Lim - Ïîñëåäíèå íîâîñòè [ Ôîòî â íîâîñòÿõ ] | |
Ginnesning rekordlar kitobiga kirgan “Andijon polkasi” tadbiri repetitsiyasidan qaytayotgan 15 yoshli o‘quvchi direktorning mashinasida YTHga uchrab, vafot etdi. Gazeta marhumning yaqinlari bilan suhbatlashdi. gazeta.uz »
OTM bitiruvchilarini ish bilan ta’minlagan tadbirkorlar uchun yosh mutaxassisga to‘lanadigan daromad va ijtimoiy soliqlar stavkasi bir yil muddatga 1 foizgacha pasaytiriladi. Shuningdek, “Yoshlar mini-franshizasi” dasturi hamda “Kafolatlangan birinchi qadam” to‘plamini ishga tushirish rejalashtirilmoqda. gazeta.uz »
Prezident xususiy kasbiy ta’limni rivojlantirish to‘g‘risidagi taqdimot bilan tanishdi. Xususan, bunday yuridik shaxslar uchun asbob-uskuna va jihozlarni bojxona bojidan ozod qilish va xorijiy o‘qituvchilar, mutaxassis va ustalar uchun ijtimoiy soliq stavkasini 1 foiz etib belgilash taklif qilindi. gazeta.uz »
Ta’limning asosiy vazifasi nima - bilim berishmi, qobiliyatni kashf etish yoki avlodlar o‘rtasidagi munosabatlarni mustahkamlash? Ta’lim falsafasi, maktablarning jamiyatdagi o‘rni va u yerdagi bolaning roli haqida Gazeta podkastida so‘z bordi. gazeta.uz »
2025-yilda O‘zbekistonda qariyb 11,1 ming o‘rinli 20 ta talabalar yotoqxonasi foydalanishga topshirildi. Biroq DXSH loyihalari bo‘yicha reja 90,7 foizga bajarildi: 5900 o‘rinli oltita yotoqxona qurilishi 2026-yilga ko‘chirildi. gazeta.uz »
Toshkent shahrida Kimyo sanoati uchun innovatsion ilmiy-ishlab chiqarish va ta’lim klasteri tashkil qilinadi. Klasterda Janubiy Koreya bilan hamkorlikda Kimyo texnologiyalari innovatsiya markazi barpo etiladi. gazeta.uz »
Bolalar iqtidorini ro‘yobga chiqarish bir qancha omillarga bog‘liq. Bunda oila daromadlari masalaning faqat boshlanish nuqtasidir. Masala haqida fikrlaganda, maktab sifatidagi farq, ta’lim xarajatlarining oila budjetidagi yuki va bolalarning ishga jalb etilishi kabi omillar hisobga olinishi kerak. Kolonka. gazeta.uz »
Xitoydagi harbiy sud XXR sobiq mudofaa vazirlari Vey Fenxe va Li Shanfuni korrupsiya uchun shartli o‘lim jazosiga hukm qildi. Vey pora olishda, Li esa pora olish va berishda aybdor deb topildi. Agar mahkumlar 2 yil ichida jinoyat qilmasa, hukm muddatidan oldin ozod qilish yoki umrbod qamoq jazosiga almashadi. gazeta.uz »
KOICA O‘zbekistonda AT ta’lim ekotizimini rivojlantirish uchun 14 mln dollar grant ajratdi. Loyiha doirasida yoshlar zamonaviy IT yo‘nalishlarda o‘qitiladi, mutaxassislar malakasi oshiriladi va bir qator hududlarda AT markazlar hamda hablar tashkil etiladi. gazeta.uz »
Bog‘cha va maktablardagi zo‘ravonliklarga ko‘pincha malakasizlik va kasbiy stress kuchli ekani sabab bo‘lyapti, dedi maktabgacha va maktab ta’limi vaziri. Barcha xususiy NTTlarga kamera o‘rnatish, zo‘ravon pedagog va tarbiyachilarning esa “qora ro‘yxati”ni yuritib, ta’limdan 1 yilga chetlatish reja qilinmoqda. gazeta.uz »
