Aqsh - Ïîñëåäíèå íîâîñòè [ Ôîòî â íîâîñòÿõ ] | |
AQSh Venesuela qirg‘oqlarida sanksiyalangan neft tankerini egallab oldi. “Biz haqiqatan ham shu paytgacha ko‘rilgan eng ulkan tankerni qo‘lga kiritdik”, - dedi Tramp. Venesuela AQShni “oshkora o‘g‘rilik”da ayblab, tankerni egallashni “xalqaro qaroqchilik harakati” deb atadi. gazeta.uz »
Tramp ma’muriyati fuqarolarining AQShga kirishi taqiqlangan yoki cheklangan mamlakatlar ro‘yxatini 19 tadan 30 tagacha oshirishni rejalashtirmoqda. Oq uy Vashingtonda Milliy gvardiya xodimlariga uyushtirilgan hujumdan keyin migratsiya choralarini kuchaytirishni boshlagan. gazeta.uz »
AQSh hukumati H-1B ishchi vizalari uchun ariza beruvchilarni tekshirishni kuchaytiradi. Ko‘chib o‘tmoqchi bo‘lgan ish izlovchilar va ularning oila a’zolari ham Shtatlardagi “himoyalangan fikr bildirish shakllari” senzurasiga aloqadorligi tekshiriladi. Agar bunday fakt tasdiqlansa, viza berilmaydi. gazeta.uz »
AQSh ma’muriyati o‘zi yuqori xavfga ega deb hisoblagan 19 ta mamlakatning barcha immigratsiya arizalarini ko‘rib chiqishni to‘xtatdi. Qaror Oq uy yaqinida harbiylarga qilingan hujumdan keyin qabul qilingan. gazeta.uz »
AQSh rasmiylari Oq uy yaqinida sodir bo‘lgan otishma tufayli ikki amerikalik harbiy yaralanganidan so‘ng Afg‘onistondan mamlakatga kirish uchun arizalarni qabul qilishni to‘xtatdi. Hujumda gumonlanuvchi Afg‘oniston fuqarosi bo‘lib, u 2021-yilda mamlakatga kirib kelgan. gazeta.uz »
Ukraina va AQSh Jenevadagi muzokaralarda Trampning tinchlik rejasi bo‘yicha yangilangan variantni tayyorlagani va “mazmunli progress”ga erishganini bildirdi. Rubio buni “masala bo‘yicha o‘tkazgan eng samarali kunimiz” deb atadi. gazeta.uz »
OAV AQSh Venesuela bilan bog‘liq operatsiyalarning yangi bosqichini boshlashga tayyorligi haqida yozmoqda. Variantlar orasida prezident Maduro hokimiyatini ag‘darishga urinish ham bor. AQSh Venesuelani giyohvand moddalar kirib kelishida ayblaydi, shuningdek, Maduro hokimiyatini tan olmaydi. gazeta.uz »
AQSh prezidenti ma’muriyati Rossiya vakillari bilan Ukrainadagi urushni tugatish rejasi ustida yashirincha ishlay boshlagan, deb yozmoqda Amerika OAV. U 28 banddan iborat va to‘rtta kategoriya, jumladan, xavfsizlik kafolatlarini o‘z ichiga oladi. gazeta.uz »
AQSh 13-dekabrgacha “Lukoyl”ning xorijiy aktivlarini sotish va kompaniyaning xorijiy yonilg‘i quyish shoxobchalariga xizmat ko‘rsatish bilan bog‘liq bitimlarga ruxsat berdi. Kompaniyaning O‘zbekistondagi aktivlari uchun ham muddatlar uzaytirildi. gazeta.uz »
Donald Tramp amerikalik iste’molchilarning narxlar oshishidan noroziligi kuchayib borayotgani fonida 200 dan ortiq oziq-ovqat mahsulotiga nisbatan bojlarni bekor qildi. Bu Tramp pozitsiyasidagi keskin o‘zgarish bo‘lib, u uzoq vaqt davomida o‘zi joriy qilgan tariflar inflyatsiyaga hissa qo‘shmasligini aytib kelgan. gazeta.uz »
