èêêè - Ïîñëåäíèå íîâîñòè [ Ôîòî â íîâîñòÿõ ] | |
Toshkentda fuqarodan 2200 dollar pora talab qilgan ikki nafar IIBB katta tezkor vakili qo‘lga olindi. Ular giyohvand modda bilan ushlangan kishini jinoiy javobgarlikka tortmaslikni va’da qilgan. gazeta.uz »
Toshkent aeroportida 25 yoshli qizni Turkiyaga fohishalikka jo‘natmoqchi bo‘lgan ikki ayol ushlandi. Ular turli va’dalar va yolg‘on ma’lumotlar orqali qizning ishonchiga kirgan. Holat yuzasidan odam savdosi moddasi bilan jinoyat ishi qo‘zg‘atildi. gazeta.uz »
Samarqand aeroportida Turkiyaga yuborilayotgan ikki ayol to‘xtatildi. Ular ishlashga ketayotganiga ishongan, ammo fohishalik maqsadida olib ketilayotgani aniqlangan. Chipta va xarajatlarni Turkiyadagi o‘zbekistonlik ayol to‘lab bergan, unga nisbatan jinoyat ishi qo‘zg‘atildi. gazeta.uz »
Andijondagi to‘qqiz qavatli binoning oxirgi qavatidagi xonadonda gaz portladi. Ikki kishi jarohatlangan. Yong‘in sodir bo‘lmagan. Viloyat hokimi Shuhratbek Abdurahmonov pod’ezd aholisini mehmonxonaga joylashtirish bo‘yicha topshiriq berdi. Tundan beri u yerda ta’mirlash ishlari olib borilmoqda. gazeta.uz »
Ikki hafta oldin avtobus halokati yuz bergan manzil yaqinida yana bir avtobus ag‘darilib ketdi. Oqibatda ikki kishi shifoxonaga yotqizildi. Holat bo‘yicha jinoiy ish ochildi. gazeta.uz »
2023-yilda korrupsiyaga qarshi kurashish samaradorligi “qoniqarsiz” deb baholangan guruhga kiritilgan 10 ta oliy ta’lim muassasasida keyingi ikki yil davomida korrupsiyaviy jinoyatlarga yo‘l qo‘yilmadi. gazeta.uz »
Qozog‘istonning Aqtobe viloyatida yo‘lovchi avtobusi ariqqa ag‘darilib ketdi. Oqibatda 5 kishi, xususan, 2 nafar o‘zbekistonlik halok bo‘ldi. O‘zbekiston FVV marhumlarning jasadini vatanga olib kelish choralari ko‘rilayotganini bildirdi. gazeta.uz »
Shavkat Mirziyoyev odamlarning umri paxta dalasida bekor o‘tganini ta’kidladi. “27 yil qiynalganmiz. Shu paxta degan baloni hammamiz dalada ko‘rdik, birimiz ikki bo‘lmadi”, - dedi u. Prezident avval paxta yetishtirish bo‘yicha tajriba bo‘lmagani, olimlarni pisand qilinmaganini qayd etdi. gazeta.uz »
O‘zbekiston 2030-yilgacha kimyo sanoatini ikki baravarga oshirishi, mineral o‘g‘itlar ishlab chiqarishni ko‘paytirishi va eksportni 1 mlrd dollarga yetkazishi kerak. Prezident sohada energiya tejamkor texnologiyalarni joriy qilish va raqamlashtirish orqali xarajatlarni keskin qisqartirishni buyurdi. gazeta.uz »
Prokuratura Farg‘ona viloyatida turmush o‘rtog‘i va voyaga yetmagan farzandlarini qasddan o‘ldirishda gumonlanayotgan erkakka nisbatan jinoyat ishi qo‘zg‘atdi. gazeta.uz »
Toyloq tumanida 40 yoshli erkak ikki o‘g‘li bilan tanishlarining yuk mashinalarini yoqib yubordi. Voqeaga o‘rtadagi kelishmovchilik ortidan kelib chiqqan janjal sabab bo‘lgani aytilmoqda. Samarqand viloyati IIBga ko‘ra, gumonlanuvchilar ushlanib, ularga nisbatan jinoiy ish ochildi. gazeta.uz »
Prezident uy-joy va ipoteka bozorini rivojlantirishga oid farmonni imzoladi. Hujjatda yillik qurilish hajmini 421 ming xonadongacha oshirish, ipoteka portfelini 10 baravarga - 56,7 milliard dollargacha kengaytirish va kompleks qurilishning yangi modelini joriy etish ko‘zda tutilgan. gazeta.uz »
