ýíäè - Ïîñëåäíèå íîâîñòè [ Ôîòî â íîâîñòÿõ ] | |
O‘zbekistonda tadbirkorlarning soliq qarzdorligi bo‘yicha penya miqdori asosiy qarz summasidan oshib ketmasligi haqidagi norma joriy etiladi. Shuningdek, QQS to‘lovchisi guvohnomasi endi avtomatik tarzda to‘xtatilmaydi - bunday qaror soliq organi rahbari yoki uning o‘rinbosari tomonidan qabul qilinadi. gazeta.uz »
O‘zbekistonda mobil raqamni boshqa shaxs nomiga my.gov.uz orqali o‘tkazish mumkin bo‘ldi. 22-apreldan kuchga kiradigan o‘zgarishlarga ko‘ra, endi bank va to‘lov xizmatlari ilovalaridan foydalanishda telefon raqami karta egasiga rasmiylashtirilgan bo‘lishi kerak. Cheklovlar faqat yangi harakatlarda qo‘llanadi. gazeta.uz »
O‘zbekistonda endi jismoniy va yuridik shaxslar o‘zlariga tegishli fuqarolik, ma’muriy, iqtisodiy va ma’muriy huquqbuzarlik to‘g‘risidagi ishlar yuzasidan sud majlisi o‘tkaziladigan sana, vaqt va sud to‘g‘risida YAIDXP orqali xabardor qilinadi. gazeta.uz »
Xorijda yashaydigan yoki vaqtincha bo‘lib turgan fuqarolar endilikda MyGov portali orqali O‘zbekiston elchixonasi yoki konsulligi qabuliga yozilishi mumkin bo‘ladi. Turli mamlakatlardagi diplomatik vakolatxonalar ko‘rsatadigan xizmat turlari bir-biridan farq qiladi. gazeta.uz »
O‘zbekistonda endi avtomototransport vositasini ro‘yxatdan o‘tkazish haqidagi guvohnomani (“texpasport”) har 5 yilda almashtirish majburiy bo‘ladi. Avval guvohnoma muddati chegaralanmagan, faqat transport egasi yoki egasining uy manzili o‘zgarsa qayta rasmiylashtirilar edi. gazeta.uz »
26-martdan O‘zbekistonning Istanbuldagi Bosh konsulxonasi barcha xizmatlar uchun faqat elektron navbat orqali qabul qilishni boshlaydi. Oldindan ro‘yxatdan o‘tmaganlar qabul qilinmaydi (o‘ta favqulodda holatlar mustasno). gazeta.uz »
Prezident bundan buyon murojaatlarni asossiz ravishda quyi tizimlarga ko‘rib chiqish uchun yuborgan tashkilot rahbarlariga keskin chora ko‘rilishini ma’lum qildi. Murojaatlar to‘g‘risidagi qonunchilik talablarini buzganlik uchun jazo ham kuchaytiriladi. gazeta.uz »
Prezident Shavkat Mirziyoyev aholi murojaatlari bilan ishlash tizimini o‘zgartirishni topshirdi. Endi Xalq qabulxonalari faqat ariza qabul qilmay, hududlardagi muammolarni tahlil qilib, ularning sabablarini aniqlaydigan markazga aylanadi. Yangi tizim Qarshi shahri misolida tushuntirildi. gazeta.uz »
O‘zbekistonda endi ipoteka krediti asosida sotib olingan uyga fuqarolarni ushbu uy egasi arizasi yoki bankning roziligi asosida yashash joyi va turgan joy bo‘yicha ro‘yxatdan o‘tkazishga ruxsat beriladi. gazeta.uz »
O‘zbekistonda endi haydovchilik guvohnomasi yo‘q yoki ushbu huquqidan mahrum etilgan inson mashina boshqarsa, yo‘llardagi kameralar tomonidan aniqlanib, unga nisbatan onlayn ravishda chora ko‘riladi. gazeta.uz »
O‘zbekistonda nikoh yoshini pasaytirish uchun asos bo‘ladigan holatlarning qat’iy ro‘yxati belgilanadi. PA rahbari o‘rinbosari Nodira Hakimovaning so‘zlariga ko‘ra, qarindoshlarning xohishi yoki kuyovning chet elga ketishi kabi sabablar endi voyaga yetmagan qizlarni turmushga berish uchun asos bo‘la olmaydi. gazeta.uz »
Eronlik huquq faoli, 2023-yilda tinchlik bo‘yicha Nobel mukofotiga loyiq ko‘rilgan Narges Muhammadi 7,5 yilga qamaldi. U “til biriktirish, noqonuniy to‘planish va propaganda”da ayblandi. 2021-yilda ham Eron hukumati unga “davlatga qarshi tashviqot” uchun 2,5 yil qamoq jazosini bergandi. gazeta.uz »
