çáåêèñòîí - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston aholisi bir yil davomida 2 foizga o‘sib, 37,5 million kishidan oshdi. O‘tgan yili tug‘ilish darajasi 2017-yildan beri birinchi marta - 3,7 foizga kamaydi. 2024-yilda oxirgi 10 yildagi eng kam nikoh holati ham qayd etildi. gazeta.uz »
Prezident Shavkat Mirziyoyev va Yevropa kengashi rahbari Antoniu Koshta telefon orqali muloqotda O‘zbekiston bilan YeI o‘rtasida Kengaytirilgan sheriklik va hamkorlik to‘g‘risidagi bitim tez orada imzolanishiga ishonch bildirdi. gazeta.uz »
O‘zbekiston Markaziy banki oltin-valyuta zaxiralarini diversifikatsiya qilish doirasida AQSh g‘aznachilik obligatsiyalarini xarid qilishni davom ettirmoqchi, dedi Markaziy bank raisi o‘rinbosari. gazeta.uz »
O‘zbekiston olimpiya terma jamoasi murabbiyi Timur Kapadze milliy terma jamoa bosh murabbiyi etib tayinlandi. Bunda uning “murabbiylik iste’dodi, mas’uliyati, jamoa a’zolari orasida mavqei” inobatga olindi. gazeta.uz »
Prezidentga parrandachilikni rivojlantirish chora-tadbirlari taqdimot qilindi. Joriy yilda 1 mln tonna parranda go‘shti, 10,5 mlrd tuxum yetishtirish, eksportni 2 karra oshirib, 180 mln dollarga yetkazish ko‘zda tutilgan. gazeta.uz »
O‘zbekiston prezidenti Turkiyaning Bolu provinsiyasidagi kurort mehmonxonasida yong‘in chiqqani va kamida 66 kishi halok bo‘lgani yuzasidan mamlakat yetakchisiga ta’ziya yo‘lladi. gazeta.uz »
Davlat xavfsizlik xizmatining sobiq rahbari Abdusalom Azizov O‘zbekiston futbol assotsiatsiyasi prezidenti lavozimini tark etdi. Ravshan Ermatov O‘FA rahbari vazifasini bajaruvchi etib tayinlandi. gazeta.uz »
Abduqodir Husanov “Manchester Siti” futbolchisi sifatida o‘zining ilk intervyusini berdi. “Bu nafaqat men uchun, balki O‘zbekiston uchun. Angliyada birinchi o‘zbek, bu hali boshlanishi, o‘zbeklar ko‘p kelishadi”, - deya ta’kidladi himoyachi klub rasmiy sahifasi uchun tanishtiruv suhbatida. gazeta.uz »
BBC Travel global media portali O‘zbekistonni 2025-yilda sayohat qilish uchun eng yaxshi manzillar ro‘yxatiga kiritdi. “Mamlakat sayyohlarni jalb qilish maqsadida yangi poyezd yo‘nalishlari, ichki reyslar va madaniy obyektlarga investitsiya kiritmoqda”, - deyiladi hisobotda. gazeta.uz »
2024-yilda O‘zbekiston yana YTTBning Markaziy Osiyoda moliyalashtirish bo‘yicha yetakchi davlatiga aylandi; bank yil davomida mamlakat iqtisodiyotiga 938 mln yevro sarmoya kiritdi. Mablag‘larning yarmidan ko‘pi yashil iqtisodiyot loyihalarini qo‘llab-quvvatlashga yo‘naltirildi. gazeta.uz »
Prezident xalqaro moliya tashkilotlari mablag‘lari hisobidan investitsiyalarni o‘zlashtirishdagi byurokratiyani tanqid qildi. Ushbu muammoni hal qilish uchun O‘zbekistonda XMI bilan ishlash uchun bosh vazir boshchiligida favqulodda shtab tashkil etish belgilandi. gazeta.uz »
AQSh davlat kotibi lavozimiga nomzod Marko Rubio Jekson-Venikning Markaziy Osiyo mamlakatlari, jumladan, O‘zbekistonga kiritgan tuzatishini “o‘tmish sarqiti” deb atadi. Senatorning tuzatishlarni bekor qilish haqidagi savoliga javoban u ham buni muhim deb hisoblashini ta’kidladi. gazeta.uz »
Estoniyaning Bolt taksi va yetkazib berish xizmati O‘zbekiston bozorini o‘rganmoqda. Kompaniya vakili Yuliya Malich Bolt uchun ushbu mintaqa ustuvor ahamiyatga ega ekanini ta’kidladi. O‘z navbatida, IT Park bek-ofisni ochish imkoniyatini ko‘rib chiqishni taklif etdi. gazeta.uz »
