çáåêèñòîí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston U-20 terma jamoasi futbolchilari Osiyo kubogi chorak finalida penaltilar seriyasida Janubiy Koreyaga imkoniyatni boy berib qo‘ydi va jahon chempionatiga chiqa olmadi (foto, video, statistika). gazeta.uz »
O‘zbekiston va Surinam o‘rtasida diplomatik munosabatlar o‘rnatildi. Lotin Amerikasi davlati O‘zbekiston bilan diplomatik aloqa o‘rnatgan 158-davlat bo‘ldi. gazeta.uz »
Davlat xavfsizlik xizmati raisi Bahodir Qurbonov O‘zbekiston futbol assotsiatsiyasi prezidenti etib saylandi. gazeta.uz »
Qirg‘iziston Transport vazirligi O‘zbekiston bilan chegaradagi uchta nazorat-o‘tkazish punktida yuk mashinalari ustidan transport nazoratini joriy etishni taklif qildi. Qayd etilishicha, bunday nazorat yo‘q punktlarda xalqaro avtomobil qatnovi to‘g‘risidagi davlatlararo bitimlar normalari buzilmoqda. gazeta.uz »
Tashqi ishlar vaziri Baxtiyor Saidov va AQSh davlat kotibi Marko Rubio telefon orqali ikki davlat o‘rtasidagi hamkorlik, jumladan, biznes sheriklik o‘rnatish va savdo hajmini oshirish masalalarini muhokama qildi. gazeta.uz »
“O‘zbekiston Respublikasi faxriy donori” ko‘krak nishoni bilan taqdirlanganlar shahar jamoat transportidan bepul foydalanish huquqiga ega bo‘lishi mumkin. Nishon bilan taqdirlangan shaxslarga beriladigan mukofot summasi ham oshiriladi. gazeta.uz »
O‘zbekiston xalq artisti, maqom ijrochisi Nafisa To‘xtayeva 83 yoshida vafot etdi. U O‘zbekiston Davlat filarmoniyasida, Yunus Rajabiy nomidagi “Maqom” ansamblida xonanda sifatida ijod qilib, 50 dan ortiq mumtoz musiqa namunalarini “Oltin fond”ga muhrlagan. gazeta.uz »
O‘zbekiston o‘z fuqarolarining vatanga xavfsiz deportatsiyasini ta’minlash uchun AQSh bilan yaqindan hamkorlik qilib kelmoqda, dedi TIV matbuot kotibi. Vazirlik Amerika tomoniga Kosta Rika va Panamaga yuborilayotgan o‘zbekistonliklar haqida ma’lumot so‘rab murojaat qildi. gazeta.uz »
9-may kuni bayram salyuti soat 21:00 da Toshkentdagi “Yangi O‘zbekiston” bog‘ida tashkil qilinishi reja qilinmoqda. gazeta.uz »
O‘zbekistonning 20 yoshgacha bo‘lgan futbolchilar terma jamoasi Osiyo kubogi uchinchi o‘yinida Eronga imkoniyatni boy berib qo‘ydi va guruh bosqichini ikkinchi o‘rinda yakunladi. Chorak finalda o‘zbekistonliklar “D” guruhi yetakchisiga qarshi bahs olib boradi. gazeta.uz »
Prezident 200 million so‘mgacha bo‘lgan kafolatlangan omonat chegarasini joriy etish to‘g‘risidagi qonunni imzoladi (boshqa mamlakatlarda ham cheklovlar mavjud). Mazkur limit omonatchilar mablag‘larining 97 foizini qamrab oladi. Amaldagi depozitlar uchun to‘liq kafolat saqlab qolinadi. gazeta.uz »
“Kapitalbank” asoschisi, “Paxtakor” futbol klubi sobiq prezidenti Botir Rahimov O‘zbekiston tennis federatsiyasi raisi etib saylandi. O‘zmilliybank boshqaruvi raisi Alisher Mirsoatov esa Qishki sport turlari assotsiatsiyasiga rahbar bo‘ldi. gazeta.uz »
Al-Kuvayt shahrida O‘zbekiston va Kuvayt keng qamrovli sheriklik munosabatlarini rivojlantirish to‘g‘risida qo‘shma bayonot qabul qildi. Shuningdek, sanoat, mehnat, sog‘liqni saqlash, turizm va havo qatnovi kabi sohalar bo‘yicha hujjatlar imzolandi. gazeta.uz »