Raqobat qo‘mitasi taklifiga ko‘ra, endilikda UzAirways orqali uchib ketish va qaytish chiptasiga ega yo‘lovchilar ayrim sabablar bilan uchib ketolmaganda, qaytish chiptasi bekor qilinmaydi. Qo‘mita ushbu qoidani mahalliy yo‘nalishlardagi boshqa aviakompaniyalarga ham joriy etish yuzasidan hamkorlikda ish olib bormoqda. gazeta.uz »
O‘zbekistonda onlayn kreditlarni rasmiylashtirishga cheklov kiritildi: endi fuqarolar bir kunda faqat bitta bankdan kredit olishi mumkin. Ushbu chora Markaziy bankning yangi nizomida ko‘zda tutilgan. gazeta.uz »
O‘zbekistonda 1 ta kitob o‘qigan va belgilangan tartibda imtihon topshirgan mahkumning jazosini 3 kunga qisqartiriladi. Muddat 1 yilda ko‘pi bilan 30 kungacha qisqartirilishi mumkin. gazeta.uz »
O‘zbekistonda 1-yanvardan boshlab qattiq maishiy chiqindilarni to‘plash va olib chiqib ketish xizmatlari uchun haq to‘lashning yangi tartibi joriy etiladi. Mazkur tartibga ko‘ra, endilikda sanitar tozalash sohasida iste’molchilardan faqatgina ko‘rsatilgan xizmatlar uchun to‘lov hisoblanadi. gazeta.uz »
O‘zbekiston bo‘ylab bir necha minglab ingliz tili o‘qituvchilari oktabrda o‘tkazilgan attestatsiya natijalaridan norozi. Ular sinovlar haddan tashqari qiyin bo‘lgani, ba’zi savollar esa bahsli ekanini aytmoqda va jarayonni qayta tashkil etishni so‘ramoqda. Gazeta vaziyatni o‘rgandi. gazeta.uz »
O‘zbekistonda endi nashriyot tahririyati bosh muharrir lavozimiga oliy ma’lumotga va noshirlik faoliyatida kamida 3 yil ish stajiga ega bo‘lgan shaxs tayinlanishi mumkin. Shuningdek, bosh muharrir nashriyotning ijodiy faoliyati uchun qonunchilikka muvofiq javobgar ekani belgilandi. gazeta.uz »
Yangi nizom banklar, jumladan, mikromoliya banklariga mijozlarga mobil ilova orqali o‘lchovli oltin quymalarni sotish va qayta sotib olish imkonini beradi. Qimmatbaho metallni olish uchun shaxsni tasdiqlovchi hujjat va “maxfiy kod”ni ko‘rsatish kerak. gazeta.uz »
O‘zbekistonda gazni faqat “yoqish”, jumladan, isitish va ovqat tayyorlash uchun ishlatadigan iste’molchilar uchun gaz yetkazib berish bo‘yicha texnik shartlar berish to‘xtatildi. Bu haqda bosqichma-bosqich elektr energiyasiga o‘tish rejalarini izohlar ekan, energetika vaziri Jo‘rabek Mirzamahmudov ma’lum qildi. gazeta.uz »
2026-yildan boshlab homiladorlik va vaqtincha mehnatga layoqatsizlik nafaqalarini ish beruvchilar emas, Ijtimoiy himoya jamg‘armasi to‘laydi. Prezidentga taqdimotda aytilishicha, hozirgi tizim xususiy sektor uchun jozibador emas, “ortiqcha yuklama” - mahsulot tannarxi oshib, raqobatbardoshlikka ta’sir ko‘rsatmoqda. gazeta.uz »
21 yoshli rossiyalik tennischi Mariya Timofeyeva sport fuqaroligini o‘zgartirdi va endi xalqaro maydonda O‘zbekiston sharafini himoya qiladi. Sportchi WTA reytingida 146-o‘rinni egallab turibdi. gazeta.uz »
2026-yildan boshlab O‘zbekistonda elektrotexnika mahsulotlarini davlat xaridi asosida sotib olayotganda mahalliy muqobillarning mavjudligi tekshiriladi. Bundan tashqari, rasmiylar bojxona to‘lovlariga ehtimoliy tuzatishlar kiritish uchun mis mahsulotlari savdosini tahlil qiladi. gazeta.uz »
Prezident eng kam ish haqini belgilashda Kasaba uyushmalari va Ish beruvchilar federatsiyasini jalb qilishni taklif qildi. Uning aytishicha, hozir bu davlat organlari hisob-kitoblari asosida bir tomonlama hal qilinmoqda. gazeta.uz »
Shavkat Mirziyoyev 6 millionga yaqin aholi o‘zini o‘zi band qilib daromad topayotganini ma’lum qildi. Prezident shunday faoliyat yuritayotgan fuqarolarning mehnat huquqlarini himoya qilish va ularning hayoti, xavfsizligini sug‘urtalash bo‘yicha takliflarni Hukumatga kiritishni topshirdi. gazeta.uz »