Oktabr oyi oxirida sud Rossiya tomonida Ukrainaga qarshi kurashgan o‘zbekistonlikni 6 yilga ozodlikdan mahrum qildi. 19 kundan keyin apellyatsiya sudi sog‘lig‘i va aybiga iqrorligini inobatga olib, uni ozod qildi. gazeta.uz »
O‘zbekiston xalqaro aeroportlari 2024-yilda 13,5 milliondan ortiq yo‘lovchiga xizmat ko‘rsatdi. Bu 2023-yilga nisbatan 30% ga ko‘p. Xizmat ko‘rsatilgan reyslar soni 33% ga oshib, 113,6 mingtaga yetdi. gazeta.uz »
O‘zbekiston va BAA prezidentlarining muzokaralari yakunida Strategik sheriklik munosabatlarini o‘rnatish to‘g‘risidagi deklaratsiya imzolandi. Bundan tashqari, investitsiyalarni o‘zaro rag‘batlantirish va himoya qilish hamda moliyaviy-texnik hamkorlik to‘g‘risida hukumatlararo bitimlar imzolandi. gazeta.uz »
Avazjon Karimov O‘zbekiston chim ustida xokkey federatsiyasi raisi bo‘ldi. U kelgusida mamlakatda mazkur sport rivojini yanada oshirish yo‘lida bor kuchini ishga solishini bildirdi. gazeta.uz »
Prezident Abu Dabida BAAning yetakchi kompaniyalari delegatsiyalari bilan uchrashdi. Tomonlar infratuzilma, shaharsozlik, energetika, transport, logistika sohalarida hamkorlikni muhokama qildi. Nodir metallarni o‘zlashtirish, “quruq” portlar qurish, ta’lim va tibbiyot loyihalari bo‘yicha kelishuvlarga erishildi. gazeta.uz »
Shavkat Mirziyoyev Abu Dabida BAA sun’iy intellekt vaziri bilan ilg‘or texnologiyalarni rivojlantirishga qaratilgan strategik sheriklikni kengaytirish yo‘llarini ko‘rib chiqdi. Generativ SIni ishlab chiqish, uni turli sohalarda qo‘llash, SI universitetida talabalarni o‘qitish dasturini joriy etishga kelishildi. gazeta.uz »
O‘zbekiston hamda BAA rasmiylari va tadbirkorlari o‘rtasida yangi shartnoma va bitimlar imzolandi. Jetex kompaniyasi bilan hamkorlikda qurilayotgan “Toshkent-Sharqiy” aeroportida VIP va CIP mijozlarga xizmat ko‘rsatish, shuningdek, aerotaksi va VIP taksi xizmatlarini joriy etish loyihasi shular jumlasidandir. gazeta.uz »
O‘zbekistonda 2030-yilgacha transport-logistika tizimini rivojlantirish konsepsiyasi qabul qilinadi. Transport vaziri “muammoli mamlakatlar” orqali o‘tish uchun muqobil yo‘laklar aniqlanishini aytdi. gazeta.uz »
Shavkat Mirziyoyev rasmiy tashrif bilan BAA poytaxti Abu Dabiga yetib bordi. Davlat rahbarini aeroportda vitse-prezident Shayx Mansur Ol Nahayon kutib oldi. U ertaga barqaror rivojlanish haftaligi xalqaro sammitida ishtirok etadi. gazeta.uz »
MTRKning 2025-yilga mo‘ljallangan budjeti 1,6 barobarga oshib, 881,3 mlrd so‘mga yetdi. Uning vazifasi odamlar ongida demokratik qadriyatlarni shakllantirish, islohotlarni yoritish va boshqalardan iborat. gazeta.uz »
O‘zbekiston parlamentida muxolifat huquqlariga oid qonun loyihasini ishlab chiqish taklif etilmoqda. Muxolifat vakillari 1 nafar qo‘mita raisi va 2 nafar qo‘mita raisi o‘rinbosari lavozimlarini kafolatli egallashi mumkin. gazeta.uz »
 ïðåääâåðèè ïðàçäíîâàíèÿ 33-ëåòíåé ãîäîâùèíû ñî äíÿ îáðàçîâàíèÿ Âîîðóæåííûõ Ñèë Ðåñïóáëèêè Óçáåêèñòàí è Äíÿ çàùèòíèêîâ Ðîäèíû 12 ÿíâàðÿ â ïàðêå Yangi O’zbekiston ñîñòîÿëñÿ çàáåã Men G’olib Run, îáúåäèíèâøèé ïðåäñòàâèòåëåé âîîðóæåííûõ ñèë ñòðàíû, ñîòðóäíèêîâ ñèëîâûõ ñòðóêòóð, êóðñàíòîâ âîåííûõ ó÷åáíûõ çàâåäåíèé è íåïðîôåññèîíàëüíûõ ëþáèòåëåé áåãà. nuz.uz »
