Samarqandda - Ïîñëåäíèå íîâîñòè [ Ôîòî â íîâîñòÿõ ] | |
Samarqandning Oqdaryo tumanida Xitoy kompaniyasi 2026-yildan elektrosamokat va quyosh panelida ishlaydigan ko‘cha chiroqlari ishlab chiqarishi kutilmoqda. Investorlar ishni boshlashi uchun avtomobil yo‘li qurilishi kerakligini aytib, bu masalada viloyat hokimidan yordam so‘radi. gazeta.uz »
Samarqandda Italiyaning Tushia universiteti filiali ochiladi. Filialning rasmiy ochilish marosimi 30-sentabr kuni o‘tkaziladi. O‘quv yili 2026-yil yanvaridan boshlanadi. OTM qishloq xo‘jaligi yo‘nalishi bo‘yicha ta’lim beradi. gazeta.uz »
DXX Samarqand viloyatida narkotik moddalar noqonuniy aylanmasiga doir reydlar o‘tkazdi. Pastdarg‘om tumanida uy og‘ilxonasidan 25,5 kg marixuana, Urgutda hovlidagi daraxt tagidan qariyb 1 kg opiy moddasi topildi. Ikki holat bo‘yicha jinoyat ishlari qo‘zg‘atildi. gazeta.uz »
Samarqand shahrida 19 yoshli Chery haydovchisi piyodalar o‘tish joyidan o‘tayotgan erkak va uning voyaga yetmagan bolasini urib ketgan. Voqea sabab bola vafot etgan. Ota sudda o‘sha kuni o‘g‘lining tug‘ilgan kuni bo‘lganini aytdi. Haydovchi 6 yilga ozodlikdan mahrum qilindi. gazeta.uz »
Samarqand shahridagi Kongress markazida Iordaniya podshohi Abdulla II ibn al-Husayn O‘zbekistonning tibbiy asbob-uskunalardan tortib, IT yechimlarigacha bo‘lgan eksportbop mahsulotlari ko‘rgazmasi bilan tanishdi. gazeta.uz »
Samarqand shahrida O‘zbekiston prezidenti va Iordaniya Hoshimiylar podshohligi podshohining muzokaralari bo‘lib o‘tdi. Unda Kimyo va to‘qimachilik sanoati, “aqlli” qishloq xo‘jaligi, geologiya, sog‘liqni saqlash va farmatsevtika, turizm va boshqa tarmoqlarda kooperatsiyani kengaytirishga kelishib olindi. gazeta.uz »
Samarqandda oltin ma’danlarining go‘yoki maxfiy xarita va fotolarini 25 ming dollarga sotmoqchi bo‘lgan shaxs qo‘lga olindi. U fuqaroga hujjatlarni Geologiya vazirligida ishlagan paytlarida olganini aytgan. U puldan 10 ming dollar olayotganida ushlangan. gazeta.uz »
Samarqandda 10 yil davomida hujjatsiz qurilgan 12 qavatli noodatiy binoni buzish boshlandi. Qurilish vazirligi bino seysmik chidamlilik talablariga javob bermasligini ta’kidladi. Tadbirkor yig‘lab prezidentga murojaat qildi. gazeta.uz »
Samarqand viloyati ko‘p tarmoqli tibbiyot markazida 16 yoshli qiz burun operatsiyasida vafot etdi. Qizning qarindoshlari taxmin qilishicha, uning o‘limiga nafas yo‘llariga tampon tiqilib qolgani va buning natijasida u nafas ololmay qolgani sabab bo‘lgan. Holat yuzasidan tergov boshlangan. gazeta.uz »
Samarqand viloyatida yashirin yo‘l bilan tarmoqqa ulanib, jami 3,3 mlrd so‘mlik tabiiy gazni talon-toroj qilgan ikki nafar tadbirkor qo‘lga tushdi. gazeta.uz »
O‘zbekiston prezidenti Iqtisodiy hamkorlik tashkilotining navbatdagi sammitida nutq so‘zladi. U Eron-Isroil o‘rtasidagi kelishuvni qo‘llab-quvvatlashini bildirdi, Afg‘onistonni sammitga qaytganini qutladi. gazeta.uz »
Kattaqo‘rg‘on tumanida ikki ayol 15 yoshli bolani 50 mln so‘mga sotmoqchi bo‘lgani aniqlandi. Tezkor tadbirda ulardan biri bola uchun 20 mln so‘m olayotganida qo‘lga tushdi. gazeta.uz »
