áèð - Ïîñëåäíèå íîâîñòè [ Ôîòî â íîâîñòÿõ ] | |
Toshkentdagi Mustaqillik shoh ko‘chasining Mirzo Ulug‘bek ko‘chasi kesishmasidan Oqqo‘rg‘on ko‘chasigacha bo‘lgan qismi 2-iyul soat 01:00 dan 13-iyul soat 06:00 ga qadar yopiq bo‘ladi. Bu paytda qurilish-ta’mirlash ishlari olib boriladi. gazeta.uz »
Tramp AQSh prezidenti lavozimida faoliyat yuritgan bir yil davomida kriptovalyuta operatsiyalaridan 1 mlrd dollardan ortiq mablag‘ ishlab topdi. Uning umumiy daromadi kamida 2,2 mlrd dollarni tashkil etdi, bu 2024-yilgi ko‘rsatkichlardan ancha ko‘p. gazeta.uz »
O‘zbekistonda elektromobillar bir yil ichida 65,2 mingtadan 109,2 mingtaga ko‘paydi. Toshkent shahri yetakchilikni saqlab qolmoqda, bu yerda 80 mingga yaqin elektromobil ro‘yxatga olingan (umumiy sonning 73 foizi). gazeta.uz »
O‘zbekiston Amerikaga oid sanoat mollari va qishloq xo‘jaligi mahsulotlarining keng ro‘yxati uchun tariflarni bekor qilish yoki kamaytirish majburiyatini oldi. AQSh esa, o‘z navbatida, O‘zbekiston tovarlariga nisbatan tarif choralarini Amerika qonunchiligi doirasida “ijobiy ko‘rib chiqish” niyatida. gazeta.uz »
O‘zbekiston milliy jamoasi bosh murabbiyi Portugaliyaga qarshi o‘yindagi mag‘lubiyat uchun javobgarlikni o‘z zimmasiga oldi. Kannavaro shogirdlariga ishonchni singdirishda davom etishini va dadil o‘ynashga chaqirishini aytdi. gazeta.uz »
O‘zbekiston va Germaniya rahbarlari qo‘shma loyihalarga start berdi. Volkswagen avtomobillarini yig‘ishni yo‘lga qo‘yish, Andijonda logistika markazini ochish, zamonaviy imtihon markazlarini tashkil etish shular jumlasidan. gazeta.uz »
May oyida aholi va tadbirkorlarning yillik inflyatsion kutilmalari mos ravishda 10,1% va 10% gacha pasaydi. MB so‘rovnomasiga ko‘ra, kommunal xizmatlar qimmatlashishidan xavotir bildirgan respondentlar ulushi eng tez o‘syapti (59%). gazeta.uz »
Tarmoqlarda tunda Yakkasaroy tumanida Cobalt xavfli va qarama-qarshi yo‘nalishda harakatlanib, mashinalarga shikast yetkazgani aks etgan videolar tarqaldi. U mashina g‘ildiragiga o‘q uzish orqali to‘xtatildi. gazeta.uz »
“Karib dengizi qaroqchilari” franshizasi, “Charli va shokolad fabrikasi” hamda “Edvard qaychiqo‘l” singari filmlar yulduzi Jonni Depp 9-iyunda 63 yoshni qarshiladi. gazeta.uz »
Soliq imtiyozlari biznes va aholini qo‘llab-quvvatlash vositasi sifatida qaraladi. Lekin iqtisodiy mohiyatiga ko‘ra, ularning aksariyati budjet xarajatlaridir. Yashirin iqtisodiyotni qisqartirish instituti rahbari Abbosbek Jo‘rayev nega O‘zbekistonga soliq xarajatlari bo‘yicha shaffof hisobotlar zarurligi haqida. gazeta.uz »
Tarmoqlarda Toshkent metrosi bekatlaridagi elektron panduslar ishlamayotgani haqida xabarlar tarqaldi. Metropoliten bayonotiga ko‘ra, Texnopark tomonidan o‘rnatilayotgan qurilmalar hali to‘liq sozlab bo‘linmagan, jarayonni tezlashtirish uchun esa tegishli idoralarga bir necha bor rasmiy xatlar chiqarilgan. gazeta.uz »
Toshkentda Makron tashabbusi bilan 2020-yilda asos solingan 2 kunlik “Fransiyada ishlab chiqarilgan” ko‘rgazmasi o‘tmoqda. U sog‘liqni saqlash, qurilish, aviatsiya va boshqa sohalardagi 50 ga yaqin fransuz kompaniyasi mahsulotlari bilan tanishtiradi. gazeta.uz »
O‘zbekistonda jismoniy va yuridik shaxslar tomonidan transport vositasini import qilishda bir kalendar yil davomida faqat bitta avtomobilga muvofiqlik sertifikati berishni nazarda tutuvchi norma bekor qilindi. gazeta.uz »
