ýëåêòð - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston milliy kompaniyalarning Afg‘onistondagi elektr tarmoqlari va podstansiyalarni qurish hamda modernizatsiya qilishdagi ishtirokini muhokama qilmoqda, dedi energetika vaziri Sherzod Xodjayev. gazeta.uz »
Samarqand viloyatining taqsimlovchi elektr tarmoqlari xalqaro tender g‘olibi - Turkiyaning Aksa Elektrik kompaniyasi boshqaruviga beriladi. Kompaniya tarmoqlarni modernizatsiya qilish va yangi infratuzilma qurishga investitsiya kiritadi. Bu O‘zbekistondagi ilk shunday loyihadir. gazeta.uz »
Idoralararo tarif komissiyasi elektr energetikasining asosiy bo‘g‘inlari - ishlab chiqarishdan tortib taqsimlashgacha bo‘lgan yangi tariflarni tasdiqladi. 1 kVt/soat ishlab chiqarish qiymati 522 so‘mdan 1126 so‘mgacha, tarmoqlar orqali uzatish 98 so‘m, hududlarda taqsimlash esa 171 so‘mdan 410 so‘mgachani tashkil etadi. gazeta.uz »
Samarqandda tuman elektr ta’minoti korxonasi rahbari tadbirkordan 5 ming dollar pora talab qilib, qolgan ming dollarini olayotgan vaqtida ushlandi. U noqonuniy elektrdan foydalanish zarari bo‘yicha jinoiy ish qo‘zg‘atmaslikni va’da qilgan. Mansabdor muqaddam ham sudlangan. gazeta.uz »
Tadbirkorlar barcha zarur hujjatlari bo‘lsa, elektr tarmoqlariga ulanishni talab qilishga haqli, dedi yangi energetika vaziri Sherzod Xodjayev. U biznesni energetika kompaniyalari xodimlari bilan masalalarni norasmiy hal qilmaslikka va pora talab qilinganda bu haqda xabar berishga chaqirdi. gazeta.uz »
Yilning birinchi yarmida O‘zbekistonda elektr energiyasi yo‘qotishlari 17,2 foizga, tabiiy gaz yo‘qotishlari esa 7,6 foizga yetdi, dedi prezident. Kelgusi o‘n yilda energetika infratuzilmasini modernizatsiya qilish uchun 8 mlrd dollar talab etiladi. gazeta.uz »
O‘zbekistonda “Dolzarb 40 kunlik” dasturi doirasida eng og‘ir 2000 ta mahallada yangi ish tizimi joriy etilmoqda. Hokimlar elektr, gaz, yo‘l va suv muammolarini o‘z vaqtida hal etish uchun javobgar bo‘ladi, o‘zgarishlar borishini esa Bosh prokuratura va Hisob palatasi tekshiradi. gazeta.uz »
17-iyul kuni O‘zbekistonda bir sutkalik elektr iste’moli yozgi mavsum uchun yangi eng yuqori ko‘rsatkichga chiqdi: ko‘rsatkich 293,4 mln kVt/soatni tashkil etdi. Iste’mol rekordi ketma-ket beshinchi kun yangilanmoqda. gazeta.uz »
Issiq havoda elektr energiyasining vaqtincha o‘chirilishi yirik avariyalarning oldini olishga qaratilgan. Energetika vazirligi Gazeta`ga cheklovlar haqida qarorlar qanday qabul qilinishi va nima uchun iste’molchilarni har doim ham oldindan ogohlantirish imkoni bo‘lmasligini tushuntirdi. gazeta.uz »
O‘zbekistonda ketma-ket ikkinchi kun elektr iste’moli bo‘yicha rekord yangilandi - 14-iyulda bu ko‘rsatkich 284 million kVt/soatga yetdi. Ushbu ko‘rsatkich nafaqat avvalgi yozgi maksimal darajadan, balki qishki rekorddan ham oshib ketdi. gazeta.uz »
Toshkentning Shayxontohur tumanida elektr tarmog‘i xodimi ish vaqtidagi baxtsiz hodisa oqibatida vafot etdi. Dastlabki ma’lumotlarga ko‘ra, u narvondan tushayotganda yiqilib, boshi temir konstruksiyaga urilgan. gazeta.uz »
Toshkentda Davlat mulki obyektlaridan samarali foydalanish markazi bosh mutaxassisi 15 ming dollar, Qashqadaryoda esa Muborak tumani elektr ta’minoti korxonasi boshlig‘i o‘rinbosari 17 mln so‘m pora olishda gumonlanib ushlandi. Har ikki holat yuzasidan jinoyat ishi qo‘zg‘atildi. gazeta.uz »