O‘zbekistonga rasmiy tashrif bilan kelgan Italiya bosh vaziri Jorja Meloni Samarqand shahrida rasmiy kutib olindi. Foto. gazeta.uz »
Samarqand tumanida fuqaro dala hovlisida sher bolasini boqib kelgani aniqlandi. Sher vaqtincha saqlash uchun viloyat kinologiya markaziga olib kelingan hamda alohida parvarishga olinib, tibbiy ko‘rikdan o‘tkazilgan. gazeta.uz »
Paxtachi tumanida maktab o‘quvchilari o‘rtasida yuz bergan janjal oqibatida 18 yoshli yigit vafot etdi. Voqeaga Instagram’dagi tortishuv sabab bo‘lgani aytilmoqda. “Yolg‘iz farzandim edi. Orzulari juda katta edi. Bir umr kechirmayman”, - deydi marhumning onasi. gazeta.uz »
Jomboy tumanida fermer xo‘jaligi vakillari Oqdaryo daryoosidan noqonuniy ravishda qum-shag‘al aralashmasi qazib olgani aniqlandi. Ular bu bilan tabiatga 137 mlrd 472 mln so‘mdan ko‘proq zarar yetkazgan. gazeta.uz »
DXX tezkor tadbirida Samarqandda xorijlik fuqaro va uning 4 nafar oila a’zosini AQShga ishlash uchun yuborish evaziga 150 ming dollar so‘ragan shaxs qo‘lga olindi. Yana bir gumonlanuvchi Buyuk Britaniya pasportini soxtalashtirish xizmatlari uchun pul olganda ushlandi. gazeta.uz »
Kattaqo‘rg‘on tumanidagi yonilg‘i shoxobchasida yuz bergan portlash oqibatida 2 kishi halok bo‘lgandi. Keyinchalik shifoxonaga yotqizilgan yana bir fuqaro ham vafot etgani ma’lum bo‘ldi. Marhumlar shoxobcha rahbari, operatori va yuk mashinasi haydovchisi bo‘lgan. gazeta.uz »
Samarqandda uch qavatli uyda portlash sodir bo‘ldi, oqibatda bino qulab tushdi. Olti kishining jasadi topilgan. gazeta.uz »
Samarqand viloyati Kattaqo‘rg‘on tumanidagi yoqilg‘i shoxobchasida solyarka saqlash sig‘imida yong‘in sodir bo‘ldi. Oqibatda 2 fuqaro vafot etdi, 1 fuqaro jarohat bilan shifoxonaga yotqizildi. gazeta.uz »
Oqdaryo tumanida 21 yoshli ayol yetti oylik farzandini ko‘chaga tashlab ketdi. Bolalar ombudsmaniga ko‘ra, hozirda uning harakatlariga huquqiy baho berish jarayoni bormoqda. Chaqaloq tumandagi go‘daklar uyiga joylashtirildi. gazeta.uz »
Samarqand shahrida 10 metrlik jarlik ichidagi changalzorga tushib ketgan yoshi katta ikki fuqaro FVV qutqaruvchilari tomonidan qutqarib olindi. gazeta.uz »
Samarqandda Lacetti haydovchisi piyodalar o‘tish yo‘lagidan o‘tayotgan 10 ga yaqin kishini, jumladan, bir nechta bolani urib yubordi. YTH oqibatida bir kishi halok bo‘ldi, bir qancha kishi jarohatlandi. gazeta.uz »
Samarqandga kelgan Turkmaniston Xalq maslahati raisi Gurbanguli Berdimuhamedov va prezident Shavkat Mirziyoyev Hazrati Xizr majmuasiga borib, Islom Karimov qabriga gul qo‘ydi, so‘ng “Boqiy shahar”dagi madaniy tadbirlarda ishtirok etdi. Foto. gazeta.uz »
Davlat xavfsizlik xizmati o‘tkazgan tezkor tadbirlarda Toshkent shahri, Toshkent va Samarqand viloyatlarida maktab direktori lavozimi, bojxona hamda ekologik ruxsatlar uchun pora olayotgan mansabdor shaxslar qo‘lga olindi. gazeta.uz »
