Xalqaro - Ïîñëåäíèå íîâîñòè [ Ôîòî â íîâîñòÿõ ] | |
My.gov.uz portalida xalqaro kurerlik jo‘natmalari to‘g‘risida ma’lumot olish imkoniyati paydo bo‘ldi. Ushbu xizmat orqali fuqarolar joriy oyda qolgan bojxona limiti, jo‘natma nomi, raqami, vazni va qiymati, yuboruvchi hamda kurerlik tashkiloti nomi va STIR raqami haqidagi ma’lumotlarni onlayn ko‘rishi mumkin. gazeta.uz »
Xalqaro havo transporti assotsiatsiyasi rahbari Uilli Uolsh O‘zbekistonning aviapark quvvatini oshirish va yangi aeroport qurish borasidagi rejalarini ijobiy baholadi. Ammo barqaror o‘sish uchun aviatashuvchilar bozorida qulaylikni ta’minlash (masalan, viza siyosati) va raqobatni kengaytirish muhim ekanini aytdi. gazeta.uz »
Gunvor kompaniyasi AQSh Moliya vazirligining qat’iy bayonotidan so‘ng “Lukoyl” neft kompaniyasi (Rossiya)ning xalqaro aktivlarini sotib olish taklifini qaytarib oldi. Vashington Gunvor`ni “Kreml qo‘g‘irchog‘i” deb atadi. gazeta.uz »
AQSh Xalqaro moliyaviy taraqqiyot korporatsiyasi (DFC) Toshkentda vakolatxonasini ochishni rejalashtirmoqda. Bu haqda Shavkat Mirziyoyev va DFC rahbari Ben Blekning Vashingtondagi uchrashuvida so‘z bordi. gazeta.uz »
Prezident qaroriga ko‘ra, 2025-yildan boshlab adabiyot, madaniyat, san’at, ilm-fan va raqamli texnologiyalar kabi sohalarda yuqori natijalarga erishgan ijodkorlar va olimlar “Kelajak merosi” xalqaro mukofoti bilan taqdirlanadi. G‘oliblar 10 ming dollar, diplom va statuetkaga ega bo‘ladi. gazeta.uz »
Toshkentda “Oltin kuz” II Xalqaro kamer va simfonik musiqa festivali ochildi. Tadbirda O‘zbekiston, Qozog‘iston, Qirg‘iziston, Tojikiston, Rossiya, Germaniya va boshqa mamlakatlardan ijrochilar va ijodiy jamoalar ishtirok etmoqda. gazeta.uz »
Samarqandda YUNESKO Yoshlar forumi doirasida ilk bor rassomlar Ilya va Emiliya Kabakovlarning art-installyatsiyasi taqdim qilindi. “Bag‘rikenglik kemasi” O‘zbekiston bolalarining tinchlik, do‘stlik, mehr haqidagi minglab rasmlaridan iborat. gazeta.uz »
Rossiyaning “Lukoyl” kompaniyasi AQSh sanksiyalaridan so‘ng o‘zining xalqaro aktivlarini sotmoqchi. Cheklovlarga 50 foizdan ortiq ulushi bo‘lgan shu’ba kompaniyalar ham tushgan. Sanksiyalar O‘zbekistondagi loyihalarga ham ta’sir qilishi mumkin, biroq kompaniya va Energetika vazirligi hozircha vaziyatga izoh bermadi. gazeta.uz »
Prezident 1300 gektar maydonda Toshkentning yangi xalqaro aeroporti qurilishini boshladi. Loyiha to‘rt bosqichdan iborat bo‘ladi. Qiymati $2,5 mlrd bo‘lgan birinchi bosqich aerovokzal kompleksi va aerodrom qurilishini o‘z ichiga oladi. gazeta.uz »
“Toshkent Invest” va Dubayning DP World kompaniyalari poytaxtda zamonaviy multimodal logistika terminalini rivojlantirish va boshqarish uchun qo‘shma korxona tashkil etdi. 80 gektardan ortiq majmuaga temiryo‘l quruq porti, bojxona rasmiylashtiruvi zonalari, omborlar va kross-doking majmualari kiradi. gazeta.uz »
Toshkent va Vashingtonning qator mintaqaviy va global masalalar bo‘yicha qarashlari tobora yaqinlashib bormoqda, dedi O‘zbekiston prezidentining tashqi siyosat bo‘yicha maslahatchisi Abdulaziz Kamilov. gazeta.uz »
O‘zbekiston 2028-yilda Xalqaro astronavtika kongressiga mezbonlik qiladi. “O‘zbekkosmos” tadbir o‘tkaziladigan joy sifatida Samarqandni taklif qildi. Agentlikka ko‘ra, tadbir 10 mingga yaqin mehmonni jalb qilishi mumkin. gazeta.uz »
