2025-yilda - Ïîñëåäíèå íîâîñòè [ Ôîòî â íîâîñòÿõ ] | |
Bir necha yil oldin elektr energiyasi importchisi bo‘lgan O‘zbekiston endi uni Markaziy Osiyo davlatlariga eksport qilmoqda, dedi bosh vazir o‘rinbosari Jamshid Xodjayev. Uning so‘zlariga ko‘ra, mamlakat “ishonchli ishlab chiqaruvchi”, tranzit yo‘lagi va energiya tizimlarining mintaqaviy integratoriga aylanmoqda. gazeta.uz »
O‘zbekistonda obunachilari soni 3 milliondan ortiq bo‘lgan blogerlar 2025-yil davomida 2,7 mlrd so‘m daromad topib, budjetga 110,4 mln so‘m soliq to‘lagan. Umuman, o‘tgan yilda blogerlik bozori hajmi 760,2 mlrd so‘m (62 mln dollar) etib baholangan. gazeta.uz »
O‘zbekiston tadbirkorlari 2025-yilda 178,1 trln so‘mlik soliq va bojxona imtiyozlaridan foydalandi. Ularning eng yirik oluvchisi Uzbekistan GTL bo‘ldi - 2,8 trln so‘m. Shuningdek, kuchli uchlikdan Uzbekistan Airways (2,4 trln so‘m) va “O‘zbekneftgaz” (1,7 trln so‘m) joy oldi. gazeta.uz »
2025-yilda O‘zbekistonda taklif hajmining ortishi fonida uy-joy narxlari o‘sishi sekinlashdi. Biroq demografiya, daromadlar va taqchillik kabi omillar yaqin yillarda ko‘chmas mulkka bo‘lgan talabning barqaror bo‘lishini ta’minlaydi. gazeta.uz »
“Ezgu Amal” fondi 2025-yil yakunlari bo‘yicha hisobot taqdim etdi. 596 nafar bola davolanish va dori-darmon bilan ta’minlanish uchun yordam oldi, bu o‘tgan yilgidan qariyb 2 karra ko‘p. Fond klinikalarni jihozlash va hospis yordamini rivojlantirishni davom ettirib, birinchi reabilitatsiya lagerini ishga tushirdi. gazeta.uz »
2025-yilda Oliy ta’lim vazirligi tizimidagi 81 xodim korrupsiya, pora oldi-berdisi, mansab vakolatini suiiste’mol qilish, firibgarlik kabi jinoyatlar bo‘yicha sudlandi. Vazirlik vakiliga ko‘ra, tizimda korrupsion holatlar kamaymoqda: 2023-yil 106 xodim, 2024-yilda 90 kishiga sud hukmlari o‘qilgandi. gazeta.uz »
“Navoiyuran” davlat korxonasi 2025-yil yakunlariga ko‘ra tushumni 20,2 foizga - 1,112 mlrd dollargacha oshirdi, uran ishlab chiqarish hajmi esa 35 foizga o‘sib, 7000 tonnaga yetdi. Kompaniya yangi konlarga investitsiyalar fonida sof foyda va zaxiralar o‘sganini ham qayd etdi. gazeta.uz »
2025-yil yakunlariga ko‘ra, O‘zbekistonda ijara stavkalari dollar hisobida 8,3% ga oshdi. Toshkentda yer uchastkalari narxi 9,4% ga arzonlab, bir sotix uchun 319 mln so‘mni tashkil etdi. Markaziy bank buni shahar chekkasidagi yer uchastkalari ulushi ortgani va markaziy tumanlarda taklif qisqargani bilan izohladi. gazeta.uz »
O‘zbekistonda 2025-yilda 153 ta ish bo‘yicha jami 252 nafar hokim yordamchisi korrupsiyaga oid jinoyatlar uchun jinoiy javobgarlikka tortilgan, deb xabar berdi Korrupsiyaga qarshi kurashish agentligi. Jumladan, ularning 37 nafari ozodlikdan mahrum etilgan. gazeta.uz »