5-may kuni Samarqandda Markaziy Osiyo davlatlari va Ko‘rfaz arab davlatlari hamkorlik kengashi sammiti bo‘lib o‘tadi, dedi tashqi ishlar vaziri Baxtiyor Saidov ushbu dialogdagi hamkasblari bilan uchrashuvi yakunlari bo‘yicha. gazeta.uz »
Urgut tumanidagi maktab direktori va uning sherigi qariyb 1 kg opiy giyohvand moddasini sotmoqchi bo‘lgan vaqtida tezkor tadbirda ushlandi. Ular sudda aybiga qisman iqrorligini bildirdi. Avval ham firibgarlik jinoyati bilan sudlangan direktor 10 yilga, sherigi esa 11 yilga qamaldi. gazeta.uz »
Oliy darajadagi O‘zbekiston-Yevropa muzokaralari daraxt ekish marosimi bilan yakunlandi. Shavkat Mirziyoyev, Ursula fon der Lyayen va Antoniu Koshta birgalikda Kongress markazi xiyoboniga ikkita eman daraxti o‘tqazdi, so‘ngra Samarqand shahridagi “Boqiy shahar” tarixiy-etnografik majmuasiga tashrif buyurdi. gazeta.uz »
Shavkat Mirziyoyev Samarqandda Yevropa komissiyasi prezidenti Ursula fon der Lyayen bilan suhbat o‘tkazdi. Muloqotda o‘zaro manfaatli hamkorlikni yanada kengaytirish istiqbollari hamda “MO - YeI” sammitini o‘tkazish masalalari muhokama qilindi. gazeta.uz »
Samarqand shahrida Onix haydovchisi YPX inspektorini mashina kapotida sudrab, qochib ketgandi. Sudda u mast otasi onasiga kuch ishlatayotganini eshitgandan so‘ng uyga shoshganini bildirdi. YPX xodimi esa qamoq bilan bog‘liq bo‘lmagan jazo berishni so‘radi. Haydovchining ozodligi 3 yilga cheklandi. gazeta.uz »
Samarqand shahrida 43 ta avtobus yo‘nalishi brutto-shartnomaga o‘tkazilib, haydovchilardan kunlik reja topshirish majburiyati olib tashlandi. Endi haydovchilarga oylik bosib o‘tgan masofa va yo‘lovchilarga xizmat ko‘rsatish sifatiga qarab to‘lanadi. gazeta.uz »
Raqobat qo‘mitasi aslida davlat standarti talablariga mos kelmaydigan benzinni Ai-92 va Ai-95 markali benzin sifatida sotgan AYOQSHlarni aniqladi. Ularga nisbatan ish qo‘zg‘atilib, 22 mln so‘mga yaqin mablag‘ni iste’molchilarga qayta hisob-kitob qilish to‘g‘risida ko‘rsatma berildi. gazeta.uz »
Tarmoqlarda Urgut tumanida erkak yo‘l o‘rtasidagi chuqurda hosil bo‘lgan ko‘lmakda cho‘milgani aks etgan video tarqaldi. Samarqand viloyati IIBga ko‘ra, u “jamiyatda yurish-turish qoidalarini qasddan buzgan”. Sud qarori bilan fuqaro 10 sutkaga qamaldi. gazeta.uz »
Samarqand viloyatida 1-apreldan ichimlik va oqova suv narxlari oshiriladi. Bunda aholi uchun bir metr kub ichimlik suvi narxi 2800 so‘mni, yuridik tashkilotlar uchun esa 6700 so‘mni tashkil etadi. gazeta.uz »
Samarqandning Kattaqo‘rg‘on tumanidagi maktabda o‘quvchining onasi pedagogni urdi. Ayol o‘qituvchi farzandinini haqoratlaganini aytib, unga tarsaki tushirgan. Holat yuzasidan huquqni muhofaza qilish organlari tomonidan tekshiruv olib borilmoqda. gazeta.uz »
Samarqandda 3 ta tarixiy masjid buzib tashlanishi, yana bir arxitektura yodgorligi esa ruxsatsiz ta’mirlanishi oqibatida yodgorliklarga jami 46,8 mlrd so‘mlik zarar yetkazilgani aniqlandi. Holatlar yuzasidan jinoyat ishlari ochildi. gazeta.uz »
Jomboy tumanidagi 25-sonli davlat bog‘chasida tarbiyachi bir qancha bolalarning boshiga urib siltadi. Samarqand viloyati MMTBga ko‘ra, unga 1,1 mln so‘m miqdorida jarima qo‘llangan. Mehnat shartnomasi xodimning tashabbusi bilan bekor qilingan. gazeta.uz »