O‘zbekiston SSR Ministrlar Soveti raisining sobiq o‘rinbosari va O‘zbekiston Kompartiyasi Markaziy Komitetining mafkura bo‘yicha kotibi Ra’no Abdullayeva 89 yoshida vafot etdi. 1987-yilda u “paxta ishi” bo‘yicha hibsga olingan. gazeta.uz »
Abduqodir Husanov “Manchester Siti"ga o‘tyapti. Aytishlaricha, yosh futbolchi uchun inglizlar 40 mln yevro to‘laydi. Shu bahona “Gazeta. uz” Husanovning 2024-yil yozida bergan intervyusini eslatadi. gazeta.uz »
O‘zbekiston texnologik metallar kombinati va Kolorado konlar maktabi vakillari o‘rtasida hamkorlik uchrashuvi bo‘lib o‘tdi. Hamkorlikda Texnologik metallar oliy maktabini ham tashkil etib, qo‘shma o‘quv rejalar ishlab chiqish, mutaxassislarni tayyorlash uchun moslashtirilgan dasturlarni joriy etish ko‘zda tutilgan. gazeta.uz »
O‘zbekiston pasporti Henley & Partners reytingida dunyoning eng kuchli pasportlari orasida 80-o‘rinni egalladi. O‘zbekiston fuqarolari 62 ta davlatga vizasiz yoki yetib borganida viza olish imkoniyatiga ega. gazeta.uz »
Human House galereyasi egasi Lola Sayfining aytishicha, uning O‘zbekistonni xorijliklarga namoyon etuvchi biznesi QQS to‘lashga o‘tish majburiyati tufayli yopilishi mumkin. U Saida Mirziyoyevadan kreativ iqtisodiyot loyihalari uchun soliq rejimini qayta ko‘rib chiqishga ko‘maklashishni so‘radi. gazeta.uz »
O‘zbekiston milliy terma jamoasining 20 yoshli himoyachisi Abduqodir Husanov qishki transferlar oynasida Fransiyaning “Lans” klubini tark etishi mumkin. Unga Yevropaning yetakchi klublari, jumladan, “Manchester Siti” va “Real” qiziqish bildirmoqda. Ingliz klubi bilan muzokaralar hal qiluvchi bosqichda. gazeta.uz »
O‘zbekiston aholisining raqamli savodxonlik darajasi tadqiqot qilinadi. Ushbu maqsadlar uchun Shveysariya hamkorlik va taraqqiyot agentligi tomonidan 2 mlrd so‘mlik grant mablag‘i ajratildi. gazeta.uz »
O‘zbekiston AQShning yangi ma’muriyati vakillari bilan yaqin hamkorlik o‘rnatish va oliy darajadagi tashrifni tashkil etishni rejalashtirmoqda, deyiladi 2025-yilga mo‘ljallangan davlat dasturi loyihasida. gazeta.uz »
O‘zbekistonda, 2025-yilga mo‘ljallangan davlat dasturi loyihasidan ma’lum bo‘lishicha, Kanadada bosh konsulxona ochish imkoniyati ko‘rib chiqilmoqda. Shuningdek, Braziliya, Argentina va Amerika qit’asining boshqa davlatlari bilan aloqalarni rivojlantirish ko‘zda tutilmoqda. gazeta.uz »
O‘zbekistonning turli shaharlaridan qo‘shni davlatlarga yangi avtobus qatnovlari tashkil etish rejalashtirilmoqda. Xususan, Buxoro - Turkiston, Toshkent - Ufa, Nukus - Urumchi yo‘nalishlari yo‘lga qo‘yiladi. gazeta.uz »
O‘zbekiston, Qirg‘iziston va Tojikiston hukumat rahbarlari uch davlat chegaralari tutashgan nuqtada umumiy chegara uchastkalari chizig‘i masalasi bo‘yicha uchrashuv o‘tkazdi. Ular ushbu yig‘ilish “xalqlar va mamlakatlar farovonligi yo‘lida mintaqa taqdirini o‘nlab yillar davomida belgilab berishiga” ishonch bildirdi. gazeta.uz »
TIV rahbari Baxtiyor Saidov hamda YIning tashqi ishlar va xavfsizlik siyosati bo‘yicha yangi tayinlangan oliy vakili Kaya Kallas o‘rtasida ilk telefon muloqoti bo‘lib o‘tdi. Tomonlar bu yil Samarqandda bo‘lib o‘tadigan Markaziy Osiyo - YI sammitini intiqlik bilan kutayotganini alohida ta’kidladi. gazeta.uz »
O‘zbekiston Markaziy banki noyabr oyida 9 tonna oltin sotib oldi va ushbu qimmatbaho metallni eng ko‘p xarid qilgan ikkinchi davlat bo‘ldi. gazeta.uz »
