äåïóòàòëàð - Ïîñëåäíèå íîâîñòè [ Ôîòî â íîâîñòÿõ ] | |
Qonunchilik palatasi deputatlari fotoradar va kameralar faoliyati hamda yo‘l harakati xavfsizligi masalalari bo‘yicha Ichki ishlar vaziriga parlament so‘rovi yubordi. Unda jarimalardagi xatolar, yo‘l infratuzilmasi muammolari va tizim samaradorligiga oid masalalar ko‘tarilgan. gazeta.uz »
Deputatlar “Bozor nazorati to‘g‘risida”gi qonun loyihasini birinchi o‘qishda qabul qildi. U tovarlarni bozorga chiqishidan oldin tekshirishdan voz kechib, sotuvda mavjud mahsulotlar monitoringini ko‘zda tutadi. gazeta.uz »
Deputatlar energetika vaziri Jo‘rabek Mirzamahmudov ishtirokida eshituv o‘tkazish tashabbusi bilan chiqdi. Sabablar - elektr va gazda uzluksiz uzilishlar, past sifatli servis va avariyalarni vaqtida bartaraf etmaslik. gazeta.uz »
Deputatlar davlat budjeti to‘g‘risidagi qonun loyihasini birinchi o‘qishda ma’qulladi. Loyihaga ko‘ra, 2026-yilda O‘zbekiston YAIMning real o‘sish sur’ati 6,6 foizni tashkil etadi. 2026-yilda budjet taqchilligi chegarasi YAIMning 3 foizi, yangi tashqi qarzlar chegarasi 5 mlrd dollar miqdorida belgilangan. gazeta.uz »
Deputatlar Ma’muriy kodeksga o‘zgartirishlarni birinchi o‘qishda ma’qulladi. Ular odometr ko‘rsatkichlarini o‘zgartirganlik uchun javobgarlik, bolalar ishtirokidagi ma’muriy ishlarni ko‘rishda psixolog ishtiroki, maxsus huquqlardan mahrum qilish muddatini qisqartirish va sudyadan voz kechish huquqini nazarda tutadi. gazeta.uz »
Qonunchilik palatasi O‘zbekistonda islomiy bank faoliyatini joriy qilishga qaratilgan qonunni qabul qilib, Senatga yubordi. Qonun bilan islomiy moliya xizmatlarini ko‘rsatuvchi islomiy banklar, islomiy darchalar va islomiy mikromoliya banklar tashkil etilish uchun qonuniy asos yaratiladi. gazeta.uz »
Qonunchilik palatasi O‘zbekiston, Qirg‘iziston va Tojikiston o‘rtasida uch davlatning davlat chegaralari tutashgan nuqta to‘g‘risidagi shartnomani ratifikatsiya qilish haqidagi qonunni qabul qildi. Shartnoma mart oyida Xo‘jand shahrida uch davlat prezidentlari uchrashuvi chog‘ida imzolangan edi. gazeta.uz »
Parlament quyi palatasi oiladagi zo‘ravonlik sodir etganlarga qurol olishni taqiqlovchi qonunni qabul qildi. Bolalarga zo‘ravonlik qilganlarning qurolini olib qo‘yish tartibi ham joriy etiladi, shuningdek, olis hududlarda narkologik ekspertiza o‘tkazish komissiyalari tuzish ko‘zda tutilgan. gazeta.uz »
Deputatlar aholini shovqindan himoya qilish to‘g‘risidagi qonun loyihasini qayta ishlash uchun qaytardi. Bunga javobgarlik shovqin inson salomatligiga jiddiy zarar yetkazgan taqdirda qo‘llanishi mumkinligi haqidagi modda sabab bo‘ldi. gazeta.uz »
O‘zbekiston deputatlari islomiy bank to‘g‘risidagi qonun loyihasini birinchi o‘qishda qabul qildi. Qayd etilishicha, hujjat qabul qilinishi aholi va biznesga muqobil moliyaviy xizmatlar ko‘rsatuvchi islomiy banklar, islomiy “darcha” va islomiy mikromoliya tashkilotlarini tashkil etish imkonini beradi. gazeta.uz »
2026-yildan boshlab “Tashabbusli budjet” jarayonlari doirasida g‘olib bo‘lmagan ikkita loyihani (har mavsumda bittadan) deputatlar tashabbusiga ko‘ra g‘olib deb e’lon qilish amaliyoti joriy etiladi. G‘olib bo‘lmagan loyihalarni moliyalashtirish uchun har bir deputatga salkam 3,3 mlrd so‘m ajratiladi. gazeta.uz »
Xalq deputatlari Toshkent shahri kengashi issiq suv va issiqlik ta’minoti xizmatlari tariflari oshirilishini tasdiqladi. Aholi uchun narxni 15 foizga, yuridik shaxslar uchun 40 foizga, budjet tashkilotlari uchun 18,8 foizga oshirish rejalashtirilgan. gazeta.uz »
