áèð - Ïîñëåäíèå íîâîñòè [ Ôîòî â íîâîñòÿõ ] | |
Turkiyaning Balikesir viloyatida 6,1 magnitudali zilzila sodir bo‘ldi. 29 kishi jarohatlandi, 81 yoshli fuqaro halok bo‘ldi. 16 ta bino shikastlangan, ularning ko‘pi tashlandiq. Hududda tonggacha o‘nlab aftershok qayd etildi. Video. gazeta.uz »
2025-yilning 1-yarmida O‘zbekiston iqtisodiyoti o‘sishi 2024-yilning mos davriga nisbatan 0,6 foiz bandga tezlashib, 7,2 foizga yetdi. Ayni shu davrda Qirg‘izistonda bu ko‘rsatkich 3,6 foiz bandga (11,7 foizga yetdi), Qozog‘istonda 3 foiz bandga (6,2 foiz), Tojikistonda esa 1,9 foiz bandga (8,1 foiz) tezlashdi. gazeta.uz »
Qashqadaryo viloyati Ko‘kdala tumani “Oltindala” MFYdagi avtomobillarga gaz quyish shoxobchasida yong‘in sodir bo‘ldi. Avtotsisternadan propan saqlash rezervuariga yoqilg‘i to‘kish vaqtida chaqnash sodir bo‘lib, yong‘in kelib chiqqan. gazeta.uz »
Toshkentdagi Shota Rustaveli ko‘chasining bir qismi rekonstruksiya ishlari sababli 2−25-avgust kunlari avtomobillar uchun yopildi. 8 ta avtobus yo‘nalishi vaqtincha o‘zgartirildi. Transport boshqarmasi hududda tirbandlik ortishi mumkinligidan ogohlantirdi. gazeta.uz »
Kiyevda turar joy binosi vayronalari ostidan yana 11 kishining jasadi topildi. Rossiyaning 31-iyulga o‘tar kechasi berilgan zarbasi tufayli pod’ezd vayron bo‘lgan. Hujum oqibatida jami 28 kishi, jumladan, uch bola halok bo‘ldi. gazeta.uz »
Finlyandiya poytaxti va eng yirik shahri bo‘lgan Xelsinkida yil davomida hech kim yo‘l-transport hodisalari oqibatida halok bo‘lmadi. Shaharning transport harakati muhandisi muvaffaqiyatni tezlik chegaralarining pasaytirilgani va aqlliroq dizaynlashtirish bilan izohladi. Boshqa omillar. gazeta.uz »
Qirg‘iziston hukumati xalqaro internet-trafik uchun bir yilga davlat monopoliyasini joriy etishga qaror qildi. Uni yetkazib berish uchun “eksklyuziv huquq”ni davlat nazoratiga o‘tgan operator oldi. gazeta.uz »
Andijon viloyati Asaka tumanida yashash xonadonida tashkil etilgan avtoservisda yong‘in yuzaga keldi. Oqibatda uy egasi hodisa joyida halok bo‘ldi. gazeta.uz »
“Sen dunyoga keraksan” xayriya jamoasi “Mehrning bir kuni” aksiyasi doirasida 4 yoshdan 16 yoshgacha bo‘lgan oraliqdagi 45 bolaga quvonch ulashdi. Gazeta fotomuxbiri Murod Yusuf Toshkentdagi muz saroyi, dinozavrlar uyi, masjid va sayilgohga sayohat qilgan bolalarning kuni qanday o‘tganini kadrlarga muhrladi. gazeta.uz »
2026-yil 1-yanvardan boshlab O‘zbekistonda majburiy avtosug‘urta bir necha barobar qimmatlashadi. Toshkent shahri va Toshkent viloyatida yengil avtomobillar uchun polis narxi 3,4 barobarga, hududlarda esa 4 barobarga oshiriladi. Oxirgi marta tariflar 2019-yilda oshirilgan. gazeta.uz »