Navoiy va Shahrisabz mos ravishda Turkiyaning Zeytinburnu va Pendik shaharlari bilan birodarlik maqomini oldi. Shartnomalar O‘zbekiston hokimlarining Turkiyadagi malaka oshirishi doirasida imzolangan. gazeta.uz »
O‘zbekiston prezidenti Shavkat Mirziyoyev va Kuvayt amiri Shayx Mish’al as-Saboh Al-Kuvayt shahrida muzokara o‘tkazdi. Ikki davlat savdo-iqtisodiy, investitsiyaviy va “yashil” energetika sohalarida hamkorlikni kengaytirishga kelishib oldi. gazeta.uz »
“O‘zsuvta’minot”ga ko‘ra, aholini ichimlik suvi bilan to‘liq ta’minlash imkonsiz. Ammo 2035-yilgacha bu ko‘rsatkichni 95 foizga yetkazish reja qilingan. “Qolgan 5 foizi olis va tog‘li, tarmoq tortish ishlari texnik va iqtisodiy jihatdan o‘zini oqlamaydigan hududlarga to‘g‘ri keladi”, - dedi tashkilot vakili. gazeta.uz »
O‘zbekistonliklarning 56 foizida ortiqcha vazn, 38 foizida esa qon bosimi bilan bog‘liq muammo bor. Shuningdek, aholining 44 foizi jismoniy faol emasligi, 36 foizi to‘g‘ri ovqatlanish qoidalariga amal qilmasligi aniqlangan. gazeta.uz »
O‘zbekiston delegatsiyasi 26 yildan so‘ng qishki Osiyo o‘yinlarida oltin medalni qo‘lga kiritdi. 2024-yildan buyon O‘zbekiston sharafini himoya qilib kelayotgan figurali uchuvchilar Dmitriy Chigirev va Yekaterina Geynish juftlik yo‘nalishida eng yaxshi natijani ko‘rsatdi. gazeta.uz »
Para velosportning shosse yo‘nalishi bo‘yicha O‘zbekiston terma jamoasi Tailandda o‘tkazilgan Osiyo chempionatida 26 ta medal - 12 ta oltin, 9 ta kumush va 5 ta bronza olib, g‘oliblikni qo‘lga kiritdi. gazeta.uz »
O‘zbekiston amputant futbolchilari Osiyo chempionati g‘olibi bo‘ldi. Ular finalda Indoneziya terma jamoasini 6:0 hisobida mag‘lub qildi. Jamoa musobaqa davomida mag‘lubiyatga uchramadi, 5 ta o‘yinda 33 ta gol urib, atigi 1 ta gol o‘tkazib yubordi. gazeta.uz »
2021-yildan buyon AQSh terma jamoasida dona surib kelayotgan xalqaro grossmeyster Gulruhbegim Tohirjonova O‘zbekiston terma jamoasiga qaytdi. “O‘zbekistonda muhit o‘zgarganini, federatsiyada sportchilarga e’tibor paydo bo‘lganini his qilmaganimda qaytmas edim”, - deya ta’kidladi u. gazeta.uz »
Bangladeshda bo‘lib o‘tayotgan amputant futbolchilar o‘rtasidagi Osiyo chempionatida O‘zbekiston terma jamoasi guruh bosqichida barcha to‘rt uchrashuvda g‘alaba qozondi va turnir finaliga chiqdi. Hal qiluvchi o‘yin 12-fevral kuni Indoneziyaga qarshi bo‘ladi. gazeta.uz »
Transparency International tashkilotining Korrupsiyani qabul qilish indeksida O‘zbekiston 180 ta davlat orasida 121-o‘rinni egalladi. 100 balli indeks bo‘yicha mamlakat 32 ball to‘pladi. gazeta.uz »
Madridning “Atletiko” futbol klubi O‘zbekistonning sayyohlik salohiyatini xalqaro maydonda targ‘ib qilishga ko‘maklashishi kutilmoqda. Turizm qo‘mitasi raisi Ispaniyaga tashrifi davomida klub mutasaddilari bilan uchrashdi va qo‘shma marketing hamda reklama kampaniyalarini o‘tkazish imkoniyatlarini muhokama qildi. gazeta.uz »
Toshkent Fotosuratlar uyida O‘zbekiston xalq shoiri Muhammad Yusuf tavalludiga bag‘ishlangan ko‘rgazma ochildi. Namoyishga 70 ga yaqin fotosuratga qo‘yilgan bo‘lib, ularning aksariyati muallifi O‘zbekistonda xizmat ko‘rsatgan madaniyat xodimi, fotorassom Abdug‘ani Jumadir. Ko‘rgazma 12-fevralgacha davom etadi. gazeta.uz »
