áèð - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda fevral oyida avtotransport savdosining umumiy hajmi 84,2 ming donani tashkil etib, 2025-yilning shu davriga nisbatan 6,4 foizga oshdi. Elektromobillar savdosi esa 6,9 ming donani tashkil etib, o‘tgan yilning fevral oyiga nisbatan 1,5 barobarga ko‘paydi. gazeta.uz »
Turkiyada o‘ldirilgan 46 yoshli Dilafruz Chulliyevaning jasadi O‘zbekistonga qaytarildi. Enaga bo‘lib ishlagan ayol yanvar oyida Balikesir viloyatida g‘oyib bo‘lgandi. Uning jasadi 28-fevral kuni topilgan va shaxsi DNK ekspertizasi orqali tasdiqlandi. gazeta.uz »
Ramazon oyi davomida Toshkentdagi taroveh namozi o‘qiladigan masjidlarga yondosh bo‘lgan ko‘chalarda avtomobillar harakati soat 19:00 dan 00:00 ga qadar cheklanadi. Ro‘yxat. gazeta.uz »
Yil boshidan quyosh va shamol stansiyalari 1 mlrd kVt/soat elektr ishlab chiqardi. GESlar bilan birgalikda bu ko‘rsatkich 1,57 mlrd kVt/soatni tashkil etdi. Natijada 400 mln kub gaz tejalib, atmosferaga 863 ming tonna zararli chiqindi chiqishining oldi olindi. gazeta.uz »
Toshkentda yanvar oyida avtobusda chiptasiz yurgan 11 502 yo‘lovchi jarimaga tortildi. Har kuni avtobuslar 1,4 mln yo‘lovchi tashiydi. Chiptasiz yurganlik uchun 41 200 so‘m jarima belgilangan. gazeta.uz »
Toshkentda yanvar oyida avtobusda chiptasiz yurgan 11 502 yo‘lovchi jarimaga tortildi. Har kuni avtobuslar 1,4 mln yo‘lovchi tashiydi. Chiptasiz yurganlik uchun 41 200 so‘m jarima belgilangan. gazeta.uz »
Toshkentdagi Mirzo Ulug‘bek ko‘chasida bir hafta avval o‘rnatilgan yo‘nalishlarni ajratuvchi panjara olib tashlandi. Biroq bu tanqidga javoban emas. To‘siqlar kerakli balandlikdan past bo‘lib chiqdi va u qayta o‘rnatiladi. gazeta.uz »
Toshkentdagi Mirzo Ulug‘bek ko‘chasida bir hafta avval o‘rnatilgan yo‘nalishlarni ajratuvchi panjara olib tashlandi. Biroq bu tanqidga javoban emas. To‘siqlar kerakli balandlikdan past bo‘lib chiqdi va u qayta o‘rnatiladi. gazeta.uz »
Toshkent viloyati Angren shahrida 4 qavatli binoda yong‘in chiqdi. Oqibatda bir kishi halok bo‘ldi, yana bir kishi jonlantirish bo‘limiga yotqizilgani xabar qilinmoqda. Bir yarim soatda bartaraf etilgan hodisa joyiga FVV rahbari ham bordi. gazeta.uz »
2025-yilda qonuniy taksi bozori aylanmasi 9,6 trln so‘mga yetdi - bu 2024-yilga nisbatan 63 foizga ko‘p. Agregatorlar soni 224 taga, o‘zini o‘zi band qilgan haydovchilar 574,6 ming nafarga yetdi. O‘rtacha chek summasi va ayol haydovchilar soni ham oshgan. gazeta.uz »
O‘zbekiston prezidenti va Pokiston bosh vaziri Islomobodda o‘tkazilgan qo‘shma biznes-forumda ishtirok etdi. Shavkat Mirziyoyev farmatsevtika va tibbiyot, yengil sanoat, geologiya, to‘qimachilik, agrosektor va boshqa sohalarni hamkorlikning ustuvor yo‘nalishlari sifatida ko‘rsatdi. gazeta.uz »
Qo‘qon shahrida xotini bilan janjallashgan erkak qasd olish maqsadida bir yoshli qizini pichoqladi. Bola shifoxonada vafot etdi. Erkak 17 yilga ozodlikdan mahrum qilindi. gazeta.uz »
Poytaxtdagi Aviator savdo-ko‘ngilochar markazida sodir bo‘lgan yong‘in oqibatida taxminan 3 yoshda bo‘lgan bola halok bo‘ldi. Ta’kidlanishicha, yong‘indan 800 kvadrat metr maydon zarar ko‘rgan. Yong‘inni o‘chirishga 12 ta asosiy, 4 ta maxsus va 6 ta suv tashuvchi texnika jalb etilgan. gazeta.uz »