Yuqori harorat va elektr tarmoqlariga yuklama fonida 22-iyul kuni Toshkent shahrining turli tumanlarida bir necha soat davom etgan avariyaviy uzilishlar sodir bo‘ldi. gazeta.uz »
Toshkent shahrining har bir tumanida qalamcha va urug‘lardan gullaydigan buta ko‘chatlarini ko‘paytirish uchun maxsus ko‘chatxonalar tashkil etiladi. Taqsimot reja dasturiga ko‘ra, Toshkent shahrida jami 574 450 dona buta ko‘chatlari yetishtiriladi. gazeta.uz »
Vazirlar Mahkamasi jazoni ijro etish muassasalaridan ozod qilingan shaxslarga nafaqa tayinlash va to‘lash tartibini tasdiqladi. Unga ko‘ra, nafaqa tayinlash uchun murojaat qilish, murojaatlarni ko‘rib chiqish va nafaqa tayinlash “E-probatsiya” axborot tizimi orqali amalga oshiriladi. gazeta.uz »
Jizzaxlik 8 yoshli Muslima Ziyoboyeva “Dok-1 Maks” siropini iste’mol qilish oqibatida 1-guruh nogironi bo‘lib qolgan edi. U 3-iyul kuni vafot etdi. Bungacha dori qurbonlari soni rasman 68 nafar edi, yana o‘nlab bolalar nogiron bo‘lib qolgan. gazeta.uz »
BMTning ishchi guruhi Gulnora Karimova nohaq hibsga olingan, degan xulosaga kelgandi. Inson huquqlari bo‘yicha O‘zbekiston Milliy markaziga ko‘ra, ishchi guruh fikri bir tomonlama subyektiv ma’lumotlar asosida shakllantirilgan, Karimovaga oid ishda qonunchilik normalariga qat’iy rioya qilingan. Batafsil. gazeta.uz »
Prezident mahallada jinoyatchilikni jilovlash, kiberjinoyat va giyohvandlikka qarshi kurash, videokuzatuv va IIV islohotlariga oid taqdimot bilan tanishdi. Butun tizimni pastga tushirib, har bir mahallani “jinoyatchilikdan xoli hudud”ga aylantirish zarur, dedi davlat rahbari. gazeta.uz »
Toshkentda issiqlik ta’minoti tariflari yil oxirigacha ikki marta oshmasligi aniq, dedi “Issiqlikta’minoti” AJ boshqaruv raisi. U yangi narxlar xalq deputatlari Toshkent shahar kengashiga kiritilgani, ammo narxlar qanday belgilanishi hozircha noaniq ekanligini ta’kidladi. gazeta.uz »
Hukumat xususiy OTMlar uchun $2 mln ustav kapitali bo‘lishi, $350 ming depozit va foydani qayta investitsiyalash kabi kuchaytirilgan qoidalar joriy qilmoqda. Hujjat tadbirkorlar uchun yangi majburiyatlarga moratoriy kuchga kirishidan 1 kun oldin imzolangan. Iqtisodchi bu raqobatni cheklashidan ogohlantirmoqda. gazeta.uz »
Toshkentda 2025-yilning birinchi yarim yilligida 1880 kishi tilanchilik bilan shug‘ullanib yurgani aniqlandi. Iyun oyida o‘tkazilgan reydlarda 300 ga yaqin shaxs ushlanib, ularning 70 nafariga ma’muriy qamoq, 47 nafariga jarima qo‘llandi, 44 nafar bola voyaga yetmaganlar markaziga topshirildi. gazeta.uz »
Chorshanba tongida Yangihayot tumanida Faw Bestune T55 elektromobilida yong‘in chiqdi. Hodisa oqibatida bir kishi kuyish jarohati bilan shifoxonaga yotqizildi. Yong‘in sababi va moddiy zarar miqdori aniqlanmoqda. gazeta.uz »
