çáåêèñòîí - Ïîñëåäíèå íîâîñòè [ Ôîòî â íîâîñòÿõ ] | |
JSST rahbari Toshkentda bo‘lib, Mehrli maktab gospital maktabi faoliyat yuritayotgan Bolalar onkologiyasi, gematologiyasi va immunologiyasi markaziga tashrif buyurdi. U O‘zbekiston birinchi xonimi va Zamin fondi rahbarining bolalar saratoniga qarshi kurash sohasidagi xizmatlarini qayd etdi. gazeta.uz »
O‘zbekistonda mehnat migratsiyasi geografiyasini kengaytirish va xorijdagi yuqori haq to‘lanadigan ishlar uchun kadrlar tayyorlashni kuchaytirish rejalashtirilmoqda. Xorijdagilar allaqachon 100 mingdan ortiq mutaxassisga talabnoma yuborgan. gazeta.uz »
2026-yilning yanvar-mart oylarida O‘zbekiston aeroportlari 4 millionga yaqin yo‘lovchiga xizmat ko‘rsatdi, bu o‘tgan yilning shu davriga nisbatan 19 foizga ko‘pdir. Uzbekistan Airports hisobotiga ko‘ra, aviareyslar soni 30 mingdan oshgan, yuk tashish hajmida esa 14 foizlik o‘sish qayd etilgan. gazeta.uz »
2021-yildan keyingi o‘sish sur’ati bilan O‘zbekiston 2040-yilgacha 1 trln dollarlik iqtisodiyotga aylanadi, deydi iqtisodchi Mirkomil Xolboyev. Uning aytishicha, o‘sish o‘rta va uzoq muddatda saqlanib qolsa, “dunyo O‘zbekiston iqtisodiy mo‘’jizasi haqida gapira boshlaydi”, faqat “katta xatolar qilinmasligi kerak”. gazeta.uz »
Prezidentga “Yangi O‘zbekiston yoshlari - 2030” strategiyasi loyihasi taqdimot qilindi. Hujjat yoshlar bandligi, ta’limi va salomatligi, yosh oilalarni qo‘llab-quvvatlash, volontyorlik harakatini kengaytirish, shuningdek, ochiqlik va ishtirok mexanizmlarini rivojlantirish masalalarini qamrab oladi. gazeta.uz »
Ruanda (Afrika) O‘zbekiston bilan diplomatik aloqalar o‘rnatgan 167-davlatga aylandi. Antaliyada TIV rahbarlari Baxtiyor Saidov va Olive Nduxungirexe tegishli kommyunike hamda siyosiy maslahatlashuvlar haqida memorandum imzoladi. gazeta.uz »
XVJ missiyasi O‘zbekistonga moliya tizimida hal qiluvchi ahamiyatga ega bo‘lgan DTBlarini davlat banklari sifatida saqlab qolish rejalarini qayta ko‘rib chiqishni tavsiya qildi. Mutaxassislarga ko‘ra, bu moliyaviy barqarorlik uchun risklarning ortishi va budjet xarajatlarining ko‘payishiga olib kelishi mumkin. gazeta.uz »
Toshkentda omborlar ijara narxi AQShdagidan yuqori ekani ma’lum bo‘ldi. Sabab - sifatli maydonlarning tanqisligi: omborxonalar sig‘imi rivojlangan davlatlardagiga nisbatan o‘nlab baravar past. Mintaqaviy forumda mazkur sanoatning rivojlanish istiqbollari va uning oldida turgan muammolar muhokama qilindi. gazeta.uz »
O‘zbekistonda faoliyat yuritgan Humans kompaniyasi asoschisi va rahbari Vladimir Dobrinin Interpol orqali xalqaro qidiruvga berildi. U kompaniya atrofida davom etayotgan sud va arbitraj muhokamalari fonida qimor o‘yinlarini tashkil etish hamda jinoiy daromadlarni legallashtirish ishi bo‘yicha gumonlanmoqda. gazeta.uz »