O‘zbekistondagi bir necha OAV va faollar Meta tomonidan ularning Instagram’dagi akkauntlari qandaydir qoidabuzarliklarga ishora qilib o‘chirib qo‘yilgani haqida xabar berishdi. Ekofaol Mo‘’tabar Xushvaqtova va uning “Yashil uyim” loyihasi, Hook Report va Sarpa Media nashrlarining sahifalari ishlamayapti. gazeta.uz »
Yana bir OAV vakillari tuhmat, tovlamachilik va boshqa jinoyatlarda ayblanib hibsga olindi. Ular - Xorazm viloyatidagi Qonun doirasida loyihasini yuritgan yuristlar Furqat Ro‘zmetov va Azamat Avezov. gazeta.uz »
Jizzaxda 18 yoshli qiz boshqa bir qizni Tailandda fohishalik ortidan katta mablag‘ topishga qiziqtirib, uni chet elga jo‘natayotganda qo‘lga olindi, deb xabar berdi IIV. Ular aeroportga borishga ulgurmay, YPX postida ushlangani aytiladi. gazeta.uz »
AQShdan deportatsiya qilingan O‘zbekiston fuqarolari mavjud yana bir charter reys Toshkentga yetib keldi. 44 kishi vatanga qaytarildi. Samolyot Meksika chegarasi yaqinidan yo‘lga chiqdi va jarayonda bir nechta to‘xtashlarni amalga oshirdi. Umumiy sayohat vaqti 24 soatdan oshdi. gazeta.uz »
O‘zbekistonda onlayn kreditlarni rasmiylashtirishga cheklov kiritildi: endi fuqarolar bir kunda faqat bitta bankdan kredit olishi mumkin. Ushbu chora Markaziy bankning yangi nizomida ko‘zda tutilgan. gazeta.uz »
Qozog‘istonda vitse-prezident lavozimi va Xalq Kengashi organi paydo bo‘lishi, shuningdek, parlament bir palataga aylantirilib, Qurultoy nomini olishi mumkin. Bu haqda Toqayev Milliy qurultoy yig‘ilishida ma’lum qildi. O‘zgarishlar referundum orqali amalga oshadi. gazeta.uz »
Rossiyalik faylasuf Aleksandr Duginning aytishicha, MO va Janubiy Kavkaz davlatlari Rossiya bilan ittifoq tarkibiga kirishi kerak. “Suveren Armaniston, Gruziya, Qozog‘iston, O‘zbekiston mavjudligiga rozi bo‘lish mumkin emas. gazeta.uz »
O‘zbekistonda yangi elektromobillar sotuvi 2025-yil davomida 35 foizga oshib, 40,7 ming donani tashkil etdi. Mahalliy va import ishlab chiqarilgan yangi yengil avtomobillar savdosi esa 5,2 foizga oshib, 370 ming donani tashkil etdi. gazeta.uz »
Uchko‘prik tumanida 14 yoshli qiz bir necha shaxs tomonidan zo‘rlandi. Holat bo‘yicha jinoyat ishi qo‘zg‘atilib, gumonlanuvchilarga nisbatan qamoq ehtiyot chorasi qo‘llangan. Dastlabki tergov harakatlari Farg‘ona viloyati IIB tomonidan olib borilmoqda. gazeta.uz »
2025-yilda “103” xizmatiga 14,3 millionga yaqin chaqiruv kelib tushdi - bu avvalgi yilga nisbatan 763 mingtaga ko‘p. Murojaatlarning katta qismi shoshilinch holatlar, shuningdek, surunkali kasalliklar bilan bog‘liq bo‘ldi. Eng ko‘p murojaat Toshkentda, eng kami - Navoiyda. gazeta.uz »
Shavkat Mirziyoyev Qurolli kuchlar tashkil etilganining 34 yilligi va Vatan himoyachilari kuni munosabati bilan bayram tabrigi yo‘lladi. Prezident geosiyosiy vaziyat murakkablashgan sharoitda armiyani SI bilan ta’minlash, raqamlashtirish hamda harbiylarni ijtimoiy himoya qilish ishlari kuchaytirilishini ta’kidladi. gazeta.uz »
So‘nggi bir yilda O‘zbekistonda propan narxi 48% ga oshdi, 2026-yil boshida o‘sish yanada tezlashdi. Hukumat buni import gaz ulushining ortishi (20% dan 90% gacha) va mahalliy gazning aholi ehtiyojlariga yo‘naltirilishi bilan izohladi. gazeta.uz »
