Rejalashtirilmoqda - Ïîñëåäíèå íîâîñòè [ Ôîòî â íîâîñòÿõ ] | |
Buxoroning tarixiy markazidagi Poyi Kalon me’moriy majmuasini restavratsiya qilish reja qilinmoqda. Madaniy meros agentligi va YUNESKO jarayonga Fransiyaning CRATerre assotsiatsiyasi ekspertlari va mahalliy mutaxassislarni jalb etadi. gazeta.uz »
Farg‘onaning So‘x tumani turizm sohasiga $60 mln sarmoya kiritish ko‘zda tutilmoqda. Xususan, So‘x daryosi bo‘yida reabilitatsiya va fizioterapiya yo‘nalishidagi tibbiyot klasteri, turizm maskanlari barpo etish taklif qilindi. gazeta.uz »
Rossiya Davlat dumasi xorijliklarni mamlakatdan chiqarib yuborishga sabab bo‘ladigan huquqbuzarliklar ro‘yxatini kengaytiruvchi qonun loyihasini ko‘rib chiqadi. Asoslar orasida internetda inson qadr-qimmati va jamiyat axloqini haqoratlovchi ma’lumotlarni tarqatish hamda Rossiya armiyasini obro‘sizlantirish ham bor. gazeta.uz »
Toshkent shahrining Mirzo Ulug‘bek tumanidagi Buyuk ipak yo‘li ko‘chasida 24/7 rejimida ishlovchi turizm ko‘chasini tashkil etish rejalashtirilmoqda. Poytaxt hokimining bu haqdagi qarori ochiq e’lon qilinmagan. gazeta.uz »
Navoiy xalqaro aeroportiga Uzbekistan Airports’ning markazlashgan operativ boshqaruv tizimidan chiqib, aviakompaniyalar bilan mustaqil shartnomalar tuzish huquqi berilishi mumkin. Havo bandargohi daromadlarini o‘z modernizatsiyasiga sarflash, “porto-franko” erkin bojxona zonasini tashkil etish ko‘zda tutilmoqda. gazeta.uz »
Yashirin iqtisodiyotga qarshi kurash doirasida yuridik shaxslar uchun notarif cheklovlarni soddalashtirish orqali fuqarolar nomiga avtomobil olib kirish hajmini kamaytirish rejalashtirilmoqda. Bojxona qo‘mitasi va UZIMEI markazi o‘rtasida IMEI kodlarini ro‘yxatdan o‘tkazish bo‘yicha hamkorlik yo‘lga qo‘yiladi. gazeta.uz »
Toshkentdagi sanoat korxonalarini Sirdaryo erkin iqtisodiy zonasiga ko‘chirish imkoniyatlari ko‘rib chiqilmoqda. Bu yerga keladigan tadbirkorlarga yerlar chegirma bilan beriladi, xomashyo tashish esa temiryo‘l orqali pasaytirilgan tarifda amalga oshiriladi, dedi prezident. gazeta.uz »
Sirdaryo tumanida xitoylik hamkorlar ishtirokida avtomobil ishlab chiqarishni yo‘lga qo‘yish rejalashtirilmoqda, dedi prezident. 2026-yilda ishga tushiriladigan loyiha uchun 122 mln dollar mablag‘ ajratilgan. gazeta.uz »
Chiqindilarni yoqish orqali elektr energiyasi ishlab chiqaradigan zavodlar hozirda taxminan 40% qurib bitkazilgan. Ularni 2026-yil oxirigacha oltita hududda yakunlash rejalashtirilgan. Bu zavodlarning ishga tushirilishi poligonlar sonini qisqartirib, ularni ekologik xavfsiz hududlarga aylantirish imkonini beradi. gazeta.uz »
O‘zbekistonda xodimlarni maosh olish uchun ma’lum bir bankka majburiy biriktirib qo‘yish amaliyotidan voz kechish rejalashtirilmoqda. Markaziy bank shuningdek, telefon raqami orqali P2P pul o‘tkazmalarini joriy etadi va so‘mdagi barcha to‘lovlar uchun yagona to‘lov shlyuzi (svitch) yaratadi. gazeta.uz »
