çáåêèñòîí - Ïîñëåäíèå íîâîñòè [ Ôîòî â íîâîñòÿõ ] | |
Saudiya Arabistonida o‘tgan VI Islom birdamligi o‘yinlarida o‘zbekistonliklar 96 ta medal (29 ta oltin, 35 ta kumush va 32 ta bronza) bilan Turkiyadan keyin ikkinchi o‘rinni band etdi. O‘zbekiston kabi 29 ta oltin jamg‘argan Eron uchinchi bo‘ldi. gazeta.uz »
Prezident uy-joy va ipoteka bozorini rivojlantirishga oid farmonni imzoladi. Hujjatda yillik qurilish hajmini 421 ming xonadongacha oshirish, ipoteka portfelini 10 baravarga - 56,7 milliard dollargacha kengaytirish va kompleks qurilishning yangi modelini joriy etish ko‘zda tutilgan. gazeta.uz »
Better Cotton Initiative va O‘zbekiston yengil sanoatni rivojlantirish agentligi paxta klasterlari va yetkazib beruvchilar uchun Better Cotton sertifikatlash xarajatlarini qoplovchi jamg‘arma tashkil etilishini e’lon qildi. gazeta.uz »
Futbol bo‘yicha O‘zbekiston milliy terma jamoasi FIFA reytingida 5 pog‘ona yuqorilab, 50-o‘rinni egalladi. Osiyoda esa Qatarni quvib o‘tib, 5-jamoaga aylandi. Reytingda hamon Ispaniya, Argentina va Fransiya yetakchilik qilmoqda. gazeta.uz »
Myunxenda bo‘lib o‘tgan One Young World yoshlar sammitida O‘zbekiston Xalqaro talabalar ittifoqi ijrochi direktori Asha Buxarbayeva mamlakat nomidan ishtirok etdi. U Markaziy Osiyo yoshlarini ijtimoiy va madaniy mintaqaviy loyihalarga jalb etish muhimligini ta’kidladi. gazeta.uz »
Prezident Bandlik vazirligiga mehnat muhojirlarining malakasini baholash tizimini yaratishni topshirdi. Xorijda ishlayotganlarni huquqiy va axboriy qo‘llash uchun mobil ilova ishlab chiqiladi. Yevropa, Osiyo va Fors ko‘rfazi mamlakatlariga mehnat migratsiyasini kengaytirish rejalashtirilgan. gazeta.uz »
O‘zbekiston islohotlar va mehnat unumdorligining oshishi hisobiga 2030-yildan oldin o‘rtachadan yuqori daromadli mamlakatlar qatoriga kirishi mumkin, dedi Jamshid Qo‘chqorov. Iqtisodchi Mirkomil Xolboyevning fikricha, bu maqsadga 2027-yilgacha erishish mumkin, biroq natija tashqi omillarga ham bog‘liq. gazeta.uz »
BAAda o‘tkazilgan Al Ain International Cup finalida O‘zbekiston Eronni penaltilar seriyasida mag‘lub etdi va turnir g‘olibiga aylandi (foto, video). gazeta.uz »
Prezident Shavkat Mirziyoyevga ko‘mir qazib chiqarish natijalari va oldindagi vazifalar taqdimot qilindi. 2025/2026-yillar kuz-qish mavsumida 10 million tonna ko‘mir ishlab chiqarish, aholini ko‘mir bilan kafolatli ta’minlash, mahsulot tannarxini tushirish rejalashtirilmoqda. gazeta.uz »
O‘zbekiston, Tojikiston va Qirg‘iziston TIV rahbarlari Davlat chegaralarining tutash nuqtasi to‘g‘risidagi shartnoma ratifikatsiyasi yorliqlarini almashish bayonnomasini imzoladi. Bu ko‘p yillik kelishuv jarayonining yakuni bo‘ldi. gazeta.uz »
O‘zbekiston futbolchilari futbol bo‘yicha U-17 jahon chempionati 1/8 finalida Italiyaga mag‘lub bo‘ldi. Uchrashuv 2:3 hisobida yakunlandi, Islom Ismoilov shogirdlari turnirdagi ishtirokini tugatdi. gazeta.uz »
Bachadon bo‘yni saratoni oldini olish va davolash mumkin, ammo u ayollar salomatligi uchun tahdid bo‘lib qolmoqda. O‘zbekiston ma’lum progressga erishdi, endi profilaktika, skrining, davolash va kuzatuvni yagona tizimga birlashtirish kerak, deb yozadi o‘z kolonkasida JSST vakolatxonasi rahbari Ashina Xalakdina. gazeta.uz »
Osiyo taraqqiyot banki bilan O‘zbekiston maktablarida STEM ta’limni modernizatsiya qilishga qaratilgan “O‘rta ta’limda STEM” loyihasi uchun 100 mln dollarlik kredit kelishuvi imzolandi. gazeta.uz »