Prezident farmoni bilan 2025-yil 1-iyuldan yuridik shaxslarga nisbatan yadroviy xavfsizlik talablarini buzganlik uchun jarimalar qo‘llanilishi joriy etiladi. Shuningdek, O‘zbekiston to‘rtta xalqaro shartnomaga qo‘shilishi rejalashtirilmoqda. gazeta.uz »
O‘zbekiston va Qozog‘iston o‘rtasida 2027-yilda ishga tushirilishi kutilayotgan yangi temiryo‘l quriladi. Liniyaning qurilishi mavjud Sariag‘ash - Toshkent uchastkasidan yuklarni yangi tarmoqqa yo‘naltirish va O‘zbekistonga eksport tashish hajmini oshirish imkonini beradi, deya ta’kidladi QTY. gazeta.uz »
O‘zbekiston sudi Rossiya tomonida turib Ukrainadagi urushda qatnashgan 39 yoshli erkakni 4 yil 2 oyga ozodlikdan chekladi. Ayblanuvchining aytishicha, janglarda u 10 dan ortiq ukrainalik askarni o‘ldirgan. Hukm, xususan, aybiga iqror bo‘lgani uchun yumshatildi. gazeta.uz »
Yakuniga yetgan 2024-yil ko‘plab muhim, quvonchli va ayanchli voqea-hodisalari bilan yodda qoldi. “Gazeta.uz” o‘tgan yil qanday kechganini fotosuratlar orqali xotirlashga taklif etadi. gazeta.uz »
2024-yilda O‘zbekistonda parlament saylovi bo‘ldi, energiya tariflari keskin oshdi, bolalarni zo‘ravonlikning barcha shakllaridan himoya qilish to‘g‘risida uzoq kutilgan qonun qabul qilindi, mamlakat Olimpiya va Paralimpiya o‘yinlarida g‘alabalarga erishdi… O‘tayotgan yil yakunlari - “Gazeta.uz” obzorida. gazeta.uz »
O‘zbekiston, Qozog‘iston va Ozarbayjon magistral elektr tarmoqlari operatorlari “yashil” energiya koridori loyihasini amalga oshirish uchun qo‘shma korxona tashkil etdi. gazeta.uz »
Andijon viloyatida “O‘zbekiston” konyagini iste’mol qilish oqibatida 22 kishi o‘tkir zaharlanish tashxisi bilan shifoxonaga yotqizilgan, ulardan 5 nafari vafot etgan. Viloyat prokuraturasi spirtli ichimlikda O‘zbekiston aksiz markasi bo‘lganini ma’lum qildi. gazeta.uz »
2025-yildan boshlab O‘zbekiston BRIKSning hamkor davlati maqomini oladi, deb xabar berdi “Gazeta.uz"ga TIV. Bundan tashqari, Belarus, Boliviya, Indoneziya, Qozog‘iston, Kuba, Malayziya, Tailand va Uganda ham birlashmaning hamkor davlati bo‘lishga tayyorligini tasdiqlagan. gazeta.uz »
420 mlrd so‘m hajmdagi tamaki mahsulotlarining yashirin aylanmasi muammosi asosan uning O‘zbekiston hududi orqali Qirg‘iziston va Tojikistonga tranziti bilan bog‘liq, dedi Bojxona qo‘mitasi raisi birinchi o‘rinbosari Otabek Ibragimov. gazeta.uz »
Shavkat Mirziyoyev bugun qurilishiga start berilgan Xitoy-Qirg‘iziston-O‘zbekiston temiryo‘lini xalqaro ahamiyatga ega yangi transport arteriyasi deb atadi. Loyihaga ko‘ra, 20 ta stansiya, 42 ta ko‘prik va 25 ta tunnel quriladi. Bu yo‘lda yiliga 15 mln tonna yuk tashiladi. gazeta.uz »
O‘zbekiston va Misr 15 yil ichida hukumatlararo komissiyaning ilk yig‘ilishini Toshkentda o‘tkazdi. Tomonlar to‘siqlarni bartaraf etish orqali tovar ayirboshlash hajmini 500 mln dollarga (hozir qariyb $42 mln) yetkazishga, shuningdek, O‘zbekiston-Misr ishbilarmonlar kengashini tuzishga kelishib oldi. gazeta.uz »
Qirg‘iziston prezidenti Sadir Japarov Xitoy-Qirg‘iziston-O‘zbekiston temiryo‘li qurilishiga start berdi. “Bu yo‘nalish Xitoydan Qirg‘izistonga, Markaziy Osiyo va Yaqin Sharqqa hamda Yevropa Ittifoqiga yuklarni yetkazib berishni ta’minlaydi”, - dedi Japarov. gazeta.uz »
