áèð - Ïîñëåäíèå íîâîñòè [ Ôîòî â íîâîñòÿõ ] | |
Markaziy bank milliy valyuta kursining shakllanishiga aralashmaydi va uni mustahkamlash yoki qadrsizlantirishni maqsad qilmaydi. MB raisi Timur Ishmetovning ta’kidlashicha, so‘m kursi talab va taklif asosida shakllanadi, regulyatorning asosiy vazifasi esa uning uzoq muddatli barqarorligini ta’minlashdir. gazeta.uz »
Yevropa Ittifoqi navbatdagi sanksiyalar paketini ma’qulladi. Unda Qozog‘iston, Qirg‘iziston va Tojikistondagi banklarga ham sanksiya qo‘llanildi. Xususan, ro‘yxatga VTB-Qozog‘iston, “Dushanbe Siti bank”, “Spitamen bank” hamda Qirg‘izistondagi Yevroosiyo jamg‘arma banki kiritilgan. gazeta.uz »
KXDR 21-oktabr kuni ertalab bir nechta qisqa masofali ballistik raketani uchirdi. Uchirish AQSh prezidenti va XXR raisi tashrif buyurishi kerak bo‘lgan Janubiy Koreyadagi OTOIH sammitidan bir hafta oldin amalga oshirildi. gazeta.uz »
O‘zbekistonda “Bir million o‘zbek dasturchisi” loyihasining mantiqiy davomi sifatida “Bir million sun’iy intellekt yetakchisi” loyihasi ham boshlandi. Bu yil 100 ming, kelasi yil 500 ming yoshlar o‘qitiladi. gazeta.uz »
Qumqo‘rg‘on tumanida Cobalt va Nexia 2 avtomobillari o‘zaro to‘qnashdi. Oqibatda mashinada bo‘lgan 62 yoshli erkak voqea joyida vafot etdi. Yana bir yo‘lovchi ayol shifoxonaga yotqizildi. gazeta.uz »
Rossiyaning Novosibirsk viloyatida yengil avtomobil va 2 ta yuk mashinasi ishtirokida YTH bo‘ldi. OAV yuk mashinalarining haydovchilari O‘zbekiston fuqarolari ekani, ularning biri halok bo‘lgani, boshqasi jiddiy jarohatlanganini yozmoqda. gazeta.uz »
Futbol bo‘yicha O‘zbekiston milliy terma jamoasi FIFA reytingida bir pog‘ona pastlab, 55-o‘rinni egalladi. Osiyoda esa hamon 6-jamoa bo‘lib turibdi. Reytingda Ispaniya, Argentina va Fransiya yetakchilik qilmoqda. gazeta.uz »
Gastronomik-ko‘ngilochar festival o‘tkazilishi sababli poytaxtning Sayyid Baraka va Taras Shevchenko ko‘chalarining bir qismida 3 kunga transportlar harakati cheklandi. gazeta.uz »
Yevropa va Markaziy Osiyo mamlakatlarida deyarli har uchinchi bola uyda jismoniy jazoga duchor bo‘ladi va bolalarning deyarli uchdan ikki qismi psixologik tajovuzga yo‘liqadi, deyiladi YUNISEFning yangi hisobotida. gazeta.uz »
Endilikda “mahalla yettiligi” xodimlari bilan har bir yo‘nalish bo‘yicha alohida yig‘ilish o‘tkazish taqiqlanadi. “Yettilik” faoliyatini kompleks baholaydigan tizim ishga tushiriladi. Tuman hokimlari yil yakuniga ko‘ra yaxshi ishlagan 10 ta “yettilik”ni mukofotlash, ularga qo‘shimcha ustamalar berishni yo‘lga qo‘yadi. gazeta.uz »
Nyu York tovar birjasida (COMEX) oltin fyucherslari narxi o‘z tarixiy rekordini yangilab, bir unsiya uchun $4179 ni tashkil qildi. Oltin narxi yil boshidan buyon 57% ga o‘sdi. Shuningdek, AQSh va Xitoy o‘rtasidagi savdo ziddiyatlarining qayta kuchayishi xavfsiz aktivlarga, jumladan, kumushga bo‘lgan talabni oshirdi. gazeta.uz »
