Qayta - Ïîñëåäíèå íîâîñòè [ Ôîòî â íîâîñòÿõ ] | |
Ipotekani qayta moliyalashtirish kompaniyasi norasmiy daromadga ega bo‘lgan mijozlarga berilgan ipoteka kreditlarini qayta moliyalashtiradi. Bu rasmiy daromad hujjatlarini taqdim eta olmaydigan, biroq barqaror daromad manbaiga ega bo‘lgan fuqarolar uchun ipoteka kreditidan foydalanish imkoniyatini yaratadi. gazeta.uz »
Hukumat qarori bilan bojxona hududida qayta ishlash bojxona rejimidan foydalanish tartibi belgilandi. Unga ko‘ra, tovarlar bojxona hududida qayta ishlash bojxona rejimiga Bojxona kodeksi hamda qayta ishlash ruxsatnomasi asosida joylashtiriladi. Tegishli ruxsatnoma 2 yilgacha amal qiladi. gazeta.uz »
Afg‘onistonning Mozori Sharif shahrida Alisher Navoiy nomidagi yangi yodgorlik-majmua qurilishi boshlandi. Ishlar shahar hokimligi budjetidan bir oy muddatda amalga oshiriladigan bo‘ldi. Avvalroq Navoiyga atalgan yodgorlik buzib tashlangani e’tirozlarga sabab bo‘lgandi. gazeta.uz »
Shavkat Mirziyoyev 1-noyabrgacha har bir tarmoq, hududiy korxonalar talabini o‘rganib xomashyo va butlovchi qismlar uchun tariflarni qayta ko‘rib chiqishni buyurdi. Shuningdek, 2028-yilgacha aralash mato va gazlama bojdan ozod etiladi. gazeta.uz »
O‘zbekistonda har bir hudud chiqindilarni qayta ishlash sohasida o‘z yo‘nalishiga ega bo‘ladi: Toshkentda 270 mln dollarlik qurilish chiqindilarini, Samarqandda - 18,5 mln dollarlik elektron chiqindilarni qayta ishlash loyihasi amalga oshiriladi. gazeta.uz »
Shveysariyaning Swiss Grow kompaniyasi “O‘zcharmsanoat” uyushmasi bilan birgalikda O‘zbekistonda charm chiqindilarini qayta ishlash va mineral o‘g‘itlar ishlab chiqarish bo‘yicha 2 mln dollarlik loyihani amalga oshirishni rejalashtirmoqda. gazeta.uz »
Sudyalar oliy kengashiga yana Xolmo‘min Yodgorov rahbarlik qiladi. Uning nomzodi prezident tavsiyasiga binoan Senat tomonidan saylandi. gazeta.uz »
Deputatlar hokimlar va kengashlar o‘rtasidagi vakolatlarni qayta taqsimlash to‘g‘risidagi qonun loyihasini birinchi o‘qishda qabul qildi. “Qizg‘in muhokamalar” haqidagi bayonotlarga qaramasdan, birorta deputat savol bermadi. gazeta.uz »
Samarqand shahrining yoshini 3000-yil deb qayta baholash haqida Xalq deputatlari Samarqand viloyati kengashi sessiyasida qaror qabul qilindi. O‘zbekiston - Fransiya qo‘shma ekspeditsiyasi a’zolari tomonidan Ko‘ktepa va Afrosiyobda topilgan materiallarni qayta tahlil qilish orqali shunday fikr ilgari surilmoqda. gazeta.uz »
YUNESKO bir qator shartlar bilan O‘zbekistonning Shahrisabzdagi yodgorlik chegaralarini qayta ko‘rib chiqish tashabbusini ma’qulladi. Temuriylar davriga oid faqat 4 ta obyekt yodgorlik sifatida tan olinishi, qolgan hudud esa bufer zona bo‘lishi mumkin. Ungacha obyekt Xavf ostidagi jahon merosi ro‘yxatida qoladi. gazeta.uz »
AQSh pauzadan bir hafta o‘tib Ukrainaga ba’zi turdagi qurollarni yetkazib berishni tikladi. Avvalroq Tramp Rossiya tomonidan Ukraina shaharlarining to‘xtovsiz o‘qqa tutilishi fonida Kiyevga mudofaa qurollarini yuborishga va’da bergandi. gazeta.uz »
O‘zbekiston zargarlik buyumlari eksportini 300 mln dollarga yetkazishni reja qilmoqda. 2028-yilning iyuligacha tarmoq uchun butlovchi qismlar bojxona to‘lovlaridan ozod qilinadi. Qimmatbaho metallar sohasidagi huquqbuzarliklar to‘g‘risida xabar berganlik uchun jarimaning 50 foizi miqdorida mukofot beriladi. gazeta.uz »
