Afg - Ïîñëåäíèå íîâîñòè [ Ôîòî â íîâîñòÿõ ] | |
DXX tomonidan o‘tkazilgan tezkor tadbirlar davomida xorijdan olib kelingan jami 79 kg 744 gr giyohvandlik vositalarining noqonuniy aylanmasiga chek qo‘yildi. Hozirda mazkur shaxslarning barchasiga nisbatan jinoyat ishlari qo‘zg‘atilib, qamoq ehtiyot chorasi qo‘llanildi. Tergov harakatlari olib borilmoqda. gazeta.uz »
O‘zbekiston va Afg‘oniston elektr ta’minoti sohasida to‘rtta loyiha bo‘yicha shartnoma imzoladi. O‘zbekiston 18 oy ichida yakunlanishi rejalashtirilgan ushbu loyihalarga $243 mln sarmoya kiritadi. gazeta.uz »
DXX raisi Bahodir Qurbonov Kobulda Afg‘oniston milliy mudofaa vaziri vazifasini bajaruvchi Muhammad Yoqub Mujohid bilan uchrashdi. Tomonlar xavfsizlik, chegara sohasidagi hamkorlik va ikki tomonlama aloqalarni mustahkamlash masalalarini muhokama qildi. gazeta.uz »
Kobulda O‘zbekiston, Afg‘oniston va Pokiston “Termiz - Mozori-Sharif - Kobul - Peshovar” Transafg‘on temiryo‘lining texnik-iqtisodiy asosini ishlab chiqish bo‘yicha uch tomonlama hadli bitim imzoladi. gazeta.uz »
O‘zbekiston prezidenti Iqtisodiy hamkorlik tashkilotining navbatdagi sammitida nutq so‘zladi. U Eron-Isroil o‘rtasidagi kelishuvni qo‘llab-quvvatlashini bildirdi, Afg‘onistonni sammitga qaytganini qutladi. gazeta.uz »
Afg‘oniston O‘zbekiston bilan tovar ayirboshlash hajmini 2 mlrd dollarga yetkazishni va Markaziy Osiyo hamda Rossiyaga eksport hajmini oshirishni rejalashtirmoqda. O‘zbekiston elektr energiyasi yetkazib berishga, sement ishlab chiqarish, neftni qayta ishlash, tuz qazib olish va qayta ishlashga sarmoya kiritishga tayyor. gazeta.uz »
O‘zbekiston va Afg‘oniston chegaraoldi savdo va tegishli infratuzilma, qazib chiqarish, farmatsevtika va boshqa tarmoqlarda hamkorlikni rivojlantirmoqchi. Shavkat Mirziyoyev va Mulla Abdul G‘ani Barodar Xonkendidagi uchrashuvda Transafg‘on temiryo‘li qurilishini jadallashtirish zarurligini ta’kidladi. gazeta.uz »
2022-yil 5-iyul kuni Afg‘oniston hududidan otilgan beshta reaktiv snaryad Termizning “Majnuntol” mahallasida qulagan edi. Ushbu hujum ishtirokchisi Obid Saparov Pokistonda ko‘lga olinib, O‘zbekistonga olib kelindi va sud hukmi bilan 16 yilga ozodlikdan mahrum qilindi. gazeta.uz »
O‘zbekiston prezidenti Afg‘oniston sanoat va savdo vaziri vazifasini bajaruvchini qabul qildi. Savdo-iqtisodiy, transport-logistika, energetika va qishloq xo‘jaligi, geologiya-qidiruv va konchilik sohalarida hamkorlikni kengaytirish masalalari muhokama qilindi. gazeta.uz »
“Agar biz, slovaklar, aql bilan ish tutsak, O‘zbekiston biz uchun Afg‘oniston va mintaqaning boshqa mamlakatlariga kirish darvozasi bo‘lishi mumkin”, - dedi Slovakiya bosh vaziri Robert Fitso. U AES va mehnat migratsiyasidagi qo‘shma loyihalarga qiziqish bildirdi. Uning aytishicha, Slovakiya 150 ming ishchiga muhtoj. gazeta.uz »
O‘zbekiston “Tolibon” harakati bilan to‘laqonli muloqot qilishga, ularni eshitish uchun minbar berishga chaqiradi, dedi Abdulaziz Kamilov. Uning aytishicha, O‘zbekiston Afg‘oniston muvaqqat hukumatini “vaqti kelganda” tan oladi, biroq buni xalqaro hamjamiyat bilan birgalikda amalga oshirishni istaydi. gazeta.uz »
O‘zbekiston tashabbusi bilan Termizda o‘tkazilgan forumda Markaziy va Janubiy Osiyoni yaqinlashtirish yo‘llari muhokama qilindi. “Termiz muloqoti” qo‘shma loyihalar muhokamasi, shuningdek, Afg‘onistonni mintaqa iqtisodiyotiga jalb qilish va xavfsizlikka jamoaviy yondashuvlarni shakllantirish maydoniga aylandi. gazeta.uz »