Toshkent shahridagi 68-sonli avtobus harakati qisqartirildi - endi u Food Sity savdo markazigacha bormaydi. Yo‘nalish Qo‘yliq dehqon bozori - Chorsu savdo markazi oralig‘ida harakatlanadi. gazeta.uz »
Isroil Trampning tinchlik rejasi doirasida HAMAS bilan kelishuvni ma’qulladi va u kuchga kirdi. Endi 3 kun ichida barcha isroillik garovga olinganlar ozod qilinishi, Isroil bunga javoban 250 ga yaqin falastinlik mahbusni va G‘azoning hibsga olingan 1700 nafar fuqarosini ozod qilishi kerak. gazeta.uz »
AQSh prezidentining Janubiy va Markaziy Osiyo bo‘yicha maxsus vakili Serjio Gor Shavkat Mirziyoyevga endi u uchun Oq uyga to‘g‘ridan-to‘g‘ri murojaat yo‘li ochiq ekanini ma’lum qildi. “Tramp sizni Vashingtonda kutyapti. gazeta.uz »
O‘zbekiston OTMlarida tabaqalashtirilgan to‘lov-kontrakt miqdori endi muassasa rektorlari tomonidan belgilanadi. Bunda qabul chegaralariga 4,05 balldan ortiq ball yetmagan abituriyentlar uchun tabaqalashtirilgan to‘lov-kontrakt miqdorlari bazaviy kontraktning 3 barobaridan kam bo‘lmagan miqdorda belgilanadi. gazeta.uz »
Toshkentda endi isitish va issiq suv ta’minoti xizmatlari uchun to‘lovlar alohida ko‘rsatiladi. Veolia Energy Tashkent ma’lum qilishicha, kompaniya saytida shaxsiy kabinetga yangi xususiyat qo‘shilgan bo‘lib, unga ko‘ra, endi to‘lovlar isitish va issiq suv ta’minoti kabi ikki turdagi xizmatlarga bo‘linadi. gazeta.uz »
O‘zbekistonda haydovchilik guvohnomasini my.gov.uz portali orqali onlayn tiklash mumkin bo‘ldi. Endi yo‘qotilgan guvohnomani tiklash uchun YPX binosiga borish shart emas. Xizmat narxi - 370 800 so‘m. Hujjat 1 ish kunida rasmiylashtiriladi. gazeta.uz »
O‘zbekistonda qishloq xo‘jaligi yerlari ijarachilariga uchastkaning bir qismini boshqa foydalanuvchiga o‘tkazishga ruxsat berildi. Prezident farmonida qishloq xo‘jaligi yerlariga nisbatan faqat ijara huquqi tan olinishi ham belgilangan. gazeta.uz »
Fransiya prezidenti Emmanuel Makron mudofaa vaziri Sebasten Lekornyuni hukumatning yangi rahbari etib tayinladi. U Makron 2022-yilda qayta saylanganidan beri beshinchi bosh vazir bo‘ladi. gazeta.uz »
Prezident amaldagi tartibga ko‘ra, yillik aylanmasi 10 mlrd so‘mdan oshgan korxonalar foyda solig‘i bo‘yicha avans to‘lagani uchun aylanma mablag‘ masalasida qiyinchilikka uchrayotganini ta’kidladi. Davlat rahbari endi bu tartib faqat 20 mlrd so‘mdan yuqori aylanmali korxonalar uchun amal qilishi e’lon qilindi. gazeta.uz »
O‘zbekiston futbol assotsiatsiyasi jahon chempionatiga yo‘llanmani qo‘lga kiritgan milliy terma jamoa endilikda 7SABER liboslarida maydonga tushishini ma’lum qildi. Bungacha terma jamoa futbolchilari JAKO kompaniyasi liboslarida o‘ynayotgandi. gazeta.uz »
Qozog‘istonda hokimiyatda endi oila-klan tizimi yo‘q, davlat xizmatida meritokratiya tamoyili qaror topmoqda, dedi prezident Qosim-Jomart Toqayev. Uning ta’kidlashicha, mamlakat o‘z taraqqiyotining sifat jihatidan yangi bosqichiga qadam qo‘ydi. gazeta.uz »
O‘zbekistonda chorva va uy hayvonlarini identifikatsiya qilish kerak bo‘lgan muddatlari belgilandi. Xususan, qoramol, ko‘y, echki va tuyalarni tug‘ilganidan 14 kundan keyin, itlar va mushuklarni esa tug‘ilganidan 3 oydan keyin ro‘yxatga olish shart. gazeta.uz »