Oqoltin tumanida Lacetti haydovchisi rul boshqaruvini yo‘qotib, temir to‘siq bilan to‘qnashdi. So‘ngra Yutong unga kelib urildi. YTH oqibatida avtomobilda bo‘lgan bir yo‘lovchi shifoxonada vafot etdi. gazeta.uz »
O‘zbekistonda endi soliq to‘lovchilarga ortiqcha to‘langan va undirilgan summalardan nafaqat muayyan bir soliq, balki boshqa soliqlar uchun ham foydalanishga ruxsat berildi. Shuningdek, soliq hujjatlarini faqat ERI emas, balki biometriya (Face-ID yoki barmoq izi) yordamida ham tekshirish mumkin bo‘ldi. gazeta.uz »
Konimex tumanida Ford Transit avtomobili haydovchisi uxlab qolishi oqibatida to‘siqqa borib urildi. Oqibatda bir yo‘lovchi voqea joyida halok bo‘ldi, yana biri shifoxonaga yotqizildi. gazeta.uz »
Ohangaron shohko‘chasida boshlangan ta’mirlash ishlari sabab ko‘chadan harakatlanuvchi 18, 30, 44, 49, 95, 110, 119, 128 va 129-sonli avtobuslarlar harakat yo‘nalishiga vaqtinchalik o‘zgartirish kiritildi. gazeta.uz »
Yashnobod tumanidagi Ohangaron shohko‘chasida qurilish va ta’mirlash ishlari olib borilishi sabab ko‘chaning bir qismida 25-iyundan 1-iyulga qadar transport vositalari harakati to‘xtatiladi. gazeta.uz »
O‘zbekistonda davlat kambag‘al oilalar farzandlari uchun IT, chet tillari va boshqa yo‘nalishlardagi to‘garaklar narxining 80% gacha qismini qoplaydigan tartib tasdiqlandi. To‘garak xarajatlarini qisman qoplash martdayoq rejalashtirilgan bo‘lib, bu uchun davlat budjetidan 200 mlrd so‘m ajratilgan. gazeta.uz »
Hisob palatasi turli davlat tibbiyot markazlarida bir xil xizmat narxida olti barobar farq borligini aniqladi, dedi Qonunchilik palatasi deputati. Sog‘liqni saqlash vazirligi tariflar bir xil holatga keltirilishini ma’lum qildi. gazeta.uz »
Belarusda 14 nafar siyosiy mahbus, jumladan, mamlakat prezidentligiga sobiq nomzod Svetlana Tixanovskayaning turmush o‘rtog‘i Sergey Tixanovskiy ozod qilindi. Bu Donald Trampning maxsus vakili Kit Kellogning Minskka tashrifidan keyin sodir bo‘ldi. Barcha ozod qilinganlar Litvaga jo‘nab ketdi. gazeta.uz »
O‘zbekistonda 1,5 oy davom etgan mahalla raislari saylovlari yakuniga yetdi. Gazeta muxbiri gaplashgan ayrim fuqarolar saylov va nomzodlar haqida bir kun oldin e’lon qilinganini ta’kidladi. “Kech eshitganim uchun ham saylovga bormadim”, “Menimcha, erkak kishi rais bo‘lgani yaxshiroq, bitta gapiradi” deydi ular. gazeta.uz »
Payshanba kuni Qozog‘istonning Ekibastuz energouzelidagi elektr uzatish liniyalarida avariyaviy uzilishlar ro‘y berdi, buning ortidan O‘zbekistonning qator hududlarida elektr uzatish qisqa muddatga cheklandi. gazeta.uz »
O‘zbekistonda o‘rmon va yaylovlardan oziq-ovqat mahsulotlari yetishtirish uchun yerlar ajratiladi. Prezident zaxira bo‘lgan o‘rmon yerlaridan yetarlicha foydalanilmayotgani ko‘rsatib o‘tdi. “Shuncha resurs bilan go‘shtga bo‘lgan ichki ehtiyojni to‘liq qoplab, eksportga ham chiqsak bo‘ladi-ku!” - dedi prezident. gazeta.uz »