XVJ O‘zbekiston YAIM 2026-yilda 6,8 foizga o‘sishini prognoz qilmoqda. Yaqin Sharqdagi urush fonida noaniqlik darajasi yuqori saqlanib qolayotgani hisobiga iqtisodiy pasayish xavfi ham bor. Urushning ta’siri O‘zbekistonga asosiy hamkor davlatlar bilan savdo aloqalari va xomashyo narxlari o‘zgarishi orqali seziladi. gazeta.uz »
O‘zbekiston Jahon bankining Water Forward global tashabbusiga qo‘shildi. U 2030-yilgacha 1 mlrd aholi uchun suv xavfsizligini ta’minlashga qaratilgan. Dastur suv infratuzilmasini modernizatsiya qilish, resurslarni tejash va sohada islohotlarni qo‘llab-quvvatlashni nazarda tutadi. gazeta.uz »
Dunyoning yirik fondlari, jumladan, BlackRock va Franklin Resources, O‘zMIFning “anchor investorlari” sifatida ishtirok etadi. Ular London va Toshkent fond birjalarida kutilayotgan aksiyalarni joylashtirish doirasida jamg‘armaning 300 mln dollardagi qimmatli qog‘ozlarini sotib olish majburiyatini oldi. gazeta.uz »
Bosh vazir o‘rinbosari Jamshid Xodjayev boshchiligidagi O‘zbekiston delegatsiyasi BAAda qator muzokaralar o‘tkazdi. Keng qamrovli iqtisodiy sheriklik to‘g‘risidagi bitimni tezlashtirish, shuningdek, logistika, qurilish, infratuzilma, islomiy moliya, IT, ta’lim va boshqa sohalarda yangi loyihalar muhokama qilindi. gazeta.uz »
Qashqadaryo viloyati delegatsiyasining Belarusga tashrifi doirasida 4 ming gektar yerni ijaraga olishga kelishildi. U yerda 1 ming bosh qoramol yetishtirish rejalashtirilgan. Shuningdek, har yili 60 ming tonna mahsulot eksport qilish bo‘yicha shartnoma imzolandi. gazeta.uz »
Shavkat Mirziyoyev Rossiya prezidenti administratsiyasi rahbarining birinchi o‘rinbosari Sergey Kiriyenko boshchiligidagi delegatsiyani qabul qildi. Tomonlar birinchi AES qurilishi loyihasini amalga oshirish va tinch atom sohasidagi hamkorlikni muhokama qildi. gazeta.uz »
O‘zbekiston prezidenti 3,5 oy ichida neft-gaz tarmog‘i bo‘yicha oltinchi yig‘ilishni o‘tkazdi. Unda “O‘zbekneftgaz”ning birinchi chorakdagi faoliyati yakunlari ko‘rib chiqildi. Kompaniya gaz zaxiralari oshganini ma’lum qildi va qazib chiqarishni kuniga 6,7 mln kub metrga ko‘paytirish dasturini taqdim etdi. gazeta.uz »
Toshkent va Tel Aviv o‘rtasidagi muntazam aviareyslar qayta yo‘lga qo‘yilmoqda. Parvozlar Toshkentdan haftasiga 4 marta amalga oshiriladi. gazeta.uz »
Rossiya O‘zbekistonga tabiiy gaz va neft yetkazib berishni ko‘paytirishni, shuningdek, energetika sohasidagi hamkorlikni kengaytirishni rejalashtirmoqda. Bunga parallel ravishda gaz infratuzilmasini modernizatsiya qilish va yangi quduqlarni burg‘ilash davom etmoqda, dedi Rossiya bosh vaziri Mixail Mishustin. gazeta.uz »
Osiyo taraqqiyot banki O‘zbekiston iqtisodiyoti yaqin 2 yilda barqaror o‘sishda davom etadi, deb hisoblaydi. Bank prognoziga ko‘ra, 2025-yilda yalpi ichki mahsulot 7,7 foizga o‘sgach, 2026-yilda bu ko‘rsatkich 6,7 foizni, 2027-yilda esa 6,8 foizni tashkil etadi. gazeta.uz »