Elektron retseptlar tizimi joriy etilgandan so‘ng, o‘zbekistonliklar internet orqali qaysi dori vositalari uchun retsept talab qilinishi haqida ma’lumot qidira boshladi. Biroq ma’lumotlar tarqoq holda edi. gazeta.uz »
O‘zbekiston xalq hokimiyatchiligi, vakillik demokratiyasi, Konstitutsiya va qonun ustuvorligini mustahkamlash yo‘lidagi islohotlarni yanada qat’iy davom ettiradi. Bu haqda Shavkat Mirziyoyev Konstitutsiya kuni munosabati bilan yo‘llagan tabrigida aytib o‘tdi. gazeta.uz »
Toshkentda xalqaro ekspertlar va Markaziy Osiyo mamlakatlari vakillari Transkaspiy transport yo‘lagi istiqbolini muhokama qildi. Loyihaning asosiy muammolari orasida jismoniy cheklovlar va byurokratiya sanab o‘tildi. gazeta.uz »
Prezident Ozarbayjon misolida SSP huzurida “Biznes hamroh” markazlarini tashkil etishni ma’qulladi. Ular biznesni ro‘yxatga olishdan to eksportgacha qo‘llab-quvvatlab, “yagona darcha” tamoyili asosida barcha davlat va xususiy xizmatlarni taqdim etadi. Tadbirkorlar “bir joyda 80% muammosini hal qila oladi”. gazeta.uz »
O‘zbekistonda tadbirkorlar uchun barcha davlat va xususiy xizmatlarni bir joyga jamlaydigan “Biznes hamroh” markazlari ochiladi. Tashkil etiladigan markazlarda barcha davlat va xususiy xizmatlarni “yagona darcha” tamoyili asosida bir joyda, yagona elektron platforma orqali ko‘rsatish yo‘lga qo‘yiladi. gazeta.uz »
Toshkentdagi Kichik halqa avtomobil yo‘lida ta’mirlash ishlari olib borilmoqda. Shu sababli uning Foziltepa va Beshqayrag‘och ko‘chalari oralig‘idagi qismida 27-noyabrdan 1-dekabrgacha harakat bir tomonlama cheklandi. gazeta.uz »
Deputatlar Ma’muriy kodeksga o‘zgartirishlarni birinchi o‘qishda ma’qulladi. Ular odometr ko‘rsatkichlarini o‘zgartirganlik uchun javobgarlik, bolalar ishtirokidagi ma’muriy ishlarni ko‘rishda psixolog ishtiroki, maxsus huquqlardan mahrum qilish muddatini qisqartirish va sudyadan voz kechish huquqini nazarda tutadi. gazeta.uz »
Yangi Namangan tumanida “prava"si bo‘lmagan 18 yoshli haydovchi yo‘ldan o‘tayotgan YHXB xodimini urib ketdi. Navoiy viloyatidan Namanganga davolanish uchun borgan xodim voqea joyida halok bo‘ldi. gazeta.uz »
Buxoro shahridagi ko‘p qavatli uyda er-xotin va ularning 2 nafar voyaga yetmagan qizi is gazidan zaharlanib vafot etdi. gazeta.uz »
Yaqin kunlarda Toshkent shahri va O‘zbekistonning boshqa hududlarida havoning yuqori ifloslanish darajasi saqlanib qoladi. Uni ob-havo sharoiti, xususan, havoning turg‘unligi va ifloslantiruvchi moddalar to‘planishiga olib keladigan harorat inversiyasi kuchaytirmoqda. Niqob taqish tavsiya etiladi. gazeta.uz »
ITIM tahliliga ko‘ra, oktabrda ikkilamchi uy-joy bozoridagi narxlar dinamikasi biroz tezlashdi. Bir oy ichida 1 kv metr uchun o‘rtacha narx 2,4 foizga oshdi, sentabrda bu ko‘rsatkich 0,6 foiz bo‘lgan edi. gazeta.uz »
O‘zbekistonda “Tozalik va ozodalik” oyligi yakunlandi, bir oy davomida jami 422,4 ming tonna chiqindi olib chiqildi. Ishlar 368 mingdan ortiq sanitar tozalash xizmati xodimini qamrab oldi. 95 mingdan ortiq MFY hududi, shuningdek, 60 mingdan ortiq jamoat joyi tozalandi. gazeta.uz »
