áèðèí÷è - Ïîñëåäíèå íîâîñòè [ Ôîòî â íîâîñòÿõ ] | |
Sardor Rajabov oliy ta’lim, fan va innovatsiyalar vazirining birinchi o‘rinbosari etib tayinlandi. U bungacha maktabgacha va maktab ta’limi vazirining o‘rinbosari edi, bu lavozimga Azizbek Turdiyev qo‘yildi. gazeta.uz »
2025-yilda bog‘cha o‘rinlarini qo‘shimcha 182 mingtaga ko‘paytirish reja qilinmoqda. Prezident qator tumanlar hokimlarini ushbu masalani o‘ylamayotgani uchun tanqid qildi. Endi 80 ta tumanda va ko‘p qavatli uylarning birinchi qavatida bog‘cha ochish uchun imtiyoz beriladi. gazeta.uz »
Tog‘-kon sanoati va geologiya vazirining birinchi o‘rinbosari Omonulla Nasritdinxodjayev lavozimini tark etdi. Uning o‘rnini avval OKMK va “O‘zsanoatqurilishbank” tuzilmalarida ishlagan Feruza Xamidova egalladi. gazeta.uz »
Osiyo taraqqiyot banki va ACWA Power Qorao‘zak tumanida shamol elektr stansiyasi va akkumulyator asosida energiyani saqlash tizimini qurish uchun 51 mln dollar miqdoridagi qarz paketini imzoladi. U Markaziy Osiyodagi birinchi kommunal miqyosdagi energiyani akkumulyator yordamida saqlash tizimiga ega SHES hisoblanadi. gazeta.uz »
Alisher Usmanov Oliy sud raisining birinchi o‘rinbosari bo‘ldi. U shu paytgacha qator viloyat va tuman sudlari raisi hamda prezident maslahatchisi lavozimlarida faoliyat yuritgan. gazeta.uz »
SSP raisi Davron Vahobov prezidentning qishloq xo‘jaligi mahsulotlariga QQSni bekor qilish qarorini “tarixiy” deb atadi. Uning so‘zlariga ko‘ra, ushbu chora fermerlarga naqd hisob-kitobdan voz kechish, “yashirin” iqtisodiyotdan chiqish va takroriy ekin ekish bilan yanada faol shug‘ullanish imkonini beradi. gazeta.uz »
Arnasoy tumanida qurilishi davom etayotgan aeroport sinov tariqasida birinchi samolyotni qabul qildi. Uzbekistan Airways’ning LET-410 havo kemasi orqali uning texnik imkoniyatlari sinovdan o‘tkazildi. gazeta.uz »
Bugun O‘zbekistondagi 10 mingdan ziyod maktabda “Birinchi qo‘ng‘iroq” chalindi. Gazeta muxbiri Farg‘onaning Beshariq tumanidagi 11-maktabda o‘tkazilgan shunday tadbirda bo‘ldi. Bu maktabga 137 nafar o‘quvchi 1-sinfga qabul qilindi. gazeta.uz »
O‘tgan yillardan farqli o‘laroq, bu o‘quv yili poytaxtda transport kollapsisiz boshlandi. Ko‘chalarda tirbandlik kuzatilmadi, metro ham nisbatan bo‘sh bo‘ldi. 2-sentabr kuni Gazeta fotomuxbirlari shaharni kadrlarga muhrladi. gazeta.uz »
Toshkentda tibbiyot chiqindilarini yoqish orqali issiqlik energiyasini ishlab chiqaruvchi mamlakatdagi ilk zavod ishga tushirildi. AQShning Sayar kompaniyasi tomonidan qurilgan zavod kuniga 20 soatda 6 tonnagacha chiqindi yoqish quvvatiga ega. gazeta.uz »
Yo‘l harakati xavfsizligi xizmati O‘zbekiston aholisini o‘quv yilining birinchi kunida ko‘chalarda tirbandlik yuzaga kelmasligi uchun avtomobil emas, jamoat transportidan foydalanishga chaqirdi. gazeta.uz »
Janubiy Koreyaning sobiq birinchi xonimi Kim Keon Xi - mamlakatning hibsga olingan sobiq prezidenti Yun Sok Yolning rafiqasiga korrupsiya, qimmatli qog‘ozlar bilan bog‘liq firibgarlik va siyosiy jarayonga aralashish ayblovlari qo‘yildi. gazeta.uz »
Prezident Shavkat Mirziyoyev AQSh prezidentining global sherikliklar bo‘yicha maxsus vakili Paolo Zampollini qabul qildi. Uchrashuvda O‘zbekiston va AQSh o‘rtasidagi Kengaytirilgan strategik sheriklik muloqotining birinchi yig‘ilishi joriy yilning kuzida bo‘lib o‘tishi ta’kidlandi. gazeta.uz »
