çáåêèñòîí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonga avtomobillar importi keskin kamaydi, deb xabar berdi MB. Yil davomida yangi avtomobillar so‘mda 4,7%, dollarda esa 1,6% oshgan. Ishlatilganlari arzonlashda davom etmoqda. Ikkilamchi bozorda faollik pasaymoqda, bu, ehtimol, talab va xarid qobiliyatining pasayishi bilan bog‘liq. gazeta.uz »
O‘zbekiston va Italiya strategik sheriklik munosabatlarini mustahkamlashga kelishib oldi. Shuningdek, ikki davlat o‘rtasida migratsiya va harakatlanish erkinligi, strategik ahamiyatga ega xomashyo sohasida hamkorlik va investitsiyalarni rag‘batlantirish hamda o‘zaro himoya qilish to‘g‘risidagi bitimlar imzolandi. gazeta.uz »
Shavkat Mirziyoyev va Italiya bosh vaziri Jorja Meloni o‘zbek eksportchilarni Yevropa Ittifoqi bozoriga chiqishi uchun o‘qitish, Toshkentda qo‘shma Sertifikatlashtirish markazini tashkil etish, Texnologik sheriklik dasturini yo‘lga qo‘yish va investitsiya fondini tashkil etish imkoniyatlarini muhokama qildi. gazeta.uz »
O‘zbekiston Xitoy bilan yo‘l sohasida yagona standartlar, innovatsion materiallar va raqamlashtirishni ishlab chiqish bo‘yicha bitim imzoladi. Transport vazirligi buni rivojlangan davlat bilan qilingan ilk kelishuv sifatida qayd etdi. gazeta.uz »
O‘zbekiston Bolalarga nisbatan zo‘ravonlikka chek qo‘yish milliy majburiyatini e’lon qildi. Bu haqdagi hujjatlar YUNISEF ijrochi direktori Ketrin Rassel ishtirokida imzolandi. Bolalarga nisbatan shafqatsizlikning oldini olish va javob berish bo‘yicha strategiya va 10 yillik harakatlar rejasi ishlab chiqilmoqda. gazeta.uz »
Qarshining “Nasaf” futbol klubi O‘zbekiston Superkubogi uchun bahsda to‘rtinchi bor g‘olib chiqdi. 27-may kuni Toshkentdagi “Bunyodkor” stadionida bo‘lib o‘tgan uchrashuvda qashqadaryoliklar “Andijon”ni 1:0 hisobida mag‘lubiyatga uchratdi. gazeta.uz »
Prezident Shavkat Mirziyoyev O‘zbekistonga tashrif buyurgan YUNISEF ijrochi direktori Ketrin Rasselni qabul qildi. Tomonlar bolalarga g‘amxo‘rlik va qo‘llab-quvvatlashning yangi mexanizmlarini joriy etish, ijtimoiy xizmatlar sifati va ulardan foydalanish imkoniyatini oshirish bo‘yicha hamkorlik qilishga kelishib oldi. gazeta.uz »
Kelasi yillarda O‘zbekistonning oltin-valyuta zaxiralari oltin narxi pasayishi kutilayotgan bir sharoitda 30 mlrd dollargacha (hozir - $49,3 mlrd) kamayishi mumkin, deya qayd etdi S&P. Tashkilotga ko‘ra, davlat korxonalarining kafolatlanmagan qarzi davlat budjeti balansiga tushib qolishi xavfi mavjud. gazeta.uz »
Qonunchilik palatasi deputatlari Vena konvensiyasiga qo‘shilish haqidagi qonunni qabul qildi. Unda yadroviy falokat yuz bergan taqdirda O‘zbekiston xalqiga tovon to‘lanishini ta’minlash ko‘zda tutilgan. gazeta.uz »
Pul-kredit siyosatidagi yutuqlarga qaramay, O‘zbekiston Markaziy banki ehtimoliy siyosiy aralashuvlar va imtiyozli kreditlash dasturlari tufayli hali ham cheklovlarga duch kelmoqda, deb ta’kidladi S&P reyting agentligi. Bank sohasidagi tartibga solish reaktiv deb baholanmoqda. gazeta.uz »
Vengriyaning uchta farmatsevtika kompaniyasi - Gedeon Richter, Egis va Meditop O‘zbekistonda shartnoma asosida ishlab chiqarish va mahalliylashtirishni yo‘lga qo‘yishni rejalashtirmoqda, dedi Farmatsevtika agentligi rahbari Abdulla Azizov. gazeta.uz »
