ÿíà - Ïîñëåäíèå íîâîñòè [ Ôîòî â íîâîñòÿõ ] | |
O‘tgan hafta oxirida Toshkent aholisi kuchli chang bo‘ronlaridan aziyat chekdi. Nafas olish, harakatlanish qiyinlashdi. Iqlimshunos Erkin Abdulahatov “Gazeta.uz” uchun mazkur hodisa sabablari va, umuman, chang bo‘ronlari qanday hosil bo‘lishi bo‘yicha sharh tayyorladi. Video. gazeta.uz »
Umra ziyoratini tashkil etish huquqiga ega bo‘lgan turoperatorlar soni 14 taga yetdi. Din ishlari bo‘yicha qo‘mita Toshkent va Buxorodagi yana ikkita kompaniyaga litsenziya berdi. gazeta.uz »
O‘zbekistonda seshanbadan harorat ko‘tarila boshlaydi. Kunduz kunlari havo +35…+38, janubda va cho‘l hududlarda +40…+42 darajagacha isiydi. Ish haftasi oxirida esa yana salqin havo kirib kelishi kutilmoqda. gazeta.uz »
Turkiyaning Isparta shahrida 15 davlatning 48 ta jamoasi ishtirokida merganlar bellashuvi o‘tkazildi. Unda O‘zbekiston Mudofaa vazirligi jamoasi oltin medalni qo‘lga kiritdi. Bu musobaqada jamoa 4-marta qatnashmoqda: oldin ikki marta ikkinchi va bir marta birinchi o‘ringa sazovor bo‘lingan. Foto, video. gazeta.uz »
Boysun tumanidagi “Mustaqillikning 25 yilligi” gaz konida 5-may kuni takroriy portlash yuz berdi. Ijtimoiy tarmoqlarda tarqalayotgan videolarda konning 202-qudug‘idan chiqayotgan zaharli gaz va baland yonayotgan olovni ko‘rish mumkin. gazeta.uz »
Surxondaryo viloyatidagi “Mustaqillikning 25 yilligi” konida tarkibida vodorod sulfidi yuqori bo‘lgan gazning katta bosim bilan otilishi kuzatildi. Energetika vazirligi oqim nazorat ostida yoqib yuborilganini ma’lum qildi. gazeta.uz »
O‘zbekistonning turli hududlarida joylashgan 100 dan 1000 yoshgacha bo‘lgan 9 ta noyob daraxt MonumentalTrees.com xalqaro ro‘yxatiga kiritildi. Mamlakat umumiy hisobda 17 ta daraxt bilan Markaziy Osiyo davlatlari orasida mazkur xalqaro ro‘yxatga o‘z tabiiy meros obyektlarini kiritgan birinchi davlat bo‘ldi. gazeta.uz »
O‘zbekiston hukumati to‘ylar va boshqa marosimlarni o‘tkazishni tartibga soluvchi yangi hujjat qabul qilishni rejalashtirmoqda. Hujjatda isrofgarchilikka qarshi kurashish va yoshlarni tejamkorlikka o‘rgatish choralari ko‘zda tutiladi. gazeta.uz »
O‘zbekistonning uchta yirik davlat banki “Aloqabank”, “Asakabank” va “O‘zsanoatqurilishbank”ni xususiylashtirish ishlari ularni 2025-yil oxirigacha sotish rejalariga qaramay, kechiktirilishi mumkin, dedi Fitch Ratings agentligi vakili. gazeta.uz »
Mart oyida Londonda “O‘zbekiston investorlari kuni” tashkil etilgani natijasida 2,77 mlrd dollar jalb qilish bo‘yicha kelishuvga erishildi, dedi prezident. Bunday kunlarni Nyu York, Singapur, Gonkong, Dubay, Shanhay, Tokio, Istanbul kabi megapolislarda ham o‘tkazish topshirildi. gazeta.uz »
Activist loyihasi muallifi Hojiakbar Nosirov unga Bon! qahvaxonasida o‘zbek xodimlar rus tilida gapirib, xizmat ko‘rsatganini tanqid qildi va Instagram`ga video joyladi. Ko‘pchilik blogerni qo‘llab-quvvatlagan bo‘lsa, ayrimlar uni xayp qilishda aybladi. Restoran ma’muriyati holat bo‘yicha uzr so‘radi. gazeta.uz »