UzAuto Motors’ning sof foydasi yilning birinchi yarmida 27,5% kamaydi. Asosiy pasayish birinchi chorakda sodir bo‘ldi, biroq ishlab chiqaruvchi ikkinchi chorakda yo‘qotishlarini qisman qopladi. gazeta.uz »
Birinchi yarim yillikda O‘zbekiston tashkiliy mehnat migratsiyasi imkoniyatlarini kengaytirdi. 17 ta davlat va 22 ta xalqaro tashkilot vakillari bilan o‘tkazilgan muzokaralar natijasida 1500 dollardan yuqori maoshli 211 mingta yangi ish o‘rni aniqlandi. gazeta.uz »
Alisher Boboyev sog‘liqni saqlash vazirining birinchi o‘rinbosari etib tayinlandi. U bunga qadar Qashqadaryo viloyati SSB boshlig‘i sifatida ishlab kelayotgandi. gazeta.uz »
Dilshod Axatov O‘zbekistonning Lixtenshteyn knyazligidagi birinchi elchisi bo‘ldi. U bir vaqtda Germaniya, Shveysariya va Chexiyada ham elchi hisoblanadi. gazeta.uz »
Yil boshida xususiylashtirilgan Humo to‘lov tizimi sof foydasi olti oyda 124,3 mlrd so‘mga yetdi, bu o‘tgan yilga nisbatan 73% ko‘p. O‘sish, ayniqsa, ikkinchi chorakda (2,2 karra) tariflar oshishi fonida keskin bo‘ldi. gazeta.uz »
Kambag‘allikni qisqartirish va bandlik vazirligi 6 oy ichida ishsizlik darajasi 5,5%dan 5,1%ga tushganini ma’lum qildi. Iyun yakunlariga ko‘ra, O‘zbekistonda 781,6 mingdan ortiq ishsiz fuqaro qayd etildi. gazeta.uz »
Janubiy Koreyaning sobiq birinchi xonimi Kim Keon Xi hibsga olindi. U aksiyalar narxini manipulyatsiya qilish, saylov jarayoniga aralashish, pora va boshqa jinoyatlarda ayblanmoqda. Kim Koreyaning hibsga olingan ilk sobiq birinchi xonimi bo‘ldi. gazeta.uz »
Muxsinxo‘ja Abdurahmonov O‘zbekistonning Fijidagi birinchi elchisi etib tayinlandi. U bir vaqtda Yaponiyadagi elchi vazifasini ham bajaradi. gazeta.uz »
Prezidentga kichik AES qurilishi bo‘yicha ishlar haqida ma’lumot berildi. “O‘zatom” rahbariga ko‘ra, ilk betonni quyish (stansiyaning o‘zini qurish uchun) 2026-yil martiga mo‘ljallangan. “Prezident bizga muddatlarni chapga emas, o‘ngga siljitish, ya’ni muddatlarimizni tezlashtirish bo‘yicha topshiriq berdi”, - dedi u. gazeta.uz »
Deputatlar renovatsiya to‘g‘risidagi qonun loyihasini birinchi o‘qishda ma’qulladi. Renovatsiya loyihasini ilgari surish uchun kamida 80 foiz mulkdorlar roziligi talab etiladi, so‘ng har bir mulkdor bilan kompensatsiya bo‘yicha kelishiladi. gazeta.uz »
Raqobat qo‘mitasiga iqtisodiy konsentratsiyaga doir jami 57 ta murojaat kelib tushdi. 52 ta murojaat xo‘jalik yurituvchi subyektlarning ustav fondidagi aksiyalarni sotib olish uchun rozilik olishga oid bo‘ldi. gazeta.uz »
Ukrainada 33 davlat fuqarolari harbiy asirlikda saqlanmoqda, ularning eng ko‘pi O‘zbekistondan, deb yozdi “Xochu jit” loyihasi. Shuningdek, 2025-yilda Rossiya kamida 902 nafar o‘zbekistonlikni urushga yollagani aytildi. gazeta.uz »
Yanvar-iyun oylarida O‘zbekistonda kuzatilmaydigan iqtisodiyot ulushi YIMning 32,9 foizini tashkil etdi, bu birinchi chorakdagidan biroz ko‘proq. Ko‘rinmas iqtisodiyot ulushi esa birinchi chorakdagi 8,4 foizdan 8 foizgacha pasaydi. gazeta.uz »
