Farg - Ïîñëåäíèå íîâîñòè [ Ôîòî â íîâîñòÿõ ] | |
Farg‘ona shahri jamoat transporti parki Xitoydan keltirilgan konditsionerli, videokuzatuvli 24 ta avtobus bilan to‘ldirildi. Ular ikkita yangi yo‘nalishda qatnaydi va kuniga taxminan 10 ming nafar yo‘lovchiga xizmat ko‘rsatadi. gazeta.uz »
Farg‘ona viloyati teri-tanosil 2-sonli dispanseri rahbari shifokor va xodimlarini dam olish kunlarida ishga, haq to‘lamasdan navbatchilikka jalb qilgani va xizmat safari xarajatlarini qoplamayotgani aniqlandi. gazeta.uz »
Prezident matbuot xizmati rahbari Sherzod Asadov Farg‘ona vodiysi, bir vaqtlar geosiyosatchilar aytganidek, “porox bochkasi”ga emas, balki imkoniyatlar, farovonlik, tinchlik, yaxshi qo‘shnichilik va bunyodkorlik makoniga aylanganini qayd etdi. “Eski bashoratlarni unutish vaqti keldi”, - deya yozdi u. gazeta.uz »
Farg‘ona - Urumchi - Farg‘ona yo‘nalishida aviaqatnovlar yo‘lga qo‘yildi. Parvozlar 18-aprel kunidan boshlab amalga oshiriladi. gazeta.uz »
Davlat xavfsizlik xizmati Farg‘ona va Xorazm viloyatlarida qo‘shni davlatlardan kontrabanda yo‘li bilan olib kirilgan 4,2 kilogrammga yaqin giyohvand moddalar, shuningdek, 4 805 dona kuchli ta’sir qiluvchi dori vositalarini sotayotgan va saqlayotgan shaxslarni qo‘lga oldi. gazeta.uz »
Xitoyning Shandong Aipurui Steel Plate kompaniyasi Farg‘ona viloyatining Toshloq tumanida metallurgiya zavodi qurilishiga 120 million dollar sarmoya kiritishni rejalashtirmoqda. gazeta.uz »
Furqat tumanida oraliq masofani saqlamagan Damas yuk mashinasi bilan to‘qnashdi. YTH oqibatida ikki kishi halok bo‘ldi, yana bir kishi reanimatsiya bo‘limiga yotqizildi. gazeta.uz »
Farg‘ona viloyati Beshariq tumanida mahalliy ariqlardan birida 1−2 yosh atrofidagi bolaning jasadi topildi. Dastlabki ma’lumotlarga ko‘ra, uning o‘limiga suvga cho‘kish sabab bo‘lgan. Prokuratura uning shaxsini aniqlash ustida ishlamoqda. gazeta.uz »
Farg‘ona viloyatida maishiy chiqindilarni to‘plash va olib chiqish xizmati uchun yangi tariflar tasdiqlandi. Endi shahar aholisi oyiga 7500 so‘m, tuman aholisi esa 6500 so‘m to‘laydi. Yuridik shaxslar uchun tarif keskin oshirildi. gazeta.uz »
Qo‘qon shahrida 10-sonli oilaviy poliklinikaga tegishli tez tibbiy yordam mashinasida o‘tin tashildi. RTTYM holat haydovchining o‘zboshimchaligi bilan sodir etilgani va u ishdan olinganini bildirdi. Poliklinika bosh shifokoriga hayfsan jazosi berildi. gazeta.uz »
14-mart kuni futbol bo‘yicha O‘zbekiston Superligasining 2-turi boshlanadi. Turni “Neftchi” va “Qo‘qon-1912” jamoalari o‘rtasidagi Farg‘ona viloyat derbisi ochib beradi. 2-turning so‘nggi o‘yini yakshanba kuni Olmaliqda - OKMK va “Paxtakor” o‘rtasida o‘tadi. U turning eng markaziy o‘yini deya e’tirof etilyapti. gazeta.uz »
Farg‘onada “Farg‘ona suv ta’minoti” inspektorlari 51 ming dollar pora olishda gumonlanib qo‘lga olindi. Namanganda esa 20 ming dollar pora olishda gumonlanib qo‘lga tushdi. Andijonda esa kadastr bo‘limi boshlig‘i 6 ming dollar bilan qo‘lga olindi. gazeta.uz »
