çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
Shavkat Mirziyoyev Ohangarondagi Infinity Copper Group korxonasida bo‘ldi. Qiymati $36 mln bo‘lgan loyiha Xitoy va Germaniya kompaniyalari bilan amalga oshirilmoqda. U 350 mln dollarlik eksportni ta’minlashi kutilmoqda, mahsulotlarni BAA, Afrika qit’asi, AQSh va Yevropaga yetkazib berish reja qilingan. gazeta.uz »
Shavkat Mirziyoyev mutasaddilarga mahalliy korxonalar uchun xomashyo importiga tegishli bojlarni to‘liq qayta ko‘rib chiqishni topshirdi. Prezident kichik korxonalarning xomashyoga ehtiyojini aniqlab, xomashyo zaxirasini shakllantirish vazifasini qo‘ydi. gazeta.uz »
Prezidentning 11-fevraldagi qarori bilan O‘zbekistonda startaplarni qo‘llab-quvvatlashning to‘rt bosqichli ekotizimi joriy etiladi. Hujjat startap g‘oyalarini shakllantirishdan tortib, ularni ishga tushirish va xorijiy bozorlarga chiqarishgacha bo‘lgan to‘liq tizimni nazarda tutadi. gazeta.uz »
Texnik jihatdan tartibga solish tizimini isloh qilish loyihasidan korxonalar ustidan davlat nazoratidan voz kechish va xavflar tahliliga asoslangan bozor nazorati modeliga o‘tish o‘rin oldi. Shuningdek, unda majburiy sertifikatlashtirishdan voz kechib, mahsulot muvofiqligini deklaratsiyalash tizimiga o‘tish mavjud. gazeta.uz »
O‘zbekistonda kambag‘allik chegarasini belgilovchi minimal iste’mol xarajatlari, e’lon qilish muddati 20-yanvargacha bo‘lishiga qaramay, haligacha ochiqlanmadi. IMV bu ko‘rsatkichning inflyatsiyadan farq qilishi sabablarini tushuntirib, ko‘p o‘lchovli kambag‘allik ko‘rsatkichini joriy etish ishlari ketayotganini bildirdi. gazeta.uz »
Iqtisodiyot va moliya vazirligi budjetga trillionlab so‘mlik tuzatishlar parlamentga yil oxirida, mablag‘lar sarflab bo‘linganidan keyin kiritilishini “budjet jarayoni xususiyatlari” va moliyalashtirish manbalarini aniqlash zarurati bilan izohladi. gazeta.uz »
O‘zbekistonda Milliy koordinatalar tizimi joriy etiladi. 2026-yil 1-sentabrgacha axborot tizimi ishga tushirilib, 2030-yildan faqat milliy bazaga kiritilgan koordinatalardan foydalaniladi. Bu geodeziya, kadastr va xaritalarni yagona standartga o‘tkazadi. gazeta.uz »
Hukumat bola tug‘ilganda beriladigan suyunchi pulini avvalgi tartibga qaytarishni rejalashtirmayapti. To‘lovlar faqat birinchi farzand uchun kafolatlanadigan amaldagi tizim 2026-yilda ham saqlanib qoladi. gazeta.uz »
Yanvar oxirida O‘zbekistonda uchta idora kiberhujumga uchragandi. Raqamli texnologiyalar vazirining so‘zlariga ko‘ra, tarmoqlarda xabar qilinganidek 15 mln fuqaroning ma’lumotlari emas, balki 60 mingga yaqin unikal yozuv tarqalib ketgan. gazeta.uz »
Hukumat qarori bilan Yadro fizikasi instituti huzurida Respublika radioaktiv chiqindilarni saqlash markazi tashkil etiladi. U chiqindilarni tashish, qabul qilish, saralash va uzoq muddatli saqlash bilan shug‘ullanadi, sohaga ilmiy ishlanmalar va raqamlashtirishni joriy etadi. gazeta.uz »
2025-yilda davlat xizmatchilarini saqlash xarajatlari rejadan 20 foizga oshib, 22,3 trln so‘mga yetdi. Bu maqsadlarga xarajatlar har yili oldingi yil ko‘rsatkichlaridan va tasdiqlangan prognozlardan ham yuqori bo‘lib kelmoqda. gazeta.uz »
Ko‘p qavatli uylarni boshqarish “Mening uyim” tizimi orqali raqamlashtirilmoqda. Kvartira uchun majburiy to‘lovlar faqat karta, ilovalar yoki bank kassasi orqali qabul qilinadi. Kvartira to‘lovi kechiktirilgani uchun penya joriy etiladi. gazeta.uz »