AQSh prezidenti Donald Tramp G‘azo sektorida Isroil va HAMAS o‘rtasidagi urushni to‘xtatish bo‘yicha 20 banddan iborat rejani taklif qildi. Trampning rejasi G‘azo anklavining Isroil tomonidan anneksiya yoki okkupatsiya qilinishini nazarda tutmaydi. gazeta.uz »
Janubiy Koreyada bo‘lib o‘tgan xalqaro merganlar musobaqasida O‘zbekiston Mudofaa vazirligi jamoasi birinchi o‘rinni qo‘lga kiritdi. Musobaqada 10 ta mamlakatdan jami 54 ta merganlar jamoasi qatnashdi. Jamoalarning mahorati bir qator shartlar asosida baholandi. gazeta.uz »
Toshkentda 22-sentabrdan 3-oktabrga qadar Classical Music Fest xalqaro musiqa festivali o‘tkaziladi. Unda pianinochi Behzod Abduraimov, skripkachi Maksim Vengerov, shuningdek, Armaniston, Rossiya, Fransiya va Janubiy Koreya musiqachilari ishtirok etadi. gazeta.uz »
O‘zbekistonda maktabdagi yakuniy imtihonlarda endi xorijiy til va fanlar bo‘yicha xalqaro sertifikatlar ham tan olinadi. Bir yil ichida 100 ta texnikumda Germaniya, Shveysariya, Xitoy, Koreya, Britaniya kabi davlatlarning ta’lim tashkilotlari bilan hamkorlik yo‘lga qo‘yiladi. gazeta.uz »
Polsha va AQShdan og‘ir jinoyatlarni sodir etganlikda ayblanib, xalqaro qidiruvga berilgan O‘zbekiston fuqarolari ekstraditsiya qilindi. Zo‘rlash va o‘ta yirik miqdordagi firibgarlik jinoyatlari uchun qidiruvda bo‘lgan fuqarolar Interpolning O‘zbekistondagi Milliy markaziy byurosi xodimlariga topshirildi. gazeta.uz »
Turkiya O‘zbekistonga xalqaro miqyosda qidiruvda bo‘lgan 6 nafar shaxsni topshirdi. Ular odam savdosi, o‘ta yirik miqdordagi firibgarlik va boshqa og‘ir jinoyatlarni sodir etganlikda ayblanmoqda. gazeta.uz »
Toshkent viloyatida yangi xalqaro aeroport qurilishi uchun O‘rta Chirchiq va Quyi Chirchiq tumanlaridan jami 1309 gektar maydon ajratiladi. Uning asosiy qismi sug‘oriladigan yerlardan iborat bo‘ladi. gazeta.uz »
TBC Uzbekistan bosh direktori bulutli servislar muammosini Apple Pay va Google Pay’ning O‘zbekiston bozoriga kirmayotganiga asosiy sabab sifatida keltirdi. “Shaxsga doir ma’lumotlar to‘g‘risida”gi qonun kompaniyalarga ma’lumotlarni chet elda joylashgan serverlarda saqlashga ruxsat bermaydi. gazeta.uz »
Toshkent xalqaro aeroportida beshta yangi taksi xizmati yo‘lga qo‘yiladi. Uzbekistan Airports aeroportning uchib kelish zalida taksi xizmati tashkil etish huquqini beruvchi lotlarni elektron auksionga qo‘ydi. Auksionlar 3-sentabr kuni bo‘lib o‘tadi. gazeta.uz »
O‘zbekistonda 2026-yildan boshlab dori vositalari va tibbiy jihozlarni ro‘yxatdan o‘tkazish 3 bosqichda amalga oshiriladi. Ularning muvofiqlik sertifikatini rasmiylashtirishda xalqaro talablar ko‘zda tutiladi. Shundan so‘ng 5 yillik guvohnoma beriladi. gazeta.uz »
Toshkent viloyatidagi Zarkent qishlog‘ida “Uzum sayli” xalqaro festivali bo‘lib o‘tdi. Unga mahalliy budjetning zaxira jamg‘armasi mablag‘lari hisobidan 1,6 mlrd so‘m ajratildi. Gazeta yarim mln atrofida sayyoh qatnashishi kutilgan festivalning ilk kunidan reportaj tayyorladi. gazeta.uz »
Buxoroda har ikki yilda bir marta Xalqaro zamonaviy san’at biyennalesi bo‘lib o‘tadi. Birinchi tadbir 5-sentabr kuni ochiladi. Shahardagi 14 ta madaniy meros obyekti kreativ klasterga aylantiriladi. gazeta.uz »
Yaponiyaning Sojitz korporatsiyasi Toshkentdagi yangi xalqaro aeroportga 200 million dollar investitsiya kiritishni rejalashtirmoqda. U O‘zbekistonda elektr stansiyasi, shamol energetikasi, shifoxona, aeroport va boshqa loyihalar doirasida jami 1 milliard dollar investitsiya kiritishi kutilmoqda. gazeta.uz »
