è÷èäà - Ïîñëåäíèå íîâîñòè [ Ôîòî â íîâîñòÿõ ] | |
Javohir Sindarov Super Chess Classic Romania turnirining ikkinchi turida hindistonlik grossmeyster Rameshbabu Pragnanandhaga imkoniyatni boy berib qo‘ydi. Bu uning o‘tgan yilning sentabr oyidan buyon klassik nazoratdagi ilk mag‘lubiyatidir - bungacha u ketma-ket 53 ta partiyada mag‘lub bo‘lmagandi. gazeta.uz »
Eronning O‘zbekistondagi elchixonasi Gazeta`ga bergan intervyusida AQSh bilan muzokaralar, o‘t ochishni to‘xtatish rejimi, sanksiya va vositachilarning diplomatik jarayonga ta’siri bo‘yicha izoh berdi. gazeta.uz »
O‘zbekistonda sovuq qurolni olib yurish bilan bog‘liq huquqbuzarlikni bir yil davomida takroran sodir etganlik uchun 10 BHM (4,12 mln so‘m)gacha jarima yoki 15 sutkagacha ma’muriy qamoq jazosi qo‘llanadi. gazeta.uz »
O‘zbekistonda yanvar-mart oylarida 670 ta uyushgan jinoyatlar aniqlandi. Xususan, 80 ta uyushgan guruh fosh etilib, 211 nafar shaxs qo‘lga olindi. IIV vakiliga ko‘ra, 18 mingdan ortiq kiberjinoyat sodir etilgan bo‘lsa, giyohvandlik vositalarining noqonuniy muomalasi bilan bog‘liq 4 mingta jinoyat ishi qo‘zg‘atildi. gazeta.uz »
O‘zbekiston xalqaro zaxiralari 68,99 mlrd dollargacha kamaydi, mart oyida ko‘rsatkich 8,1 mlrd dollarga qisqarib, yil boshidan buyongi o‘sishlarni yo‘qqa chiqardi. Bunga dunyo bozorida oltin narxining tushib ketgani asosiy sabab bo‘ldi. gazeta.uz »
NASA bortida to‘rt nafar astronavt bo‘lgan boshqariladigan kosmik kemani Oy sari muvaffaqiyatli uchirdi. “Artemida II” missiyasi doirasida ekipaj Oy atrofida bir marta aylanib chiqadi. Ekspeditsiya taxminan 10 kun davom etadi. Parvoz va uning tafsilotlari. gazeta.uz »
O‘zbekistonda ikki oy ichida 45 ta uyushgan jinoiy guruh aniqlandi, deya ma’dum qildi IIV. 116 ta tovlamachilik, 315 ta qurolni noqonuniy saqlash, 86 ta qimorxona tashkil etish, 40 ta odam savdosi va 790 ta fohishaxona saqlash holatlari fosh etildi. Qidiruvda bo‘lgan 533 nafar shaxs qo‘lga olindi. gazeta.uz »
O‘quvchi YPX xodimini urib yuborgan, tyuning-atele egasi esa hibsga olingan holatlardan so‘ng YHXX tarmoqlarda yo‘l bezoriligiga oid 107 ta videomaterialni aniqladi, 62 ta mashina jarima maydoniga joylashtirildi. gazeta.uz »
2025-yili O‘zbekistonda o‘ta og‘ir jinoyat sodir qilgan uch nafar shaxsga nisbatan umrbod ozodlikdan mahrum qilish jazosi tayinlandi. Oliy sudga ko‘ra, 2017-yildan buyon 31 kishiga shunday jazo chorasi qo‘llanilgan. gazeta.uz »
So‘nggi bir yilda O‘zbekistonda propan narxi 48% ga oshdi, 2026-yil boshida o‘sish yanada tezlashdi. Hukumat buni import gaz ulushining ortishi (20% dan 90% gacha) va mahalliy gazning aholi ehtiyojlariga yo‘naltirilishi bilan izohladi. gazeta.uz »