O‘zbekistonning Pokistondagi elchisi Alisher To‘xtayev mamlakatning Shri-Lankadagi birinchi elchisi bo‘ldi. Ishonch yorlig‘i nusxalarini topshirish marosimida ikki tomonlama savdo aylanmasi hajmi qoniqarsiz ekani qayd etilib, uni 50 mln dollarga yetkazish choralarini ko‘rishga kelishib olindi. gazeta.uz »
Milliy statistika qo‘mitasi ma’lumotlariga ko‘ra, O‘zbekiston iqtisodiyoti 2025-yil yanvar-iyun oylarida 7,2 foizga o‘sdi. Gazeta sharhlovchisi Dmitriy Povarov yuqori darajadagi ichki faollik va iste’mol bilan ajralib turgan YIM o‘sish tuzilmasini tahlil qildi. gazeta.uz »
Yanvar-iyun oylarida O‘zbekistonda xalqaro imo-ishora tili bo‘yicha birinchi kurs bo‘lib o‘tdi, unda 15 nafar ishtirokchi, jumladan, surdotarjimonlar va eshitishi cheklangan shaxslar tayyorlandi. Inklyuziv gidlar uchun yangi dasturlar, shuningdek, keng auditoriya uchun bazaviy imo-ishora tili kursi ishlab chiqilmoqda. gazeta.uz »
O‘zbekistonning oltin-valyuta zaxiralari iyun oyi yakunlariga ko‘ra 1,1 mlrd dollarga kamayib, 48,55 mlrd dollarni tashkil etdi. Bu dekabr oyidan beri birinchi qisqartirish. Markaziy bank zaxiralardagi oltinning fizik hajmini 9 tonnaga oshirib, uning qiymatini rekord darajadagi 38,42 mlrd dollarga yetkazdi. gazeta.uz »
O‘zbekistonning Vengriyadagi elchisi Oybek Shaxavdinov bir vaqtning o‘zida Serbiyadagi elchi etib tayinlandi. U, shuningdek, mamlakatning Sloveniya, Xorvatiya va Chernogoriyadagi elchisi hamdir. gazeta.uz »
O‘zbekiston terma jamoasi Ostonada bo‘lib o‘tgan boks bo‘yicha Jahon kubogini 1 ta oltin va 4 ta bronza medali bilan yakunladi. Navbahor Hamidova finalda turkiyalik raqibi ustidan g‘alaba qozonib, oltin medalni qo‘lga kiritdi va JKda oltin medalni qo‘lga kiritgan ilk o‘zbekistonlik ayol bokschi bo‘ldi. gazeta.uz »
O‘zbekiston tarixda birinchi marta Jahon bojxona tashkilotining Audit qo‘mitasiga a’zo etib saylandi. Qo‘mita tashkilotning moliyaviy va ichki boshqaruvini nazorat qiladi. gazeta.uz »
Haftaning birinchi yarmida O‘zbekiston bo‘yicha quruq va juda issiq ob-havo saqlanib turadi, havo +38…+41 darajagacha isiydi. Payshanbadan boshlab respublika bo‘yicha harorat +30…+35 darajagacha pasayishi kutilmoqda. gazeta.uz »
Prezident kommunal infratuzilma yaratilgandan keyingina loyihalarni ishlab chiqish va amalga oshirishga o‘tishni buyurdi, dedi Toshkent hokimi. Keyingi 20 yilda poytaxtda 58,5 mlrd dollarlik 394 ta loyiha amalga oshiriladi. gazeta.uz »
Qozog‘iston o‘zining birinchi atom elektr stansiyasini qurish uchun hamkor tanlashni yakunladi. Baholash natijalariga ko‘ra, xalqaro konsorsiumga rahbarlik qiladigan Rossiyaning “Rosatom” kompaniyasi g‘olib deb topildi. gazeta.uz »
O‘zbekistonning Hindistondagi elchisi Sardor Rustamboyev bir vaqtda Maldiv orollaridagi elchi lavozimiga tayinlandi. Ushbu mamlakat prezidenti bilan uchrashuvda turli sohalardagi hamkorlik, muntazam aviaqatnovlar yo‘lga qo‘yish, viza tartibini soddalashtirish imkoniyatlari muhokama qilindi. gazeta.uz »
Toshkent xalqaro aeroportida uchib kelish zali rekonstruksiyasining birinchi bosqichi yakunlandi. Terminal ichida ilk marta 120 o‘rinli kutib oluvchilar uchun zona, yangi kirish yo‘lagi va avtoturargoh tashkil etildi. Zalning maydoni 2100 kv metrga oshdi. gazeta.uz »