2025-yilda hayvonlarga nisbatan shafqatsiz munosabatda bo‘lgan 70 nafar fuqaro ma’muriy javobgarlikka tortildi. Ularning 66 nafariga jami 84 million so‘m miqdorda jarima va 4 nafariga ma’muriy qamoq jazolari qo‘llanilgan. gazeta.uz »
2025-yilda aholi banklarga $21,7 mlrd miqdorida valyuta sotdi, $12 mlrd valyuta sotib oldi. Jismoniy shaxslar valyuta operatsiyalarining ijobiy saldosi ($9,7 mlrd) ichki valyuta bozorida qo‘shimcha taklif yaratdi. gazeta.uz »
2025-yilda O‘zbekistonda budjet taqchilligi YIMga nisbatan 2,1% yoki 39,4 trln so‘mni tashkil etdi. Bu tasdiqlangan prognoz (YIMning 3 foizi)dan past. Asosiy omil davlat budjetining qo‘shimcha daromadlari (oltin hisobiga) bo‘lib, ular 16,6% ga o‘sdi, shu bilan birga, xarajatlar ham keskin oshdi. gazeta.uz »
2025-yilda davlat xizmatchilarini saqlash xarajatlari rejadan 20 foizga oshib, 22,3 trln so‘mga yetdi. Bu maqsadlarga xarajatlar har yili oldingi yil ko‘rsatkichlaridan va tasdiqlangan prognozlardan ham yuqori bo‘lib kelmoqda. gazeta.uz »
2025-yilda O‘zbekistonda 5222 ta korrupsion jinoyat sodir etildi, deb ma’lum qildi Antikorrupsiya agentligi rahbari. Eng ko‘p holat SSV va Maktab vazirliklari hamda hokimliklarda aniqlandi. 12 nafar hokim esa javobgarlikka tortildi. gazeta.uz »
2025-yilda 673,3 mlrd so‘mlik 192 ta davlat xaridlarida qonunbuzarliklar aniqlandi. Antikorrupsiya agentligiga ko‘ra, 70 mlrd so‘mlik 60 ta xaridlar bekor qilingan. Qonunchilikni buzgan 14 kishiga ma’muriy, 12 nafariga intizomiy jazo choralari qo‘llanilgan. 2 ta holat bo‘yicha jinoyat ishlari qo‘zg‘atilgan. gazeta.uz »
2025-yilda milliy valyuta 6,9 foizga mustahkamlandi, kunlik tebranuvchanlik 2024-yilga nisbatan 2 barobardan ko‘proqqa oshib, 0,28 foizga yetdi. 2025-yilda so‘m, Markaziy bank xulosa qilishicha, erkin suzuvchi valyuta kurslari dinamikasini o‘zida aks ettirdi. gazeta.uz »
O‘zbekistonda 2025-yilda “103” xizmatiga 3244 ta yolg‘on chaqiriq kelib tushdi. Eng ko‘p yolg‘on chaqiriq Qashqadaryo, Surxondaryo va Farg‘ona viloyatlarida kuzatilgan. Bunday chaqiriqlar o‘tgan yilga nisbatan 531 taga ko‘paygan. gazeta.uz »
O‘zbekistonda 2025-yilda sudlar 4 mln dan ziyod ishni ko‘rdi, bu 2024-yilga nisbatan 37 foizga ko‘p. Xalqaro standartga ko‘ra, bir oyda ko‘rish mumkin bo‘lgan ish 16 ta, bizda esa bu 532 tani tashkil etmoqda, - dedi Oliy sud vakili. gazeta.uz »
Eksportning biroz o‘sishiga qaramay, O‘zbekiston sotishdan ko‘ra xorijdan ko‘proq gaz sotib olishda davom etmoqda. 2025-yilda gaz yetkazib berish o‘rtasidagi farq yana 1 mlrd dollardan oshdi. Xitoy bojxonasi O‘zbekiston gazi importini $773,3 mln ga baholagan. Tafovut 144,5 mln dollarga yetdi. gazeta.uz »