DXX Tojikistondan giyohvandlik vositalarini kontrabanda qilish va Toshkentda sotish bilan shug‘ullangan ayol va uning ikki o‘g‘lini qo‘lga oldi. Ulardan qariyb 8 kg yaqin gashish va opiy topildi. gazeta.uz »
Shaxmatchilar Nodirbek Yoqubboyev va Javohir Sindarov Goadagi jahon kubogi yarim finaliga yetib borib, O‘zbekiston uchun tarixiy yutuqni qo‘lga kiritdi: ulardan biri aniq bu kabi turnirda ilk bor finalga chiqadi. gazeta.uz »
Sirdaryo viloyatining Xovos tumani IIBdagi ikki tezkor xodim pora olayotganda ushlangani aytilmoqda. Ular 4 kishini o‘g‘rilikda gumonlab, qamab yuborish bilan qo‘rqitgan hamda fuqarolardan jami 90 mln so‘m talab qilgan. gazeta.uz »
O‘zbekistonda ikki oy davom etgan pasayishdan so‘ng avtomobillar savdosi oktabr oyida yana faollashdi. Respublikada barcha turdagi avtotransport vositalari savdosi 112,5 ming donaga yetdi. Bu o‘tgan oyga nisbatan 11 foizga yuqori. gazeta.uz »
Qozog‘iston sudi 23 yoshli Yana Legkodimovaga nisbatan shov-shuvli qotillik ishi bo‘yicha hukm chiqardi. Ishda ayblanuvchilar begona emas - Yana bilan munosabatda bo‘lgan Rizuan Xayrjanov va uning do‘sti Altinbek Katimov. Ular umrbod qamoq jazosiga hukm qilindi. gazeta.uz »
Xitoy - Qirg‘iziston - O‘zbekiston temiryo‘lining qurilishi dastlabki grafikdan oldinda ketmoqda va 6 yil o‘rniga 4 yilda yakunlanishi mumkin, dedi “O‘zbekiston temir yo‘llari” rahbari birinchi o‘rinbosari Hikmatulla Rahmatov. gazeta.uz »
Sirdaryoda o‘zlari yo‘lovchi sifatida ketayotgan mashinani olib qochib, yo‘lda ularni to‘xtatmoqchi bo‘lgan ichki ishlar xodimini pichoqlagan ikki yigit sudlandi. Hukmga ko‘ra, ularning biri 9 yil 6 oy, ikkinchi esa 15 yil 6 oy muddatga ozodlikdan mahrum qilindi. gazeta.uz »
Rossiyaning Novosibirsk shahrida og‘ir moddiy ahvolga tushib qolgan fuqaro va uning ikki farzandi O‘zbekistonga qaytarildi. Tegishli organlar ular uchun sertifikat va aviachiptalar taqdim qildi. gazeta.uz »
OAV Fransiyadagi Luvr muzeyini talon-toroj qilishda gumonlanganlardan 2 nafari qo‘lga olinganini yozdi, rasmiylar ushlash holatini tasdiqladi, ammo qo‘lga olinganlar sonini aytmadi. Gumonlanuvchilardan biri aeroportda ushlangan. gazeta.uz »
O‘zbekiston prezidenti Shavkat Mirziyoyev, Yevropa kengashi prezidenti Antoniu Koshta va Yevrokomissiya prezidenti Ursula fon der Lyayen yangi Kengaytirilgan sheriklik va hamkorlik to‘g‘risidagi bitim, O‘zbekistonning JSTga a’zo bo‘lish jarayoni, shuningdek, viza tartibini soddalashtirish imkoniyatlarini muhokama qildi. gazeta.uz »
YUNESKO Bosh konferensiyasining 43-sessiyasi o‘tkazilishi munosabati bilan 30-oktabrdan 14-noyabrga qadar Samarqandga kirish yo‘llari yopiladi. IIV O‘zbekiston aholisi va mehmonlarini imkon qadar ushbu sanalarda shaharga sayohatni kechiktirishga chaqirdi. gazeta.uz »
Iqtisodiy jinoyatlarga qarshi kurashish departamentining ikki xodimi fuqarodan 25 ming dollar olayotganida ushlangani aytilmoqda. Ular jinoyat ishini ayblanuvchilar foydasiga hal qilish va soliq tekshiruvlarini noqonuniy, deb topib berishni va’da qilgan. DXXga ko‘ra, mansabdorlar oldin ham 108 ming dollar olgan. gazeta.uz »