Afg‘oniston elchisi Abdul G‘affor Teraviy Progressiv islohotlar markaziga bergan intervyusida yangi hukumatning siyosati, xalqaro munosabatlar, savdo-sotiq va mintaqadagi xavfsizlik haqida fikr bildirdi. gazeta.uz »
Afg‘oniston O‘zbekistonga Samarqanddagi Imom Buxoriy majmuasini bezashda ishlatish uchun 16 ta yuk mashinasida Hirot oq marmarini sovg‘a qildi. gazeta.uz »
“Tolibon” Afg‘onistonda diniy sabablarga ko‘ra shaxmat o‘yinini noma’lum muddatga taqiqladi. Milliy shaxmat federatsiyasi faoliyati tugatildi. gazeta.uz »
O‘zbekiston Qishloq xo‘jaligi vazirligi Afg‘oniston fermerlari va agrar tuzilmalariga beg‘araz yordam tariqasida 26 tonnadan ziyod qishloq xo‘jaligi urug‘larini yetkazib berdi. Ular orasida sertifikatlangan chigit, sholi, mosh va yuqori sifatli poliz ekinlari urug‘lari bor. gazeta.uz »
O‘zbekiston farmatsevtika kompaniyalari 2025-yil oxirigacha Afg‘oniston bozori uchun eksport hajmini 50 mln dollardan oshirishi mumkin. Shuningdek, Kobulda farmatsevtika mahsulotlarini ro‘yxatdan o‘tkazish vaqtini 6 oydan bir oygacha qisqartirish g‘oyasi qo‘llab-quvvatlandi. gazeta.uz »
O‘zbekiston prezidenti jahon hamjamiyati Afg‘oniston hududidan kelayotgan tahdidlarga yetarlicha baho bermayotganini aytdi. U mamlakatni mintaqaviy loyihalarga jalb qilishga chaqirdi va xalqaro hamjamiyatning Afg‘oniston rasmiylari bilan muloqotini yo‘lga qo‘yishiga umid bildirdi. gazeta.uz »
Prezident topshirig‘iga muvofiq, Navro‘z bayrami va yaqinlashib kelayotgan Ramazon hayiti munosabati bilan Afg‘onistonga qariyb 200 tonna insonparvarlik yordami yuborildi. Yuk tarkibidan un, bug‘doy, makaron mahsulotlari, o‘simlik yog‘i va shakar kabilar o‘rin olgan. gazeta.uz »
Suv xo‘jaligi vaziri Shavkat Xamrayevga ko‘ra, afg‘onlarning ham Amudaryodan suv olishga haqi bor. “Qo‘shtepa kanali masalasida sizlarni xafa qilmaymiz, deyishdi”, - dedi u. Vazir kanal 2028-yilda bitishi mumkinligini aytdi. gazeta.uz »
Afg‘oniston bosh vaziri o‘rinbosari v.b. Abdulg‘ani Barodar O‘zbekistonda bosh vazir Abdulla Aripov bilan uchrashdi. 10 ta mahsulotga bojlarni kamaytirish, O‘zbekistonning gaz qazib olish va sement zavodiga investitsiya kiritish, elektr uzatish liniyasini 30 mln dollarga arzonlashtirish bo‘yicha kelishuvlarga erishildi. gazeta.uz »
O‘zbekiston bosh vaziri Abdulla Aripov Toshkentda bo‘lib turgan Afg‘oniston bosh vaziri o‘rinbosari v.b. Abdulg‘ani Barodar bilan muzokara o‘tkazdi. Unda o‘zaro aloqalarni kengaytirish, savdo-iqtisodiy, energetika, transport va boshqa sohalarda hamkorlik haqida fikr almashildi. gazeta.uz »
O‘zbekiston va Afg‘oniston Hayraton - Mozori Sharif temiryo‘lining keyingi ekspluatatsiyasi bo‘yicha shartnomani uzaytirdi. Liniyaga xizmat ko‘rsatish “O‘zbekiston temir yo‘llari” shu’ba korxonasi hisoblangan “Sogdiana trans” MCHJda saqlanib qoladi. gazeta.uz »
Afg‘onistonning Balx viloyatiga “Salomatlik” poyezdida borgan o‘zbekistonlik shifokorlar uch kun davomida 1300 dan ortiq aholini tibbiy ko‘rikdan o‘tkazdi. Foto. gazeta.uz »
Pokiston Afg‘onistonning Paktika viloyatiga bombardimon uyushtirdi, kamida 46 kishi halok bo‘ldi. “Tolibon” bu harakatlar uchun qasos olishni va’da qildi. Pokiston tomoni havo hujumlari chegara bo‘ylab “terrorchilar yashiringan joylarni” nishonga olganini bildirdi. gazeta.uz »
