çáåêèñòîíäà - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston deputatlari IIVning Patrul-post xizmati va profilaktika xodimlarining vakolatlarini kengaytirishni ko‘zda tutuvchi qonun loyihasini birinchi o‘qishda ma’qulladi. PPX xodimlariga ayrim YHQ buzilishlari va metrodan foydalanish qoidalari bo‘yicha bayonnoma rasmiylashtirish huquqi berilishi mumkin. gazeta.uz »
2025/2026 o‘quv yili uchun davlat OTMlariga o‘qishni ko‘chirish uchun onlayn ariza yuborish boshlandi. Arizalar “transfer.edu.uz” va “my.uzbmb.uz” elektron tizimlari orqali 5-avgustgacha qabul qilinadi. gazeta.uz »
O‘zbekistonda ipoteka bozori “sovish” davridan so‘ng yana o‘sishni boshladi. 2025-yilning birinchi yarmida 9,44 trillion so‘mlik ipoteka kreditlari ajratildi - bu o‘tgan yilning shu davriga nisbatan 37 foizga ko‘pdir. gazeta.uz »
O‘zbekistonda 2030-yilgacha barcha ichki va mahalla yo‘llari tartibga keltiriladi, dedi transport vaziri Ilhom Maxkamov. “Ambitsioz bo‘lgan taqdirda ham biz Moliya vazirligi bilan bo‘ynimizga olgan tizim bu”, - dedi u. gazeta.uz »
Fuqarolar va xorijliklarni ro‘yxatga olish to‘g‘risidagi yangi qonunda pasport nazorati qoidalarini buzganlik, jumladan, ro‘yxatdan o‘tmasdan va hujjatsiz yashash, pasportni yaroqsizlantirish yoki yo‘qotish, uni garovga qo‘yish uchun ayrim jarimalar miqdori o‘zgartirildi. gazeta.uz »
Tojikiston va Qozog‘istonda kuydirgi kasalligiga chalinish holatlari fonida O‘zbekistonda “55 ta chegara punktlarimizdan o‘tuvchilar chuqur tekshiruvdan o‘tkaziladi”, deya ta’kidladi SES. Ehtimoliy kasallik o‘choqlaridan laboratoriya tekshiruvi uchun tuproq namunalari olinmoqda. gazeta.uz »
O‘zbekistonda ichimlik va oqova suv xizmatlari bo‘yicha qarzdorlik 794 mlrd so‘mni tashkil etdi, uning 73 foizi aholi hissasiga to‘g‘ri kelmoqda. Markazlashgan ichimlik suvi bilan ta’minlash darajasi 81,5% ga yetdi, hisoblagichlar qamrovi esa 82%. gazeta.uz »
O‘zbekistonda 2025-yilning o‘tgan olti oyida “103” xizmatiga 849 ta yolg‘on chaqiriq kelib tushdi (2024-yilning shu davrida 1255 ta edi). Namangan viloyatida esa birorta ham bunday chaqiruv qayd etilmadi. gazeta.uz »
Istiqbolli loyihalar milliy agentligi tavakkalchilikka asoslangan onlayn o‘yinlar tashkilotchilarini litsenziyalash, qonunbuzarliklar uchun jarimalar, shuningdek, Stavkalar va o‘yinchilarning yagona davlat registri bo‘yicha bir nechta buyruqlarni chiqardi. gazeta.uz »
Bu yil O‘zbekiston yana chigirtkalar bosqiniga duch keldi. Gazeta O‘simliklar karantini va himoyasi mutaxassislaridan vaziyat qanchalik jiddiyligi, zararkunandalarga qarshi profilaktika va kurash qanday olib borilayotgani hamda o‘choqlar yuzaga kelishiga qanday omillar ta’sir qilishi haqida bilib oldi. gazeta.uz »
O‘zbekistonda issiqxona gazlarining chiqarilishi cheklash ko‘zda tutilgan qonun kuchga kirdi. Qonun bilan uglerod birliklarining muomalasi tartibga solish ko‘zda tutilgan. Shuningdek, unda “yashil” loyihalar natijasida qisqartirilgan issiqxona gazlari davlat tomonidan to‘liq tasarruf etilishi belgilangan. gazeta.uz »
O‘zbekistonda narkotiklar savdosi kanallarini aniqlash uchun videokuzatuv va sun’iy intellektdan foydalaniladi. IIV rahbari ma’lum qilishicha, narkotiklar zarari haqida kecha-yu kunduz ma’lumot beriladigan koll-markaz ochiladi. gazeta.uz »
Rossiya TIV buyurtmasiga ko‘ra Butunrossiya jamoatchilik fikrini o‘rganish markazi (VSIOM) xorijda, jumladan, Ozarbayjon va O‘zbekistonda rus tilini targ‘ib qilish bo‘yicha sotsiologik tadqiqot o‘tkazadi. gazeta.uz »