UzAuto Motors Chevrolet Damas’ning yangi - yo‘lovchi (Move) va yuk (Max) modellarini taqdim etdi. Bu qariyb 30 yil ichida modelning birinchi keng ko‘lamli yangilanishidir. Ular endi “zamonaviy talablarga to‘liq javob beradi”, xususan, xavfsizlik yostiqchalariga ega. Eski Damas ishlab chiqarish esa davom etadi. gazeta.uz »
Elektron retseptlar tizimi joriy etilgandan so‘ng, o‘zbekistonliklar internet orqali qaysi dori vositalari uchun retsept talab qilinishi haqida ma’lumot qidira boshladi. Biroq ma’lumotlar tarqoq holda edi. gazeta.uz »
Qozog‘istonning Aqtobe viloyatida salonida yo‘lovchilar, jumladan, 54 nafar O‘zbekiston fuqarosi bo‘lgan avtobus YTHga uchradi. Aqtobedagi Bosh konsulxona ularga zarar yetmaganini ma’lum qildi. Yo‘lovchilarga oziq-ovqat va boshpana berilgan, ular boshqa avtobusda mamlakatga qaytadi. gazeta.uz »
O‘zbekistonda yanvar-oktabr oylari davomida oiladagi zo‘ravonlik uchun 10 003 nafar shaxs ma’muriy javobgarlikka, 381 kishi esa jinoiy javobgarlikka tortilgan. gazeta.uz »
O‘zbekistonga maishiy havo tozalagichlar importi so‘nggi yillarda keskin ko‘paydi. Gazeta’ning o‘rganishicha, 2022-yilda taxminan 2000 dona tozalagich import qilingan bo‘lsa, 2024-yilda 16 mingdan, 2025-yilda esa 18 mingdan ortiq shunday uskuna import qilingan. gazeta.uz »
Prezident Yangi Toshkent aeroporti qurilishi bilan birga, mahalliy kompaniyalarning samolyotlari sonini 105 tadan 180 taga yetkazilishini ma’lum qildi. Uning so‘zlariga ko‘ra, aeroport Yangi Toshkentning bir qismiga aylanadi va poytaxt bilan shattl-baslar va metro liniyasi orqali bog‘lanadi. gazeta.uz »
Fransiya prezidenti Emmanuel Makron 48 soat ichida 27 kundan keyin iste’foga chiqqan Sebasten Lekornyuning o‘rniga yangi bosh vazir tayinlamoqchi. Muxolifat Makronni muddatidan oldin parlament saylovlari o‘tkazishga chaqirgan. gazeta.uz »
AQSh hukumati 1-oktabr kuni Kongress yangi moliyaviy yil uchun budjetni kelisha olmaganidan keyin ishni qisman to‘xtatdi. Bu so‘nggi yetti yil ichida mamlakatdagi birinchi shatdaundir. Respublikachilar va Demokratlar shatdaunda bir-birini ayblamoqda. gazeta.uz »
Aytjan Xalmaxanov yunon-rum kurashi bo‘yicha Xorvatiyada o‘tgan Jahon chempionatida oltin medalni qo‘lga kiritdi. Bu O‘zbekiston uchun 24 yil ichidagi ilk g‘alaba bo‘ldi. Terma jamoa mazkur musobaqada 1 ta oltin, 1 ta kumush va 3 ta bronza medalini jamg‘ardi. gazeta.uz »
Buxorodagi qishloqda kanalizatsiya quvurini ta’mirlash vaqtida mehnat muhofazasi qoidalariga rioya qilinmagani oqibatida 5 ishchi kuchli oqim tufayli oqib ketdi. Uch nafarining jasadi topildi, ikki nafarini qidirish ishlari davom etmoqda. Jinoyat ishi qo‘zg‘atildi, tergov boshlandi. gazeta.uz »
