Qozog - Ïîñëåäíèå íîâîñòè [ Ôîòî â íîâîñòÿõ ] | |
O‘zbekiston va Qozog‘iston yangi o‘tkazish punktlari orqali nogabarit va bo‘sh yuk mashinalari harakatini yo‘lga qo‘ymoqchi. Bunda navbatlar va boshqa NO‘Plardagi yuklamani kamaytirish ko‘zlanmoqda. gazeta.uz »
O‘zbekistonda Rossiya Federatsiyasi, Qozog‘iston va Ozarbayjon fuqarolariga ichki hujjat yoki ID karta orqali kirishga ruxsat berish rejalashtirilmoqda. Hozirda bunday tartib faqat Qirg‘iziston uchun amal qiladi. gazeta.uz »
DXX Toshkent viloyatida Qozog‘iston orqali olib kirilgan 8 kg ga yaqin “Mefedron” va “Al’fa-PVP” sintetik narkotiklar aylanmasiga chek qo‘ydi. Telegram orqali boshqarilgan tarmoqka aloqador 7 nafar shaxs ushlandi, ularga nisbatan jinoyat ishi qo‘zg‘atildi. gazeta.uz »
“Dovut ota” va “Tajen” chegara punktlari 1-sentabrgacha yopiq bo‘ladi. O‘zbekiston va Qozog‘iston rekonstruksiya va qurilish ishlari davom etayotgani munosabati bilan chegarani kesib o‘tishga cheklovni uzaytirishga kelishib oldi. gazeta.uz »
Qozog‘istonda YTH sababli onasidan ajralgan va ota-ona qaramog‘isiz qolgan 15 yoshli qiz O‘zbekistonga qaytarildi. U xolasi hamrohligida vatanga olib kelindi va buvisining qaramog‘iga topshirildi. gazeta.uz »
Qozog‘iston rasmiylari investor vizasini olishning yangi qoidalarini kiritmoqda. Vizaga Qozog‘iston kompaniyalari ustav kapitaliga yoki mahalliy emissiyaviy qimmatli qog‘ozlarga kamida 300 ming dollar sarmoya kiritganlar ariza topshira oladi. gazeta.uz »
Qozog‘istonda ota-ona qaramog‘idan mahrum bo‘lgan o‘zbekistonlik bola vatanga qaytarildi. U aeroportda o‘ziga vasiy etib tayinlangan yaqin qarindoshiga topshirildi. gazeta.uz »
Qozog‘istonga xorijdan tuxum olib kirish olti oyga taqiqlandi. Bundan bahor-yoz mavsumida mahalliy ishlab chiqaruvchilarni qo‘llab-quvvatlash maqsad qilingan. Respublika hududi orqali tuxumlarni tranzit qilish holatlari mustasno. gazeta.uz »
Olmaota shahrida ota-ona qaramog‘isiz qolgan 9 nafar o‘zbekistonlik bola vatanga qaytarildi. Yaqin qarindoshlarini topish uchun ular IIV Huquqbuzarliklar profilaktikasi bosh boshqarmasi xodimlariga topshirildi. gazeta.uz »
O‘zbekiston, Qozog‘iston va Ozarbayjon energetika vazirliklari, shuningdek, OTB va OIIB o‘rtasida memorandum imzolandi. U Markaziy Osiyodan Yevropaga yashil energiya eksportini nazarda tutuvchi Kaspiy yashil energetika yo‘lagi loyihasi bo‘yicha texnik-iqtisodiy asoslashni qo‘llab-quvvatlashni nazarda tutadi. gazeta.uz »
Toshkentdagi maslahatlashuvlarda O‘zbekiston va Qozog‘iston Xavfsizlik kengashlari harbiy va harbiy-texnik sohalardagi hamkorlik, favqulodda vaziyatlarning oldini olish va ularni bartaraf etish, xalqaro terrorizm, diniy ekstremizm va transmilliy uyushgan jinoyatchilikka qarshi kurash masalalarini muhokama qildi. gazeta.uz »
Shanba kuni Shavkat Mirziyoyev va Qosim-Jomart Toqayev Olmaota shahrida oliy darajadagi norasmiy uchrashuv o‘tkazadi. Unda strategik sheriklik va ittifoqchilik munosabatlarini izchil mustahkamlash hamda xalqaro va mintaqaviy ahamiyatga molik masalalar ko‘rib chiqiladi. gazeta.uz »
Akmal Shukurov Qozog‘istonda qo‘lga olinganidan so‘ng Toshkentga ekstraditsiya qilindi. U The Tower Hotel mehmonxonasi yonidagi janjal bo‘yicha ochilgan jinoyat ishi doirasida bezorilik va qasddan og‘ir tan jarohati yetkazishda ayblanmoqda. gazeta.uz »