2025-yilning 6 oyida ko‘p qavatli uylarga xizmat ko‘rsatuvchi boshqaruv organlarining 83 tasi qariyb 26 mlrd so‘m miqdordagi majburiy badal mablag‘larini o‘zlashtirgani aniqlandi. Qurilish vazirligiga ko‘ra, 158 ta boshqaruv organlariga esa 587 mln so‘m ma’muriy jarimalar qo‘llanildi. gazeta.uz »
O‘zbekistonda 2025-yildan o‘smirlar va yoshlar o‘rtasidagi O‘zbekiston chempionatlarini uch bosqichli “Yangi O‘zbekiston Olimpiya cho‘qqilari” sport musobaqalari shaklida o‘tkazib boriladi. Musobaqalarning respublika final bosqichi har yili Olimpiya shaharchasida “Prezident Olimpiadasi” sifatida o‘tkaziladi. gazeta.uz »
2025-yilning birinchi yarmida 103 xizmatiga 7 millionga yaqin chaqiruv kelib tushdi - bu o‘tgan yilga nisbatan 535 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
Minsk traktor zavodi (MTZ) 2025-yil oxirigacha O‘zbekistonga 3000 dan ortiq traktor va traktor yig‘ma qismlarini yetkazib beradi. Yetkazib berish yig‘uv ishlab chiqarishni mahalliylashtirish bo‘yicha loyiha doirasida amalga oshirilmoqda. gazeta.uz »
Soliq qo‘mitasi raisi Sherzod Kudbiyev mehmonxona biznesi vakillari va auditorlar bilan uchrashuvda, hisobga olish huquqidan voz kechilsa, xizmatlar sohasi uchun QQS stavkasini pasaytirish imkoniyati ko‘rib chiqilishi mumkinligini bildirdi. gazeta.uz »
2026-yilda O‘zbekistonning oltita hududida sholini tomchilatib sug‘orish orqali yetishtirish loyihasi joriy etiladi. Sholining kam suv talab etadigan va yuqori hosildorlikka ega yangi navlarini yaratish uchun Janubiy Koreya, Filippin, Misr va Nepal tajribasini qo‘llash rejalashtirilmoqda. gazeta.uz »
O‘zbekiston zargarlik buyumlari eksportini 300 mln dollarga yetkazishni reja qilmoqda. 2028-yilning iyuligacha tarmoq uchun butlovchi qismlar bojxona to‘lovlaridan ozod qilinadi. Qimmatbaho metallar sohasidagi huquqbuzarliklar to‘g‘risida xabar berganlik uchun jarimaning 50 foizi miqdorida mukofot beriladi. gazeta.uz »
2025-yilning dastlabki 6 oyi davomida Bola huquqlari bo‘yicha vakil nomiga kelgan 885 ta murojaat ko‘rib chiqilgan, bu o‘tgan yilning shu davriga nisbatan 47 foizga ko‘proq. Internet monitoringi natijasida esa bolalarga nisbatan 60 ta zo‘ravonlik holati aniqlandi. gazeta.uz »
O‘zbekistondagi tadbirkorlar prezidentning majburiy davlat ro‘yxatidan o‘tkazishni bekor qilish to‘g‘risidagi topshirig‘iga qaramay, bir necha oylab bojxona omborida turib qolgan muzlatgich va sovutgichlarni sertifikatlash bilan bog‘liq muammolar haqida ma’lum qildi. gazeta.uz »
O‘zbekistondagi tadbirkorlar prezidentning majburiy davlat ro‘yxatidan o‘tkazishni bekor qilish to‘g‘risidagi topshirig‘iga qaramay, bir necha oylab bojxonada turib qolgan muzlatgich va sovutgichlarni sertifikatlash bilan bog‘liq muammolar haqida ma’lum qildi. gazeta.uz »
O‘zbekistonda 2026-yildan boshlab xususiylashtirilgan yer egalari uchun yer va mol-mulk solig‘i birlashtirilishi mumkin. “Agar siz yerni xususiylashtirgan bo‘lsangiz, demak, u allaqachon sizning mulkingizga aylangan”, - dedi Soliq qo‘mitasi raisi. gazeta.uz »
Chiqindi xizmatlari bo‘yicha eng ko‘p qarzdorlik Namangan, Toshkent, Andijon viloyatlarida kuzatilyapti. Chiqindilarni boshqarish agentligi rahbari “ayrimlar puli bo‘lsa ham to‘lov qilmasligidan” norozilik bildirdi. gazeta.uz »