S7 aviakompaniyasining Novosibirskdan uchgan samolyoti Farg‘ona aeroportiga qo‘nish jarayonida g‘ildiragining yarmidan ayrildi. Yo‘lovchilar to‘g‘ridan-to‘g‘ri uchish-qo‘nish yo‘lagiga tushirilgan. Yo‘lak yopilgani sababli bitta reys Toshkentga yo‘naltirilgan. Aeroport 2 soatdan so‘ng odatdagi ish rejimiga qaytgan. gazeta.uz »
DXX Farg‘ona tumanida sintetik giyohvandlik moddalari tayyorlash bilan shug‘ullangan 3 kishini qo‘lga oldi. Ular hovlini 250 dollarga ijaraga olib, u yerda narkolaboratoriya tashkil etgan. Yigitlar bu ish uchun haftasiga kriptovalyuta ko‘rinishida 500 dollardan maosh olgan. gazeta.uz »
Quvasoy shahrida 270 tup ko‘p yillik sog‘lom daraxtlar noqonuniy ravishda ko‘chirilib o‘tkazildi. 9 tup daraxt ko‘chirish jarayonida nobud bo‘lgan, qolganlarining nobud bo‘lishi xavfi bor. Tabiatga yetkazilgan zarar miqdori 1 mlrd 829 mln so‘mni tashkil etgan. gazeta.uz »
Farg‘ona viloyatida fuqaro Qizil kitobga kiritilgan sahro lochinini noqonuniy saqlab, uni sotmoqchi bo‘lgani aniqlandi. Unga qushni tabiatdan noqonuniy ajratib olganlik uchun 562 mln 500 ming so‘m jarima qo‘llanishi mumkin. gazeta.uz »
Farg‘ona shahridagi kompyuter klubida bir guruh yigitlar janjal ko‘tarib, xodimlarni kaltakladi. Viloyat IIB holat yuzasidan uch nafar shaxsga nisbatan jinoyat ishi qo‘zg‘atilganini ma’lum qildi. gazeta.uz »
Farg‘ona halqa yo‘lining Bag‘dod tumanidan o‘tuvchi qismida yo‘l qoplamasi o‘pirilib tushdi. Bunga Farg‘ona kanalida suv sathi ko‘paygani sabab bo‘lgan. Hozirda yo‘l ta’mirlanmoqda. gazeta.uz »
Farg‘ona viloyatining Uchko‘prik, Buvayda tumanlari va Marg‘ilon shahrida voyaga yetmaganlarga noqonuniy diniy ta’lim berib kelgan shaxslar aniqlandi. Ulardan biri har bir bola uchun oyiga 200 dollardan olgan. gazeta.uz »
Farg‘ona viloyatidagi “Oxunboboyev” va “Marg‘ilon” bekatlari oralig‘ida Nexia-3 haydovchisi poyezdni ilon izi usulida aylanib o‘tishga urindi. Oqibatda mashina poyezd tagida qoldi. Haydovchi shifoxonaga yotqizildi. gazeta.uz »
Qo‘qon shahrida avtomobillarga gaz to‘ldirish shoxobchasi tabiiy gazdan noqonuniy foydalanib, davlat manfaatlariga 2,9 mlrd so‘mlik zarar yetkazdi. Holat yuzasidan mansabdor shaxslarga nisbatan jinoyat ishi qo‘zg‘atildi. gazeta.uz »
Qo‘qon shahrida bir necha o‘n yillik chinor daraxtini arralab ketgan ikki shaxsga jinoyat ishi qo‘zg‘atildi. Ular daraxtni yo‘q qilishga urinish paytida ekologiya va IIO xodimlariga qarshilik ko‘rsatgan. gazeta.uz »
Farg‘ona shahrida onlayn qimor sabab qarzga botgan yigit qo‘shni mahalladagi xonadonga o‘g‘rilikka tushib, ayolni pichoqlab o‘ldirdi. Sud uni 17 yilga ozodlikdan mahrum qildi. gazeta.uz »
Surxondaryoning Jarqo‘rg‘on tumanida savdo binosi egasi hisoblagichni o‘zgartirish yo‘li bilan 1,3 mlrd so‘mlik elektrni noqonuniy ishlatdi. Farg‘ona shahrida ham tadbirkor oshxonasidagi nosoz gaz hisoblagich orqali 1,1 mlrd so‘mlik zarar yetkazdi. Hujjatlar tegishli organlarga yuborildi. gazeta.uz »