Toshkentdagi 300-maktabda bir necha 4-sinf o‘quvchisi sinfdosh qizni haqorat qilib, ulardan biri ko‘kragiga qattiq tepdi. Qizning onasi bezorilar hamon maktabda o‘qiyotganidan shikoyat qildi. MMTB ikki bolaning ota-onasiga jarima belgilangani, direktor va o‘qituvchilar esa javobgarlikka tortilganini bildirdi. gazeta.uz »
Toshkent shahridagi Al Xorazmiy ko‘chasining bir qismi 10-oktabr soat 09:00 dan 13-oktabr soat 09:00 gacha transport uchun yopiladi. Bunga ko‘chada tadbir o‘tkazilishi sabab ekani ko‘rsatilgan. gazeta.uz »
Mirzo Ulug‘bek va Yashnobod tumanlaridan o‘tuvchi Yangi O‘zbekiston ko‘chasining bir qismida harakat 20-oktabrgacha qisman cheklandi. Bu paytda yo‘lining yuqori qatlamiga asfalt-beton qoplamasi yotqiziladi. gazeta.uz »
Fransiya bosh vaziri Sebasten Lekornyu hukumatning yangi tarkibi Emmanuel Makron tarafdorlari va muxolifat tomonidan tanqid qilinganidan so‘ng iste’foga chiqdi. U bu lavozimda 27 kun ishladi - bu mamlakatning eng yangi tarixidagi eng qisqa bosh vazirlik muddati bo‘ldi. gazeta.uz »
Toshkent kichik halqa avtomobil yo‘lining (KHAY) Maxtumquli ko‘chasi bilan kesishmasidagi ko‘prik osti qismida 5-oktabrdan 1-noyabrgacha harakatlanish qisman cheklanadi. Yo‘lning ushbu qismida yo‘l infratuzilmasini yangilash ishlari olib boriladi. gazeta.uz »
“Chorsu” mehmonxonasi o‘rnida 2029-yil oxirigacha mehmonxona, turar joy va biznes markazini o‘z ichiga olgan Yangi Chorsu majmuasini qurish rejalashtirilyapti. Loyiha mualliflari yakkalangan majmua emas, balki “shahar hayotining bir qismiga aylanuvchi uyg‘un, jonli va ochiq” makon yaratish niyatini bildirmoqda. gazeta.uz »
O‘zbekiston va Rossiya Jizzaxdagi bo‘lg‘usi atom stansiyasi konfiguratsiyasini belgilaydigan hujjatlarni imzoladi. O‘zbekiston bir maydonda bir vaqtning o‘zida ham kichik, ham katta AESga ega dunyodagi birinchi mamlakatga aylanadi. gazeta.uz »
Norin tumanida ayol tuman hokimi Jo‘rabek Nurmatovni oilaviy boshpanasiz qoldirganlikda aybladi. U o‘z shikoyat xatini yaqinda hokim vaqtincha ko‘chib o‘tgan konteyner uyga yopishtirib ketdi. gazeta.uz »
Deputatlar aholini shovqindan himoya qilish to‘g‘risidagi qonun loyihasini qayta ishlash uchun qaytardi. Bunga javobgarlik shovqin inson salomatligiga jiddiy zarar yetkazgan taqdirda qo‘llanishi mumkinligi haqidagi modda sabab bo‘ldi. gazeta.uz »
Yakkasaroy tumanida 62-sonli avtobus yo‘lni kesib o‘tayotgan erkakni urib yubordi. Yangihayot tumanida esa 57-sonli avtobus qayrilib olish chog‘ida 18 yoshli qizni bosib ketdi. Har ikkala holatda piyodalar shifoxonaga olib borilgan va tez tibbiy yordam ko‘rsatilgan. Hozirda surishtiruv ishlari olib borilmoqda. gazeta.uz »