13-iyul kuni yuqori harorat ortidan O‘zbekistonda sutkalik elektr energiyasi iste’moli 278,6 mln kVt/soatga yetdi. Bu 2025-yil iyul oyida qayd etilgan rekorddan 2,2% yuqori. Energetika korxonalari kuchaytirilgan ish rejimiga o‘tkazildi, avariya brigadalari esa tunu kun navbatchilik qilmoqda. gazeta.uz »
Zangiotada soliq inspektori tadbirkordan 160 mln so‘mlik jarimani bartaraf qilib berish evaziga $1000 talab qilgan. Buvaydada esa elektr ta’minoti korxonasi muhandisi quyosh panellari bo‘yicha hujjatlarni rasmiylashtirish va mijoz topib berish uchun $5000 so‘ragan. Ikkalasi ham tezkor tadbirlarda ushlangan. gazeta.uz »
Issiq kunlarda O‘zbekistonda sutkalik elektr energiyasi iste’moli 280 mln kVt/soatga yetishi mumkin, bu mutlaq rekordga yaqin ko‘rsatkich hisoblanadi. Yong‘in va portlash xavfini kamaytirish uchun issiq vaqtlarda suyultirilgan gazni ortish-tushirish ishlarini vaqtincha to‘xtatib turish belgilandi. gazeta.uz »
Prezidentga Green Samarkand loyihasi taqdim etildi. U Samarqanddagi jamoat transporti va taksilarni elektr transportiga o‘tkazish, shahar atrofida yashil belbog‘ yaratish, havo ifloslanishini kamaytirish, “yashil” me’yorlar asosida qurilish qilishni nazarda tutadi. Loyiha 2030-yilgacha bo‘lgan davrga mo‘ljallanmoqda. gazeta.uz »
Energetika vazirligi Toshkentdagi avariyaviy elektr uzilishlari yuzasidan maxsus komissiya tuzilganini ma’lum qildi. U avariya sabablari va elektr tarmoqlari holatini o‘rganadi. Avvalroq “Yuksak” podstansiyasidagi avariya tufayli 55 mingta iste’molchi elektrsiz qolgan edi. gazeta.uz »
Chilonzorda yuz bergan keng ko‘lamli elektr uzilishi sabab Dream Park istirohat bog‘idagi “Charxpalak” attraksionida 32 nafar fuqaro qolib ketdi. Ular qutqaruvchilar tomonidan xavfsiz olib tushirildi. Poytaxt FVBga ko‘ra, hodisa oqibatida jabrlanganlar yo‘q. gazeta.uz »
Andijonning Baliqchi tumanida elektr ta’minoti korxonasi boshlig‘i o‘rinbosari xodimlarning oylik hisobotlarini ijobiy hal qilib berish uchun pora olayotganida ushlandi. Surxondaryoning Sho‘rchi tumanida esa elektr tarmoqlari korxonasi muhandisi fuqarodan 1000 dollar talab qilib, qo‘lga tushdi. gazeta.uz »
28-iyun kuni kechqurun Toshkent shahri va Toshkent viloyatining ayrim hududlarida keng ko‘lamli elektr uzilishi sodir bo‘ldi. Energetiklarning ma’lumotlariga ko‘ra, bunga “Yuksak” podstansiyasidagi nosozlik sabab bo‘lgan va buning oqibatida 110 kV kuchlanishli ikkita elektr uzatish tarmog‘i favqulodda o‘chib qolgan. gazeta.uz »
Farg‘ona tumanida qurilish mahsulotlari ishlab chiqarish sexiga elektr tarmog‘i tortib berish evaziga 100 mln so‘m talab qilgan muhandis hamda Jizzaxning Sharof Rashidov tumanida fermer xo‘jaligining 122 mln so‘mlik elektr qarzini yo‘qotib berishni va’da qilib 50 mln so‘m so‘ragan muhandis ushlandi. gazeta.uz »
O‘zbekiston Afg‘onistondagi “Surxon - Puli-Xumri” yuqori kuchlanishli elektr uzatish tarmog‘i qurilishini keyingi yilning avgustiga qadar yakunlashni reja qilmoqda. gazeta.uz »
“Issiqlik elektr stansiyalari” kompaniyasining “Bunyodkor” stadioni ro‘parasidagi ofis binosi E-auksion orqali 191,5 mlrd so‘m boshlang‘ich narxda sotuvga qo‘yildi. Xaridor obyektni IES Yangi Toshkentga ko‘chib o‘tganidan keyin, ammo sotib olinganidan boshlab uzog‘i uch yil ichida qabul qilib olishi mumkin bo‘ladi. gazeta.uz »
1-iyundan O‘zbekistonda elektr energiyasi va tabiiy gaz tariflari oshiriladi. Oldindan to‘lovni amalga oshirgan maishiy iste’molchilar uchun eski tariflar yana ikki oygacha - 1-avgustga qadar amal qiladi. gazeta.uz »