Komil Jalilov O‘zbekistonda PISA tavsiyalariga zid siyosat yuritilayotganini aytdi. Vazirlik esa ta’limda yodlash ustunligini tan olib, islohotlar boshlanganini bildirdi. Tabaqalanish masalasi esa mamlakat sharoiti bilan izohlandi. gazeta.uz »
2025-yilda Oliy ta’lim vazirligi tizimidagi 81 xodim korrupsiya, pora oldi-berdisi, mansab vakolatini suiiste’mol qilish, firibgarlik kabi jinoyatlar bo‘yicha sudlandi. Vazirlik vakiliga ko‘ra, tizimda korrupsion holatlar kamaymoqda: 2023-yil 106 xodim, 2024-yilda 90 kishiga sud hukmlari o‘qilgandi. gazeta.uz »
O‘zbekistondagi har bir OTM talabalar uchun kiyim-bosh bo‘yicha o‘z ichki tartib-qoidasini ishlab chiqqan, muassasa rahbariyati buni talab qilishga haqli, dedi Kongratbay Sharipov. Unga ko‘ra, OTMlar orasida o‘z kiyim brendini yaratish ommalashmoqda. “Kiyinish masalasida tartib bo‘lishi kerak”, - dedi vazir. gazeta.uz »
Ta’lim tashkilotlariga qabul qilish bo‘yicha davlat komissiyasining ayrim vakolatlari Oliy ta’lim, fan va innovatsiyalar vazirligiga o‘tkaziladi. Qabul natijalarini tasdiqlash, hujjat topshirish va kontrakt to‘lovlarining so‘nggi kunini belgilash hamda o‘qishini ko‘chirish arizalarni ko‘rib shular jumlasidan. gazeta.uz »
Namangan viloyatida ayollar tomonidan noqonuniy ravishda diniy ta’lim berish holatlari aniqlandi. Ular uy hamda Telegram guruhlari orqali ayol va qizlarga pul evaziga saboq bergan. Holatlar bo‘yicha jinoyat ishlari qo‘zg‘atilgan. gazeta.uz »
Toshkentda noqonuniy diniy ta’lim berish bilan bog‘liq ikki holat aniqlandi. Nodavlat OTM talabasi 9 nafar bolaga uyda majburiy saboq bergan, ayrimlariga tan jarohati yetkazilgan. Shuningdek, nodavlat OTM o‘qituvchisi va uning turmush o‘rtog‘i 5 nafar bolaga noqonuniy ta’lim bergan. gazeta.uz »
Adliya vazirligi yangilangan yong‘in xavfsizligi talablarini ro‘yxatdan o‘tkazdi. 28 metrgacha bo‘lgan binolarni pardozlashda faqat yonuvchanlik darajasi past materiallardan foydalanish mumkin. Undan baland binolarda, ta’lim va tibbiyot muassasalarida esa balandligidan qat’iy nazar, ularni qo‘llash taqiqlanadi. gazeta.uz »
Toshkentda birinchi Central Asian Alumni Forum - AQSh ta’lim dasturlari bitiruvchilarining uchrashuvi o‘tdi. Ishtirokchilar, jumladan, davlat mulozimlari xorijdagi tajriba qanday qilib loyiha va biznesga aylanayotgani hamda hamkorlikni rivojlantirayotganini muhokama qildi. Forumda Gazeta muxbiri ham qatnashdi. gazeta.uz »
Top 300 talikka kirgan xorijiy universitetlarda o‘qish uchun yoshlar va pedagoglarga imtiyozli ta’lim krediti ajratiladi. Kredit yiliga 20 ming dollargacha bo‘lib, foiz stavkasi Markaziy bankning asosiy stavkasi miqdorida belgilanadi. gazeta.uz »