Sakkiz yilda O‘zbekiston YIM 2 baravar o‘sdi, ishlab chiqarilgan elektr hajmi 59 dan 85 mlrd kVt/soatgacha oshdi, 31 mln kvadrat metrdan ortiq uy-joy qurildi. Kambag‘allik darajasi 35 foizdan 6,8 foizgacha qisqardi, umr ko‘rish davomiyligi 73,8 yoshdan 75,1 yoshgacha oshdi. Prezident yutuqlarni sanab o‘tdi. gazeta.uz »
Migratsiya agentligi “Vatanga qaytarish” bir oylik xayriya aksiyasi doirasida hozirgacha xorijda murakkab ahvolda qolgan 621 nafar fuqaroni O‘zbekistonga olib keldi. Ularning katta qismini ayollar va bolalar tashkil qiladi. Eng ko‘p fuqaro Rossiyadan qaytarilgan. gazeta.uz »
Kuni kecha TIV rahbari Baxtiyor Saidov o‘z missiyasini yakunlayotgan Fransiya elchisi Oreliya Bushez bilan uchrashdi. Vazir mamlakatlar munosabatlarining “misli ko‘rilmagan dinamikasi”ni qayd etdi. Prezident diplomatga “Do‘stlik” ordenini berdi. gazeta.uz »
Iyun-iyul oylarida Markaziy bank tomonidan 23 ta bankka nisbatan jarima sanksiyasi qo‘llanildi. Bunga jinoiy faoliyatdan olingan daromadlarni legallashtirishga, terrorizm va ommaviy qirg‘in quroli tarqatishni moliyalashtirishga qarshi kurash qoidalariga rioya qilinishida aniqlangan qoidabuzarliklar sabab bo‘lgan. gazeta.uz »
2025-yil may-iyun davrida O‘zbekiston 127,4 ming tonna yangi tarvuz eksport qildi. Bu ko‘rsatkich 2023-yil yakunida qayd etilgan oldingi rekorddan 22 foizga ko‘p. Umumiy yetkazib berish hajmining 98 foizdan ortig‘i uchta davlat - Rossiya, Qozog‘iston va Belarus hissasiga to‘g‘ri keldi. gazeta.uz »
Janubiy Koreya armiyasi so‘nggi olti yilda 20 foizga qisqarib, 450 ming askarga yetdi. Kamayish 2000-yillarning boshidan beri muntazam ravishda kuzatilmoqda. Holat majburiy xizmatga chaqirish yoshidagi erkaklar sonining keskin kamayishi bilan bog‘liq. gazeta.uz »
Apple AQShga qo‘shimcha 100 mlrd dollar, kelgusi 4 yil ichida esa 600 mlrd dollar sarmoya kiritadi. Investitsiyalar kompaniyaga iPhone uchun ehtimoliy tariflarni chetlab o‘tishga yordam berishi mumkin. gazeta.uz »
O‘zbekistonda ilk bor hududlarning iqtisodiy faolligi NASA ma’lumotlari asosida baholandi: 4 yilda aholi jon boshiga yalpi hududiy mahsulot 1,6 baravar o‘sdi. Gazeta muxbiri Dmitriy Povarov ma’lumotlar mamlakat taraqqiyoti haqida nimalarni ko‘rsatishini va nimalar ko‘rinmasligini tushunishga harakat qildi. gazeta.uz »
Iyun va iyul oylarida 73 ming o‘zbekistonlik kredit rasmiylashtirishga o‘z-o‘ziga taqiq qo‘ydi. Xizmat kiberfiribgarliklar va fuqarolar nomiga ularning xabarisiz kredit rasmiylashtirish holatlari ko‘paygan bir paytda yo‘lga qo‘yilgandi. gazeta.uz »
Toshkentning Mirobod tumanida ikki nafar shaxs xususiy firma ofisidan 560 ming dollar miqdoridagi pulni o‘g‘irlab ketdi. Ular qo‘lga olindi, yetkazilgan zarardan 440 000 dollari va bir dona Honda mototsikli qaytarildi. gazeta.uz »
