Uch - Ïîñëåäíèå íîâîñòè [ Ôîòî â íîâîñòÿõ ] | |
Xitoy hukumati uch yoshgacha bo‘lgan har bir bola uchun yiliga 3,6 ming yuan (503 dollar) to‘lamoqchi. Bu harakat oilalarni qo‘llab-quvvatlash va tug‘ilishni rag‘batlantirishga qaratilgan. To‘lovlarni 20 milliondan ortiq oila olishi kutilmoqda. Mamlakatda aholi ketma-ket uchinchi yil kamayib bormoqda. gazeta.uz »
O‘zbekiston va Rossiya haftasiga o‘zaro reyslar sonini 3 barobarga oshirishni rejalashtirmoqda. Bu hozirgi 310 dan ortiq parvoz 1000 dan ortadi degani. Bundan tashqari, uch yo‘nalishni bog‘lovchi “uchburchak” shaklidagi qatnovlar tashkil etilishi mumkin. gazeta.uz »
Cobalt ishlab chiqarish hajmi ketma-ket uchinchi oy 2024-yilning mos davrlariga nisbatan kamayib bormoqda. Bu haqda Milliy statistika qo‘mitasi ma’lumotlarida aytiladi. “O‘zavtosanoat” ma’lumotlariga ko‘ra, Cobalt yarim yillikda eng ko‘p sotilgan avtomobil bo‘ldi. gazeta.uz »
O‘zbekistonda fermerlar dala chetlarida qishloq xo‘jaligi mahsulotlari yetishtirmasa, ularni jazolash taklif etilmoqda. Ayrim deputatlar g‘oyani qo‘llab-quvvatladi, boshqalari esa fermerlar uchun bankrotlik xavfi borligini ta’kidladi. gazeta.uz »
Andijon, Xorazm va Namangan viloyatlarida voyaga yetmaganlarga noqonuniy diniy ta’lim berib kelganlar aniqlandi. Xususan, Asaka tumanida 40 yoshli ayol bir bolaga muttasil yog‘och va kabel bilan jarohat yetkazib kelgan. gazeta.uz »
Sud Yangihayot tumani IIBning 3 nafar xodimini fuqarolarni qiynoqqa solishda aybdor deb topdi. Jabrlanuvchilar o‘zlarini qanday kaltaklashganini, paket bilan bo‘g‘ishganini, giyohvand moddalar bo‘yicha jinoyatda iqror bo‘lish uchun jinsiy a’zolarini “zajigalka”da kuydirish bilan tahdid qilishganini aytishdi. gazeta.uz »
Samarqandning Paxtachi tumanida bir kunda uch nafar maktab o‘quvchisi cho‘kib ketdi. Barcha holatlar “So‘nggi qo‘ng‘iroq”dan keyin sodir bo‘lgan. Tuman maktablari ogohlantirildi, o‘qituvchilarga esa uyma-uy yurib, bolalarning ota-onalar nazoratida ekani yoki yo‘qligini tekshirish buyurildi. gazeta.uz »
Sayxunobod tumanida sizot suvlarini saqlovchi quduqni tozalash uchun tushgan 67 yoshli erkak hamda uni qutqarmoqchi bo‘lgan o‘g‘li va qo‘shnisi gazdan zaharlanib vafot etdi. Yana ikki kishi shifoxonaga yotqizildi. gazeta.uz »
Qarshi shahrida uch nafar advokat fuqarolardan pora olishda gumonlanib ushlandi. Xususan, bir holatda ulardan biri qamoq chorasini tanishlari orqali boshqa ehtiyot chorasiga o‘zgartirib berish uchun 4 ming dollar talab qilgan. gazeta.uz »
Rossiyaning Surgut shahrida oiladagi zo‘ravonlik qurboni bo‘lgan ona va uning uch farzandi O‘zbekistonga qaytarildi. Ayol turmush o‘rtog‘i tomonidan kuchli bosim va tahqirlarga uchragan va vatanga qaytishga qaror qilgan. gazeta.uz »
NKMK zavodining uch xodimi tarkibida 1,5 kg oltin bo‘lgan yarim tayyor mahsulotni zavod ichidagi havo tozalash quvuriga yashirib qo‘ygani aniqlandi. Uning bahosi 2 mlrd 102 mln so‘mni tashkil etadi. gazeta.uz »