Farg‘onalik 35 yoshli shaxs Urgut tumanida hujra tashkil qilib, noqonuniy diniy ta’lim berib kelgani aniqlandi. U maxsus diniy ma’lumot va ruxsatnomasiz 10−15 yoshli yetti nafar bolaga dars bergan. Erkakka nisbatan jinoiy ish ochildi. gazeta.uz »
O‘zbekistonda 1 yillik maktabga tayyorlov guruhlari ta’lim dasturini majburiy umumiy o‘rta ta’limning dastlabki bosqichi sifatida kiritiladi. Xususiy bog‘cha va maktablarga tayyorlov guruhlarini tashkil etishga ruxsat beriladi. gazeta.uz »
Yashnobod tumanida bank bo‘lim boshlig‘i va tadbirkorlar soxta hujjatlar orqali 120 ming dollar kredit mablag‘ini o‘zlashtirgani aniqlandi. Pullar internetdagi qimor o‘yinlariga sarflab yuborilgan. gazeta.uz »
O‘tgan yili O‘zbekistonda 9226 ta YTHda 2188 kishi halok bo‘ldi va 8901 kishi jarohatlandi (yillik tushish - 1% dan kam). YHXXning ma’lum qilishicha, har 100 ming kishiga to‘g‘ri keladigan o‘lim holatlarining yillik qisqarishi ancha sezilarli - 2021-yildagi 6,9 dan 2025-yilda 5,7 gacha (-17%). gazeta.uz »
O‘zbekistonda maktablarda kasbga yo‘naltirish endi 7-sinfdan boshlanadi, 9-sinf bitiruvchilari uchun esa yangi taqsimlash tizimi joriy etiladi. Har yili 100 tadan texnikumni modernizatsiya qilish, ularda xorijiy davlatlar ta’lim dasturlarini joriy etish, a’lochi o‘quvchilarga stipendiya berish rejalashtirilmoqda. gazeta.uz »
Farg‘ona davlat texnika universiteti rektori O‘ktam Salomov oliy ta’lim, fan va innovatsiyalar vaziri o‘rinbosari etib tayinlandi. U bungacha ham oliy ta’lim vaziri birinchi o‘rinbosari bo‘lib ishlagan. gazeta.uz »
Qirg‘iziston Konstitutsiyaviy sudi o‘lim jazosini qaytarishni huquqiy jihatdan mumkin emas va nomaqbul deb topdi. Organ prezidentning bolalarni zo‘rlash, zo‘rlash bilan bog‘liq qotillik uchun o‘lim jazosini qo‘llashni nazarda tutuvchi qonun loyihasi taqdimnomasiga shunday xulosa berdi. gazeta.uz »
O‘zbekistonda 3D-dizayn, indi-o‘yinlar yaratish va beshta tilda dasturlash bo‘yicha videodarslarni o‘z ichiga olgan Cyber Qiz bepul onlayn ta’lim platformasi ishga tushdi. Uni o‘zini o‘zi tashkil etgan Qizlar jamoasi a’zolari yaratdi. gazeta.uz »
Sun’iy intellekt va iqlim inqirozlari davrida yosh avlod yashashi va rivojlanishi uchun ta’lim qanday bo‘lishi kerak? Samarqandda o‘tgan YUNESKOning 43-Bosh konferensiyasi doirasida xorijiy davlatlar ta’lim vazirlari va ekspertlari ushbu savolga javob izladi. Gazeta muhokamaning asosiy tezislarini e’lon qiladi. gazeta.uz »
Shavkat Mirziyoyev AQShning Yuta shtati biznes delegatsiyasini qabul qildi. Tomonlar innovatsiya, tog‘-kon sanoati, inklyuziv ta’lim, sog‘liqni saqlash kabi sohalarda katta salohiyat borligini ta’kidladi. gazeta.uz »
Azimjon Xusanov Oliy ta’lim, fan va innovatsiyalar vazirligi huzuridagi Kasbiy ta’lim agentligi direktori etib tayinlandi. Bungacha u Migratsiya agentligi direktori o‘rinbosari lavozimida ishlagan. gazeta.uz »