O‘zbekiston MTJ BAAdagi turnirda g‘alaba qozonib, jahon chempionatiga tayyorgarlikning muhim bosqichini yakunladi. Mart oyidagi navbatdagi yig‘inga qadar muxlislarda O‘zbekistonning AQShdagi istiqbollariga ijobiy nuqtai nazardan qarashga umid paydo bo‘ldi, deb hisoblaydi Gazeta sharhlovchisi Dmitriy Povarov. gazeta.uz »
Samarqandda Damas va Onix to‘qnashib ketdi. Oqibatda Damas’ning ikki nafar yo‘lovchisi shifoxonaga yetkazildi, ulardan biri vafot etdi. gazeta.uz »
Yakshanbaning ikkinchi yarmida Toshkentda havo sifati yana keskin pasaya boshladi. O‘zgidromet soat 20:00 holatiga ko‘ra, kunlik PM2,5 ko‘rsatkichi me’yordan 3,4 barobarga oshganini ma’lum qildi. Aholi kuyindi hidini sezdi. gazeta.uz »
JCHga tayyorgarlik doirasida O‘zbekiston milliy futbol terma jamoasi Misrni 2:0 hisobida mag‘lub etib, BAAdagi Al Ain Cup finaliga chiqdi. Gazeta sharhlovchisi Dmitriy Povarovning fikricha, yarim himoyachi Oston Urunovning o‘yini joriy mavsumda milliy futbolimizning eng yaxshi namunalaridan biri bo‘ldi. gazeta.uz »
Shavkat Mirziyoyevning Markaziy Osiyoga bag‘ishlangan maqolasi e’lon qilindi. Unda hozirgi va kelajakdagi hamkorlik harakatari, “Markaziy Osiyo plyus” formatida xalqaro maydonda bir mintaqa sifatidagi ishtirok va Afg‘oniston masalasi haqida so‘z boradi. gazeta.uz »
Shavkat Mirziyoyev Tibbiyot xodimlari kuni munosabati bilan bir guruh soha xodimlarini mukofotladi. “Mashaqqatli mehnat mahsuli bo‘lgan bunday ezgu ishlarda 600 mingdan ziyod jonkuyar tibbiyot xodimlarining munosib hissasini e’tirof etib, har qancha rahmat aytsak, arziydi”, - ta’kidladi prezident gazeta.uz »
Mirzo Ulug‘bek tumanidagi Nihol ko‘chasining Milliy bog‘ ko‘chasidan Temur Malik ko‘chasigacha bo‘lgan qismi transport harakati uchun 9-noyabr kuni 20:00 gacha yopildi. gazeta.uz »
Vashingtonga yetib borgan Shavkat Mirziyoyevni AQSh davlat kotibining o‘rinbosari Kristofer Landau kutib oldi. Shundan so‘ng davlat rahbari AQShda ishlayotgan va ta’lim olayotgan vatandoshlar bilan ko‘rishdi. gazeta.uz »
Maldiv orollari “tamakisiz avlodni targ‘ib qilish” maqsadida 2007-yil yanvaridan keyin tug‘ilganlarga chekishni taqiqladi va bunday chorani butun bir avlod uchun qo‘llagan yagona davlat bo‘ldi. Chora tashrif buyuruvchilarga ham amal qiladi. gazeta.uz »
BMT Samarqanddagi Moturidiy maqbarasi ta’miri doirasida Jahon merosi obyekti bo‘lmish mahallaning bir qismi buzilgani, 1200 kishi joyidan ayrilganini aytib, O‘zbekiston va YUNESKOni tanqid qildi. Tashkilot bosim, qo‘rqitish, majburiy ko‘chirish yuz bergani va obyektning ro‘yxatdan o‘chirilish xavfini qayd etdi. gazeta.uz »
Jamoasining o‘yinini ko‘rish uchun Namanganga borgan va ortga qaytayotgan “Nasaf” muxlislarining avtomobili halokatga uchradi - haydovchi uxlab qolishi oqibatida mashina tuproq uyumiga borib urildi. Bir kishi halok bo‘ldi, yana to‘rt kishi shifoxonaga yotqizildi. Futbol klubi holat yuzasidan ta’ziya bildirdi. gazeta.uz »
500 kV quvvatli “Puli-Xumri” elektr uzatish liniyasi tarmog‘i tugallangach, O‘zbekiston Afg‘onistonga elektr energiyasi eksportini bir necha barobarga oshirishi mumkin, dedi energetika vaziri Jo‘rabek Mirzamahmudov. gazeta.uz »
Ayollardagi saratonni nazorat qilishga oid davlat dasturiga 6 mln ayol qamrab olinadi. Uch oyda 130 mingdan ziyod ayol bachadon bo‘yni va ko‘krak bezi saratoni bo‘yicha skrining tekshiruvidan o‘tkazildi. gazeta.uz »
