áîø - Ïîñëåäíèå íîâîñòè [ Ôîòî â íîâîñòÿõ ] | |
Yaponiya parlamenti yangi bosh vazir lavozimiga Sanae Takaitini tasdiqladi. U mamlakat tarixida ushbu lavozimni egallagan birinchi ayol bo‘ldi. Takaiti qat’iy konservator sifatida tanilgan, u, shuningdek, britaniyalik “Temir xonim” Margaret Tetcherning ixlosmandidir. gazeta.uz »
Mo‘g‘uliston parlamenti bosh vazir Gombojavin Zandanshatar lavozimidan ozod etilishi to‘g‘risida qaror qabul qildi. U bu lavozimda 4 oy ishladi. Zandanshatardan oldingi bosh vazir 4,5 yil ishlab, mamlakatdagi korrupsiya va ommaviy norozilik namoyishlari bo‘yicha ayblovlardan so‘ng lavozimini tark etgandi. gazeta.uz »
Emmanuel Makron 4 kun oldin iste’foga chiqqan Fransiya bosh vaziri Sebasten Lekornyuni bu lavozimga qayta tayinladi. Endi u yangi hukumatni shakllantirishi va budjetni tasdiqlash uchun taqdim etishi kerak bo‘ladi. gazeta.uz »
Fransiya prezidenti Emmanuel Makron 48 soat ichida 27 kundan keyin iste’foga chiqqan Sebasten Lekornyuning o‘rniga yangi bosh vazir tayinlamoqchi. Muxolifat Makronni muddatidan oldin parlament saylovlari o‘tkazishga chaqirgan. gazeta.uz »
Fransiya bosh vaziri Sebasten Lekornyu hukumatning yangi tarkibi Emmanuel Makron tarafdorlari va muxolifat tomonidan tanqid qilinganidan so‘ng iste’foga chiqdi. U bu lavozimda 27 kun ishladi - bu mamlakatning eng yangi tarixidagi eng qisqa bosh vazirlik muddati bo‘ldi. gazeta.uz »
Italiyalik mutaxassis Fabio Kannavaro O‘zbekiston milliy terma jamoasi bosh murabbiyi bo‘ldi. 2006-yilgi Jahon chempionati g‘olibi jamoani AQSh, Kanada va Meksika maydonlarida o‘tadigan Jahon chempionatiga tayyorlaydi. gazeta.uz »
2006-yilgi jahon chempionati g‘olibi va “Oltin to‘p” sohibi Fabio Kannavaro O‘zbekiston milliy terma jamoasi bosh murabbiyi bo‘lishga og‘zaki rozilik berdi, deya xabar beradi insayder Fabritsio Romano. gazeta.uz »
BMT Bosh assambleyasining 80-sessiyasida MO davlatlari rahbarlari BMTni, xususan, Xavfsizlik kengashini isloh qilishni yoqlab chiqdi. Besh davlat ham tinchlik va hamkorlik sari harakat qilishga chaqirdi. gazeta.uz »
Shavkat Mirziyoyevning BMT Bosh assambleyasining 80-sessiyasidagi nutqida eng ko‘p “maqsad”, “davlat” va “Osiyo” so‘zlari eng ko‘p ishlatildi. Nutqda eng ko‘p uchraydigan so‘z birikmalari “Markaziy Osiyo”, “doimiy rivojlanish” va “yangi O‘zbekiston” bo‘ldi. gazeta.uz »
O‘zbekiston prezidenti Nyu Yorkda BMT Bosh assambleyasining 80-sessiyasida ishtirok etadi. Davlat rahbarining tashrifi oldidan Vashington va Nyu Yorkda “Yangi O‘zbekiston: Shavkat Mirziyoyev yo‘li” kitobining taqdimotlari bo‘lib o‘tdi. gazeta.uz »
O‘zbekistonning Vladivostokdagi Bosh konsulxonasi bir guruh yoshlarning o‘zbekistonliklarga hujumi munosabati bilan Rossiya TIV va prokuraturasiga notalar yubordi. gazeta.uz »
BMT Bosh assambleyasi Falastin muammosini tinch yo‘l bilan hal etish va ikki davlat - Isroil va Falastin tuzish to‘g‘risidagi “Nyu York deklaratsiyasi”ni ma’qulladi. O‘zbekiston 142 davlat qatorida deklaratsiya to‘g‘risidagi rezolyutsiyani qo‘llab-quvvatladi. Isroil, AQSh va yana sakkizta davlat bunga qarshi chiqdi. gazeta.uz »
Nepal hukumati mamlakatda “Z avlod namoyishlari” deb nomlangan ommaviy noroziliklar fonida ijtimoiy tarmoqlarni bloklashni bekor qildi. Aksiya ishtirokchilari tarmoqlar taqiqlanishi va korrupsiyaga qarshi chiqqandi. gazeta.uz »