Nurobod tumanida IIO xodimlari hojatxonada tug‘ilib, uning chuquriga tushib ketgan chaqaloqning hayotini qutqarib qoldi. 3 kg 700 gramm tug‘ilgan bolaning hozirgi ahvoli yaxshi. Ta’kidlanishicha, ayol beshinchi farzandiga homilador bo‘lganini o‘zi payqamagan. “Tog‘da kiyikdek sakrab yurganman”, - deydi u. gazeta.uz »
Samarqand shahrida buvisi bilan yashagan 20 yoshli qiz o‘zini 9-qavatdan tashlab, joniga qasd qildi. Hozirda holat yuzasidan shahar prokuraturasi tomonidan tekshiruv olib borilmoqda. gazeta.uz »
Narpay tumanida ayol o‘z kelinini telefon zaryadlovchi shnur bilan bo‘g‘ib, keyin pichoq va qaychida jarohat yetkazib o‘ldirgan. U 13 yilga ozodlikdan mahrum etildi. Ayol farzandini 3 yoshligida bolalar uyiga tashlab ketgan, yillar o‘tib yashashga joyi yo‘qligi vaji bilan farzandi yoniga qaytgan bo‘lgan. gazeta.uz »
Samarqand viloyatida Namangandan iste’molga yaroqsiz 2 tonna go‘sht olib kelayotgan yuk mashinasi aniqlandi. Mahsulotlar belgilangan tartibda yo‘q qilindi. gazeta.uz »
Jomboy tumanida 11-sinf o‘quvchisi Lacetti boshqaruvini yo‘qotib, yo‘l chetidagi daraxtga urildi. Oqibatda o‘smir og‘ir jarohatlari sababli shifoxonada vafot etdi. gazeta.uz »
Samarqand shahrida mebel sexida noqonuniy mayning bilan shug‘ullangan shaxslar elektr ta’minotiga 1,8 mlrd so‘m zarar yetkazdi. Ularga nisbatan jinoyat ishi qo‘zg‘atildi. gazeta.uz »
Jomboy tumanida ichida yo‘lovchilari bo‘lgan avtobus Cobalt bilan to‘qnashdi. Holat avtobus haydovchisining tezlikni me’yoridan oshirgani va tormozni keskin bosgani sabab sodir bo‘lgan. YTH oqibatda bir kishi shifoxonada vafot etdi. gazeta.uz »
Samarqand viloyatida 27 yoshli ayol eri tomonidan kaltaklanganidan so‘ng bir necha kun o‘tib ahvoli yomonlashgan va shifoxonada vafot etgan. Zo‘ravonlikka uchragan ayol dastlab holatni mahalla idorasiga ma’lum qilgan. gazeta.uz »
Payariq tumanida Cobalt xavfli burilish paytida “KamAZ” bilan to‘qnashdi. Oqibatda yengil avtomobil haydovchisi va yo‘lovchisi shifoxonada vafot etdi. gazeta.uz »
Oqdaryo tumanida Cobalt haydovchisi YPX xodimini mashina eshigida sudrab ketdi. Haydovchi qo‘lga olindi va jinoiy ish ochildi. “YPX xodimidan qochib, oxiri qamoqqacha yetib keldim”, - dedi u. gazeta.uz »
Toyloq tumanida fuqaro o‘zi yashaydigan mahalladagi chinor daraxtini noqonuniy ravishda kesib tashladi. Oqibatda tabiatga 115 125 000 so‘m zarar yetkazdi. Bu ishda jinoyat alomatlari borligi sababli tegishli hujjatlar rasmiylashtirilib, huquqni muhofaza qiluvchi organlarga taqdim etildi. gazeta.uz »
Samarqand shahrida Onix haydovchisi YPX inspektorining to‘xtash talabiga e’tibor bermay, uni avtomobil kapotida sudrab qochib ketdi. Xodim yerga yiqilib jarohat oldi, haydovchi ushlandi. gazeta.uz »
Aprel oyida Samarqandda Yevropa Ittifoqi - Markaziy Osiyo birinchi sammiti bo‘lib o‘tadi. Avvalroq tadbir YeIda o‘tgan yili yangi hukumat tuzilgani sababli 2024-yildan 2025-yilga ko‘chirilgan edi. gazeta.uz »