O‘zbekiston va Afg‘oniston kompaniyalari 2025-yilda Afg‘oniston bozoriga elektr energiyasi yetkazib berish bo‘yicha kelishuvni uzaytirdi. Energetika vaziri Jo‘rabek Mirzamahmudov Afg‘onistonda “Surxon - Puli-Xumri” elektr uzatish liniyasi qurilishini ham muhokama qildi. gazeta.uz »
O‘rmon xo‘jaligi agentligi vakili Xojimurod Tolipov afg‘on shamoli oqibatida Surxondaryoda yuz beradigan qum-chang bo‘ronlarini yumshatish rejalari haqida gapirdi. Unga ko‘ra, 70 kungacha bo‘ladigan bunday hodisa oqibatlarini yashil himoya to‘siqlari yaratish, maxsus ko‘chatlar ekish va boshqalar orqali kamaytirish mumkin. gazeta.uz »
Chorshanba kuni Afg‘onistonda sodir bo‘lgan zilzila kuchi Surxondaryoda ham sezildi (2 ball). gazeta.uz »
O‘zbekistonning Afg‘onistondagi favqulodda va muxtor elchisi etib Oybek Usmonov tayinlandi. Tayinlovga qadar u Misr va Pokistonda elchi bo‘lgan. gazeta.uz »
Ismatulla Irgashevga ko‘ra, Afg‘oniston ham Amudaryo suvidan foydalanishga haqli. Ammo bu borada bir qancha masalalar mavjud. “Biz yaqin qo‘shnimiz bo‘lmish afg‘on xalqi bilan bularning yechimini albatta, topamiz” - dedi u. gazeta.uz »
Prezidentning Afg‘oniston bo‘yicha maxsus vakili Ismatulla Irgashevning ma’lum qilishicha, Eriell kompaniyasi Afg‘onistondagi gaz konini o‘zlashtirish bo‘yicha shartnoma imzolagan. Unga ko‘ra, O‘zbekiston 25 yil davomida loyihaga yiliga 100 million dollar sarmoya kiritadi, qazib olingan gazni ham qayta ishlaydi. gazeta.uz »
Prezidentning Afg‘oniston bo‘yicha maxsus vakili Ismatulla Irgashevning ma’lum qilishicha, Eriell KAM kompaniyasi Afg‘onistondagi gaz konini o‘zlashtirish bo‘yicha shartnoma imzolagan. Unga ko‘ra, O‘zbekiston 25 yil davomida loyihaga yiliga 100 million dollar sarmoya kiritadi, qazib olingan gazni ham qayta ishlaydi. gazeta.uz »
Afg‘onistonda o‘zbek haydovchilaridan undiriladigan yig‘im va to‘lovlar jami taxminan 99 dollarga (6,5 ming afg‘oni miqdorida) kamaytirildi. Bunda yuk avtomobilining Afg‘oniston hududiga kirishi (3 ming afg‘oni) va Amudaryo ko‘prigidan o‘tish uchun yig‘im (7 ming afg‘oni) etib belgilandi. gazeta.uz »
Payshanbaga o‘tar kechasi Afg‘onistonda 5,8 magnitudali zilzila sodir bo‘ldi. Uning kuchi Surxondaryo viloyatida sezilib, 2 ballni tashkil etdi. gazeta.uz »
O‘zbekiston Tashqi ishlar vazirligi Afg‘oniston muvaqqat hukumatidan chegara yaqinidagi «Termiz» xalqaro savdo markazida konsertlar va musiqa jo‘rligidagi tadbirlarni bekor qilish bo‘yicha hech qanday murojaat olmaganini ma’lum qildi. gazeta.uz »
DXX chegara qo‘shinlari xizmatchilari Afg‘oniston, Tojikiston va Qirg‘izistondan O‘zbekistonga olib kelingan giyohvand moddalarni musodara qildi. Mazkur holatlarda qo‘lga olingan gumondorlarga jinoyat ishlari qo‘zg‘atilib, qamoq ehtiyot chorasi qo‘llanilgan. gazeta.uz »
Tashqi ishlar vaziri Baxtiyor Saidov Afg‘onistonning O‘zbekistondagi diplomatik missiyasi yangi rahbari Abdul G‘affor Teraviyni qabul qildi. Ikki davlat o‘rtasidagi munosabatlarni rivojlantirish, foydalanilmayotgan salohiyatni ro‘yobga chiqarish, yangi loyihalarni ishlab chiqish masalalari muhokama qilindi. gazeta.uz »
O‘zbekiston mezbonlik qilayotgan futzal bo‘yicha jahon chempionatining “S” va “D” guruhlarida 2-tur uchrashuvlari bo‘lib o‘tdi. Musobaqani g‘alaba bilan boshlagan Afg‘oniston bu safar Argentinaga kichik hisobda mag‘lub bo‘ldi. gazeta.uz »
