èëê - Ïîñëåäíèå íîâîñòè [ Ôîòî â íîâîñòÿõ ] | |
Albaniyada Diella nomli sun’iy intellekt vazirga aylandi, u davlat xaridlariga mas’ul bo‘ladi. Mamlakat bosh vaziri raqamli yordamchi Albaniyani “davlat tenderlari korrupsiyadan 100 foiz xoli bo‘lgan mamlakat”ga aylantirishini aytdi. Albaniya SIni vazir etib tayinlagan ilk davlat bo‘ldi. gazeta.uz »
Dunyo bo‘ylab birinchi marta ortiqcha vaznga ega bolalar soni kam vaznlilari sonidan oshib ketdi, deyiladi YUNISEF hisobotida. Tadqiqotchilar buni an’anaviy ovqatlanishdan arzon va yuqori kaloriyali mahsulotlarga o‘tilgani bilan bog‘lamoqda. gazeta.uz »
2026-yildan ilk marta QQS to‘loviga o‘tgan tadbirkorlar 1 yil davomida foyda solig‘idan ozod qilinadi, QQS to‘lovchisi sifatida soliq organlarida hisobga qo‘yish tartibini buzganlik uchun moliyaviy jarima qo‘llanilmaydi. gazeta.uz »
Iordaniya podshohi Abdulla II 25-avgust kuni davlat tashrifi bilan O‘zbekistonga keladi. Bu podshohlik rahbarining mamlakatga ilk tashrifidir. Tashrifning asosiy tadbirlari Samarqand shahrida o‘tkaziladi. gazeta.uz »
O‘zbekiston va Bahrayn hamkorlikni kengaytirish niyatida - siyosiy muloqotdan tortib, qo‘shma biznes loyihalarigacha. O‘zbekiston Tashqi ishlar vaziri Baxtiyor Saidov mamlakatga ilk rasmiy tashrifini amalga oshirdi. gazeta.uz »
Gumanitar tashkilotlar birinchi marta G‘azo provinsiyalaridan birida halokatli ocharchilik kuzatilayotganini, sentabr oyi oxiriga kelib, u yana ikkita provinsiyaga tarqalishi mumkinligini tasdiqladi. gazeta.uz »
Xitoyda ilk robot olimpiadasi boshlandi, unda 16 ta davlatdan kelgan gumanoidlar stol tennisi, futbol, yugurish, raqs kabilarda bellashmoqda. Tashkilotchilar tadbirdan maqsad joriy robototexnikani sinovdan o‘tkazish va takomillashtirish ekanini ta’kidladi. gazeta.uz »
Toshkentda uy-joy bozori o‘tgan yilgi pasayishdan keyin tiklana boshladi. Bozorga xorijiy developerlar kirib kelmoqda. Quruvchilar turar joy majmualarining birinchi qavatlarida tijorat binolarini tizimli ijaraga berishga o‘tmoqda. Bu xaridorlar uchun uylarning jozibadorligini oshiradi. gazeta.uz »
Qorabog‘ni tiklashda birinchi sovg‘ani O‘zbekiston bergandi, dedi Ozarbayjon prezidenti Ilhom Aliyev Shushada o‘tgan media forumda. Gap O‘zbekiston tomoni 2023-yilda Fuzuliy shahrida qurib bergan, 960 o‘quvchiga mo‘ljallangan maktab haqida bormoqda. gazeta.uz »
Hukumat Ilk rivojlanish markazlarini tashkil etish to‘g‘risidagi nizomni tasdiqladi. Markaz kambag‘al va alohida ta’lim ehtiyoji bor oilalarning 3−6 yoshdagi bolalariga ta’lim-tarbiya xizmatlarini ko‘rsatadi. gazeta.uz »
Interpol kanallari orqali qidirilgan erkak Litvadan O‘zbekistonga ekstraditsiya qilindi. U firibgarlikda ayblanmoqda. Ekstraditsiya amaliyoti bu ikki davlat orasida ilk bor amalga oshirildi. gazeta.uz »
Futbol bo‘yicha O‘zbekiston ayollar terma jamoasi Nepal bilan 3:3 hisobidagi durangdan so‘ng penaltilar seriyasida dramatik g‘alabaga erishdi. Jamoa 2003-yildan beri birinchi marta Osiyo kubogi final bosqichiga yo‘l oldi. Navbatdagi turnir 2026-yilda Avstraliyada o‘tadi. gazeta.uz »
Vladimir Putin va Emmanuel Makron salkam 3 yil ichida ilk bor telefon orqali gaplashib, Eron-Isroil mojarosi va Ukrainadagi urushni muhokama qildi. Putin Tehronning tinch atomni rivojlantirishdagi qonuniy huquqini hurmat qilishga, Makron Ukrainada o‘t ochishni to‘xtatish muzokaralarini boshlashga chaqirdi. gazeta.uz »