O‘zbekiston bo‘ylab istirohat bog‘lari va ko‘ngil ochar maskanlardagi nosoz attraksionlar haqida xabar berish mumkin bo‘lgan ilova ishga tushdi. Uni hozircha Android asosidagi qurilmalar uchun yuklab olish mumkin. gazeta.uz »
O‘zbekistonda endi sotuvchilar jismoniy shaxs bo‘lgan iste’molchilarga tovarlarni kelishilgan muddatlarda yetkazib bermagani uchun tovarning 0,5 foizi miqdorida penya to‘laydi. gazeta.uz »
Qirg‘iziston prezidenti sudlanganlik holati mavjud bo‘lganlarga prezident, Jogorku Kenesh deputati, hukumat raisi va boshqa lavozimlarga o‘tirishni taqiqlovchi qonunni imzoladi. Shuningdek, diniy arboblar o‘z faoliyatini to‘xtatgan kundan boshlab 5 yil davomida prezident va JK deputati bo‘la olmaydi. gazeta.uz »
O‘zbekistonda normativ-huquqiy hujjat va loyiha Prezident administratsiyasi huzuridagi ilmiy-tahliliy institutlar tadqiqotlari va ekspertlarning tavsiyalari asosida ishlab chiqiladi. Idoralar o‘zlariga tegishli sohani mustaqil tartibga solish vakolati doirasida normativ-huquqiy hujjatlar qabul qila oladi. gazeta.uz »
Endi O‘zbekistonda haydovchilar bir oy ichida ikki marta qarama-qarshi yo‘nalishda harakatlansa, svetofordan qizilda o‘tsa yoki tezlik me’yoriga 5 marta amal qilmasa, ularga 1 yilgacha jarimadan chegirma berilmaydi. gazeta.uz »
O‘zbekistonda endi soliq to‘lovchilarga ortiqcha to‘langan va undirilgan summalardan nafaqat muayyan bir soliq, balki boshqa soliqlar uchun ham foydalanishga ruxsat berildi. Shuningdek, soliq hujjatlarini faqat ERI emas, balki biometriya (Face-ID yoki barmoq izi) yordamida ham tekshirish mumkin bo‘ldi. gazeta.uz »
O‘zbekistonda qamoqqa olingan shaxsni tergov hibsxonasiga joylashtirishdan oldin uni tergov hibsxonasining o‘zida majburiy tibbiy ko‘rikdan o‘tkazish tartibi joriy etildi. Jarohat, shikastlanish va yaralar aniqlanganda, bu haqda qamoqqa olinganga ma’lum qilinadi va zudlik bilan prokurorga xabar beriladi. gazeta.uz »
O‘zbekistonda ro‘yxatdan o‘tgan nodavlat notijorat tashkilotlari o‘z vakillarining xorijga rejalashtirilgan tashriflari to‘g‘risida adliya organlarini endi onlayn shaklda xabardor qiladi. Gap NNT faoliyati bilan bog‘liq safarlar haqida ketmoqda. Bildirishnoma kamida 7 kun oldin yuborilishi kerak. gazeta.uz »
My.gov.uz'da sog‘lomlashtirish oromgohlariga yo‘llanma olish xizmati ishga tushirildi. Bu orqali ota-onalar o‘z farzandlari uchun qulay mavsum va oromgohni tanlab, uydan chiqmasdan turib ariza yo‘llashi va to‘lovni amalga oshirib, yo‘llanma olishi mumkin. gazeta.uz »
Yagona turizm platformasi orqali mehmonxona band qilishda o‘zbekistonliklar shaxsini tasdiqlashsiz ro‘yxatdan o‘tishi mumkin bo‘ladi, MyID’da identifikatsiya yetarli bo‘ladi. gazeta.uz »
1-sentabrdan boshlab har qanday statsionar yoki mobil tezlikni nazorat qiluvchi radarlarni yo‘l belgisi bilan belgilash majburiy bo‘ladi. Bu haqda Vazirlar mahkamasi qarori qabul qilindi. gazeta.uz »
O‘zbekistonda 1-iyundan shaharlar avtomobil yo‘llarida ta’mirlash yoki yo‘l chiziqlarini chizish bilan bog‘liq ishlar faqat soat 21:00 dan soat 07:00 gacha amalga oshiriladi. Dam olish kunlari, shuningdek, kechiktirib bo‘lmaydigan alohida holatlar bundan mustasno. gazeta.uz »
Shavkat Mirziyoyev bundan buyon xususiy oliygohlardagi pedagogik yo‘nalishlar davlat institutlari bilan bir xil bo‘lishini ma’lum qildi. Prezident hozirda xususiy universitetlarda bu yo‘nalishdagi talabalarning aksari maktabgacha ta’lim, boshlang‘ich ta’lim va filologiya bo‘yicha tayyorlanayotganini ta’kidladi. gazeta.uz »