2024-yili O‘zbekistonda mingdan ziyod odam giyohvandlik vositalaridan kuchli zaharlangan va ularning 10 nafarida o‘lim holati kuzatilgan. Narkotiklarni nazorat qilish milliy markazidan ma’lum qilishlaricha, vafot etganlarning 4 nafari “dorixona narkotiklari"dan zaharlangan edi. gazeta.uz »
Iqtisodiy tadqiqotlar va islohotlar markazi (ITIM) va IT Park hamkorligida O‘zbekistonga ishlash uchun ko‘chib kelgan IT mutaxassislari uchun yaratilgan sharoitlar bo‘yicha tadqiqot o‘tkazildi. Gazeta mamlakatda relokantlar uchun bugun qanchalik qulayligi va qanday masalalarni hal etish zarurligini o‘rgandi. gazeta.uz »
O‘zbekistonda nasiya xizmatlari ommalashmoqda, biroq Markaziy bank tahliliga ko‘ra, xaridning bu usuli ko‘pincha kreditga qaraganda qimmatroq bo‘ladi va moliyaviy barqarorlik uchun yashirin xatarlarga ega bo‘ladi. gazeta.uz »
O‘zbekistonda nodavlat oliy ta’lim tashkilotlari faoliyatini litsenziyalashning qo‘shimcha shartlari belgilandi. Yangi talablarga ko‘ra, OTMning ta’lim jarayoniga mo‘ljallangan binolari maydoni 5 ming kv/metrdan kam bo‘lmasligi kerak. Dastlabki ustav fondi 2 mln dollardan kam bo‘lmasligi kerak. gazeta.uz »
Iyul - O‘zbekistondagi eng issiq, to‘liq yoz chillasi ichida o‘tadigan oy. 2025-yilning iyul oyi issiqroq o‘tishi, shuningdek, oy davomida mintaqaga kamida ikkita anomal issiqlik to‘lqini kirib kelishi kutilmoqda. gazeta.uz »
Deputatlar qora va rangli metallar lomi va chiqindilarini tayyorlash hamda qayta ishlash, shuningdek, tabiiy gaz savdosini litsenziyalash to‘g‘risidagi qonun loyihasini birinchi o‘qishda qabul qildi. gazeta.uz »
O‘zbekistonda 1-iyuldan boshlab MyGov ilovasidagi hujjatlarning elektron versiyasini ko‘rsatib, ichki parvozlarga ro‘yxatdan o‘tish imkoniyati yaratildi. Gazeta buni qanday amalga oshirish haqida qisqacha yo‘riqnoma taqdim etadi. gazeta.uz »
Texnik jihatdan tartibga solish agentligi O‘zbekistonda qurilish oynasidan chiqadigan chiqindilarni qayta ishlash uchun utilizatsiya yig‘imini joriy etishni taklif qildi. Deputatlar qonun loyihasini birinchi o‘qishda ma’qulladi. gazeta.uz »
O‘zbekistonda bu yilgi iyul o‘rtacha yillik qiymatlardan biroz issiqroq o‘tadi. Oyning birinchi haftasida harorat +43 darajagacha ko‘tarilishi kutilmoqda, oy oxirida esa pasayib, +36…+39 daraja atrofida bo‘ladi. gazeta.uz »
2023-yildan buyon Davlat ekologik nazorat inspeksiyasi 429 ta jinoyat ishi bo‘yicha jami 982 mlrd so‘mlik moddiy zarar yetkazilganiga doir materiallarni prokuratura organlariga o‘tkazdi. 275 nafar qoidabuzarga nisbatan ish qo‘zg‘atildi. gazeta.uz »
O‘zbekiston sun’iy intellektning milliy modelini ishlab chiqadi, maktab o‘quvchilari va talabalar esa BAA dasturi doirasida SI bo‘yicha treningdan o‘tadi. Venchur moliyalashtirishni 1 mlrd dollargacha kengaytirish rejalashtirilmoqda. gazeta.uz »
O‘zbekiston bo‘ylab 843 nafar odamni aldab, ularning 50,1 mlrd so‘m pulini o‘zlashtirgan guruh qo‘lga olindi. Ular vtomobillarni arzon kredit yoki lizingda yetkazib berishni va’da qilgan. IIV guruhdan jabrlanganarni 102 qisqa raqamiga murojaat qilishlarini so‘radi. gazeta.uz »
O‘zbekistonda yashirin iqtisodiyotga qarshi kurash bo‘yicha prezident qarori loyihasi ishlab chiqildi. Hujjatda asosiy e’tibor naqdsiz hisob-kitoblarga o‘tishga qaratilgan, jumladan, uy-joy oldi-sotdisi sohasida, dedi Soliq qo‘mitasi raisining birinchi o‘rinbosari Mubin Mirzayev. gazeta.uz »