1-iyuldan O‘zbekistonda import dorilarni faqat rasmiy dilerlar orqali sotish mumkin. Farmatsevtika agentligi rahbari bu chora aholini sifatli va arzon dori vositalari bilan ta’minlashda ortiqcha vositachilarni bartaraf etishiga ishonch bildirmoqda. gazeta.uz »
Texnik jihatdan tartibga solish agentligi O‘zbekistonda qurilish oynasidan chiqadigan chiqindilarni qayta ishlash uchun utilizatsiya yig‘imini joriy etishni taklif qildi. Deputatlar qonun loyihasini birinchi o‘qishda ma’qulladi. gazeta.uz »
Senatorlar davlat organlari vakolatlarini aniqlashtirish maqsadida “Tashqi mehnat migratsiyasi to‘g‘risida”gi qonunni qayta ko‘rib chiqishga yubordi. Bunda migrantni chet eldan qaytarish ishga jo‘natuvchi tashkilot hisobidan bo‘lishi va O‘zbekistonda ishlash uchun ruxsatnoma berish qoidalari qayta ko‘rib chiqilishi kerak. gazeta.uz »
O‘zbekistonda Volkswagen avtomobillarini ishlab chiqarish 2026-yilgacha qayta boshlanishi rejalashtirilmoqda. “O‘zavtosanoat” xabariga ko‘ra, Alyans Auto bilan loyiha litsenziyalangan yirik uzelli yig‘ishni, keyinchalik yangi sedanlar va yo‘ltanlamaslarni qo‘shgan holda to‘liq ishlab chiqarishga o‘tishni nazarda tutadi. gazeta.uz »
O‘zbekistonda 3000 turdagi dori vositasi narxi qayta ko‘rib chiqilib, 490 tasida narx pasaytirilishi nazarda tutilgan, dedi Farmagentlik rahbari. Uning so‘zlariga ko‘ra, bu jarayon referent davlatlar misolida amalga oshirilmoqda. gazeta.uz »
Beeline foydalanuvchilari oy yakunida abonent hisobida oy uchun to‘lov yetarli bo‘lmagan hollarda mijozlarga ogohlantirishsiz kunlik tarifga o‘tkazilishi va ushbu to‘lov ham avtomatik tarzda yechilishidan shikoyat qildi. gazeta.uz »
Qashqadaryodagi XV asrga oid madaniy va diniy yodgorlik hisoblangan Langar ota majmuasi AQSh elchilarining Madaniy merosni saqlash jamg‘armasi tomonidan ajratilgan 250 ming dollarlik ta’mirlash loyihasi asosida restavratsiya qilindi. gazeta.uz »
Qonunchilik palatasi deputati ba’zi xonadonlarda bittadan ortiq oila yashashi sabab elektr energiyasini xonadonbay emas, oilabay hisoblash kerakligi haqida fikr bildirdi. Energetika vaziri birinchi o‘rinbosari bu bo‘yicha deputatlar tomonidan taklifi kiritilsa, qayta ko‘rib chiqish imkoniyati borligini bildirdi. gazeta.uz »
“O‘zbekiston qayta sug‘urta kompaniyasi” milliy qayta sug‘urta tashkiloti tashkil etiladi. U sug‘urta faoliyati to‘g‘risidagi qonunchilikka muvofiq barcha qayta sug‘urta qilish turlarini amalga oshiradi. gazeta.uz »
“El-yurt umidi” jamg‘armasi va Davlat boshqaruvi akademiyasi nomlari o‘zgargan holda qayta tashkil etiladi va kadrlar tayyorlash klasteriga aylantiriladi. Stipendiya berish va stajirovka tartibi o‘zgaradi, davlat xizmatchilari uchun magistratura va malaka oshirish dasturlari yo‘lga qo‘yiladi. gazeta.uz »
BMT AQSh yordamining qisqarishi fonida moliyalashtirish inqirozi tufayli keng ko‘lamli qayta tashkil etishni ko‘rib chiqmoqda. O‘nlab agentliklarni to‘rtta asosiy yo‘nalishga birlashtirish taklif etilmoqda. gazeta.uz »
Dubayda 15 nafar o‘zbekistonlik jinoiy to‘qnashuvda ishtirok etishda gumonlanib qo‘lga olindi. BAA O‘zbekiston fuqarolari tomonidan “qonunbuzarlik holatlari ko‘payayotgani” vizasiz tartibga ta’sir ko‘rsatishi mumkinligini bildirdi. gazeta.uz »