Davlat O‘zbekistondagi eng yirik shisha ishlab chiqaruvchi - “Kvars” AJ ustidan nazoratni qayta o‘rnatdi. Davlat aktivlarini boshqarish agentligi 2023-yilda zavodni sotib olgan UCG xoldingi tarkibidagi “Quvasoysement” o‘rniga korxonaning 89,78% aksiyalariga egalik qilmoqda. Qaytarish sabablari hozircha noma’lum. gazeta.uz »
“Toshshahartransxizmat” sobiq rahbari Anvar Jo‘rayev va uning o‘rinbosari davlat mulkini talon-toroj qilish, mansab soxtakorligi kabi moddalarda aybdor deb topilib, 7,5 yilga ozodlikdan mahrum qilingan. gazeta.uz »
KXDR yanvar, fevral oylarida urushda ishtirok uchun Rossiyaga yana 3000 askar yuborgan, dedi Janubiy Koreya harbiy qo‘mondonligi. Shuningdek, Pxenyan Moskvaga “katta miqdorda” raketa, artilleriya va o‘q-dori yetkazib bergani aytiladi. gazeta.uz »
Boysundagi “M-25” gaz konining 202-sonli qudug‘ida vodorod sulfidining “nazorat ostida ajralib chiqarishi” sodir bo‘ldi, deya xabar qildi Energetika vazirligi. Vazirlik jarayon aholi va atrof-muhitga hech qanday xavf tug‘dirmasligiga ishontirdi. Bu sentabr oyida texnogen avariya sodir bo‘lgan quduq emas. gazeta.uz »
28-martdan Toshkent jamoat transporti yo‘nalishlariga o‘zgartirish kiritiladi. 190 va 137-sonli avtobuslar harakat xaritasi yangilandi. Shuningdek, “O‘zbekiston mehmonxonasi - Yangi Toshkent” yo‘nalishidagi yangi 197-avtobus tashkil etildi. gazeta.uz »
Toshkentdagi O‘zbekiston ovozi ko‘chasining yana bir qismi - Shastri va Yahyo G‘ulomov ko‘chalari oralig‘i rekonstruksiya uchun yopildi. Loyiha o‘tgan yili boshlangandi. Hozirgacha 64-maktab va Le Grande Plaza mehmonxonasi oldidagi hududlar yangilandi. Ko‘cha sezilarli o‘zgardi, ammo uni yaxshilash kerak. Foto. gazeta.uz »
Parij aholisi referendumda Fransiya poytaxtidagi yana 500 ta ko‘chani piyodalar uchun mo‘ljallangan qilish va ko‘kalamzorlashtirish tashabbusini qo‘llab-quvvatladi. Shuningdek, shaharda 10 mingta avtoturargoh yo‘q qilinadi. gazeta.uz »
Jizzax shahrida yuk mashinasi Lacetti va yo‘lovchi mikravtobus bilan to‘qnashdi. Oqibatda 3 nafar fuqaro vafot etdi, yana 13 kishi jarohatlandi. Shifoxonadagi bemorlarning ahvoli stabil og‘ir baholanmoqda. gazeta.uz »
AQSh sobiq prezident Jon Kennedining o‘ldirilishi haqidagi hujjatlarning yana bir qismini ochiqladi. Hozircha ularda tergov komissiyasining asosiy xulosasini rad etadigan hech narsa topilmadi, ammo arxiv baribir qimmatli va qiziqarli. gazeta.uz »
O‘zbekiston prezidenti mahalla servis kompaniyalari tizimini kengaytirish, ularning sonini yana 1000 taga ko‘paytirish bo‘yicha topshiriq berdi. Bu kompaniyalar yakka uyli barcha mahallalarni qamrab olishi, kamida 30 turdagi xizmatni ko‘rsatishi shart. gazeta.uz »
Yangi Toshkent shahri qurilishi uchun Yuqori Chirchiq tumanidagi 2 ta mahalladan yana 122,3 gektar yer maydoni ajratildi. Yerlar doimiy foydalanish huquqi bilan “Yangi Toshkent shahrini barpo etish direksiyasi”ga berildi. gazeta.uz »
Toshkent shahrining Yashnobod va Olmazor tumanlarida havo ifloslanishini nazorat qiluvchi yana ikkita avtomatik stansiya ish boshladi. O‘zbekistonda ularning umumiy soni 21 taga yetdi. gazeta.uz »
11-mart kuni Madaniyat vaziri boshchiligida o‘tkazilgan yig‘ilishda Odiljon Abduqahhorov “O‘zbekkonsert” davlat muassasasi direktori lavozimiga qayta tayinlangani ma’lum qilindi. Bunga qadar muassasa rahbari vazifasini 2023-yil oktabr oyidan buyon Sanjar Erdanov bajarib kelayotgandi. gazeta.uz »