Jahon banki O‘zbekiston iqtisodiyoti 2026-yilgi o‘sish prognozini 0,4% bandga - 6,4% gacha oshirdi. 2027-yilgi o‘sish prognozi esa 0,8% bandga yaxshilanib, 6,7% ni tashkil etdi. Ayni paytda, JB iqtisodiyotda davlat sektori ustun mavqega ega bo‘lib, xususiy sektorning roli cheklanganicha qolayotganini ko‘rsatmoqda. gazeta.uz »
O‘zbekiston va Qozog‘iston chegarasidagi “G‘ishtko‘prik” (“Jibek Joli”) o‘tkazish punkti sentabrda faoliyatini tiklaydi. Modernizatsiyadan so‘ng mazkur punktning o‘tkazuvchanlik qobiliyati 2 baravardan ko‘proqqa oshadi. gazeta.uz »
O‘zbekiston prezidenti Buxoroda Qozog‘iston prezidentiga noyob arxiv hujjatlarining nusxalarini topshirdi. Gap Turkistondagi Xo‘ja Ahmad Yassaviy hamda Mirzo Ulug‘bekning qizi Robiya Sultonbegim maqbaralariga oid 1920−1950-yillarga tegishli hujjatlar, chizma va fotomateriallar haqida bormoqda. gazeta.uz »
O‘zbekiston va Qozog‘iston rahbarlari Buxorodagi uchrashuvda chegaraoldi hududlarida “Toza havo” loyihasini birgalikda ilgari surish va suvdan oqilona foydalanish ustida ishlashga kelishib oldi. Mamlakatlar tashqi bozorlarga samarali chiqish uchun chegara infratuzilmasini birgalikda modernizatsiya qilish niyatida. gazeta.uz »
Shavkat Mirziyoyev Buxoroga jo‘nab ketdi, u yerda 11-aprel kuni Qozog‘iston prezidenti Qasim-Jomart Toqayev bilan oliy darajadagi muzokaralar o‘tkaziladi. Tomonlar savdo va kooperatsiyani muhokama qiladi, tarixiy obidalarni aylanadi, sanoat korxonalari faoliyati va mahsulotlar ko‘rgazmasi bilan tanishadi. gazeta.uz »
13 ta davlat kompaniyasidagi ulushlarni birlashtirgan O‘zbekiston Milliy investitsiya jamg‘armasi o‘z aksiyalarini London va Toshkent fond birjalarida sotishni rejalashtirmoqda. Franklin Templeton 2,44 mlrd dollarlik portfel tafsilotlarini e’lon qildi. gazeta.uz »
O‘zbekiston va AQSh bu yil qo‘shma investitsiya platformasini ishga tushiradi. Bu Prezident Administratsiyasi va AQSh Xalqaro taraqqiyot moliya korporatsiyasi rahbarlarining uchrashuvida muhokama qilindi. gazeta.uz »
O‘zbekiston TIV Pokiston vositachiligida Yaqin Sharqda o‘t ochishni to‘liq to‘xtatish va sulh o‘rnatilishi e’lon qilinganini olqishladi. “Bu keskinlikni yumshatish va maqbul yechimlarni topishdagi muhim qadamdir”, deyiladi bayonotda. gazeta.uz »
Vashingtonda Amerika-O‘zbekiston ishbilarmonlik va investitsiya kengashini rasman ishga tushirish marosimi bo‘lib o‘tdi. Unda kengash hamraislari - O‘zbekiston Prezidenti administratsiyasi rahbari Saida Mirziyoyeva hamda AQSh prezidentining Janubiy va Markaziy Osiyo bo‘yicha maxsus vakili Serjio Gor ishtirok etdi. gazeta.uz »
O‘zbekiston Afg‘oniston bilan farmatsevtika savdosini 500 mln dollarga yetkazishni rejalashtirmoqda. Kobulda sanoat va savdo, sog‘liqni saqlash vazirlari va AFDA bilan uchrashuvlarda eksportni oshirish, ro‘yxatdan o‘tkazishni soddalashtirish, GDP standartlari va qo‘shma loyihalar masalalari muhokama qilindi. gazeta.uz »
