam. Vafot etganlar soni esa 43,5 ming kishini tashkil qilib, o‘tgan yilgiga nisbatan 2,1 ming nafarga ko‘paygan. Bu tendensiya 2023-yildan buyon davom etmoqda. gazeta.uz »
2026-yil 1-choragida O‘zbekistonda mehnat faoliyati bilan bog‘liq 198 ta baxtsiz hodisa sodir bo‘ldi. 62 kishi vafot etib, 146 nafari og‘ir jarohatlandi. Eng ko‘p hodisalar Toshkent shahrida va Surxondaryo viloyatida qayd etilgan. gazeta.uz »
Mudofaa vazirligi tizimidagi harbiy qism va muassasalarda muddatli harbiy xizmatga yangi chaqirilgan harbiy xizmatchilarning Vatanga qasamyod keltirish marosimlari o‘tkazildi. Tadbirlarda harbiy prokuratura, jamoatchilik kengashi a’zolari hamda harbiy xizmatchilarning ota-onalari ishtirok etdi. gazeta.uz »