AQSh prezidenti Donald Tramp vaqtinchalik budjet to‘g‘risidagi qonunni imzoladi va shu tariqa rekord darajadagi - 43 kun davom etgan shatdaunni yakunladi. Hujjat federal idoralar ishini tiklaydi va davlat xizmatchilariga o‘tib ketgan maoshlarini to‘lab berishni kafolatlaydi. gazeta.uz »
O‘zbekiston va AQSh foydali qazilmalarni birgalikda qazib olib, tayyor mahsulotni eksport qiladi. Prezidentning AQShga tashrifi doirasida Geologiya vazirligi va Denali Exploration group kompaniyasi o‘rtasida nodir yer elementlarini ishlab chiqarish bo‘yicha hamkorlik to‘g‘risida bitim imzolangan. gazeta.uz »
O‘zbekiston Amerikaning “dunyo atom energetikasi yetakchisi” bo‘lgan kichik yadroviy reaktor texnologiyalarini o‘rganishga tayyor, dedi “O‘zatom” rahbari Azim Axmedxadjayev Gazeta’ga. Uning qo‘shimcha qilishicha, mamlakat atom energetikasi sohasida hamkorlik va texnologiyalar diversifikatsiyasini davom ettirmoqda. gazeta.uz »
Suriya muvaqqat prezidenti Ahmad al-Sharaa Oq uyda AQSh prezidenti Donald Tramp bilan uchrashdi. Mamlakat “Islom davlati” (IShID)ga qarshi kurashda AQSh boshchiligidagi koalitsiyaga qo‘shilmoqchi. gazeta.uz »
AQSh senatorlari 40 kunlik shatdaundan so‘ng hukumat ishini qayta tiklash imkonini beruvchi kelishuvga erishdi. Demokratlar sog‘liqni saqlash subsidiyalarini uzaytirish bo‘yicha keyinroq ovoz berishni o‘z ichiga olgan kelishuvga rozi bo‘ldi. gazeta.uz »
AQSh xususiy aerokosmik kompaniyasi - Vast o‘zbekistonlik mutaxassislarni o‘zining Haven-2 loyihasi doirasidagi missiyalariga jalb qilishi mumkin. Sherzod Shermatov va kompaniya vitse-prezidenti Rich Leshner o‘rtasidagi uchrashuvda bu bo‘yicha kelgusi qadamlarni belgilab beruvchi o‘zaro anglashuv memorandumi imzolandi. gazeta.uz »
Amerikaliklar uchun vizasiz rejim joriy etilgandan so‘ng, O‘zbekiston AQSh bilan o‘z fuqarolari va biznes uchun viza tartibini soddalashtirishni muhokama qiladi, dedi transport vaziri o‘rinbosari Choriyev. gazeta.uz »
AQSh prezidenti Donald Tramp O‘zbekiston bilan keyingi uch yil uchun 35 mlrd dollar, 10 yil uchun esa 100 mlrd dollarlik savdo va iqtisodiy kelishuviga erishilgani haqida ma’lum qilgandi. Iqtisodchi Mirkomil Xolboyev nima uchun bitim summasi aslida aql bovar qilmas darajada katta emasligini tushuntirdi. gazeta.uz »
AQSh Davlat departamenti O‘zbekiston prezidenti Shavkat Mirziyoyevning Vashingtonga tashrifi doirasida erishilgan bitimlar haqida ma’lumot berdi. Kelishuvlar sanoat, aviatsiya, qishloq xo‘jaligi, mineral resurslar va xavfsizlik sohalarini qamrab olgan. gazeta.uz »
O‘zbekiston va AQSh o‘rtasida milliardlab dollarlik shartnomalar imzolandi, jumladan, 5 mlrd dollarlik avtomobil butlovchi qismlari importi va UzAuto Motors’ni xususiylashtirishda AQSh kompaniyalarining ishtiroki muhokama qilindi. gazeta.uz »