Fitch Ratings O‘zbekistonning xorijiy valyutadagi kredit reytingini ilk bor “BB-” dan “BB” darajasiga ko‘tardi. Yangilanish jadallashtirilgan islohotlar, kuchli moliyaviy ko‘rsatkichlar va barqaror iqtisodiy o‘sish istiqbollarini aks ettiradi. gazeta.uz »
27-iyun kuni dunyoda birinchi marta Xalqaro kar-ko‘rlar kuni nishonlanadi. Bir vaqtning o‘zida eshitish va ko‘rish nogironligi bor odamlar muayyan qiyinchilik va to‘siqlarga duch keladi hamda maxsus yordam xizmatlariga muhtoj. gazeta.uz »
Janubiy Koreya prezidenti Demokratik partiyadan deputat An Gyu Bekni mamlakat mudofaa vaziri etib tayinladi. U harbiy idoraning so‘nggi 64 yil ichidagi birinchi fuqarolik rahbari bo‘ldi. Sobiq mudofaa vaziri harbiy holat joriy etish orqali isyon ko‘tarishda ayblanmoqda. gazeta.uz »
Hindistonning Ahmadobod shahridan Londonga uchayotgan Air India kompaniyasining Boeing 787 Dreamliner yo‘lovchi samolyoti parvozdan ko‘p o‘tmay halokatga uchradi. Samolyot bortida 240 dan ortiq kishi bo‘lgan. Qutqaruv operatsiyasi olib borilmoqda. gazeta.uz »
“Navoiyuran” kompaniyasi 300 million dollargacha bo‘lgan yevroobligatsiyalarning birinchi chiqarilishiga tayyorlanmoqda. Kompaniya dunyoning moliyaviy markazlarida potensial investorlar uchun road-show o‘tkazdi. gazeta.uz »
O‘zbekiston futbolchilari Abu-Dabida bo‘lib o‘tgan Jahon chempionati saralashida BAA bilan 0:0 hisobidagi durangdan so‘ng 2026-yilgi Jahon chempionatida ishtirok etish huquqini qo‘lga kiritdi. Bu mamlakat tarixidagi ilk JCH yo‘llanmasidir (foto). gazeta.uz »
Jennifer Lopes Up All Night - Live in 2025 jahon turnesi doirasida ilk bor O‘zbekistonda konsert beradi. gazeta.uz »
Fransiyaning “Pari Sen-Jermen” klubi Chempionlar ligasi finalida Milanning “Inter” klubini 5:0 hisobida mag‘lubiyatga uchratib, o‘z tarixida ilk bor turnir g‘olibiga aylandi. Shuningdek, bu hisob turnir finalidagi eng yirigiga aylandi. gazeta.uz »
S&P agentligi ilk bor O‘zbekiston kredit reytingi prognozini “barqaror”dan “ijobiy”ga o‘zgartirdi. Bu iqtisodiy va fiskal islohotlardagi taraqqiyot, shuningdek, eksport va budjet daromadlarining yaxshilanishi, shu jumladan, oltin narxining yuqoriligi bilan bog‘liq. gazeta.uz »
Buyuk Britaniya va YI 2020-yildagi Brexit’dan keyin birinchi marta yirik kelishuv doirasida yangi bitimlar tuzib, ba’zi savdo to‘siqlarini olib tashlash va mudofaa sohasida hamkorlik qilishga kelishib oldi. gazeta.uz »
15-may kuni Istanbulda so‘nggi ikki yil ichida birinchi marta Rossiya va Ukrainaning urushni hal qilish bo‘yicha to‘g‘ridan-to‘g‘ri muzokaralari bo‘lib o‘tishi kutilmoqda. “Gazeta.uz” jarayon haqida mavjud bo‘lgan barcha ma’lumotlarni taqdim etadi. gazeta.uz »
Navbatdagi Haj mavsumi boshlanib, Toshkentdan Madinaga 240 nafar ziyoratchi uchib ketdi. 28-maygacha O‘zbekistonning 9 ta shahridan parvozlar amalga oshiriladi. Bu yil 15,2 ming o‘zbekistonlik Haj ziyoratini ado etishi kutilmoqda. Foto. gazeta.uz »
Yangi Rim papasi Leo XIV ilk yakshanba kungi va’zida jahon kuchlarini tinchlikka, xususan, Ukrainada “adolatli va mustahkam tinchlik” o‘rnatishga va G‘azoda zudlik bilan o‘t ochishni to‘xtatishga chaqirdi. gazeta.uz »