Germaniyadagi sport- va superkarlar chiqaruvchi Porsche kompaniyasining Porsche Experience dasturi nihoyat Markaziy Osiyoga ham yetib keldi. Sentabr boshida Olmaotada 130 ga yaqin avtohavaskor avtopoligon va Sharin darasi yo‘llarida 12 xil Porsche’ni sinovdan o‘tkazdi. Jarayonda Gazeta vakili ham qatnashdi. gazeta.uz »
Prezident kuz-qish mavsumiga tayyorgarlik bo‘yicha yig‘ilishda kamchiliklarni sanadi: 125 maktab va bog‘cha ta’mirlanmagan, qariyb mingta “dom” tayyor emas, ikkita viloyatda qozonxonalar bitkazilmagan. gazeta.uz »
Turkiya va O‘zbekiston ichki ishlar vazirliklari hamkorligidagi tadbirda odam savdosida ayblanib qidiruvga berilgan ikki nafar ayol Turkiyadan deportatsiya qilindi. gazeta.uz »
O‘zbekistonda dollarning rasmiy kursi 12 171,03 so‘mgacha pasaydi - bu 2023-yil sentabridan beri eng past ko‘rsatkichdir. 1-yanvardan beri so‘m 734 so‘mga yoki 5,7 foizga mustahkamlandi. gazeta.uz »
Sirdaryo tumanida 15 yoshli o‘smir dadasining mashinasida zovurga tushib ketdi, ikki bola halok bo‘ldi. U Lacetti mashinasini otasidan beruxsat olib, katta tezlikda haydagan. Mashina salonidagi ikki yo‘lovchi voqea joyida vafot etgan, haydovchi esa jonlantirish bo‘limiga yotqizilgan. gazeta.uz »
Olmazor tumanida ayol 1 va 3 yoshli o‘g‘illarini 4-qavatdan, so‘ngra o‘zini 8-qavatdan tashladi. Oqibatda u shifoxonada vafot etdi, bolalarning hayoti saqlab qolingani aytilmoqda. Bosh prokuraturaga ko‘ra, voqeaga er-xotin o‘rtasidagi rashk tufayli kelib chiqqan kelishmovchilik sabab bo‘lgan bo‘lishi mumkin. gazeta.uz »
Shavkat Mirziyoyev o‘z takliflarini ilgari surgan 2 nafar qizni davlat idoralariga ishga taklif qildi. Ulardan biri maktabdagi maslahatchilarni grant takliflarini tayyorlash kurslarida o‘qitishni, ikkinchisi esa eshitish qobiliyatini yo‘qotgan bolalarga ingliz tilini o‘rgatish metodikasini taklif qildi. gazeta.uz »
Andijon viloyati Bo‘ston tumani hokimining investitsiya hamda qishloq va suv xo‘jaligi masalalari bo‘yicha o‘rinbosarlari pora olishda gumonlanmoqda. Ular fermerning 500 ming dollarlik eksport rejasini soxta hujjatlar orqali yopib bermoqchi bo‘lgan va buning uchun 65 mln so‘m so‘ragan. gazeta.uz »
Toshkent viloyati Bo‘stonliq tumanida davlat chegarasini noqonuniy kesib o‘tishga urinish qayd etildi. Ikki nafar Qirg‘iziston fuqarosi, ogohlantirishlarga qaramay, chegara tomon harakatni davom ettirgan. gazeta.uz »
Jizzax viloyatida erkak oilaviy nizo oqibatida 2 nafar farzandiga jismoniy zo‘ravonlik harakatlarini sodir etdi. Holat Bolalar ombudsmani nazoratga olindi. Otaga nisbatan jinoiy ish ko‘zg‘atildi. gazeta.uz »
Toshkent shahrida 18-sonli yo‘nalish avtobuslaridan biri ikkinchisining orqasidan kelib urgan. Voqea sabab avtobuslar biridagi 20 yoshli yo‘lovchi yengil jarohat olgan. gazeta.uz »
Oltinko‘l va Ulug‘nor tumanlari “Tashabbusli budjet”ning ovoz berish bosqichidan chetlatildi. Tuman ishki komissiyalarining ayrim loyihalarni asossiz ravishda rad etgani va Iqtisodiyot va moliya vazirligining ogohlantirishlariga qaramay qayta ko‘rib chiqmagani bunga sabab bo‘lgan. gazeta.uz »
Iyun-iyul oylarida Markaziy bank tomonidan 23 ta bankka nisbatan jarima sanksiyasi qo‘llanildi. Bunga jinoiy faoliyatdan olingan daromadlarni legallashtirishga, terrorizm va ommaviy qirg‘in quroli tarqatishni moliyalashtirishga qarshi kurash qoidalariga rioya qilinishida aniqlangan qoidabuzarliklar sabab bo‘lgan. gazeta.uz »