Ukraina urushga jalb qilingan O‘zbekiston fuqarolari masalasida har bir alohida holat bo‘yicha Toshkent bilan hamkorlik qilishga tayyor. Bu haqda Ukraina TIV rahbari o‘rinbosari Aleksandr Mishenko Toshkentga tashrifi yakunlari bo‘yicha ma’lum qildi. gazeta.uz »
2026-yilda O‘zbekiston Ukrainadan kelgan bolalarni sog‘lomlashtirish dasturini qayta tiklashni, shuningdek gumanitar yordam ko‘rsatishni rejalashtirmoqda. Bu haqda Ukraina tashqi ishlar vaziri o‘rinbosari Aleksandr Mishenko O‘zbekiston TIVda bo‘lib o‘tgan uchrashuv yakunlari bo‘yicha ma’lum qildi. gazeta.uz »
O‘zbekiston OTMlari milliy reytingiga ko‘ra moliyaviy rag‘batlantiriladi. U10 dasturi amalga oshiriladi. Dastur doirasida 10 ta OTM milliy tadqiqot universiteti maqomi beriladi. Davlat granti uchun ajratiladigan mablag‘lar miqdori yo‘nalishining murakkabligi, OTM reytingi va hakazoga ko‘ra ajratiladi. gazeta.uz »
O‘zbekiston 2026-yilgi yozgi mavsumda Rossiya aviakompaniyalari uchun asosiy xalqaro yo‘nalishga aylandi (67 ta yo‘nalish). Ta’kidlanishicha, 2019-yilda mamlakat Rossiya bilan yo‘lovchi tashishda 9-o‘rinda bo‘lgan. gazeta.uz »
Milliy valyutadagi xalqaro obligatsiyalarni tarixiy minimal - 12,25% stavkada chiqarish orqali qarz jalb qilindi. Investorlarning kuchli talabi qarz olish qiymatini pasaytirib, ekvivalent hisobida 1 mlrd dollar jalb etishga imkon berdi. gazeta.uz »
O‘zbekistonda quruqlik orqali logistika cheklangan hollarda aviatashuvlar xarajatlarining bir qismini qoplash rejalashtirilmoqda, dedi Ilhom Norqulov. Yilning birinchi uch oyi yakunlari bo‘yicha YAIM 7,5% o‘sishi kutilmoqda, ammo iqtisodiyot ko‘rsatkichlari uchun “hal qiluvchi” davr ikkinchi chorak bo‘ladi. gazeta.uz »
Yangi aeroport qurilishi Toshkentni mintaqa aviahabiga aylantirishi mumkin. O‘zbekistonga Dubay va Istanbul bilan raqobatlashishda qanday qadamlar yordam beradi, xavfsizlik masalalari bu raqobatga qanday ta’sir ko‘rsatishi mumkin? Gazeta Boston Consulting Group ekspertlari bilan istiqbollarni muhokama qildi. gazeta.uz »
O‘zbekiston 2030-yilgacha sayyohlar oqimini 20 mln kishiga va turizmning iqtisodiyotdagi ulushini 7 foizga yetkazishni reja qilmoqda. Bu prezidentning BMT Turizm bosh kotibi bilan o‘tkazgan uchrashuvida muhokama qilindi. gazeta.uz »
Futbol bo‘yicha O‘zbekiston milliy terma jamoasi FIFA reytingida 2 pog‘ona yuqorilab, 50-o‘ringa chiqdi. Reytingda uzoq muddatdan beri peshqadamlik qilib kelgan Ispaniya o‘rnini Fransiya egalladi. gazeta.uz »
Yanvar-fevral oylarida O‘zbekiston eksporti asosan oltin yetkazib berilmagani sabab 23,4% ga kamayib, 3,5 mlrd dollarni tashkil etdi. Qimmatbaho metall ketma-ket 5-oy sotilmayapti. Boshqa eksport yo‘nalishlarida savdo oshgan. gazeta.uz »