O‘zbekiston iqtisodiyoti 2024-yilda 6,5% o‘sib, 1,45 kvadrillion so‘mga ($115 milliardga yaqin) yetdi. Aholi jon boshiga YIM hajmi 39,1 mln so‘mgacha ($3093) o‘sdi, deya xabar beradi Statistika agentligi. gazeta.uz »
Rossiyaga ketayotgan migrantlar uchun ruxsatnomalar olish tartibini O‘zbekiston hududiga o‘tkazish masalasini ishlab chiqish tezlashtiriladi. Shuningdek, patent uchun to‘lov ish beruvchi hisobidan qoplanishi rejalashtirilmoqda. gazeta.uz »
O‘zbekiston Malayziyaning uchta yetakchi kompaniyasi bilan muhim minerallar sohasida qo‘shma loyihalar tashkil etish bo‘yicha kelishuvlarga erishdi. Bundan tashqari, Malayziya o‘zbekistonlik mutaxassislarni yarim o‘tkazgichlar ishlab chiqarish sohasida o‘qitishni yo‘lga qo‘ymoqda. gazeta.uz »
Ñîìàëè ¡çáåêèñòîí áèëàí äèïëîìàòèê ìóíîñàáàòëàð ¢ðíàòãàí 157-äàâëàòãà àéëàíäè. ru.sputniknews-uz.com »
Somali O‘zbekiston bilan diplomatik munosabatlar o‘rnatgan 157-davlatga aylandi. Ikki mamlakat hukumatlari nomidan hujjatni O‘zbekistonning BMTdagi doimiy vakili Ulug‘bek Lapasov va Somalining doimiy vakili Abukar Dahir Usmon imzoladi. gazeta.uz »
O‘zbekiston prezidentining Malayziyaga tashrifi chog‘ida ta’lim, sog‘liqni saqlash, madaniyat sohalarida hamkorlik bo‘yicha bitimlar imzolandi. Tashqi ishlar vazirining ta’kidlashicha, sun’iy intellekt, raqamlashtirish, “yashil” energetika, “aqlli” shaharlar iqtisodiy hamkorlikning ustuvor yo‘nalishlari bo‘ladi. gazeta.uz »
O‘zbekiston - Afg‘oniston - Pokiston Transafg‘on temir yo‘li qurilishi 2025-yilda boshlanishi rejalashtirilmoqda, dedi transport vaziri Ilhom Mahkamov. Prezidentga loyiha donorlari bilan olib borilayotgan ishlar, yo‘l uchastkasini kengaytirish rejalari haqida ma’lumot berildi. gazeta.uz »
O‘zbekiston davlat chegarasidan avtotransportda o‘tuvchilar endi avvaldan elektron navbat olib qo‘yishi mumkin. Navbatni Bojxona qo‘mitasining rasmiy veb sayti yoki navbatlarni boshqarish tizimi joriy etilgan kutish zonalarida olishi mumkin. gazeta.uz »
O‘zbekiston Milliy investitsiya jamg‘armasi AQShning aktivlarni boshqarish yo‘nalishida faoliyat yurituvchi Franklin Templeton kompaniyasi bilan ishonchli boshqaruv shartnomasini imzoladi. Kompaniya jamg‘armaga o‘tishi kutilayotgan 18 ta davlat koxonasi va banki aksiyalaridan iborat investitsion portfelni boshqaradi. gazeta.uz »
Anqaradagi vazirlar uchrashuvi yakunida O‘zbekiston, Ozarbayjon va Turkiya bir-birining suverenitetiga tahdidlarga qarshi birgalikda kurashish va savdoni soddalashtirish choralarini ko‘rish niyatida ekanini ta’kidladi. gazeta.uz »
O‘zbekiston yuk tashishni soddalashtirish uchun Yevrosiyo iqtisodiy ittifoqi (YOII) va uchinchi mamlakatlarning bojxona tranziti yagona tizimiga qo‘shilishi mumkin, dedi bosh vazir Abdulla Aripov. Shuningdek, u savdo to‘siqlarini o‘zaro bartaraf etish bo‘yicha kelishuv ishlab chiqishni boshlashni taklif qildi. gazeta.uz »