Prezident farmoniga muvofiq, 2025-yil 15-maydan boshlab Kambag‘al oilalar reyestridagi va unga tushish xavfi bor oilalar “qizil”, “sariq” va “yashil” toifalarga bo‘linadi. Davlat tomonidan ko‘rsatiladigan ijtimoiy qo‘llab-quvvatlash choralari ushbu toifalarga qarab belgilanadi. gazeta.uz »
Toshkent viloyatidagi Katta Chimyon tog‘ida adashib qolgan 3 kishi qutqarildi. Ular sayr qilish maqsadida borib, yo‘ldan adashgan va 3100 metr balandlikdan pastga tusha olmagan. gazeta.uz »
Qamashi tumanida uch kunlik chaqalog‘ini 60 mln so‘mga sotmoqchi bo‘lgan ayol ikki yilga qamaldi. U 50 mln so‘m va 800 dollar olayotgan vaqtida qo‘lga olingan. Bola viloyat bolalar uyiga topshirilishi belgilandi. gazeta.uz »
Vengriya Yevropa Ittifoqining 2000 dan ortiq rossiyalikka nisbatan sanksiyalarni uzaytirish qaroriga rozi bo‘ldi. Evaziga esa uch rossiyalikni sanksiyalardan chiqarishga erishdi. Ular orasida Alisher Usmonovning singlisi, 2022-yildan beri YI sanksiyasi ostida bo‘lgan Gulbahor Ismoilova ham bor, deb yozmoqda OAV. gazeta.uz »
HAMAS asirlar almashinuvi bo‘yicha kelishuvlarning oltinchi bosqichi doirasida Qizil Xoch xodimlariga garovga olingan uch nafar isroillikni topshirdi. O‘z navbatida, Isroil 369 nafar falastinlik mahbusni ozod qilishi kutilmoqda. gazeta.uz »
Uychi tumanida mast holda mashina boshqarib uch kishining o‘limiga sababchi bo‘lgan 19 yoshli yigitga sud hukmi o‘qildi. Sud uni 6 yilga ozodlikdan mahrum qildi. gazeta.uz »
Garovga olinganlarni almashishning beshinchi raundi doirasida HAMAS Qizil Xochga uch kishini topshirdi. Isroil esa 183 nafar falastinlik mahbusni ozodlikka chiqardi. gazeta.uz »
Unga til saratoni, keyinroq o‘pka va ko‘krak bezi saratoni, ko‘p o‘tmay oqqon tashxisi qo‘yilgan. U kasalliklar bilan birga oilaviy va moddiy qiyinchiliklar bilan ham sinalgan. “Iroda” loyihasining bu galgi qahramoni - taqdir zarbalarini yengish uchun farzandlaridan kuch olgan Dildora Mavlonova. gazeta.uz »
Toshkent shahrida yashovchi 20 yoshli qiz uzoq vaqt davomida sobiq sherigi va uning sheriklari tomonidan zo‘ravonlikka uchragan va uch marta o‘g‘irlab ketilgan. To‘rt nafar gumonlanuvchi qo‘lga olinib, jinoyat ishi ochildi. gazeta.uz »
HAMAS Isroil bilan o‘t ochishni to‘xtatish to‘g‘risidagi bitim doirasida garovdagi uch isroillikni va besh nafar tailandlik fuqaroni ozod qildi. Bunga javoban Isroil 110 nafar falastinlik mahbusni ozod qilishi kerak. gazeta.uz »
Qoraqalpog‘iston va Qozog‘iston o‘rtasidagi “Tajen” - “Dovut ota” chegara o‘tkazish punktlarida harakatlanish 1-fevraldan vaqtincha to‘xtatiladi. Uch oy davomida ta’mirlash ishlari olib boriladi. Cheklov ruxsat etilgan to‘liq vazni 3,5 tonnadan ortiq bo‘lgan yuk avtomobillarga tatbiq etilmaydi. gazeta.uz »
Turkiyada qalbaki spirtli ichimlik iste’mol qilish oqibatida yana 3 nafar O‘zbekiston fuqarosi vafot etdi. Vafot etganlarning umumiy soni 17 taga yetdi, 5 kishi bo‘lsa Istanbulda jonlantirish bo‘limida qolmoqda. gazeta.uz »
Toshkentda uch nafar mast erkak ishdan qaytayotgan homilador ayolni haqoratlab, unga tegajog‘lik qilgan. Sud ularni mayda bezorilikda aybdor deb topib, 10 sutkadan qamoq jazosi tayinladi. gazeta.uz »