Prezident Shavkat Mirziyoyevning Budapeshtga tashrifi chog‘ida O‘zbekiston va Vengriya yirik parrandachilik fermalari qurish, baliq urug‘ini yetkazib berish, kartoshkani chuqur qayta ishlash bo‘yicha loyihalarni ishga tushirishga kelishib oldi. gazeta.uz »
S&P agentligi ilk bor O‘zbekiston kredit reytingi prognozini “barqaror”dan “ijobiy”ga o‘zgartirdi. Bu iqtisodiy va fiskal islohotlardagi taraqqiyot, shuningdek, eksport va budjet daromadlarining yaxshilanishi, shu jumladan, oltin narxining yuqoriligi bilan bog‘liq. gazeta.uz »
Futbol bo‘yicha O‘zbekiston milliy terma jamoasining 28-may kuni boshlanadigan o‘quv-mashg‘ulot yig‘iniga jalb etilgan futbolchilar ro‘yxati e’lon qilindi. Jamoa 5-iyun kuni BAA, 10-iyun kuni esa Qatarga qarshi o‘ynaydi va ular orqali jahon chempionati yo‘llanmasini qo‘lga kiritishi mumkin. gazeta.uz »
O‘zbekiston o‘smirlar terma jamoasi U-17 Jahon chempionati qur’asi natijalariga ko‘ra, Paragvay, Panama va Irlandiya bilan bir guruhdan joy oldi. “Bor e’tiborimizni raqiblarni chuqur o‘rganishga, iqlim va muhitga moslashishga qaratamiz”, - dedi bosh murabbiy Islombek Ismoilov. gazeta.uz »
O‘zbekiston va Qozog‘iston yangi o‘tkazish punktlari orqali nogabarit va bo‘sh yuk mashinalari harakatini yo‘lga qo‘ymoqchi. Bunda navbatlar va boshqa NO‘Plardagi yuklamani kamaytirish ko‘zlanmoqda. gazeta.uz »
Shavkat Mirziyoyev va Robert Golob muzokaralari yakunida O‘zbekiston va Sloveniya o‘rtasida qo‘shma bayonot imzolandi va diplomatik vizalar, ta’lim, transport, “aqlli” shaharlar, suv, turizm va standartlashuv sohalarida hamkorlik hujjatlari almashildi. gazeta.uz »
Shavkat Mirziyoyev va Sloveniya bosh vaziri Robert Golob uchrashuvida o‘zaro tovar ayirboshlash hajmini 500 mln yevroga yetkazish, migratsiya sohasida ekspertlar guruhini tuzish, ikki mamlakat o‘rtasida to‘g‘ridan-to‘g‘ri aviaqatnovlarni yo‘lga qo‘yish, qo‘shma ta’lim dasturlarini rivojlantirish rejalari kelishib olindi. gazeta.uz »
O‘zbekiston Sloveniyaning “Koper” porti salohiyatidan Yevropa Ittifoqi bozoriga chiqish uchun logistika habi sifatida foydalanish imkoniyatlarini o‘rganadi. Bu ikki davlat rahbarlari uchrashuvida muhokama qilindi. gazeta.uz »
Øàâêàò Ìèðçè¸åâ Íàòàøà Ïèðö Ìóñàðíèíã òàêëèôèãà áèíîàí ðàñìèé òàøðèô áèëàí Ëþáëÿíàäà á¢ëèá òóðèáäè. ru.sputniknews-uz.com »
Vengriyaga tashrifini yakunlagan O‘zbekiston prezidenti Sloveniya poytaxti Lyublyanaga yetib bordi. U mamlakat rahbari va parlamenti bilan uchrashuvlar o‘tkazib, qo‘shma biznes forumida ishtirok etishi rejalashtirilgan. gazeta.uz »
O‘zbekiston tashabbusi bilan Termizda o‘tkazilgan forumda Markaziy va Janubiy Osiyoni yaqinlashtirish yo‘llari muhokama qilindi. “Termiz muloqoti” qo‘shma loyihalar muhokamasi, shuningdek, Afg‘onistonni mintaqa iqtisodiyotiga jalb qilish va xavfsizlikka jamoaviy yondashuvlarni shakllantirish maydoniga aylandi. gazeta.uz »
“O‘zatom” agentligi va Vengriyaning MVM EGI davlat korxonasi o‘rtasida O‘zbekistondagi AESlarda quruq sovitish tizimlarini yetkazib berish va joriy etish bo‘yicha shartnoma imzolandi. gazeta.uz »
Faxriy mehmondan eng faol ishtirokchigacha: O‘zbekiston 2019-yildan buyon Turkiy davlatlar tashkiloti doirasida o‘nlab tashabbusni ilgari surmoqda. “Gazeta.uz” TDT sammiti kuni mamlakatning xalqaro platforma bilan hamkorligi xronologiyasini eslatadi. gazeta.uz »
O‘zbekiston va Vengriya kengaytirilgan strategik sheriklik munosabatlarini o‘rnatishga kelishib oldi. Budapeshtdagi muzokaralarda Investitsiyaviy hamkorlik dasturini qabul qilish, 2026-yilni O‘zbekiston va Vengriya madaniyati yili deb e’lon qilish, havo qatnovini rivojlantirish va boshqa masalalar muhokama qilindi. gazeta.uz »