2025-yili O‘zbekistonda 59 nafar sudya lavozimidan ozod etildi. Ulardan 3 nafari korrupsion holatlar sababli jinoiy javobgarlikka tortilgan. “Bu tizimda mas’uliyatsiz sudyalarga nisbatan qattiq kurash olib borilayotganini anglatadi”, - deydi Oliy sud raisining birinchi o‘rinbosari Alisher Usmanov. gazeta.uz »
So‘nggi bir yilda Umra ziyoratini noqonuniy tashkil etish bilan bog‘liq 178 ta jinoyat ishi qo‘zg‘atildi. Litsenziyasiz ishlagan 47 ta, reklama qoidalarini buzgan 15 ta turistik tashkilot jarimaga tortildi. gazeta.uz »
2025-yilda O‘zbekistonda 106,5 mingta yangi xonadon foydalanishga topshirildi - bu barcha davrlardagi eng yuqori ko‘rsatkichdir. Biroq, qurilish sohasi O‘zbekistondagi demografik o‘sishdan ortda qolmoqda. gazeta.uz »
O‘zbekistonda 2025-yil yakunida real daromadlarning o‘sishi 9,2% ni tashkil etdi, bunda chetdan pul o‘tkazmalari asosiy omil bo‘ldi. O‘tkazmalarning umumiy daromaddagi ulushi 16,5% dan 21% gacha keskin oshdi. gazeta.uz »
2025-yilda O‘zbekistonda iste’molchilarga 1,6 mlrd ro‘yxatdan o‘tgan cheklar uchun 1,5 trln so‘mdan ortiq keshbek to‘lab berildi. Eng ko‘p mablag‘ni Toshkent shahri (564 mlrd so‘m) va viloyati (177,2 mlrd so‘m) iste’molchilari olgan. gazeta.uz »
2025-yilda O‘zbekistonda 45,3 ming jismoniy shaxs elektr tarmoqlariga uzatilgan quyosh energiyasi uchun davlat budjetidan 209,2 mlrd so‘m subsidiya oldi. Jami 268,7 mingta subsidiya rasmiylashtirildi, shundan 16,3 mingtasi - dekabrda. gazeta.uz »
2025-yilda O‘zbekistonda 15,4 mingta narkojinoyat qayd etilib, salkam 3,5 tonna giyohvandlik moddalari musodara qilindi. Narkojinoyat sodir etgan 11 ming 49 kishi javobgarlikka tortildi. Jinoyatlarning 53 foizi Toshkent shahri, Farg‘ona va Toshkent viloyatlari hissasiga to‘g‘ri keldi. gazeta.uz »
O‘zbekistonda 2025-yil davomida 63 340 nafar odam jinoyat ishi bo‘yicha sudlangan. Shundan 18 816 nafar shaxsga ozodlikdan mahrum qilish va 43 531 nafariga boshqa turdagi jazolar tayinlandi, 993 nafar shaxs shartli hukm qilindi. gazeta.uz »
2025-yilda O‘zbekistonda elektr energiyasi ishlab chiqarish 4 foizga o‘sib, 84,8 mlrd kVt/soatni tashkil etdi. Avvalgi yili o‘sish 5 foizni tashkil etgandi. Dizel va ko‘mir qazib olish oshdi, neft va benzinniki esa pasayishda davom etdi. gazeta.uz »
2025-yilda O‘zbekistonda 457,9 mingta yengil avtomobil ishlab chiqarildi, bu avvalgi yildan 6,7% ko‘p. Umumiy o‘sishga qaramay, Cobalt, Damas va Onix kabi ommaviy modellarni ishlab chiqarish kamaydi. gazeta.uz »
O‘zbekiston aeroportlari 2025-yilda yo‘lovchi tashishni 15%, reyslarni 14%, yuk hajmini 12% ga oshirdi. Yil davomida bozorga to‘rtta yangi xorijiy aviakompaniya - Xitoyning Air China va China Eastern, Koreyaning T’Way hamda Malayziyaning Air Asia kompaniyalari kirdi. gazeta.uz »