AQSh tomonidan Kosta Rikaga deportatsiya qilinishi kerak bo‘lgan yana 10 nafar o‘zbekistonliklar Nyu York orqali Toshkentga qaytariladi. Avvalroq shunday holatda qolgan 7 nafar O‘zbekiston fuqarosi Toshkentga qaytarilgan edi. gazeta.uz »
Biroz oldin Toshkentning Amir Temur ko‘chasidagi yaqinda ikki bolali ayol urib yuborilgan piyodalar o‘tish joyida yana bir kishi urib ketildi. YHXX va shahar hokimligi svetofor o‘rnatishni kechiktirishda davom etmoqda, o‘zini nimadir qilayotganday tutadigan YHXB esa jim. gazeta.uz »
Toshkentdagi Amir Temur shohko‘chasida yo‘l chiziqlari qayta chizila boshlandi. Yo‘l tasmalari sonini kamaytirish hisobiga ularning kengligini oshirishga qaror qilindi. Bu haydovchilarning tartibsiz harakatlanishiga olib kelmoqda. gazeta.uz »
Navoiy va Shahrisabz mos ravishda Turkiyaning Zeytinburnu va Pendik shaharlari bilan birodarlik maqomini oldi. Shartnomalar O‘zbekiston hokimlarining Turkiyadagi malaka oshirishi doirasida imzolangan. gazeta.uz »
Toshkent markazidagi ko‘chada tartibga solinmagan o‘tish joyida yana piyoda urib ketildi. YHXB buning sababi “haydovchining e’tiborsizligi” ekanini aytib, noto‘g‘ri tashkil etilgan o‘tish joyi haqida lom-mim demadi. gazeta.uz »
Yutong avtobus kompaniyasi Toshkentga 200 ta yangi elektrobus yetkazib berish bo‘yicha tenderda g‘olib chiqdi. Transport vazirligi kompaniya vakillari bilan yana 1000 ta avtobus sotib olish masalasini muhokama qildi. gazeta.uz »
Para velosportning shosse yo‘nalishi bo‘yicha O‘zbekiston terma jamoasi Tailandda o‘tkazilgan Osiyo chempionatida 26 ta medal - 12 ta oltin, 9 ta kumush va 5 ta bronza olib, g‘oliblikni qo‘lga kiritdi. gazeta.uz »
DXX va IIVning “Qoradori” operatsiyasi ikkinchi bosqichi 28,8 kg giyohvand modda va 9421 ta kuchli ta’sir etuvchi dori vositalarining musodara qilinishi bilan yakunlandi. Shuningdek, huquqni muhofaza qiluvchi organlar 18 ta o‘qotar va 126 ta sovuq qurol aniqlab, qidiruvda bo‘lgan 53 nafar shaxsni ushladi. gazeta.uz »
Garovga olinganlarni almashishning beshinchi raundi doirasida HAMAS Qizil Xochga uch kishini topshirdi. Isroil esa 183 nafar falastinlik mahbusni ozodlikka chiqardi. gazeta.uz »
O‘zbekiston Shveysariya bilan Gulnora Karimovaning aktivlarini mamlakatga qaytarish bo‘yicha yangi kelishuv imzoladi. Shveysariya yana 182 mln dollarni O‘zbekiston xalqiga BMTning Uzbekistan Vision 2030 ko‘p sheriklik trast jamg‘armasi orqali qaytarishi kutilmoqda. gazeta.uz »
Oqdaryo tumanida Cobalt haydovchisi YPX xodimini mashina eshigida sudrab ketdi. Haydovchi qo‘lga olindi va jinoiy ish ochildi. “YPX xodimidan qochib, oxiri qamoqqacha yetib keldim”, - dedi u. gazeta.uz »
Toshkentda noqonuniy binolarni buzishning yangi to‘lqini. Yunusobodda yanvar oxirida rasmiylar Nice Joy kafesi terrasasini demontaj qilishni talab qildi, qo‘shni “Falafel”da esa zudlik bilan buzish boshlandi. gazeta.uz »