Toshkentdagi “12” barida bir nechta erkak va ayolga kuch ishlatib, ulardan biriga og‘ir jarohat yetkazishda gumonlangan va qidiruvga berilgan Akmal Shukurov Qozog‘istonda ushlandi. Hozirda uni ekstraditsiya qilish choralari ko‘rilmoqda. gazeta.uz »
Qozog‘istondagi “Migrant” tezkor-profilaktik tadbirida migratsiya qonunchiligini buzgan 10 mingga yaqin shaxs aniqlandi. Sudlar 1240 nafar chet ellikni chiqarib yubordi, ularning barchasiga Qozog‘istonga kirish besh yilga cheklandi. gazeta.uz »
Qozog‘iston Milliy banki asosiy stavkani birdaniga 1,25 foiz punktiga oshirib, 16,5 foizga yetkazdi. Regulyator qarorini o‘sib borayotgan inflyatsiya risklari bilan bog‘ladi, shuningdek, inflyatsiya va iqtisodiy o‘sish prognozini yomonlashtirdi. gazeta.uz »
O‘zbekistonlik bokschilar “kichik” jahon chempionati - Strandja kubogida ketma-ket to‘rt yil davomida umumjamoa hisobida birinchi o‘rinni egallagandi. Bu yil yetakchilik Qozog‘istonga o‘tdi. O‘zbekistonliklar 6 ta final jangidan 5 tasida, jumladan, qozog‘istonlik 3 nafar raqibiga qarshi bahsda g‘alaba qozondi. gazeta.uz »
Qozog‘istonning Aqto‘be viloyatida yuk mashinasi ichida 33 nafar O‘zbekiston fuqarosi bo‘lgan, Ufa-Samarqand yo‘nalishida ketayotgan avtobus bilan to‘qnashdi. FVV xodimlari fuqarolarni evakuatsiya qildi. Jabrlanganlar yo‘q. gazeta.uz »
Qozog‘istonning Mang‘istau viloyatida yetti kishi, jumladan, besh nafar bola gazdan zaharlanib vafot etdi. Viloyat hokimligi halok bo‘lganlar O‘zbekiston fuqarolari ekanini ma’lum qildi. O‘zbekiston FVVning aniqlik kiritishicha, halok bo‘lganlarning faqat bir nafari o‘zbekistonlik. gazeta.uz »
Qozog‘istonning Mang‘istau viloyatida o‘zbekistonlik oilaning 7 a’zosi is gazidan zaharlanib vafot etdi. Ularning 5 nafari bolalardir. Ular mamlakatda vaqtincha yashayotgan bo‘lgan. Viloyat hokimligi hodisa yuzasidan komissiya tuzilgani, dafn marosimi o‘tkazilishini ma’lum qildi. gazeta.uz »
Qozog‘istonda Parlament Majlisi deputati xorijiy agentlar to‘g‘risidagi tegishli qonunni qabul qilishni taklif etdi. “Qozog‘istonliklar o‘zgalar o‘yinining asiri bo‘lishni istamaydi”, - degan deputat mamlakatda 200 ga yaqin nodavlat tashkilot xorijdan moliyalashtirilishini ta’kidladi. gazeta.uz »
Qozog‘iston FVV nosozlik tufayli yo‘lda qolib ketgan mikroavtobusdagi 24 nafar chet el fuqarosi (jumladan, 4 bola)ni evakuatsiya qildi. Ular O‘zbekiston va Tojikiston fuqarolaridir. Hech kim jarohat olmagan. gazeta.uz »
Qozog‘istondagi birinchi AES uchun texnologiya yetkazib beruvchilar short-listiga to‘rt mamlakat, jumladan, Rossiyaning “Rosatom” va Xitoyning CNNC kompaniyalari kiritildi. Avvalroq prezident Qosim-Jomart Toqayev hukumatga AES qurilishini jadallashtirish va yadro klasterini yaratishni boshlashni buyurgandi. gazeta.uz »
Qozog‘istonda “budjet inqirozi” fonida qo‘shilgan qiymat solig‘i stavkasini 12 dan 20 foizgacha oshirish muhokama qilinmoqda. Ayni vaqtda ish beruvchilarning ijtimoiy solig‘i va majburiy pensiya to‘lovlarini bekor qilish taklif qilinmoqda. gazeta.uz »