Toshkentda YeI, YeXHT va BMTTD tomonidan Markaziy Osiyoda uran merosi oqibatlarini bartaraf etish, insonlar va tabiatni himoya qilish hamda mintaqadagi xavfsizlikni oshirishga qaratilgan loyihaning uchinchi bosqichini boshlovchi uchrashuv bo‘lib o‘tdi. gazeta.uz »
Texnik jihatdan tartibga solish sohasida nazorat inspeksiyasi Leapmotor avtomobili sinovi kompaniya mutaxassislari bilan birgalikda qayta o‘tkazilishini ma’lum qildi. gazeta.uz »
Isroil armiyasi G‘azo sektoriga qarata ommaviy hujumlarni boshladi. Isroil hukumati bu qarorni HAMASning garovga olinganlarni ozod qilishdan bosh tortgani bilan izohladi. HAMAS nazorati ostidagi G‘azo Sog‘liqni saqlash vazirligi ma’lumotlariga ko‘ra, zarbalar oqibatida 320 dan ortiq odam halok bo‘lgan. gazeta.uz »
Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizom tasdiqlandi. Nizomga ko‘ra, endi talabalar o‘zlashtirish ko‘rsatkichi bo‘yicha ta’lim granti o‘rniga qayta taqsimlanadi. gazeta.uz »
Shavkat Mirziyoyev Burbon saroyida Fransiya Milliy majlisi raisi Yael Braun-Pive bilan uchrashdi. Muloqotda O‘zbekiston-Fransiya parlamentlararo forumini tashkil etish va “yo‘l xaritasi” asosida do‘stlik guruhlari ishini qayta tiklash masalalari muhokama qilindi. gazeta.uz »
O‘zbekistonda yaqin uch yilda noyob metallarni qazib olish va qayta ishlash bo‘yicha umumiy qiymati $2,6 mlrd bo‘lgan 76 loyihani amalga oshirish rejalashtirilmoqda. Shuningdek, Toshkent va Samarqand viloyatlarida molibden va volframga boy texnoparklar tashkil etish rejalashtirilgan. gazeta.uz »
Arab ligasi AQSh prezidenti Donald Trampning falastinliklarni ko‘chirish orqali anklavni “Yaqin Sharq Riverasi”ga aylantirish rejasiga muqobil bo‘lgan G‘azo sektorini aholisini ko‘chirmasdan qayta qurish rejasini qo‘llab-quvvatladi. gazeta.uz »
O‘zbekistonda Italiya investorlari ko‘magida nok, yong‘oq va pomidor yetishtirish hamda qayta ishlash zavodlarini ochish reja qilinmoqda. Qolaversa, qattiq bug‘doydan makaron ishlab chiqaradigan zavod qurish, Yaponiya bilan hamkorlikda Sirdaryoda kivini tajriba tariqasida yetishtirish masalalari ham muhokama qilinmoqda. gazeta.uz »
Yo‘l harakati qoidalarini buzish orqali 12 ta jarima balli to‘plagan haydovchilar nafaqat litsenziyadan mahrum qilinadi, balki imtihonni qayta topshirishga ham majbur bo‘ladi. Hozir imtihondan o‘tish 2 mln so‘mni tashkil etadi (uch yilda narx 10 barobar oshgan). Hukumat hali ball berish tartibini tasdiqlagani yo‘q. gazeta.uz »
Qurilish vazirligi va Golden House kompaniyasi Toshkentdagi “Anhor Lokomotiv” bog‘ida turar joy va biznes majmualari qurilishi haqidagi ma’lumotni rad etdi. Bog‘ hududidagi savdo markazi egasi o‘z huquqlarini boshqa kompaniyaga o‘tkazishni rejalashtirmoqda, u savdo markazi o‘rnida yangi bino quradi. gazeta.uz »
O‘zbekistonda oziq-ovqat mahsulotlarining iste’mol normalari har 3 yilda qayta ko‘rib chiqilishi belgilanmoqda. Qishloq xo‘jaligi vazirligi oziq-ovqat xavfsizligi sohasidagi vakolatli davlat organi hisoblanadi. gazeta.uz »
O‘zbekisitonda yuridik shaxslarning joylashgan yeri o‘zgarganda ular qayta davlat ro‘yxatidan o‘tkazganlik uchun davlat bojini to‘lashdan ozod etildi. Shuningdek, sug‘urta qildiruvchilar sug‘urta shartnomalaridan kelib chiqadigan da’volar yuzasidan sudga murojaat qilganda davlat bojini to‘lamaydigan bo‘ldi. gazeta.uz »
Davlat qayta tiklanuvchi energiya manbalari qurilmalarini ishlab chiqaruvchilarni qo‘llab-quvvatlaydi. Hukumat qaroriga ko‘ra, “yashil” iste’mol kreditlari ajratiladigan xizmatlar turi ko‘paytirilmoqda. gazeta.uz »