Markaziy Osiyo davlatlarining AQSh bilan hamkorligi “kimgadir qarshi emas, balki biror maqsad yo‘lida - taraqqiyot, barqarorlik va farovonlik uchun” qurilishi kerak. Bu haqda Vashingtonda nutq so‘zlagan prezident huzuridagi Strategik va mintaqalararo tadqiqotlar instituti direktori Eldor Aripov ma’lum qildi. gazeta.uz »
Markaziy Osiyo nafaqat strategik jihatdan muhim, balki “avvalgi prezidentlar e’tiborsiz qoldirgan” o‘ta boy hududdir, dedi Donald Tramp “C5+1” sammitida. Uning so‘zlariga ko‘ra, tomonlar yirik bitimlar, jumladan, Amerika harbiy texnikasini yetkazib berish bo‘yicha kelishib olgan. gazeta.uz »
Gunvor kompaniyasi AQSh Moliya vazirligining qat’iy bayonotidan so‘ng “Lukoyl” neft kompaniyasi (Rossiya)ning xalqaro aktivlarini sotib olish taklifini qaytarib oldi. Vashington Gunvor`ni “Kreml qo‘g‘irchog‘i” deb atadi. gazeta.uz »
Shavkat Mirziyoyevning AQSh savdo vaziri Xovard Latnik bilan uchrashuvida hududlararo hamkorlik mexanizmlarni yaratish va qishloq xo‘jaligi sohasidagi hamkorlik haqida gaplashildi. Tomonlar, shuningdek, savdo bo‘yicha Muvofiqlashtiruvchi kengash ta’sis etishdan manfaatdor ekanini ta’kidladi. gazeta.uz »
AQSh Xalqaro moliyaviy taraqqiyot korporatsiyasi (DFC) Toshkentda vakolatxonasini ochishni rejalashtirmoqda. Bu haqda Shavkat Mirziyoyev va DFC rahbari Ben Blekning Vashingtondagi uchrashuvida so‘z bordi. gazeta.uz »
Shavkat Mirziyoyev va AQSh Eksport-import banki bosh direktori Jon Yovanovichning Vashingtondagi uchrashuvida O‘zbekiston va bank o‘rtasidagi hamkorlikni kengaytirish masalalari muhokama qilindi. Gap energetika, muhim minerallar, transport, qishloq xo‘jaligi, IT va boshqa sohalardagi loyihalar haqida ketmoqda. gazeta.uz »
Senator Jeyms Rish AQSh Kongressiga Markaziy Osiyo davlatlari, jumladan, O‘zbekistonga nisbatan Jekson-Venik tuzatishini bekor qilish to‘g‘risidagi qonun loyihasini taqdim etdi. Uning so‘zlariga ko‘ra, AQSh Markaziy Osiyo mamlakatlariga o‘z kelajagini o‘zi belgilashda yordam berishga intilmoqda. gazeta.uz »
1-yanvardan boshlab O‘zbekiston AQSh fuqarolari uchun 30 kunlik vizasiz rejimni joriy etadi. Prezident bu haqdagi farmonni imzoladi. Ushbu rejim hozirda 55 yosh va undan katta bo‘lgan sayyohlarga nisbatan qo‘llanadi. gazeta.uz »
Rossiyaning “Lukoyl” kompaniyasi AQSh sanksiyalaridan so‘ng o‘zining xalqaro aktivlarini sotmoqchi. Cheklovlarga 50 foizdan ortiq ulushi bo‘lgan shu’ba kompaniyalar ham tushgan. Sanksiyalar O‘zbekistondagi loyihalarga ham ta’sir qilishi mumkin, biroq kompaniya va Energetika vazirligi hozircha vaziyatga izoh bermadi. gazeta.uz »