Fransiyada siyosiy inqiroz: deputatlar budjet taqchilligi fonida bosh vazir Fransua Bayru hukumatiga ishonchsizlik votumini e’lon qildi. U bu lavozimda sakkiz oydan biroz ko‘proq ishladi, xolos. Shu tariqa, mamlakatda ikki yildan kamroq vaqt ichida hukumatga beshinchi bosh vazir keladigan bo‘ldi. gazeta.uz »
O‘zbekiston milliy terma jamoasi bosh murabbiyi Timur Kapadze CAFA Nations Cup-2025 finalida 1:0 hisobidagi g‘alabadan so‘ng Eron terma jamoasining hakamlikdan noroziligiga izoh berdi. Eron terma jamoasi bosh murabbiyi Amir Galenoi o‘yindan keyingi matbuot anjumanida ishtirok etishdan bosh tortdi. gazeta.uz »
Yaponiya bosh vaziri Shigeru Ishiba bir yildan kamroq vaqt o‘tgach, iste’foga chiqishga qaror qildi. Isiba qarorini iyul oyidagi saylovlarda mag‘lubiyatga uchragan Liberal-demokratik partiyasidagi bo‘linishning oldini olish istagi bilan izohladi. gazeta.uz »
Tailand Konstitutsiyaviy sudi bosh vazir Pxetxongtxan Chinavatni kasb etikasini buzgani uchun lavozimidan chetlatdi. Bunga uning Kambodja sobiq bosh vaziri bilan qilgan, internetda tarqalib ketgan suhbati sabab bo‘ldi. gazeta.uz »
O‘zbekiston prezidenti farmoni bilan bosh prokuror Nig‘matilla Yo‘ldoshevga 2-darajali davlat adliya maslahatchisi, mudofaa vaziri Shuhrat Xolmuxamedov va ichki ishlar vaziri Aziz Toshpo‘latovga general-leytenant maxsus unvoni berildi. gazeta.uz »
Qirg‘izistonda Qishloq xo‘jaligi vazirligining qator mas’ullari qo‘lga olindi. Milliy xavfsizlik davlat qo‘mitasiga ko‘ra, ular chorva mollari eksporti uchun kvota berishda korrupsiyaga yo‘l qo‘ygan. gazeta.uz »
Isroil bosh vaziri Binyamin Netanyahu o‘zining G‘azoni to‘liq bosib olish rejasi bo‘yicha hukumatdan yordam so‘ramoqda. Bu garovga olinganlarni xavf ostiga qo‘yishi mumkin, deb hisoblayotgan Isroil harbiylari bunga qarshi. gazeta.uz »
O‘zbekiston va BMT hamkorlikni kengaytirish, jumladan, Markaziy Osiyoda integratsiyani chuqurlashtirish va Afg‘onistonni mintaqaviy jarayonlarga jalb etishga tayyorligini tasdiqladi. gazeta.uz »
Ekologiya vaziri Aziz Abduhakimov Chorvoqni rivojlantirish bo‘yicha bosh reja ishlab chiqilayotgani va tasdiqlangan zonalardan tashqarida yangi qurilishlarga moratoriy joriy etish zarurligini ma’lum qildi. gazeta.uz »
Rossiyaning Kamchatka o‘lkasi qirg‘oqlari yaqinida yuz bergan zilzila oqibatida O‘zbekiston fuqarolari orasida jarohatlangan yoki vafot etganlar yo‘q. Vladivostokdagi bosh konsulxona ushbu hududlarda vaqtincha bo‘lib turgan fuqarolarni FVV ko‘rsatmalariga rioya qilishga va xotirjamlikni saqlashga chaqirdi. gazeta.uz »
AQShning Nyu York shtati Manhetten shahrida otishma yuz berdi va 5 kishi, jumladan, hujum qilgan shaxsning o‘zi halok bo‘ldi. O‘zbekistonning Nyu-Yorkdagi Bosh konsulxonasi qurbonlar orasida mamlakat fuqarolari yo‘qligini bildirdi. gazeta.uz »
Toshkentning yetti oy oldin qabul qilingan bosh rejasi o‘zgartiriladi, biroq alohida tadbirkorning xohishiga ko‘ra emas, balki ilmiy yondashuvlar va jamoatchilik fikri asosida, deya ma’lum qildi Qurilish va uy-joy kommunal xo‘jaligi vazirligi vazir o‘rinbosari Davronjon Adilovning intervyusidan so‘ng. gazeta.uz »