1-yanvardan Buxoro neftni qayta ishlash zavodida ishlab chiqariladigan barcha turdagi neft mahsulotlari, jumladan, benzin faqat birjada “erkin raqobat muhitida” sotiladi, deya ma’lum qildi “O‘zbekneftgaz”. gazeta.uz »
Toshkent shahrida pulli avtoturargohlarni tashkil etish huquqini beruvchi takroriy auksion o‘tkazildi. 120 mlrd so‘m taklif qilgan avvalgi g‘olib Balcomuz kompaniyasi bilan shartnoma tuzilmagan. Yangi g‘olib Streetpark Systems bo‘ldi, u ikkita taklifdan so‘ng 62,9 mlrd so‘mlik taklif bilan g‘olib chiqdi. gazeta.uz »
O‘zbekiston ichki bozorda yiliga 300 ming tonnagacha misni qayta ishlashni rejalashtirmoqda. Xususan, Ohangaron mis klasterida OKMK misi asosida yarimo‘tkazgichlar va mikroelektron qismlar ishlab chiqarilishi kutilmoqda. gazeta.uz »
Deputat Alisher Qodirov maktab darsliklarining ijara to‘lovini joriy etish masalasini qayta ko‘rib chiqish kerakligini aytdi. U, shuningdek, o‘qituvchilarning maoshlarini qayta ko‘rib chiqishni taklif qildi: “Yaxshi o‘qituvchilar ko‘proq, yomon ishlayotganlar esa kamroq oladigan raqobatli tizim yarataylik”, - dedi u. gazeta.uz »
Prezident ishtirokidagi yig‘ilishda banklar balansidagi foydalanilmayotgan issiqxonalar, qayta ishlash sexlari va muzlatkichli omborlarni bo‘lib to‘lash imkoniyati bilan tajribali tadbirkorlarga 3 yil muddatga ishonchli boshqaruvga berish taklif etildi. gazeta.uz »
Prezident taklifiga binoan Tanzila Narbayeva uchinchi bor Oliy Majlis Senati raisi etib saylandi. Sodiq Safoyev esa uning birinchi o‘rinbosari, Amanbay Orinbayev o‘rinbosari bo‘ldi. gazeta.uz »
AQSh Madaniy merosni asrab-avaylash jamg‘armasi Madaniy meros agentligi bilan hamkorlikda Samarqanddagi Sherdor madrasasida konservatsiya va restavratsiya ishlarini amalga oshiradi. 500 ming dollarlik loyihaga mahalliy hunarmandlar va xorijlik mutaxassislar taklif etiladi. gazeta.uz »
Navoiy viloyatiga tashrif chog‘ida prezidentga umumiy qiymati 8 mlrd dollarga baholangan yonuvchi slanetslarni qazib olish va qayta ishlash bo‘yicha loyiha taqdim etildi. Unda neft, gaz va elektr energiyasi ishlab chiqarish rejalashtirilgan. gazeta.uz »
Erkinjon Turdimov Samarqand viloyati kengashining yettinchi chaqiriq birinchi sessiyasi qarori bilan viloyat hokimi etib qayta tasdiqlandi. gazeta.uz »
Tchoban Voss Architekten tayyorlagan loyiha asosida 2025-yilda Toshkentdagi Chorsu maydonini qayta qurish boshlanadi. Loyiha Toshkent ramzlaridan biri - “Chorsu” mehmonxonasi taqdiriga ham nuqta qo‘yadi. gazeta.uz »
Oliy Majlis Qonunchilik palatasining 150 nafar deputatidan 63 nafari (42 foizi) quyi palataning beshinchi chaqirig‘iga qayta saylandi (avvalgi saylovda 27 foiz edi). Avvalgi chaqiriqda Senat a’zosi bo‘lganlar orasida parlament quyi palatasiga saylanganlar ham bor. “Gazeta.uz” to‘liq ro‘yxatni e’lon qiladi. gazeta.uz »
Shavkat Mirziyoyev mas’ullarga Zarafshon shahridagi 80-yillarda qurilgan aeroport faoliyatini qayta tiklash masalasini o‘rganib, tegishli takliflar kiritishni topshirdi. gazeta.uz »
Qirg‘iziston parlamenti spikeri Nurlanbek Shakiyev davlat madhiyasi eskirganini aytib, u qayta yozilishini bildirdi. “Madhiyamizni 5 yoshdan 95 yoshgacha bo‘lgan barcha fuqarolar oson kuylashi uchun qayta yozamiz”, - dedi spiker. gazeta.uz »