Shavkat Mirziyoyev AQSh prezidentining Janubiy va Markaziy Osiyo bo‘yicha maxsus vakili Serjio Gor boshchiligidagi Amerika delegatsiyasini qabul qildi. Tomonlar hamkorlikni, jumladan, xavfsizlik, moliya va muhim minerallar sohalarida rivojlashtirish, Vashingtondagi C5+1 sammitiga tayyorgarlikni muhokama qildi. gazeta.uz »
AQSh prezidentining Janubiy va Markaziy Osiyo bo‘yicha maxsus vakili Serjio Gor va davlat kotibi o‘rinbosari Kristofer Landau oktabr oyi oxirida O‘zbekistonga tashrif buyuradi. “Keng ko‘lamli iqtisodiy va xavfsizlik masalalari” muhokama qilinishi rejalashtirilgan, deb xabar berdi AQSh Davlat departamenti. gazeta.uz »
AQSh Moliya vazirligi Rossiyaning urushni to‘xtatish bo‘yicha “tinchlik jarayoniga sodiqlik ko‘rsatmagani uchun” “Rosneft” va “Lukoyl”ga nisbatan sanksiyalar joriy etdi. Bir necha kun oldin Britaniya bu ikki kompaniyaga sanksiya qo‘llagandi. gazeta.uz »
AQSh, Misr, Qatar va Turkiya rahbarlari Sharm ash-Shayx sammitida G‘azo sektorida tinchlik deklaratsiyasini imzoladi. “Biz birgalikda hamma imkonsiz deb hisoblagan narsaga erishdik. Nihoyat Yaqin Sharqda tinchlik o‘rnatildi”, - dedi AQSh yetakchisi Donald Tramp. gazeta.uz »
Donald Tramp AQSh 1-noyabrdan Xitoydan importga qo‘shimcha 100 foizli bojlar joriy etishini ma’lum qildi. Uning so‘zlariga ko‘ra, bu Xitoyning barcha tovarlar, jumladan, nodir metallar eksportiga keng ko‘lamli cheklovlar joriy etish qaroriga javobdir. gazeta.uz »
AQSh hukumatining bir haftadan ortiq davom etayotgan shatdauni aviadispetcherlar yetishmovchiligi muammosini yanada kuchaytirib, mamlakatning eng yirik aeroportlarida parvozlarning ommaviy kechikishiga sabab bo‘ldi. gazeta.uz »
AQSh hukumati hamrohi bo‘lmagan o‘smir muhojirlar o‘z mamlakatlariga ixtiyoriy ravishda qaytsa, ularga 2500 dollar to‘lashni rejalashtirmoqda. gazeta.uz »
Oq uy Amerikaning to‘qqiz universitetiga qo‘shimcha moliyalashtirish evaziga Donald Trampning siyosiy dasturini qo‘llab-quvvatlashni taklif qildi. Universitetlar talabalarni qabul qilish, ayollar sporti, so‘z erkinligi va boshqa masalalarda ma’muriyatning ustuvor yo‘nalishlariga mos kelishi talab qilinadi. gazeta.uz »
Amerikaning Gulf kompaniyasi O‘zbekistonning barcha hududlarida 100 tagacha yoqilg‘i quyish shoxobchasi qurishni rejalashtirmoqda. Loyiha to‘liq xorijlik investor tomonidan amalga oshirilishi kutilmoqda, “O‘zbekneftgaz” esa davlat hamkori sifatida ishtirok etadi. gazeta.uz »
Shavkat Mirziyoyev va Donald Tramp prezidentlarining muzokaralari O‘zbekiston va AQSh munosabatlarini barqaror darajaga olib chiqdi, deb ta’kidladi prezidentning tashqi siyosat bo‘yicha maslahatchisi Abdulaziz Kamilov. gazeta.uz »
Endi har bir viloyat AQShning muayyan shtati bilan hamkorlik o‘rnatadi. Bu prezident topshirig‘i. U bu mahalliy tadbirkorlar va xorijiy sheriklar o‘rtasidagi aloqalarni kengaytirishi kerakligini aytdi. gazeta.uz »