Eron havo hududining yopilishi munosabati bilan bir nechta xalqaro avikompaniyalar reyslari Toshkentdagi muqobil aerodromga yo‘naltirildi. Uzbekistan Airways’ning Toshkent - Jidda reysi qaytib qo‘ndi, Centrum Air’ning Toshkent - Doha reysi kechiktirildi. gazeta.uz »
Londonga uchayotgan Dreamliner samolyoti Hindistonda qulashi oqibatida, yangilangan ma’lumotlarga ko‘ra, 240 dan ortiq odam halok bo‘ldi. Hozirgacha bir yo‘lovchi omon qolgani ma’lum: u shifoxonada davolanmoqda. gazeta.uz »
Prezident Shavkat Mirziyoyev Xorijiy investorlar kengashi majlisida sarmoyadorlar ilgari surayotgan har bir taklif va mulohaza batafsil ko‘rib chiqilishini ta’kidladi. Investorlar soliq qonunchiligi barqarorligini ta’minlash, to‘g‘ridan-to‘g‘ri amal qiladigan qonunlarni ko‘paytirish bo‘yicha takliflar bergan. gazeta.uz »
Qashqadaryo viloyati Kitob tumanidagi tog‘li Aspiduxtar qishlog‘idan bu yil birgina o‘quvchi maktab bitiruvchisi bo‘ldi. 11-sinfni tamomlagan Muslima Toshtemirovaga 14 nafar muallim qishin-yozin ta’lim berib kelgan. gazeta.uz »
O‘zbekistonda senatorlar soliq to‘lovchilarga ortiqcha to‘langan va undirilgan summalardan nafaqat muayyan bir soliq, balki boshqa soliqlar uchun ham foydalanishga ruxsat beruvchi tuzatishlarni ma’qulladi. gazeta.uz »
Ikuo Xirayama madaniyat karvonsaroyida “Bir tomchida nur to‘plab” bolalar rasmlari ko‘rgazmasi o‘tkazilmoqda. Unda 440 ta asar namoyish etiladi. Yorqin, dadil, ba’zi joylarda ta’sirchan soddaligi bilan ajralib turadigan rasmlar kichik mualliflarni hayajonlantirgan va quvontirgan narsalar haqida so‘zlaydi. Foto. gazeta.uz »
Xorazm viloyati Yangiariq tumanida metallolom uchun topshirilgan snaryad portlab ketdi. Yig‘ish punktining 31 yoshli xodimi vafot etdi, deb yozdi Kun.uz. Mudofaa vazirligi harbiy xizmatchilarning hodisaga aloqasi yo‘qligini, o‘q-dorilar mahalliy cho‘ponlar tomonidan qazib olinganini xabar qildi. gazeta.uz »
Birinchi chorakda O‘zbekistonga 3,3 mlrd dollar pul o‘tkazmalari kelib tushdi - bu o‘tgan yilga nisbatan 32% ga ko‘p. Markaziy bank buni hamkor davlatlar valyutalarining mustahkamlanishi va daromadliroq mamlakatlarga migratsiyaning o‘sishi bilan bog‘lamoqda. MB 2025-yil uchun pul o‘tkazmalari prognozini yaxshiladi. gazeta.uz »
O‘zbekistonda ro‘yxatdan o‘tgan Trade Engine System kompaniyasi Yevropa Ittifoqining Rossiyaga qarshi 17-sanksiyalar paketi doirasida cheklovga uchradi. 2022-yil iyul oyida tashkil etilgan kompaniya temir yo‘l, avtotransport, dengiz yoki havo orqali transportda tashishni tashkil qilish bilan shug‘ullanadi. gazeta.uz »