O‘zbek-qozoq chegarasidagi “Navoiy” - “Qoplonbek” chegara bojxona posti qayta qurilishdan so‘ng ochildi. U 2022-yilning noyabrida modernizatsiya ishlari sabab yopilgandi. Post yonida avtoturargoh qurildi, xalqaro yo‘nalishdagi avtotransportlar uchun elektron navbat tizimini yo‘lga qo‘yish ham kutilmoqda. gazeta.uz »
Qoraqalpog‘iston va Qozog‘iston o‘rtasidagi “Tajen” - “Dovut ota” chegara o‘tkazish punktlarida harakatlanish 1-fevraldan vaqtincha to‘xtatiladi. Uch oy davomida ta’mirlash ishlari olib boriladi. Cheklov ruxsat etilgan to‘liq vazni 3,5 tonnadan ortiq bo‘lgan yuk avtomobillarga tatbiq etilmaydi. gazeta.uz »
Qozog‘istonning Turkiston viloyatidan Toshkentdagi Qibray tumanigacha 300 metrlik yerosti quvuri orqali Ai-92 markali benzin tashish bilan shug‘ullanganlar ushlandi. Ikki o‘zbekistonlikka jinoyat ishi qo‘zg‘atildi, ularning qozog‘istonlik sherigi bo‘yicha qo‘shni davlat hukumatiga murojaat qilindi. gazeta.uz »
Qozog‘iston hukumati kartoshka eksportini olti oyga chekladi. Qaror bu mahsulotning, xususan, O‘zbekistonga eksport hajmi oshishi va narxi keskin ko‘tarilishi fonida qabul qilindi. 11 oy ichida O‘zbekiston import qilgan kartoshkaning deyarli 75 foizi Qozog‘istondan olib kelingan. gazeta.uz »
Qozog‘iston Energetika vazirligi qo‘shni davlatlar bilan narxlardagi tafovutni bartaraf etish va “kulrang” eksport xavfini minimallashtirish maqsadida benzin va dizel narxlarini bosqichma-bosqich erkinlashtirish rejalarini e’lon qildi. gazeta.uz »
Qozog‘istonda korrupsionerlarga oid oshkora reyestr paydo bo‘ladi. Unga og‘ir va o‘ta og‘ir korrupsiyaga oid jinoyatlarni sodir etganlik uchun sudlangan shaxslar to‘g‘risidagi ma’lumotlar kiritiladi. gazeta.uz »
O‘zbekiston va Qozog‘iston o‘rtasida 2027-yilda ishga tushirilishi kutilayotgan yangi temiryo‘l quriladi. Liniyaning qurilishi mavjud Sariag‘ash - Toshkent uchastkasidan yuklarni yangi tarmoqqa yo‘naltirish va O‘zbekistonga eksport tashish hajmini oshirish imkonini beradi, deya ta’kidladi QTY. gazeta.uz »
Qozog‘iston prezidenti Qosim-Jomart Toqayev mamlakatda ikkinchi va uchinchi AES qurilishini istisno qilmadi. “Men Qozog‘iston atom energetikasi rivojlangan davlatga aylanishi kerak, deb hisoblayman. Uning kelajagi porloq”, - dedi u. gazeta.uz »
O‘zbekiston, Qozog‘iston va Ozarbayjon magistral elektr tarmoqlari operatorlari “yashil” energiya koridori loyihasini amalga oshirish uchun qo‘shma korxona tashkil etdi. gazeta.uz »
Qozog‘istonning Aqtau shahrida Azerbaijan Airlines aviakompaniyasiga tegishli Boku-Grozniy reysi samolyoti halokatga uchradi. Samolyot bortida 67 kishi, jumladan, ekipaj a’zolari bo‘lgan. Dastlabki ma’lumotlarga ko‘ra, 25 kishi tirik qolgan, ulardan 22 nafari shifoxonaga yotqizilgan. gazeta.uz »
O‘zbekistonlik bokschi Xavasbek Asadullayev finalda qozog‘istonlik raqibini mag‘lub etib, Osiyo chempioni unvonini qo‘lga kiritgandi. Biroq jang davomida u raqibini tishlab olgani sababli Osiyo boks konfederatsiyasi uni diskvalifikatsiya qildi. Oltin medal Ablayxon Jusupovga berildi. gazeta.uz »
Qozog‘iston Milliy banki tenge kursining keskin tushishi sababli asosiy foiz stavkasini 14,25 foizdan 15,25 foizgacha ko‘tarishga qaror qildi. Shuningdek, inflatsiya va iqtisodiy o‘sish bo‘yicha bashoratlar salbiy tomonga o‘zgartirildi. gazeta.uz »