O‘zbekiston tovar-xomashyo birjasi (O‘zRTXB) orqali avtomobil raqamlari savdosi 2025-yilning birinchi yarim yilligida biroz pasaydi. Yil boshidan beri avtoraqam.uzex.uz orqali raqamlarni sotishdan tushgan tushum 378,7 mlrd so‘mni tashkil etdi - bu o‘tgan yilning shu davriga nisbatan 11,1 foiz kam. gazeta.uz »
Birinchi yarim yillikda O‘zbekiston aholisining real daromadlari 9,5%ga oshdi, bu o‘tgan yilning shu davridan (11,9%) past. Gazeta sharhlovchisi Dmitriy Povarov ta’kidlashicha, o‘sish sur’atining sekinlashishi iqtisodiyotdagi sustkashlik bilan emas, xalqaro standartlar asosida hisob-kitob yangilanishi bilan bog‘liq. gazeta.uz »
ITIM O‘zbekistonda avtomobil savdolari bo‘yicha hisobot e’lon qildi. Iyun oyida taxminan 5100 dona elektromobil sotildi, bu may oyiga nisbatan 1,7 foizga kam. Shu bilan birga, yarim yil ichida 28,8 mingta elektromotorli avtomobil sotilgan bo‘lib, bu o‘tgan yilga nisbatan 62,6 foizga ko‘p demakdir. gazeta.uz »
O‘zbekiston Ekologiya vazirligi qurilish chiqindilarini poligonlar va tabiiy chiqindixonalarga joylashtirish muammosini hal qilish bo‘yicha kompleks chora-tadbirlarni ishlab chiqmoqda. Chiqindilarni qayta ishlashni jozibador biznesga aylantirish, chiqindilarni olib chiqish faoliyatini litsenziyalash rejalashtirilmoqda. gazeta.uz »
Vladimir Putin va Emmanuel Makron salkam 3 yil ichida ilk bor telefon orqali gaplashib, Eron-Isroil mojarosi va Ukrainadagi urushni muhokama qildi. Putin Tehronning tinch atomni rivojlantirishdagi qonuniy huquqini hurmat qilishga, Makron Ukrainada o‘t ochishni to‘xtatish muzokaralarini boshlashga chaqirdi. gazeta.uz »
Fitch Ratings O‘zbekistonning xorijiy valyutadagi kredit reytingini ilk bor “BB-” dan “BB” darajasiga ko‘tardi. Yangilanish jadallashtirilgan islohotlar, kuchli moliyaviy ko‘rsatkichlar va barqaror iqtisodiy o‘sish istiqbollarini aks ettiradi. gazeta.uz »
Koson tumanidagi xususiy bog‘cha direktori bir guruh bolalarni Spark avtomobilida bog‘chaga olib bordi. Biroq ulardan biri - 2 yoshli qizcha soatlab eshiklari yopiq mashina ichida qolib vafot etdi. Holat bo‘yicha tergovga qadar tekshiruv harakatlari olib borilmoqda. gazeta.uz »
Janubiy Koreya prezidenti Demokratik partiyadan deputat An Gyu Bekni mamlakat mudofaa vaziri etib tayinladi. U harbiy idoraning so‘nggi 64 yil ichidagi birinchi fuqarolik rahbari bo‘ldi. Sobiq mudofaa vaziri harbiy holat joriy etish orqali isyon ko‘tarishda ayblanmoqda. gazeta.uz »
AQSh Ichki xavfsizlik vazirligi Vashingtonning Eronga bergan zarbalaridan so‘ng Qo‘shma Shtatlarda teraktlar va kiberhujumlar xavfidan ogohlantirdi. Davlat departamenti butun dunyo bo‘ylab AQSh fuqarolarini ehtiyot bo‘lishga chaqirdi. gazeta.uz »