Prezident qaroriga ko‘ra, 2030-yilgacha O‘zbekistonda kasbiy ta’lim tizimi tubdan yangilanadi - dual ta’lim ulushi to‘rt baravar oshiriladi, o‘quvchilarga stipendiya beriladi, 9-sinf bitiruvchilarining yarmi texnikumlarda tahsil oladi, har yili 5-may “Kasb va mehnat kuni” sifatida nishonlanadi. gazeta.uz »
O‘zbekistonda YUNISEF va Fondazione Reggio Children ko‘magida Erta ta’lim bo‘yicha mintaqaviy tadqiqot va innovatsiya markazi tashkil etildi. Markaz bola shaxsiga yo‘naltirilgan sifatli ta’limni rag‘batlantiradi va bola hayotining dastlabki yillarida tanqidiy fikrlash va ijodkorlik ko‘nikmalarni mustahkamlaydi. gazeta.uz »
OTB O‘zbekiston o‘rta ta’lim maktablarida STEM fanlarini o‘qitishga 100 mln dollar imtiyozli kredit ajratadi. Loyihasi doirasida O‘zbekiston bo‘ylab 200 ta maktabni laboratoriyalar, AKT infratuzilmasi, quyosh energiyasi bilan jihozlash, qizlarni STEM kasblariga o‘qitish targ‘ibot kampaniyalari ko‘zda tutilgan. gazeta.uz »
BMT inson huquqlari bo‘yicha oliy komissari Folker Tyurk Qirg‘izistonni o‘lim jazosini qaytarmaslikka chaqirdi. Mamlakatda 17 yoshli qiz zo‘rlanishi va vafotidan so‘ng Sadir Japarov bu jazoni tiklashni taklif qilgandi. gazeta.uz »
Ijtimoiy himoya milliy agentligi huzuridagi Xalqaro inklyuziv hab tomonidan birinchi inklyuziv kasbiy ta’lim dasturlari yo‘lga qo‘yildi. Dastlabki bosqichda uchta dastur: Backend dasturlash, Fashion dizayn va dastgohli rangtasvir mavjud. gazeta.uz »
Oliy ta’lim vazirligi ayrim oliygohlar talabalariga stipendiya to‘lovlari o‘z vaqtida to‘lanmayotgani haqidagi xabarlarga javob berdi: bunga buyruqlarni rasmiylashtirish va plastik kartalar ochish jarayoni kechikkani sabab bo‘lgan. gazeta.uz »
Oliy ta’lim vazirligi superkontrakt bekor qilingani haqidagi mish-mishlarni rad etdi. Vazirlar Mahkamasining yangi qarori bilan shartlar o‘zgargan: to‘lov endi yetishmayotgan ballar soniga bog‘liq - bazaviy kontrakt summasining 1,5 dan 3 baravarigacha. gazeta.uz »
Shveysariyada musodara qilingan Gulnora Karimova pullarining 20 mln dollari ta’lim olish imkoniyatlarini yaxshilash uchun ajratiladi. Loyiha doirasida 45 ta qishloq maktabini ta’mirlash, xavfsiz suv, zamonaviy sanitariya, ishonchli isitish tizimlari va ekologik toza energiya bilan ta’minlash qo‘zda tutilgan. gazeta.uz »
Shavkat Mirziyoyev o‘z takliflarini ilgari surgan 2 nafar qizni davlat idoralariga ishga taklif qildi. Ulardan biri maktabdagi maslahatchilarni grant takliflarini tayyorlash kurslarida o‘qitishni, ikkinchisi esa eshitish qobiliyatini yo‘qotgan bolalarga ingliz tilini o‘rgatish metodikasini taklif qildi. gazeta.uz »
Shavkat Mirziyoyev ta’lim-tarbiya tizimida alohida o‘rnak ko‘rsatgan xodimlardan bir guruhi faxriy unvon, orden va medallar topshirdi. “Ustozlar mukofotlanadigan kunni sog‘inib kutaman. Ko‘ksingizni bezab turgan orden-medallar muborak bo‘lsin”, - dedi prezident. gazeta.uz »