Payshanba kuni poytaxtning bir qator tumanlarida elektr ta’minoti vaqtincha bo‘lmadi. Energetika vazirligi bunga Toshkent IESdagi transformatorning nosozligi sabab bo‘lganini ma’lum qildi. Shaharda svetoforlar ishlamadi, uylarda suv ta’minotida uzilishlar kuzatildi. Uzilish metroga ham ta’sir ko‘rsatdi. gazeta.uz »
Surxondaryoning Qumqo‘rg‘on tumanidagi Janubiy Surxon suv omborida qayiq ag‘darilib ketishi oqibatida 5 nafar fuqaro suvga tushib ketgan. Qutqaruvchilar voqea kelganida ularning 4 nafari qirg‘oqqa suzib chiqqani, 1 nafari esa suvdan chiqolmay qolgani aniqlangan. Hozirda qidirish ishlari olib borilmoqda. gazeta.uz »
Toshkentda inklyuziv ta’limga bag‘ishlangan “Mening maktabim - har bir bola uchun” bolalar ijodiy ishlari ko‘rgazmasi ochildi. Maqsad - ta’lim olish imkoniyatlariga e’tiborni qaratish va nogironlikka nisbatan jamiyat qarashlarini o‘zgartirish. gazeta.uz »
Farg‘ona viloyati Quva tumanida Nexia 2 va Onix ishtirokida yo‘l-transport hodisasi sodir bo‘ldi. Gaz quyish shoxobchasidan chiqqan Nexia 2 qarama-qarshi yo‘nalishga o‘tib ketgan va Onix bilan to‘qnashgan. gazeta.uz »
Prezident farmoni bilan O‘zbekiston madaniyati, san’ati va adabiyotiga hissa qo‘shgan bir guruh marhum ijodkorlar davlat mukofotlari bilan taqdirlandi. Ular orasida Sanjar Sadullayev, Shuhrat Abbosov, Hamza Umarov, Saida Zunnunova, O‘tkir Hoshimov va boshqalar bor. gazeta.uz »
Zarafshon shahar shifoxonasining tug‘uruq bo‘limida kam uchraydigan holat qayd etildi - bir kunda to‘rt nafar ayol egizak farzandlarni dunyoga keltirdi. Onalar va chaqaloqlarning ahvoli yaxshi deb baholanmoqda, ular shifokorlar nazoratida bo‘lib turibdi. gazeta.uz »
Navoiy viloyatining tog‘li va tog‘ oldi hududlarida kuzatilgan kuchli yog‘ingarchilik ortidan sel-suv oqimlari yuzaga keldi. Xatirchi tumanida yo‘lni xarsang toshlar bosib qolishi oqibatida 4 ta avtomobil va bir nechta uy-joy zarar ko‘rgan, sel yo‘llari yaqinida yashovchi fuqarolar xavfsiz hududlarga ko‘chirilgan. gazeta.uz »
O‘zbekistonda suv va alkogolsiz ichimliklarni raqamli markirovkalash tizimida agregatsiyani joriy etish muddati bir yilga - 2027-yilning 1-apreligacha uzaytirildi. Bozor ishtirokchilari sohaning bunga tayyor emasligi, mexanizmlar puxta ishlab chiqilmagani va umuman, jarayonning keraksiz ekanini ma’lum qilgandi. gazeta.uz »
Xitoy - Qirg‘iziston - O‘zbekiston temiryo‘li va Afg‘oniston orqali janubiy yo‘lakni rivojlantirish O‘zbekiston va Markaziy Osiyo transport imkoniyatlarini kengaytirishi kerak, dedi transport vaziri o‘rinbosari. gazeta.uz »
Toshkentda avtobus haydovchilari oyiga belgilanganidan 70 soat ko‘p ishlashiga to‘g‘ri kelyapti. Endi bir avtobusga 3 nafargacha haydovchi biriktiriladi. 1-iyuldan “1062” call markaz faoliyati kengayadi, yo‘lovchilarga e’tirozlar natijasi haqida xabar beriladi. gazeta.uz »
Yakshanba kuni yoqqan kuchli va davomli jala Toshkentda yana jiddiy suv toshqinlarini keltirib chiqardi. Joylarda yog‘in miqdori 35 mm ga yetdi, vaholanki may uchun me’yor 44 mm ni tashkil qiladi. Hokimlik shahardagi yomg‘ir suvlarini chiqarib yuborish tizimini sutkasiga 20 mm dan 36 mm gacha oshirishni reja qilmoqda. gazeta.uz »