Yevropa Ittifoqi strategik manfaatlarning o‘zgarishi tufayli kelgusi ikki yilda vakolatxonalarining bir qismini qisqartirishni rejalashtirmoqda. O‘z navbatida, YeI Rossiyaga qarshi “sanksiyalarga rioya qilish uchun muhim bo‘lgan” mamlakatlarda delegatsiyalar xodimlarini ko‘paytirmoqchi. gazeta.uz »
O‘tgan hafta oxirida Toshkent aholisi kuchli chang bo‘ronlaridan aziyat chekdi. Nafas olish, harakatlanish qiyinlashdi. Iqlimshunos Erkin Abdulahatov “Gazeta.uz” uchun mazkur hodisa sabablari va, umuman, chang bo‘ronlari qanday hosil bo‘lishi bo‘yicha sharh tayyorladi. Video. gazeta.uz »
Prezidentga metroni TTZgacha uzaytirish bo‘yicha yangilangan loyiha taqdim etildi. U ikki bosqichda amalga oshirilishi kutilmoqda. Birinchi bosqichda liniya “Pushkin” bekatidan Feruza massivigacha bo‘lgan temiryo‘l bo‘ylab o‘tadi va u yerusti metrosi bo‘ladi. gazeta.uz »
YHXX xodimlari Namangan viloyatida o‘tkazgan reydlarda bir kunda 2 mingdan ortiq qo‘pol yo‘l harakati qoidabuzarliklarini aniqladi. 760 ga yaqin avtomobil jarima maydoniga qo‘yildi, 45 ta holatda ijaraga olingan avtomobillarni bolalar boshqargan. Prezident yaqinda bu masalani ko‘tarib chiqqandi. gazeta.uz »
Chang bo‘roni tufayli Toshkent yana havo sifati bo‘yicha jahon antireytingida yetakchi bo‘ldi. O‘zgidromet RM2,5 va RM10 zarrachalarining oshganini qayd etdi. Shamol ikki soatcha kuchini saqlab turdi. gazeta.uz »
O‘zbekistonning beshta viloyati va Qoraqalpog‘istondagi uchta vokzal va to‘qqizta avtostansiya nomlari o‘zgarishi mumkin. Transport vazirligi fuqarolar fikrini inobatga olishini ma’lum qildi. Ro‘yxat. gazeta.uz »
O‘zbekistonda har bir OTMning tarixiy rivojlanish xususiyatlari, ijtimoiy vazifasi va hozirgi zamon talablari asosida noyob imij va brend konsepsiyasini ishlab chiqish taklif etilmoqda. Muhokamaga qo‘yilgan hujjat loyihasi, shuningdek, talabalarning kiyinish madaniyatini shakllantirishni nazarda tutadi. gazeta.uz »
Toshkent shahri va vodiy viloyatlarini bog‘lovchi yo‘lda joylashgan Angrendagi “Qorabog‘soy” ko‘prigining piyodalarga mo‘ljallangan to‘sinlari qulab tushdi, yo‘l vaqtincha yopildi. 1969-yilda qurilgan va texnik holati qoniqarsiz deb topilgan ko‘prik to‘liq rekonstruksiya qilinishi yoki o‘rnida yangisi qurilishi mumkin. gazeta.uz »
Toshkentda KHAY ko‘chasining Yunusobod tumanidan o‘tgan qismida 13-may soat 22:00 dan 15-may 6:00 gacha transportlar harakati cheklanadi. Hududda qurilish-ta’mirlash ishlari olib borilmoqda, deb xabar berdi shahar hokimligi. gazeta.uz »
Farg‘ona tumanida Nexia 3 haydovchisi quvib o‘tish qoidasini buzib, qarama-qarshi yo‘nalishdagi Tico bilan to‘qnashdi. Oqibatda Tico`ning 65 yoshli haydovchisi halok bo‘ldi, yana ikki kishi shifoxonaga yuborildi. gazeta.uz »