O‘zbekiston mezbonlik qilayotgan futzal bo‘yicha jahon chempionatining “S” va “D” guruhlarida 2-tur uchrashuvlari bo‘lib o‘tdi. Musobaqani g‘alaba bilan boshlagan Afg‘oniston bu safar Argentinaga kichik hisobda mag‘lub bo‘ldi. gazeta.uz »
Afg‘onistonlik 160 nafar ayol O‘zbekistondagi tibbiyot oliygohlarida o‘qitiladi. Bu borada Oliy ta’lim vazirligi va Qatarning Education above all fondi o‘rtasida memorandum imzolandi. Loyiha xarajatlarining katta qismini Qatar tomoni qoplaydi. gazeta.uz »
Germaniya hukumati uch yildan so‘ng afg‘onistonlik mahkumlarni vataniga deportatsiya qilishni tikladi. Avvalroq OAV Berlin O‘zbekiston va Kobulning boshqa qo‘shnilari bilan afg‘onistonliklarni ular orqali deportatsiya qilish bo‘yicha muzokaralar olib borayotgani haqida yozgan edi. gazeta.uz »
Afg‘oniston Mudofaa vazirligi mamlakatdan olib chiqilgan harbiy samolyotlar va vertolyotlarning O‘zbekistonda qolishiga qarshi chiqdi va aviatexnikalar taqdiri bo‘yicha har qanday kelishuv “qabul qilib bo‘lmaydigan” ekani va AQShning “afg‘on xalqi mulkini O‘zbekistonga xayriya qilishga haqqi yo‘q”ligini ta’qidladi. gazeta.uz »
O‘zbekiston va AQSh 2021-yilning avgustida Afg‘onistondan olib o‘tilgan harbiy samolyotlar va vertolyotlar taqdiri bo‘yicha kelishuvga erishdi. Amerika elchisi Jonatan Henik ular O‘zbekistonga o‘tkazilishini bildirdi. gazeta.uz »
O‘zbekistonning moliyaviy ko‘magida Mozori Sharifda ming talabaga mo‘ljallangan madrasa qurilishi boshlandi. Loyiha uchun 6 mln dollar ajratilgan bo‘lib, obyekt bir yil ichida foydalanishga topshirilishi rejalashtirilmoqda. gazeta.uz »
Tolibon Afg‘onistonda ayollarga “vasvasaga tushmaslik va boshqalarni ham vasvasaga solmaslik” uchun yuzlari ochiq holda sahnada ko‘rinishni, shuningdek, jamoat joylariga chiqishni rasman taqiqladi. Taqiqlar Illatlar va fazilatlar to‘g‘risidagi qonunlarning birinchi deklaratsiyasiga kiritildi. gazeta.uz »
Abdulla Aripov boshchiligidagi O‘zbekiston delegatsiyasi Kobulga bordi. Tashrifda savdo aylanmasini 3 mlrd dollarga yetkazish, energetika, transport, qishloq xo‘jaligi kabi sohalarda hamkorlikni chuqurlashtirish muhokama qilindi. gazeta.uz »
Afg‘onistonda ishlab chiqarilgan Royal anor sharbati tarkibidagi E122 azorubin bo‘yog‘i me’yordan oshib ketgan, deb xabar qildi Texnik jihatdan tartibga solish inspeksiyasi. Ushbu bo‘yoq bolalarning faolligi va diqqatiga salbiy ta’sir ko‘rsatishi mumkin. gazeta.uz »
Bir qator YI davlatlari Afg‘onistonda 2021-yilda Tolibon hokimiyat tepasiga kelganidan keyin yopilgan elchixonalarini qayta ochish imkoniyatini ko‘rib chiqmoqda, deb yozdi Bloomberg. gazeta.uz »
Afg‘oniston delegatsiyasining O‘zbekistonga tashrifida yuk tashuvlar uchun to‘lov va yig‘imlarni kamaytirish hamda O‘zbekiston, Afg‘oniston va Pokiston o‘rtasidagi tranzit bitimi muhokama qilindi. Tomonlar Hayraton-Mozori Sharif temiryo‘l liniyasini rekonstruksiya qilish bo‘yicha shartnoma muddatini yana 6 oyga uzaytirdi. gazeta.uz »
Sanepidqo‘m Afg‘onistonning gazlangan anor ichimligini tekshirishda zararli moddalarni aniqlamadi, ammo mahsulot xavfsizligini qayta tekshirishga qaror qildi. Avvalroq Qirg‘iziston bolalarda konsentratsiyani kamaytiradigan bo‘yoq mavjudligi sababli afg‘on ichimliklarini musodara qilishni boshlagandi. gazeta.uz »