1-iyuldan majburiy to‘lovlarni oyning 15-sanasigacha to‘lamagan uy egalaridan elektr energiyasi uchun to‘lovlarni qabul qilish to‘xtatiladi. Kechiktirilgan har bir kun uchun penya hisoblanadi: jismoniy shaxslarga - 0,1%, yuridik shaxslarga - 0,4%. gazeta.uz »
O‘zbekiston olimlari mahalliy o‘simliklar asosida to‘liq bioparchalanadigan plyonka ishlab chiqdi. U sintetik polietilenga o‘xshash, ammo tabiatda oson parchalanadi va atrof-muhitga zarar yetkazmaydi. gazeta.uz »
2026-yilda O‘zbekistonda 1 mln norasmiy ish o‘rnini rasmiylashtirish rejalashtirilmoqda. Mas’ul idoralar uchun hududlar kesimida ko‘rsatkichlar belgilandi. Norasmiy bandlik va MHTEKMdan past ish haqi biznes barqarorligi reytingiga salbiy ta’sir qiladi. gazeta.uz »
O‘zbekistonda dollarning rasmiy kursi sentabr oyidan keyingi eng yuqori darajaga ko‘tarildi - 12320,34 so‘m. Aksariyat global valyutalarning dollarga nisbatan zaiflashishi fonida AQSh valyutasi mustahkamlanmoqda. Valyuta kursining volatilligi ham pasaydi. gazeta.uz »
O‘zbekistonda ko‘p kvartirali uylarning tutash hududidagi barcha daraxt va butalar uy boshqaruvchilari tomonidan xatlovdan o‘tkaziladi. Ma’lumotlar “Mening uyim” axborot billing tizimida aks ettirib boriladi. gazeta.uz »
O‘zbekistonda 1 yillik maktabga tayyorlov guruhlari ta’lim dasturini majburiy umumiy o‘rta ta’limning dastlabki bosqichi sifatida kiritiladi. Xususiy bog‘cha va maktablarga tayyorlov guruhlarini tashkil etishga ruxsat beriladi. gazeta.uz »
O‘zbekistonda yanvardagi inflyatsiya 0,7% ni, yillik hisobda esa 7,2% ni tashkil etdi, deb xabar berdi Milliy statistika qo‘mitasi. Go‘sht, sut, tuxum qimmatlashdi, guruch va oq qand narxi pasaydi. Avtosug‘urtaning o‘rtacha narxi 381,8% ga, mobil aloqa xizmati narxlari esa 2,4% ga (yil davomida - 17,9%) oshdi. gazeta.uz »
2025-yilda qonuniy taksi bozori aylanmasi 9,6 trln so‘mga yetdi - bu 2024-yilga nisbatan 63 foizga ko‘p. Agregatorlar soni 224 taga, o‘zini o‘zi band qilgan haydovchilar 574,6 ming nafarga yetdi. O‘rtacha chek summasi va ayol haydovchilar soni ham oshgan. gazeta.uz »
Xitoyning Sinohydro va TBEA kompaniyalari O‘zbekistonda 5 ta GESni modernizatsiya qiladi. Shahrixon (GES-5A, GES-6A) va Quyi Bo‘zsuv (GES-19, 22, 23) kaskadlaridagi stansiyalar modernizatsiya qilinib, ularning quvvati oshiriladi va qo‘shimcha elektr energiya ishlab chiqarish yo‘lga qo‘yiladi. gazeta.uz »
Prezident qarori bilan O‘zbekistonda Amir Temur tavalludining 690 yilligi keng nishonlanadi. Xalqaro ilmiy konferensiya o‘tkaziladi, yubiley tanga, kitob, filmlar chiqariladi, temuriylarga oid asl yozma manbalar nusxalari O‘zbekistonga olib kelinadi. Temuriylar tarixi muzeyi rekonstruksiya qilinadi. gazeta.uz »
Dronlarni boshqarish, raqamli poligon va simulyatorda mashq qilish O‘zbekistonda harbiy tayyorgarlikning bir qismiga aylandi. Askar va ofitserlar zamonaviy qurolli nizolar tajribasi asosida tayyorlanmoqda. gazeta.uz »
2028-yilgacha suv tejovchi texnologiyalar sug‘oriladigan yerlarning 80 foizida joriy etiladi. Bu yiliga 3,5 mlrd kub metr suv tejashga xizmat qiladi. Subsidiya va soliqlar yerlarning suv bilan ta’minlanganlik darajasiga qarab belgilanadi, sohaga 744 mln dollar kredit jalb etiladi. gazeta.uz »