Urgut tumanida turistik-rekreatsion zona direksiyasini tashkil etish orqali 35 ming aholini band qilish rejalashtirilmoqda. Zarafshon tog‘ tizmasidagi “Qortog‘” zonasida 600 gektarlik turizm zonasi, “Qoratepa” suv ombori atrofida kemping va kapsula uylar tashkil etish ko‘zda tutilgan. gazeta.uz »
IMV 2026-yil uchun soliq siyosati loyihasini taqdim etdi: asosiy stavkalar o‘zgarmaydi, alkogol, tamaki va shakarli ichimliklarga aksiz ko‘tariladi, chipslarga soliq joriy etiladi, marketpleyslar stavkalari oshadi. gazeta.uz »
Transport vazirligi Toshkent va Chorvoq o‘rtasidagi yangi pulli yo‘l loyihasining ilk tafsilotlarini oshkor qildi. Vazir o‘rinbosari Jasurbek Choriyevga ko‘ra, mavjud infratuzilma mavsumiy eng yuqori tirbandlikka bardosh bera olmaydi. 56 km uzunlikdagi trassa hozirgi yo‘lga muqobil bo‘ladi. gazeta.uz »
Belgrad universiteti O‘zbekistonda o‘z filialini ochishni rejalashtirmoqda, deya ma’lum qildi oliy ta’lim, fan va innovatsiyalar vaziri Qo‘ng‘irotboy Sharipov. Bundan tashqari, Novi-Sad universiteti bilan ham qishloq xo‘jaligi sohasida qo‘shimcha ta’lim dasturlarini yo‘lga qo‘yish masalasi muhokama qilinmoqda. gazeta.uz »
YI va Transkaspiy yo‘lagida ishtirok etuvchi, jumladan, Markaziy Osiyo davlatlari muvofiqlashtiruvchi tuzilma tashkil etishni rejalashtirmoqda. Uning loyihasi noyabr oyida Toshkentda bo‘lib o‘tadigan Transkaspiy yo‘nalishi investorlari va aloqalari forumida taqdim etiladi. gazeta.uz »
O‘zbekistonda yangi yondashuv asosida suv hisobini yuritishni to‘liq elektron shaklga o‘tkazish rejalashtirilmoqda. “Suv hisobi” platformasi orqali foydalanilgan suv miqdori aniq hisoblanadi va iste’molchilarga elektron tarzda ma’lum qilinadi. gazeta.uz »
Prezident Administratsiyasi rahbari Saida Mirziyoyeva ma’lum qilishicha, Qoraqalpog‘istonda 2 mlrd dollarlik 27 ta loyiha amalga oshirilishi rejalashtirilgan. Ushbu loyihalar sanoat, logistika, qishloq xo‘jaligi va sog‘liqni saqlash sohalarini qamrab oladi hamda qariyb 10 mingta ish o‘rni yaratiladi. gazeta.uz »
O‘zbekistonda 2026-yildan boshlab ishlab chiqarilganiga 50 yil va undan ortiq bo‘lgan avtomototransport vositalaridan foydalanish, ularni qayta ro‘yxatga olish taqiqlanishi mumkin. Tegishli qaror loyihasi IIV tomonidan muhokama uchun e’lon qilindi. gazeta.uz »
O‘zbekistonda tuman va shahar hokimi o‘rinbosarlari sonini hozirgi 6 dan 4 nafargacha qisqartirish rejalashtirilmoqda. Bu hokimliklar faoliyatini takomillashtirishga doir prezident farmoni loyihasida ko‘zda tutilgan. gazeta.uz »
Ma’lumotlarni boshqarish milliy tizimi to‘g‘risidagi qonun loyihasi e’lon qilindi. Qonundan maqsad - davlat organlari yig‘adigan ma’lumotlarga nisbatan umumdavlat yondashuvini joriy etish hamda raqamli ma’lumotlarni yig‘ish, shakllantirish, qayta ishlash, saqlash va ulardan foydalanishda yagona yondashuvni ta’minlash. gazeta.uz »