O‘zbekistonda so‘nggi paytlarda elektr transformatorlardan bolalarni tok urishi bilan bog‘liq holatlar kuzatilayotgani ortidan Bolalar ombudsmani vakolatli davlat organiga ta’sir hujjati kiritdi. Unga ko‘ra, mutasaddilar yuqori kuchlanishdagi qurilmalarning doimiy xavfsiz bo‘lishi choralarini ko‘rishi shart. gazeta.uz »
1-iyundan O‘zbekistonda aholi va biznes uchun elektr hamda gaz tariflari o‘zgaradi. Rasmiylar iste’molning o‘sishi fonida energiya tizimini modernizatsiya qilish va ishonchliligini oshirish zarurligini ta’kidlamoqda. gazeta.uz »
Osiyo infratuzilma investitsiyalari banki Buxoroda quvvati 300 MVt bo‘lgan “Bash II” shamol elektr stansiyasi qurilishi uchun 107 mln dollar miqdorida kredit ajratdi. ACWA Power kompaniyasi bilan hamkorlikda amalga oshirilayotgan ushbu loyiha 336 ming xonadonni elektr bilan ta’minlashi kutilmoqda. gazeta.uz »
2026-yilning I choragida O‘zbekistonda 45,2 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 73,9 mlrd so‘m subsidiya oldi. Shundan 45,5 mlrd so‘m mart oyiga to‘g‘ri keradi. gazeta.uz »
O‘zbekistonda elektroenergiya yo‘qotishlari 20 foizdan oshgan 44 ta tuman va shahar elektr ta’minoti korxonalari rahbarlari ishdan olindi. Yaqinda prezident ularni yosh kadrlar bilan almashtirish topshirig‘ini bergandi. gazeta.uz »
Poytaxtdagi tumanlardan birining elektr tarmoqlari korxonasi ikki xodimi $8 ming pora olayotganida qo‘lga tushdi. Ular bank binosidagi nosoz hisoblagich bo‘yicha yozilgan 400 mln so‘mlik jarimani kamaytirib bermoqchi bo‘lgan. gazeta.uz »
O‘zbekistonda aholi uchun elektr energiyasi va gaz tariflarini navbatdagi marta oshirish masalasi ko‘rib chiqilmoqda. Tariflarni har yili 1-maydan boshlab inflyatsiyani hisobga olgan holda, biroq 10 foizdan oshirmasdan ko‘tarish rejalashtirilgan edi (mart oyida yillik inflyatsiya ko‘rsatkichi 7,1 foizgacha sekinlashgan). gazeta.uz »
Yo‘l harakati xavfsizligi xizmati elektr samokatlar uchun “prava” kerakligi haqidagi xabarlarni rad etdi. A1 toifasidagi guvohnoma faqat mopedlar va skuterlarga taalluqli bo‘lib, shaxsiy harakatlanish vositalari, jumladan, samokatlar uchun talab etilmaydi. gazeta.uz »
Buxoro viloyati Kogon tumanida yiliga 80 mingta elektr va gibrid avtomobil ishlab chiqarishni yo‘lga qo‘yish rejalashtirilgan. Loyihaning qiymati 350 million dollarni tashkil etib, 500 ta ish o‘rni yaratiladi. gazeta.uz »
Kubada to‘liq blekaut sodir bo‘ldi - 10 millionga yaqin aholi chiroqsiz qoldi. AQSh neft blokadasini joriy etgach, yonilg‘i yetkazib berish to‘xtagandi. Buning ortidan mamlakat energetika inqirozini boshdan kechirmoqda. gazeta.uz »
16-apreldan Namangan viloyatida yer va mol-mulk solig‘i bo‘yicha qarzi 1 mln so‘mdan oshgan jismoniy shaxslarga nisbatan elektr energiyasi billingi orqali qarzdorlikni undirish mexanizmi sinov tariqasida joriy etiladi. gazeta.uz »
O‘zbekistonda elektr, gaz va boshqa muhandislik tarmoqlariga noqonuniy ulanganlik uchun javobgarlik kuchaytirildi. Yangi qonunga ko‘ra, jarimalar oshirildi, takroran sodir etilsa jinoiy javobgarlik qo‘llanadi. gazeta.uz »
Taxiatosh IES aksiyalari Davlat aktivlari agentligidan “Issiqlik elektr stansiyalari” davlat kompaniyasiga o‘tkaziladi. 2023-yil sentabridan u Smart Integrity me ishonchli boshqaruvida edi, ammo bu davrda moliyaviy hisobotlar stansiya faoliyatida sezilarli yaxshilanish bo‘lganini ko‘rsatmadi. gazeta.uz »