Senat O‘zbekistonda islom bankini joriy etish to‘g‘risidagi qonunni ma’qulladi. U islomiy bank faoliyatini litsenziyalashni nazarda tutadi, islomiy operatsiyalar ro‘yxatini kiritadi va ularni soliqqa tortish xususiyatlarini aniqlashtiradi. gazeta.uz »
Deputatlar OAV va internetda xorijdagi jangovar harakatlarda ishtirok etishni targ‘ib qiluvchi materiallarni tarqatganlik uchun javobgarlik joriy etish ko‘zda tutilgan qonun loyihasini birinchi o‘qishda qabul qildi. gazeta.uz »
2025-yilda O‘zbekistonda 106,5 mingta yangi xonadon foydalanishga topshirildi - bu barcha davrlardagi eng yuqori ko‘rsatkichdir. Biroq, qurilish sohasi O‘zbekistondagi demografik o‘sishdan ortda qolmoqda. gazeta.uz »
2025-yilda O‘zbekistonda 7 ming tonna uran ishlab chiqarilib, aniqlangan zaxiralar esa 139 ming tonnaga yetdi. Prezident “Arnasoy”, “Janubiy Jongeldi” va boshqa konlarni ishga tushirishni jadallashtirishni topshirdi. “Arnasoy”dagi loyiha qiymati 150 mln dollarga baholanmoqda. gazeta.uz »
Deputatlar internetda haqorat uchun ma’muriy javobgarlikni joriy etish to‘g‘risidagi qonun loyihasini muhokama qilmoqda. Yangi moddada 5 mln so‘mgacha jarima yoki 10 sutkagacha qamoq jazosi ko‘zda tutilgan. gazeta.uz »
Jizzax viloyatida 2026-yil mart oyidan Misrning Nile Sugar kompaniyasi tomonidan 450 mln dollarlik shakar zavodi loyihasini amalga oshirish rejalashtirilmoqda. Loyiha qand lavlagini yetishtirish va qayta ishlashning to‘liq siklini o‘z ichiga olib, yiliga 200 ming tonnagacha shakar ishlab chiqarishni nazarda tutadi. gazeta.uz »
“Faol hayotga qadam” dasturi doirasida 1-martdan demensiya, Parkinson yoki Alsgeymer kasalligi tashxisi qo‘yilgan shaxslar uchun kunduzgi qatnov asosida qarab turish xizmati ko‘rsatiladi. Shuningdek, o‘zgalar parvarishiga muhtoj shaxslarning yashash sharoitlarini har chorakda qayta baholash talabi bekor qilinadi. gazeta.uz »
O‘zbekistondagi bir necha OAV va faollar Meta tomonidan ularning Instagram’dagi akkauntlari qandaydir qoidabuzarliklarga ishora qilib o‘chirib qo‘yilgani haqida xabar berishdi. Ekofaol Mo‘’tabar Xushvaqtova va uning “Yashil uyim” loyihasi, Hook Report va Sarpa Media nashrlarining sahifalari ishlamayapti. gazeta.uz »
O‘zbekistonda 2025-yil davomida 63 340 nafar odam jinoyat ishi bo‘yicha sudlangan. Shundan 18 816 nafar shaxsga ozodlikdan mahrum qilish va 43 531 nafariga boshqa turdagi jazolar tayinlandi, 993 nafar shaxs shartli hukm qilindi. gazeta.uz »
Toshkent va O‘zbekistonning boshqa hududlarida so‘nggi kunlarda havo sifati meteorologik sharoitlar - shamolning yo‘qligi yoki past tezligi, harorat inversiyasi va tuman tufayli yomonlashgan. Bu haqda Ekologiya milliy qo‘mitasi ma’lum qildi. gazeta.uz »
Energoresurslar defitsiti va gaz ta’minotidagi cheklovlar sharoitida Markaziy bank hukumat bilan birgalikda qator takliflar tayyorladi. Muhokamadagi choralar - energoresurslar taklifini ko‘paytirish, tariflarni va davlat regulyatsiyasidagi narxlarni oshirishga bo‘lgan yondashuvlarni o‘zgartirish. gazeta.uz »
Bir nechta viloyatlarda fuqarolardan pul undirib kelgan shaxslar aniqlandi. Ular Telegram’da yopiq guruhlar tashkil qilib, 3,5 mln so‘m evaziga onlayn ish va har hafta haq to‘lashni va’da qilgan. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