Toshkent xalqaro aeroportida uchib kelish zali rekonstruksiyasining birinchi bosqichi yakunlandi. Terminal ichida ilk marta 120 o‘rinli kutib oluvchilar uchun zona, yangi kirish yo‘lagi va avtoturargoh tashkil etildi. Zalning maydoni 2100 kv metrga oshdi. gazeta.uz »
Biznesmen va Microsoft asoschisi Bill Geyts 20 yil ichida deyarli barcha shaxsiy boyliklarini o‘zining Gates Foundation xayriya jamg‘armasiga o‘tkazishga va’da berdi. “O‘lganimdan keyin odamlar men haqimda ko‘p gapiradi, lekin qat’iy qaror qildimki, „u boy o‘lgan“ ular orasida bo‘lmaydi”, - dedi u. gazeta.uz »
Toshkent viloyatida yo‘l-transport hodisasi oqibatida avtomobil saloni ichida qisilib qolgan haydovchi FVV qutqaruvchilar tomonidan chiqarib olindi. gazeta.uz »
Janubiy Koreya Konstitutsiyaviy sudi prezident Yun Sok Yolga nisbatan to‘rt oy oldin e’lon qilingan impichmentni tasdiqladi. Yuzlab odamlar bu yangilikni “G‘alaba qozondik!” degan qichqiriqlar bilan kutib oldi. gazeta.uz »
Suriyaning Asad tarafdorlari - alaviylar qo‘zg‘oloni boshlangan hududlarida mingdan ortiq kishi halok bo‘ldi, ularning kamida 745 nafari tinch aholidir. Prezident Ahmad al-Sharaa suriyaliklarni keskinlikni avj oldirmaslikka chaqirdi: “Milliy birlik va ichki tinchlikni saqlashimiz kerak, biz birga yashay olamiz”. gazeta.uz »
Qozog‘istonning Aqto‘be viloyatida yuk mashinasi ichida 33 nafar O‘zbekiston fuqarosi bo‘lgan, Ufa-Samarqand yo‘nalishida ketayotgan avtobus bilan to‘qnashdi. FVV xodimlari fuqarolarni evakuatsiya qildi. Jabrlanganlar yo‘q. gazeta.uz »
O‘zbekiston delegatsiyasi 26 yildan so‘ng qishki Osiyo o‘yinlarida oltin medalni qo‘lga kiritdi. 2024-yildan buyon O‘zbekiston sharafini himoya qilib kelayotgan figurali uchuvchilar Dmitriy Chigirev va Yekaterina Geynish juftlik yo‘nalishida eng yaxshi natijani ko‘rsatdi. gazeta.uz »
Komil Allamjonov unga suiqasd qilishda ishtirok etganlar qamalganidan so‘ng voqea haqida post qoldirdi. “O‘tgan 5 oy ichida o‘zimdan o‘tgani faqat o‘zimga, oilamga, eng yaqinlarimga ayon. Haqiqat egilganda egilib, bukilganda ham 2 bukilib baribir sinmadi, u baribir yuzaga chiqdi. Yuzaga chiqadi ham”, deya yozdi u. gazeta.uz »
Janubiy Koreyada 2024-yilning yanvar-noyabr oylarida tug‘ilganlar soni bir yil oldingiga nisbatan 3 foizga oshdi. Bu COVID-19 pandemiyasi tufayli kechiktirilgan nikohlar tiklangani bilan ham bog‘liq. gazeta.uz »
Turkiya Markaziy banki deyarli ikki yil ichida birinchi marta asosiy stavkani 50% dan 47,50% gacha pasaytirdi. Regulyator mart oyidan buyon asosiy stavkani 50 foiz darajasida saqlab kelayotgandi. gazeta.uz »
Sergeli tumanida 132-yo‘nalishda harakatlanadigan Mercedes-Benz avtobusida yong‘in sodir bo‘ldi. Kecha kechqurun Yunusobod tumanida ham xuddi shu rusumdagi avtobus yonib ketgandi. gazeta.uz »