Yakkasaroy tumanida BYD haydovchisi hamda uning otasi yo‘liga chiqqan Gentra haydovchisini do‘pposladi va avtomobil oynalarini sindirdi. Hodisa sodir bo‘lganidan so‘ng mashinada bo‘lgan ayol homilasini yo‘qotdi. Holat bo‘yicha jinoiy ish ochilib, ikki shaxs ushlandi. gazeta.uz »
Futbol bo‘yicha O‘zbekiston milliy terma jamoasi FIFA reytingida bir pog‘ona yuqorilab, 54-o‘rinni egalladi. Osiyoda esa 6-jamoa bo‘lib turibdi. Reyting yetakchiligini Argentinadan Ispaniya olib qo‘ydi. gazeta.uz »
O‘zbekistonda qishloq xo‘jaligi yerlari ijarachilariga uchastkaning bir qismini boshqa foydalanuvchiga o‘tkazishga ruxsat berildi. Prezident farmonida qishloq xo‘jaligi yerlariga nisbatan faqat ijara huquqi tan olinishi ham belgilangan. gazeta.uz »
Endilikda xususiy bog‘chalardagi tarbiyachilar oyligi va bola xarajatining bir qismi ham budjetdan qoplab beriladigan tizim joriy etiladi. Shuningdek, davlat va xususiy bog‘cha tarbiyachilarini ishdan ajralmagan holda oliygohlarda o‘qitish yo‘lga qo‘yilib, yiliga 10 ming tarbiyachi oliy ma’lumotli qilinadi. gazeta.uz »
Shahrisabz tumanida piyodalar o‘tish joyidan o‘tayotgan o‘quvchiga yo‘l bermay, xavfli vaziyat keltirib chiqargan 68 yoshli Damas haydovchisi jazolandi. Unga nisbatan BHMning 25 baravari miqdorida jarima va transport boshqarish huquqidan 1 yilga mahrum etish jazosi tayinlandi. gazeta.uz »
“Tolibon” 2021-yilda Afg‘oniston hukumati qulagach O‘zbekiston va Tojikistonga olib ketilgan harbiy vertolyotlarni Afg‘onistonga qaytarishga yana bir bor chaqirdi. “Biz ushbu vertolyotlarni afg‘on xalqiga qaytarishni so‘raymiz, toki ular gumanitar maqsadlarda foydalanilsin”, - dedi TIV rahbari Muttaqiy. gazeta.uz »
Qozog‘iston prezidenti bir palatali parlamentga o‘tishni taklif qildi. Siyosatshunos Gaziz Abishev buni parlamentni kuchaytirish va avtokratiyani jilovlash sari qadam deb bilmoqda. QMIPI professori Nurseit Niyazbekovga ko‘ra, bu qarorlar qabul qilishni tezlashtirishi mumkin, ammo demokratlashtirishga olib kelmaydi. gazeta.uz »
Markaziy bank bank kartalari ochish bo‘yicha yil boshida kiritilgan vaqtinchalik cheklovlarni o‘zgartirishi mumkin. Kartalarni masofadan turib yopish imkoniyati ham ko‘rib chiqilishi mumkin. gazeta.uz »
Gazeta yillar oldin qizini ayiq qafasiga tashlagan, yaqinda esa uni pichoqlab o‘ldirgan ayol voqeasini o‘rganishga urindi, shuningdek, jamoatchilik fikrini jamladi. Ayol ro‘yxatda turgan ruhiy salomatlik markazi unga “sog‘lom” xulosasi berilmaganini aytdi. Hodisa ijtimoiy himoya tizimini so‘roq ostida qoldirdi. gazeta.uz »
11-sentabrdan 1-oktabrgacha Lutfiy ko‘chasining Farhod ko‘chasidan Shirin ko‘chasigacha bo‘lgan qismida harakat bir tomonlama vaqtincha to‘xtatiladi. Cheklov qish mavsumiga tayyorgarlik doirasida 640 metr uzunlikdagi issiqlik tarmoqlari yangilanishi bilan bog‘liq. gazeta.uz »