O‘zbekiston prezidenti Vengriya Milliy majlisi spikeri Laslo Kyover bilan uchrashuv o‘tkazdi. Tomonlar, xususan, hududlarni rivojlantirish, ijtimoiy himoya, soliq va raqamlashtirish sohalarida qonun ijodkorligi bo‘yicha tajriba almashishni muhokama qildi. gazeta.uz »
Prezident Vengriyadagi yirik investorlar bilan uchrashuv o‘tkazdi. Inpark boshqaruvi ostida Yevropa kompaniyalari uchun Toshkent viloyatida sanoat zonasi tashkil etish, avtokreditlar bo‘yicha OTP qo‘shma korxonasini tuzish, biznesni moliyalashtirish dasturini ishga tushirish kabi mavzular muhokama qilindi. gazeta.uz »
O‘zbekistonda 15-apreldan 15-mayga qadar o‘tkazilgan “Xavfsiz va sog‘lom yurt” oyligi davomida 17,3 ming dona tig‘li buyum, 334 kilogrammdan ortiq giyohvand modda musodara qilindi, mingga yaqin qidiruvdagi shaxs ushlandi, 383 nafar bedarak yo‘qolgan shaxs topildi, 190 mingdan ortiq YHQ qayd etildi. gazeta.uz »
1-iyundan Bahrayn, Kuvayt va O‘mon fuqarolari uchun O‘zbekistonda 30 kunlik vizasiz rejim amal qiladi. Bundan tashqari, har yili noyabr oyining 3-haftasida Xalqaro turizm haftaligi tashkil etiladi. Har oy 2-haftasining shanba va yakshanba kunlari “Oila va jamoa bilan sayohatga chiqish kuni” etib belgilanadi. gazeta.uz »
Oliy Majlis Qonunchilik palatasi spikeri Nuriddin Ismoilov Rim papasi Leo XIV inauguratsiya marosimida ishtirok etdi. Uchrashuvda u yangi saylangan Rim papasini tabriklab, O‘zbekiston prezidentining salomini yetkazdi. gazeta.uz »
Toshkentda Yangi O‘zbekiston bog‘i va Olimpiya shaharchasini yagona ansamblga birlashtiruvchi salkam 600 metrda yerosti yo‘l o‘tkazgichi qurilmoqda. Loyihaga ko‘ra, qurilish obyektida transport tuguni: bir nuqtada aytoyo‘l, yerosti metro bekati, yerusti tramvay liniyasi bo‘ladi. “Gazeta.uz” obyektdan reportaj tayyorladi. gazeta.uz »
1977-yildan buyon 18-mayda - Xalqaro muzeylar kuni nishonlanadi. “Gazeta.uz” sana munosabati bilan O‘zbekistondagi muzeylar haqida test tayyorladi. gazeta.uz »
Turkiyaning Isparta shahrida 15 davlatning 48 ta jamoasi ishtirokida merganlar bellashuvi o‘tkazildi. Unda O‘zbekiston Mudofaa vazirligi jamoasi oltin medalni qo‘lga kiritdi. Bu musobaqada jamoa 4-marta qatnashmoqda: oldin ikki marta ikkinchi va bir marta birinchi o‘ringa sazovor bo‘lingan. Foto, video. gazeta.uz »
O‘zbekistonda Bolalar saratoniga qarshi kurashish milliy strategiyasi qabul qilindi. U sog‘liqni saqlash tizimini modernizatsiya qilish, kadrlar va infratuzilmani takomillashtirish, barcha darajadagi bolalarga yuqori sifatli tibbiy yordam ko‘rsatishda yagona yondashuvni yaratishga qaratilgan. gazeta.uz »
Silk Avia ham Uzbekistan Airways bosh kompaniyasi ortidan barcha asosiy yo‘nalishlar bo‘yicha tariflar narxi pasaytirilganini e’lon qildi. gazeta.uz »
Shavkat Mirziyoyev 19−22-may kunlari rasmiy tashrif bilan Vengriya va Sloveniyaga boradi. U Budapeshtda bosh vazir Viktor Orban bilan muzokaralar o‘tkazadi va TDT sammitida ishtirok etadi. Lyublyanada esa mamlakat rahbariyati bilan savdo-iqtisodiy hamkorlikni muhokama qilish uchun uchrashuvlar rejalashtirilgan. gazeta.uz »