Bukmekerlik kompaniyasi brendidan foydalanib onlayn kontent tarqatgan ikki bloger ma’muriy javobgarlikka tortildi. gazeta.uz »
Oqdaryo tumanida yashovchi ikki shaxs 23 va 25 yoshdagi qizlarni pul topish uchun Hindistonga fohishalikka yuborayotgani aniqlandi. Ular Toshkent xalqaro aeroportida to‘xtatib qolindi. gazeta.uz »
18 yoshli ikki yigit Sirdaryoda o‘zlari yo‘lovchi sifatida ketayotgan mashinani olib qochdi. Yigitlardan biri yo‘lda ularni to‘xtatmoqchi bo‘lgan ichki ishlar xodimini pichoqladi. Xodimning hayoti saqlanib qolindi, yigitlar Ohangaronda ushlandi. gazeta.uz »
18 yoshli ikki yigit Sirdaryoda o‘zlari yo‘lovchi sifatida ketayotgan mashinani olib qochdi. Yigitlardan biri yo‘lda ularni to‘xtatmoqchi bo‘lgan ichki ishlar xodimi pichoqladi. Xodimning hayoti saqlanib qolindi, yigitlar Ohangaronda ushlandi. gazeta.uz »
Ohangaron suv omboriga cho‘milish uchun borgan 3 qizdan 2 nafari cho‘kib ketdi. Ulardan birining jasadi o‘sha kuni, boshqasiniki bir kun o‘tib topildi. gazeta.uz »
Iyun va iyul oylarida 73 ming o‘zbekistonlik kredit rasmiylashtirishga o‘z-o‘ziga taqiq qo‘ydi. Xizmat kiberfiribgarliklar va fuqarolar nomiga ularning xabarisiz kredit rasmiylashtirish holatlari ko‘paygan bir paytda yo‘lga qo‘yilgandi. gazeta.uz »
Surxondaryo va Namangan viloyatlarida bolalarga uy sharoitida noqonuniy diniy ta’lim berish holatlari aniqlandi. Boysunda bir kishi to‘qqizta bolani pul evaziga o‘qitib, dars paytida tayoq bilan urgan. gazeta.uz »
Uzbekistan Airways 9-avgustdan Toshkent - Andijon - Toshkent yo‘nalishi bo‘yicha muntazam aviaqatnovlarni yo‘lga qo‘yadi. Parvozlar chorshanba va shanba kunlari amalga oshiriladi. gazeta.uz »
Namangandagi “Shimoliy Farg‘ona” kanaliga cho‘milishga tushgan olti boladan 2 nafari cho‘kib ketdi. 16 yoshli bolalardan birining jasadi oradan 3 kun o‘tib topildi. Boshqasini Namangan, Chust va Pop tumanlari bo‘ylab qidirish davom etmoqda. gazeta.uz »
Qoraqalpog‘istondagi Aqchako‘l suv havzasida 36 yoshli ayol hamda uning 10 va 13 yoshli qizlari cho‘kib ketdi. Oila ko‘lga shaxsiy qayig‘i bilan tushgan, biroq u ko‘l o‘rtasiga borganda ehtiyotsizlik oqibatida cho‘kib ketgan. Holat bo‘yicha jinoiy ish ochildi. gazeta.uz »
Xitoyning Shanghai LinkWise Data Intelligence kompaniyasi Buxoro va Surxondaryo viloyatlarida har biri 300 MVt quvvatga ega ikkita data markazni qurishni ko‘rib chiqmoqda. gazeta.uz »
Ilhom Aliyev G‘arbdagi jamoatchilik fikri va OAVning ta’siri Ozarbayjonga nisbatan “o‘ta salbiy va adolatsiz” ekanini ta’kidladi. Uning aytishicha, aslida mamlakatning “haddan tashqari mustaqil siyosat olib borayotgani va ko‘rsatmalarga quloq solmayotgani G‘arbdagi ayrim doiralarning hafsalasini pir qilgan”. gazeta.uz »
O‘zbekistonning xorijdagi diplomatik vakolatxonalari ko‘magi bilan Pokiston va Rossiyada qiyin ahvolga tushib qolgan ikki fuqaro vatanga qaytarildi. Ulardan biri rus tilini bilish sertifikatni rasmiylashtira olmagani sababli noqonuniy huquqiy maqomda qolgan. Boshqasi esa yashashga puli yo‘qligini bildirgan. gazeta.uz »