O‘rta maxsus ma’lumotli bog‘cha tarbiyachilari uchun pedagogika OTMlarida “1+5” (1 kun o‘qish, 5 kun ish) bakalavr ta’lim shakli joriy qilinadi. Bu orqali bog‘chalarga har yili qariyb 10 ming oliy ma’lumotli mutaxassis kirib keladi. gazeta.uz »
O‘zbekistonda Kasbiy ta’lim agentligi tashkil etilmoqda. U kasbiy ta’lim va kasbga o‘qitish sohasida yagona davlat siyosatini amalga oshiradi. Butun hayot davomida uzluksiz ta’lim tamoyilini joriy etish agentlikning faoliyat yo‘nalishlaridan biri bo‘ladi. gazeta.uz »
Oliy ta’lim, fan va innovatsiyalar vazirining o‘rinbosarlari Shoxrux Daliyev, Otabek Mahkamov va Sarvarxon Buzrukxonov lavozimidan ozod etildi. Shuningdek, Ta’lim sifatini ta’minlash milliy agentligi direktori Adxam Xudaykulov va Innovatsion rivojlanish agentligi direktori Sharof Rajabbayev ham ishdan olindi. gazeta.uz »
Senatorlar talabalar o‘rtasida jinoyatchilikning oldini olish yuzasidan oliy ta’lim, fan va innovatsiyalar vaziri Kongratbay Sharipovga parlament so‘rovini yubordi. Dastlabki 6 oyda 102 ta OTMning 307 nafar talabasi jinoyat sodir etgan. gazeta.uz »
Oliy ta’lim vazirligi va Adliya vazirligi beshta xususiy universitet haqida bir-biriga zid ma’lumotlar e’lon qildi. Birinchi vazirlik qo‘shimcha xizmatlar va manzillar uchun ruxsatnomalar universitetlarga xatolik tufayli berilganini ta’kidladi. Ikkinchisi hech qanday xato yo‘qligini aytdi. gazeta.uz »
Farg‘ona viloyatida o‘tkazilgan tezkor tadbirlarda uy sharoitida diniy saboq berish holatlari aniqlandi. Qo‘qon shahrida faoliyat yuritib kelayotgan uy bog‘chasida 43 nafar bolaga noqonuniy diniy ta’lim berib kelingan. gazeta.uz »
Mustaqillikning 34 yilligi munosabati bilan O‘zbekiston muftiysiga “Oliy darajali Imom Buxoriy” ordeni berildi. Saida Rametova xalq artisti, Ozodbek Nazarbekov esa xizmat ko‘rsatgan madaniyat xodimi bo‘ldi. gazeta.uz »
Ta’lim olish uchun yo‘naltiriladigan mablag‘larga jismoniy shaxslardan olinadigan daromad solig‘i bo‘yicha imtiyozni qo‘llash tartibi o‘zgardi. Shu paytga qadar ota-onalar shartnoma asosida o‘qiydigan farzandlari 26 yoshga to‘lmagan bo‘lsa, ushbu imtiyozdan foydalanishi mumkin edi. Qaror bilan ushbu cheklov bekor qilindi. gazeta.uz »
Mehnat inspeksiyasi 15-avgustdan maktab va maktabgacha ta’lim muassasalarida majburiy mehnat bo‘yicha reyd o‘tkazadi. Haftalik doirasida majburiy mehnatga yo‘l qo‘ygan barcha mas’ul mansabdor shaxslarga nisbatan javobgarlik choralari qo‘llaniladi. gazeta.uz »
Qoraqalpog‘iston Jo‘qorg‘i Kengesining qaroriga asosan Amanjol Tlepovich Ayapov Qoraqalpog‘iston Respublikasi oliy ta’lim, fan va innovatsiyalar vaziri lavozimiga tayinlandi. U ushbu lavozimda 2024-yil fevralidan buyon ishlab kelayotgan Batirbek Kaipbergenov o‘rnini egalladi. gazeta.uz »