O‘zbekiston terma jamoasi o‘z uyida Venesuelani penaltilar seriyasida mag‘lub etib, FIFA Series turnirida g‘olib bo‘ldi. Abduqodir Husanov turnirning eng yaxshi o‘yinchisi deb topildi. Gazeta muxbiri Murod Yusuf ushbu o‘yinning eng qiziqarli lahzalaridan fotoreportajni taqdim etadi. gazeta.uz »
O‘zbekiston terma jamoasi o‘z uyida Venesuelani penaltilar seriyasida mag‘lub etib, FIFA Series turnirida g‘olib bo‘ldi. Abduqodir Husanov turnirning eng yaxshi o‘yinchisi deb topildi. Gazeta muxbiri Murod Yusuf ushbu o‘yinning eng qiziqarli lahzalaridan fotoreportajni taqdim etadi. gazeta.uz »
O‘zbekiston futbolchilari Toshkentda o‘tkazilgan FIFA Series xalqaro turniri g‘olibi bo‘ldi. Finalda Fabio Kannavaro shogirdlari Venesuela ustidan penaltilar seriyasida g‘alaba qozondi. gazeta.uz »
O‘zbekistonda “tarif inversiyasi” - tayyor mahsulot importi mahalliy ishlab chiqarishdan arzonroq tushadigan holatlarga chek qo‘yish bo‘yicha tajriba joriy etiladi. 15 xil tovar, jumladan, qandolat mahsulotlari, bolalar ozuqasi ishlab chiqarish uchun xomashyo bojlari bekor qilinadi. Rasmiylar bu qanday ishlashi haqida. gazeta.uz »
O‘zbekiston-Afg‘oniston ishbilarmonlar kengashi tashkil etildi. Qurilish materiallari, farmatsevtika, oziq-ovqat, to‘qimachilik, elektrotexnika kabi tarmoqlar qamrab olinadi. Tomonlar savdo-iqtisodiy hamkorlikni kengaytirish va o‘zaro savdo hajmini 5 mlrd dollarga yetkazish bo‘yicha chora-tadbirlarni kelishib oldi. gazeta.uz »
Investitsiyalar, sanoat va savdo vaziri Laziz Qudratov tashqi qarz aholi ertaga emas, hozir yaxshi yashashini ta’minlash, sanoat rivojlanishi va investorlarni jalb qilish uchun infratuzilma yaratish imkonini berishini aytdi. gazeta.uz »
O‘zbekiston va Tojikiston munosabatlari 30 yilda fuqarolar uchun viza tartibi va minalangan chegaralardan tortib, ittifoqchilik aloqalarigacha bo‘lgan yo‘lni bosib o‘tdi. Tovar ayirboshlash hajmi 1 mlrd dollarga yaqinlashdi. gazeta.uz »
O‘zbekiston Lesoto bilan diplomatik munosabatlar o‘rnatdi. Afrikada joylashgan qirollik O‘zbekiston diplomatik munosabatlar o‘rnatgan 166-davlat bo‘ldi. gazeta.uz »
O‘zbekiston milliy terma jamoasi FIFA series musobaqalarini gabonlik raqiblari ustidan g‘alaba bilan boshladi. Gazeta muxbiri Murod Yusuf Eldor Shomurodov milliy terma jamoadagi 44-golini urgan va Jahongir O‘rozov debyut o‘yinida qahramonga aylangan o‘yindan fotoreportaj tayyorladi. gazeta.uz »
O‘zbekiston futbolchilari FIFA Series turnirini Gabon ustidan qozonilgan g‘alaba bilan boshladi. Jamoa 6-daqiqada gol o‘tkazib yubordi, ammo o‘yinni o‘zgartirib, 3:1 hisobida g‘alaba qozondi. Gollarga Eldor Shomurodov (MTJda 44-gol), Jahongir O‘rozov va Alisher Odilov mualliflik qildi. gazeta.uz »
BMT Bosh assambleyasi transatlantik qul savdosini insoniyatga qarshi eng og‘ir jinoyat deb e’tirof etuvchi rezolyutsiyani qabul qildi. Hujjatni 123 davlat, jumladan O‘zbekiston qo‘llab-quvvatladi. U davlatlarni uzr so‘rash va reparatsiyalar masalasini ko‘rib chiqishga chaqiradi. gazeta.uz »