Oltiariq tumanida bayonnoma tuzilgan BYD Song avtomobilini olib ketayotgan YPX inspektori YTHga uchradi. 17 yoshli Damas haydovchisi ikkinchi darajali yo‘ldan asosiy yo‘lga chiqib ketib u bilan to‘qnashdi. Oqibatda bola shifoxonada vafot etdi. gazeta.uz »
Farg‘ona politexnika instituti va TATU Farg‘ona filiali negizida Farg‘ona davlat texnika universiteti tashkil qilinadi. Yana uchta oliygoh negizida esa Qo‘qon davlat universiteti ochiladi. gazeta.uz »
Farg‘onaning Qo‘qon shahrida fuqaroni Janubiy Koreyaga ishga jo‘natishini aytib, undan 12 ming dollar olgan shaxs ushlandi. Hozirda holat yuzasidan jinoyat ishi qo‘zg‘atilib, tergov olib borilmoqda. gazeta.uz »
Dekabrda Qo‘qon davlat pedagogika institutining 20 yoshli talabasi o‘zini 3-qavatdan tashlab og‘ir jarohat olgan. Biroq qiz tibbiy yordam ko‘rsatilganiga qaramasdan 5-yanvar kuni vafot etgan. Prokuratura holat shaxsiy muammolar sababli sodir bo‘lganini aniqlagan va jinoyat ishi ochish rad etilgan. gazeta.uz »
Oliygohlarda registrator ofislari ochib, oliy ta’lim va ilm-fan xizmatlarini qamrab olgan yagona raqamli tizim joriy etish rejalashtirilmoqda. Dual ta’limda ishtirok etayotgan korxonalar rag‘batlantiriladi. gazeta.uz »
Toshloq tumanida yuqori tezlikda harakatlangan mast Damas haydovchisi velosipedda ketayotgan fuqaro va 5 yoshli piyodani urib yubordi. Oqibatda 71 yoshli erkak voqea joyida, bola esa shifoxonada vafot etdi. gazeta.uz »
Farg‘ona viloyati hokimligi kapital qurilish sohasida buyurtmachi xizmati direktori vazifasida ishlagan Hakim Dolimov hokimning qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimiga tayinlandi. gazeta.uz »
Farg‘ona shahridagi xonadonda Kaliforniya forsi iloni boqilayotgani aniqlangan. Fuqaroga bu qonunga zid ekani tushuntirilgandan so‘ng ilon Farg‘ona hayvonot bog‘iga o‘tkazilgan. gazeta.uz »
Farg‘onada enaga zinadan yiqilib tushgan ikki yoshli qaramog‘idagi qizchani kasalxonaga olib bormadi. Bola og‘ir jarohat olgan. Xavf ostida qoldirish holati bo‘yicha jinoyat ishi qo‘zg‘atilib, holat Bolalar ombudsmani tomonidan nazoratga olingan. gazeta.uz »
17-dekabrda Farg‘onadagi AYQSHda portlash bo‘ldi. Hodisa oqibatida rasman 4 kishi vafot etgan. “Gazeta.uz” muxbirlari 20-dekabr kuni Farg‘onada bo‘lib qaytdi, ammo safar qariyb besamar o‘tdi: hodisa haqida deyarli hech kim gapirishni istamadi, gapirganlar esa keyinroq intervyusi chiqarilmasligini so‘radi. gazeta.uz »
Farg‘onada portlash sodir bo‘lgan avtomobillarga propan va benzin quyish shoxobchasi buzilmoqda. Viloyat FVBga ko‘ra, buzish ishlari shoxobcha rahbarining o‘z xohish istagi bilan amalga oshirilmoqda va u qayta faoliyat ko‘rsatmaydi. gazeta.uz »
Farg‘ona shahridagi solidol va litol ishlab chiqarish sexida yong‘in sodir bo‘ldi. Hodisa oqibatida bir kishi voqea joyida halok bo‘lgan. Video. gazeta.uz »
Farg‘onadagi portlashdan so‘ng viloyatda joylashgan barcha yoqilg‘i quyish shoxobchalarini o‘rganib chiqish uchun ishchi guruh tuzildi. Ular stansiyalarning sanoat, yong‘in, ekologik xavfsizligi talablariga muvofiqligi va qonunchilikdagi boshqa me’yorlarni o‘rganadi. Zapravkalar xodimlari FVB o‘quv markazida o‘qitiladi. gazeta.uz »