Shavkat Mirziyoyev va OTB prezidenti Masato Kando boshchiligidagi delegatsiyasi uchrashuvida 15 mlrd dollarlik loyihalar portfelini yanada kengaytirish masalalari ko‘rib chiqildi. Suhbatda “yashil” energetika, transport, raqamli transformatsiya, ta’lim kabi sohalardagi loyihalar muhokama qilindi. gazeta.uz »
O‘zbekiston 2026-yilda ham Afg‘onistonga elektr energiyasini yetkazib berishda davom etadi. Tegishli shartnoma Energetika vazirligi va DABS kompaniyasi o‘rtasida imzolandi. Afg‘onistonda yuqori kuchlanishli elektr uzatish tarmoqlari va podstansiyalari qurilishini yanada jadallashtirish masalalari muhokama qilindi. gazeta.uz »
O‘zbekiston va Turkmaniston fuqarolari “Shovot-Toshhovuz” chegaraoldi savdo zonasiga vizasiz kirish va chiqish huquqiga ega bo‘ladi. Hozirda savdo zonasi 6 gektarni tashkil etadi, zarurat tug‘ilganda hudud alohida xalqaro kelishuv orqali kengaytirilishi mumkin. gazeta.uz »
2024-yil uchun O‘zbekiston iqtisodiyoti hajmi qayta hisoblanib, $115 mlrddan $121,4 mlrdgacha oshirildi. O‘sish metodologik o‘zgarishlar va hisobotlarni aniqlashtirish bilan bog‘liq. YAIM hisob-kitoblariga budjetdan tashqari jamg‘armalar xarajatlari, yangi xizmatlar va soliq organlari ma’lumotlari kiritildi. gazeta.uz »
AQSh va O‘zbekiston o‘rtasidagi 5 mlrd dollarlik kelishuv nafaqat avtokomponentlar yetkazib berish, balki mamlakat avtomobilsozlik sanoatini har tomonlama rivojlantirishga ham taalluqli, deb xabar berdi UzAuto Motors Gazeta’ga. gazeta.uz »
Muzokaralardan so‘ng Shavkat Mirziyoyev va Serdar Berdimuhamedov Qo‘shma bayonot imzoladilar. Bundan tashqari ikki davlat o‘rtasida chegaraoldi savdo zonasi faoliyati to‘g‘risida, temir yo‘l vagonlarini yetkazib berish va boshqa sohalar bo‘yicha bitim hamda shartnomalar imzolandi. gazeta.uz »
O‘zbekiston va Turkmaniston prezidentlari Toshkentdagi uchrashuvda “Shovot-Toshhovuz” chegaraoldi savdo zonasini masofadan turib ishga tushirdi. Shunday hududlarni boshqa tumanlarda ham ochish reja qilinyapti. gazeta.uz »
O‘zbekistonlik futbolchilar 17 yoshgacha bo‘lgan futbolchilar o‘rtasidagi Jahon chempionatining 1/16 finalida Xorvatiya ustidan g‘alaba qozondi. Uchrashuv taqdirini penaltilar seriyasi hal qildi. Keyingi raqib Italiya bo‘ladi. gazeta.uz »
Qozog‘iston prezidentining O‘zbekistonga bu galgi tashrifi ko‘p qirrali hamkorlikni kengaytirishda muhim bosqichni boshlab berdi, dedi Shavkat Mirziyoyev. Qozog‘iston va O‘zbekiston raqib yoki raqobatchi emas, balki taraqqiyot yo‘lida birgalikda borayotgan ishonchli ittifoqchilardir, dedi Qasim-Jomart Toqayev. gazeta.uz »
Qasim-Jomart Toqayevning O‘zbekistonga davlat tashrifida ikki davlat o‘rtasida qator hujjatlar imzolandi. Bojxona xizmati vakolatxonalarini ochish, qo‘shma harbiy o‘quvlarni o‘tkazish, qo‘shma investitsiya platformasini yaratish va tog‘-kon sanoatida hamkorlikni rivojlantirish to‘g‘risidagi bitimlar shular jumlasidan. gazeta.uz »
O‘zbekiston terma jamoasi Oston O‘runovning dubli evaziga Misrni mag‘lub etdi va Dubaydagi o‘rtoqlik turniri finaliga yo‘l oldi. Gazeta fotomuxbiri Yevgeniy Sorochin o‘yindan reportaj tayyorladi. gazeta.uz »
FIFA kunlari doirasida Dubayda o‘tayotgan Al Ain International Cup xalqaro o‘rtoqlik turnirida O‘zbekiston terma jamoasi Misrni 0:2 hisobida yengdi, har ikki golga Oston O‘runov mualliflik qildi. Endi jamoa 18-noyabr kuni finalda Eronga qarshi o‘ynaydi (foto, video). gazeta.uz »