Qurilish va uy-joy kommunal xo‘jaligi vaziri Sherzod Hidoyatov O‘zbekiston og‘ir atletika federatsiyasi rais etib saylandi. gazeta.uz »
O‘zbekiston va Ozarbayjon rasmiylari ID kartalarni o‘zaro tan olish masalasini muhokama qilmoqda. Bu ikki mamlakat fuqarolariga “zagran” pasportsiz chegarani kesib o‘tish imkonini beradi. gazeta.uz »
Qirg‘iziston va O‘zbekiston mahkumlarni bir-biriga topshiradi. Hozirda O‘zbekistonda 42 nafar Qirg‘iziston fuqarosi, qo‘shni mamlakatda esa 97 nafar o‘zbekistonlik jazo o‘tamoqda. gazeta.uz »
O‘zbekiston va Qirg‘iziston mahkum fuqarolarni bir-biriga topshiradi. Qonunchilik palatasi bu haqdagi qonunni qabul qildi. Hozirda O‘zbekistonda 45 nafar qirg‘izistonlik, Qirg‘izistonda 96 nafar o‘zbekistonlik mahkum o‘z jazosini o‘tamoqda. gazeta.uz »
O‘zbekiston 2027-yildan boshlab kartoshkaga bo‘lgan ehtiyojni ichki imkoniyat hisobidan qoplamoqchi. Bu haqda prezident bilan uchrashuvda ma’lum qilindi. 2025-yilda kartoshkachilikni rivojlantirish uchun 400 mlrd so‘m yo‘naltiriladi. gazeta.uz »
O‘zbekiston Jidda shahrida (Saudiya Arabistoni) ochilgan ikkinchi Islom san’ati biyennalesida ishtirok etmoqda. Mamlakat noyob muzey ashyolari, jumladan, VIII asrga oid Kattalangar Qur’oni, XVI asrga oid “Zij-i Ulug‘bek"ning astronomik jadvallari va boshqa artefaktlarni namoyish qilmoqda. gazeta.uz »
O‘zbekiston va Afg‘oniston Hayraton - Mozori Sharif temiryo‘lining keyingi ekspluatatsiyasi bo‘yicha shartnomani uzaytirdi. Liniyaga xizmat ko‘rsatish “O‘zbekiston temir yo‘llari” shu’ba korxonasi hisoblangan “Sogdiana trans” MCHJda saqlanib qoladi. gazeta.uz »
O‘zbekiston aholisi bir yil davomida 2 foizga o‘sib, 37,5 million kishidan oshdi. O‘tgan yili tug‘ilish darajasi 2017-yildan beri birinchi marta - 3,7 foizga kamaydi. 2024-yilda oxirgi 10 yildagi eng kam nikoh holati ham qayd etildi. gazeta.uz »
Prezident Shavkat Mirziyoyev va Yevropa kengashi rahbari Antoniu Koshta telefon orqali muloqotda O‘zbekiston bilan YeI o‘rtasida Kengaytirilgan sheriklik va hamkorlik to‘g‘risidagi bitim tez orada imzolanishiga ishonch bildirdi. gazeta.uz »
O‘zbekiston Markaziy banki oltin-valyuta zaxiralarini diversifikatsiya qilish doirasida AQSh g‘aznachilik obligatsiyalarini xarid qilishni davom ettirmoqchi, dedi Markaziy bank raisi o‘rinbosari. gazeta.uz »
O‘zbekiston olimpiya terma jamoasi murabbiyi Timur Kapadze milliy terma jamoa bosh murabbiyi etib tayinlandi. Bunda uning “murabbiylik iste’dodi, mas’uliyati, jamoa a’zolari orasida mavqei” inobatga olindi. gazeta.uz »
Prezidentga parrandachilikni rivojlantirish chora-tadbirlari taqdimot qilindi. Joriy yilda 1 mln tonna parranda go‘shti, 10,5 mlrd tuxum yetishtirish, eksportni 2 karra oshirib, 180 mln dollarga yetkazish ko‘zda tutilgan. gazeta.uz »
O‘zbekiston prezidenti Turkiyaning Bolu provinsiyasidagi kurort mehmonxonasida yong‘in chiqqani va kamida 66 kishi halok bo‘lgani yuzasidan mamlakat yetakchisiga ta’ziya yo‘lladi. gazeta.uz »
Davlat xavfsizlik xizmatining sobiq rahbari Abdusalom Azizov O‘zbekiston futbol assotsiatsiyasi prezidenti lavozimini tark etdi. Ravshan Ermatov O‘FA rahbari vazifasini bajaruvchi etib tayinlandi. gazeta.uz »