O‘zbekiston tashqi ishlar vaziri o‘rinbosari Muzaffarbek Madrahimov va AQSh davlat kotibi o‘rinbosari Brent Kristensen atom energetikasi sohasida hamkorlikni kengaytirishni nazarda tutuvchi yadroviy hamkorlik bo‘yicha o‘zaro anglashuv memorandumini imzoladi. gazeta.uz »
Shavkat Mirziyoyev AQSh prezidentining maxsus vakili Serjio Gor bilan qiymati 100 mlrd dollardan ortiq loyihalarni muhokama qildi. Ularni amalga oshirishni jadallashtirish uchun AQSh Eksimbanki va DFC jamg‘armasi imkoniyatlaridan foydalanish hamda qo‘shma Muvofiqlashtiruvchi qo‘mita tashkil etish rejalashtirilmoqda. gazeta.uz »
AQSh prezidentining Janubiy va Markaziy Osiyo bo‘yicha maxsus vakili Serjio Gor Shavkat Mirziyoyevga endi u uchun Oq uyga to‘g‘ridan-to‘g‘ri murojaat yo‘li ochiq ekanini ma’lum qildi. “Tramp sizni Vashingtonda kutyapti. gazeta.uz »
O‘zbekistondagi davlat tashkilotlari va xususiy kompaniyalar AQSh kompaniyalari bilan hamkorlikka oid kamida 10 ta bitimni imzoladi. Shavkat Mirziyoyev va AQSh prezidentining maxsus vakili Serjio Gor uchrashuvida turli sohalarda 100 mlrd dollardan ziyod shartnoma va loyihalar portfeli shakllantirilgani aytildi. gazeta.uz »
AQShning O‘zbekiston va Qozog‘istondagi sobiq elchisi Deniyel Rozenblyum AQSh Markaziy Osiyodagi axborot urushida “taslim bo‘lib”, Moskva va Pekinga yo‘l ochganini aytdi. U buni Trampning USAID dasturlarini yo‘q qilgani, OAVni moliyalashtirishni to‘xtatgani bilan bog‘lab: “Hozir eng katta muammomiz - o‘zimiz”, - dedi. gazeta.uz »
AQSh 2021-yilda Afg‘onistonda qoldirilgan Bagram aviabazasi ustidan nazoratni qaytarib olmoqchi. “Ularga tekinga berib yubordik. Biz uni qaytarishga harakat qilyapmiz”, - dedi Donald Tramp. “Tolibon” bunday kelishuvga tayyor emasligini ma’lum qildi. gazeta.uz »
AQSh Davlat departamenti Green Card lotereyasi uchun ro‘yxatdan o‘tishda 1 dollarli yig‘im belgilashni taklif etmoqda. Bundan operatsion xarajatlarni faqat g‘oliblar emas, barcha ishtirokchilar zimmasiga yuklash maqsad qilingan. gazeta.uz »
AQSh va Xitoy TikTok ijtimoiy tarmog‘ini AQShdagi kompaniyaga sotish shartlari bo‘yicha umumiy kelishuvga erishdi. Donald Tramp va Si Szinpin uchrashuvidan so‘ng bitim yakuniy tasdiqlanishi kutilmoqda. gazeta.uz »
Belarusda Aleksandr Lukashenkoning AQSh prezidenti vakili bilan uchrashuvidan so‘ng 52 nafar siyosiy mahbus, jumladan, xorijliklar ozod qilindi. Bunga javoban Vashington “Belavia” aviakompaniyasiga nisbatan sanksiyalarni bekor qildi. gazeta.uz »
AQSh Davlat departamenti noimmigratsion vizalar uchun ariza berish qoidalariga o‘zgartirishlar kiritdi. Endi talabgorlar o‘zining mamlakatida yoki unga yashash huquqini bergan davlatda hujjat topshirishi kerak. gazeta.uz »