O‘zbekiston payshanba-juma kunlari +42…+44 darajali, anomal qiymatlarga yaqin issiq harorat ta’sirida bo‘ladi. Dam olish kunlari esa, issiq kunlar ortidan, haroratning keskin pasayib ketishi kuzatiladi. gazeta.uz »
Pensiya va nafaqalar miqdori oshiriladi, tadbirkorlarga soliq imtiyozlari beriladi, qurilishda eskrou hisobvaraqlari tizimi ishga tushadi, shaxsni tasdiqlovchi hujjatlarning elektron shakli tan olina boshlanadi - O‘zbekistonda 1-iyuldan nimalar o‘zgaradi? gazeta.uz »
Deputatlar qimmatbaho metallar va toshlarni noqonuniy olganlik yoki o‘tkazganlik uchun ma’muriy va jinoiy javobgarlik joriy etuvchi qonun loyihasini birinchi o‘qishda qabul qildi. Qolaversa, valyuta tushumlarining bir qismini majburiy sotishdan bo‘yin tovlaganlik uchun jarimani bekor qilish ko‘zda tutilmoqda. gazeta.uz »
O‘zbekistonda muddatli to‘lov bozori 8,5 trln so‘mga yetdi, dedi Markaziy bank rahbari Timur Ishmetov. Shartnomalarning aksariyati kredit byurolarida hisobga olinmaydi, bu aholining real qarz yukini oshiradi. gazeta.uz »
O‘zbekistonda bu yil 3,2 mln tonna chorva go‘shti ishlab chiqarish reja qilingan. Mas’ullar bu natijaga erishish uchun qilinayotgan choralarni sanab o‘tdi. Mo‘g‘ulistondan chorva mollarini import qilish, yaylovlarni parvarish qilish va chorvalarni sun’iy urug‘lantirish shular jumlasidan. gazeta.uz »
Pensiya jamg‘armasi O‘zbekistonda yaqin kunlarda pensiya yoshi oshirilishi to‘g‘risidagi xabarlarni rad etdi. Tashkilotning ma’lum qilishicha, pensiya islohoti hozirda muhokama jarayonida bo‘lib, xalqaro tashkilotlarning tavsiyalari mamlakat sharoitiga mosligi va ta’siri tahlil qilinmoqda. gazeta.uz »
Transport vaziri O‘zbekistonda tashqi yuklarning uzluksiz tashilishini ta’minlash, boshqa yo‘llar izlash bo‘yicha shtab tashkil etilganini bildirdi. “Eron orqali muammo bo‘lsa, yuklarni Pokiston portlari orqali yo‘naltirish mumkin”, - dedi u va Eron orqali o‘tadigan Janubiy koridor ahamiyatini alohida ta’kidladi. gazeta.uz »
So‘nggi oylarda O‘zbekistonda IELTS imtihonini qog‘ozda topshirganlarning (paper based) javoblari qayta tekshirilmoqda, ayrim natijalar ommaviy bekor qilindi. Bu test javoblarining internetga sizdirilayotgani bilan bog‘liq bo‘lishi mumkin. gazeta.uz »
O‘zbekiston Atom energiyasi agentligi va “Rosatom” davlat korporatsiyasi o‘rtasida mamlakatda yirik atom elektr stansiyasi qurish imkoniyatlarini o‘rganish bo‘yicha kelishuv imzolandi. Loyiha to‘rttagacha kengaytirish imkoniyati bilan ikkita VVER-1000 quvvat blokini o‘z ichiga oladi. Kichik AES loyihasi o‘zgartirildi. gazeta.uz »
Ijtimoiy sohaga davlat investitsiyalarini boshqarish bo‘yicha geoportal ishlab chiqildi, uni sentabr oyida ishga tushirish rejalashtirilmoqda. Portal orqali maktablar, poliklinikalar, yo‘llar va boshqa ijtimoiy infratuzilma obyektlarining holati to‘g‘risidagi ma’lumotlarni tahlil qilish mumkin bo‘ladi. gazeta.uz »
Payshanba kuni Qozog‘istonning Ekibastuz energouzelidagi elektr uzatish liniyalarida avariyaviy uzilishlar ro‘y berdi, buning ortidan O‘zbekistonning qator hududlarida elektr uzatish qisqa muddatga cheklandi. gazeta.uz »
Deputatlar birinchi marta sodir etilgan kichik YHQ buzganlik uchun ma’muriy ogohlantirish (jarima o‘rniga) joriy etish to‘g‘risidagi qonun loyihasini birinchi o‘qishda ma’qulladi. Shuningdek, kamera qayd etoladigan 13 ta qoidabuzarlik ro‘yxatini belgilash taklif qilinmoqda. Unga yo‘l chizig‘ini bosish qo‘shilmagan. gazeta.uz »