O‘zbekiston davlat banklarini xususiylashtirishning yanada manzilli modeliga o‘tmoqda, deydi Fitch Ratings. “O‘zsanoatqurilishbank” sotuvga eng tayyor bankdir va boshqa davlat banklari uchun transformatsiya bo‘yicha namuna bo‘lishi ehtimoli bor. gazeta.uz »
“O‘zbekiston temir yo‘llari”ning sof foydasi 2025-yil oxirigacha 1,2 trln so‘mga (taxminan $100 mln) yetishi mumkin. Ikki yil ichida kompaniya 2,23 trln so‘m zarardan to chiptalar narxi oshishi fonida daromadning keskin o‘sishigacha bo‘lgan yo‘lni bosib o‘tdi. gazeta.uz »
Samarqandda YUNESKO Bosh konferensiyasining 43-sessiyasi yakunlandi. Ishtirokchilar O‘zbekistonga minnatdorlik bildirib, mamlakat dunyoga ochiqligini, diplomatiya va muloqot, tinchlik va o‘zaro hamjihatlikni qo‘llab-quvvatlashga sodiqligini namoyish etganini ta’kidladi. gazeta.uz »
Hyundai Rotem tezyurar poyezdlari dekabrdan O‘zbekistonga yetib kela boshlaydi, 2026-yildan esa “Toshkent - Urganch - Xiva” yo‘nalishida harakatlanadi. Toshkent va uning aglomeratsiyasi uchun 23 ta “elektrichka”, tog‘li uchastkalar uchun Janubiy Koreya poyezdlari va Xitoydan 88 ta lokomotiv xarid qilish ko‘zda tutilgan. gazeta.uz »
O‘zbekiston Britaniyaning BP kompaniyasi bilan Ustyurtda mahsulot taqsimotiga oid bitimga qo‘shilish bo‘yicha dastlabki muzokaralar olib bormoqda. Energovazirlikning Gazeta’ga bildirishicha, kompaniyaning qiziqishi tasdiqlangan. gazeta.uz »
Xitoy - Qirg‘iziston - O‘zbekiston temiryo‘lining qurilishi dastlabki grafikdan oldinda ketmoqda va 6 yil o‘rniga 4 yilda yakunlanishi mumkin, dedi “O‘zbekiston temir yo‘llari” rahbari birinchi o‘rinbosari Hikmatulla Rahmatov. gazeta.uz »
Shavkat Mirziyoyev AQShning Yuta shtati biznes delegatsiyasini qabul qildi. Tomonlar innovatsiya, tog‘-kon sanoati, inklyuziv ta’lim, sog‘liqni saqlash kabi sohalarda katta salohiyat borligini ta’kidladi. gazeta.uz »
O‘zbekiston prezidenti Shavkat Mirziyoyev YUNESKOning yangi saylangan bosh direktori Holid al-Ananiy bilan uchrashib, uni lavozimga saylangani bilan tabrikladi. Tomonlar hamkorlikni faollashtirish, tashkilotning mamlakatdagi loyihaviy faoliyatini kengaytirish masalalarini muhokama qildi. gazeta.uz »
Yangi o‘yinchilar, jumladan, BYD kompaniyasi kelishi O‘zbekiston avtomobil bozori rivojlanishiga turtki bo‘lmoqda. Ammo raqobat UzAuto Motors’ning ustun mavqeini saqlash uchun tartibga solinyapti, deya ta’kidlaydi Moody’s agentligi. gazeta.uz »
O‘zbekiston AQShda vatandoshlar diasporalari to‘plangan hududlarda (Filadelfiya, Chikago, Orlando va Sietl) yangi konsulxonalar ochishni rejalashtirmoqda. Ushbu konsulxonalarning vazifasi vatandoshlar bilan aloqalarni yo‘lga qo‘yishdan tashqari, ikki mamlakat o‘rtasidagi hamkorlikni kengaytirishga ko‘maklashish bo‘ladi. gazeta.uz »
Prezident administratsiyasi rahbari Saida Mirziyoyeva Amerika-O‘zbekiston ishbilarmonlik va investitsiya kengashi hamraisi bo‘ldi. Mamlakatlar Investitsiyalarni o‘zaro rag‘batlantirish va himoya qilish to‘g‘risidagi bitimni ishlab chiqishni boshlaydi. gazeta.uz »
O‘zbekiston va AQSh foydali qazilmalarni birgalikda qazib olib, tayyor mahsulotni eksport qiladi. Prezidentning AQShga tashrifi doirasida Geologiya vazirligi va Denali Exploration group kompaniyasi o‘rtasida nodir yer elementlarini ishlab chiqarish bo‘yicha hamkorlik to‘g‘risida bitim imzolangan. gazeta.uz »