O‘tgan yili O‘zbekistonda 9226 ta YTHda 2188 kishi halok bo‘ldi va 8901 kishi jarohatlandi (yillik tushish - 1% dan kam). YHXXning ma’lum qilishicha, har 100 ming kishiga to‘g‘ri keladigan o‘lim holatlarining yillik qisqarishi ancha sezilarli - 2021-yildagi 6,9 dan 2025-yilda 5,7 gacha (-17%). gazeta.uz »
2025-yilda O‘zbekistondagi 114 ta muzeyga 6,1 mln nafar mahalliy va xorijiy sayyoh tashrif buyurdi. Bu 2024-yilga nisbatan 12,5 foizga ko‘p. Samarqand davlat muzey qo‘riqxonasi va Registon ansamblining har biriga milliondan ortiq odam kelgan. gazeta.uz »
Ichimlik va oqova suv xizmatlaridan aholining qarzdorligi 462,9 mlrd so‘mni tashkil etmoqda. 1-yanvar holatiga ko‘ra, 2025-yilda 908 mlrd so‘m qarzdorlikning 51 foizi qoplangan. O‘tgan yili 70 mingta qarzdor iste’molchi tarmoqdan uzilgan, 4,7 mingta noqonuniy ulanish holati aniqlangan. Batafsil. gazeta.uz »
2025-yilda O‘zbekistonda inflyatsiya 7,3% gacha sekinlashdi. Yil davomida oziq-ovqatlardan limon (+96,3%), qo‘y go‘shti (+26,8%), suyaksiz mol go‘shti (+25%), suyakli mol go‘shti (+23,9%), bodring (+16%), xizmatlardan haydovchilik kurslari (+59%), aviachiptalar (+56,9%), tarmoq gaz (+39,2%) eng ko‘p qimmatlashdi. gazeta.uz »
Chiqindi xizmatlaridan aholining qarzdorligi 622,7 mlrd so‘mni tashkil etdi. 31-dekabr holatiga aholiga ko‘rsatilgan xizmatlar uchun hisoblangan 1,4 trln so‘mning 90 foizi qoplangan. Haqiqatda ko‘rsatilmagan xizmatlar uchun hisoblangan 211,9 mlrd so‘m noreal debitor qarzdorlik elektron tizimdan chiqarildi. gazeta.uz »
2025-yil O‘zbekistonda nimasi bilan yodda qoldi? Mamlakat qator sammitlar o‘tkazdi, qatnashdi, energiya tariflari islohotini yakunladi, Ai-80 benzinidan voz kechdi va JSTga yanada yaqinlashdi. Elektron retseptlarga o‘tish boshlandi, terma jamoa JCHga chiqdi, ekologik vaziyat yil chaqirig‘iga aylandi. Gazeta sarhisobi. gazeta.uz »
Gazeta 2025-yilda vafot etgan o‘zbekistonlik jamoat, madaniyat, sport arboblari va boshqa mashhurni xotirlaydi. Shuningdek, Ismoil Jo‘rabekov haqida vazir Shavkat Hamroyev, Dilorom Omonullayeva haqida xonanda Kumush Razzoqova, Alisher Ro‘zioxunov haqida jurnalist Ilyos Safarov o‘z xotiralari bilan bo‘lishdi. gazeta.uz »
Donald Trampning Oq uyga qaytishi va uning butun dunyo bilan savdo urushi, Yaqin Sharqdagi zaif sulh, Rossiya va Ukraina o‘rtasida davom etayotgan urush va 2025-yildagi boshqa muhim global voqealar - Gazeta obzorida. gazeta.uz »
Prezident 2025-yilgi davlat budjeti xarajatlarini 3,43 mlrd dollarga oshiruvchi tuzatishlarni tasdiqladi. Xodimlar ish haqini oshirishga ikki baravar ko‘p mablag‘ ajratildi - indeksatsiya ertaroq va ko‘proq hajmda o‘tkazilgan. gazeta.uz »
Global muammolarga qaramay, O‘zbekiston ishonchli iqtisodiy o‘sishni namoyon etmoqda, dedi bosh vazir o‘rinbosari Jamshid Qo‘chqorov. 2025-yilga borib mamlakat yalpi ichki mahsuloti 7 foizga o‘sishi, aholi jon boshiga to‘g‘ri keladigan yalpi ichki mahsulot esa 3500 dollardan oshishi kutilmoqda. gazeta.uz »