Yaponiya qisqa muddatli biznes vizasi bilan kelib, mamlakatda noqonuniy qolib ketgan yana bir O‘zbekiston fuqarosini deportatsiya qildi. Aprel oxirida ham ikki o‘zbekistonlik vataniga qaytarib yuborilgandi. gazeta.uz »
“Cho‘qintirgan ota”, “La'natlanganlar oroli” hamda “Truman tomoshasi” singari kinolarni taqdim qilgan Paramount Pictures’ning tashkil topganiga 8-mayda 114 yil bo‘ldi. gazeta.uz »
O‘zbekistonning Misrdagi elchisi Mansurbek Qilichev Jazoirdagi birinchi elchi etib tayinlandi. U Jazoir tashqi ishlar vaziriga ishonch yorliqlari nusxalarini topshirdi. Tomonlar savdo, sanoat va ta’lim sohalarida hamkorlikni kengaytirish, yangi qo‘shma loyihalarni amalga oshirish masalalarini muhokama qildi. gazeta.uz »
Head Honchos LLC kompaniyasi bilan o‘zbekistonliklarni AQShga mavsumiy qishloq xo‘jaligi ishlariga yuborish bo‘yicha kelishuvga erishildi. Nomzodlar tanlanib, tayyorgarlikdan o‘tkaziladi, xalqaro standartlar asosida ishga joylashtiriladi. gazeta.uz »
Poytaxtda gullar festivali o‘tkazilishi munosabati bilan Milliy kutubxona atrofidagi ko‘chalar transport harakati uchun yopildi. Cheklovlar 11-mayga qadar amal qiladi. gazeta.uz »
O‘zbekistonda ekologik huquqbuzarliklar uchun moliyaviy javobgarlikni kuchaytirish reja qilinmoqda. Amaldagi jarimalar ko‘pincha yetkazilgan zararga nomutanosib, korxonalar qoidabuzarliklarni bartaraf etishdan ko‘ra jarima manfaatliroq sanagan. Sanksiyalarning yangi mexanizmi real zararni hisobga oladi. gazeta.uz »
Toshkent metropolitenining yerusti halqa yo‘li yo‘nalishida poyezdlar harakati 1-maydan boshlab bir soat ertaroq - soat 05:00 dan boshlanadi. Ta’kidlanishicha, yangi jadval yo‘lovchilarga qo‘shimcha qulaylik yaratish va xizmat ko‘rsatish sifatini oshirish maqsadida joriy etilmoqda. gazeta.uz »
Ko‘p kvartirali uylarni saqlash va ulardan foydalanish qoidalari joriy etildi. Unga ko‘ra, boshqarish organlari haftada 1 marta uylarning kirish yo‘laklari va lift xonalarini tozalashi kerak. Uylarga tutash yerlarda bolalar o‘ynashi, katta yoshdagi aholining dam olishi uchun maydonchalar bo‘lishi kerak. gazeta.uz »
MO sezilarli investitsiyaviy salohiyatga ega, biroq mintaqa mamlakatlari uchun uni alohida amalga oshirish qiyin kechadi, deb hisoblaydi IFC’ning Qozog‘iston, Turkiya va O‘zbekiston bo‘yicha direktori Liza Kestner. gazeta.uz »
Angren shahrida Howo yuk mashinasi haydovchisi boshqaruvni yo‘qotib yo‘nalishdagi 4 ta avtomobil bilan to‘qnashdi. Oqibatda Sobalt haydovchisi va yo‘lovchisi voqea joyida halok bo‘ldi, yana to‘rt kishi shifoxonaga yotqizildi. gazeta.uz »
O‘zbekistonda mart oyi yakunlariga ko‘ra, birlamchi va ikkilamchi bozorlarda jami 78 mingdan ortiq yengil avtomobil sotilgan. Bu o‘tgan oyga nisbatan 19 foizga ko‘p. Yillik hisobda esa savdo hajmi 20,6 foizga oshgan. gazeta.uz »
O‘zbekistonda sovuq qurolni olib yurish bilan bog‘liq huquqbuzarlikni bir yil davomida takroran sodir etganlik uchun 10 BHM (4,12 mln so‘m)gacha jarima yoki 15 sutkagacha ma’muriy qamoq jazosi qo‘llanadi. gazeta.uz »
9-may - Xotira va qadrlash kuni munosabati bilan Ikkinchi jahon urushi qatnashchilari va nogironlarining har biriga 30 mln so‘mdan bir martalik mukofot puli beriladi. gazeta.uz »