Tailand o‘ta yirik miqdordagi firibgarlikda ayblanib, xalqaro qidiruvda bo‘lgan fuqaroni O‘zbekiston huquqni muhofaza qilish organlariga topshirdi. U Toshkent xalqaro aeroport hududida Milliy markaziy byuro xodimlari tomonidan ushlandi. gazeta.uz »
12-avgust kuni Andijon aeroporti o‘zining ilk xalqaro parvozini amalga oshirdi. U mart oyida rekonstruksiyadan so‘ng foydalanishga topshirilgan edi. Birinchi yo‘nalish Flyone Asia mahalliy aviakompaniyasining Andijon - Jidda - Andijon yo‘nalishida haftasiga ikki marta amalga oshiriladigan muntazam reysi bo‘ldi. gazeta.uz »
10-avgustdan Tojikiston va O‘zbekiston o‘rtasidagi ikkita nazorat-o‘tkazish punkti - “Bekobod avto” va “Xovosobod” xalqaro statusga ega bo‘ldi. Bu bilan postlar orqali uchinchi davlat fuqarolari hamda yengil avtotransport vositalari o‘tkazilishi yo‘lga qo‘yildi. gazeta.uz »
O‘zbekiston va Rossiya maxsus xizmatlari xalqaro terrorchilik tashkiloti faoliyatida ishtirok etgan 9 nafar shaxsni qo‘lga oldi. Ularning 7 nafari Rossiyada 2 nafari esa O‘zbekistonda ushlandi. gazeta.uz »
2026-yilda O‘zbekiston xizmat bozorida raqobat muhitini yaxshilash uchun kamida 6 ta xalqaro aviakompaniyani mamlakatga jalb qilish ishlari amalga oshiriladi. Fiskal strategiyaga ko‘ra, shuningdek, kelasi yilda respublikada havo qatnovini kamida 1,5 barobarga oshirish rejalashtirilmoqda. gazeta.uz »
O‘zbekiston uchinchi marta sog‘liqni saqlash tizimidan aholining qoniqish darajasini o‘rganuvchi STADA Health Report tadqiqotida ishtirok etdi. O‘zbekistonliklar favqulodda holatlarda shifokorlarga ishonadimi,nima uchun dorixonalarga murojaat qilishadi va profilaktik tekshiruvdan o‘tishadimi - Gazeta materialida. gazeta.uz »
Qirg‘iziston hukumati xalqaro internet-trafik uchun bir yilga davlat monopoliyasini joriy etishga qaror qildi. Uni yetkazib berish uchun “eksklyuziv huquq”ni davlat nazoratiga o‘tgan operator oldi. gazeta.uz »
Qirg‘izistonning O‘sh shahrida joylashgan Qirg‘iz-o‘zbek xalqaro universitetida 3167 nafar talaba o‘qishdan chetlatildi. Ta’lim sohasidagi korrupsiyani bartaraf etish maqsadida o‘tkazilgan profilaktik tadbirlar doirasida O‘shdagi oliy ta’lim muassasalaridan 13 295 nafar talaba chetlatilgan. gazeta.uz »
Xitoyda o‘tgan “O‘tkir tig‘-2025” xalqaro merganlar musobaqasida O‘zbekiston Milliy gvardiyasi eng murakkab shartlarda birinchi o‘rinni egallab, umumiy hisobda 8 ta medal va musobaqa kubogini qo‘lga kiritdi. gazeta.uz »
Ozarbayjon AZAL samolyotining 38 kishi o‘lishiga sabab bo‘lgan halokati tufayli Rossiyaga qarshi xalqaro da’vo tayyorlamoqda, dedi Ilhom Aliyev. U Rossiyadan 7 oy davomida birorta ham aniq javob olmaganini va adolat qaror topishi kerakligini bildirdi. Bu hodisadan so‘ng ikki mamlakat aloqalari taranglashgan. gazeta.uz »
Yanvar-iyun oylarida O‘zbekistonda xalqaro imo-ishora tili bo‘yicha birinchi kurs bo‘lib o‘tdi, unda 15 nafar ishtirokchi, jumladan, surdotarjimonlar va eshitishi cheklangan shaxslar tayyorlandi. Inklyuziv gidlar uchun yangi dasturlar, shuningdek, keng auditoriya uchun bazaviy imo-ishora tili kursi ishlab chiqilmoqda. gazeta.uz »
Dubayda bo‘lib o‘tgan 57-Xalqaro kimyo olimpiadasida O‘zbekiston terma jamoasining barcha - 4 nafar a’zosi oltin va kumush medallarni qo‘lga kiritdi. gazeta.uz »