O‘zbekistonda kreditlar reklamasida xatarlar haqida ogohlantirish taklif etilmoqda. Markaziy bank “Reklama to‘g‘risida”gi qonunga o‘zgartirishlar kiritishni taklif qilmoqda. Unga ko‘ra, reklamada kelgusi xarajatlar va moliyaviy qiyinchiliklar bilan bog‘liq tavakkalchiliklar ko‘rsatilishi rejalashtirilgan. gazeta.uz »
O‘zbekistonda pensiya yoshi chegarasini erkaklar uchun 60 yoshdan 63 yoshgacha, ayollar uchun 55 yoshdan 58 yoshgacha bosqichma-bosqich oshirish taklif etildi. Pensiya jamg‘armasi vakilining ma’lum qilishicha, yosh chegarasini oshirishning ikkita varianti ko‘rib chiqilmoqda. gazeta.uz »
Senatorlar hukumatdan abonentlar roziligisiz pulli xizmatlarga ulagan kontent-provayderlar ustidan nazoratni kuchaytirishni talab qildi. Raqamli texnologiyalar vazirligi xizmatga ulanishda 2 bosqichli tasdiqlashni joriy qilishni taklif qildi. gazeta.uz »
Prezident QQS ma’murchiligini takomillashtirish va uni qaytarishni nazarda tutuvchi hujjatlar loyihalarini ishlab chiqishni buyurdi. Gap bu soliqni to‘lovchilarni soddalashtirilgan ro‘yxatga olish, marketpleys orqali eksport uchun QQS qaytarish, mehmonxona va tibbiyot biznesini qo‘llab-quvvatlash haqida bormoqda. gazeta.uz »
So‘nggi yillarda insult va infarktga olib keluvchi kasalliklar ko‘paymoqda, ularning 85 foizi nogironlik bilan yakunlanadi, ta’kidlandi prezidentga taqdimotda. Shu bois ushbu xastaliklarning oldini olish va davolash uchun Milliy nevrologiya va neyroreabilitatsiya tibbiyot markazi tashkil etish rejalashtirilmoqda. gazeta.uz »
Toshkent shahrida issiqlik ta’minoti va issiq suv tariflarining navbatdagi oshirilishi rejalashtirilmoqda. 2025-yil 1-oktabrdan boshlab aholi uchun narxlar 15 foizga, yuridik shaxslar uchun 40 foizga, budjet tashkilotlari uchun esa 19 foizga oshishi mumkin. gazeta.uz »
O‘zbekistonda norasmiy bandlikka yo‘l qo‘ygan ish beruvchilarni BHMning 30 baravari, takroran sodir etilganda esa BHMning 100 baravari miqdorida ma’muriy javobgarlikka tortish rejalashtirilmoqda. gazeta.uz »
2026-yilda O‘zbekiston xizmat bozorida raqobat muhitini yaxshilash uchun kamida 6 ta xalqaro aviakompaniyani mamlakatga jalb qilish ishlari amalga oshiriladi. Fiskal strategiyaga ko‘ra, shuningdek, kelasi yilda respublikada havo qatnovini kamida 1,5 barobarga oshirish rejalashtirilmoqda. gazeta.uz »
Toshkentdagi go‘sht importyorlari va chorva xo‘jaligi vakillari “narxlarni tartibga solish va bozorni ta’minlashda tizimli yondashuvni yo‘lga qo‘yish” imkonini beradigan uyushmaga birlashishga kelishib oldi. gazeta.uz »
Prezident Shavkat Mirziyoyev Toshkent viloyatida poytaxt uchun yangi aeroport qurish rejalari bilan tanishdi. Uni 2030-yilgacha ishga tushirish rejalashtirilmoqda. Birinchi bosqichda havo bandargohi yiliga 20 mln yo‘lovchiga xizmat ko‘rsatish imkoniyatiga ega bo‘ladi. Hozirda investorlarning takliflari ko‘rib chiqilmoqda. gazeta.uz »