Birinchi chorakda O‘zbekiston hukumati subsidiya sifatida 8 trillion so‘m ajratdi, bu bir yil oldingidan 28% kam. Ushbu mablag‘larning asosiy qismi avvalgidek energosferadagi kompensatsiyalarga yo‘naltiriladi. gazeta.uz »
Birinchi chorakda O‘zbekistonda mehnatga haq to‘lash xarajatlari mutlaq ko‘rsatkichlarda ham, davlat budjeti xarajatlari ulushida ham kamaydi. Nafaqalar, kompensatsiyalar va moddiy yordamni moliyalashtirish 22,8 foizga qisqardi. gazeta.uz »
Birinchi chorakda O‘zbekistonda mehnatga haq to‘lash xarajatlari mutlaq ko‘rsatkichlarda ham, davlat budjeti xarajatlari ulushida ham kamaydi. Nafaqalar, kompensatsiyalar va moddiy yordamni moliyalashtirish 22,8 foizga qisqardi. gazeta.uz »
O‘zbekiston terma jamoasi Turkiyada o‘tkazilgan qo‘l jangi bo‘yicha jahon chempionatida 15 ta (8 ta oltin, 3 ta kumush va 3 ta bronza) medalni qo‘lga kiritib, 32 ta ishtirokchi davlat orasida umumjamoa hisobida birinchi o‘rinni egalladi. gazeta.uz »
Shota Rustaveli ko‘chasi rekonstruksiya qilinadi. Bu markazida (ilgari tramvay yurgan joyda) avtobuslar uchun ajratilgan tasmasi bor ilk ko‘cha bo‘ladi. Bekatlar “garmoshka” avtobuslarini sig‘dira oladigan darajada uzun bo‘ladi, o‘tish joylari va svetoforlar o‘rnatiladi. Chapga burilish joylari yopiladi. Tafsilotlar. gazeta.uz »
AQSh prezidenti Donald Tramp Rossiya prezidenti bilan suhbatdan so‘ng Yevropa yetakchilariga Vladimir Putin Ukrainadagi urushni tugatishga tayyor emasligini aytgan. Ilgari Tramp Putin chin dildan tinchlik istayotganini bir necha bor bildirib, Kremlga bosimni kuchaytirishdan bosh tortgandi. gazeta.uz »
Polshada boks bo‘yicha Jahon kubogining ikkinchi bosqichi yakunlandi, unda o‘zbekistonlik sportchilar 6 ta oltin, 1 ta kumush va 2 ta bronza medalini qo‘lga kiritdi. Ushbu natija bilan terma jamoa umumjamoa hisobida birinchi o‘rinni egalladi. gazeta.uz »
Birinchi marta sodir etilgan ayrim yengil yo‘l harakati qoidalarini buzganlik uchun inspektorlar ma’muriy ogohlantirish beradi. Prezident topshirig‘iga asosan bu to‘g‘risidagi qonun loyihasi ishlab chiqilgan. gazeta.uz »
Uzbekistan Airports O‘zbekiston tarixidagi birinchi fuqarolik va harbiy uchuvchi, Toshkent aeroporti ilk direktori Abdusamat Taymetov haqidagi hujjatli filmni taqdim etdi. U G‘alabaning 80 yilligi uchun suratga olindi: Taymetov ekipaji 1945-yil 9-mayda Moskvaga Germaniyaning taslim bo‘lish aktini topshirgan. gazeta.uz »
Sankt Peterburgdagi “Rosatom” zavodida O‘zbekistonda kichik quvvatli atom stansiyasi uchun butlovchi qismlar ishlab chiqarish boshlandi. Reaktor uchun birinchi po‘lat quyish jarayoni Toshkentda o‘tgan Power Uzbekistan 2025 ko‘rgazmasida namoyish etildi. gazeta.uz »
O‘zbekiston global iqtisodiy beqarorlik sharoitida ham islohotlarga sodiq qoladi, dedi IMV rahbari birinchi o‘rinbosari. U Markaziy Osiyoda ishonch ortib borayotganini qayd etib, 2030-yilgacha aholi jon boshiga YIM hajmi $5000 ga yetishiga ishonch bildirdi va OTBga yangi hamkorlik formatlarini taklif qildi. gazeta.uz »
2025-yilning birinchi choragida O‘zbekiston aholisining real daromadlari 7,6 foizga o‘sdi, bu o‘tgan yilning birinchi choragidagi ko‘rsatkichdan pastroq. Shu bilan birga, xorijdan pul o‘tkazmalarining umumiy daromadlardagi ulushi 15,8 foizdan 19,5 foizgacha oshdi. gazeta.uz »