Qashqadaryoning Qarshi shahrida bir oilaning 4 nafar a’zosi is gazidan zaharlanib vafot etdi. Holat yuzasidan tergovga qadar tekshiruv harakatlari olib borilmoqda. gazeta.uz »
O‘zbekiston Bahraynda bo‘lib o‘tgan og‘ir atletika bo‘yicha jahon chempionatini 3 ta oltin, 1 ta kumush va 2 ta bronza medali bilan yakunladi. Xususan, Ruslan Nurudinov o‘zi o‘rnatgan jahon rekordini yangilab, uch karra jahon chempioni bo‘ldi. gazeta.uz »
Futbol bo‘yicha 2030-yilgi Jahon chempionati uch qit’ada o‘tkaziladi. Ko‘pgina o‘yinlar Ispaniya, Portugaliya va Marokashda, yana uchta o‘yin - Paragvay, Urugvay va Argentinada bo‘lib o‘tadi. 2034-yilgi o‘yinlar esa yagona nomzod Saudiya Arabistonida o‘tkaziladi. gazeta.uz »
Toshkent shahridagi Yunusobod bozori o‘rnida ekobozor, savdo markazi, ofislar, yerosti avtoturargohi, tomida restoranlar va yashil hudud mavjud bo‘lgan uch qavatli majmua quriladi. Prezident bozor uzluksiz ishlashi uchun qurilishni bosqichma-bosqich tashkil etish bo‘yicha topshiriq berdi. Foto. gazeta.uz »
Qoraqalpog‘istondagi Quyi Amudaryo hududida uch bosh Buxoro bug‘usi miltiq bilan otib o‘ldirilgani aniqlandi. Hayvonot dunyosiga 3,4 mlrd so‘m zarar hisoblanib, ovchiga nisbatan jinoyat ishi qo‘zg‘atildi. gazeta.uz »
Firibgarlikda ayblanib 3 yildan buyon qidiruvda bo‘lgan erkak Turkiyadan O‘zbekistonga deportatsiya qilindi. Undan jabr ko‘rgan fuqarolardan konsullik yoki IIOga murojaat qilishlari so‘ralmoqda. gazeta.uz »
Urgut tumanida 21 yoshli Cobalt haydovchisi boshqaruvini yo‘qotib, qarshisidan kelayotgan Damas`ga urilgandi. YTH oqibatida haydovchi va ikki yo‘lovchi halok bo‘lgan. Sud hukmi bilan Cobalt haydovchisi 9 yil 6 oyga ozodlikdan mahrum etildi. gazeta.uz »
Samarqand va Qashqadaryo viloyatlarini bog‘lovchi M-39 avtomobil yo‘lida Cobalt mashinasini tog‘dan sirpanib tushgan katta tosh bosib qoldi. Oqibatda salondagi 3 kishi halok bo‘ldi. gazeta.uz »
Qoraqalpog‘istonning Beruniy tumanida mast haydovchi boshqaruvidagi Lacetti kanalga tushib ketdi. Oqibatda ikki yo‘lovchi voqea joyida, yana biri shifoxonada vafot etdi. gazeta.uz »
Bosh prokuratura Komil Allamjonovga qurolli hujum uyushtirishda gumon qilinayotgan yana uch shaxs hibsga olinganini ma’lum qildi. Avvalroq bir gumonlanuvchi hibsga olingandi. gazeta.uz »
Toshkentdagi mehmonxonada uch kishi, jumladan, ikki nafar Rossiya fuqarosi - jurnalist Inessa Papernaya va uning do‘sti hamda O‘zbekiston fuqarosi o‘lik holda topilgan. Dastlabki sud-tibbiy ekspertiza xulosasiga ko‘ra, ular noma’lum etiologiyali zaharlanishdan vafot etgan. gazeta.uz »
Samarqand viloyati Bulung‘ur tumanida yashovchi 56 yoshli erkak Rossiyaga ishlash uchun borib, u yerda moddiy manfaat evaziga Ukrainaga qarshi urushda qatnashgan. U sud qarori bilan uch yilga ozodlikdan mahrum qilindi. gazeta.uz »
Sirdaryo tumanida 2024-yilning aprel oyida bir oilaning uch a’zosini o‘ldirib, jasadlarni yoqib yuborgan sobiq IIB xodimiga nisbatan sud hukmi e’lon qilindi. Unga nisbatan umrbod ozodlikdan mahrum qilish jazosi tayinlandi. gazeta.uz »