O‘zbekistonda BSKlar foydasiga kvartira to‘lovlari va jismoniy shaxslarning BHMning 5 baravarigacha bo‘lgan qarzlari uchun soddalashtirilgan undiruvni kengaytirish rejalashtirilmoqda. Mablag‘lar banklardagi hisobvaraqlardan masofadan turib, mol-mulkni xatlamasdan yoki qarzdorning uyiga bormasdan yechib olinadi. gazeta.uz »
Prezident Jizzax viloyatiga tashrifi yakunida yangi loyihalar taqdimoti bilan tanishdi. Xususan, Aydar-Arnasoy ko‘llar tizimi qirg‘og‘ida zamonaviy turizm markazi qurish rejalashtirilmoqda. “Agar imkoniyatlardan to‘g‘ri foydalanilsa, Zomin tumani ishsizlikdan xoli hudud bo‘la oladi”, - dedi davlat rahbari. gazeta.uz »
O‘zbekistonda Xalqaro tijorat sudi tashkil etilmoqda. Uning vazifasi - investorlar huquqlarini himoya qilish, mahalliy sudyalar va advokatlar malakasini oshirishdan iborat. Sud xalqaro standartlarga muvofiq ishlaydi hamda tijorat nizolarini ko‘rib chiqishda shaffoflik va bashoratlilikni ta’minlaydi. gazeta.uz »
Shavkat Mirziyoyev va Sloveniya bosh vaziri Robert Golob uchrashuvida o‘zaro tovar ayirboshlash hajmini 500 mln yevroga yetkazish, migratsiya sohasida ekspertlar guruhini tuzish, ikki mamlakat o‘rtasida to‘g‘ridan-to‘g‘ri aviaqatnovlarni yo‘lga qo‘yish, qo‘shma ta’lim dasturlarini rivojlantirish rejalari kelishib olindi. gazeta.uz »
Prezident Toshkentdagi renovatsiya va investitsiya loyihalari taqdimoti bilan tanishdi. Bosh reja asosida poytaxtdagi 300 dan ortiq binoda renovatsiya ishlarini amalga oshirish, shahar va uning atrofidagi yashil hududlarni 3 karra ko‘paytirib, 25 ming gektarga yetkazish ko‘zda tutilgan. gazeta.uz »
O‘zbekiston Markaziy banki va Tencent Cloud International delegatsiyasi uchrashuvida WeChat Pay’ni mahalliy to‘lov tizimlari bilan integratsiya qilish, QR-kod orqali to‘lovlar va bulutli infratuzilma sohasida hamkorlik imkoniyatlari muhokama qilindi. gazeta.uz »
Prezident Bo‘stonliqdagi “Chorvoq darvozasi” majmuasi, Toshkent shahri Yashnobod tumanida qurilishi rejalashtirilayotgan okeanarium va Yakkasaroydagi turar joy hamda ishbilarmonlik markazi loyihalari taqdimoti bilan tanishdi. gazeta.uz »
Buxoroning yangi aeroportini 2026-yil oxirida foydalanishga topshirish rejalashtirilmoqda. Uzbekistan Airports kompaniyasining qayd etishicha, shahar chekkasida olib borilayotgan qurilish ishlari aholini ko‘chirish yoki daraxtlarni kesishni talab qilmaydi. gazeta.uz »
O‘zbekistonda kanalizatsion infratuzilma kengaytirilmoqda. Joriy yilda 135 ming xonadonni ulash va tizim qamrovini 24% ga yetkazish rejalashtirilgan, dedi “O‘zsuvta'minot” raisi v.b. Qator shaharlardagi oqava suvlarni tozalash inshootlarini DXSh doirasida xususiy boshqaruvga o‘tkazish rejalashtirilmoqda. gazeta.uz »