Raqobat qo‘mitasi asossiz qarzdorlik bilan elektr ta’minotiga kiritilgan vaqtinchalik cheklovlarni qayta ko‘rib chiqish yuzasidan Chiqindilarni boshqarish agentligiga so‘rov yubordi. Hozirda chiqindidan 15,8 mlrd so‘mlik qarzdorlik uchun 199 mingga yaqin abonentning elektr energiyasi to‘loviga cheklov o‘rnatilgan. gazeta.uz »
Prezident 903 ta “og‘ir” mahallada kichik quyosh elektr stansiyalari qurilishini ta’kidlagandi. Ular uchun 230 mln dollar ajratilishi belgilandi. 1-avgustga qadar ushbu stansiyalarni “og‘ir” mahallalarda daromad keltiradigan aktiv sifatida ishga tushirish rejalashtirilgan. gazeta.uz »
Qoraqalpog‘istonda chiqindidan elektr ishlab chiqaradigan zavod qurilishi boshlandi. 80 mln dollarlik loyiha yiliga 274 ming tonna chiqindini qayta ishlab, 80 mln kVt/soat energiya ishlab chiqaradi va 100 ta ish o‘rni yaratadi. gazeta.uz »
2025-yilda O‘zbekistonda 45,3 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 209,2 mlrd so‘m subsidiya oldi. Jami 268,7 mingta subsidiya rasmiylashtirildi, shundan 16,3 mingtasi - dekabrda. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
Sovuq mavsumda energiya iste’moli oshishi kutilmoqda, ayrim hududlarda vaqtinchalik texnik cheklovlar qo‘llanishi mumkin, deb ogohlantirdi Energovazirlik. Ammo aholi va ijtimoiy obyektlarni elektr energiyasi bilan ta’minlash ustuvor vazifaligicha qoladi. Energoresurslardan oqilona foydalanish tavsiya etilmoqda. gazeta.uz »
O‘zbekistonda chiqindi xizmatidan 1-iyuldan boshlab shakllangan qarzdorliklar to‘lanmagani uchun 205 mingga yaqin abonentning elektr to‘loviga vaqtincha cheklov o‘rnatildi. Ayni paytda chiqindi xizmatlaridan jami 18,2 mlrd so‘m debitor qarzdorlik mavjud. gazeta.uz »
Sirdaryo IESda nosoz gaz turbinasi rotori almashtirilayotgani bois quvvatlarning bir qismi ta’mirlashga olindi. Energetika vazirligi kechalari elektr ta’minotida qisqa muddatli uzilishlar bo‘lishi mumkinligi haqida ogohlantirdi. O‘rnatish ishlari taxminan bir oy davom etadi. gazeta.uz »
ACWA Power qurgan yangi Sirdaryo IESda nosoz gaz turbinasi rotori almashtirilmoqda, quvvatning bir qismi ta’mirga yo‘naltirilgan. Energetika vazirligi kechki soatlarda elektr ta’minotida qisqa muddatli uzilishlar bo‘lishi mumkinligi haqida ogohlantirdi. Montaj ishlari bir oycha davom etadi. gazeta.uz »
Prezident O‘zbekistonning 4 viloyatida elektr tarmoqlarini boshqarish xususiy operatorlarga o‘tkazilishini ma’lum qildi. Uning qo‘shimcha qilishicha, Samarqandda boshqaruv Aksa Elektrik`ga o‘tkazilganidan so‘ng, Jizzax, Sirdaryo, Namangan va Toshkent viloyatlarida ham shunday loyihalar investorlarga taklif etiladi. gazeta.uz »
O‘zbekistonda mol-mulk va yer solig‘i bo‘yicha umumiy summasi 1 mln so‘mdan oshgan soliq qarzdorligini undirishda elektr energiyasining billing tizimi mexanizmidan foydalanishni joriy etiladi. Avvalroq chiqindidan qarzdorlarning elektr energiyasiga to‘lov qilish imkoniyatini cheklash yo‘lga qo‘yilgan edi. gazeta.uz »
Chust tumanidagi 10 gektar yerda chiqindini yoqish orqali elektr energiyasi ishlab chiqaruvchi zavod qurilishi boshlandi. Loyihaga China Everbright International kompaniyasi tomonidan 141,5 mln dollar investitsiya kiritilgan bo‘lib, korxona yiliga 227,5 mln kVt/soat elektr ishlab chiqarilishi kutilmoqda. gazeta.uz »
Shu paytgacha “O‘zbekiston milliy elektr tarmoqlari” raisi birinchi o‘rinbosari bo‘lib ishlagan Abdumalik Nazirov shu tashkilot rahbariga aylandi. Avvalroq MET sobiq rahbari “O‘zenergoinspeksiya” boshlig‘i etib tayinlangandi. gazeta.uz »