O‘zbekiston fuqarolarining Qozog‘iston va Tojikiston chegaralarini faqatgina ID karta orqali kesib o‘tishi tartibini joriy etish rejalashtirilmoqda. Bu haqda Shavkat Mirziyoyev ma’lum qildi. Avvalroq shunday tartib Qirg‘iziston bilan joriy etilgandi. gazeta.uz »
Qozog‘istonning Kaspi kompaniyasi O‘zbekistonda Humo to‘lov tizimini xususiylashtirish jarayonida ishtirok etmaslikka qaror qildi. gazeta.uz »
Qozog‘iston va O‘zbekiston o‘rtasida “Ipak yo‘li” temiryo‘l sayohati turi yo‘lga qo‘yiladi. “Olmaota - Turkiston - Toshkent - Olmaota” yo‘nalishi bo‘yicha birinchi reys 2024-yil 16-noyabr kuni yo‘lga chiqadi. gazeta.uz »
COP29 sammiti doirasida O‘zbekiston, Qozog‘iston va Ozarbayjon rahbarlari “yashil” energiyani rivojlantirish va uzatish sohasida strategik sheriklik to‘g‘risidagi bitimni imzoladi. gazeta.uz »
O‘zbekiston va Qozog‘iston harbiy xizmatchilari “Xanjar-2024” taktik o‘quv mashg‘ulotlarida turli jangovar qurollardan otish va shartli aholi punktida jang olib borish harakatlarini mashq qiladi. gazeta.uz »
O‘zbekiston va Qozog‘iston harbiy xizmatchilari “Hanjar-2024” taktik o‘quv mashg‘ulotlarida turli jangovar qurollardan otish va shartli aholi punktida jang olib borish harakatlarini mashq qiladi. gazeta.uz »
Qozog‘istonda yana 1 mlrd dollarlik aktivlar davlat daromadiga o‘tdi, ularning egalari boylikning qonuniyligini isbotlay olmagan. Rasmiylar mablag‘ning sport obyektlari qurilishiga sarflanishini ma’lum qildi. gazeta.uz »
Migratsiya agentligi Qozog‘istonda bo‘lib turgan O‘zbekiston fuqarolarini yaqin haftalarda kuzatiladigan noqulay ob-havodan ogohlantirdi. Agentlik yo‘llarda harakatlanishda barcha xavfsizlik qoidalariga qat’iy rioya qilishni, uzoq masofali yo‘llarda transport vositalarida harakatlanmaslikni so‘radi. gazeta.uz »
Migratsiya agentligi Qozog‘istonda bo‘lib turgan O‘zbekiston fuqarolarini yaqin haftalarda kuzatiladigan noqulay ob-havodan ogohlantirdi. Agentlik yo‘llarda harakatlanishda barcha xavfsizlik qoidalariga qat’iy rioya qilishni, uzoq masofali yo‘llarda transport vositalarida harakatlanmaslikni so‘radi. gazeta.uz »
Samarqandda o‘tkazilgan Hududlararo hamkorlik forumi va biznes forumi doirasida O‘zbekiston va Qozog‘iston o‘rtasida 352 mln dollarlik 76 hujjat imzolandi. Abdulla Aripov mamlakatlarda hali foydalanilmagan ulkan salohiyat borligini aytdi. gazeta.uz »
Mang‘istau viloyati hokimi Qozog‘iston-O‘zbekiston chegarasida boj olinmaydigan maxsus savdo zonasini tashkil etishni taklif qildi. Buning natijasida o‘zaro tovar ayirboshlash hajmi 4 barobar oshishi kutilmoqda. gazeta.uz »
Qozog‘istonning Mang‘istau viloyatida sodir bo‘lgan yo‘l-transport hodisasida 6 nafar O‘zbekiston fuqarosi halok bo‘ldi. Ularning barchasi Xorazm viloyatidan bo‘lgan. Vafot etganlar orasida ikki nafar bola ham bor. gazeta.uz »
Qozog‘iston “yaqin kelajakda” BRIKSga ariza berishdan bosh tortadi, dedi Qosim-Jomart Toqayevning matbuot kotibi, uning so‘zlariga ko‘ra, BMT “universal tashkilot” sifatida ustuvor ahamiyatga ega. Toqayevning o‘zi avvalroq BRIKSga a’zolikka qiziqish bildirgandi. gazeta.uz »
Qozog‘istonning Mang‘istau viloyatida avtomobillar to‘qnashuvi oqibatida 6 nafar O‘zbekiston fuqarosi vafot etdi, yana to‘rt kishi kasalxonaga yotqizildi. gazeta.uz »