Farg‘onada zapravkadagi portlash oqibatida shifoxonaga yotqizilgan bemorlardan 3 nafari vafot etdi. Holat bo‘yicha jinoiy ish ochilib, 5 kishi qamoqqa olindi. Avvalroq hodisa sabab bir kishi vafot etgani va to‘rt kishi jarohatlangani xabar qilingandi. gazeta.uz »
Farg‘ona shahridagi yoqilg‘i quyish shoxobchasida sodir bo‘lgan portlash oqibatida bir kishi vafot etdi, to‘rt kishi tan jarohati oldi, yana sakkiz kishi tibbiy nazorat ostiga olindi. Portlashga suyultirilgan gazni quyish paytida texnologik jarayon va texnika xavfsizligi qoidalarining buzilishi sabab bo‘lgan. gazeta.uz »
Seshanba kuni Farg‘ona shahridagi yoqilg‘i quyish shoxobchasida portlash sodir bo‘ldi. Tarmoqlarda hodisa oqibatida jarohatlanganlar borligi haqida xabarlar tarqalmoqda. Viloyat FVB yong‘in qurshab olingani va o‘chirilganini bildirdi. gazeta.uz »
Farg‘ona shahridagi issiqxona o‘zboshimchalik bilan tabiiy gaz tarmog‘iga ulanib, 1,6 mlrd so‘mlik zarar yetkazgani aniqlandi. To‘plangan hujjatlar huquqni muhofaza qiluvchi organlarga yuborildi. gazeta.uz »
Prezidentga Farg‘ona viloyatini rivojlantirish bo‘yicha rejalar taqdim etildi. Kelasi yilda viloyatga 3,7 mlrd dollar investitsiya jalb etish, eksport hajmini 1,5 mlrd dollarga yetkazish rejalashtirilmoqda. gazeta.uz »
FVV qutqaruvchilari Janubiy Farg‘ona kanaliga tushib ketgan Damas`ni suvdan olib chiqdi. Haydovchi va ikki yo‘lovchining o‘zi suvdan chiqib olgan. gazeta.uz »
Farg‘onaning Dang‘ara tumanida Lacetti va Damas ishtirokida “avariya” sodir bo‘ldi. Hodisa oqibatida Damas salonida ketayotgan qiz vafot etgan. Haydovchi 6 yilga ozodlikdan mahrum qilindi. gazeta.uz »
Farg‘ona shahrida noqonuniy ohak ishlab chiqarish sexi tashkil qilib, 1 mln kub metr tabiiy gazdan foydalangan fuqarolar ushlandi. Ular davlat manfaatiga 2,6 mlrd so‘m zarar yetkazgan. gazeta.uz »
Farg‘ona viloyati hududiy elektr tarmoqlari korxonasining korrupsiyaga qarshi kurashish bo‘limi boshlig‘i pora bilan qo‘lga tushdi. U tuman bosh muhandisidan yo‘l qo‘ygan kamchiliklari uchun ishdan bo‘shatilmasligi evaziga 1000 dollar olgan. Jinoyat ishi qo‘zg‘atildi. gazeta.uz »
Farg‘onada tanishiga 20 martadan ortiq pichoq urib, jinoyat izlarini yashirish maqsadida uyiga o‘t qo‘ygan ayol 15 yildan ko‘proqqa ozodlikdan mahrum etildi. Sudlanuvchining kredit qarzdorligi bo‘lgan va qarzni to‘lash uchun jabrlanuvchinikiga o‘g‘irlikka tushgan. gazeta.uz »
Farg‘ona viloyati Qo‘qon shahrida Matiz noto‘g‘ri qayrilish ortidan qarshi yo‘nalishdagi Lada Vesta bilan to‘qnashdi. YTHda ikkinchi mashina ichidagi 80 yoshli fuqaro jarohat oldi va shifoxonaga yotqizildi. gazeta.uz »
Farg‘ona viloyati O‘zbekiston tumanida 4 kishi kafeda tayyorlangan ovqatdan zaharlanib, kasalxonaga yotqizildi. Holat Sanepidqo‘mita xodimlari tomonidan nazoratga olingan. gazeta.uz »
Farg‘ona viloyati hokimi qarori bilan viloyatdagi jamoat transportidan foydalanganlik uchun bir martalik to‘lov 3000 so‘m etib belgilandi. Agar yo‘l haqi kartadan to‘lansa, 2400 so‘m bo‘ladi. gazeta.uz »