IIV tayyorlagan qonun loyihasida 1 oyda 10 marta huquqbuzarlik sodir etganlarni haydovchilik huquqidan vaqtincha mahrum qilish taklif etilmoqda. Tezlikni belgilangan cheklovdan 100 km/coat oshirib yuborishga ham shunday chora ko‘riladi. gazeta.uz »
Ijtimoiy tarmoqlarda Yunusobod (“Universam”) bozoridagi gul do‘konlari buzilayotgani haqida xabar tarqaldi. Gazeta fotomuxbiri Yevgeniy Sorochin hududning hozirgi ko‘rinishini suratga oldi. Avvalroq ekobozorga ega uch qavatli majmua qurish orqali bozor to‘liq rekonstruksiya qilinishini yozgandik. gazeta.uz »
Barcha viloyatda Xitoy tajribasi asosida kasbga o‘rgatuvchi O‘zbekiston - Xitoy ustaxonalari ochiladi. Shavkat Mirziyoyevning aytishicha, bunday loyihalar uchun texnologiyalar va xitoy tilini yaxshi biladigan kadrlar kerak. gazeta.uz »
Qozog‘iston prezidenti Qosim-Jomart Toqayev mamlakat parlamentini bir palatali qilishni va bu masalani referendumga qo‘yishni taklif etdi. U 2027-yilda bo‘lib o‘tishi mumkin. gazeta.uz »
Soliq qo‘mitasi elektron hisob-fakturalar (EHF) berishdagi risklarni baholash tizimini sinovdan o‘tkaza boshladi. Bu korxonalarga kontragentlar bilan shubhali operatsiyalardan qochish va QQSni noqonuniy hisob-kitob qilish sxemalarini cheklashda yordam berishi kerak. Yuzlab mlrd so‘mlik shubhali operatsiyalar aniqlandi. gazeta.uz »
O‘zbekiston va Xitoy o‘rtasida “O‘zbekiston-2030” strategiyasi va “Bir makon, bir yo‘l” tashabbusini o‘zaro bog‘lash bo‘yicha hamkorlik dasturi, madaniyat markazlarini o‘zaro ta’sis etish to‘g‘risida bitim, tibbiy xizmat sohasida hamkorlik to‘g‘risida bitim va boshqa hujjatlar imzolandi. gazeta.uz »
28-avgust kuni Qamchiq dovonida ikkita YTH yuz berishi oqibatida 3 kishi halok bo‘ldi. Dovonda avval Lacetti, so‘ng Cobalt yuk mashinalariga urilgan. Lacetti’ning bir nafar, Cobalt’ning ikki nafar yo‘lovchisi og‘ir tan jarohatlari bilan vafot etgan. gazeta.uz »
Prezident QQS ma’murchiligini takomillashtirish va uni qaytarishni nazarda tutuvchi hujjatlar loyihalarini ishlab chiqishni buyurdi. Gap bu soliqni to‘lovchilarni soddalashtirilgan ro‘yxatga olish, marketpleys orqali eksport uchun QQS qaytarish, mehmonxona va tibbiyot biznesini qo‘llab-quvvatlash haqida bormoqda. gazeta.uz »
Sirdaryo viloyatida YTHga uchragan Cobalt butunlay yonib ketdi. Uning ichida bo‘lgan fuqaro vafot etdi. Xabarda aytilishicha, o‘t o‘chiruvchilar hodisa sodir bo‘lgandan 17 daqiqa o‘tgach yong‘inni o‘chirgan. gazeta.uz »
Toshkentda Migrantlar resurs markazi ochildi. U fuqarolarga xorijga chiqish oldidan maslahatlar beradi, qonuniy ishga joylashish imkoniyatlarini tushuntiradi, vataniga qaytganlarni qo‘llaydi. Markazni YeI, Migratsiya agentligi va Migratsiya siyosatini rivojlantirish xalqaro markazi tashkil etdi. gazeta.uz »