Rossiya-Ukraina urushida qatnashib, jang maydonida harbiy istehkom qurish ishlariga jalb etilgan O‘zbekiston fuqarosiga 4 yil ozodlikni cheklash jazosi tayinlandi. U Rossiyada yashash qoidalarini buzganlikda ayblangan, jazo berilmasligi evaziga Rossiya qurolli kuchlari tarkibiga harbiy xizmat qilishga rozi bo‘lgan. gazeta.uz »
Moskvadagi Vnukovo aeroportida Interpol orqali O‘zbekiston fuqarosi qo‘lga olindi. Xabar qilinishicha, u firma rahbari bo‘lib ishlagan vaqtida 9 mln dollar kredit olib, uni qaytarmay, xorijga g‘oyib bo‘lgan. gazeta.uz »
2025-yil birinchi chorakda Litva mavsumiy ishlash uchun 363 ta ruxsatnoma berdi, ularning eng ko‘pi - 42 foizi O‘zbekistonga to‘g‘ri keldi. Litvada 9,1 mingdan ortiq o‘zbekistonlik mehnat qilmoqda. gazeta.uz »
Kursk viloyatidagi mehmonxonaga qilingan havo hujumi oqibatida 39 yoshli O‘zbekiston fuqarosi vafot etdi. Hujum sabab fuqaroligi ma’lum qilinmagan yana ikki erkak jarohatlangan. gazeta.uz »
Yevropa Ittifoqi Rossiyaga qarshi 17-sanksiya paketini oldindan kelishib oldi. Ushbu paket Rossiyaga sanksiyalarni chetlab o‘tishga yordam berishi taxmin qilinayotgan 20 dan ortiq, jumladan, O‘zbekistondagi kompaniyalarga qaratilgan. gazeta.uz »
BMT Taraqqiyot dasturining yangi Inson taraqqiyoti indeksida O‘zbekiston 193 mamlakat ichida 107-o‘rinni egalladi. Mamlakat inson taraqqiyoti indeksi yuqori bo‘lgan mamlakatlar toifasida qolmoqda. gazeta.uz »
Noyabrda O‘zbekistonda “Markaziy Osiyo - Yevropa Ittifoqi” iqtisodiy forumi va investorlar forumi bo‘lib o‘tadi. Yevropa Ittifoqi elchisi Toyvo Klaarning so‘zlariga ko‘ra, YeI, shuningdek, Shavkat Mirziyoyevning Kengaytirilgan sheriklik va hamkorlik to‘g‘risidagi bitimni imzolash uchun Bryusselga tashrifini kutmoqda. gazeta.uz »
PISA tadqiqoti asoschisi Andreas Shlyayxer O‘zbekistondagi tadqiqotlarda barcha prezident maktablari qo‘shimcha guruh sifatida ishtirok etayotganini va ular umumiy natijaga ortiqcha ta’sir o‘tkazmasligini ma’lum qildi. gazeta.uz »
Misrda migratsiya qoidalarini buzganlikda gumonlanib, besh nafar O‘zbekiston fuqarosi ushlandi (keyinroq ulardan biri qo‘yib yuborilgan). O‘zbekiston elchixonasi mahalliy huquq-tartibot idoralari xorijliklar, jumladan, o‘qish maqsadida kelganlarni tekshirishni kuchaytirganini bildirdi. gazeta.uz »
1-iyundan boshlab O‘zbekiston fuqarolari Xitoyga vizasiz safar qilishlari mumkin. Bunda muddat 30 kundan oshmasligi lozim. Vizasiz rejim o‘qish, mehnat va media faoliyati bilan shug‘ullanishga nisbatan tatbiq etilmaydi. gazeta.uz »
Saudiya Arabistonining ACWA Power kompaniyasi ishtirokida Toshkent viloyatida yashil vodorodni sinovdan o‘tkazish iyun oyida ishga tushirilishi mumkin. Shu tariqa O‘zbekiston ekologik toza yoqilg‘i turlaridan birini o‘zlashtirgan dunyodagi oltinchi davlatga aylanadi. gazeta.uz »
Bosh vazir Abdulla Aripov boshchiligidagi delegatsiya Eronda bo‘ldi. Uchrashuvlarda transport-logistikadagi ko‘p yillik muammolarni zudlik bilan hal etish zarurligi qayd etildi. Tovar ayirboshlashni 2 mlrd dollarga yetkazish muhokama qilindi. gazeta.uz »
O‘zbekiston Qishloq xo‘jaligi vazirligi Afg‘oniston fermerlari va agrar tuzilmalariga beg‘araz yordam tariqasida 26 tonnadan ziyod qishloq xo‘jaligi urug‘larini yetkazib berdi. Ular orasida sertifikatlangan chigit, sholi, mosh va yuqori sifatli poliz ekinlari urug‘lari bor. gazeta.uz »
Otabek Xolbayev bosh prokurorning o‘rinbosari - harbiy prokuror lavozimiga tayinlandi. Avvalgi harbiy prokuror Botir Qudratxo‘jayev favqulodda vaziyatlar vaziri bo‘lgandi. gazeta.uz »