“Gazeta.uz” xotin-qizlar haqidagi stereotiplarni parchalab, faoliyati bilan tarixda iz qoldirgan ayollar haqidagi hikoyalarni davom ettiradi. Bu galgi qahramon - Pokistonga demokratiya nafasini olib kirib, inson huquqlari uchun kurashgan siyosiy arbob Benazir Bhutto. gazeta.uz »
Markaziy Osiyo davlatlari maxsus xizmatlari rahbarlari Toshkentdagi birinchi uchrashuvida xavfsizlikka oid zamonaviy tahdid va xatarlarni baholashning yagona yondashuvlarini ishlab chiqish, ularni bartaraf etish bo‘yicha hamkorlikni muhokama qildi. gazeta.uz »
Prezident 2021-yilda qurilishi boshlangan Yangi Andijon shaharchasidagi ilk natijalarni borib ko‘rdi. 4 ming gektar qurilish maydonida hozircha 63 ta ko‘p qavatli uy, maktab va bolalar bog‘chasi, shuningdek, poliklinika qurilgan. gazeta.uz »
Jizzax viloyatida RITM-200N reaktorlariga ega kichik atom elektr stansiyasi loyihasi doirasida qurilish-montaj bazasining (QMB) birinchi bosqichi qurilishi boshlandi. Ushbu baza energobloklar qurilishining butun davri uchun infratuzilmaning asosiy elementiga aylanadi. gazeta.uz »
Effect.uz saytida sudyalar faoliyatiga oid materiallar e’lon qilingach, Sudyalar oliy kengashi raisi Xolmo‘min Yodgorov nashr ustidan Bosh prokuraturaga taqdimnoma kiritgandi. Shundan so‘ng sayt rahbari Akmal Eshonxonovga nisbatan ma’muriy ish qo‘zg‘atilgan. Ish birinchi instansiya sudida ko‘rib chiqildi. Batafsil. gazeta.uz »
Prezident Shavkat Mirziyoyev O‘zbekistonda bundan buyon tadbirkorlikka endi qadam qo‘yganlar uchun “birinchi imkoniyat” tamoyili joriy etilishini aytdi. Unga ko‘ra, ilk bor ma’muriy huquqbuzarlik qilgan tadbirkor javobgarlikdan ozod qilinib, ularga kamchiligini bartaraf etish uchun imkoniyat beriladi. gazeta.uz »
Qirg‘izistonda 15-mart ilk bor Otalar kuni sifatida nishonlanmoqda. Kun “oilaviy totuvlikni mustahkamlash va otalarga hurmatni oshirish”ga qaratilgan. Mamlakatda Onalar kuni 2012-yildan beri nishonlab kelinadi. gazeta.uz »
Bahorning ilk kunlarida ob-havo Toshkent va boshqa hududlar uchun syurpriz tayyorladi. Yakshanba kechasi yog‘a boshlagan qor tonggacha yerni oqqa burkadi. Sinoptiklarga ko‘ra, bu vaqtinchalik bo‘lib, hafta o‘rtasidan harorat yana ko‘tarila boshlaydi. gazeta.uz »
Tojikistonning Xo‘jand shahrida 31-mart kuni Qirg‘iziston, Tojikiston va O‘zbekiston rahbarlarining birinchi uch tomonlama sammiti bo‘lib o‘tadi, deb xabar berdi Qirg‘iziston Vazirlar Mahkamasi raisi o‘rinbosari. gazeta.uz »
2024-yilda Xitoy O‘zbekistonda xorijiy kapital ishtirokida faoliyat yuritayotgan korxonalar soni bo‘yicha birinchi marta Rossiyani ortda qoldirdi. O‘tgan yil davomida Xitoy ishtirokidagi kompaniyalar soni 43,6% oshdi. gazeta.uz »
O‘zbekiston Markaziy bankining AQSh dollarini so‘mga nisbatan almashuv kursi ilk bor 13 000 so‘mlik nuqtadan oshdi. Yil boshidan buyon milliy valyuta 0,65 foizga qadrsizlandi. Devalvatsiya sur’ati o‘tgan yilning shu davriga nisbatan pastroq bo‘ldi. gazeta.uz »
O‘zbekiston delegatsiyasi 26 yildan so‘ng qishki Osiyo o‘yinlarida oltin medalni qo‘lga kiritdi. 2024-yildan buyon O‘zbekiston sharafini himoya qilib kelayotgan figurali uchuvchilar Dmitriy Chigirev va Yekaterina Geynish juftlik yo‘nalishida eng yaxshi natijani ko‘rsatdi. gazeta.uz »