Mo‘ynoqdagi konda otilib chiqqan yuqori bosimli gaz 1 oydan so‘ng talofatlarsiz jilovlandi, deya xabar berdi “O‘zbekneftgaz”. Jarayonga Ochiq favvoralarni oldini olish va bartaraf etish bo‘yicha harbiylashtirilgan qism, xalqaro kompaniyalar jalb qilindi. gazeta.uz »
Rossiyaning “Aeroflot” aviakompaniyasi sentabr oyida O‘zbekistonning ayrim shaharlariga parvozlarni qayta tiklashni rejalashtirmoqda. Xususan, 14-sentabrdan Moskvadan Buxoroga, 15-sentabrdan Moskvadan Urganchga, 16-sentabrdan Sankt Peterburgdan Samarqandga yangi to‘g‘ridan-to‘g‘ri reyslar yo‘lga qo‘yiladi. gazeta.uz »
15-iyuldan 15-avgustgacha o‘tkazilgan “Xavfsiz va sog‘lom yurt” tadbirlari davomida 2410 ta jinoyat ishi qo‘zg‘atildi. IIV Tergov departamenti boshlig‘i Ramazon Ashrapovga ko‘ra, gumonlanuvchilarni ushlash holatlari o‘tgan oyga nisbatan 50,7 foizga, qamoqqa olish choralarining qo‘llanishi esa 48 foizga oshgan. gazeta.uz »
Poytaxtdagi Shota Rustaveli ko‘chasining Cho‘ponota ko‘chasi bilan kesishmasidan to Mirobod ko‘chasi bilan kesishmasigacha bo‘lgan qismi 31-avgustgacha yopildi. Qator avtobus yo‘nalishlari harakatlariga vaqtincha o‘zgartirishlar kiritildi. gazeta.uz »
Shavkat Mirziyoyev bir guruh marhum olim va ijodkorlarni mukofotladi. Ular orasida Begali Qosimov kabi olimlar, Quddus Muhammadiy, Rauf Parfi, To‘ra Sulaymon, Muhammad Yusuf, Anvar Obidjon kabi shoirlar, Oxunjon Madaliyev, Muhriddin Xoliqov kabi xonandalar va aktrisa Rimma Axmedova bor. gazeta.uz »
O‘zbekistonda aylanma soliqdan QQSga o‘tadigan korxonalar bir yil davomida foyda solig‘i to‘lashdan ozod qilinadi. Hisobotda xatolik aniqlansa, jarima qo‘llanmaydi. Shuningdek, bunday korxona buxgalterlari maoshining 5 mln so‘mgacha bo‘lgan qismi olti oygacha to‘lanayotgan soliqdan chegirib tashlanadi. gazeta.uz »
O‘zbekistonda 1946 nafar yosh muhandis bir vaqtning o‘zida 1946 ta kichik robotni yig‘ib, Ginnes rekordini yangiladi. Tadbirda Butunjahon Ginneslar rekordi tashkilotining hakami Karl Saville ishtirok etdi. gazeta.uz »
Chilonzor tumanidagi Farhod ko‘chasining Shuhrat chorrahasidan “Chilonzor” metro bekati chorrahasigacha bo‘lgan qismi 18-avgustdan 30-avgustgacha yopiq bo‘ladi. Bu paytda issiqlik tarmoqlari quvurlarini yangilash ishlari olib boriladi. gazeta.uz »
O‘zbekistonlik turli kasb egalarini viloyatlardagi davlat maktablarida o‘quvchilar bilan ishlash uchun tayyorlovchi Teach For Uzbekistan loyihasining ikkinchi mavsumi boshlandi. Gazeta dastur direktori va o‘tgan yilgi tanlov g‘olibi bilan dastlabki natijalar va ta’limga yondashuvning o‘zgarishi haqida suhbatlashdi. gazeta.uz »