Deputatlar atom energetikasi sohasida davlat boshqaruvi va nazoratini takomillashtirishga doir o‘zgartirishlarni birinchi o‘qishda ma’qulladi. Energovazirlik o‘rniga Atom energiyasi agentligi soha regulyatoriga aylanishi mumkin. gazeta.uz »
Deputatlar soddalashtirilgan tartibda undiriladigan qarzlar ro‘yxatini kengaytirib, unga kommunal xizmatlar va uy to‘lovlarini ham kirituvchi qonunni qabul qildi. Unga fuqarolar bank hisobvaraqlaridan mablag‘ yechib olishni taqiqlab, ish haqi va pensiyalardan undirishga to‘sqinlik qilmaydigan tuzatish kiritildi. gazeta.uz »
Deputatlar hokimlar va kengashlar o‘rtasidagi vakolatlarni qayta taqsimlash to‘g‘risidagi qonun loyihasini birinchi o‘qishda qabul qildi. “Qizg‘in muhokamalar” haqidagi bayonotlarga qaramasdan, birorta deputat savol bermadi. gazeta.uz »
O‘zbekistonda xavfli pirotexnika turlarining muomalasini cheklash va portativ lazer nurlantirgichlarining noqonuniy aylanmasi uchun javobgarlik kiritish ko‘zda tutilgan qonun deputatlar tomonidan qabul qilinib, ma’qullash uchun Senatga yuborildi. gazeta.uz »
Deputatlar bir nechta masala yuzasidan Markaziy bank raisiga parlament so‘rovi yubordi. Xususan, ular bank sektorida davlat ulushi yuqori darajada qolayotgani, “O'zsanoatqurilishbank”, “Asakabank”, “Aloqabank”dagi davlat ulushini xususiylashtirish ancha sust ketayotgani yuzasidan tushuntirish berishni so‘ramoqda. gazeta.uz »
Deputatlar bir nechta masala yuzasidan Markaziy bank raisiga parlament so‘rovi yubordi. Xususan, ular bank sektorida davlat ulushi yuqori darajada qolayotgani, “O'zsanoatqurilishbank”, “Asakabank”, “Aloqabank”dagi davlat ulushini xususiylashtirish ancha sust ketayotgani yuzasidan tushuntirish berishni so‘ramoqda. gazeta.uz »
O‘zbekiston parlamenti quyi palatasi dala chetlari, kanallar, sug‘orish va kollektor-drenaj tarmoqlari atrofidagi maydonlardan foydalanmaganlik uchun uch barobar soliqni ko‘zda tutuvchi qonunni qabul qildi. gazeta.uz »
Iqtisodchi Behzod Hoshimov deputatlar UZIMEI’ni olib tashlash orqali o‘zbekistonliklarni milliardlab dollarga boyitishi mumkinligini ta’kidladi. U IMEI sabab iste’molchilar ham puli bilan, ham vaqti bilan to‘layotganini aytdi. gazeta.uz »
Qonunchilik palatasida “Noshirlik faoliyati to‘g‘risida”gi qonunga o‘zgartirishlar kiritish haqidagi qonun ikkinchi va uchinchi o‘qishda qabul qilindi va Senatga yuborildi. gazeta.uz »
Deputatlar “Noshirlik faoliyati to‘g‘risida”gi qonunga o‘zgartirishlarni birinchi o‘qishda savol-javobsiz qabul qildi. Mutaxassis “ma’naviy-ma’rifiy va badiiy-estetik talablar” haqidagi qism senzura quroliga aylanishi mumkinligidan xavotirda. gazeta.uz »
Qonunchilik palatasi deputatlari 90 kun yoki undan ortiq muddat chet elda bo‘lib qaytgan o‘zbekistonliklar va ishlashga kelgan xorijliklarni OIVga majburiy tibbiy ko‘rikdan o‘tkazish ko‘zda tutilgan qonunni qabul qildi. gazeta.uz »
O‘zbekistonda fermerlar dala chetlarida qishloq xo‘jaligi mahsulotlari yetishtirmasa, ularni jazolash taklif etilmoqda. Ayrim deputatlar g‘oyani qo‘llab-quvvatladi, boshqalari esa fermerlar uchun bankrotlik xavfi borligini ta’kidladi. gazeta.uz »
Deputatlar chiqindi poligonlarini yopish va rekultivatsiya qilish, chiqindilarni saralashni joriy etish, elektromobillar akkumulyatorlarini utilizatsiya qilish loyihalarining kechikishi yuzasidan Ekologiya vazirligiga parlament so‘rovi yubordi. gazeta.uz »