O‘zbekistonda kanalizatsion infratuzilma kengaytirilmoqda. Joriy yilda 135 ming xonadonni ulash va tizim qamrovini 24% ga yetkazish rejalashtirilgan, dedi “O‘zsuvta’minot” raisi v.b. Qator shaharlardagi oqava suvlarni tozalash inshootlarini DXSH doirasida xususiy boshqaruvga o‘tkazish rejalashtirilmoqda. gazeta.uz »
O‘zbekistonda uy-joy sotib olayotganda to‘lanadigan QQSning bir qismini keshbek shaklida qaytarish mexanizmini joriy etish rejalashtirilmoqda. Ushbu chora uy-joy sohasida yashirin iqtisodiyotni kamaytirishga qaratilgan. gazeta.uz »
O‘zbekistonda fuqarolar pensiya yoshiga yetganda ariza topshirishi shart bo‘lmaydigan proaktiv pensiya tizimiga o‘tiladi. Deputatlar tegishli qonunni birinchi o‘qishda qabul qildi. Tizimni 1-martdan ishga tushirish rejalashtirilgan. gazeta.uz »
O‘zbekistonda 2025-yilda shifokor qabuliga navbat to‘liq elektron shaklga o‘tkaziladi, stomatologiya xususiy sektorga beriladi, shifokorlar ish samaradorligi uchun ustamalar ola boshlaydi. Viloyat miqyosidagi ixtisoslashtirilgan tibbiyot muassasalari ko‘p tarmoqli poliklinikalarga aylantiriladi. gazeta.uz »
Prezident rahbarligidagi yig‘ilishda 2025-yilda IT xizmatlari hajmini 30 foizga o‘stirib, 80 trillion so‘mdan, eksportini 1 milliard dollardan oshirish zarurligi ta’kidlandi. gazeta.uz »
O‘zbekistonda 2025-yilda 135 ming xonadonli ko‘p qavatli uylarni markazlashgan holda isitiladigan, ovqat pishirish esa elektr plitasi orqali bo‘ladigan qilib qurish rejalashtirilgan, deyiladi prezident yig‘ilishida. gazeta.uz »
O‘zbekistonda joriy yilda renovatsiya dasturi asosida 20 ming xonadon qurish rejalashtirilgan, deyiladi prezident bilan uchrashuvda. Davlat rahbari bu boradagi ishlar mamlakatning qator shahar va tumanlarida allaqachon boshlanganini, buni boshqa hududlarda ham ommalashtirish zarurligini ta’kidladi. gazeta.uz »
O‘zbekistonda elektrotexnika eksportini yiliga 3 mlrd dollarga, ishlab chiqarish hajmini esa 50 trln so‘mga yetkazish reja qilinmoqda. Yuqori texnologiyali ishlab chiqarishni yo‘lga qo‘ygan tadbirkorlarni uch yil muddatga foyda va mol-mulk solig‘idan ozod qilish taklif etilmoqda. gazeta.uz »
Iqtisodiyot va moliya vazirligiga O‘zbekistonda hokimliklar xodimlarining mehnatiga haq to‘lash va ularni moddiy rag‘batlantirish miqdorini oshirish bo‘yicha takliflar ishlab chiqish topshirildi. Viloyatlar hokimliklari boshqaruv apparatining yangi namunaviy tuzilmasi tasdiqlanmoqda. gazeta.uz »
2025-yilda O‘zbekiston 43 mlrd dollarlik investitsiya o‘zlashtirishni rejalashtirmoqda. Investitsiyalar vaziri asosiy e’tibor importni qisqartirish va mahalliylashtirish darajasini oshirishga qaratilishini ta’kidladi. gazeta.uz »
O‘zbekistonda ozodlikdan mahrum etilgan shaxslarning masofaviy videouchrashuvga bo‘lgan huquqini ta’minlashga qaratilgan qonun loyihasi ishlab chiqildi. U bilan manzil-koloniyalar hamda tarbiya koloniyalaridagi mahkumlarning yiliga 24 marta masofali video uchrashuvlar olish huquqiga ega ekanligi belgilanmoqda. gazeta.uz »