O‘zbekiston futbolchilari 17 yoshgacha bo‘lgan futbolchilar o‘rtasidagi jahon chempionati guruh bosqichining uchinchi o‘yinida Panama ustidan yirik 6:1 hisobida g‘alaba qozondi. Jamoa J guruhida ikkinchi o‘rinni egalladi va 1/16 finalga yo‘l oldi. gazeta.uz »
O‘zbekiston Amerikaning “dunyo atom energetikasi yetakchisi” bo‘lgan kichik yadroviy reaktor texnologiyalarini o‘rganishga tayyor, dedi “O‘zatom” rahbari Azim Axmedxadjayev Gazeta’ga. Uning qo‘shimcha qilishicha, mamlakat atom energetikasi sohasida hamkorlik va texnologiyalar diversifikatsiyasini davom ettirmoqda. gazeta.uz »
O‘zbekiston energetika sohasida AQSh va boshqa mamlakatlar kompaniyalari bilan hamkorlikni kengaytirishni rejalashtirmoqda, dedi energetika vaziri. Xususan, Schlumberger bilan qazish, Honeywell bilan avtomatlashtirish, Siemens Energy bilan esa gaz-transport tizimini elektrlashtirishda hamkorlik qilinadi. gazeta.uz »
O‘zbekiston MTJ bosh murabbiyining sobiq yordamchisi Timur Kapadze Fabio Kannavaro kelganidan so‘ng “noqulaylik”dan qochish va faoliyatini mustaqil mutaxassis sifatida davom ettirish maqsadida jamoani tark etishga qaror qilganini aytdi. gazeta.uz »
Oktabr oxiriga kelib O‘zbekistonning xalqaro zaxiralari 60 mlrd dollarga yaqinlashdi, bu statistika davridagi eng yuqori ko‘rsatkich. O‘sish, avvalo, mamlakat umumiy zaxiralarining 80% dan ortig‘ini tashkil etuvchi oltin narxi oshishi bilan bog‘liq. gazeta.uz »
Raqamli vazirlik va Nvidia O‘zbekistonda ikkita SI klasterini yaratishni muhokama qildi. Mamlakat 2026-yilda Nvidia infratuzilmasini korxona, bank va davlat tashkilotlarida joriy etish imkoniyatini o‘rganmoqda. gazeta.uz »
Amerikaliklar uchun vizasiz rejim joriy etilgandan so‘ng, O‘zbekiston AQSh bilan o‘z fuqarolari va biznes uchun viza tartibini soddalashtirishni muhokama qiladi, dedi transport vaziri o‘rinbosari Choriyev. gazeta.uz »
AQSh O‘zbekistonda birgalikda qazib olinadigan foydali konlardan ustuvor shaklda foydalanish huquqiga ega bo‘ladi, shuningdek, mudofaa ehtiyojlari uchun kichik modulli yadroviy reaktorlar va uskunalar yetkazib beradi. gazeta.uz »
O‘zbekiston JSTga a’zo bo‘lish doirasida Ekvador bilan ikki tomonlama muzokaralarni yakunladi. Azizbek Urunovning so‘zlariga ko‘ra, tashkilotga a’zo bo‘lish doirasida yana ikkita davlat bilan muzokaralar o‘tkazish kerak. gazeta.uz »
17 yoshgacha bo‘lganlar o‘rtasidagi Jahon chempionati guruh bosqichining ikkinchi o‘yinida O‘zbekiston futbolchilari Irlandiyaga 2:1 hisobida mag‘lub bo‘ldi. Jamoa guruhda ikkinchi o‘rinda bormoqda. gazeta.uz »
Shavkat Mirziyoyev General Motors International direktori bilan avtomobillarni mahalliylashtirishni chuqurlashtirish va mahsulot turlarini kengaytirish masalalarini muhokama qildi. “O‘zbekiston - strategik muhim davlat… Mamlakatda Chevrolet’ning keng tarqalgani meni quvontiradi”, - dedi kompaniya vakili. gazeta.uz »
O‘zbekiston va YI viza rejimini soddalashtirish bo‘yicha muzokaralar o‘tkazishi mumkin, ammo bu ertangi kun masalasi emas, dedi YIning O‘zbekistondagi elchisi Gazeta’ga. Unga ko‘ra, bu ikki tomonlama munosabatlar mustahkamlanishi va o‘zbekistonliklarning YI davlatlari viza qoidalariga rioya qilishiga bog‘liq. gazeta.uz »
Samarqandda YUNESKO Bosh konferensiyasining 43-sessiyasi doirasida sun’iy idrok etikasi bo‘yicha tadqiqotlar uchun Beruniy nomidagi YUNESKO-O‘zbekiston xalqaro mukofotining ilk sovrindorlariga mukofotlar topshirildi. gazeta.uz »