O‘zbekiston prezidenti uglerod birliklari bozoridagi ishtirokini tartibga soluvchi farmonni imzoladi. Unga ko‘ra, uglerod birliklari bilan bog‘liq operatsiyalar hisobini yuritish Iqtisodiyot va moliya vazirligi tomonidan Milliy uglerod birliklari reyestri orqali amalga oshiriladi. gazeta.uz »
Shavkat Mirziyoyev Rossiya prezidenti Vladimir Putin bilan telefon orqali muloqotda strategik sheriklik va ittifoqchilik munosabatlarini rivojlantirish, energetika, investitsiyalar kabi sohalarda qo‘shma loyihalarni amalga oshirishni muhokama qildi. Xalqaro kun tartibi yuzasidan ham fikr almashildi. gazeta.uz »
Xalqaro dzyudo federatsiyasining Atletlar komissiyasida O‘zbekiston nomidan Diyora Keldiyorova ishtirok etadi, u keyingi to‘rt yilga saylandi. gazeta.uz »
Toshkent xalqaro aeroportida 3 nafar qizni fohishalik uchun Tailandga yubormoqchi bo‘lgan ayol qo‘lga olindi. Uning Tailanddagi tanishi qizlarni ish bilan ta’minlashi evaziga 5 ming dollar yuborishi kerak bo‘lgan. gazeta.uz »
Prezident Shavkat Mirziyoyev yoshlar bilan uchrashuvda 2024-yilda 150 mingdan ziyod yoshlar xalqaro til sertifikatlari olganini, bu 2023-yilga nisbatan 2 baravar ko‘pligini ta’kidladi. Shuningdek, 2025-yilning birinchi yarmida yoshlar xalqaro fan olimpiadalarida 166 ta medal qo‘lga kiritgan. gazeta.uz »
O‘zbekistonda Xalqaro tijorat sudi tashkil etilmoqda. Uning vazifasi - investorlar huquqlarini himoya qilish, mahalliy sudyalar va advokatlar malakasini oshirishdan iborat. Sud xalqaro standartlarga muvofiq ishlaydi hamda tijorat nizolarini ko‘rib chiqishda shaffoflik va bashoratlilikni ta’minlaydi. gazeta.uz »
Xalqaro qidiruvda bo‘lgan shaxs Polshadan O‘zbekistonga ekstraditsiya qilindi. U firibgarlikda ayblangan va Interpolning qizil sirkulyari orqali qidiruvga berilgan. gazeta.uz »
27-iyun kuni dunyoda birinchi marta Xalqaro kar-ko‘rlar kuni nishonlanadi. Bir vaqtning o‘zida eshitish va ko‘rish nogironligi bor odamlar muayyan qiyinchilik va to‘siqlarga duch keladi hamda maxsus yordam xizmatlariga muhtoj. gazeta.uz »
Toshkent xalqaro aeroportining uchib ketish terminalida 6 ta kapsuladan iborat mehmonxona faoliyatini boshladi. Har bir kapsula ortopedik matras, choyshablar to‘plami va USB portlar bilan jihozlangan. Narxlar 400 ming so‘mdan, 1 mln so‘mgacha. gazeta.uz »
Mintaqada xavfsizlikni ta’minlash, iqtisodiy va texnologik aloqalarni kuchaytirish, “Raqamli Ipak yo‘li” platformasini yaratish, Afg‘onistonni unutmaslik - Shavkat Mirziyoyev “MO - Xitoy” sammitida shu masalalarni ko‘tardi. gazeta.uz »
Mobiuz mobil operatori uchun ochiq xalqaro xususiylashtirish jarayoni e’lon qilindi. Rothschild & Co, KPMG va Deloitte maslahatchi sifatida ishlaydi. O‘zbekistonning davlat ulushini olish uchun ariza beruvchilardan sanksiyalar ostidagi tuzilmalar bilan hamkorlik qilmaslik talab etiladi. gazeta.uz »
Donald Tramp AQShga Garvard universitetida ta’lim olish uchun, shu jumladan, almashinuv dasturlari bo‘yicha kiradigan xorijlik talabalarga viza berishni to‘xtatishni buyurdi. Universitet buni Oq uyning “yana bir noqonuniy qadami” deb atadi. gazeta.uz »
O‘zbekistonda mebelchilarga xalqaro sertifikat olish xarajati hamda xorijdan jalb qilingan dizayner, marketolog, injener-texnologlar ish haqining yarmi qoplab beriladi. Shuningdek, mamlakatda yiliga ming nafar mebel ustalarini zamonaviy ko‘nikmalarga o‘qitish yo‘lga qo‘yiladi. gazeta.uz »