Qonunchilik palatasi deputatlari O‘zLiDeP fraksiyasi ishlab chiqqan xususiy sektor xodimlarini ishdan bo‘shatishni soddalashtirishga qaratilgan qonun loyihasini rad etdi. Qonunda o‘rindoshlik asosida ishlovchi xodim bilan mehnat shartnomasi bekor qilinganda kompensatsiya to‘lashni bekor qilish taklif etilgandi. gazeta.uz »
O‘zbekistonlik deputatlar soliq va tadbirkorlikka oid o‘zgartirishlar kiritish to‘g‘risidagi qonunni qabul qildi. O‘zLiDeP deputati chiqarib tashlashni taklif qilgan soxta tadbirkorlik to‘g‘risidagi modda muhokamaga sabab bo‘ldi, biroq deputatlarning aksariyati bu taklifni rad etdi. gazeta.uz »
Hukumat Qonunchilik palatasiga jarima solinmaydigan tezlik chegarasini 5 dan 10 km/soatgacha oshirish bo‘yicha loyihani kiritdi. Qonun hali qabul qilinmagan, ammo palata bu haqda fakt sifatida xabar berdi: “Endi qayd etilgan tezlikdan 10 km/soat chegirib tashlanadi”. Ekspertlarga ko‘ra, qaror noto‘g‘ri. gazeta.uz »
Qonunchilik palatasi Fuqarolarning vijdon erkinligini ta’minlash va diniy sohadagi davlat siyosati konsepsiyasini tasdiqlash to‘g‘risidagi qonunni qabul qildi. Ma’lum qilinishicha, muhokamalar asosida konsepsiyaning 10 dan ortiq bandiga o‘zgartirishlar kiritilgan. gazeta.uz »
Qonunchilik palatasi O‘zbekistonda fuqarolarning vijdon erkinligini ta’minlash va diniy sohadagi davlat siyosati konsepsiyasini tasdiqlash to‘g‘risidagi qonun loyihasini qabul qildi va Senatga yubordi. gazeta.uz »
Qonunchilik palatasi deputatlari Suv kodeksini tasdiqlash to‘g‘risidagi qonun loyihasini ikkinchi va uchinchi o‘qishda qabul qilib, Senatga yubordi. gazeta.uz »
Deputatlar Mehnat kodeksiga ish joyida tazyiq va zo‘ravonlik holatlarini taqiqlash va oldini olish, bu harakatlardan jabrlanganlarga qo‘shimcha ta’tillar berish, shuningdek, farzandli bo‘lgan erkaklarga haq to‘lanadigan ta’til ajratishni nazarda tutuvchi o‘zgartirishlarni birinchi o‘qishda qabul qildi. gazeta.uz »
Qonunchilik palatasi jamoat transporti uchun ajratilgan yo‘laklarda harakatlanganlik uchun jazoni nazarda tutuvchi qonunni qabul qildi. Huquqbuzarliklar uchun 1,12 mln va 1,87 mln so‘m jarima solish taklif qilingandi, biroq deputatlar bu miqdorlarni kamaytirishga qaror qildi. gazeta.uz »
Qonunchilik palatasi fuqarolarga o‘ziga kredit ajratilishini taqiqlash huquqini beruvchi qonunni qabul qildi. Bepul bo‘ladigan xizmat mijozning roziligisiz kredit olish yoki pulli operatsiyalarni amalga oshirish imkoniyatini cheklashga mo‘ljallangan. gazeta.uz »
Deputatlar O‘zbekistonda bukmekerlik faoliyatini qonuniylashtirish to‘g‘risidagi qonunni qabul qildi. Deputat Ilhom Abdullayev qimor o‘yinlarini reklama qilish bo‘yicha cheklovlar belgilanmaguncha bukmekerlar faoliyatiga ruxsat bermaslik kerakligini ta’kidladi. gazeta.uz »
Deputatlar elektron sigaretalar (tamakini isitish tizimlari emas, veyplar) muomalasini taqiqlash to‘g‘risidagi qonun loyihasini birinchi o‘qishda qabul qildi. Sog‘liqni saqlash vaziri bunday sigaretalar yoshlar orasida keng tarqalganini aytib, ularning zarari haqida ma’lumot berdi. gazeta.uz »
Qonunchilik palatasi chiqindi qarzlari uchun elektr to‘lovlarini cheklovchi qonunni qabul qildi. Deputatlar o‘zgartirishlarni faol muhokama qildi va yakunda cheklovlar joriy etilgunga qadar qarzni to‘lash uchun 5 kun vaqt berishga qaror qilindi. gazeta.uz »