Qurilish vaziri o‘rinbosari Davronjon Adilov tadbirkor Murod Nazarovdan Toshkent bosh rejasini o‘zgartirish bo‘yicha hech qanday taklif olmaganini va ularni ko‘rib chiqishni rejalashtirmayotganini aytdi. gazeta.uz »
Yaponiya bosh vaziri Shigeru Ishiba avgust oxirigacha iste’foga chiqishni reja qilmoqda, deb xabar beryapti mahalliy OAV. Avvalroq u rahbarlik qilayotgan hukmron partiya maslahatchilar palatasiga saylovlarda mag‘lubiyatga uchragan va ko‘pchilik o‘rinni yo‘qotgandi. gazeta.uz »
Toshkentdagi Milliy kinologiya markazida narkotiklarni qidirishga ixtisoslashgan navbatdagi 6 ta xizmat iti Koreya Respublikasi bojxona xizmatiga taqdim etildi. Shu tariqa Janubiy Koreyaga eksport qilingan xizmat itlari soni 12 taga yetdi. Ular xalqaro aeroport va dengiz portlarida xizmat qiladi. gazeta.uz »
Toshkent bosh rejasiga o‘zgartirish kiritish kutilmoqda, dedi tadbirkor Murod Nazarov. Bu haqda Qurilish vazirligi vakili ham gapirgandi. Nazarov daraxtlarni kesish cheklovlarini olib tashlash va kompensatsiya uchun “daraxtlar banki” tashkil etishni ham taklif qildi. Deputat Bobur Bekmurodov taklifni tanqid qildi. gazeta.uz »
Ukrainaning yangi bosh vaziri etib Yuliya Sviridenko tayinlandi, u mamlakatning mustaqil tarixidagi ikkinchi ayol bosh vazir bo‘ldi. Hukumatning sobiq rahbari Denis Shmigal Rustem Umerov o‘rniga mudofaa vaziri bo‘lishi kutilmoqda. gazeta.uz »
Istanbulning sobiq meri Ekrem Imamog‘lu shahar prokurori haqida aytgan gaplari uchun 1 yilu 8 oyga ozodlikdan mahrum etildi. Sudlanuvchi aybini tan olmadi, da’volar siyosiy sabablarga ko‘ra ekanini ta’kidladi. gazeta.uz »
“Surxon” davlat qo‘riqxonasida uch nafar shaxs Qizil kitobga kiritilgan 2 bosh morxo‘rni ovlagani aniqlandi. Tabiatga yetkazilgan zarar 4,5 mlrd so‘m hisoblanib, holat bo‘yicha to‘plangan hujjatlar huquqni muhofaza qiluvchi organlarga topshirildi. gazeta.uz »
BMT Bosh assambleyasi Afg‘onistondagi gumanitar vaziyat yomonlashayotganidan xavotir bildirilgan va “Tolibon”ni repressiv siyosatni to‘xtatishga chaqirgan rezolyutsiyani qabul qildi. Hujjatni 116 davlat, jumladan, O‘zbekiston qo‘llab-quvvatladi. gazeta.uz »
Tailand Konstitutsiyaviy sudi bosh vazir Pxetxongtxan Chinavatni kasbiy etika qoidalarini buzishda ayblab, lavozimidan vaqtincha chetlatdi. Bunga uning Kambodja sobiq bosh vaziri bilan suhbati tarqab ketgani sabab bo‘ldi. gazeta.uz »
O‘zbekistonda “dorixona narkomaniyasi” yosharib boryapti. O‘zbekistonda 5 mingga yaqin odam narkologik bemorlar dispanser hisobida tursa, ular orasida 10 yoshli bola ham bor. Respublika bosh narkologi Zarifjon Ashurovning qayd etishicha, yoshlarning aksariyati giyohvandlikka psixologik muammolar sabab berilyapti. gazeta.uz »
Armaniston bosh vaziri Nikol Pashinyan huquq-tartibot idoralari mamlakatda hokimiyatni egallab olishning oldini olganini ma’lum qildi. Bu “Muqaddas kurash” muxolifat harakati yetakchisi arxiyepiskop Bagrat Galstanyan va uning tarafdorlari tomonidan tayyorlangani aytildi. gazeta.uz »
O‘zbekiston energotizimining quvvati qisqa vaqt ichida 50 foizga oshib, 25 GVt ni, jumladan, 3,5 GVt “yashil” energetika quvvatlarini tashkil etdi, dedi bosh vazir o‘rinbosari Jamshid Xodjayev. “O‘zbekistonga Xudo quyosh, shamol va suvni in’om etgan. gazeta.uz »