Rossiya hukumatiga ko‘ra, “Gazprom” O‘zbekistonga shartnoma bo‘yicha yiliga 7,7 mlrd kub metr tabiiy gaz yetkazib berishda davom etmoqda. Bu 2024-yilda yetkazib berilganidan 2 mlrd kub metr ko‘p (5,64 mlrd kub edi). gazeta.uz »
Yaqinda AQSh Xitoydan keladigan tovarlarga 100 foizli qo‘shimcha bojlar joriy etishini e’lon qildi. Trampning Xitoyga qarshi savdo urushi uning o‘z lavozimiga kirishgan yanvar oyidan beri kichik pauzalar bilan davom etmoqda. gazeta.uz »
2025-yil uchun budjetda fan uchun 2,3 trln so‘m ajratilishi belgilangandi. Lekin, Fiskal strategiyaga ko‘ra, bu yo‘nalish uchun 2,2 trln so‘m (-100 mlrd so‘m) ajratilishi kutilmoqda. Bu mablag‘lar ilmiy tadqiqot muassasalarini saqlash va Ilm-fanni moliyalashtirish jamg‘armasi uchun sarflanadi. gazeta.uz »
2025-yilning yanvar-iyun oylarida jami 223,6 ming nafar chet el fuqarolari tijorat maqsadida O‘zbekistonga tashrif buyurgan. Ularning 207 536 nafari, ya’ni 92,7 foizi afg‘onistonlikdir. Undan keyingi o‘rinlarda Tojikiston (12 244 kishi) va Turkmaniston (1642) fuqarolari joylashdi. gazeta.uz »
Toshkentda issiqlik ta’minoti tariflari yil oxirigacha ikki marta oshmasligi aniq, dedi “Issiqlikta’minoti” AJ boshqaruv raisi. U yangi narxlar xalq deputatlari Toshkent shahar kengashiga kiritilgani, ammo narxlar qanday belgilanishi hozircha noaniq ekanligini ta’kidladi. gazeta.uz »
O‘zbekistonga avtomobillar importi keskin kamaydi, deb xabar berdi MB. Yil davomida yangi avtomobillar so‘mda 4,7%, dollarda esa 1,6% oshgan. Ishlatilganlari arzonlashda davom etmoqda. Ikkilamchi bozorda faollik pasaymoqda, bu, ehtimol, talab va xarid qobiliyatining pasayishi bilan bog‘liq. gazeta.uz »
S&P agentligi O‘zbekistonda inflyatsiya 2025-yilda 10,1 foiz bo‘lishini prognoz qilmoqda - bu MBning maqsadli ko‘rsatkichidan yuqori. Sabab - energiya resurslari tariflarining bosqichma-bosqich oshishi. gazeta.uz »
Shavkat Mirziyoyev Andijon viloyatida 2025-yilda erishilishi mo‘ljallangan maqsadlar bilan tanishdi. Viloyatda 5,7 mlrd dollarlik 166 ta investitsiya loyihasini amalga oshiriladi. Yil oxirigacha 305 ming kishining bandligini ta’minlash vazifasi qo‘yildi. Iqtisodiy o‘sish 5,5 foizgacha sekinlashishi kutilmoqda. gazeta.uz »
Osiyo taraqqiyot banki o‘zining yillik hisobotida O‘zbekistonda 2025 va 2026-yillarda iqtisodiy o‘sishni 6,6 va 6,7 foiz darajasida prognoz qilmoqda. Energiya narxlari oshishiga qaramay, inflyatsiya sekinlashishda davom etadi, deya hisoblaydi bank. gazeta.uz »
2025-yilning yanvar-fevral oylarida O‘zbekiston tabiiy gaz importini 4,6 barobar qisqartirdi, eksport esa 1,6 barobar oshdi. Mamlakat Qirg‘izistonga “ko‘k yoqilg‘i” yetkazib berishni tikladi, Xitoyga eksport esa kamaydi. gazeta.uz »