O‘zbekiston Qonunchilik palatasi ommaviy tartibsizliklar sodir etish maqsadida o‘quvdan o‘tganlik va ularni moliyalashtirganlik uchun jinoiy javobgarlik kiritilishini nazarda tutuvchi qonunni qabul qildi. gazeta.uz »
Qonunchilik palatasi chiqindi xizmatlaridan qarz mavjud bo‘lganda elektr energiyasi uchun to‘lovni cheklashni nazarda tutuvchi qonun loyihasini ko‘rib chiqishga kirishdi. Deputat ikki yilda barcha kommunal xizmatlarni va qarzdorlikni birlashtiradigan yagona billing tizimi yaratilishini ma’lum qildi. gazeta.uz »
O‘zbekiston hukumati yana xarajatlar chegarasiga amal qilolmadi, shuning uchun Qonunchilik palatasi tashqi qarz limitini ko‘tardi. Yil boshida qonun bilan davlat kafolati ostida 5 mlrd dollardan ortiq mablag‘ jalb qilish taqiqlangan bo‘lsa, endi bu chegara 7,3 mlrd dollargacha oshirildi. gazeta.uz »
O‘zbekiston deputatlari 3 o‘qishda vazirlik va idoralarning 2024-yildagi xarajatlarini 9,98 trln so‘m yoki 775,8 mln dollarga oshirishni ma’qulladi. Ular hujjatni muhokama qilmadi, savollar va qarshi ovoz bermadi. gazeta.uz »
Qonunchilik palatasi deputatlari O‘zbekiston va Tojikiston o‘rtasidagi ittifoqchilik munosabatlari to‘g‘risidagi shartnomani ratifikatsiya qildi. TIV rahbari o‘rinbosari Ilxom Xaydarov Tojikistonning KXShTga a’zoligi O‘zbekistonning milliy manfaatlariga daxl qilmasligini aytdi. gazeta.uz »
Prezident o‘tgan chaqiriqdagi deputatlar ishiga baho berdi va parlament a’zolarining yangi tarkibi oldida turgan muammolarni sanab o‘tdi. Ular orasida vazirliklarning samarasiz ishlashi, renovatsiya qonunining qabul qilinishi, majburiy tibbiy sug‘urta, qonunchilikni JSTga muvofiqlashtirish va boshqalar bor. gazeta.uz »
Deputatlar davlat budjeti ijrosi hamda budjet xarajatlari ustidan nazorat mexanizmlarini kuchaytirishi kerak, dedi O‘zbekiston prezidenti. Shuningdek, u yer, mol-mulk va aylanmadan olinadigan soliqlarning 100 foizini, daromad solig‘ining kamida 50 foizini tuman budjetlarida qoldirish taklifini bildirdi. gazeta.uz »
Anqaradagi o‘zbekistonliklar Turkiyadagi elchixonada deputatlar saylovi uchun ovoz bermoqda. Bunda 1040 kishi ro‘yxatdan o‘tgan. Kelganlar osh va somsa bilan mehmon qilindi. So‘ng ular qo‘lda bayroq bilan vatan haqida qo‘shiq kuylab, raqsga ham tushdi. “Gazeta.uz” jarayondan reportaj tayyorladi. gazeta.uz »
O‘zbekistondagi deputatlar saylovini YXHT DIIHBning 200 dan ortiq qisqa va uzoq muddatli kuzatuvchilari kuzatib bormoqda. Byuro missiyasi rahbari Duglas Ueykning tushuntirishicha, ularning vazifasi “saylov YXHT oldidagi majburiyatlar va boshqa xalqaro standartlarga qanchalik mos kelishini” baholashdan iborat. gazeta.uz »
O‘zbekiston prezidenti Toshkent shahridagi “Alisher Navoiy” mahalla fuqarolar yig‘ini binosida deputatlar saylovida oila a’zolari bilan ovoz berdi. gazeta.uz »
O‘zbekiston deputatlari saylovi mamlakatning xorijdagi elchixonalari va konsulliklarida ham boshlandi. An’anaga ko‘ra, Moskvadagi elchixona oldida katta navbat paydo bo‘ldi. “Gazeta.uz” Rossiya, Ozarbayjon, Qozog‘iston va Qirg‘izistondagi saylovlardan olingan fotosuratlar va videolarni taqdim etadi. gazeta.uz »
Prezident topshirig‘i bilan qishloq xo‘jaligi ehtiyojlari uchun suv olish limitlari xalq deputatlari tuman (shahar) kengashlari tomonidan tasdiqlanishi belgilanmoqda. gazeta.uz »
O‘zbekiston va xorijdagi saylov uchastkalarida deputatlar saylovi bo‘yicha muddatidan oldin ovoz berish boshlandi. Qozog‘iston, Qirg‘iziston, Rossiya, Turkiya va Janubiy Koreyadagi ayrim uchastkalardan fotoreportaj. gazeta.uz »