Angren shahri sudi “Vagner” XHK tarkibida jang qilgan O‘zbekiston fuqarosining ozodligini 5 yilga chekladi. Sudlanuvchi Rossiyada giyohvand modda savdosida ayblanib, qamalgani, keyin esa majburan urushga olib ketilganini aytdi. gazeta.uz »
O‘zbekiston va Slovakiya tovar ayirboshlash hajmini 100 mln yevroga yetkazmoqchi, dedi Toshkentda bosh vazir Robert Fitso. U O‘zbekistonda amalga oshirilayotgan loyihalarni sanab o‘tdi - aeroportlarda meteorologik tizimlarni modernizatsiyalash, transportda intellektual yechimlar, Angrenda ferroqotishma ishlab chiqarish. gazeta.uz »
Ko‘ksaroy qarorgohida Slovakiya bosh vaziri Robert Fitsoni rasmiy kutib olish marosimi bo‘ldi. Foto. gazeta.uz »
Iqtisodiy o‘sish investitsiya talab qiladi, xarajatlarning bir qismi esa tashqi qarz hisobidan qoplanadi, dedi Jamshid Qo‘chqorov. Uning aytishicha, qarz o‘rtacha darajada qolmoqda va infratuzilma, ijtimoiy va boshqa sohalarni rivojlantirishga yo‘naltirilmoqda. “Buning hech qanday uyatli joyi yo‘q”, - dedi u. gazeta.uz »
O‘zbekistonga rasmiy tashrif bilan kelgan Italiya bosh vaziri Jorja Meloni Samarqand shahrida rasmiy kutib olindi. Foto. gazeta.uz »
Italiya bosh vaziri Jorja Meloni Samarqandga keldi. Uni aeroportda shaxsan prezident Shavkat Mirziyoyev kutib oldi. gazeta.uz »
Toshkent bosh rejasi va ehtimoliy “snos”lar ko‘rsatilgan interaktiv xarita tarmoqlarda muhokamalarga sabab bo‘lganidan so‘ng ochilmay qoldi. Qurilish vazirligi holatni saytdagi yuklama bilan izohladi. gazeta.uz »
Bosh prokuratura va “O‘zbekkosmos” agentligi huquqbuzarliklar va jinoyatlarni aniqlashda hamkorlik qilishga kelishib oldi. Aerokosmik texnologiyalar yordamida daraxt kesish va yashilliklarni qisqartirish, noqonuniy qurilishlar, daryo o‘zanlarini tozalash va qirg‘oqlarni mustahkamlashdagi qoidabuzarliklar kuzatiladi. gazeta.uz »
“Gazeta.uz” Toshkentdagi Bo‘rijar kanalida 43 yoshli erkak cho‘kib ketgani haqida reportajni e’lon qilganidan so‘ng Bosh prokuratura tergovga qadar tekshiruv boshladi. O‘z navbatida, suvga tushib ketgan qizni qutqarishda jasorat ko‘rsatgan marhumning yaqinlariga hamdardlik bildirildi. gazeta.uz »
O‘zbekistonning energetika, transport va boshqa infratuzilmalarni rivojlantirishga yillik ehtiyoji YIMning qariyb 10 foizini ($11,5 mlrd) tashkil etadi, dedi bosh vazir o‘rinbosari Jamshid Xodjayev. Kelasi besh yilda elektr, suv va gaz taqsimlash tarmoqlarini boshqarish xususiy operatorlarga o‘tkaziladi. gazeta.uz »
Uorren Baffet Berkshire Hathaway kompaniyasi ulushdorlarining yillik yig‘ilishida bosh direktor lavozimini tark etishini e’lon qildi. Shuningdek, u kompaniyadan butunlay ketish va uning ulushlarini sotishni rejalashtirmayotganini aytdi. gazeta.uz »
Suriya rahbari Ahmad al-Sharaa Rossiyaga sobiq prezident Bashar Asadni topshirishni so‘rab murojaat qilgani, ammo Moskva rad etganini bildirdi. Shu bilan birga, yangi hokimiyat Moskva bilan hamkorlik qilishdan bosh tortmasligi ma’lum qilindi, zotan Suriya oziq-ovqat va energiya yetkazib berishda Rossiyaga tayanadi. gazeta.uz »
Prezident Shavkat Mirziyoyev Parlamentlararo ittifoq bosh kotibi Martin Chungongni “Do‘stlik” ordeni bilan taqdirladi. Shu kunlarda Toshkentda PIning 150-assambleyasi bo‘lib o‘tmoqda. gazeta.uz »