Surxondaryo viloyati Boysun tumanida yuk mashinasi yo‘l chetida mashinasiga yonilg‘i quyayotgan uch kishini urib, voqea joyidan qochib ketdi. Jabrlanuvchilarning ikki nafari voqea joyida halok bo‘ldi, boshqasi shifoxonaga yotqizildi. Haydovchi Sirdaryoda ushlandi. gazeta.uz »
Namanganda Gentra avtomashinasini ijaraga olgan 5 nafar o‘quvchi katta tezlikda yo‘lning qarama-qarshi qismiga chiqib ketib, yuk mashinasi bilan to‘qnashgandi. Ulardan 3 nafari vafot etdi. Bu yil boshidan buyon shaharda mashina ijaraga olgan o‘quvchilar ishtirokida sodir bo‘lgan to‘rtinchi YTH bo‘ldi, deb yozadi Kun.uz. gazeta.uz »
Avgust oyida O‘zbekiston 792,6 mln dollarlik oltin eksport qildi. Bu qimmatbaho metallning may oyidan beri birinchi sotuvi hisoblanadi. To‘qimachilik mahsulotlari eksporti pasaydi, meva-sabzavot yetkazib berish esa o‘smoqda. gazeta.uz »
Shavkat Mirziyoyev O‘zbekistonda “Yil o‘qituvchisi” tanlovi o‘tkazilishini, unda g‘olib bo‘lgan o‘qituvchilarga uch xonali uy sovg‘a qilinishini ma’lum qildi. gazeta.uz »
Toshkent shahri Yakkasaroy tumanida Malibu-2 va Lacetti mashinalari to‘qnashdi. YTH oqibatida haydovchilar va yana bir nafar yo‘lovchi jarohatlandi. gazeta.uz »
O‘zbekistonlik paraatlet Safiya Burxanova Parijdagi Paralimpiya o‘yinlarida kumush medalni qo‘lga kiritdi. Bu uning faoliyatidagi Tokiodagi oltin va Riodagi kumushdan keyin uchinchi Paralimpiya medali bo‘ldi. gazeta.uz »
Para yengil atletikachi Xusniddin Norbekov yadro uloqtirish bahslarida turnir rekordini o‘rnatib, Paralimpiada oltin medalini qo‘lga kiritdi. Shu tariqa u uchta Paralimpiya o‘yinlari g‘olibi bo‘lgan ilk o‘zbekistonlik sportchi bo‘ldi. gazeta.uz »
Olimpiya o‘yinlarining 15-kunida O‘zbekistonning 10 nafar atleti sportning 7 turi: boks, kurash, badiiy gimnastika, taekvondo, og‘ir atletika, zamonaviy beshkurash va yengil atletika bo‘yicha chiqish qiladi. gazeta.uz »
AQSh Davlat departamenti IShIDning kontrabanda tarmog‘iga aloqadorlikda gumon qilingan uch nafar O‘zbekiston fuqarosiga qarshi sanksiyalar e’lon qildi. gazeta.uz »
Prezident elektr energiyasi ishlab chiqarishni ko‘paytirish bo‘yicha ko‘rsatmalar berdi. Unga ko‘ra, mazut va ko‘mir 2 yilga bojdan ozod qilinadi, ko‘mir importi uchun 3 yilga revolver kreditlar beriladi. gazeta.uz »
Toshkent shahrining Abdulla Qodiriy va Shayxontohur ko‘chalari kesishmasidagi ko‘prik ta’mirlash ishlari sabab 25-maygacha transport harakati uchun yopildi. gazeta.uz »
Sud o‘tgan yil oxirida kriminogen vaziyatni yaxshilash bo‘yicha o‘tkazilgan reydlarda ushlangan yana uch nafar shaxsga nisbatan hukm o‘qidi. Xasan va Xusan Sabirdjanovlar qariyb 5 yilga ozodlikdan mahrum etildi, Marat Urazovga salkam 2 yil axloq tuzatish ishlari jazosi tayinlandi. gazeta.uz »
2024-yil yanvar-mart oylarida qariyb 48,6 mingta nikoh qayd etildi. Bu o‘tgan yilning mos davriga nisbatan 900 taga kam. Nikohlarda ayollarning o‘rtacha yoshi 23,3 yoshni, erkaklarning o‘rtacha yoshi esa 28,2 yoshni tashkil etdi. gazeta.uz »