2024-yilda O‘zbekistonda 2023-yilga nisbatan tug‘ilish 3,7 foizga kamayib, 926,4 mingta bola tug‘ildi. Bu 2017-yildan beri tug‘ilishning birinchi marta kamayishi hisoblanadi. Bundan tashqari, o‘limlar soni ketma-ket ikiinchi yil ko‘paydi, nikohlarda esa 2022-yilda boshlangan pasayish davom etmoqda. gazeta.uz »
Janubiy Koreyada 2024-yilning yanvar-noyabr oylarida tug‘ilganlar soni bir yil oldingiga nisbatan 3 foizga oshdi. Bu COVID-19 pandemiyasi tufayli kechiktirilgan nikohlar tiklangani bilan ham bog‘liq. gazeta.uz »
Janubiy Koreya prezidenti Yun Sok Yol o‘z xavfsizligidan xavotirlanib, impichment ishi bo‘yicha seshanba kuni o‘tadigan birinchi rasmiy sud majlisida qatnashmaydi. Uning advokati prezidentning sudga borishi uchun shaxsiy himoya va xavfsizlik masalasi hal qilinishi kerakligini aytdi. gazeta.uz »
O‘zbekistonda avtomobillar importi tarkibi o‘zgardi. Ilgari benzinli avtomobillar yetakchilik qilgan bo‘lsa, 2024-yilda birinchi marta elektromobil va gibrid avtomobillar importi hajmi ulardan oshib ketdi. gazeta.uz »
1-yanvar kuni O‘zbekistonda 1641 nafar chaqaloq tug‘ildi, ulardan 845 nafari qiz, 796 nafari o‘g‘il bola. Xususan, 22 ta holatda egizak, 1 ta holatda uch egizak dunyoga keldi. Eng ko‘p go‘dak Farg‘ona (244), Samarqand (186) va Qashqadaryo (181) viloyatlarida tug‘ildi. gazeta.uz »
Turkiya Markaziy banki deyarli ikki yil ichida birinchi marta asosiy stavkani 50% dan 47,50% gacha pasaytirdi. Regulyator mart oyidan buyon asosiy stavkani 50 foiz darajasida saqlab kelayotgandi. gazeta.uz »
Markaziy bankning bir AQSh dollarining so‘mga nisbatan kursi ilk bor 12 900 so‘mdan oshdi. Yil boshidan buyon milliy valyuta 2023-yilning shu davridagi 10,2% ga nisbatan 4,56% qadrsizlandi. gazeta.uz »
Uch yillik monetizatsiya tarixida ilk marta Telegram daromadga chiqdi, deb xabar berdi uning asoschisi Pavel Durov. 2024-yilda Telegram Premium obunachilari soni 12 milliondan oshdi. Kompaniya “kriptoaktivlarni hisobga olmaganda, 500 mln dollardan ortiq naqd pul zaxiralari bilan yilni yakunlamoqda”. gazeta.uz »
Toshkent metropoliteni birinchi marta bir kunda 1 million yo‘lovchiga xizmat ko‘rsatdi. Millioninchi yo‘lovchiga poytaxt jamoat transportidan bir yil davomida bepul foydalanish imkonini beruvchi transport kartasi sovg‘a qilindi. gazeta.uz »
Binance birjasida bitkoin kursi 100 ming dollardan ko‘tarildi. Ekspertlar kriptovalyutalarga himoya aktivi sifatida qiziqish ortganini qayd etdi. Bitkoin kursi Tramp g‘alabasidan beri sezilarli ko‘tarilib bormoqda. gazeta.uz »
Fransiya parlamenti 1962-yildan beri birinchi marta hukumatga ishonchsizlik votumini ma’qulladi. Shu tariqa, bosh vazir Mishel Barne hukumati tashkil etilganidan uch oy o‘tib quladi. Votumga Barnening kelasi yil byudjetini parlament bilan kelishmasdan tasdiqlash qarori sabab bo‘ldi. gazeta.uz »
Toshkentda 50 o‘rinli ilk mualliflik filmlari kinoteatri ish boshladi. Unda har namoyishdan so‘ng rejissyor va kinomunaqqidlar ishtirokida muhokamalar bo‘lib o‘tadi. “Gazeta.uz” kinoxona asoschilari bilan mustaqil kinoni tomosha qilish madaniyati va tomoshabinlarning yangi avlodini shakllantirish haqida gaplashdi. gazeta.uz »