O‘zbekistonlik grossmeyster Javohir Sindarov Nomzodlar turnirining so‘nggi turida durang o‘ynadi va to‘plangan ochkolar soni bo‘yicha rekordni yangiladi. U musobaqani birorta ham mag‘lubiyatsiz o‘tkazib, 14 ochkodan 10 ochko jamg‘ardi. gazeta.uz »
Chirchiq shahrida piyodalar o‘tish joyidan yo‘lni kesib o‘tayotgan ona-bolani urib ketishiga bir baxya qolgan haydovchi transport vositalarini boshqarish huquqidan 2 yil muddatga mahrum etildi va 10,3 mln so‘m jarimaga tortildi. gazeta.uz »
O‘zbekistonlik grossmeyster Javohir Sindarov Nomzodlar turnirining 12-turida Xikaru Nakamura bilan tezkor durang o‘ynadi - partiya 35 daqiqada yakunlandi. Shaxmatchi 9 ochko jamg‘ardi va endi g‘alaba ostonasida turibdi: chempionlik uchun qolgan ikki partiyada bor-yo‘g‘i yarim ochko olishi kifoya. gazeta.uz »
Senat ekologiya, atrof-muhitni muhofaza qilish sohasidagi huquqbuzarliklarni sodir etganlik uchun yuridik shaxslarga nisbatan moliyaviy sanksiyalar belgilashni ma’qulladi. Xususan, sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Senat ekologiya, atrof-muhitni muhofaza qilish sohasidagi huquqbuzarliklarni sodir etganlik uchun yuridik shaxslarga nisbatan moliyaviy sanksiyalar belgilashni ma’qulladi. Xususan, sanksiyalar atrof-muhitga yetkazilgan zarar va to‘lanishi lozim bo‘lgan kompensatsiya miqdoriga bog‘lanmoqda. gazeta.uz »
Centrum Air aviakompaniyasi jahon bozorlarida aviatsiya yonilg‘isi keskin qimmatlashishi tufayli ayrim xalqaro yo‘nalishlardagi tariflarga “tuzatishlar” kiritilishini ma’lum qildi. O‘zbekistonning boshqa aviatashuvchilari esa hozircha tariflar qayta ko‘rib chiqilishi haqida xabar bermagan. gazeta.uz »
O‘tgan yil va joriy yil boshida O‘zbekiston dorixonalarida dori-darmon narxlarini oshirish bilan bog‘liq 414 mingdan ortiq holat aniqlandi. Asossiz 8,5 mlrd so‘m daromad olingan. Oltita kompaniyaning litsenziyasi bekor qilindi. gazeta.uz »
O‘tgan yil va joriy yil boshida O‘zbekiston dorixonalarida dori-darmon narxlarini oshirish bilan bog‘liq 414 mingdan ortiq holat aniqlandi. Asossiz 8,5 mlrd so‘m daromad olingan. Oltita kompaniyaning litsenziyasi bekor qilindi. gazeta.uz »
O‘zbekistonda 30-mart kuni 20 ga yaqin hudud 97,9 tonna chiqindidan tozalandi. Xususan, Parkent tumanida joylashgan Qizil tog‘ hududida jami 1 tonna 754 kg chiqindi bartaraf etildi. gazeta.uz »
AQSh va Isroilning Eronga urush ochishi neft va gaz narxini keskin ko‘tardi. Jarayon Hurmuz bo‘g‘ozi bloklanishi va jahon eksportining 20 foizigacha bo‘lgan qismida uzilishlar yuzaga kelishiga sabab bo‘ldi. gazeta.uz »
O‘zbekistonda san’atkorlarning barcha xizmatlarini (to‘ylardan tortib konsertlargacha) Soliq ilovasida majburiy ro‘yxatdan o‘tkazish rejalashtirilmoqda. Soliqlar “bir xizmat - bir to‘lov” tamoyili asosida, hatto bepul xizmat ko‘rsatilganda ham undiriladi. Huquqbuzarlik haqida xabar berganlar mukofotlanadi. gazeta.uz »
Toshkentning Sergeli tumanida ijaraga olingan xonadonda yana bir narkolaboratoriya aniqlandi. 4,5 mlrd so‘mlik (qariyb 370 ming dollar) 3,5 kg pregabalin, 20 litr suyuq va 25 kg kukun ko‘rinishidagi prekursorlar musodara qilindi. gazeta.uz »
“Bizda sog‘liqni qaqshatish ishlari”, “Turkistonning fig‘oni”, “Bolsheviklar va biz” singari o‘tkir maqolalar muallifi, jurnalist, shoir hamda dramaturg Hoji Muin tavalludiga 19-martda 143 yil to‘ldi. gazeta.uz »