2025-yilda O‘zbekistonda 457,9 mingta yengil avtomobil ishlab chiqarildi, bu avvalgi yildan 6,7% ko‘p. Umumiy o‘sishga qaramay, Cobalt, Damas va Onix kabi ommaviy modellarni ishlab chiqarish kamaydi. gazeta.uz »
Deputatlar raqamli markirovkalash sohasida masofaviy soliq tekshiruvlarini nazarda tutuvchi qonun loyihasini birinchi o‘qishda qabul qildi. U biznes huzuriga bormasdan, tekshiruvlar va sof tushumdan 0,2 dan 2% gacha jarimani ko‘zda tutadi. gazeta.uz »
O‘zbekistonda 1-fevraldan chiqarilganiga 50 yildan oshgan avtomobillardan foydalanish va qayta ro‘yxatdan o‘tkazish taqiqlanadi (antikvarlar mustasno). Bunday mashinalar 87,6 mingtaligi xabar qilingandi. gazeta.uz »
Bolalarning ijtimoiy tarmoqlardan foydalanishini taqiqlash kerakmi? Gazeta so‘roviga javoban bolalar ombudsmani, Ijtimoiy himoya agentligi va Maktab vazirligi vakillari “me’yoriy, ongli cheklov” va nazorat tarafdoriligini ta’kidlashdi. gazeta.uz »
Tez tibbiy yordam mashinalari infarkt va insult bilan og‘rigan bemorlarni kasalxonalarga “oltin soat” klinik yo‘nalishi orqali tashiydi: avval MSKT, so‘ng tromblarni operativ olib tashlash. Bu o‘lim va nogironlikni kamaytirishi kutilmoqda. gazeta.uz »
O‘zbekistonda onlayn kreditlarni rasmiylashtirishga cheklov kiritildi: endi fuqarolar bir kunda faqat bitta bankdan kredit olishi mumkin. Ushbu chora Markaziy bankning yangi nizomida ko‘zda tutilgan. gazeta.uz »
O‘zbekistonda bank va to‘lov tashkilotlari uchun yangi kiberxavfsizlik qoidalari kuchga kiradi. Ular JSHSHIRni tekshirish, hayotiylikni aniqlash orqali biometrik identifikatsiya, yangi qurilmadan kirganda kartalarni o‘chirish, qo‘ng‘iroq vaqtida ilovalarni bloklash, “aktiv sessiyalar” bo‘limi va boshqalarni nazarda tutadi. gazeta.uz »
Jahonda oltin narxlari o‘sishi nafaqat O‘zbekiston budjeti daromad bazasini mustahkamlayapti, balki davlat xarajatlari ortishi xavfini ham yaratyapti, dedi senator. Iqtisodiyot vazirligiga ko‘ra, qimmatbaho metall narxi rekord darajada oshganiga qaramay, hukumat budjeti konservativ ssenariylarga asoslangan. gazeta.uz »
O‘zbekistonda Mintaqaviy sport kurashlari akademiyasi tashkil etiladi, shuningdek, yangi kurash musobaqalari o‘tkaziladi. Prezident sport maktablari mahalla darajasida faoliyat yuritishi kerakligini ta’kidladi va iqtidorli bolalarni erta aniqlash tizimini mustahkamlashni buyurdi. gazeta.uz »
O‘zbekistonda metan zapravkalari faoliyati yana cheklandi. Energetika vazirligining ma’lum qilishicha, bu havo haroratining pasayishi bilan bog‘liq. Toshkentda ular bir kun oldin yopilgandi. Shoxobchalarning aniq ish vaqti ko‘rsatilmagan. Propan zapravkalari esa ishlamoqda. gazeta.uz »
1-fevraldan boshlab ilk bor ID karta berilayotganda unga elektron raqamli imzo sertifikati ilova qilinadi. Bundan tashqari, fuqarolar avtomatik ravishda “Elektron hukumat” tizimidan foydalanuvchi sifatida ro‘yxatdan o‘tkaziladi. Bu haqda O‘zbekiston prezidenti qarorida aytiladi. gazeta.uz »
15-yanvardan beri O‘zbekistonda qariyb 2,5 mln xonadon, shuningdek, 31 ming fermer xo‘jaligi va agrar korxonalar onlayn tarzda ro‘yxatga olindi, deya ma’lum qilindi prezidentga. Ro‘yxatga olish tadbirlarini o‘tkazish uchun asosan “mahalla yettiligi” a’zolaridan iborat 60 mingga yaqin mutaxassis o‘qitildi. gazeta.uz »
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi. gazeta.uz »