Seshanba kuni Toshkent havosi yil boshidan beri eng iflos darajaga yetdi. Aholi kun bo‘yi ijtimoiy tarmoqlarda bu havodan nafas olish xavfsizmi, kabi savollarni berdi. Ammo, doimgidek, na javob, na maslahat yo biror tavsiya taqdim qilindi. gazeta.uz »
Seshanba kuni Toshkent havosi yil boshidan beri eng iflos darajaga yetdi. Aholi kun bo‘yi ijtimoiy tarmoqlarda bu havodan nafas olish xavfsizmi, kabi savollarni berdi. Ammo doimgidek na javob, na maslahat, na biror tavsiya taqdim qilindi. gazeta.uz »
Turkiyaning Bolu muzofotidagi yong‘in oqibatida halok bo‘lganlar soni 76 kishiga yetdi, 52 kishi jarohat oldi. Ish doirasida 9 kishi, jumladan, mehmonxona egasi ham qo‘lga olindi. Mamlakatda bir kunlik milliy motam e’lon qilingan. gazeta.uz »
Yuklatilgan talabni bajarmagach, TikTok AQShda bloklandi va App Store hamda Google Play`dan olib tashlandi. Biroq Trampning platformani saqlab qolish haqidagi bayonotidan so‘ng kompaniya ishini qayta tikladi. gazeta.uz »
Turkiyada qalbaki spirtli ichimlik iste’mol qilish oqibatida yana 3 nafar O‘zbekiston fuqarosi vafot etdi. Vafot etganlarning umumiy soni 17 taga yetdi, 5 kishi bo‘lsa Istanbulda jonlantirish bo‘limida qolmoqda. gazeta.uz »
Abdujabbor Egamberdiyev Kasaba uyushmalari federatsiyasi Andijon viloyati kengashi raisi bo‘ldi. U 2022-yilda prezident buyrug‘i bilan “davlat xizmatchisi etikasiga nomunosib harakatlari” uchun Andijon tumani hokimligidan olingandi. gazeta.uz »
Prezident 2025-yilda Toshkentga yana 1000 ta yangi avtobus olib kelishni buyurdi, dedi transport vaziri Ilhom Mahkamov. Avvalroq hokimlik BYD bilan K9UD eBus elektrobuslarini yetkazib berish bo‘yicha shartnoma tuzgandi. gazeta.uz »
Toshkentdagi ikkita an’anaviy bozor o‘rnida ekobozorlar qurilishi ma’lum qilindi. “Gazeta.uz” tijoriy ko‘chmas mulk sohasi mutaxassisi va sotuvchilar bilan suhbatlashib, jahon amaliyotida ekobozor nimaligi va O‘zbekistondagi ekobozorlar xalqaro standartlarga qay darajada mosligini o‘rgandi. gazeta.uz »
O‘zbekistonda “Asakabank”, “O‘zsanoatqurilishbank” va “Aloqabank”ni xususiylashtirish yana keyinroqqa qoldirildi. Mamlakatning bu yirik davlat banklari aksiyalari 2025-yilda sotilishi rejalashtirilmoqda. gazeta.uz »
7-yanvarda O‘zbekistonga Kaspiy dengizi hududlaridan nam va sovuq havo kirib keladi, ko‘plab hududlarda yomg‘ir va qor yog‘ishi kutilmoqda. Hafta davomida kunduzgi harorat +5…+8 dan 0…-3 gacha o‘zgarib turadi. gazeta.uz »
UzAuto Motors 7-yanvar kuni soat 10:00 da Chevrolet Cobalt avtomobili uchun yana kontraktatsiyani ochadi. gazeta.uz »
Zamin jamg‘armasi va O‘zgidromet qo‘shma loyihasi doirasida Toshkent shahrida havo ifloslanishini nazorat qiluvchi yana uchta avtomatik stansiya ishga tushirildi. O‘zbekistonda bunday stansiyalarning umumiy soni 19 taga yetdi. gazeta.uz »
Eriell kompaniyasi xodimlari ish haqlari kechikayotgani bo‘yicha O‘zbekiston prezidentiga murojaat yo‘lladi. Ular avgust, sentabr, oktabr va noyabr oylari uchun maosh olmaganini aytmoqda. gazeta.uz »
Juma kuni ertalabdan Toshkent yana IQAir xalqaro havo sifati monitoringi antireytingida yetakchilar qatoridan joy oldi. Toshkent va O‘zgidromet portallari ham PM2,5 ruxsat etilgan konsentratsiyadan oshib ketganini ko‘rsatmoqda. gazeta.uz »
